ꠁꠘ꠆ꠎꠤꠟ ২২: ২-ꠙꠤꠔꠞ 1:8 - Siloṭi Asmani Kitab (Nagri lipi)

⁸ ꠔꠥꠝꠞꠣꠞ ꠝꠣꠎꠦ ꠎꠥꠖꠤ ꠁꠔꠣ ꠉꠥꠘꠣꠉꠥꠘ ꠕꠣꠇꠦ, ꠀꠞ ꠁꠔꠣ ꠜꠞꠤꠀ ꠙꠠꠣꠔ ꠞꠄ, ꠔꠦ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞꠦ ꠙꠥꠞꠣꠙꠥꠞ ꠌꠤꠘꠣꠈꠣꠘ ꠔꠥꠝꠞꠣꠞ ꠛꠦꠇꠣꠝꠣ-ꠛꠦꠢꠥꠖꠣ ꠎꠣꠁꠔ ꠘꠣꠄ।

ছিলটি আছমানি কিতাব (বাংলা লিপি)

⁸ তুমরার মাজে যুদি ইতা গুনাগুন থাকে, আর ইতা ভরিয়া পড়াত রয়, তে আমরার মালিক ইছা আল-মসীরে পুরাপুর চিনা খান তুমরার বেকামা-বেহুদা যাইতো নায়।

Siloṭi Asmani Kitab (Latin lipi)

⁸ Tumrar maze zudi ita gunagun taḳe, ar ita boria foṛat roy, te amrar Malik Isa al-Mosire furafur sinaḳan tumrar beḳama-behuda zaito nae.

ꠁꠘ꠆ꠎꠤꠟ ২২: ২-ꠙꠤꠔꠞ 1:8 Iomraidhean Croise

ꠁꠘ꠆ꠎꠤꠟ ১: ꠝꠕꠤ 13:22

ꠛꠘ-ꠎꠋꠟꠣꠞ ꠝꠣꠎꠦ ꠙꠠꠣ ꠎꠣꠟꠣꠖꠤ ꠛꠥꠎꠣꠁꠟ ꠅꠁꠍꠦ, ꠎꠦꠞꠣ ꠁ ꠇꠣꠟꠣꠝ ꠢꠥꠘꠦ, ꠅꠁꠟꠦ ꠖꠥꠘꠤꠀꠛꠤ ꠌꠤꠘ꠆ꠔꠣ-ꠜꠣꠛꠘꠣ ꠀꠞ ꠗꠘ-ꠍꠣꠝꠣꠘꠣꠞ ꠝꠣꠄꠀꠄ ꠁ ꠇꠣꠟꠣꠝꠞꠦ ꠎꠣꠔꠤꠀ ꠗꠞꠤꠟꠣꠄ, ꠄꠞꠖꠣꠄ ꠇꠣꠟꠣꠝꠦ ꠇꠥꠘꠥ ꠚꠣꠄꠖꠣ ꠅꠄ ꠘꠣ।

ꠁꠘ꠆ꠎꠤꠟ ১: ꠝꠕꠤ 20:3

ꠇꠤꠍꠥ ꠛꠦꠁꠟ ꠅꠁꠀ ꠢꠣꠞꠟꠦ ꠔꠣꠁꠘ ꠢꠤꠞꠛꠣꠞ ꠛꠣꠞ ꠅꠁꠟꠣ, ꠛꠣꠞ ꠅꠁꠀ ꠖꠦꠈꠟꠣ ꠀꠞꠅ ꠇꠄꠎꠘ ꠇꠣꠝꠟꠣ ꠛꠦꠇꠣꠞ ꠃꠛꠣꠁ ꠞꠁꠍꠂꠘ।

ꠁꠘ꠆ꠎꠤꠟ ১: ꠝꠕꠤ 20:6

ꠢꠦꠡꠦ ꠛꠤꠀꠟꠤ ꠛꠣꠟꠣ ꠔꠣꠁꠘ ꠛꠣꠞꠦ ꠉꠤꠀ, ꠀꠞꠅ ꠇꠣꠝꠟꠣꠁꠘ ꠃꠛꠣꠁ ꠞꠁꠍꠂꠘ ꠖꠦꠈꠤꠀ ꠇꠁꠟꠣ, ‘ꠔꠥꠝꠞꠣ ꠢꠣꠞꠣꠖꠤꠘ ꠗꠞꠤ ꠁꠘꠅ ꠃꠛꠣꠁ ꠞꠁꠍ ꠇꠦꠘꠦ?’

ꠁꠘ꠆ꠎꠤꠟ ১: ꠝꠕꠤ 25:26

ꠝꠣꠟꠤꠇꠦ ꠇꠁꠟꠣ, ‘ꠢꠣꠄꠞꠦ ꠈꠛꠤꠍ, ꠔꠥꠁꠘ ꠔ ꠇꠥꠠꠤꠀ। ꠔꠥꠁ ꠎꠥꠖꠤ ꠁꠈꠣꠘ ꠝꠘꠅ ꠇꠞꠟꠦ, ꠀꠝꠤ ꠈꠦꠔ ꠘꠣ ꠇꠞꠟꠦꠅ ꠗꠣꠘ ꠇꠣꠐꠤ ꠀꠞ ꠛꠣꠁꠘ ꠘꠣ ꠖꠤꠟꠦꠅ ꠀꠟꠤ ꠢꠥꠞꠤ,

Injil 4: Hannan 15:2

ꠀꠝꠣꠞ ꠎꠦꠔꠣ ꠒꠣꠟꠣꠁꠘ꠆ꠔꠅ ꠚꠟ ꠗꠞꠦ ꠘꠣ, ꠔꠣꠁꠘ ꠁꠔꠣꠞꠦ ꠇꠣꠐꠤꠀ ꠚꠣꠟꠣꠁ ꠖꠦꠁꠘ। ꠀꠞ ꠎꠦꠔꠣ ꠒꠣꠟꠣꠁꠘ꠆ꠔꠅ ꠚꠟ ꠗꠞꠦ, ꠔꠣꠁꠘ ꠁꠔꠣꠞꠦ ꠍꠣꠐꠤꠀ ꠍꠣꠚ-ꠍꠥꠔꠞꠣ ꠇꠞꠤ ꠞꠣꠈꠂꠘ, ꠎꠣꠔꠦ ꠀꠞꠅ ꠛꠦꠡꠤ ꠚꠟ ꠗꠞꠦ।

Injil 4: Hannan 17:3

ꠄꠇꠝꠣꠔ꠆ꠞ ꠢꠇ ꠀꠟ꠆ꠟꠣꠞꠦ ꠝꠣꠘꠤ ꠔꠥꠝꠣꠞꠦ ꠀꠞ ꠔꠥꠝꠤ ꠎꠦꠘꠞꠦ ꠙꠣꠑꠣꠁꠍ, ꠢꠃ ꠁꠍꠣ ꠀꠟ-ꠝꠍꠤꠞꠦ ꠌꠤꠘꠣꠃ ꠅꠁꠟ ꠀꠈꠦꠞꠤ ꠎꠤꠘ꠆ꠖꠦꠉꠤ।

Injil 4: Hannan 5:42

ꠅꠁꠟꠦ ꠀꠝꠤ ꠎꠣꠘꠤ, ꠀꠟ꠆ꠟꠣꠞ ꠛꠣꠄ ꠀꠙꠘꠣꠞꠣꠞ ꠇꠥꠘꠥ ꠝꠢꠛ꠆ꠛꠔ ꠘꠣꠁ, ꠀꠝꠤ ꠔ ꠀꠙꠘꠣꠞꠣꠞꠦ ꠌꠤꠘꠤ।

Injil 6: Ruman 12:11

ꠈꠦꠎꠝꠔ ꠇꠣꠝꠅ ꠖꠥꠞ꠆ꠛꠟ ꠅꠁꠅ ꠘꠣ, ꠞꠥꠢꠥꠞꠦ ꠉꠞꠝ ꠞꠣꠈꠅ, ꠝꠣꠟꠤꠇꠞ ꠉꠥꠟꠣꠝꠤ ꠇꠞꠣꠔ ꠞꠅ।

Injil 7: 1-Korintia 15:58

ꠔꠦ, ꠅ ꠀꠝꠣꠞ ꠝꠣꠄꠀꠞ ꠜꠣꠁꠀꠁꠘ, ꠔꠥꠝꠞꠣ ꠁꠝꠣꠘꠦ ꠝꠎꠛꠥꠔ ꠅꠅ, ꠎꠣꠔꠦ ꠇꠥꠘ꠆ꠔꠣꠄ ꠔꠥꠝꠞꠣꠞꠦ ꠀꠟꠣꠁꠔ ꠘꠣ ꠙꠣꠞꠦ। ꠝꠣꠟꠤꠇꠞ ꠈꠦꠎꠝꠔꠞ ꠟꠣꠉꠤ ꠘꠤꠎꠞꠦ ꠢꠞ-ꠢꠣꠝꠦꠡꠣ ꠙꠥꠞꠣꠙꠥꠞ ꠛꠤꠟꠣꠁ ꠖꠦꠅ, ꠔꠥꠝꠞꠣ ꠔ ꠎꠣꠘ, ꠔꠣꠘ ꠟꠣꠉꠤ ꠝꠦꠘꠔ ꠇꠞꠟꠦ ꠁ ꠝꠦꠘꠔ ꠇꠥꠘꠥꠝꠘ꠆ꠔꠦꠃ ꠛꠦꠇꠣꠝꠣ ꠎꠣꠄ ꠘꠣ।

Injil 8: 2-Korintia 13:5

ꠔꠥꠝꠞꠣ ꠘꠤꠎꠞꠦ ꠎꠣꠌꠣꠁ ꠇꠞꠤ ꠖꠦꠈꠅ, ꠀꠟ-ꠝꠍꠤꠞ ꠃꠙꠞꠦ ꠢꠣꠍꠣꠞꠞ ꠁꠝꠣꠘ ꠀꠍꠦ ꠘꠤ? ꠔꠥꠝꠞꠣ ꠛꠥꠎ ꠘꠣ ꠘꠤ, ꠁꠍꠣ ꠀꠟ-ꠝꠍꠤ ꠔꠥꠝꠞꠣꠞ ꠖꠤꠟꠅ ꠀꠍꠂꠘ। ꠈꠤꠀꠟ ꠞꠣꠈꠤꠅ, ꠎꠣꠌꠣꠁ ꠇꠞꠣꠔ ꠉꠤꠀ ꠎꠣꠘꠥ ꠔꠥꠝꠞꠣꠞ ꠝꠣꠎꠦ ꠜꠦꠎꠣꠟ ꠘꠣ ꠝꠤꠟꠦ।

Injil 8: 2-Korintia 8:2

ꠎꠥꠖꠤꠅ ꠛꠃꠔ ꠖꠥꠈ-ꠝꠍꠤꠛꠔ ꠖꠤꠀ ꠔꠣꠞꠣꠞꠦ ꠙꠞꠤꠇ꠆ꠇꠣ ꠇꠞꠣ ꠅꠁꠍꠤꠟ, ꠔꠣꠞꠣ ꠈꠥꠛ ꠉꠞꠤꠛ ꠢꠣꠟꠔꠦ ꠀꠍꠟꠣ, ꠔꠦꠛꠃ ꠔꠣꠞꠣꠞ ꠝꠘꠞ ꠝꠣꠎꠦ ꠛꠃꠔ ꠚꠥꠞ꠆ꠔꠤ ꠀꠍꠤꠟ, ꠔꠣꠞꠣ ꠈꠥꠟꠣ ꠀꠔꠦ ꠀꠟ꠆ꠟꠣꠞ ꠘꠣꠝꠦ ꠖꠣꠘ-ꠈꠄꠞꠣꠔ ꠇꠞꠍꠂꠘ।

Injil 8: 2-Korintia 8:7

ꠔꠥꠝꠞꠣ ꠎꠦꠟꠣ ꠢꠇꠟ ꠛꠦꠙꠣꠞꠦꠃ ꠀꠉꠥꠀꠁꠟ ꠀꠍ, ꠔꠥꠝꠞꠣꠞ ꠡꠛꠟ ꠁꠝꠣꠘ, ꠇꠕꠣ-ꠛꠣꠞ꠆ꠔꠣ, ꠀꠈꠟ-ꠢꠦꠇꠝꠔ, ꠝꠘꠞ ꠄꠡꠇꠤ, ꠀꠞ ꠀꠝꠞꠣꠞ ꠛꠣꠄ ꠎꠦꠟꠣ ꠈꠥꠛ ꠝꠣꠄꠀ-ꠝꠢꠛ꠆ꠛꠔ ꠀꠍꠦ, ꠑꠤꠇ ꠅꠃ ꠟꠣꠈꠣꠘ ꠖꠣꠘ-ꠈꠄꠞꠣꠔ ꠇꠞꠣꠞ ꠘꠦꠇ ꠀꠝꠟꠅ ꠎꠣꠘꠥ ꠔꠥꠝꠞꠣꠞ ꠝꠣꠎꠦ ꠛꠣꠁꠀ ꠙꠠꠦ।

Injil 8: 2-Korintia 9:14

ꠔꠥꠝꠞꠣ ꠖꠣꠘ-ꠈꠄꠞꠣꠔ ꠖꠦꠅꠀꠄ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠅꠃ ꠎꠦ ꠀꠌꠣꠘꠇ ꠘꠤꠀꠝꠔ ꠙꠣꠁꠍ, ꠅꠔꠣ ꠖꠦꠈꠤꠀ ꠔꠣꠞꠣ ꠔꠥꠝꠞꠣꠞ ꠟꠣꠉꠤ ꠖꠤꠟꠦ-ꠎꠣꠘꠦ ꠖꠥꠀ ꠇꠞꠛꠣ।

Injil 11: Filifia 1:9

ꠀꠝꠤ ꠖꠥꠀ ꠇꠞꠤ, ꠔꠥꠝꠞꠣꠞ ꠝꠢꠛ꠆ꠛꠔ ꠎꠣꠘꠥ ꠇꠣꠝꠤꠟ ꠛꠤꠛꠦꠇ ꠀꠞ ꠀꠈꠟꠦ ꠖꠤꠘ ꠖꠤꠘ ꠛꠣꠠꠦ।

Injil 11: Filifia 2:5

ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠝꠘ ꠎꠦꠟꠣꠈꠣꠘ ꠀꠍꠤꠟ, ꠔꠥꠝꠞꠣꠞ ꠝꠘꠅ ꠅꠟꠣꠈꠣꠘ ꠛꠣꠘꠣꠁꠟꠣꠅ।

Injil 11: Filifia 3:8

ꠀꠍꠟꠦ ꠀꠝꠤ ꠎꠣꠞ ꠟꠣꠉꠤ ꠁ ꠈꠦꠔꠤ ꠡ꠆ꠛꠤꠇꠣꠞ ꠇꠞꠤꠀꠞ, ꠄꠁꠘꠃ ꠀꠝꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤ। ꠔꠣꠘꠞꠦ ꠎꠣꠘꠣꠞ ꠝꠣꠎꠦꠃ ꠢꠇꠟ ꠕꠣꠇꠤ ꠛꠠ ꠚꠣꠄꠖꠣ, ꠔꠣꠘ ꠔꠥꠟꠘꠣꠄ ꠛꠣꠖ-ꠛꠣꠇꠤ ꠢꠇ꠆ꠇꠟꠔꠣꠞꠦꠃ ꠀꠝꠤ ꠈꠦꠔꠤ ꠝꠘꠅ ꠇꠞꠤ। ꠀꠝꠤ ꠎꠣꠔꠦ ꠀꠟ-ꠝꠍꠤꠞꠦ ꠙꠣꠁ, ꠀꠞ ꠀꠝꠣꠞꠦ ꠎꠣꠔꠦ ꠀꠟ-ꠝꠍꠤꠞ ꠟꠉꠦ ꠄꠇꠈꠣꠘꠅ ꠝꠤꠟꠣꠁꠟ ꠖꠦꠈꠣ ꠎꠣꠄ, ꠅꠃ ꠘꠤꠅꠔꠦꠃ ꠀꠝꠤ ꠁꠔꠣ ꠢꠇ꠆ꠇꠟꠔꠣꠞꠦ ꠝꠄꠟꠣꠞ ꠟꠣꠈꠣꠘ ꠢꠞꠣꠁꠀ ꠚꠣꠟꠣꠁꠍꠤ।

Injil 12: Kolosia 1:10

ꠀꠝꠞꠣ ꠀꠟ꠆ꠟꠣꠞ ꠖꠞꠛꠣꠞꠅ ꠅꠃ ꠖꠥꠀꠃ ꠇꠞꠞꠣꠝ, ꠔꠥꠝꠞꠣ ꠎꠣꠔꠦ ꠢꠇꠟ ꠛꠦꠙꠣꠞꠦ ꠀꠟ-ꠝꠍꠤꠞ ꠝꠞ꠆ꠎꠤ ꠎꠥꠉꠣꠁꠀ ꠌꠟ ꠀꠞ ꠔꠣꠘ ꠃꠙꠎꠥꠇ꠆ꠔ ꠃꠝ꠆ꠝꠔꠞ ꠟꠣꠈꠣꠘ ꠎꠤꠘ꠆ꠖꠦꠉꠤ ꠇꠣꠐꠣꠅ। ꠢꠇ ꠇꠣꠝ ꠇꠞꠤ ꠇꠞꠤ ꠚꠟꠛꠣꠘ ꠅꠅ, ꠀꠞ ꠀꠟ꠆ꠟꠣ ꠙꠣꠇꠞꠦ ꠀꠞꠅ ꠜꠣꠟꠣ ꠇꠞꠤ ꠌꠤꠘꠅ।

Injil 12: Kolosia 2:7

ꠀꠟ-ꠝꠍꠤꠞ ꠝꠣꠎꠦ ꠡꠥꠟ꠆ꠟꠀꠘꠣ ꠒꠥꠛ ꠖꠤꠀ ꠔꠥꠝꠞꠣꠞ ꠎꠤꠘ꠆ꠖꠦꠉꠤꠞꠦ ꠉꠠꠤꠀ ꠔꠥꠟꠅ। ꠔꠥꠝꠞꠣ ꠔꠣꠟꠤꠝ ꠙꠣꠁꠀ ꠎꠦ ꠁꠝꠣꠘ ꠀꠘꠍ, ꠅꠃ ꠁꠝꠣꠘꠦ ꠝꠎꠛꠥꠔ ꠞꠅ ꠀꠞ ꠢꠣꠝꠦꠡꠣ ꠀꠟ꠆ꠟꠣ ꠙꠣꠇꠞ ꠡꠥꠇꠞꠤꠀ ꠀꠖꠣꠄ ꠇꠞꠅ।

Injil 12: Kolosia 3:16

ꠀꠟ-ꠝꠍꠤꠞ ꠇꠣꠟꠣꠝꠞꠦ ꠔꠥꠝꠞꠣꠞ ꠖꠤꠟꠞ ꠝꠣꠎꠦ ꠙꠥꠞꠣꠙꠥꠞ ꠛꠡꠔ ꠇꠞꠔꠦ ꠖꠦꠅ। ꠀꠟ꠆ꠟꠣꠞ ꠖꠦꠅꠀ ꠀꠈꠟ ꠈꠣꠐꠣꠁꠀ ꠄꠇꠦ-ꠅꠁꠘ꠆ꠘꠞꠦ ꠔꠣꠟꠤꠝ ꠀꠞ ꠙꠞꠣꠝꠤꠡ ꠖꠦꠅ। ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠣꠞ ꠝꠣꠎꠖꠤ ꠔꠣꠘ ꠘꠣꠝꠦ ꠢꠣꠝꠖ, ꠇꠣꠅꠀꠟꠤ ꠀꠞ ꠎꠛꠥꠞ ꠡꠞꠤꠚꠞ ꠉꠎꠟ ꠉꠣꠅ।

ইঞ্জিল ১৩: ১-থিষল: 3:12

ꠀꠝꠞꠣ ꠎꠦꠟꠣ ꠔꠥꠝꠞꠣꠞ ꠛꠣꠄ ꠝꠣꠄꠀ-ꠝꠢꠛ꠆ꠛꠔꠞ ꠝꠣꠎꠦ ꠒꠥꠛꠤ ꠉꠦꠍꠤ, ꠑꠤꠇ ꠅꠃꠟꠣ ꠝꠣꠟꠤꠇ ꠁꠍꠣꠄ ꠔꠥꠝꠞꠣꠞꠦꠅ ꠄꠇꠦ-ꠅꠁꠘ꠆ꠘꠦ, ꠀꠞ ꠢꠇꠟꠞ ꠛꠣꠄ ꠝꠣꠄꠀ-ꠝꠢꠛ꠆ꠛꠔꠦ ꠢꠣꠛꠥꠒꠥꠛꠥ ꠈꠣꠅꠀꠃꠇ꠆ꠇꠣ।

ইঞ্জিল ১৩: ১-থিষল: 4:1

ꠅ ꠜꠣꠁꠀꠁꠘ ꠢꠥꠘꠅ, ꠀꠟ꠆ꠟꠣꠞꠦ ꠈꠥꠡꠤ ꠇꠞꠣꠞ ꠟꠣꠉꠤ ꠇꠦꠝꠘꠦ ꠎꠤꠘ꠆ꠖꠦꠉꠤ ꠇꠣꠐꠣꠘꠤ ꠟꠣꠉꠦ, ꠁ ꠔꠣꠟꠤꠝ ꠔ ꠔꠥꠝꠞꠣ ꠀꠝꠞꠣꠞ ꠉꠦꠍ ꠕꠣꠇꠤ ꠀꠉꠦꠃ ꠙꠣꠁꠍ ꠀꠞ ꠔꠥꠝꠞꠣ ꠅꠟꠣ ꠌꠟꠞꠣꠄꠅ। ꠄꠞꠛꠣꠖꠦꠅ ꠢꠎꠞꠔ ꠁꠍꠣꠞ ꠅꠁꠀ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ ꠀꠞ ꠢꠥꠡꠤꠀꠞ ꠇꠞꠤꠀꠞ, ꠔꠥꠝꠞꠣ ꠎꠦꠟꠣ ꠌꠟꠞꠣꠄ, ꠅꠃꠟꠣ ꠀꠞꠅ ꠛꠦꠡ ꠇꠞꠤ ꠌꠟꠅ।

ইঞ্জিল ১৪: ২-থিষল: 1:3

ꠜꠣꠁ ꠅꠇꠟ, ꠀꠝꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠣ ꠎꠞꠥꠞ। ꠔꠥꠝꠞꠣꠞ ꠁꠝꠣꠘꠤ ꠛꠟ ꠛꠃꠔ ꠛꠣꠠꠦꠞ ꠀꠞ ꠄꠇꠦ-ꠅꠁꠘ꠆ꠘꠦ ꠝꠣꠄꠀ-ꠝꠢꠛ꠆ꠛꠔꠅ ꠛꠣꠁꠀ ꠙꠠꠦꠞ, ꠄꠞꠟꠣꠉꠤ ꠀꠝꠞꠣ ꠡꠥꠇꠞꠤꠀ ꠀꠖꠣꠄ ꠇꠞꠣ ꠖꠞꠇꠣꠞ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:13

ꠀꠞ ꠔꠣꠞꠣ ꠛꠣꠠꠤꠄ ꠛꠣꠠꠤꠄ ꠀꠒ꠆ꠒꠣ ꠝꠣꠞꠤꠀ ꠇꠥꠠꠤꠀ ꠛꠘꠤꠎꠣꠁꠘ। ꠈꠣꠟꠤ ꠇꠥꠠꠤꠀ ꠘꠣꠄ, ꠎꠦꠔꠣ ꠝꠣꠔ-ꠇꠕꠣ ꠔꠣꠞꠣꠞ ꠟꠣꠉꠤ ꠎꠣꠁꠎ ꠘꠣꠄ, ꠅꠔꠣ ꠛꠣꠎꠦ ꠝꠣꠔ-ꠇꠕꠣꠅ ꠝꠣꠔꠂꠘ ꠀꠞ ꠙꠞꠞ ꠉꠤꠛꠔ ꠉꠣꠅꠀꠔ ꠞꠂꠘ।

Injil 17: Titas 3:14

ꠀꠝꠞꠣꠞ ꠝꠣꠘꠡꠞꠦ ꠔ ꠢꠤꠇꠣꠘꠤ ꠎꠞꠥꠞ, ꠡꠝꠣꠎꠞ ꠜꠣꠟꠣꠁꠞ ꠟꠣꠉꠤ ꠇꠤꠟꠣ ꠘꠤꠎꠞꠦ ꠈꠣꠐꠣꠁꠟ ꠎꠣꠄ। ꠔꠦꠃ ꠔꠣꠞꠣ ꠝꠣꠘꠡꠞ ꠎꠞꠥꠞꠤ ꠅꠜꠣꠛ ꠝꠤꠐꠣꠁꠔ ꠙꠣꠞꠛ, ꠅꠟꠣ ꠔꠣꠞꠣꠞ ꠘꠤꠎꠞ ꠎꠤꠘ꠆ꠖꠦꠉꠤꠅ ꠚꠟꠀꠟꠣ ꠅꠁꠛ।

ꠁꠘ꠆ꠎꠤꠟ ১৮: ꠚꠤꠟꠤꠝꠘ 1:6

ꠀꠝꠤ ꠖꠥꠀ ꠇꠞꠤ, ꠝꠥꠝꠤꠘ ꠅꠇꠟꠞ ꠟꠉꠦ ꠔꠥꠝꠣꠞ ꠈꠣꠔꠤꠞ-ꠡꠝ꠆ꠙꠞ꠆ꠇ ꠀꠞꠅ ꠛꠣꠠꠃꠇ। ꠔꠥꠝꠤ ꠔ ꠎꠣꠘ, ꠀꠟ-ꠝꠍꠤꠞ ꠈꠣꠔꠤꠞꠦ ꠀꠟ꠆ꠟꠣꠄ ꠀꠝꠞꠣꠞꠦ ꠇꠔ ꠜꠣꠟꠣ ꠜꠣꠟꠣ ꠘꠤꠀꠝꠔ ꠛꠤꠟꠣꠁ ꠖꠤꠍꠂꠘ।

Injil 19: Ibrani 6:12

ꠅꠃ ꠟꠣꠈꠣꠘ ꠇꠣꠝꠅ ꠀꠉꠥꠀꠁꠔꠦ ꠔꠥꠝꠞꠣꠞ ꠀꠟꠡꠤ ꠘꠣ ꠀꠄ; ꠛꠞꠋ ꠁꠝꠣꠘꠦ ꠀꠞ ꠍꠛꠞꠦ ꠎꠦꠞꠣ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠛꠞꠇꠔ ꠢꠣꠍꠤꠟ ꠇꠞꠍꠂꠘ, ꠔꠥꠝꠞꠣꠅ ꠔꠣꠞꠣꠞ ꠟꠣꠈꠣꠘ ꠅꠁꠎꠣꠅ।

ꠁꠘ꠆ꠎꠤꠟ ২২: ২-ꠙꠤꠔꠞ 1:2

ꠀꠟ꠆ꠟꠣ ꠙꠣꠇ ꠀꠞ ꠀꠝꠞꠣꠞ ꠝꠣꠟꠤꠇ ꠢꠎꠞꠔ ꠁꠍꠣꠞꠦ ꠙꠥꠞꠣꠙꠥꠞ ꠌꠤꠘꠣꠞ ꠝꠣꠎꠖꠤ, ꠔꠥꠝꠞꠣꠞ ꠃꠙꠞꠦ ꠛꠦꠡ ꠇꠞꠤ ꠞꠢꠝꠔ ꠀꠞ ꠡꠣꠘ꠆ꠔꠤ ꠘꠣꠎꠤꠟ ꠅꠃꠇ।

ꠁꠘ꠆ꠎꠤꠟ ২২: ২-ꠙꠤꠔꠞ 1:3

ꠎꠦꠁꠘ ꠔꠣꠘ ꠘꠤꠎꠞ ꠝꠢꠤꠝꠣ ꠀꠞ ꠉꠥꠘꠦ ꠀꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠣꠘꠞꠦ ꠙꠥꠞꠣꠙꠥꠞ ꠌꠤꠘꠣꠞ ꠝꠣꠎꠖꠤ ꠔꠣꠘ ꠇꠥꠖꠞꠔꠦ ꠀꠝꠞꠣ ꠅꠟꠣ ꠘꠤꠀꠝꠔ ꠙꠣꠁꠍꠤ, ꠎꠣꠔꠦ ꠀꠝꠞꠣ ꠙꠞꠦꠎꠉꠣꠞ ꠛꠘꠤꠀ ꠎꠤꠘ꠆ꠖꠦꠉꠤ ꠇꠣꠐꠣꠁ।

ꠁꠘ꠆ꠎꠤꠟ ২২: ২-ꠙꠤꠔꠞ 2:20

ꠔꠦ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞꠦ ꠌꠤꠘꠤꠀ ꠢꠣꠞꠤ ꠎꠉꠔꠞ ꠈꠣꠞꠣꠙꠤ ꠕꠣꠇꠤ ꠢꠞꠤꠀ ꠀꠁꠀꠅ, ꠇꠦꠃ ꠎꠥꠖꠤ ꠢꠤꠞꠛꠣꠞ ꠉꠤꠀ ꠅꠃ ꠈꠣꠞꠣꠙꠤꠞ ꠎꠣꠟꠅ ꠀꠐꠇꠣꠄ, ꠔꠦ ꠔꠣꠞꠣꠞ ꠙꠄꠟꠣ ꠖꠡꠣ ꠕꠣꠇꠤ ꠢꠦꠡ ꠖꠡꠣ ꠀꠞꠅ ꠝꠘ꠆ꠖ।

ꠁꠘ꠆ꠎꠤꠟ ২২: ২-ꠙꠤꠔꠞ 3:18

ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠞꠢꠝꠔꠦ ꠀꠞ ꠔꠣꠘꠞꠦ ꠌꠤꠘꠣꠞ ꠔꠣꠇ꠆ꠇꠔꠦ ꠛꠣꠠꠤꠀ ꠃꠑꠅ। ꠅꠈꠘ ꠀꠞ ꠢꠞ-ꠢꠣꠝꠦꠡꠣ ꠔꠣꠘ ꠝꠢꠤꠝꠣ ꠎꠣꠞꠤ ꠞꠃꠇ। ꠀꠝꠤꠘ॥