ꠁꠘ꠆ꠎꠤꠟ ২২: ২-ꠙꠤꠔꠞ 1:10 - Siloṭi Asmani Kitab (Nagri lipi)

¹⁰ ꠄꠞꠟꠣꠉꠤ ꠜꠣꠁ ꠅꠇꠟ ꠢꠥꠘꠅ, ꠀꠟ꠆ꠟꠣꠄ ꠎꠦꠘ ꠢꠣꠍꠣꠃ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ ꠀꠞ ꠙꠍꠘ꠆ꠖ ꠇꠞꠍꠂꠘ, ꠁꠔꠣ ꠘꠤꠌ꠆ꠌꠤꠔ ꠇꠞꠣꠞ ꠟꠣꠉꠤ ꠀꠞꠅ ꠛꠦꠡꠤ ꠈꠤꠀꠟꠤ ꠅꠅ। ꠁꠟꠣ ꠇꠞꠟꠦ ꠔꠥꠝꠞꠣ ꠇꠥꠘꠥ ꠡꠝꠄ ꠃꠡ꠆ꠐꠣ ꠈꠣꠁꠔꠣꠄ ꠘꠣꠄ।

ছিলটি আছমানি কিতাব (বাংলা লিপি)

¹⁰ এরলাগি ভাই অকল হুনো, আল্লায় যেন হাছাউ তুমরারে দাওত দিছইন আর পছন্দ করছইন, ইতা নিচ্চিত করার লাগি আরো বেশি খিয়ালি অও। ইলা করলে তুমরা কুনু সময় উষ্টা খাইতায় নায়।

Siloṭi Asmani Kitab (Latin lipi)

¹⁰ Erlagi bai oḳol huno, Allae zen hasau tumrare daot disoin ar fosond ḳorsoin, ita nichchit ḳorar lagi aro beshi kiali o. Ila ḳorle tumra kunu shomoy usṭa ḳaitae nae.

ꠁꠘ꠆ꠎꠤꠟ ২২: ২-ꠙꠤꠔꠞ 1:10 Iomraidhean Croise

ꠎꠛꠥꠞ ꠡꠞꠤꠚ 121:3

ꠔꠥꠝꠣꠞ ꠙꠣꠅꠞꠦ ꠔꠣꠁꠘ ꠙꠤꠍꠟꠣ ꠈꠣꠁꠔꠦ ꠖꠤꠔꠣ ꠘꠣꠄ, ꠔꠥꠝꠣꠞ ꠛꠣꠌꠣꠘꠦꠀꠟꠣ ꠔ ꠊꠥꠝꠣꠁꠔꠣ ꠘꠣꠄ।

ꠎꠛꠥꠞ ꠡꠞꠤꠚ 15:5

ꠐꠦꠇꠣ-ꠙꠄꠡꠣ ꠇꠞꠎ ꠖꠦꠄ ꠡꠥꠖ ꠘꠣ ꠟꠁꠀ, ꠘꠤ-ꠅꠙꠞꠣꠗꠤꠞ ꠙꠇ꠆ꠇ ꠟꠄ ꠊꠥꠡ ꠘꠣ ꠈꠣꠁꠀ। ꠅꠃ ꠟꠣꠈꠣꠘ ꠀꠝꠟꠦ ꠌꠟꠦ ꠎꠦꠁ ꠎꠘ, ꠇꠥꠘꠥ ꠖꠤꠘꠃ ꠊꠣꠛꠠꠤꠔ ꠘꠣꠄ ꠢꠃ ꠡꠣꠗꠥ ꠝꠘ॥

ꠎꠛꠥꠞ ꠡꠞꠤꠚ 37:24

ꠡ꠆ꠛꠄꠅꠋ ꠝꠣꠛꠥꠖꠦ ꠔꠣꠞꠣꠞ ꠀꠔꠅ ꠗꠞꠤꠀ ꠞꠣꠈꠣꠄ, ꠃꠡ꠆ꠐꠣ ꠈꠣꠁꠟꠦꠅ ꠔꠣꠞꠣ ꠙꠠꠤꠀ ꠞꠁꠔ ꠘꠣꠄ।

ꠁꠘ꠆ꠎꠤꠟ ১: ꠝꠕꠤ 22:14

ꠇꠤꠌ꠆ꠍꠣꠞ ꠛꠣꠖꠦ ꠁꠍꠣꠄ ꠇꠁꠟꠣ, “ꠄꠞꠟꠣꠉꠤꠃ ꠀꠝꠤ ꠇꠁꠞꠣꠝ, ꠖꠣꠅꠔ ꠙꠣꠁꠍꠂꠘ ꠛꠃꠔꠦ, ꠅꠁꠟꠦ ꠙꠍꠘ꠆ꠖ ꠅꠁꠍꠂꠘ ꠇꠝ।”

Injil 6: Ruman 11:29

ꠇꠣꠞꠘ ꠀꠟ꠆ꠟꠣꠄ ꠔꠣꠘ ꠞꠢꠝꠔꠞ ꠖꠣꠘ-ꠖꠇ꠆ꠇꠤꠘꠣ ꠀꠞ ꠔꠣꠘ ꠖꠣꠅꠔꠞ ꠇꠕꠣ ꠇꠥꠘꠥꠝꠘ꠆ꠔꠦꠃ ꠝꠔ ꠛꠖꠟꠣꠁꠘ ꠘꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:19

ꠔꠦꠛꠃ ꠀꠟ꠆ꠟꠣꠞ ꠛꠣꠘꠣꠁꠟ ꠝꠎꠛꠥꠔ ꠜꠤꠔ ꠃꠛꠣ ꠞꠁꠍꠦ, ꠄꠞ ꠃꠙꠞꠦ ꠡꠤꠟ-ꠌꠣꠙ꠆ꠙꠠꠞ ꠟꠣꠈꠣꠘ ꠅꠃ ꠇꠕꠣ ꠟꠦꠈꠣ ꠀꠍꠦ, “ꠝꠣꠟꠤꠇꠦ ꠎꠣꠘꠂꠘ, ꠇꠦ ꠇꠦ ꠔꠣꠘ,” ꠀꠞ “ꠎꠦ ꠎꠘꠦ ꠀꠟ-ꠝꠍꠤꠞꠦ ꠝꠣꠟꠤꠇ ꠇꠁꠀ ꠡ꠆ꠛꠤꠇꠣꠞ ꠇꠞꠦ, ꠢꠦ ꠢꠇꠟ ꠎꠣꠔꠞ ꠉꠥꠘꠣ ꠕꠣꠇꠤ ꠢꠞꠣꠁꠟ ꠞꠃꠇ।”

Injil 19: Ibrani 6:11

ꠀꠝꠞꠣꠞ ꠈꠥꠛ ꠁꠌ꠆ꠍꠣ ꠅꠁꠟ, ꠔꠥꠝꠞꠣ ꠙꠞꠔꠦꠇ ꠎꠘꠦꠃ ꠢꠦꠡ ꠙꠞ꠆ꠎꠘ꠆ꠔ ꠄꠇꠁ ꠟꠣꠈꠣꠘ ꠇꠣꠝ ꠇꠞꠣꠔ ꠀꠉꠥꠀꠁ ꠀꠁꠛꠣꠄ, ꠎꠣꠔꠦ ꠔꠥꠝꠞꠣꠞ ꠀꠡꠣ ꠙꠥꠞꠣ ꠅꠄ।

Injil 19: Ibrani 6:19

ꠅꠃ ꠀꠡꠣ ꠀꠝꠞꠣꠞ ꠎꠣꠘꠞ ꠟꠋꠉꠞꠞ ꠟꠣꠈꠣꠘ, ꠇꠣꠁꠝ ꠀꠞ ꠝꠎꠛꠥꠔ। ꠁꠐꠣꠄ ꠀꠟ꠆ꠟꠣꠞ ꠛꠦꠢꠦꠡ꠆ꠔꠤ ꠄꠛꠣꠖꠔ ꠈꠣꠘꠣꠞ ꠙꠞ꠆ꠖꠣ ꠙꠣꠞ ꠅꠁꠀ ꠢꠦꠞꠦꠝ ꠡꠞꠤꠚꠞ ꠜꠤꠔꠞꠦ ꠀꠝꠞꠣꠞꠦ ꠘꠤꠀ ꠙꠃꠍꠣꠄ।

Injil 20: Iakub 2:10

ꠇꠦꠃ ꠎꠥꠖꠤ ꠡꠞꠤꠅꠔꠞ ꠢꠇ꠆ꠇꠟ ꠢꠥꠇꠥꠝ ꠀꠝꠟ ꠇꠞꠤꠀꠅ ꠈꠣꠟꠤ ꠄꠇ ꠢꠥꠇꠥꠝ ꠜꠣꠋꠉꠦ, ꠔꠦ ꠗꠞꠣ ꠅꠁꠛ ꠢꠦ ꠀꠡ꠆ꠔꠣ ꠡꠞꠤꠅꠔꠃ ꠅꠝꠣꠁꠘ꠆ꠘ ꠇꠞꠍꠦ।

ꠁꠘ꠆ꠎꠤꠟ ২১: ১-ꠙꠤꠔꠞ 1:2

ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠔꠣꠘ ꠝꠥꠘꠡꠣꠄ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ ꠀꠞ ꠙꠣꠇ ꠞꠥꠢꠦ ꠙꠛꠤꠔ꠆ꠞ ꠇꠞꠍꠂꠘ। ꠄꠞ ꠃꠖ꠆ꠖꠦꠡ꠆ꠡ ꠅꠁꠟ, ꠔꠥꠝꠞꠣ ꠎꠣꠔꠦ ꠁꠍꠣ ꠀꠟ-ꠝꠍꠤꠞ ꠛꠣꠁꠖ꠆ꠖ ꠅꠅ ꠀꠞ ꠔꠣꠘ ꠟꠃ ꠍꠤꠐꠣꠁꠀ ꠔꠥꠝꠞꠣꠞꠦ ꠙꠣꠇ-ꠍꠣꠚ ꠇꠞꠣ ꠅꠄ। ꠀꠟ꠆ꠟꠣꠄ ꠔꠥꠝꠞꠣꠞꠦ ꠛꠦꠡ ꠇꠞꠤ ꠞꠢꠝꠔ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

ꠁꠘ꠆ꠎꠤꠟ ২১: ১-ꠙꠤꠔꠞ 1:5

ꠔꠥꠝꠞꠣ ꠙꠥꠞꠣꠙꠥꠞ ꠘꠣꠎꠣꠔ ꠘꠣ ꠙꠣꠅꠀ ꠙꠞ꠆ꠎꠘ꠆ꠔ, ꠀꠟ꠆ꠟꠣꠁ ꠡꠇ꠆ꠔꠤꠄ ꠁꠝꠣꠘꠞ ꠝꠣꠎꠖꠤ ꠔꠥꠝꠞꠣꠞꠦ ꠢꠦꠚꠣꠎꠔꠦ ꠞꠣꠈꠣ ꠅꠁꠍꠦ। ꠅꠃ ꠘꠣꠎꠣꠔ ꠑꠤꠇ ꠇꠞꠣ ꠅꠁꠍꠦ, ꠀꠈꠦꠞꠣꠔꠞ ꠡꠝꠄ ꠎꠣꠁꠞ ꠅꠀꠞ ꠟꠣꠉꠤ।

ꠁꠘ꠆ꠎꠤꠟ ২২: ২-ꠙꠤꠔꠞ 1:3

ꠎꠦꠁꠘ ꠔꠣꠘ ꠘꠤꠎꠞ ꠝꠢꠤꠝꠣ ꠀꠞ ꠉꠥꠘꠦ ꠀꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠣꠘꠞꠦ ꠙꠥꠞꠣꠙꠥꠞ ꠌꠤꠘꠣꠞ ꠝꠣꠎꠖꠤ ꠔꠣꠘ ꠇꠥꠖꠞꠔꠦ ꠀꠝꠞꠣ ꠅꠟꠣ ꠘꠤꠀꠝꠔ ꠙꠣꠁꠍꠤ, ꠎꠣꠔꠦ ꠀꠝꠞꠣ ꠙꠞꠦꠎꠉꠣꠞ ꠛꠘꠤꠀ ꠎꠤꠘ꠆ꠖꠦꠉꠤ ꠇꠣꠐꠣꠁ।

ꠁꠘ꠆ꠎꠤꠟ ২২: ২-ꠙꠤꠔꠞ 1:5

ꠄꠞꠖꠣꠄ ꠔꠥꠝꠞꠣ ꠈꠥꠛ ꠈꠤꠀꠟꠤ ꠅꠁꠀ, ꠁꠝꠣꠘꠞ ꠟꠉꠦ ꠘꠦꠇ ꠈꠣꠁꠍꠟꠔ, ꠘꠦꠇ ꠈꠣꠁꠍꠟꠔꠞ ꠟꠉꠦ ꠀꠟ-ꠝꠍꠤꠞꠦ ꠌꠤꠘꠣꠞ ꠀꠈꠟ,

ꠁꠘ꠆ꠎꠤꠟ ২২: ২-ꠙꠤꠔꠞ 3:14

ꠄꠞꠟꠣꠉꠤ ꠜꠣꠁ ꠅꠇꠟ, ꠔꠥꠝꠞꠣ ꠎꠦꠛꠟꠣ ꠅꠃ ꠖꠤꠘꠞ ꠟꠣꠉꠤ ꠛꠣꠞ ꠌꠣꠅꠀꠔ ꠀꠍ, ꠔꠦ ꠈꠥꠛ ꠈꠤꠀꠟ ꠇꠞꠅ, ꠅꠃ ꠖꠤꠘ ꠔꠣꠁꠘ ꠎꠣꠘꠥ ꠔꠥꠝꠞꠣꠞꠦ ꠘꠤꠈꠥꠔ-ꠘꠤꠡ꠆ꠇꠟꠋꠇ ꠢꠣꠟꠔꠦ ꠡꠣꠘ꠆ꠔꠤꠞ ꠝꠣꠎꠦ ꠖꠦꠈꠂꠘ।

ꠁꠘ꠆ꠎꠤꠟ ২২: ২-ꠙꠤꠔꠞ 3:17

ꠜꠣꠁ ꠅꠇꠟ, ꠅꠃ ꠇꠕꠣ ꠅꠇꠟ ꠔꠥꠝꠞꠣ ꠀꠉꠦꠃ ꠎꠣꠘꠍ, ꠄꠞꠟꠣꠉꠤ ꠢꠥꠡꠤꠀꠞ ꠅꠅ ꠎꠣꠔꠦ ꠅꠃ ꠘꠣꠚꠞꠝꠣꠘ ꠝꠣꠘꠡꠞ ꠜꠥꠟꠦ ꠔꠥꠝꠞꠣꠞꠦ ꠜꠥꠟ ꠙꠕꠦ ꠘꠣ ꠘꠦꠄ, ꠀꠞ ꠁꠝꠣꠘꠤ ꠜꠤꠔ ꠕꠣꠇꠤ ꠘꠣ ꠢꠞꠣꠄ।

Injil 26: Ehuda 1:24

ꠀꠞ ꠎꠦ ꠀꠟ꠆ꠟꠣꠄ ꠔꠥꠝꠞꠣꠞꠦ ꠃꠡ꠆ꠐꠣ ꠈꠣꠅꠀ ꠕꠣꠇꠤ ꠛꠣꠌꠣꠁꠘ, ꠎꠦꠁꠘ ꠘꠤꠈꠥꠔ ꠢꠣꠟꠔꠦ ꠔꠥꠝꠞꠣꠞꠦ ꠈꠥꠡꠤ-ꠛꠣꠡꠤꠄ ꠔꠣꠘ ꠡꠣꠘ-ꠔꠎꠟ꠆ꠟꠤꠞ ꠍꠣꠝꠘꠦ ꠀꠎꠤꠞ ꠇꠞꠔꠣ ꠙꠣꠞꠂꠘ,

Injil 27: Zaira Kalam 22:14

“ꠔꠣꠞꠣꠃ ꠘꠦꠇ-ꠇꠙꠣꠟꠤ, ꠎꠦꠞꠣ ꠘꠤꠎꠞ ꠇꠣꠙꠠ-ꠌꠥꠙꠠ ꠗꠁꠀ ꠙꠞꠤꠡ꠆ꠇꠣꠞ ꠇꠞꠦ, ꠎꠣꠔꠦ ꠎꠤꠘ꠆ꠖꠦꠉꠤ-ꠉꠣꠍꠞ ꠚꠟ ꠈꠣꠅꠀꠞ ꠅꠗꠤꠇꠣꠞ ꠙꠣꠄ, ꠀꠞ ꠉꠦꠁꠐꠦꠖꠤ ꠉꠤꠀ ꠙꠛꠤꠔ꠆ꠞ ꠐꠣꠃꠘꠅ ꠢꠣꠝꠣꠄ।