ꠁꠘ꠆ꠎꠤꠟ ২২: ২-ꠙꠤꠔꠞ 1:3 - Siloṭi Asmani Kitab (Nagri lipi)

³ ꠎꠦꠁꠘ ꠔꠣꠘ ꠘꠤꠎꠞ ꠝꠢꠤꠝꠣ ꠀꠞ ꠉꠥꠘꠦ ꠀꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠣꠘꠞꠦ ꠙꠥꠞꠣꠙꠥꠞ ꠌꠤꠘꠣꠞ ꠝꠣꠎꠖꠤ ꠔꠣꠘ ꠇꠥꠖꠞꠔꠦ ꠀꠝꠞꠣ ꠅꠟꠣ ꠘꠤꠀꠝꠔ ꠙꠣꠁꠍꠤ, ꠎꠣꠔꠦ ꠀꠝꠞꠣ ꠙꠞꠦꠎꠉꠣꠞ ꠛꠘꠤꠀ ꠎꠤꠘ꠆ꠖꠦꠉꠤ ꠇꠣꠐꠣꠁ।

ছিলটি আছমানি কিতাব (বাংলা লিপি)

³ যেইন তান নিজর মহিমা আর গুনে আমরারে দাওত দিছইন, তানরে পুরাপুর চিনার মাজদি তান কুদরতে আমরা অলা নিয়ামত পাইছি, যাতে আমরা পরেজগার বনিয়া জিন্দেগি কাটাই।

Siloṭi Asmani Kitab (Latin lipi)

³ Zein tan nizor mohima ar gune amrare daot disoin, tanre furafur sinar mazdi tan kudrote amra ola niamot faisi, zate amra forezgar bonia zindegi kaṭai.

ꠁꠘ꠆ꠎꠤꠟ ২২: ২-ꠙꠤꠔꠞ 1:3 Iomraidhean Croise

ꠁꠘ꠆ꠎꠤꠟ ১: ꠝꠕꠤ 28:18

ꠅꠃ ꠡꠝꠄ ꠁꠍꠣ ꠔꠣꠞꠣꠞ ꠇꠣꠘ꠆ꠖꠣꠔ ꠀꠁꠀ ꠇꠁꠟꠣ, “ꠛꠦꠢꠦꠡ꠆ꠔ ꠀꠞ ꠖꠥꠘꠤꠀꠞ ꠢꠇ꠆ꠇꠟ ꠈꠦꠝꠔꠣ ꠀꠝꠣꠞꠦ ꠖꠦꠅꠀ ꠅꠁꠍꠦ।

Injil 6: Ruman 8:32

ꠀꠝꠞꠣ ꠢꠇꠟꠞꠦ ꠛꠣꠌꠣꠘꠤꠞ ꠟꠣꠉꠤ, ꠀꠟ꠆ꠟꠣꠄ ꠎꠦꠛꠟꠣ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞꠦ ꠛꠤꠟꠣꠁ ꠖꠤꠔꠦꠅ ꠘꠣꠞꠣꠎ ꠅꠁꠟꠣ ꠘꠣ, ꠔꠣꠘꠞꠦ ꠝꠃꠔꠞ ꠀꠔꠅ ꠡꠙꠤ ꠖꠤꠟꠣ, ꠔꠦ ꠅꠃ ꠝꠣꠄꠀꠞ ꠎꠘꠞ ꠟꠉꠦ ꠢꠇꠟꠔꠣꠃ ꠀꠝꠞꠣꠞꠦ ꠖꠣꠘ ꠇꠞꠔꠣ ꠘꠣꠄ ꠘꠤ?

Injil 6: Ruman 9:24

ꠀꠍꠟꠦ ꠀꠝꠞꠣꠃ ꠅꠁꠟꠣꠝ ꠢꠃ ꠖꠄꠀꠞ ꠎꠘ। ꠀꠝꠞꠣꠞꠦ ꠔꠣꠁꠘ ꠈꠣꠟꠤ ꠛꠘꠤ ꠁꠍꠞꠣꠁꠟꠞ ꠝꠣꠎ ꠕꠣꠇꠤꠃ ꠖꠣꠅꠔ ꠖꠤꠀ ꠀꠘꠍꠂꠘ ꠘꠣ, ꠅꠁꠘ꠆ꠘ ꠎꠣꠔꠤꠞ ꠝꠣꠎ ꠕꠣꠇꠤꠅ ꠔ ꠀꠘꠍꠂꠘ।

Injil 7: 1-Korintia 1:9

ꠀꠟ꠆ꠟꠣ ꠙꠣꠇ ꠔ ꠢꠇ ꠀꠞ ꠈꠣꠐꠤ, ꠔꠣꠁꠘ ꠎꠦꠟꠣ ꠇꠂꠘ ꠅꠟꠣ ꠅꠄ। ꠔꠣꠁꠘ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠥꠝꠞꠣ ꠎꠣꠘꠥ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠍꠣ ꠁꠛꠘꠥꠟ꠆ꠟꠣꠞ ꠟꠉꠦ ꠈꠣꠔꠤꠞ-ꠡꠝ꠆ꠙꠞ꠆ꠇ ꠞꠣꠈꠅ, ꠄꠁꠘꠃ ꠀꠟ-ꠝꠍꠤ, ꠀꠝꠞꠣꠞ ꠝꠣꠟꠤꠇ।

Injil 8: 2-Korintia 12:9

ꠅꠁꠟꠦ ꠔꠣꠁꠘ ꠎꠥꠀꠙ ꠖꠤꠟꠣ, “ꠀꠝꠣꠞ ꠞꠢꠝꠔꠃ ꠔꠥꠝꠣꠞ ꠛꠃꠔꠔꠣ, ꠀꠝꠣꠞ ꠛꠟ-ꠡꠇ꠆ꠔꠤ ꠝꠤꠟꠦ ꠈꠣꠟꠤ ꠇꠝꠎꠥꠞ ꠢꠣꠟꠔꠦ।” ꠄꠞꠟꠣꠉꠤ ꠀꠝꠣꠞ ꠇꠝꠎꠥꠞꠤꠞ ꠛꠦꠙꠣꠞꠦ ꠀꠝꠤ ꠈꠥꠡꠤ ꠝꠘꠦꠃ ꠛꠠꠣꠁ ꠇꠞꠝꠥ, ꠎꠣꠔꠦ ꠀꠟ-ꠝꠍꠤꠞ ꠅꠃ ꠛꠟ-ꠡꠇ꠆ꠔꠤ ꠀꠝꠣꠞ ꠝꠣꠎꠦ ꠛꠡꠔ ꠇꠞꠦ।

Injil 10: Ifisia 4:1

ꠀꠝꠣꠞ ꠝꠣꠟꠤꠇ ꠀꠟ-ꠝꠍꠤꠞ ꠟꠣꠉꠤ ꠀꠝꠤ ꠎꠦꠟꠅ ꠛꠘ꠆ꠖꠤ ꠀꠍꠤ। ꠅꠃ ꠛꠘ꠆ꠖꠤ ꠢꠣꠟꠔꠦ ꠀꠝꠤ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ, ꠎꠦ ꠇꠣꠝꠞ ꠟꠣꠉꠤ ꠀꠟ꠆ꠟꠣꠄ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠥꠝꠞꠣ ꠄꠞ ꠃꠙꠎꠥꠇ꠆ꠔ ꠅꠁꠀ ꠌꠟ।

Injil 10: Ifisia 4:4

ꠀꠟ꠆ꠟꠣꠄ ꠔꠥꠝꠞꠣꠞꠦ ꠔꠣꠘ ꠙꠕꠦ ꠖꠣꠅꠔ ꠖꠤꠍꠂꠘ ꠇꠞꠤꠀ ꠔꠥꠝꠞꠣꠞ ꠝꠣꠎꠦ ꠈꠣꠟꠤ ꠄꠇꠈꠣꠘ ꠀꠡꠣ ꠀꠍꠦ, ꠈꠣꠟꠤ ꠄꠇ ꠡꠞꠤꠟ ꠀꠞ ꠄꠇꠎꠘ ꠙꠣꠇ ꠞꠥꠢꠥ ꠀꠍꠂꠘ।

Injil 11: Filifia 3:8

ꠀꠍꠟꠦ ꠀꠝꠤ ꠎꠣꠞ ꠟꠣꠉꠤ ꠁ ꠈꠦꠔꠤ ꠡ꠆ꠛꠤꠇꠣꠞ ꠇꠞꠤꠀꠞ, ꠄꠁꠘꠃ ꠀꠝꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤ। ꠔꠣꠘꠞꠦ ꠎꠣꠘꠣꠞ ꠝꠣꠎꠦꠃ ꠢꠇꠟ ꠕꠣꠇꠤ ꠛꠠ ꠚꠣꠄꠖꠣ, ꠔꠣꠘ ꠔꠥꠟꠘꠣꠄ ꠛꠣꠖ-ꠛꠣꠇꠤ ꠢꠇ꠆ꠇꠟꠔꠣꠞꠦꠃ ꠀꠝꠤ ꠈꠦꠔꠤ ꠝꠘꠅ ꠇꠞꠤ। ꠀꠝꠤ ꠎꠣꠔꠦ ꠀꠟ-ꠝꠍꠤꠞꠦ ꠙꠣꠁ, ꠀꠞ ꠀꠝꠣꠞꠦ ꠎꠣꠔꠦ ꠀꠟ-ꠝꠍꠤꠞ ꠟꠉꠦ ꠄꠇꠈꠣꠘꠅ ꠝꠤꠟꠣꠁꠟ ꠖꠦꠈꠣ ꠎꠣꠄ, ꠅꠃ ꠘꠤꠅꠔꠦꠃ ꠀꠝꠤ ꠁꠔꠣ ꠢꠇ꠆ꠇꠟꠔꠣꠞꠦ ꠝꠄꠟꠣꠞ ꠟꠣꠈꠣꠘ ꠢꠞꠣꠁꠀ ꠚꠣꠟꠣꠁꠍꠤ।

Injil 11: Filifia 4:8

ꠅ ꠜꠣꠁ ꠅꠇꠟ, ꠀꠝꠤ ꠢꠦꠡ-ꠝꠦꠡ ꠇꠁꠞꠣꠝ, ꠎꠦꠔꠣ ꠢꠣꠍꠣ, ꠎꠦꠔꠣ ꠃꠙꠎꠥꠇ꠆ꠔ, ꠢꠇ, ꠈꠣꠐꠤ, ꠡꠥꠘ꠆ꠖꠞ, ꠀꠞ ꠁꠎ꠆ꠎꠔ ꠙꠣꠅꠀꠞ ꠎꠥꠇꠣ, ꠝꠣꠘꠤ ꠎꠦꠔꠣ ꠜꠣꠟꠣ ꠀꠞ ꠎꠦꠔꠣꠄ ꠔꠣꠞꠤꠚ ꠅꠄ, ꠅꠃ ꠟꠣꠈꠣꠘ ꠛꠦꠙꠣꠞꠦ ꠔꠥꠝꠞꠣ ꠈꠤꠀꠟꠤ ꠅꠅ।

Injil 12: Kolosia 1:16

ꠀꠍꠝꠣꠘ-ꠎꠝꠤꠘꠞ ꠝꠣꠎꠦ ꠖꠦꠈꠣ ꠀꠞ ꠀ-ꠖꠦꠈꠣ ꠎꠔꠔꠣ ꠀꠍꠦ, ꠁꠔꠣ ꠛꠣꠖꠡꠣꠁ ꠅꠃꠇ ꠛꠣ ꠛꠣꠢꠣꠖꠥꠞꠤ, ꠡꠣꠡꠘ ꠇꠤꠛꠣ ꠈꠦꠝꠔꠣ ꠅꠃꠇ, ꠢꠇ꠆ꠇꠟꠔꠣꠃ ꠔꠣꠘ ꠀꠔꠞ ꠙꠄꠖꠣ। ꠁꠔꠣ ꠔ ꠈꠣꠟꠤ ꠔꠣꠘ ꠟꠣꠉꠤꠃ ꠙꠄꠖꠣ ꠇꠞꠣ ꠅꠁꠍꠦ।

ইঞ্জিল ১৩: ১-থিষল: 2:12

ꠎꠣꠔꠦ ꠀꠟ꠆ꠟꠣꠞ ꠛꠘ꠆ꠖꠣ ꠢꠤꠡꠣꠛꠦ ꠔꠥꠝꠞꠣ ꠃꠙꠎꠥꠇ꠆ꠔ ꠅꠁꠀ ꠌꠟ। ꠀꠟ꠆ꠟꠣꠄ ꠔꠥꠝꠞꠣꠞꠦ ꠖꠣꠅꠔ ꠖꠤꠞꠣ, ꠔꠣꠘ ꠘꠤꠎꠞ ꠛꠣꠖꠡꠣꠁ ꠀꠞ ꠉꠃꠞꠛꠞ ꠜꠣꠉꠤ ꠅꠀꠞ ꠟꠣꠉꠤ।

ইঞ্জিল ১৩: ১-থিষল: 4:7

ꠀꠟ꠆ꠟꠣꠄ ꠇꠥꠘꠥ ꠀꠝꠞꠣꠞꠦ ꠖꠣꠅꠔ ꠖꠤꠍꠂꠘ ꠘꠤ ꠘꠣꠚꠞꠝꠣꠘꠤꠞ ꠙꠕꠦ ꠌꠟꠣꠞ ꠟꠣꠉꠤ? ꠔꠣꠁꠘ ꠔ ꠀꠝꠞꠣꠞꠦ ꠙꠣꠇ-ꠙꠛꠤꠔ꠆ꠞ ꠅꠁꠀ ꠌꠟꠣꠞ ꠟꠣꠉꠤ ꠇꠁꠍꠂꠘ।

ইঞ্জিল ১৪: ২-থিষল: 2:14

ꠀꠝꠞꠣ ꠎꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠍꠤ, ꠄꠞ ꠃꠍꠤꠟ꠆ꠟꠣꠄ ꠘꠣꠎꠣꠔ ꠙꠣꠅꠀꠞ ꠟꠣꠉꠤ ꠀꠟ꠆ꠟꠣꠄ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ, ꠎꠣꠔꠦ ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠝꠢꠤꠝꠣꠔ ꠡꠞꠤꠇ ꠅꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:8

ꠡꠞꠤꠟꠞ ꠛꠦꠀꠝ ꠇꠞꠟꠦ ꠇꠤꠍꠥ ꠚꠣꠄꠖꠣ ꠅꠄ, ꠅꠁꠟꠦ ꠖꠤꠟꠞ ꠁꠝꠣꠘꠤ ꠛꠦꠀꠝꠦ ꠢꠇ꠆ꠇꠟ ꠛꠣꠄ ꠕꠣꠇꠤ ꠚꠣꠄꠖꠣ ꠅꠄ। ꠄꠞꠝꠣꠎꠦ ꠔ ꠈꠣꠟꠤ ꠁ ꠖꠥꠘꠤꠀ ꠘꠣꠄ, ꠀꠈꠦꠞꠣꠔꠞ ꠀꠡꠣꠅ ꠀꠍꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:9

ꠀꠟ꠆ꠟꠣꠄ ꠀꠝꠞꠣꠞ ꠎꠣꠘ ꠛꠣꠌꠣꠁꠍꠂꠘ, ꠀꠞ ꠙꠣꠇ-ꠙꠛꠤꠔ꠆ꠞ ꠅꠁꠀ ꠎꠤꠘ꠆ꠖꠦꠉꠤ ꠇꠣꠐꠣꠘꠤꠞ ꠟꠣꠉꠤ ꠖꠣꠅꠔ ꠖꠤꠍꠂꠘ। ꠁꠔꠣ ꠔ ꠀꠝꠞꠣꠞ ꠇꠥꠘꠥ ꠘꠦꠇ ꠇꠣꠝꠞ ꠉꠥꠘꠦ ꠘꠣꠄ, ꠛꠞꠋ ꠔꠣꠘ ꠝꠞ꠆ꠎꠤ ꠀꠞ ꠞꠢꠝꠔꠞ ꠉꠥꠘꠦꠃ ꠇꠞꠍꠂꠘ। ꠀꠝꠞꠣꠞꠦ ꠁ ꠞꠢꠝꠔ ꠖꠣꠘ ꠇꠞꠍꠂꠘ ꠔ, ꠖꠥꠘꠤꠀ ꠙꠄꠖꠣ ꠇꠞꠣꠞ ꠀꠉꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ।

Injil 19: Ibrani 1:3

ꠄꠁꠘꠃ ꠅꠁꠟꠣ ꠀꠟ꠆ꠟꠣꠞ ꠡꠣꠘ-ꠔꠎꠟ꠆ꠟꠤꠞ ꠘꠥꠞ, ꠔꠣꠘ ꠝꠣꠎꠖꠤꠀꠃ ꠀꠟ꠆ꠟꠣ ꠙꠣꠇꠦ ꠘꠤꠎꠞꠦ ꠎꠣꠁꠞ ꠇꠞꠍꠂꠘ। ꠅꠃ ꠝꠣꠄꠀꠞ ꠙꠥꠔ ꠇꠟꠤꠝꠣꠔꠥꠟ꠆ꠟꠣꠞ ꠢꠥꠇꠥꠝꠞ ꠛꠟꠦ, ꠔꠣꠝꠣꠝ ꠎꠉꠔꠞ ꠢꠇ꠆ꠇꠟꠔꠣ ꠌꠟꠦ। ꠔꠣꠁꠘ ꠖꠥꠘꠤꠀꠞ ꠝꠣꠘꠡꠞ ꠉꠥꠘꠣꠞꠦ ꠗꠁꠀ ꠍꠣꠚ ꠇꠞꠤꠀ, ꠀꠞꠡꠦ-ꠀꠎꠤꠝꠅ ꠀꠟ꠆ꠟꠣꠞ ꠒꠣꠁꠘꠞ ꠔꠈ꠆ꠔꠅ ꠔꠡꠞꠤꠚ ꠞꠣꠈꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:15

ꠎꠦꠁꠘ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠣꠁꠘ ꠎꠦꠟꠣ ꠙꠛꠤꠔ꠆ꠞ, ꠔꠥꠝꠞꠣꠅ ꠅꠃꠟꠣ ꠢꠇꠟ ꠌꠟꠣ-ꠚꠤꠞꠣꠔ ꠙꠛꠤꠔ꠆ꠞ ꠅꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 1:5

ꠔꠥꠝꠞꠣ ꠙꠥꠞꠣꠙꠥꠞ ꠘꠣꠎꠣꠔ ꠘꠣ ꠙꠣꠅꠀ ꠙꠞ꠆ꠎꠘ꠆ꠔ, ꠀꠟ꠆ꠟꠣꠁ ꠡꠇ꠆ꠔꠤꠄ ꠁꠝꠣꠘꠞ ꠝꠣꠎꠖꠤ ꠔꠥꠝꠞꠣꠞꠦ ꠢꠦꠚꠣꠎꠔꠦ ꠞꠣꠈꠣ ꠅꠁꠍꠦ। ꠅꠃ ꠘꠣꠎꠣꠔ ꠑꠤꠇ ꠇꠞꠣ ꠅꠁꠍꠦ, ꠀꠈꠦꠞꠣꠔꠞ ꠡꠝꠄ ꠎꠣꠁꠞ ꠅꠀꠞ ꠟꠣꠉꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 2:21

ꠀꠟ꠆ꠟꠣꠄ ꠔꠥꠝꠞꠣꠞꠦ ꠅꠔꠣꠞ ꠟꠣꠉꠤꠃ ꠖꠣꠅꠔ ꠖꠤꠍꠂꠘ। ꠀꠟ-ꠝꠍꠤꠄꠅ ꠇꠡ꠆ꠐ ꠡꠁꠎ꠆ꠎ ꠇꠞꠤꠀ ꠘꠝꠥꠘꠣ ꠖꠦꠈꠣꠁꠍꠂꠘ, ꠔꠦ ꠔꠥꠝꠞꠣꠅ ꠔꠣꠘ ꠙꠣꠅꠞ ꠔꠣꠟꠦ ꠔꠣꠟꠦ ꠌꠟꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 2:9

ꠅꠁꠟꠦ ꠔꠥꠝꠞꠣ ꠔ ꠁꠟꠣ ꠘꠣꠄ, ꠔꠥꠝꠞꠣ ꠅꠁꠟꠣꠄ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠈꠣꠘ꠆ꠖꠣꠘ, ꠛꠣꠖꠡꠣꠁ ꠁꠝꠣꠝꠞ ꠖꠟ, ꠙꠛꠤꠔ꠆ꠞ ꠎꠣꠔꠤ, ꠔꠣꠘ ꠀꠙꠘ ꠙ꠆ꠞꠎꠣ। ꠔꠣꠁꠘ ꠔꠥꠝꠞꠣꠞꠦ ꠀꠘ꠆ꠖꠣꠁꠞ ꠕꠣꠇꠤ ꠘꠤꠎꠞ ꠘꠥꠞꠞ ꠚꠞꠅ ꠖꠣꠅꠔ ꠇꠞꠤ ꠀꠘꠍꠂꠘ, ꠔꠣꠘ ꠉꠥꠘꠉꠣꠘ ꠇꠞꠣꠞ ꠟꠣꠉꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 3:9

ꠅꠁꠘ꠆ꠘꠣꠄꠞ ꠛꠖꠟꠣ ꠅꠁꠘ꠆ꠘꠣꠄ ꠇꠞꠤꠅ ꠘꠣ, ꠇꠦꠃ ꠉꠣꠟꠤ ꠖꠤꠟꠦ ꠚꠤꠞꠤꠀ ꠉꠣꠟꠤ ꠖꠤꠅ ꠘꠣ। ꠛꠞꠋ ꠔꠣꠞꠣꠞ ꠟꠣꠉꠤ ꠖꠥꠀ ꠌꠣꠁꠅ, ꠅꠟꠣ ꠌꠟꠣꠞ ꠟꠣꠉꠤꠃ ꠀꠟ꠆ꠟꠣꠄ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠁꠟꠣ ꠇꠞꠟꠦ ꠔꠥꠝꠞꠣ ꠞꠢꠝꠔ ꠙꠣꠁꠛꠣꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 5:10

ꠞꠢꠝꠣꠘꠥꠞ ꠞꠢꠤꠝ ꠀꠟ꠆ꠟꠣ ꠙꠣꠇꠦ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ ꠀꠟ-ꠝꠍꠤꠞ ꠟꠉꠦ ꠅꠁꠀ ꠔꠣꠘ ꠌꠤꠞꠡ꠆ꠕꠣꠄꠁ ꠝꠢꠤꠝꠣꠞ ꠜꠣꠉꠤ ꠅꠀꠞ ꠟꠣꠉꠤ। ꠕꠥꠠꠣ ꠇꠄꠖꠤꠘ ꠖꠥꠈ-ꠇꠡ꠆ꠐ ꠇꠞꠤꠀ ꠢꠣꠞꠟꠦ, ꠔꠣꠁꠘ ꠘꠤꠎꠦꠃ ꠔꠥꠝꠞꠣꠞꠦ ꠑꠤꠇ-ꠑꠣꠇ ꠇꠞꠛꠣ ꠀꠞ ꠕꠤꠞ ꠞꠣꠈꠛꠣ, ꠔꠥꠝꠞꠣꠞꠦ ꠛꠟꠛꠣꠘ ꠇꠞꠤꠀ ꠝꠎꠛꠥꠔ ꠈꠥꠐꠤꠞ ꠃꠙꠞꠦ ꠈꠣꠠꠣ ꠇꠞꠣꠁꠛꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 1:10

ꠄꠞꠟꠣꠉꠤ ꠜꠣꠁ ꠅꠇꠟ ꠢꠥꠘꠅ, ꠀꠟ꠆ꠟꠣꠄ ꠎꠦꠘ ꠢꠣꠍꠣꠃ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ ꠀꠞ ꠙꠍꠘ꠆ꠖ ꠇꠞꠍꠂꠘ, ꠁꠔꠣ ꠘꠤꠌ꠆ꠌꠤꠔ ꠇꠞꠣꠞ ꠟꠣꠉꠤ ꠀꠞꠅ ꠛꠦꠡꠤ ꠈꠤꠀꠟꠤ ꠅꠅ। ꠁꠟꠣ ꠇꠞꠟꠦ ꠔꠥꠝꠞꠣ ꠇꠥꠘꠥ ꠡꠝꠄ ꠃꠡ꠆ꠐꠣ ꠈꠣꠁꠔꠣꠄ ꠘꠣꠄ।

ꠁꠘ꠆ꠎꠤꠟ ২২: ২-ꠙꠤꠔꠞ 1:2

ꠀꠟ꠆ꠟꠣ ꠙꠣꠇ ꠀꠞ ꠀꠝꠞꠣꠞ ꠝꠣꠟꠤꠇ ꠢꠎꠞꠔ ꠁꠍꠣꠞꠦ ꠙꠥꠞꠣꠙꠥꠞ ꠌꠤꠘꠣꠞ ꠝꠣꠎꠖꠤ, ꠔꠥꠝꠞꠣꠞ ꠃꠙꠞꠦ ꠛꠦꠡ ꠇꠞꠤ ꠞꠢꠝꠔ ꠀꠞ ꠡꠣꠘ꠆ꠔꠤ ꠘꠣꠎꠤꠟ ꠅꠃꠇ।

ꠁꠘ꠆ꠎꠤꠟ ২২: ২-ꠙꠤꠔꠞ 1:5

ꠄꠞꠖꠣꠄ ꠔꠥꠝꠞꠣ ꠈꠥꠛ ꠈꠤꠀꠟꠤ ꠅꠁꠀ, ꠁꠝꠣꠘꠞ ꠟꠉꠦ ꠘꠦꠇ ꠈꠣꠁꠍꠟꠔ, ꠘꠦꠇ ꠈꠣꠁꠍꠟꠔꠞ ꠟꠉꠦ ꠀꠟ-ꠝꠍꠤꠞꠦ ꠌꠤꠘꠣꠞ ꠀꠈꠟ,

ꠁꠘ꠆ꠎꠤꠟ ২২: ২-ꠙꠤꠔꠞ 1:6

ꠁ ꠀꠈꠟꠞ ꠟꠉꠦ ꠘꠤꠎꠞꠦ ꠡꠣꠝꠟꠣꠘꠤ, ꠡꠣꠝꠟꠣꠘꠤꠞ ꠟꠉꠦ ꠗꠂꠎ꠆ꠎ ꠀꠞ ꠗꠂꠎ꠆ꠎꠞ ꠟꠉꠦ ꠙꠞꠦꠎꠉꠣꠞꠤ,

ꠁꠘ꠆ꠎꠤꠟ ২২: ২-ꠙꠤꠔꠞ 1:8

ꠔꠥꠝꠞꠣꠞ ꠝꠣꠎꠦ ꠎꠥꠖꠤ ꠁꠔꠣ ꠉꠥꠘꠣꠉꠥꠘ ꠕꠣꠇꠦ, ꠀꠞ ꠁꠔꠣ ꠜꠞꠤꠀ ꠙꠠꠣꠔ ꠞꠄ, ꠔꠦ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞꠦ ꠙꠥꠞꠣꠙꠥꠞ ꠌꠤꠘꠣꠈꠣꠘ ꠔꠥꠝꠞꠣꠞ ꠛꠦꠇꠣꠝꠣ-ꠛꠦꠢꠥꠖꠣ ꠎꠣꠁꠔ ꠘꠣꠄ।

ꠁꠘ꠆ꠎꠤꠟ ২২: ২-ꠙꠤꠔꠞ 2:20

ꠔꠦ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞꠦ ꠌꠤꠘꠤꠀ ꠢꠣꠞꠤ ꠎꠉꠔꠞ ꠈꠣꠞꠣꠙꠤ ꠕꠣꠇꠤ ꠢꠞꠤꠀ ꠀꠁꠀꠅ, ꠇꠦꠃ ꠎꠥꠖꠤ ꠢꠤꠞꠛꠣꠞ ꠉꠤꠀ ꠅꠃ ꠈꠣꠞꠣꠙꠤꠞ ꠎꠣꠟꠅ ꠀꠐꠇꠣꠄ, ꠔꠦ ꠔꠣꠞꠣꠞ ꠙꠄꠟꠣ ꠖꠡꠣ ꠕꠣꠇꠤ ꠢꠦꠡ ꠖꠡꠣ ꠀꠞꠅ ꠝꠘ꠆ꠖ।

ꠁꠘ꠆ꠎꠤꠟ ২২: ২-ꠙꠤꠔꠞ 3:18

ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠞꠢꠝꠔꠦ ꠀꠞ ꠔꠣꠘꠞꠦ ꠌꠤꠘꠣꠞ ꠔꠣꠇ꠆ꠇꠔꠦ ꠛꠣꠠꠤꠀ ꠃꠑꠅ। ꠅꠈꠘ ꠀꠞ ꠢꠞ-ꠢꠣꠝꠦꠡꠣ ꠔꠣꠘ ꠝꠢꠤꠝꠣ ꠎꠣꠞꠤ ꠞꠃꠇ। ꠀꠝꠤꠘ॥

ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 3:11

ꠀꠡ꠆ꠔꠣ ꠉꠣꠃꠞ ꠢꠇꠟ ꠝꠣꠘꠡꠦꠃ ꠔꠥꠝꠣꠞꠦ ꠜꠣꠟꠣ ꠙꠣꠄ। ꠔꠥꠝꠤ ꠌꠤꠘ꠆ꠔꠣ ꠇꠞꠤꠅ ꠘꠣ, ꠔꠥꠝꠤ ꠎꠦꠟꠣ ꠌꠣꠁꠞꠣꠄ, ꠀꠝꠤ ꠅꠟꠣꠃ ꠇꠞꠝꠥ।