ꠁꠘ꠆ꠎꠤꠟ ২২: ২-ꠙꠤꠔꠞ 2:1 - Siloṭi Asmani Kitab (Nagri lipi)

¹ ꠝꠘꠅ ꠞꠣꠈꠤꠅ, ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠎꠦꠟꠣ ꠜꠘ꠆ꠒ ꠘꠛꠤ ꠅꠇꠟ ꠀꠍꠟꠣ, ꠔꠥꠝꠞꠣꠞ ꠝꠣꠎꠦꠅ ꠅꠃꠟꠣ ꠜꠘ꠆ꠒ ꠃꠡ꠆ꠔꠣꠖ ꠅꠇꠟ ꠕꠣꠇꠛꠣ। ꠔꠣꠞꠣ ꠟꠥꠇꠣꠁ ꠟꠥꠇꠣꠁ ꠅꠝꠘ ꠜꠥꠟ ꠔꠣꠟꠤꠝ ꠖꠤꠛ, ꠎꠦ ꠔꠣꠟꠤꠝꠦ ꠝꠣꠘꠡꠞꠦ ꠛꠤꠘꠣꠡ ꠇꠞꠦ ꠀꠞ ꠎꠦ ꠝꠣꠟꠤꠇꠦ ꠔꠣꠞꠣꠞꠦ ꠀꠎꠣꠖ ꠇꠞꠣꠞ ꠟꠣꠉꠤ ꠈꠞꠤꠖ ꠇꠞꠍꠂꠘ, ꠅꠃ ꠝꠣꠟꠤꠇꠞꠦ ꠙꠞ꠆ꠎꠘ꠆ꠔ ꠔꠣꠞꠣ ꠅꠡ꠆ꠛꠤꠇꠣꠞ ꠇꠞꠛ। ꠅꠟꠣꠈꠣꠘ ꠈꠥꠛ ꠎꠟꠖꠤ ꠔꠣꠞꠣ ꠘꠤꠎꠞ ꠃꠙꠞꠦ ꠛꠤꠘꠣꠡ ꠒꠣꠇꠤꠀ ꠀꠘꠛ।

ছিলটি আছমানি কিতাব (বাংলা লিপি)

¹ মনো রাখিও, বনি ইছরাইলর মাজে যেলা ভন্ড নবী অকল আছলা, তুমরার মাজেও অউলা ভন্ড উস্তাদ অকল থাকবা। তারা লুকাই লুকাই অমন ভুল তালিম দিবো, যে তালিমে মানষরে বিনাশ করে আর যে মালিকে তারারে আজাদ করার লাগি খরিদ করছইন, অউ মালিকরে পর্যন্ত তারা অস্বীকার করবো। অলাখান খুব জলদি তারা নিজর উপরে বিনাশ ডাকিয়া আনবো।

Siloṭi Asmani Kitab (Latin lipi)

¹ Mono rakio, Boni Israilor maze zela bonḍo nobi oḳol asla, tumrar maze-o oula bonḍo ustad oḳol taḳba. Tara lukai lukai omon bul talim dibo, ze talime manshore binash ḳore ar ze malike tarare azad ḳorar lagi korid ḳorsoin, ou malikre forzonto tara oshikar ḳorbo. Olaḳan kub zoldi tara nizor ufre binash ḍakia anbo.

ꠁꠘ꠆ꠎꠤꠟ ২২: ২-ꠙꠤꠔꠞ 2:1 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 15:16

ꠔꠣꠞꠣꠞ ꠜꠤꠔꠞꠦ ꠒꠞ-ꠈꠚ ꠀꠁꠀ ꠢꠣꠝꠣꠁꠍꠦ, ꠔꠥꠝꠣꠞ ꠀꠔꠞ ꠑꠦꠟꠣꠄ ꠙꠣꠔ꠆ꠔꠞꠞ ꠟꠣꠈꠣꠘ ꠘꠤꠞꠣꠁ ꠅꠁꠉꠦꠍꠦ। ꠅ ꠝꠣꠛꠥꠖ, ꠔꠥꠝꠣꠞ ꠙ꠆ꠞꠎꠣ ꠅꠇꠟ, ꠔꠥꠝꠣꠞ ꠈꠞꠤꠖꠣ ꠉꠥꠟꠣꠝ ꠅꠇꠟ, ꠙꠥꠞꠣꠙꠥꠞ ꠙꠣꠞ ꠘꠣ ꠅꠀ ꠙꠞ꠆ꠎꠘ꠆ꠔ ꠔꠥꠝꠤ ꠅꠃꠟꠣ ꠞꠣꠈꠍ।

ꠁꠘ꠆ꠎꠤꠟ ১: ꠝꠕꠤ 10:33

ꠅꠁꠟꠦ ꠎꠦ ꠝꠣꠘꠡꠦ ꠡꠝꠣꠎꠞ ꠍꠣꠝꠘꠦ ꠀꠝꠣꠞꠦ ꠅꠡ꠆ꠛꠤꠇꠣꠞ ꠇꠞꠛ, ꠀꠝꠤꠅ ꠔꠣꠞꠦ ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣꠞ ꠍꠣꠝꠘꠦ ꠅꠡ꠆ꠛꠤꠇꠣꠞ ꠇꠞꠝꠥ।

ꠁꠘ꠆ꠎꠤꠟ ১: ꠝꠕꠤ 24:11

ꠛꠃꠔ ꠜꠘ꠆ꠒ ꠘꠛꠤ ꠀꠁꠀ ꠝꠣꠘꠡꠞꠦ ꠐꠉꠤꠛꠣ।

ꠁꠘ꠆ꠎꠤꠟ ১: ꠝꠕꠤ 24:24

ꠇꠣꠞꠘ ꠀꠟ-ꠝꠍꠤ ꠘꠣꠝ ꠟꠁꠀ ꠛꠃꠔ ꠜꠘ꠆ꠒ ꠀꠁꠛꠣ, ꠘꠛꠤ ꠢꠣꠎꠤꠀꠅ ꠛꠃꠔ ꠜꠘ꠆ꠒ ꠀꠁꠛꠣ। ꠁꠔꠣꠄ ꠛꠃꠔ ꠛꠠ ꠛꠠ ꠀꠌꠣꠘꠇ ꠇꠦꠞꠣꠝꠔꠤ ꠇꠣꠝ ꠖꠦꠈꠣꠁꠛꠣ। ꠔꠣꠞꠣ ꠌꠣꠁꠛꠣ, ꠡꠥꠎꠥꠉ ꠙꠣꠁꠟꠦ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣꠞꠦ ꠗꠥꠇꠣ ꠖꠤꠀ ꠛꠦ-ꠙꠕꠦ ꠘꠤꠔꠣꠉꠤ।

ꠁꠘ꠆ꠎꠤꠟ ১: ꠝꠕꠤ 24:5

ꠛꠃꠔ ꠎꠘꠦ ꠀꠝꠣꠞ ꠘꠣꠝ ꠗꠞꠤꠀ ꠀꠁꠛ, ꠀꠁꠀ ꠇꠁꠛ, ꠀꠝꠤꠃ ꠀꠟ-ꠝꠍꠤ, ꠇꠁꠀ ꠛꠃꠔꠞꠦ ꠐꠉꠤꠛ।

ꠁꠘ꠆ꠎꠤꠟ ১: ꠝꠕꠤ 7:15

“ꠜꠘ꠆ꠒ ꠘꠛꠤ ꠅꠇꠟ ꠕꠣꠇꠤ ꠢꠥꠡꠤꠀꠞ ꠞꠁꠅ। ꠔꠣꠞꠣ ꠔꠥꠝꠞꠣꠞ ꠉꠦꠍꠦ ꠝꠦꠠꠣꠞ ꠍꠥꠞꠔꠦ ꠀꠄ, ꠅꠁꠟꠦ ꠜꠤꠔꠞꠦ ꠜꠤꠔꠞꠦ ꠔꠣꠞꠣ ꠞꠣꠁꠇ꠆ꠇꠡ ꠛꠣꠊꠞ ꠟꠣꠈꠣꠘ।

Injil 2: Markus 13:22

ꠇꠣꠞꠘ ꠛꠃꠔ ꠜꠘ꠆ꠒꠄ ꠀꠁꠀ ꠇꠁꠛ, ꠀꠝꠤꠃ ꠀꠟ-ꠝꠍꠤ, ꠀꠞ ꠛꠃꠔ ꠜꠘ꠆ꠒ ꠘꠛꠤꠅ ꠀꠁꠛꠣ। ꠡꠝ꠆ꠛꠛ ꠅꠁꠟꠦ ꠔꠣꠞꠣ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦꠅ ꠗꠥꠇꠣ ꠖꠤꠀ ꠛꠦ-ꠙꠕꠦ ꠘꠤꠔꠣ ꠇꠞꠤ ꠛꠃꠔ ꠇꠦꠞꠣꠝꠔꠤ-ꠝꠥꠎꠦꠎꠣ ꠖꠦꠈꠣꠁꠛꠣ।

Injil 3: Luk 12:9

ꠅꠁꠟꠦ ꠎꠦ ꠝꠣꠘꠡꠦ ꠡꠝꠣꠎꠞ ꠍꠣꠝꠘꠦ ꠀꠝꠣꠞꠦ ꠅꠡ꠆ꠛꠤꠇꠣꠞ ꠇꠞꠛ, ꠀꠝꠤꠅ ꠔꠣꠞꠦ ꠀꠟ꠆ꠟꠣꠞ ꠚꠤꠞꠤꠡ꠆ꠔꠣ ꠅꠇꠟꠞ ꠍꠣꠝꠘꠦ ꠅꠡ꠆ꠛꠤꠇꠣꠞ ꠇꠞꠝꠥ।

Injil 3: Luk 21:8

ꠔꠣꠁꠘ ꠇꠁꠟꠣ, “ꠢꠥꠡꠤꠀꠞ ꠞꠁꠅ, ꠇꠦꠃ ꠎꠣꠘꠥ ꠔꠥꠝꠞꠣꠞꠦ ꠛꠦ-ꠙꠕꠦ ꠘꠣ ꠘꠦꠄ। ꠛꠃꠔ ꠎꠘꠦ ꠀꠝꠣꠞ ꠘꠣꠝ ꠗꠞꠤ ꠀꠁꠀ ꠇꠁꠛ, ꠡꠝꠄ ꠅꠁꠉꠦꠍꠦ, ꠀꠝꠤꠃ ꠀꠟ-ꠝꠍꠤ। ꠅꠁꠟꠦ ꠔꠥꠝꠞꠣ ꠁꠔꠣꠞ ꠈꠞꠦ ꠎꠣꠁꠅ ꠘꠣ।

Injil 3: Luk 6:26

ꠢꠣꠄꠞꠦ ꠢꠣꠄ, ꠝꠣꠘꠡꠦ ꠎꠦꠛꠟꠣ ꠔꠥꠝꠞꠣꠞ ꠡꠥꠘꠣꠝ ꠉꠣꠄ, ꠎꠣꠘ ꠘꠤ, ꠅꠔꠣ ꠝꠣꠘꠡꠞ ꠛꠣꠚ-ꠖꠣꠖꠣꠁꠘ꠆ꠔꠦꠅ ꠀꠉꠞ ꠀꠝꠟꠞ ꠜꠘ꠆ꠒ ꠘꠛꠤ ꠅꠇꠟꠞ ꠅꠟꠣ ꠡꠥꠘꠣꠝ ꠉꠣꠁꠔ।

Injil 6: Ruman 16:18

ꠇꠣꠞꠘ ꠁꠔꠣꠄ ꠀꠝꠞꠣꠞ ꠝꠣꠟꠤꠇ ꠀꠟ-ꠝꠍꠤꠞ ꠉꠥꠟꠣꠝꠤ ꠘꠣ ꠇꠞꠤꠀ, ꠔꠣꠞꠣꠞ ꠙꠦꠐꠞ ꠉꠥꠟꠣꠝꠤ ꠇꠞꠦ। ꠝꠤꠑꠣ ꠝꠤꠑꠣ ꠝꠣꠔ ꠝꠣꠔꠤꠀ ꠀꠞ ꠔꠦꠟ ꠝꠣꠟꠤꠡ ꠇꠞꠤꠀ ꠡꠞꠟ-ꠡꠥꠎꠣ ꠝꠣꠘꠡꠞꠦ ꠛꠦ-ꠙꠕꠤ ꠛꠣꠘꠣꠄ।

Injil 7: 1-Korintia 11:19

ꠀꠍꠟꠦ ꠔ ꠔꠥꠝꠞꠣꠞ ꠝꠣꠎꠦ ꠝꠔꠞ ꠅꠝꠤꠟ ꠕꠣꠇꠛꠃ, ꠎꠣꠔꠦ ꠔꠥꠝꠞꠣꠞ ꠝꠣꠎꠞ ꠈꠣꠐꠤ ꠘꠤꠈꠥꠔ ꠝꠣꠘꠡꠞ ꠙꠞꠤꠌꠄ ꠝꠤꠟꠦ।

Injil 7: 1-Korintia 6:20

ꠛꠃꠔ ꠖꠣꠝ ꠖꠤꠀ ꠔꠥꠝꠣꠞꠦ ꠈꠞꠤꠖ ꠇꠞꠣ ꠅꠁꠍꠦ। ꠄꠞꠟꠣꠉꠤ ꠔꠥꠝꠣꠞ ꠡꠞꠤꠟꠞꠦ ꠀꠟ꠆ꠟꠣꠞ ꠉꠃꠞꠛꠞ ꠇꠣꠝꠅ ꠟꠣꠉꠣꠅ।

Injil 7: 1-Korintia 7:23

ꠜꠣꠁꠀꠁꠘꠞꠦ, ꠔꠥꠝꠞꠣꠞꠦ ꠛꠃꠔ ꠖꠣꠝꠖꠤ ꠈꠞꠤꠖ ꠇꠞꠣ ꠅꠁꠍꠦ, ꠄꠞꠟꠣꠉꠤ ꠝꠣꠘꠡꠞ ꠉꠥꠟꠣꠝ ꠛꠘꠤꠅ ꠘꠣ।

Injil 9: Galatia 2:4

ꠀꠍꠟꠦ ꠁꠝꠣꠘꠖꠣꠞ ꠖꠟꠞ ꠜꠤꠔꠞꠦ ꠇꠄꠎꠘ ꠝꠥꠘꠣꠚꠤꠇ ꠢꠣꠝꠣꠘꠤꠄ ꠅꠟꠣ ꠅꠁꠟ। ꠁꠍꠣ ꠀꠟ-ꠝꠍꠤꠞ ꠃꠝ꠆ꠝꠔ ꠛꠘꠣꠄ ꠀꠝꠞꠣ ꠎꠦ ꠡ꠆ꠛꠣꠗꠤꠘꠔꠣ ꠙꠣꠁꠍꠤ, ꠅꠔꠣꠞ ꠈꠥꠔ ꠗꠞꠣꠞ ꠟꠣꠉꠤꠃ ꠄꠞꠣ ꠢꠣꠝꠣꠁꠍꠤꠟ, ꠎꠣꠔꠦ ꠀꠝꠞꠣꠞꠦ ꠝꠥꠍꠣꠞ ꠡꠞꠤꠅꠔꠞ ꠉꠥꠟꠣꠝꠤꠔ ꠞꠣꠈꠔ ꠙꠣꠞꠦ।

Injil 9: Galatia 3:13

ꠡꠞꠤꠅꠔꠞ ꠛꠞꠈꠦꠟꠣꠚ ꠇꠞꠣꠄ ꠀꠝꠞꠣꠞ ꠃꠙꠞꠦ ꠎꠦ ꠟꠣꠘ꠆ꠘꠔ ꠀꠍꠤꠟ, ꠅꠃ ꠟꠣꠘ꠆ꠘꠔ ꠀꠟ-ꠝꠍꠤꠄ ꠔꠣꠘ ꠘꠤꠎꠞ ꠇꠣꠘ꠆ꠖꠅ ꠘꠤꠀ ꠀꠝꠞꠣꠞꠦ ꠀꠎꠣꠖ ꠇꠞꠍꠂꠘ। ꠀꠟ꠆ꠟꠣꠞ ꠇꠣꠟꠣꠝꠅ ꠔ ꠀꠍꠦ, “ꠉꠣꠍꠅ ꠟꠐꠇꠣꠁꠀ ꠎꠣꠞꠦ ꠎꠣꠘꠦ ꠝꠣꠞꠣ ꠅꠄ, ꠢꠦ ꠟꠣꠘ꠆ꠘꠔꠤ।”

Injil 9: Galatia 4:17

ꠢꠥꠘꠅ, ꠅꠃ ꠎꠦꠉꠥꠁꠘ꠆ꠔꠦ ꠔꠥꠝꠞꠣꠞ ꠈꠥꠎ-ꠈꠛꠞ ꠟꠁꠞꠣ, ꠅꠉꠥꠁꠘ ꠔ ꠛꠖ ꠘꠤꠅꠔꠦ ꠀꠁꠞꠣ। ꠔꠣꠞꠣ ꠌꠣꠁꠘ, ꠔꠥꠝꠞꠣꠞꠦ ꠀꠝꠣꠞ ꠛꠣꠄ ꠕꠘꠦ ꠚꠤꠞꠣꠁꠀ, ꠔꠣꠞꠣꠞ ꠀꠡꠤꠇ ꠛꠣꠘꠣꠁꠔꠣ।

Injil 9: Galatia 5:20

ꠖꠦꠛꠔꠣ ꠙꠥꠎꠣ, ꠎꠣꠖꠥ-ꠐꠥꠘꠣ, ꠖꠥꠡꠝꠘꠤ, ꠇꠣꠁꠎ꠆ꠎꠣ-ꠚꠍꠣꠖ, ꠟꠥꠜ-ꠟꠣꠟꠌ, ꠉꠥꠍꠣ, ꠘꠤꠎ-ꠝꠔꠟꠛꠤ, ꠅꠝꠤꠟ, ꠖꠟꠣꠖꠟꠤ,

Injil 10: Ifisia 1:7

ꠀꠟ-ꠝꠍꠤꠞ ꠙꠛꠤꠔ꠆ꠞ ꠇꠥꠞꠛꠣꠘꠤꠞ ꠃꠍꠤꠟ꠆ꠟꠣꠄ ꠔꠣꠘ ꠟꠃꠞ ꠛꠖꠟꠣ ꠀꠝꠞꠣ ꠉꠥꠘꠣꠞ ꠡꠣꠎꠣ ꠕꠣꠇꠤ ꠈꠣꠟꠣꠍ ꠙꠣꠁꠍꠤ, ꠀꠝꠞꠣ ꠅꠃ ꠝꠣꠚꠤ ꠙꠣꠁꠍꠤ, ꠁꠔꠣ ꠔ ꠀꠟ꠆ꠟꠣ ꠙꠣꠇꠞ ꠈꠣꠍ ꠞꠢꠝꠔ।

Injil 10: Ifisia 4:14

ꠔꠦꠃ ꠀꠝꠞꠣ ꠀꠞ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠞꠁꠔꠣꠝ ꠘꠣꠄ। ꠝꠣꠘꠡꠦ ꠡꠄꠔꠣꠘꠤ ꠀꠈꠟ ꠈꠣꠐꠣꠁꠀ ꠛꠦ-ꠙꠕꠦ ꠘꠤꠛꠣꠞ ꠟꠣꠉꠤ ꠝꠣꠘꠡꠞꠦ ꠎꠦ ꠜꠥꠟ ꠔꠣꠟꠤꠝ ꠖꠦꠄ, ꠅꠃ ꠜꠥꠟ ꠔꠣꠟꠤꠝꠦ ꠎꠣꠘꠥ ꠀꠝꠞꠣꠞꠦ ꠙꠣꠘꠤꠞ ꠀꠃꠟꠣ-ꠎꠣꠃꠟꠣ ꠓꠦꠃꠞ ꠟꠣꠈꠣꠘ ꠖꠥ-ꠖꠤꠟꠣ ꠘꠣ ꠛꠣꠘꠣꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:6

ꠢꠣꠄꠞꠦ ꠀꠝ꠆ꠝꠇ ꠘꠣꠖꠣꠘ, ꠢꠣꠄꠞꠦ ꠛꠦꠀꠈꠟ, ꠅꠃꠘꠤ ꠔꠥꠝꠞꠣ ꠛꠖꠟꠣ ꠖꠤꠟꠣꠄ, ꠝꠣꠛꠥꠖꠞ ꠖꠣꠘꠞ? ꠔꠣꠁꠘꠦꠃ ꠔꠥꠝꠞꠣꠞ ꠙꠄꠖꠣ ꠇꠞꠞꠣ ꠙꠞꠅꠀꠞ ꠖꠤꠉꠣꠞ ꠘꠤ? ꠛꠅꠀꠁꠟ ꠇꠞꠟꠣ ꠔꠥꠝꠞꠣꠞ ꠁꠍꠞꠣꠁꠟ ꠎꠣꠔꠤ।

Injil 11: Filifia 3:19

ꠔꠣꠞꠣꠞ ꠇꠙꠣꠟꠅ ꠀꠍꠦ ꠛꠤꠘꠣꠡ। ꠔꠣꠞꠣꠞ ꠙꠦꠐꠃ ꠔꠣꠞꠣꠞ ꠀꠟ꠆ꠟꠣ। ꠘꠣꠚꠞꠝꠣꠘꠤ ꠇꠣꠝ ꠟꠁꠀ ꠔꠣꠞꠣ ꠛꠠꠣꠁ ꠇꠞꠦ, ꠈꠣꠟꠤ ꠖꠥꠘꠤꠀꠞ ꠗꠣꠘ꠆ꠖꠣꠄ ꠙꠣꠉꠟ।

Injil 12: Kolosia 2:18

ꠎꠦꠞꠣ ꠘꠤꠎꠞ ꠡꠞꠤꠟꠞꠦ ꠇꠡ꠆ꠐ ꠖꠦꠅꠀ ꠀꠞ ꠚꠤꠞꠤꠡ꠆ꠔꠣ ꠅꠇꠟꠞ ꠄꠛꠣꠖꠔ ꠇꠞꠣꠞꠦ ꠎꠞꠥꠞꠤ ꠝꠘꠅ ꠇꠞꠦ, ꠄꠞꠣ ꠎꠣꠘꠥ ꠔꠥꠝꠞꠣꠞꠦ ꠙꠥꠞꠥꠡ꠆ꠇꠣꠞꠞ ꠙꠕ ꠕꠣꠇꠤ ꠢꠞꠣꠁꠔ ꠘꠣ ꠙꠣꠞꠦ। ꠅꠃ ꠘꠝꠥꠘꠣꠞ ꠝꠣꠘꠡꠦ ꠎꠦꠔꠣ ꠖꠦꠈꠍꠦ ꠇꠁꠀ ꠈꠣꠝꠈꠣ ꠛꠠꠣꠁ-ꠛꠦꠐꠣꠉꠤꠞꠤ ꠇꠞꠦ, ꠀꠞ ꠅꠔꠣ ꠟꠁꠀ ꠛꠠ ꠛꠠ ꠉꠚ ꠝꠣꠞꠦ, ꠀꠍꠟꠦ ꠄꠞꠣꠞ ꠅꠘ꠆ꠔꠞ ꠔ ꠈꠣꠟꠤ ꠖꠥꠘꠤꠀꠛꠤ ꠌꠤꠘ꠆ꠔꠣꠄ ꠜꠞꠣ।

Injil 12: Kolosia 2:8

ꠔꠥꠝꠞꠣ ꠢꠥꠡꠤꠀꠞ ꠞꠁꠅ, ꠇꠦꠃ ꠎꠣꠘꠥ ꠔꠥꠝꠞꠣꠞꠦ ꠝꠣꠘꠡꠞ ꠛꠣꠘꠣꠁꠟ ꠝꠘꠉꠠꠣ ꠔꠣꠟꠤꠝꠖꠤ ꠛꠣꠘ꠆ꠖꠤꠀ ꠛꠦ-ꠙꠕꠦ ꠐꠣꠘꠤꠀ ꠘꠤꠔ ꠘꠣ ꠙꠣꠞꠦ। ꠀꠟ-ꠝꠍꠤꠞ ꠟꠉꠦ ꠁ ꠔꠣꠟꠤꠝꠞ ꠇꠥꠘꠥ ꠝꠤꠟ ꠘꠣꠁ, ꠁꠔꠣ ꠔ ꠝꠣꠘꠡꠞ ꠝꠘꠉꠠꠣ ꠞꠍꠥꠝꠔ ꠀꠞ ꠖꠥꠘꠤꠀꠛꠤ ꠘꠣꠘꠣꠘ ꠀꠌꠣꠞ-ꠛꠦꠛꠢꠣꠞꠞ ꠃꠙꠞꠦ ꠜꠞꠡꠣ ꠇꠞꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:8

ꠎꠦ ꠎꠘꠦ ꠀꠙꠘ ꠎꠘꠞꠦ, ꠈꠣꠍ ꠇꠞꠤ ꠘꠤꠎꠞ ꠙꠞꠤꠛꠣꠞꠞ ꠝꠣꠘꠡꠞ ꠖꠦꠈꠣ-ꠢꠥꠘꠣ ꠇꠞꠦ ꠘꠣ, ꠢꠦ ꠀꠍꠟꠦ ꠁꠍꠣꠄꠁ ꠁꠝꠣꠘꠞꠦꠃ ꠅꠡ꠆ꠛꠤꠇꠣꠞ ꠇꠞꠟ। ꠁꠉꠥ ꠔ ꠛꠤꠗꠞ꠆ꠝꠤ ꠕꠣꠇꠤꠅ ꠛꠣꠖ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:3

ꠀꠉꠦꠖꠤ ꠅꠟꠣ ꠡꠝꠄ ꠀꠁꠛ, ꠎꠦꠛꠟꠣ ꠢꠣꠍꠣ ꠔꠣꠟꠤꠝ ꠝꠣꠘꠡꠞ ꠡꠁꠎ꠆ꠎ ꠅꠁꠔ ꠘꠣꠄ, ꠛꠞꠋ ꠘꠤꠎꠞ ꠝꠘꠞ ꠈꠣꠁꠡ ꠙꠥꠞꠣꠁꠔꠣ ꠇꠞꠤ ꠔꠣꠞꠣ ꠅꠟꠣꠈꠣꠘ ꠃꠡ꠆ꠔꠣꠖ ꠗꠞꠛꠣ, ꠎꠦꠔꠣꠄ ꠔꠣꠞꠣꠞ ꠝꠘ ꠎꠥꠉꠣꠁꠀ ꠝꠘꠉꠠꠣ ꠔꠣꠟꠤꠝ ꠖꠤꠛꠣ।

Injil 17: Titas 1:11

ꠁꠔꠣꠞ ꠝꠥꠈ ꠛꠘ꠆ꠖ ꠇꠞꠣ ꠎꠞꠥꠞ। ꠁꠔꠣꠄ ꠇꠥ-ꠙꠕꠦ ꠐꠦꠇꠣ ꠇꠣꠝꠣꠘꠤꠞ ꠀꠡꠣꠄ ꠅꠟꠣ ꠔꠣꠟꠤꠝ ꠖꠦꠁꠘ, ꠎꠦ ꠔꠣꠟꠤꠝ ꠖꠦꠅꠀ ꠔꠣꠞꠣꠞ ꠟꠣꠉꠤ ꠑꠤꠇ ꠘꠣꠄ। ꠁ ꠔꠣꠟꠤꠝ ꠖꠤꠀ ꠇꠥꠘꠥ ꠇꠥꠘꠥ ꠙꠞꠤꠛꠣꠞꠞꠦ ꠛꠤꠉꠠꠣꠁꠟꠤꠞꠣ।

Injil 17: Titas 3:10

ꠎꠦ ꠝꠣꠘꠡꠦ ꠖꠟꠣꠖꠟꠤ ꠟꠣꠉꠣꠄ, ꠔꠣꠞꠦ ꠙꠄꠟꠣ ꠄꠇꠛꠣꠞ, ꠛꠣꠖꠦ ꠖꠥꠍꠞꠣꠛꠣꠞꠅ ꠢꠥꠡꠤꠀꠞ ꠇꠞꠤꠅ, ꠁꠔꠣꠄ ꠎꠥꠖꠤ ꠢꠦ ꠘꠣ ꠛꠖꠟꠦ, ꠔꠦ ꠔꠣꠞ ꠟꠉꠦ ꠌꠟꠣ-ꠚꠤꠞꠣ ꠄꠇ꠆ꠇꠦꠞꠦ ꠛꠣꠖ ꠖꠤꠟꠣꠁꠅ।

Injil 19: Ibrani 10:29

ꠔꠦ ꠌꠤꠘ꠆ꠔꠣ ꠇꠞꠤ ꠖꠦꠈꠃꠇ꠆ꠇꠣ, ꠎꠦ ꠎꠘꠦ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞꠦ ꠊꠤꠘ ꠇꠞꠦ, ꠢꠦ ꠀꠞꠅ ꠇꠔ ꠛꠠ ꠀꠎꠣꠛꠞ ꠜꠣꠉꠤ ꠅꠁꠍꠦ! ꠎꠦ ꠟꠃꠞ ꠃꠍꠤꠟ꠆ꠟꠣꠄ ꠢꠦ ꠙꠣꠇ-ꠍꠣꠚ ꠅꠁꠍꠦ, ꠀꠟ꠆ꠟꠣꠁ ꠢꠃ ꠃꠍꠤꠟ꠆ꠟꠣꠞ ꠟꠃꠞꠦ ꠢꠦ ꠄꠟꠣꠝꠤ ꠇꠞꠍꠦ, ꠀꠞ ꠎꠦ ꠙꠣꠇ ꠞꠥꠢꠦ ꠞꠢꠝꠔ ꠛꠈꠡꠤꠀ ꠖꠦꠁꠘ, ꠢꠃ ꠞꠥꠢꠥꠞꠦꠅ ꠛꠦꠁꠎ꠆ꠎꠔ ꠇꠞꠍꠦ।

ꠁꠘ꠆ꠎꠤꠟ ২১: ১-ꠙꠤꠔꠞ 1:8

ꠎꠥꠖꠤꠅ ꠀꠟ-ꠝꠍꠤꠞꠦ ꠔꠥꠝꠞꠣ ꠖꠦꠈꠍ ꠘꠣ, ꠔꠦꠛꠃ ꠔꠥꠝꠞꠣ ꠔꠣꠘꠞꠦ ꠝꠢꠛ꠆ꠛꠔ ꠇꠞꠞꠣꠄ। ꠀꠞ ꠅꠈꠘꠅ ꠔꠣꠘꠞꠦ ꠌꠃꠈꠦ ꠘꠣ ꠖꠦꠈꠟꠦꠅ, ꠈꠥꠡꠤ ꠅꠁꠀ ꠔꠣꠘꠞꠦ ꠄꠇꠤꠘ ꠇꠞꠞꠣꠄ, ꠁ ꠈꠥꠡꠤ ꠔ ꠜꠣꠡꠣꠄ ꠇꠅꠀ ꠎꠣꠄ ꠘꠣ, ꠁꠔꠣ ꠈꠣꠟꠤ ꠛꠦꠢꠦꠡ꠆ꠔꠤ ꠈꠥꠡꠤ।

ꠁꠘ꠆ꠎꠤꠟ ২২: ২-ꠙꠤꠔꠞ 2:3

ꠟꠥꠜ-ꠟꠣꠟꠌ ꠇꠞꠤꠀ ꠍꠟ-ꠌꠔꠥꠞꠤꠞ ꠝꠣꠔ ꠝꠣꠔꠤꠀ, ꠘꠤꠎꠞ ꠟꠣꠜꠞ ꠀꠡꠣꠄ ꠔꠣꠞꠣ ꠔꠥꠝꠞꠣꠞꠦ ꠇꠣꠝꠅ ꠟꠣꠉꠣꠁꠛ। ꠔꠣꠞꠣꠞ ꠙꠣꠅꠘꠣ ꠡꠣꠎꠣ ꠔ ꠛꠃꠔ ꠖꠤꠘ ꠕꠣꠇꠤ ꠛꠣꠞ ꠌꠣꠞ, ꠔꠣꠞꠣꠞ ꠛꠤꠘꠣꠡꠅ ꠛꠦꠡꠤ ꠖꠦꠞꠤ ꠘꠣꠄ।

Injil 23: 1-Hannan 2:26

ꠢꠥꠘꠅ, ꠔꠥꠝꠞꠣꠞꠦ ꠎꠦꠉꠥꠁꠘ꠆ꠔꠦ ꠛꠦ-ꠙꠕꠤ ꠛꠣꠘꠣꠁꠔ ꠌꠣꠄ, ꠅꠔꠣꠞ ꠙꠞꠤꠌꠄ ꠎꠣꠘꠣꠘꠤꠞ ꠟꠣꠉꠤ ꠀꠝꠤ ꠁꠔꠣ ꠟꠦꠈꠟꠣꠝ।

Injil 23: 1-Hannan 4:1

ꠅ ꠡꠥꠘꠣ ꠅꠇꠟ, ꠖꠥꠘꠤꠀꠔ ꠛꠃꠔ ꠜꠘ꠆ꠒ ꠘꠛꠤ ꠛꠣꠞ ꠅꠁꠍꠂꠘ। ꠄꠞꠟꠣꠉꠤ ꠇꠦꠃ ꠎꠥꠖꠤ ꠀꠁꠀ ꠇꠄ, ꠀꠝꠤ ꠞꠥꠢꠥꠞ ꠛꠟꠦ ꠝꠣꠔꠤꠞꠣꠝ, ꠔꠦ ꠔꠥꠝꠞꠣ ꠎꠟꠖꠤ ꠛꠤꠡ꠆ꠛꠣꠡ ꠇꠞꠤꠅ ꠘꠣ, ꠛꠞꠋ ꠎꠣꠌꠣꠁ ꠇꠞꠤꠀ ꠖꠦꠈꠅ, ꠁ ꠞꠥꠢꠥ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠀꠁꠍꠦ ꠇꠤ ꠘꠣ।

Injil 26: Ehuda 1:18

ꠄꠞꠣ ꠔꠥꠝꠞꠣꠞꠦ ꠅꠃ ꠢꠥꠡꠤꠀꠞꠤ ꠖꠤꠔꠣ ꠘꠣ ꠘꠤ, “ꠀꠈꠦꠞꠤ ꠎꠝꠣꠘꠣꠔ ꠙꠞꠦꠎꠉꠣꠞꠞꠦ ꠑꠣꠐ꠆ꠐꠣ-ꠝꠡꠇꠞꠣ ꠇꠞꠞꠣ ꠄꠇꠎꠣꠔ ꠝꠣꠘꠥꠡ ꠀꠁꠛꠣ, ꠀꠁꠀ ꠔꠣꠞꠣꠞ ꠛꠦ-ꠖꠤꠘꠤ ꠛꠖ ꠈꠣꠁꠡ ꠝꠣꠚꠤꠇ ꠌꠟꠛꠣ।”

Injil 26: Ehuda 1:4

ꠁꠔꠣꠞ ꠎꠞꠥꠞ ꠅꠁꠍꠦ, ꠇꠣꠞꠘ ꠎꠦꠔꠣ ꠝꠣꠘꠡꠦ ꠛꠦ-ꠖꠤꠘꠤ ꠇꠣꠝꠞ ꠡꠣꠎꠣ ꠙꠣꠁꠛꠣꠞ ꠇꠕꠣ ꠀꠉ ꠕꠣꠇꠤꠃ ꠟꠦꠈꠣ ꠀꠍꠤꠟ, ꠔꠟꠦ ꠔꠟꠦ ꠅꠔꠣ ꠝꠣꠘꠥꠡ ꠀꠁꠀ ꠔꠥꠝꠞꠣꠞ ꠖꠟꠅ ꠢꠣꠝꠣꠁ ꠉꠦꠍꠦ। ꠀꠝꠞꠣꠞ ꠀꠟ꠆ꠟꠣꠞ ꠞꠢꠝꠔꠞꠦ ꠔꠣꠞꠣꠞ ꠛꠖ ꠈꠣꠁꠡ ꠝꠤꠐꠣꠘꠤꠞ ꠀꠔꠤꠀꠞ ꠛꠣꠘꠣꠁꠍꠦ, ꠀꠞ ꠀꠝꠞꠣꠞ ꠄꠇꠝꠣꠔ꠆ꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠟꠐꠣ ꠌꠟꠦ।

Injil 27: Zaira Kalam 13:14

ꠢꠃ ꠙꠄꠟꠣ ꠎꠣꠘꠥꠀꠞꠞ ꠟꠣꠉꠤ ꠎꠔ ꠟꠣꠈꠣꠘ ꠇꠦꠞꠣꠝꠔꠤ ꠖꠦꠈꠣꠘꠤꠞ ꠈꠦꠝꠔꠣ ꠔꠣꠞꠦ ꠖꠦꠅꠀ ꠅꠁꠍꠤꠟ, ꠅꠔꠣ ꠖꠦꠈꠣꠁꠀ ꠢꠦ ꠝꠣꠘꠡꠞꠦ ꠛꠦ-ꠙꠕꠤ ꠛꠣꠘꠣꠁꠟ। ꠙꠄꠟꠣ ꠎꠦ ꠎꠣꠘꠥꠀꠞ ꠔꠟꠥꠀꠞꠞ ꠍꠦꠖ ꠈꠣꠁꠀꠅ ꠛꠣꠌꠤ ꠉꠦꠍꠤꠟ, ꠔꠣꠞ ꠄꠇꠐꠣ ꠝꠥꠞ꠆ꠔꠤ ꠛꠣꠘꠣꠘꠤꠞ ꠟꠣꠉꠤ ꠖꠥꠍꠞꠣ ꠎꠣꠘꠥꠀꠞꠦ ꠝꠣꠘꠡꠞꠦ ꠙꠞꠣꠝꠤꠡ ꠖꠤꠟ।

Injil 27: Zaira Kalam 2:13

“ꠔꠥꠝꠞꠣ ꠇꠥꠘ ꠎꠣꠉꠣꠔ ꠛꠡꠔ ꠇꠞꠞꠣꠄ ꠁꠔꠣ ꠔ ꠀꠝꠤ ꠎꠣꠘꠤ, ꠁꠈꠣꠘꠅ ꠁꠛꠟꠤꠍꠞ ꠡꠤꠋꠢꠣꠡꠘ ꠀꠍꠦ। ꠅꠁꠟꠦ ꠀꠝꠣꠞ ꠛꠦꠙꠣꠞꠦ ꠔꠥꠝꠞꠣ ꠢꠇ-ꠢꠣꠟꠣꠟ ꠀꠍ, ꠀꠝꠣꠞ ꠃꠙꠞꠞ ꠁꠝꠣꠘꠞꠦ ꠅꠡ꠆ꠛꠤꠇꠣꠞ ꠇꠞꠍ ꠘꠣ। ꠀꠝꠣꠞ ꠔꠛꠟꠤꠉ ꠇꠞꠞꠣ ꠢꠃ ꠢꠇ-ꠢꠣꠟꠣꠟ ꠎꠘ ꠀꠘ꠆ꠔꠤꠙꠣꠍꠞꠦ ꠎꠦꠛꠟꠣ ꠡꠢꠤꠖ ꠇꠞꠣ ꠅꠁꠍꠤꠟ, ꠁꠛꠟꠤꠍꠞ ꠀꠈꠠꠣꠞ ꠝꠣꠎꠦ, ꠔꠥꠝꠞꠣꠞ ꠐꠣꠃꠘꠅ ꠔꠣꠞꠦ ꠈꠥꠘ ꠇꠞꠣ ꠅꠁꠍꠤꠟ, ꠢꠃ ꠡꠝꠄꠅ ꠔꠥꠝꠞꠣꠞ ꠁꠝꠣꠘꠞꠦ ꠅꠡ꠆ꠛꠤꠇꠣꠞ ꠇꠞꠍ ꠘꠣ।

Injil 27: Zaira Kalam 2:9

“ꠀꠝꠤ ꠔ ꠔꠥꠝꠞꠣꠞ ꠅꠜꠣꠛ-ꠅꠘꠐꠘ ꠀꠞ ꠇꠡ꠆ꠐꠞ ꠇꠕꠣ ꠎꠣꠘꠤ, ꠅꠁꠟꠦ ꠄꠞꠛꠣꠖꠦꠅ ꠔꠥꠝꠞꠣ ꠗꠘꠤ। ꠎꠦꠔꠣ ꠝꠣꠘꠡꠦ ꠈꠣꠐꠤ ꠁꠢꠥꠖꠤ ꠘꠣꠝꠦ ꠘꠤꠎꠞ ꠙꠞꠤꠌꠄ ꠖꠦꠄ, ꠅꠕꠌ ꠁꠢꠥꠖꠤꠞ ꠀꠝꠟ ꠘꠣꠁ, ꠛꠞꠋ ꠁꠛꠟꠤꠍꠞ ꠖꠟꠞ ꠝꠣꠘꠥꠡ, ꠁꠔꠣꠄ ꠔꠥꠝꠞꠣꠞ ꠛꠤꠞꠥꠖ꠆ꠖꠦ ꠇꠤꠔꠣ ꠝꠣꠔꠤꠞꠣ ꠀꠝꠤ ꠔ ꠎꠣꠘꠤ।

Injil 27: Zaira Kalam 3:8

“ꠀꠝꠤ ꠔ ꠔꠥꠝꠞꠣꠞ ꠇꠣꠝ-ꠇꠣꠎ ꠎꠣꠘꠤ। ꠢꠥꠘꠅ, ꠀꠝꠤ ꠔꠥꠝꠞꠣꠞ ꠍꠣꠝꠘꠦ ꠄꠇꠈꠣꠘ ꠖꠥꠀꠞ ꠈꠥꠟꠣ ꠞꠣꠈꠟꠣꠝ, ꠁꠈꠣꠘ ꠛꠘ꠆ꠖ ꠇꠞꠣꠞ ꠈꠦꠝꠔꠣ ꠇꠦꠃꠞꠞ ꠘꠣꠁ। ꠀꠝꠤ ꠔ ꠎꠣꠘꠤ, ꠔꠥꠝꠞꠣ ꠈꠥꠛ ꠇꠝꠎꠥꠞ, ꠄꠞꠛꠣꠖꠦꠅ ꠔꠥꠝꠞꠣ ꠀꠝꠣꠞ ꠢꠥꠇꠥꠝ ꠀꠝꠟ ꠇꠞꠍ ꠀꠞ ꠀꠝꠣꠞꠦ ꠅꠡ꠆ꠛꠤꠇꠣꠞ ꠇꠞꠍ ꠘꠣ।

Injil 27: Zaira Kalam 5:9

ꠀꠞ ꠔꠣꠞꠣ ꠘꠄꠀ ꠅꠃ ꠉꠎꠟ ꠉꠣꠁꠟꠣ, “ꠈꠣꠟꠤ ꠔꠥꠝꠤꠃ ꠡꠑꠤꠇ ꠎꠘ ꠅꠃ ꠇꠤꠔꠣꠛꠈꠣꠘ ꠘꠤꠛꠣꠞ, ꠘꠤꠀ ꠄꠞ ꠡꠤꠟ-ꠌꠣꠙ꠆ꠙꠠ ꠈꠥꠟꠛꠣꠞ। ꠔꠥꠝꠣꠞꠦ ꠔ ꠎꠣꠘꠦ ꠝꠣꠞꠣ ꠅꠁꠍꠤꠟ। ꠔꠥꠝꠤ ꠔꠥꠝꠣꠞ ꠟꠃ ꠖꠤꠀ ꠢꠇ꠆ꠇꠟ ꠈꠣꠘ꠆ꠖꠣꠘ ꠕꠣꠇꠤ, ꠀꠟ꠆ꠟꠣꠞ ꠟꠣꠉꠤ ꠝꠣꠘꠥꠡ ꠈꠞꠤꠖ ꠇꠞꠍ। ꠢꠇ꠆ꠇꠟ ꠎꠣꠔꠞ ꠛꠥꠟꠤꠄ ꠝꠣꠔꠞꠣ ꠝꠣꠘꠥꠡ, ꠢꠇꠟ ꠖꠦꠡ ꠀꠞ ꠎꠣꠔꠤ ꠕꠣꠇꠤꠅ ꠈꠣꠟꠣꠍ ꠇꠞꠍ।

Injil 27: Zaira Kalam 6:10

ꠄꠞꠣ ꠎꠥꠞꠦ ꠎꠥꠞꠦ ꠇꠁꠟꠣ, “ꠅ ꠙꠣꠇ-ꠙꠛꠤꠔ꠆ꠞ ꠢꠇ꠆ꠇꠣꠘꠤ ꠝꠃꠟꠣ, ꠀꠝꠞꠣꠞꠦ ꠈꠥꠘ ꠇꠞꠣꠞ ꠛꠤꠌꠣꠞ ꠇꠞꠔꠦ ꠀꠞ ꠛꠖꠟꠣ ꠟꠁꠔꠦ, ꠔꠥꠝꠤ ꠖꠥꠘꠤꠀꠞ ꠝꠣꠘꠡꠞꠦ ꠀꠞ ꠇꠔꠖꠤꠘ ꠡꠝꠄ ꠖꠤꠔꠣꠄ?”