ꠁꠘ꠆ꠎꠤꠟ ২২: ২-ꠙꠤꠔꠞ 1:6 - Siloṭi Asmani Kitab (Nagri lipi)

⁶ ꠁ ꠀꠈꠟꠞ ꠟꠉꠦ ꠘꠤꠎꠞꠦ ꠡꠣꠝꠟꠣꠘꠤ, ꠡꠣꠝꠟꠣꠘꠤꠞ ꠟꠉꠦ ꠗꠂꠎ꠆ꠎ ꠀꠞ ꠗꠂꠎ꠆ꠎꠞ ꠟꠉꠦ ꠙꠞꠦꠎꠉꠣꠞꠤ,

ছিলটি আছমানি কিতাব (বাংলা লিপি)

⁶ ই আখলর লগে নিজরে সামলানি, সামলানির লগে ধৈর্য আর ধৈর্যর লগে পরেজগারি,

Siloṭi Asmani Kitab (Latin lipi)

⁶ i aḳolor loge nizore shamlani, shamlanir loge doijjo ar doijjor loge forezgari,

ꠁꠘ꠆ꠎꠤꠟ ২২: ২-ꠙꠤꠔꠞ 1:6 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 5:24

ꠄꠞꠛꠣꠖꠦ ꠔꠣꠘꠦ ꠀꠞ ꠖꠦꠈꠣ ꠉꠦꠟ ꠘꠣ। ꠀꠟ꠆ꠟꠣꠞ ꠟꠉꠦ ꠔꠣꠘ ꠈꠣꠍ ꠖꠤꠖꠣꠞ ꠀꠍꠤꠟ ꠉꠔꠤꠇꠦ ꠀꠟ꠆ꠟꠣꠄ ꠔꠣꠘꠞꠦ ꠎꠤꠘ꠆ꠖꠣ ꠢꠣꠟꠔꠦ ꠘꠤꠎꠞ ꠉꠦꠍꠦ ꠘꠤꠟꠣꠉꠤ।

ꠎꠛꠥꠞ ꠡꠞꠤꠚ 37:7

ꠝꠣꠛꠥꠖꠞ ꠍꠣꠝꠘꠦ ꠘꠤꠞꠣꠁ ꠞꠁꠀ ꠔꠣꠘ ꠟꠣꠉꠤ ꠛꠣꠞ ꠌꠣꠁꠅ, ꠚꠘ꠆ꠖꠤꠛꠣꠎꠞ ꠃꠘ꠆ꠘꠔꠤ ꠖꠦꠈꠤꠀ ꠛꠦꠎꠣꠞ ꠘꠣ ꠅꠁꠅ।

Injil 3: Luk 21:19

ꠔꠥꠝꠞꠣ ꠁꠝꠣꠘꠦ ꠝꠎꠛꠥꠔ ꠞꠁꠟꠦ, ꠘꠤꠎꠞ ꠢꠣꠍꠣꠞꠞ ꠎꠤꠘ꠆ꠖꠦꠉꠤ ꠢꠣꠍꠤꠟ ꠇꠞꠛꠣꠄ।

Injil 3: Luk 8:15

ꠜꠣꠟꠣ ꠎꠝꠤꠘꠅ ꠙꠠꠣ ꠎꠣꠟꠣꠖꠤ ꠛꠥꠎꠣꠁꠟ ꠅꠁꠍꠦ, ꠎꠦꠞꠣ ꠢꠇ ꠀꠞ ꠍꠢꠤ ꠖꠤꠟꠦ ꠀꠟ꠆ꠟꠣꠞ ꠇꠣꠟꠣꠝ ꠢꠥꠘꠦ, ꠢꠥꠘꠤꠀ ꠘꠤꠎꠞ ꠖꠤꠟꠅ ꠜꠣꠟꠣꠝꠘ꠆ꠔꠦ ꠉꠣꠕꠤꠀ ꠞꠣꠈꠦ, ꠀꠞ ꠁꠝꠣꠘꠦ ꠝꠎꠛꠥꠔ ꠞꠁꠀ ꠎꠤꠘ꠆ꠖꠦꠉꠤꠔ ꠜꠣꠟꠣ ꠚꠟ ꠗꠞꠦ।

Injil 5: Sahabi Nama 24:25

ꠙꠣꠃꠟꠥꠍꠦ ꠎꠦꠛꠟꠣ ꠢꠇ ꠙꠕꠦ ꠌꠟꠣ, ꠘꠤꠎꠞꠦ ꠖꠝꠣꠁꠀ ꠞꠣꠈꠣ, ꠀꠞ ꠢꠣꠡꠞꠞ ꠛꠤꠌꠣꠞꠞ ꠇꠕꠣ ꠛꠄꠀꠘ ꠇꠞꠟꠣ, ꠚꠤꠟꠤꠇ꠆ꠡꠦ ꠁꠔꠣ ꠢꠥꠘꠤꠀ ꠒꠞꠣꠁꠉꠦꠟꠣ। ꠒꠞꠣꠁꠀ ꠇꠁꠟꠣ, “ꠔꠥꠝꠤ ꠅꠈꠘ ꠎꠣꠅꠉꠤ, ꠡꠝꠄ ꠡꠥꠎꠥꠉ ꠅꠁꠟꠦ ꠀꠝꠤ ꠔꠥꠝꠣꠞꠦ ꠈꠛꠞꠖꠤ ꠀꠘꠣꠁꠝꠥ।”

Injil 6: Ruman 15:4

ꠔꠦ ꠀꠉꠞ ꠀꠍꠝꠣꠘꠤ ꠇꠤꠔꠣꠛꠅ ꠎꠔꠔꠣ ꠟꠦꠈꠣ ꠅꠁꠍꠦ, ꠁꠔꠣ ꠔ ꠀꠝꠞꠣꠞꠦꠃ ꠔꠣꠟꠤꠝ ꠖꠤꠛꠣꠞ ꠟꠣꠉꠤ ꠟꠦꠈꠣ ꠅꠁꠍꠦ, ꠎꠣꠔꠦ ꠅꠔꠣ ꠖꠦꠈꠤꠀ ꠀꠝꠞꠣꠞ ꠍꠛꠞ ꠀꠞ ꠡꠣꠘ꠆ꠔꠘꠣ ꠀꠄ, ꠀꠞ ꠀꠡꠣ-ꠜꠞꠡꠣ ꠙꠣꠁ।

Injil 6: Ruman 2:7

ꠎꠦꠞꠣ ꠗꠂꠎ꠆ꠎ ꠗꠞꠤꠀ ꠘꠦꠇ ꠇꠣꠝꠞ ꠝꠣꠎꠖꠤ ꠀꠟ꠆ꠟꠣꠁ ꠔꠣꠞꠤꠚ, ꠁꠎ꠆ꠎꠔ, ꠀꠞ ꠇ꠆ꠇꠄꠢꠤꠘ ꠎꠤꠘ꠆ꠖꠦꠉꠤ ꠔꠣꠟ꠆ꠟꠣꠡ ꠇꠞꠦ, ꠀꠟ꠆ꠟꠣꠄ ꠔꠣꠞꠣꠞꠦꠃ ꠀꠈꠦꠞꠤ ꠎꠤꠘ꠆ꠖꠦꠉꠤ ꠖꠣꠘ ꠇꠞꠛꠣ।

Injil 6: Ruman 8:25

ꠅꠁꠟꠦ ꠘꠣ ꠖꠦꠈꠣ ꠎꠤꠘꠤꠡꠞꠦ ꠖꠦꠈꠣꠞ ꠟꠣꠉꠤ ꠀꠝꠞꠣ ꠗꠂꠎ꠆ꠎ ꠗꠞꠤꠀ ꠛꠣꠞ ꠌꠣꠁ।

Injil 7: 1-Korintia 9:25

ꠖꠃꠠꠞ ꠈꠦꠟꠣꠔ ꠖꠃꠠꠣꠁꠀ ꠢꠣꠞꠤ ꠝꠣꠘꠡꠦ ꠅꠟꠣ ꠄꠇ ꠝꠣꠟꠣ ꠙꠣꠄ, ꠎꠦ ꠝꠣꠟꠣ ꠛꠣꠖꠦ ꠘꠡ꠆ꠐ ꠅꠁꠎꠣꠄ, ꠀꠞ ꠅꠃ ꠝꠣꠟꠣ ꠙꠣꠅꠀꠞ ꠟꠣꠉꠤ ꠄꠞꠣ ꠛꠃꠔ ꠇꠑꠤꠘ ꠘꠤꠅꠝ-ꠇꠣꠘꠥꠘꠅ ꠝꠣꠘꠦ। ꠅꠁꠟꠦ ꠀꠝꠞꠣ ꠔ ꠀꠍꠟ ꠅꠇ꠆ꠇꠄ ꠝꠣꠟꠣ ꠙꠣꠅꠀꠞ ꠟꠣꠉꠤ ꠁꠔꠣ ꠇꠞꠞꠣꠝ।

Injil 8: 2-Korintia 6:4

ꠛꠞꠋ ꠢꠇꠟ ꠛꠦꠙꠣꠞꠦ ꠀꠝꠞꠣ ꠙꠞꠝꠣꠘ ꠖꠦꠈꠣꠁꠞꠣꠝ, ꠀꠝꠞꠣ ꠀꠟ꠆ꠟꠣꠞ ꠈꠦꠎꠝꠔꠇꠣꠞꠤ। ꠛꠃꠔ ꠖꠥꠈ-ꠇꠡ꠆ꠐ, ꠎꠥꠟꠥꠝ-ꠝꠍꠤꠛꠔ, ꠀꠞ ꠛꠤꠙꠖ-ꠀꠙꠖ ꠡꠁꠎ꠆ꠎ ꠇꠞꠤꠀ ꠁꠔꠣꠞ ꠙꠞꠝꠣꠘ ꠖꠤꠞꠣꠝ।

Injil 9: Galatia 5:23

ꠘꠞꠝ ꠅꠀ ꠀꠞ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠣ। ꠅꠃ ꠘꠦꠇ ꠇꠣꠝꠞ ꠛꠤꠞꠥꠗꠤ ꠇꠥꠘꠥꠎꠣꠔ ꠀꠁꠘ ꠘꠣꠁ।

Injil 12: Kolosia 1:11

ꠀꠟ꠆ꠟꠣꠄ ꠔꠣꠘ ꠝꠢꠣ ꠇꠥꠖꠞꠔꠤ ꠛꠟꠦ ꠢꠇꠟ ꠘꠝꠥꠘꠣꠞ ꠛꠟ ꠖꠤꠀ ꠔꠥꠝꠞꠣꠞꠦ ꠛꠟꠛꠣꠘ ꠇꠞꠃꠇ꠆ꠇꠣ। ꠛꠣꠟꠣ-ꠝꠍꠤꠛꠔꠅ ꠙꠠꠟꠦꠅ ꠈꠥꠡꠤ-ꠛꠣꠡꠤ ꠞꠁꠀ ꠍꠛꠞ ꠇꠞꠣꠞ ꠔꠚꠤꠇ ꠖꠦꠃꠇ꠆ꠇꠣ।

ইঞ্জিল ১৩: ১-থিষল: 1:3

ꠁꠝꠣꠘꠞ ꠟꠣꠉꠤ ꠔꠥꠝꠞꠣ ꠎꠦ ꠇꠣꠝ ꠇꠞꠞꠣꠄ, ꠝꠢꠛ꠆ꠛꠔꠞ ꠟꠣꠉꠤ ꠔꠥꠝꠞꠣ ꠎꠦ ꠝꠦꠘꠔ ꠇꠞꠞꠣꠄ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠀꠡꠣ-ꠜꠞꠡꠣ ꠇꠞꠤꠀ ꠔꠥꠝꠞꠣ ꠎꠦ ꠍꠛꠞ ꠇꠞꠞꠣꠄ, ꠁꠔꠣ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠖꠞꠛꠣꠞꠅ ꠖꠥꠀ ꠇꠞꠣꠞ ꠡꠝꠄ ꠢꠣꠝꠦꠡꠣ ꠝꠘꠅ ꠇꠞꠤ।

ইঞ্জিল ১৪: ২-থিষল: 1:4

ꠀꠝꠞꠣ ꠔ ꠀꠟ꠆ꠟꠣꠞ ꠎꠝꠣꠔ ꠅꠇꠟꠞ ꠍꠣꠝꠘꠦ ꠔꠥꠝꠞꠣꠞꠦ ꠟꠁꠀ ꠛꠠꠣꠁ ꠇꠞꠤꠀꠞ, ꠇꠣꠞꠘ ꠅꠔ ꠎꠥꠟꠥꠝ-ꠝꠍꠤꠛꠔ ꠀꠞ ꠖꠥꠈ-ꠇꠡ꠆ꠐ ꠙꠣꠁꠀꠅ ꠔꠥꠝꠞꠣ ꠍꠛꠞ ꠇꠞꠍ ꠀꠞ ꠁꠝꠣꠘꠦ ꠐꠤꠇꠤꠀ ꠞꠁꠍ।

ইঞ্জিল ১৪: ২-থিষল: 3:5

ꠝꠣꠟꠤꠇ ꠁꠍꠣꠄ ꠎꠣꠘꠥ ꠔꠥꠝꠞꠣꠞ ꠖꠤꠟꠞꠦ ꠀꠟ꠆ꠟꠣꠞ ꠝꠢꠛ꠆ꠛꠔꠞ ꠙꠕꠦ ꠀꠞ ꠀꠟ-ꠝꠍꠤꠞ ꠍꠛꠞꠞ ꠙꠕꠦ ꠌꠣꠟꠥ ꠞꠣꠈꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:10

ꠛꠞꠋ ꠀꠟ꠆ꠟꠣꠞ ꠙꠞꠦꠎꠉꠣꠞ ꠛꠣꠘ꠆ꠖꠤꠄ ꠎꠦꠟꠣ ꠘꠦꠇ ꠇꠣꠝꠞ ꠝꠣꠎꠦ ꠎꠤꠘ꠆ꠖꠦꠉꠤ ꠇꠣꠐꠣꠘꠤ ꠃꠌꠤꠔ, ꠔꠣꠞꠣꠅ ꠅꠟꠣ ꠅꠁꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:2

ꠅꠟꠣꠈꠣꠘ ꠞꠣꠎꠣ-ꠛꠣꠖꠡꠣ ꠅꠇꠟ ꠀꠞ ꠃꠌꠣ ꠙꠖꠞ ꠢꠇꠟ ꠅꠚꠤꠡꠣꠞꠞ ꠟꠣꠉꠤ ꠝꠥꠘꠣꠎꠣꠔ ꠇꠞꠣ ꠎꠞꠥꠞ, ꠎꠣꠔꠦ ꠀꠝꠞꠣ ꠀꠟ꠆ꠟꠣꠞ ꠒꠞ-ꠈꠚ ꠝꠘꠅ ꠞꠣꠈꠤꠀ, ꠢꠇ-ꠢꠣꠟꠣꠟ ꠙꠕꠦ ꠞꠁꠀ, ꠘꠤꠞꠣꠙꠖꠦ ꠡꠣꠘ꠆ꠔꠤꠄ ꠎꠤꠘ꠆ꠖꠦꠉꠤ ꠇꠣꠐꠣꠁꠔꠣꠝ ꠙꠣꠞꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:16

ꠁꠍꠣꠄꠁ ꠁꠝꠣꠘꠞ ꠝꠣꠞꠤꠚꠔꠤ ꠇꠔ ꠝꠢꠣꠘ, ꠁꠔꠣ ꠔ ꠅꠡ꠆ꠛꠤꠇꠣꠞ ꠇꠞꠣ ꠎꠣꠄ ꠘꠣ। ꠅꠃ ꠝꠣꠞꠤꠚꠔꠤ ꠅꠃꠟꠣ ꠎꠣꠁꠞ ꠅꠁꠟ, ꠔꠣꠁꠘ ꠝꠣꠘꠥꠡ ꠍꠥꠞꠔꠦ ꠎꠣꠁꠞ ꠅꠁꠟꠣ, ꠙꠣꠇ ꠞꠥꠢꠦ ꠙꠞꠝꠣꠘ ꠅꠁꠟꠣ ꠛꠦ-ꠇꠍꠥꠞ, ꠚꠤꠞꠤꠡ꠆ꠔꠣ ꠅꠇꠟꠦ ꠔꠣꠘ ꠖꠞꠡꠘ ꠙꠣꠁꠟꠣ। ꠔꠣꠘ ꠛꠦꠙꠣꠞꠦ ꠢꠇ꠆ꠇꠟ ꠎꠣꠔꠤꠞ ꠉꠦꠍꠦ ꠔꠛꠟꠤꠉ ꠇꠞꠣ ꠅꠁꠟ, ꠀꠡ꠆ꠔꠣ ꠖꠥꠘꠤꠀꠞ ꠝꠣꠘꠡꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠟꠣ, ꠉꠃꠞꠛ-ꠝꠢꠤꠝꠣꠄ ꠔꠣꠘꠞꠦ ꠃꠙꠞꠦ ꠔꠥꠟꠤ ꠘꠦꠅꠀ ꠅꠁꠟ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:11

ꠅꠁꠟꠦ ꠔꠥꠝꠤ ꠔ ꠀꠟ꠆ꠟꠣꠞ ꠛꠘ꠆ꠖꠣ, ꠔꠥꠝꠤ ꠁꠔꠣ ꠛꠖ ꠇꠣꠝ ꠕꠣꠇꠤ ꠢꠞꠤꠀ ꠞꠅ। ꠔꠥꠝꠤ ꠙꠣꠇ-ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ, ꠀꠟ꠆ꠟꠣꠞ ꠒꠞ-ꠈꠚ, ꠁꠝꠣꠘ, ꠝꠢꠛ꠆ꠛꠔ, ꠍꠛꠞ, ꠀꠞ ꠘꠞꠝ ꠡ꠆ꠛꠜꠣꠛꠞ ꠛꠣꠄ ꠈꠤꠀꠟꠤ ꠅꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:3

ꠇꠦꠃ ꠎꠥꠖꠤ ꠁꠔꠣ ꠛꠣꠖ ꠖꠤꠀ ꠖꠥꠍꠞꠣ ꠇꠥꠘꠥ ꠔꠣꠟꠤꠝ ꠖꠦꠄ, ꠀꠞ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠈꠣꠐꠤ ꠔꠣꠟꠤꠝ ꠀꠞ ꠀꠟ꠆ꠟꠣꠞ ꠒꠞ-ꠈꠚꠞ ꠔꠣꠟꠤꠝꠞꠦ ꠘꠣ ꠝꠣꠘꠦ,

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:6

ꠀꠍꠟꠦ ꠝꠘꠞ ꠔꠥꠡ꠆ꠐꠤꠄ ꠁꠍꠣꠄꠁ ꠁꠝꠣꠘ ꠝꠣꠚꠤꠇ ꠎꠤꠘ꠆ꠖꠦꠉꠤ ꠇꠣꠐꠣꠁꠟꠦ ꠈꠥꠛ ꠛꠦꠡꠤ ꠟꠣꠜ ꠅꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:5

ꠛꠣꠁꠞꠞ ꠜꠣꠛ-ꠍꠥꠞꠔꠦ ꠛꠥꠎꠣ ꠎꠣꠁꠛ ꠈꠥꠛ ꠀꠟ꠆ꠟꠣꠅꠀꠟꠣ ꠙꠣꠇ-ꠝꠥꠍꠟ꠆ꠟꠤ, ꠅꠁꠟꠦ ꠝꠥꠟꠔ ꠟꠦꠛꠣꠍꠗꠣꠞꠤ ꠜꠘ꠆ꠒ। ꠔꠦ ꠔꠥꠝꠤ ꠁꠔꠣꠞ ꠉꠦꠍ ꠕꠣꠇꠤ ꠢꠞꠤꠀ ꠞꠁꠅ।

Injil 17: Titas 1:1

ꠀꠝꠤ ꠙꠣꠃꠟꠥꠍ ꠔ ꠀꠟ꠆ꠟꠣ ꠙꠣꠇꠞ ꠉꠥꠟꠣꠝ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ। ꠀꠝꠣꠞ ꠖꠣꠄꠁꠔ꠆ꠔ ꠅꠁꠟ, ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦ ꠁꠝꠣꠘꠞ ꠙꠕꠦ ꠀꠘꠣ, ꠀꠞ ꠀꠟ꠆ꠟꠣꠞꠦ ꠝꠣꠘꠤꠀ ꠌꠟꠣꠞ ꠝꠣꠎꠦ ꠎꠦ ꠢꠇꠤꠇꠔ ꠀꠍꠦ, ꠅꠃ ꠢꠇꠤꠇꠔꠞꠦ ꠌꠤꠘꠣꠁ ꠖꠦꠅꠀ।

Injil 17: Titas 1:8

ꠄꠞ ꠛꠖꠟꠣ ꠔꠣꠁꠘ ꠎꠣꠘꠥ ꠝꠦꠝꠣꠘꠖꠣꠞꠤ ꠇꠞꠞꠣ, ꠘꠦꠇ ꠜꠣꠛꠞ ꠀꠡꠤꠇ, ꠢꠇ-ꠢꠣꠟꠣꠟꠤ, ꠀꠞ ꠀꠟ꠆ꠟꠣꠞ ꠛꠣꠁꠖ꠆ꠖ ꠎꠘ ꠅꠁꠘ। ꠔꠣꠘ ꠜꠣꠟꠣ ꠛꠤꠌꠣꠞ-ꠛꠥꠖ꠆ꠖꠤ ꠕꠣꠇꠦ, ꠀꠞ ꠘꠤꠎꠞꠦ ꠙꠥꠞꠣꠙꠥꠞ ꠡꠣꠝꠟꠣꠁꠀ ꠞꠣꠈꠔꠣ ꠙꠣꠞꠂꠘ।

Injil 17: Titas 2:2

ꠎꠝꠣꠔꠞ ꠝꠥꠞꠛ꠆ꠛꠤ ꠛꠦꠐꠣꠁꠘꠞꠦ ꠇꠅ, ꠔꠣꠞꠣ ꠎꠣꠘꠥ ꠢꠣꠝꠦꠡꠣ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠂꠘ, ꠁꠎ꠆ꠎꠔꠤ ꠛꠘꠂꠘ, ꠜꠣꠟꠣ ꠛꠤꠌꠣꠞ-ꠛꠤꠛꠦꠇ ꠈꠣꠐꠣꠁꠘ। ꠔꠣꠞꠣꠞ ꠎꠣꠘꠥ ꠈꠣꠐꠤ ꠁꠝꠣꠘ, ꠝꠣꠄꠀ-ꠝꠢꠛ꠆ꠛꠔ ꠀꠞ ꠍꠛꠞ ꠕꠣꠇꠦ।

Injil 19: Ibrani 10:36

ꠔꠥꠝꠞꠣ ꠝꠎꠛꠥꠔ ꠞꠅꠀ ꠖꠞꠇꠣꠞ, ꠎꠣꠔꠦ ꠀꠟ꠆ꠟꠣꠄ ꠎꠦ ꠙꠥꠞꠥꠡ꠆ꠇꠣꠞ ꠖꠤꠛꠣ ꠇꠞꠤ ꠅꠀꠖꠣ ꠇꠞꠍꠂꠘ, ꠔꠣꠘ ꠝꠞ꠆ꠎꠤ ꠝꠣꠚꠤꠇ ꠌꠟꠤꠀ ꠔꠥꠝꠞꠣꠅ ꠢꠃ ꠙꠥꠞꠥꠡ꠆ꠇꠣꠞ ꠙꠣꠅ।

Injil 19: Ibrani 12:1

ꠔꠦ ꠀꠝꠞꠣ ꠖꠦꠈꠞꠣꠝ, ꠁꠝꠣꠘꠤ ꠔꠦꠎꠞ ꠛꠃꠔ ꠡꠣꠇ꠆ꠇꠤ ꠀꠝꠞꠣꠞ ꠌꠣꠁꠞꠅꠛꠣꠄ ꠀꠍꠦ। ꠄꠞꠟꠣꠉꠤ ꠀꠅ, ꠀꠝꠞꠣꠅ ꠢꠇꠟ ꠎꠣꠄ-ꠎꠣꠝꠦꠟꠣ ꠢꠞꠣꠁ, ꠎꠦ ꠉꠥꠘꠣꠄ ꠀꠝꠞꠣꠞꠦ ꠙꠦꠌꠣꠁꠀ ꠞꠣꠈꠦ, ꠅꠔꠣꠞꠦ ꠢꠞꠣꠁꠀ ꠚꠣꠟꠣꠁ, ꠀꠞ ꠖꠃꠠꠣꠅꠞꠣ ꠖꠟꠞ ꠟꠉꠦ ꠅꠁꠀ ꠗꠂꠎ꠆ꠎ ꠗꠞꠤ ꠢꠦꠡ ꠙꠞ꠆ꠎꠘ꠆ꠔ ꠖꠃꠠꠣꠁ।

Injil 19: Ibrani 6:12

ꠅꠃ ꠟꠣꠈꠣꠘ ꠇꠣꠝꠅ ꠀꠉꠥꠀꠁꠔꠦ ꠔꠥꠝꠞꠣꠞ ꠀꠟꠡꠤ ꠘꠣ ꠀꠄ; ꠛꠞꠋ ꠁꠝꠣꠘꠦ ꠀꠞ ꠍꠛꠞꠦ ꠎꠦꠞꠣ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠛꠞꠇꠔ ꠢꠣꠍꠤꠟ ꠇꠞꠍꠂꠘ, ꠔꠥꠝꠞꠣꠅ ꠔꠣꠞꠣꠞ ꠟꠣꠈꠣꠘ ꠅꠁꠎꠣꠅ।

Injil 19: Ibrani 6:15

ꠁꠛ꠆ꠞꠣꠢꠤꠝꠦ ꠅꠃꠟꠣ ꠛꠃꠔ ꠟꠣꠝ꠆ꠛꠣ ꠡꠝꠄ ꠍꠛꠞ ꠇꠞꠤꠀ ꠀꠟ꠆ꠟꠣꠞ ꠅꠀꠖꠣꠞ ꠚꠟ ꠙꠣꠁꠟꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 1:3

ꠎꠦꠁꠘ ꠔꠣꠘ ꠘꠤꠎꠞ ꠝꠢꠤꠝꠣ ꠀꠞ ꠉꠥꠘꠦ ꠀꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠣꠘꠞꠦ ꠙꠥꠞꠣꠙꠥꠞ ꠌꠤꠘꠣꠞ ꠝꠣꠎꠖꠤ ꠔꠣꠘ ꠇꠥꠖꠞꠔꠦ ꠀꠝꠞꠣ ꠅꠟꠣ ꠘꠤꠀꠝꠔ ꠙꠣꠁꠍꠤ, ꠎꠣꠔꠦ ꠀꠝꠞꠣ ꠙꠞꠦꠎꠉꠣꠞ ꠛꠘꠤꠀ ꠎꠤꠘ꠆ꠖꠦꠉꠤ ꠇꠣꠐꠣꠁ।

ꠁꠘ꠆ꠎꠤꠟ ২২: ২-ꠙꠤꠔꠞ 3:11

ꠅꠟꠣꠈꠣꠘ ꠢꠇ꠆ꠇꠟꠔꠣ ꠛꠤꠘꠣꠡ ꠅꠁꠛ ꠎꠣꠘꠤꠀ, ꠔꠥꠝꠞꠣ ꠇꠤꠟꠣꠈꠣꠘ ꠞꠅꠀ ꠎꠞꠥꠞ? ꠔꠥꠝꠞꠣ ꠙꠣꠇ-ꠙꠛꠤꠔ꠆ꠞ ꠞꠁꠀ ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ ꠇꠣꠐꠣꠁꠀ,

Injil 27: Zaira Kalam 1:9

ꠀꠝꠤ ꠔ ꠔꠥꠝꠞꠣꠞ ꠜꠣꠁ ꠢꠣꠘ꠆ꠘꠣꠘ, ꠢꠎꠞꠔ ꠁꠍꠣꠞ ꠃꠝ꠆ꠝꠔ ꠅꠀꠄ ꠀꠝꠤꠅ ꠔꠥꠝꠞꠣꠞ ꠟꠣꠈꠣꠘ ꠄꠇꠁ ꠇꠡ꠆ꠐ, ꠄꠇꠁ ꠛꠣꠖꠡꠣꠁ ꠀꠞ ꠄꠇꠁ ꠍꠛꠞꠞ ꠜꠣꠉꠤ ꠅꠁꠍꠤ। ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠇꠞꠣꠄ ꠀꠞ ꠁꠍꠣꠞ ꠙꠇ꠆ꠇꠦ ꠎꠛꠣꠘꠛꠘ꠆ꠖꠤ ꠖꠦꠅꠀꠄ ꠀꠝꠣꠞꠦ ꠙꠣꠔꠝꠥꠍ ꠘꠣꠝꠞ ꠖꠤꠙꠅ ꠘꠤꠀ ꠛꠘꠛꠣꠡ ꠖꠦꠅꠀ ꠅꠁꠍꠤꠟ।

Injil 27: Zaira Kalam 13:10

ꠎꠦ ꠎꠘ ꠛꠘ꠆ꠖꠤ ꠅꠀꠞ ꠇꠕꠣ, ꠢꠦ ꠔ ꠛꠘ꠆ꠖꠤ ꠅꠁꠛꠃ। ꠔꠟꠥꠀꠞꠞ ꠔꠟꠦ ꠎꠣꠞ ꠈꠥꠘ ꠅꠀꠞ ꠇꠕꠣ, ꠢꠦ ꠅꠟꠣ ꠈꠥꠘ ꠅꠁꠛ। ꠄꠞꠟꠣꠉꠤ ꠙꠣꠇ ꠛꠘ꠆ꠖꠣ ꠅꠇꠟꠦ ꠝꠎꠛꠥꠔ ꠁꠝꠣꠘ ꠀꠞ ꠍꠛꠞ ꠇꠞꠣ ꠎꠞꠥꠞ।

Injil 27: Zaira Kalam 14:12

ꠄꠞꠟꠣꠉꠤ ꠎꠦꠞꠣ ꠀꠟ꠆ꠟꠣꠞ ꠢꠥꠇꠥꠝ ꠝꠣꠘꠦ ꠀꠞ ꠢꠎꠞꠔ ꠁꠍꠣꠞ ꠔꠞꠤꠇꠣꠞ ꠁꠝꠣꠘꠦ ꠝꠎꠛꠥꠔ ꠞꠄ, ꠀꠟ꠆ꠟꠣꠞ ꠅꠃ ꠙꠣꠇ ꠛꠘ꠆ꠖꠣ ꠅꠇꠟꠦ ꠁ ꠢꠣꠟꠔꠞ ꠝꠣꠎꠦ ꠍꠛꠞ ꠕꠣꠇꠣ ꠎꠞꠥꠞ।

Injil 27: Zaira Kalam 2:2

“ꠀꠝꠤ ꠔ ꠔꠥꠝꠞꠣꠞ ꠇꠣꠝ-ꠇꠣꠎ, ꠔꠥꠝꠞꠣꠞ ꠝꠦꠘꠔ ꠀꠞ ꠔꠥꠝꠞꠣꠞ ꠍꠛꠞꠞ ꠇꠕꠣꠅ ꠎꠣꠘꠤ। ꠀꠝꠤ ꠎꠣꠘꠤ, ꠔꠥꠝꠞꠣ ꠇꠥꠘꠥꠎꠣꠔ ꠛꠖ ꠝꠣꠘꠡꠞꠦ ꠡꠁꠎ꠆ꠎ ꠇꠞꠔꠣꠄ ꠙꠣꠞ ꠘꠣ, ꠀꠞ ꠍꠣꠢꠣꠛꠤ ꠘꠣ ꠅꠁꠀꠅ ꠎꠦꠉꠥꠁꠘ꠆ꠔꠦ ꠘꠤꠎꠞꠦ ꠍꠣꠢꠣꠛꠤ ꠇꠁꠀ ꠙꠞꠤꠌꠄ ꠖꠦꠁꠘ, ꠔꠣꠞꠣꠞꠦ ꠙꠞꠤꠇ꠆ꠇꠣ ꠇꠞꠤꠀ ꠖꠦꠈꠍ, ꠀꠞ ꠙꠞꠝꠣꠘꠅ ꠙꠣꠁꠍ ꠔꠣꠞꠣ ꠎꠦꠘ ꠛꠦꠁꠝꠣꠘꠤ ꠝꠣꠔꠦꠞ।