ꠁꠘ꠆ꠎꠤꠟ ২২: ২-ꠙꠤꠔꠞ 1:4 - Siloṭi Asmani Kitab (Nagri lipi)

⁴ ꠔꠣꠘ ꠝꠢꠤꠝꠣ ꠀꠞ ꠉꠥꠘꠦ ꠀꠝꠞꠣꠞ ꠟꠉꠦ ꠝꠢꠣ ꠖꠣꠝꠤ ꠀꠞ ꠛꠃꠔ ꠛꠠ ꠛꠠ ꠅꠀꠖꠣ ꠇꠞꠍꠂꠘ, ꠎꠣꠔꠦ ꠔꠥꠝꠞꠣ ꠖꠥꠘꠤꠀꠛꠤ ꠢꠇꠟ ꠛꠖ ꠈꠣꠁꠡ ꠕꠣꠇꠤ ꠛꠣꠌꠤꠀ ꠀꠟ꠆ꠟꠣꠁ ꠉꠥꠘꠞ ꠜꠣꠉꠤ ꠅꠅ।

ছিলটি আছমানি কিতাব (বাংলা লিপি)

⁴ তান মহিমা আর গুনে আমরার লগে মহা দামি আর বউত বড় বড় ওয়াদা করছইন, যাতে তুমরা দুনিয়াবি হকল বদ খাইশ থাকি বাচিয়া আল্লাই গুনর ভাগি অও।

Siloṭi Asmani Kitab (Latin lipi)

⁴ Tan mohima ar gune amrar loge moha dami ar bout boṛo boṛo oada ḳorsoin, zate tumra duniabi hoḳol bod ḳaish taki basia Allai gunor bagi o.

ꠁꠘ꠆ꠎꠤꠟ ২২: ২-ꠙꠤꠔꠞ 1:4 Iomraidhean Croise

Injil 6: Ruman 9:4

ꠀꠟ꠆ꠟꠣꠄ ꠔ ꠛꠘꠤ ꠁꠍꠞꠣꠁꠟꠞꠦ ꠔꠣꠘ ꠘꠤꠎꠞ ꠀꠅꠟꠣꠖꠞ ꠄꠈꠔꠤꠀꠞ ꠖꠤꠍꠂꠘ, ꠔꠣꠘ ꠡꠣꠘ-ꠔꠎꠟ꠆ꠟꠤ ꠖꠦꠈꠣꠁꠍꠂꠘ, ꠔꠣꠘ ꠟꠉꠦ ꠝꠤꠟꠘꠞ ꠃꠍꠤꠟ꠆ꠟꠣ ꠅꠇꠟ ꠇꠣꠁꠝ ꠇꠞꠍꠂꠘ, ꠡꠞꠤꠅꠔ ꠘꠣꠎꠤꠟ ꠇꠞꠍꠂꠘ, ꠔꠣꠘ ꠄꠛꠣꠖꠔ-ꠛꠘ꠆ꠖꠦꠉꠤꠞ ꠡꠥꠎꠥꠉ ꠇꠞꠤ ꠖꠤꠍꠂꠘ ꠀꠞ ꠛꠃꠔ ꠟꠣꠈꠣꠘ ꠅꠀꠖꠣꠅ ꠇꠞꠍꠂꠘ।

Injil 8: 2-Korintia 1:20

ꠀꠟ꠆ꠟꠣ ꠙꠣꠇꠞ ꠢꠇꠟ ꠅꠀꠖꠣꠃ ꠔ ꠀꠟ-ꠝꠍꠤꠞ ꠝꠣꠎꠖꠤ ꠙꠥꠞꠣ ꠅꠄ। ꠄꠞꠟꠣꠉꠤ ꠝꠥꠘꠣꠎꠣꠔꠞ ꠡꠝꠄ ꠀꠟ꠆ꠟꠣꠞ ꠉꠃꠞꠛꠞ ꠟꠣꠉꠤ ꠀꠟ-ꠝꠍꠤꠞ ꠘꠣꠝꠞ ꠃꠍꠤꠟ꠆ꠟꠣꠄ ꠀꠝꠞꠣ “ꠀꠝꠤꠘ” ꠝꠣꠘꠤ “ꠅꠄ” ꠇꠁ।

Injil 8: 2-Korintia 3:18

ꠀꠄꠘꠣꠞ ꠍꠣꠝꠘꠦ ꠎꠦꠟꠣ ꠙꠞ꠆ꠖꠣ ꠍꠣꠠꠣ ꠝꠥꠈ ꠡꠞꠣꠡꠞꠤ ꠖꠦꠈꠣ ꠎꠣꠄ, ꠅꠃꠟꠣ ꠀꠝꠞꠣ ꠢꠇꠟꠃ ꠀꠟ-ꠝꠍꠤꠞ ꠘꠥꠞꠣꠘꠤ ꠝꠢꠤꠝꠣ ꠖꠦꠈꠤ ꠖꠦꠈꠤ ꠀꠞꠅ ꠛꠦꠡꠤ ꠝꠢꠤꠝꠣ-ꠀꠟꠣ ꠛꠘꠤꠀ ꠔꠣꠘ ꠟꠣꠈꠣꠘ ꠝꠢꠤꠝꠣ-ꠀꠟꠣ ꠅꠁꠞꠣꠝ। ꠀꠝꠞꠣꠞ ꠝꠣꠟꠤꠇ ꠁꠍꠣ, ꠝꠣꠘꠤ ꠙꠣꠇ ꠞꠥꠢꠥꠞ ꠇꠥꠖꠞꠔꠤ ꠛꠟꠦꠃ ꠁꠟꠣ ꠅꠞ।

Injil 8: 2-Korintia 6:17

ꠙꠣꠇ ꠇꠣꠟꠣꠝꠅ ꠀꠞꠅ ꠛꠣꠔꠣꠁꠍꠂꠘ, ꠄꠞꠟꠣꠉꠤ ꠔꠥꠝꠞꠣ ꠛꠤꠗꠞ꠆ꠝꠤꠞ ꠉꠦꠍ ꠕꠣꠇꠤ ꠢꠞꠅ, ꠔꠣꠞꠣꠞ ꠉꠦꠍ ꠕꠣꠇꠤ ꠀꠟꠉ ꠞꠅ, ꠘꠣꠙꠣꠇ ꠇꠥꠘꠥ ꠎꠤꠘꠤꠡ ꠍꠁꠅ ꠘꠣ, ꠔꠦꠃ ꠀꠝꠤ ꠔꠥꠝꠞꠣꠞꠦ ꠇꠛꠥꠟ ꠇꠞꠝꠥ।

Injil 9: Galatia 3:16

ꠔꠦ ꠁꠛ꠆ꠞꠣꠢꠤꠝ ꠘꠛꠤ ꠀꠞ ꠔꠣꠘ ꠀꠅꠟꠣꠖꠞ ꠟꠉꠦ ꠀꠟ꠆ꠟꠣꠄ ꠎꠦ ꠅꠀꠖꠣ ꠇꠞꠍꠟꠣ, ꠀꠟ꠆ꠟꠣꠞ ꠇꠣꠟꠣꠝꠅ ꠔ ꠇꠅꠀ ꠅꠁꠍꠦ ꠘꠣ, “ꠀꠅꠟꠣꠖ ꠅꠇꠟꠞ ꠟꠉꠦ” ꠝꠣꠘꠤ ꠛꠃꠔ ꠀꠅꠟꠣꠖꠞ ꠟꠉꠦ। ꠛꠞꠋ ꠇꠅꠀ ꠅꠁꠍꠦ ꠈꠣꠟꠤ “ꠔꠥꠝꠣꠞ ꠀꠅꠟꠣꠖꠞ ꠟꠉꠦ” ꠝꠣꠘꠤ ꠄꠇ ꠀꠅꠟꠣꠖꠞ ꠟꠉꠦ, ꠀꠞ ꠅꠃ ꠀꠅꠟꠣꠖꠃ ꠅꠁꠟꠣ ꠀꠟ-ꠝꠍꠤ।

Injil 9: Galatia 6:8

ꠖꠤꠟꠞ ꠅꠃ ꠛꠖ ꠈꠣꠁꠡꠞꠦ ꠈꠥꠡ ꠇꠞꠣꠞ ꠟꠣꠉꠤ ꠈꠦꠔ ꠇꠞꠟꠦ, ꠁ ꠈꠦꠔ ꠕꠣꠇꠤ ꠉꠎꠛ ꠝꠤꠟꠛ। ꠅꠁꠟꠦ ꠙꠣꠇ ꠞꠥꠢꠥꠞꠦ ꠈꠥꠡ ꠞꠣꠈꠣꠞ ꠟꠣꠉꠤ ꠈꠦꠔ ꠇꠞꠟꠦ, ꠁ ꠙꠣꠇ ꠞꠥꠢꠥ ꠕꠣꠇꠤ ꠀꠈꠦꠞꠤ ꠎꠤꠘ꠆ꠖꠦꠉꠤ ꠝꠤꠟꠛ।

Injil 10: Ifisia 4:13

ꠔꠣꠘ ꠈꠤꠀꠟ ꠅꠁꠟ, ꠀꠝꠞꠣ ꠢꠇꠟꠦ ꠎꠣꠘꠥ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ, ꠁꠛꠘꠥꠟ꠆ꠟꠣꠞ ꠃꠙꠞꠦ ꠁꠝꠣꠘ ꠀꠘꠤꠀ, ꠔꠣꠘꠞꠦ ꠜꠣꠟꠣ ꠇꠞꠤ ꠌꠤꠘꠤꠀ ꠄꠇꠈꠣꠘꠅ ꠅꠁ। ꠀꠞ ꠀꠟ-ꠝꠍꠤ ꠎꠦꠟꠣ ꠢꠇꠟ ꠟꠣꠈꠣꠘ ꠉꠥꠘꠦ ꠙꠥꠞꠣꠙꠥꠞ ꠜꠞꠣ, ꠀꠝꠞꠣꠅ ꠅꠟꠣ ꠢꠇꠟ ꠉꠥꠘꠦ ꠙꠥꠞꠣꠙꠥꠞ ꠅꠁꠀ ꠇꠣꠝꠤꠟ ꠅꠁ।

Injil 12: Kolosia 3:10

ꠀꠞ ꠀꠟ꠆ꠟꠣꠞ ꠖꠦꠅꠀ ꠘꠄꠀ ‘ꠀꠝꠤ’ꠞꠦ ꠘꠄꠀ ꠇꠣꠙꠠꠞ ꠟꠣꠈꠣꠘ ꠚꠤꠘ꠆ꠖꠤꠍ। ꠅꠃ ꠘꠄꠀ ‘ꠀꠝꠤ’ ꠀꠞꠅ ꠘꠄꠀ ꠅꠁꠀ ꠔꠣꠞ ꠙꠄꠖꠣ ꠇꠞꠞꠣ ꠝꠣꠟꠤꠇꠞ ꠟꠣꠈꠣꠘ ꠛꠘꠦꠞ, ꠎꠣꠔꠦ ꠅꠃ ꠙꠄꠖꠣ ꠇꠞꠞꠣꠞꠦ ꠔꠥꠝꠞꠣ ꠙꠥꠞꠣꠙꠥꠞ ꠌꠤꠘ।

Injil 19: Ibrani 12:10

ꠀꠝꠞꠣꠞ ꠖꠥꠘꠤꠀꠛꠤ ꠛꠣꠚ ꠅꠇꠟꠦ ꠎꠦꠟꠣ ꠜꠣꠟꠣ ꠝꠘꠅ ꠇꠞꠔꠣ, ꠅꠟꠣ ꠀꠝꠞꠣꠞꠦ ꠡꠣꠡꠘ ꠇꠞꠔꠣ, ꠀꠞ ꠁꠔꠣ ꠔ ꠕꠥꠠꠣ ꠇꠄꠖꠤꠘꠞ ꠟꠣꠉꠤ, ꠅꠁꠟꠦ ꠀꠟ꠆ꠟꠣꠄ ꠔ ꠀꠝꠞꠣꠞꠦ ꠡꠣꠡꠘ ꠇꠞꠞꠣ ꠎꠣꠔꠦ ꠀꠝꠞꠣꠅ ꠔꠣꠘ ꠙꠣꠇ-ꠙꠛꠤꠔ꠆ꠞꠔꠣ ꠢꠣꠍꠤꠟ ꠇꠞꠤ।

Injil 19: Ibrani 9:15

ꠀꠞ ꠙꠄꠟꠣ ꠃꠍꠤꠟ꠆ꠟꠣ ꠌꠣꠟꠥ ꠕꠣꠇꠔꠦ ꠝꠣꠘꠡꠦ ꠎꠦꠔꠣ ꠉꠥꠘꠣ ꠇꠞꠍꠟꠣ, ꠅꠃ ꠉꠥꠘꠣꠞ ꠀꠔ ꠕꠣꠇꠤ ꠈꠣꠟꠣꠍ ꠇꠞꠣꠞ ꠘꠤꠅꠔꠦ, ꠇꠚꠞꠣ ꠢꠤꠡꠣꠛꠦ ꠀꠟ-ꠝꠍꠤꠞ ꠝꠃꠔ ꠅꠁꠍꠦ। ꠀꠟ꠆ꠟꠣꠄ ꠎꠦꠞꠣꠞꠦ ꠖꠣꠅꠔꠖꠤ ꠀꠘꠤꠀ ꠌꠤꠞꠇꠣꠟꠤꠘ ꠝꠃꠞꠡꠤ ꠡꠝ꠆ꠙꠖ ꠖꠤꠛꠣꠞ ꠅꠀꠖꠣ ꠇꠞꠍꠂꠘ, ꠀꠟ-ꠝꠍꠤ ꠔ ꠄꠞꠣꠞ ꠟꠣꠉꠤꠃ ꠘꠄꠀ ꠃꠍꠤꠟ꠆ꠟꠣꠞ ꠎꠤꠝ꠆ꠝꠣꠖꠣꠞ ꠅꠁꠍꠂꠘ। ꠅꠃ ꠝꠃꠞꠡꠤ ꠡꠝ꠆ꠙꠖ ꠅꠈꠘ ꠝꠣꠘꠡꠦ ꠙꠣꠁꠛꠣꠞ ꠡꠥꠎꠥꠉ ꠅꠁꠍꠦ,

Injil 20: Iakub 1:27

ꠄꠔꠤꠝ ꠅꠇꠟꠞꠦ ꠀꠞ ꠠꠣꠠꠤ ꠛꠦꠐꠤꠘ꠆ꠔꠞꠦ ꠛꠤꠙꠖꠞ ꠡꠝꠄ ꠡꠣꠄ-ꠡꠣꠁꠎ꠆ꠎ ꠇꠞꠣ, ꠄꠞꠟꠉꠦ ꠖꠥꠘꠤꠀꠞ ꠢꠇꠟ ꠘꠣꠚꠞꠝꠣꠘꠤ ꠕꠣꠇꠤ ꠘꠤꠎꠞꠦ ꠙꠣꠇ-ꠍꠣꠚ ꠞꠣꠈꠣꠃ ꠅꠁꠟ, ꠀꠟ꠆ꠟꠣꠞ ꠘꠎꠞꠅ ꠈꠣꠐꠤ ꠀꠞ ꠍꠢꠤ ꠄꠛꠣꠖꠔꠤ।

ꠁꠘ꠆ꠎꠤꠟ ২২: ২-ꠙꠤꠔꠞ 1:1

ꠀꠝꠤ ꠍꠣꠁꠝꠘ-ꠙꠤꠔꠞ, ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠉꠥꠟꠣꠝ ꠀꠞ ꠍꠣꠢꠣꠛꠤ। ꠔꠥꠝꠞꠣ ꠎꠦꠞꠣ ꠀꠝꠞꠣꠞ ꠟꠣꠈꠣꠘ, ꠀꠝꠞꠣꠞ ꠀꠟ꠆ꠟꠣ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠙꠣꠇ-ꠙꠞꠦꠎꠉꠣꠞꠤꠄ ꠄꠇꠁ ꠟꠣꠈꠣꠘ ꠝꠢꠣ ꠖꠣꠝꠤ ꠁꠝꠣꠘ ꠢꠣꠍꠤꠟ ꠇꠞꠍ, ꠀꠝꠤ ꠔꠥꠝꠞꠣꠞ ꠉꠦꠍꠦ ꠟꠦꠈꠞꠣꠝ।

ꠁꠘ꠆ꠎꠤꠟ ২২: ২-ꠙꠤꠔꠞ 3:13

ꠅꠁꠟꠦ ꠀꠝꠞꠣ ꠀꠟ꠆ꠟꠣ ꠙꠣꠇꠞ ꠅꠀꠖꠣ ꠇꠞꠣ ꠘꠄꠀ ꠀꠍꠝꠣꠘ, ꠘꠄꠀ ꠎꠝꠤꠘꠞ ꠛꠣꠞ ꠌꠣꠁꠞꠣꠝ, ꠎꠦꠈꠣꠘꠅ ꠈꠣꠟꠤ ꠙꠞꠦꠎꠉꠣꠞꠤꠞ ꠑꠤꠇꠣꠘꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 3:9

ꠇꠥꠘꠥ ꠇꠥꠘꠥ ꠝꠣꠘꠡꠦ ꠝꠘꠅ ꠇꠞꠂꠘ, ꠝꠣꠟꠤꠇꠦ ꠔꠣꠘ ꠅꠀꠖꠣ ꠙꠥꠞꠘ ꠇꠞꠔꠦ ꠖꠦꠞꠤ ꠇꠞꠞꠣ, ꠁꠈꠣꠘ ꠑꠤꠇ ꠘꠣꠄ। ꠀꠍꠟꠦ ꠔꠣꠁꠘ ꠔꠥꠝꠞꠣꠞ ꠛꠣꠄ ꠍꠛꠞ ꠇꠞꠤꠀ ꠞꠁꠍꠂꠘ, ꠔꠣꠁꠘ ꠌꠣꠁꠞꠣ ꠘꠣ ꠇꠦꠃ ꠛꠤꠘꠣꠡ ꠅꠃꠇ, ꠛꠞꠋ ꠢꠇꠟꠞꠦ ꠔꠃꠛꠣ ꠇꠞꠣꠞ ꠡꠥꠎꠥꠉ ꠖꠤꠞꠣ।

Injil 23: 1-Hannan 2:25

ꠀꠞ ꠁꠐꠣꠃ ꠅꠁꠟ ꠢꠃ ꠀꠈꠦꠞꠤ ꠎꠤꠘ꠆ꠖꠦꠉꠤ, ꠎꠦ ꠎꠤꠘ꠆ꠖꠦꠉꠤ ꠀꠟ-ꠝꠍꠤꠄ ꠀꠝꠞꠣꠞꠦ ꠖꠤꠛꠣꠞ ꠅꠀꠖꠣ ꠇꠞꠍꠂꠘ।

Injil 23: 1-Hannan 3:2

ꠅ ꠡꠥꠘꠣ ꠅꠇꠟ, ꠅꠈꠘ ꠔ ꠀꠝꠞꠣ ꠀꠟ꠆ꠟꠣꠞ ꠀꠅꠟꠣꠖ ꠛꠘꠍꠤ, ꠄꠞꠛꠣꠖꠦ ꠇꠤꠔꠣ ꠛꠘꠝꠥ, ꠁꠈꠣꠘ ꠅꠈꠘꠅ ꠎꠣꠘꠤ ꠘꠣ। ꠈꠣꠟꠤ ꠎꠣꠘꠤ, ꠀꠟ-ꠝꠍꠤ ꠎꠦꠛꠟꠣ ꠖꠥꠍꠞꠣꠛꠣꠞ ꠎꠣꠁꠞ ꠅꠁꠛꠣ, ꠢꠃ ꠡꠝꠄ ꠀꠝꠞꠣꠅ ꠔꠣꠘ ꠟꠣꠈꠣꠘ ꠅꠁꠝꠥ। ꠀꠝꠞꠣ ꠔ ꠔꠣꠘꠞꠦ ꠔꠣꠘ ꠀꠍꠟ ꠍꠥꠞꠔꠦ ꠖꠦꠈꠣꠞ ꠡꠥꠎꠥꠉ ꠙꠣꠁꠝꠥ।