ꠁꠘ꠆ꠎꠤꠟ ২২: ২-ꠙꠤꠔꠞ 1:1 - Siloṭi Asmani Kitab (Nagri lipi)

¹ ꠀꠝꠤ ꠍꠣꠁꠝꠘ-ꠙꠤꠔꠞ, ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠉꠥꠟꠣꠝ ꠀꠞ ꠍꠣꠢꠣꠛꠤ। ꠔꠥꠝꠞꠣ ꠎꠦꠞꠣ ꠀꠝꠞꠣꠞ ꠟꠣꠈꠣꠘ, ꠀꠝꠞꠣꠞ ꠀꠟ꠆ꠟꠣ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠙꠣꠇ-ꠙꠞꠦꠎꠉꠣꠞꠤꠄ ꠄꠇꠁ ꠟꠣꠈꠣꠘ ꠝꠢꠣ ꠖꠣꠝꠤ ꠁꠝꠣꠘ ꠢꠣꠍꠤꠟ ꠇꠞꠍ, ꠀꠝꠤ ꠔꠥꠝꠞꠣꠞ ꠉꠦꠍꠦ ꠟꠦꠈꠞꠣꠝ।

ছিলটি আছমানি কিতাব (বাংলা লিপি)

¹ আমি সাইমন-পিতর, হজরত ইছা আল-মসীর একজন গুলাম আর সাহাবি। তুমরা যেরা আমরার লাখান, আমরার আল্লা আর তরানেআলা ইছা আল-মসীর পাক-পরেজগারিয়ে একই লাখান মহা দামি ইমান হাছিল করছো, আমি তুমরার গেছে লেখরাম।

Siloṭi Asmani Kitab (Latin lipi)

¹ Ami Saimon-Fitor, Hozrot Isa al-Mosir eḳzon gulam ar sahabi. Tumra zera amrar laḳan, amrar Alla ar toraneala Isa al-Mosir fak-forezgarie eḳoi laḳan moha dami iman hasil ḳorso, ami tumrar gese leḳram.

ꠁꠘ꠆ꠎꠤꠟ ২২: ২-ꠙꠤꠔꠞ 1:1 Iomraidhean Croise

ꠁꠘ꠆ꠎꠤꠟ ১: ꠝꠕꠤ 10:2

ꠅꠃ ꠛꠣꠞꠅꠎꠘ ꠍꠣꠢꠣꠛꠤ ꠅꠁꠟꠣ, ꠍꠣꠁꠝꠘ ꠃꠞꠚꠦ ꠙꠤꠔꠞ ꠀꠞ ꠔꠣꠘ ꠜꠣꠁ ꠀꠘ꠆ꠖꠞꠤꠀꠍ, ꠎꠤꠛꠥꠖꠤꠀꠞ ꠙꠥꠀꠂꠘ ꠁꠀꠇꠥꠛ ꠀꠞ ꠢꠣꠘ꠆ꠘꠣꠘ, ꠚꠤꠟꠤꠚ ꠀꠞ ꠛꠞ꠆ꠕꠟꠝꠄ,

ꠁꠘ꠆ꠎꠤꠟ ১: ꠝꠕꠤ 4:18

ꠢꠎꠞꠔ ꠁꠍꠣ ꠉꠣꠟꠤꠟ ꠀꠅꠞꠞ ꠙꠣꠞꠦꠖꠤ ꠀꠐꠤꠀ ꠎꠣꠁꠞꠣ, ꠅꠃ ꠡꠝꠄ ꠖꠦꠈꠟꠣ, ꠍꠣꠁꠝꠘ ꠃꠞꠚꠦ ꠙꠤꠔꠞ ꠀꠞ ꠄꠘ ꠜꠣꠁ ꠀꠘ꠆ꠖꠞꠤꠀꠍꠦ ꠀꠅꠞꠅ ꠎꠣꠟ ꠛꠣꠁꠞꠣ, ꠄꠞꠣ ꠔ ꠎꠣꠟꠥꠀ ꠀꠍꠟꠣ।

Injil 3: Luk 1:47

ꠛꠦꠢꠦꠡ꠆ꠔꠤ ꠈꠥꠡꠤꠄ ꠜꠞꠤꠉꠦꠍꠦ ꠀꠝꠣꠞ ꠅꠘ꠆ꠔꠞ, ꠔꠞꠣꠅꠞꠣ ꠌꠣꠘ꠆ꠖ ꠀꠁꠍꠂꠘ, ꠅꠜꠣꠉꠤꠘꠤꠞ ꠊꠞ।

Injil 3: Luk 11:49

ꠄꠞꠖꠣꠄ ꠀꠟ꠆ꠟꠣ ꠙꠣꠇꠦꠅ ꠔꠣꠘ ꠘꠤꠎꠞ ꠝꠞ꠆ꠎꠤꠄ ꠇꠁꠟꠣ, ꠀꠝꠤ ꠔꠣꠞꠣꠞ ꠉꠦꠍꠦ ꠀꠝꠣꠞ ꠘꠛꠤ-ꠞꠍꠥꠟ ꠛꠦꠎꠤꠝꠥ, ꠄꠞꠣꠞ ꠇꠦꠃꠞꠞꠦ ꠔꠣꠞꠣ ꠎꠥꠟꠥꠝ ꠇꠞꠛ, ꠀꠞ ꠇꠦꠃꠞꠞꠦ ꠎꠣꠘꠦ ꠝꠣꠞꠛ।

Injil 4: Hannan 1:42

ꠀꠘ꠆ꠖꠞꠤꠀꠍꠦ ꠍꠣꠁꠝꠘꠞꠦ ꠟꠁꠀ ꠁꠍꠣꠞ ꠉꠦꠍꠦ ꠀꠁꠟꠣ। ꠁꠍꠣꠄ ꠍꠣꠁꠝꠘꠞ ꠛꠣꠄ ꠌꠣꠁꠀ ꠇꠁꠟꠣ, “ꠔꠥꠝꠤ ꠔ ꠍꠣꠁꠝꠘ ꠛꠤꠘ ꠁꠃꠢꠣꠘ꠆ꠘꠣ, ꠅꠁꠟꠦ ꠅꠈꠘ ꠕꠣꠇꠤ ꠔꠥꠝꠣꠞꠦ ꠇꠂꠚꠣ ꠘꠣꠝꠦ ꠒꠣꠇꠣ ꠅꠁꠛ।” ꠇꠂꠚꠣ ꠝꠣꠘꠤ ꠙꠤꠔꠞ, ꠛꠣ ꠙꠣꠔ꠆ꠔꠞ।

Injil 4: Hannan 12:26

ꠇꠦꠃ ꠎꠥꠖꠤ ꠀꠝꠣꠞ ꠈꠦꠎꠝꠔ ꠇꠞꠔ ꠌꠣꠄ, ꠔꠦ ꠀꠝꠣꠞ ꠙꠕꠦ ꠌꠟꠃꠇ। ꠔꠦꠃ ꠀꠝꠤ ꠎꠦꠈꠣꠘꠅ ꠞꠁꠝꠥ ꠀꠝꠣꠞ ꠈꠦꠎꠝꠔꠇꠣꠞꠤꠅ ꠅꠘꠅ ꠞꠁꠛ। ꠎꠦ ꠎꠘꠦ ꠀꠝꠣꠞ ꠈꠦꠎꠝꠔ ꠇꠞꠦ, ꠀꠝꠣꠞ ꠉꠣꠁꠛꠤ ꠛꠣꠚꠦ ꠔꠣꠞꠦ ꠁꠎ꠆ꠎꠔ ꠖꠤꠛꠣ।

Injil 4: Hannan 20:21

ꠛꠣꠖꠦ ꠁꠍꠣꠄ ꠢꠤꠞꠛꠣꠞ ꠄꠞꠣꠞꠦ ꠇꠁꠟꠣ, “ꠀꠍꠍꠣꠟꠣꠝꠥ ꠀꠟꠣꠁꠇꠥꠝ। ꠢꠥꠘꠅ, ꠀꠝꠣꠞ ꠉꠣꠁꠛꠤ ꠛꠣꠚꠦ ꠎꠦꠟꠣ ꠀꠝꠣꠞꠦ ꠙꠣꠑꠣꠁꠍꠂꠘ, ꠀꠝꠤꠅ ꠅꠃꠟꠣ ꠔꠥꠝꠞꠣꠞꠦ ꠙꠣꠑꠣꠁꠞꠣꠝ।”

Injil 5: Sahabi Nama 15:14

ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠛꠘ꠆ꠖꠣ ꠅꠀꠞ ꠟꠣꠉꠤ ꠅ-ꠁꠢꠥꠖꠤ ꠅꠇꠟ ꠕꠣꠇꠤ ꠄꠇꠖꠟ ꠝꠣꠘꠡꠞꠦ ꠙꠍꠘ꠆ꠖ ꠇꠞꠤ ꠘꠤꠀ ꠖꠦꠈꠣꠁꠍꠂꠘ, ꠅ-ꠁꠢꠥꠖꠤ ꠅꠇꠟꠞ ꠛꠣꠄꠅ ꠔꠣꠘ ꠈꠤꠀꠟ ꠀꠍꠦ, ꠀꠞ ꠅꠃ ꠇꠕꠣꠃ ꠍꠣꠁꠝꠘ-ꠙꠤꠔꠞꠦ ꠅꠈꠘ ꠛꠄꠀꠘ ꠇꠞꠍꠂꠘ।

Injil 6: Ruman 1:1

ꠀꠝꠤ ꠙꠣꠃꠟꠥꠍ ꠔ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠞꠥꠝꠣꠘ ꠛꠣꠖꠡꠣꠁꠞ ꠞꠣꠎꠗꠣꠘꠤ ꠞꠥꠝ ꠐꠣꠃꠘꠞ ꠝꠥꠝꠤꠘ ꠅꠇꠟꠞ ꠉꠦꠍꠦ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ। ꠀꠟ꠆ꠟꠣ ꠙꠣꠇꠦ ꠀꠝꠣꠞꠦ ꠙꠍꠘ꠆ꠖ ꠇꠞꠤꠀ ꠀꠘꠍꠂꠘ ꠀꠟ-ꠝꠍꠤꠞ ꠍꠣꠢꠣꠛꠤ ꠅꠀꠞ ꠟꠣꠉꠤ ꠀꠞ ꠔꠣꠘ ꠛꠣꠔꠣꠁꠟ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠞ ꠟꠣꠉꠤ।

Injil 6: Ruman 1:12

ꠝꠣꠘꠤ, ꠀꠝꠣꠞ ꠁꠝꠣꠘ ꠖꠦꠈꠤꠀ ꠔꠥꠝꠞꠣ ꠢꠇꠟꠦ ꠀꠞ ꠔꠥꠝꠞꠣꠞ ꠁꠝꠣꠘ ꠖꠦꠈꠤꠀ ꠀꠝꠤ ꠘꠤꠎꠦꠅ ꠃꠔꠡꠣꠢ ꠙꠣꠁ।

Injil 6: Ruman 1:17

ꠅꠃ ꠈꠥꠡ-ꠈꠛꠞꠤꠞ ꠝꠣꠎꠦꠃ ꠔ ꠛꠣꠔꠣꠁꠟ ꠅꠁꠍꠦ, ꠀꠟ꠆ꠟꠣꠄ ꠇꠤꠟꠣ ꠝꠣꠘꠡꠞꠦ ꠛꠦ-ꠇꠍꠥꠞ ꠈꠣꠟꠣꠍ ꠢꠤꠡꠣꠛꠦ ꠇꠛꠥꠟ ꠇꠞꠂꠘ। ꠈꠣꠟꠤ ꠁꠝꠣꠘꠞ ꠝꠣꠎꠖꠤꠃ ꠝꠣꠘꠡꠞꠦ ꠀꠃꠀꠟ ꠕꠣꠇꠤ ꠀꠈꠦꠞ ꠙꠞ꠆ꠎꠘ꠆ꠔ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠣ ꠅꠄ। ꠎꠦꠟꠣ ꠇꠤꠔꠣꠛꠅ ꠟꠦꠈꠣ ꠀꠍꠦ, “ꠁꠝꠣꠘꠞ ꠛꠟꠦꠃ ꠛꠦ-ꠇꠍꠥꠞ ꠈꠣꠟꠣꠍ ꠅꠀ ꠎꠘꠞ ꠎꠣꠘ ꠛꠣꠌꠤꠛ।”

Injil 7: 1-Korintia 1:30

ꠀꠞ ꠔꠥꠝꠞꠣ ꠎꠦꠞꠣ ꠁꠍꠣ ꠀꠟ-ꠝꠍꠤꠞ ꠀꠙꠘ ꠎꠘ ꠛꠘꠍ, ꠁꠔꠣ ꠔ ꠀꠟ꠆ꠟꠣ ꠕꠣꠇꠤꠃ ꠅꠁꠍꠦ। ꠀꠟ-ꠝꠍꠤꠃ ꠅꠁꠟꠣ ꠀꠝꠞꠣꠞ ꠉꠦꠍꠦ ꠀꠟ꠆ꠟꠣꠞ ꠖꠦꠅꠀ ꠀꠈꠟ, ꠙꠣꠇ-ꠙꠞꠦꠎꠉꠣꠞꠤ, ꠙꠛꠤꠔ꠆ꠞꠔꠣ ꠀꠞ ꠀꠎꠣꠖꠤꠞ ꠈꠥꠐꠤ।

Injil 7: 1-Korintia 15:9

ꠍꠣꠢꠣꠛꠤ ꠅꠇꠟꠞ ꠝꠣꠎꠦ ꠀꠝꠤꠃ ꠢꠇꠟ ꠕꠣꠇꠤ ꠘꠉꠁꠘ꠆ꠘ, ꠀꠝꠤ ꠔ ꠍꠣꠢꠣꠛꠤ ꠇꠁꠀ ꠙꠞꠤꠌꠄ ꠖꠤꠛꠣꠞ ꠟꠣꠈ ꠘꠣꠄ, ꠀꠉꠦ ꠀꠝꠤ ꠀꠟ꠆ꠟꠣꠞ ꠎꠝꠣꠔꠞ ꠃꠙꠞꠦ ꠎꠥꠟꠥꠝ ꠇꠞꠔꠣꠝ।

Injil 7: 1-Korintia 9:1

ꠜꠣꠁꠀꠁꠘꠞꠦ, ꠀꠝꠤ ꠇꠤꠔꠣ ꠡ꠆ꠛꠣꠗꠤꠘ ꠘꠣꠄ ꠘꠤ? ꠀꠝꠤ ꠇꠥꠘꠥ ꠍꠣꠢꠣꠛꠤ ꠘꠣꠄ ꠘꠤ? ꠀꠝꠤ ꠇꠥꠘꠥ ꠀꠝꠞꠣꠞ ꠝꠣꠟꠤꠇ ꠁꠍꠣꠞꠦ ꠖꠦꠈꠍꠤ ꠘꠣ ꠘꠤ? ꠝꠣꠟꠤꠇꠞ ꠟꠣꠉꠤ ꠀꠝꠤ ꠎꠦ ꠔꠛꠟꠤꠉ ꠇꠣꠝ ꠇꠞꠍꠤ, ꠁꠔꠣꠞ ꠚꠟ ꠔꠥꠝꠞꠣ ꠘꠣꠄ ꠘꠤ?

Injil 8: 2-Korintia 4:13

ꠙꠛꠤꠔ꠆ꠞ ꠎꠛꠥꠞ ꠡꠞꠤꠚꠅ ꠀꠍꠦ, “ꠀꠝꠤ ꠁꠝꠣꠘ ꠀꠘꠍꠤ ꠉꠔꠤꠇꠦꠃ ꠇꠁꠟꠣꠝ।” ꠅꠃ ꠄꠇꠁ ꠁꠝꠣꠘꠞ ꠜꠣꠉꠤ ꠅꠁꠀ ꠀꠝꠞꠣꠅ ꠅꠟꠣ ꠇꠁ।

Injil 8: 2-Korintia 5:21

ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔ ꠇꠥꠘꠥ ꠉꠥꠘꠣ-ꠘꠣꠚꠞꠝꠣꠘꠤ ꠇꠞꠍꠂꠘ ꠘꠣ। ꠅꠁꠟꠦ ꠀꠝꠞꠣ ꠢꠇꠟꠞ ꠉꠥꠘꠣꠞ ꠡꠣꠎꠣ ꠀꠟ꠆ꠟꠣꠄ ꠔꠣꠘ ꠇꠣꠘ꠆ꠖꠅ ꠔꠥꠟꠤ ꠖꠤꠟꠣ, ꠎꠣꠔꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠣꠞ ꠝꠣꠎꠖꠤ ꠀꠟ꠆ꠟꠣꠁ ꠙꠛꠤꠔ꠆ꠞꠔꠣꠄ ꠀꠝꠞꠣ ꠙꠞꠦꠎꠉꠣꠞ ꠢꠤꠡꠣꠛꠦ ꠇꠛꠥꠟ ꠅꠁ।

Injil 9: Galatia 2:8

ꠔꠣꠞꠣ ꠅꠈꠣꠘ ꠖꠦꠈꠟꠣ, ꠁꠢꠥꠖꠤ ꠅꠇꠟꠞ ꠉꠦꠍꠦ ꠍꠣꠢꠣꠛꠤ ꠇꠣꠝꠅ ꠙꠤꠔꠞꠞꠦ ꠎꠦꠁꠘ ꠌꠣꠟꠣꠁꠍꠂꠘ, ꠢꠃ ꠀꠟ꠆ꠟꠣꠄꠃ ꠅꠁꠘ꠆ꠘꠣꠁꠘ꠆ꠘ ꠎꠣꠔꠤꠞ ꠝꠣꠎꠦ ꠍꠣꠢꠣꠛꠤ ꠇꠣꠝꠅ ꠀꠝꠣꠞꠦ ꠌꠣꠟꠣꠁꠍꠂꠘ।

Injil 10: Ifisia 3:5

ꠁ ꠛꠣꠔꠥꠘꠤ ꠛꠦꠙꠣꠞꠈꠣꠘ ꠍꠣꠢꠣꠛꠤ ꠀꠞ ꠘꠛꠤ ꠅꠇꠟꠞ ꠉꠦꠍꠦ ꠎꠦꠟꠣ ꠙꠣꠇ ꠞꠥꠢꠥꠞ ꠝꠣꠎꠖꠤ ꠅꠈꠘ ꠎꠣꠁꠞ ꠅꠞ, ꠀꠉꠞ ꠎꠝꠣꠘꠣꠞ ꠇꠥꠘꠥ ꠝꠣꠘꠡꠞ ꠉꠦꠍꠦꠃ ꠁꠟꠣ ꠎꠣꠁꠞ ꠅꠁꠍꠦ ꠘꠣ।

Injil 10: Ifisia 4:11

ꠔꠣꠁꠘ ꠝꠣꠘꠡꠞꠦ ꠅꠃ ꠖꠣꠘ ꠖꠤꠍꠂꠘ, ꠇꠄꠎꠘꠞꠦ ꠍꠣꠢꠣꠛꠤ, ꠇꠄꠎꠘꠞꠦ ꠘꠛꠤ, ꠇꠄꠎꠘꠞꠦ ꠈꠥꠡ-ꠈꠛꠞꠤꠞ ꠔꠛꠟꠤꠉ, ꠇꠄꠎꠘꠞꠦ ꠎꠝꠣꠔꠞ ꠁꠝꠣꠝ ꠀꠞ ꠃꠡ꠆ꠔꠣꠖ ꠢꠤꠡꠣꠛꠦ ꠛꠅꠀꠁꠟ ꠇꠞꠍꠂꠘ।

Injil 10: Ifisia 4:5

ꠄꠇ ꠁꠝꠣꠘ, ꠄꠇ ꠔꠞꠤꠇꠣꠛꠘ꠆ꠖꠤ ꠀꠞ ꠄꠇꠎꠘ ꠝꠣꠟꠤꠇ ꠀꠍꠂꠘ।

Injil 11: Filifia 1:1

ꠀꠝꠤ ꠙꠣꠃꠟꠥꠍ ꠀꠞ ꠔꠤꠝꠕꠤ ꠅꠁꠟꠣꠝ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠅꠃ ꠚꠤꠟꠤꠙꠤ ꠐꠣꠃꠘꠅ ꠛꠡꠔ ꠇꠞꠞꠣ, ꠎꠦ ꠙꠣꠇ ꠛꠘ꠆ꠖꠣ ꠅꠇꠟꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠍꠂꠘ ꠄꠞꠣꠞꠦ, ꠄꠞꠣꠞ ꠃꠡ꠆ꠔꠣꠖ ꠅꠇꠟꠞꠦ ꠀꠞ ꠈꠣꠖꠤꠝꠖꠣꠞ ꠅꠇꠟꠞ ꠉꠦꠍꠦ ꠟꠦꠈꠞꠣꠝ।

Injil 11: Filifia 1:29

ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠍ ꠁꠐꠣ ꠎꠦꠟꠣ ꠞꠢꠝꠔ, ꠔꠣꠘ ꠟꠣꠉꠤ ꠎꠥꠟꠥꠝ-ꠝꠍꠤꠛꠔ ꠡꠁꠎ꠆ꠎ ꠇꠞꠣꠞ ꠡꠥꠎꠥꠉ ꠙꠣꠁꠍ ꠁꠐꠣꠅ ꠔꠥꠝꠞꠣꠞ ꠟꠣꠉꠤ ꠞꠢꠝꠔ।

Injil 11: Filifia 3:9

ꠔꠦ ꠡꠞꠤꠅꠔ ꠝꠣꠘꠣꠄ ꠀꠝꠤ ꠎꠦ ꠙꠞꠦꠎꠉꠣꠞ ꠛꠘꠤꠉꠦꠍꠤ, ꠁꠈꠣꠘ ꠘꠣꠄ, ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠣꠄꠃ ꠀꠟ꠆ꠟꠣꠄ ꠀꠝꠣꠞꠦ ꠙꠞꠦꠎꠉꠣꠞ ꠢꠤꠡꠣꠛꠦ ꠇꠛꠥꠟ ꠇꠞꠍꠂꠘ। ꠁ ꠙꠞꠦꠎꠉꠣꠞꠤ ꠈꠣꠟꠤ ꠀꠟ꠆ꠟꠣ ꠕꠣꠇꠤꠃ ꠝꠤꠟꠦ, ꠁꠐꠣ ꠔ ꠁꠝꠣꠘꠞ ꠃꠙꠞꠦ ꠘꠤꠞꠜꠞ ꠇꠞꠦ। ꠀꠟ-ꠝꠍꠤꠞ ꠟꠉꠦ ꠝꠤꠟꠣꠞ ꠛꠣꠖꠦꠃ ꠀꠝꠣꠞ ꠅꠃ ꠢꠣꠟꠔ ꠅꠁꠍꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:5

ꠀꠝꠣꠞ ꠝꠘꠅ ꠀꠍꠦ, ꠔꠥꠝꠣꠞ ꠖꠤꠟꠈꠣꠘ ꠢꠇ ꠁꠝꠣꠘꠦ ꠜꠞꠣ, ꠔꠥꠝꠣꠞ ꠘꠣꠘꠤ ꠟꠥꠁꠍ ꠀꠞ ꠔꠥꠝꠣꠞ ꠀꠝ꠆ꠝꠣ ꠃꠘꠤꠇꠤꠞ ꠜꠤꠔꠞꠦꠅ ꠅꠟꠣ ꠢꠇ ꠁꠝꠣꠘ ꠀꠍꠤꠟ। ꠀꠝꠤ ꠘꠤꠌ꠆ꠌꠤꠔ ꠎꠣꠘꠤ, ꠔꠥꠝꠣꠞ ꠜꠤꠔꠞꠦꠅ ꠅꠟꠣ ꠁꠝꠣꠘ ꠀꠍꠦ।

Injil 17: Titas 1:1

ꠀꠝꠤ ꠙꠣꠃꠟꠥꠍ ꠔ ꠀꠟ꠆ꠟꠣ ꠙꠣꠇꠞ ꠉꠥꠟꠣꠝ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ। ꠀꠝꠣꠞ ꠖꠣꠄꠁꠔ꠆ꠔ ꠅꠁꠟ, ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦ ꠁꠝꠣꠘꠞ ꠙꠕꠦ ꠀꠘꠣ, ꠀꠞ ꠀꠟ꠆ꠟꠣꠞꠦ ꠝꠣꠘꠤꠀ ꠌꠟꠣꠞ ꠝꠣꠎꠦ ꠎꠦ ꠢꠇꠤꠇꠔ ꠀꠍꠦ, ꠅꠃ ꠢꠇꠤꠇꠔꠞꠦ ꠌꠤꠘꠣꠁ ꠖꠦꠅꠀ।

Injil 17: Titas 1:4

ꠀꠝꠣꠞ ꠢꠃ ꠈꠣꠍ ꠀꠅꠟꠣꠖ ꠔꠤꠔꠣꠍꠞ ꠉꠦꠍꠦ ꠟꠦꠈꠞꠣꠝ, ꠀꠝꠞꠣ ꠖꠥꠁꠅꠎꠘꠃ ꠄꠇꠁ ꠁꠝꠣꠘꠦ ꠀꠟ-ꠝꠍꠤꠞ ꠃꠝ꠆ꠝꠔ ꠅꠁꠍꠤ। ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠄ ꠞꠢꠝꠔ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

Injil 17: Titas 2:13

ꠄꠞꠟꠉꠦ ꠀꠝꠞꠣꠞ ꠖꠤꠟꠞ ꠙꠞꠝ ꠀꠡꠣ ꠙꠥꠞꠘꠞ ꠟꠣꠉꠤ ꠛꠣꠞ ꠌꠣꠁ, ꠀꠟ꠆ꠟꠣꠔꠣꠟꠣ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠡꠣꠘ-ꠝꠢꠤꠝꠣ ꠎꠣꠁꠞ ꠅꠀꠞ ꠈꠥꠡꠤ-ꠛꠣꠡꠤ ꠙꠥꠞꠘꠞ ꠟꠣꠉꠤ ꠛꠣꠞ ꠌꠣꠁ।

Injil 20: Iakub 1:1

ꠀꠝꠤ ꠁꠀꠇꠥꠛ, ꠀꠟ꠆ꠟꠣ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ, ꠖꠥꠘꠤꠀꠞ ꠘꠣꠘꠣꠘ ꠖꠦꠡꠅ ꠍꠤꠔ꠆ꠞꠣꠁꠟ ꠛꠘꠤ ꠁꠍꠞꠣꠁꠟꠞ ꠛꠣꠞꠅ ꠉꠥꠡ꠆ꠐꠤꠞ ꠝꠣꠘꠡꠞꠦ ꠍꠣꠟꠣꠝ ꠎꠣꠘꠣꠁꠞꠣꠝ।

ꠁꠘ꠆ꠎꠤꠟ ২১: ১-ꠙꠤꠔꠞ 1:1

ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠎꠔ ꠛꠘ꠆ꠖꠣ ꠅꠇꠟ ꠙꠘ꠆ꠔ, ꠉꠣꠟꠣꠔꠤꠀ, ꠇꠣꠙ꠆ꠙꠣꠖꠇꠤꠀ, ꠀꠍꠤꠀ ꠀꠞ ꠛꠤꠕꠥꠘꠤꠀ ꠖꠦꠡꠅ ꠍꠤꠔ꠆ꠞꠤꠀ ꠜꠤꠘ-ꠖꠦꠡꠤ ꠢꠤꠡꠣꠛꠦ ꠛꠡꠔ ꠇꠞꠞꠣ, ꠔꠣꠞꠣꠞ ꠉꠦꠍꠦ ꠀꠝꠤ ꠀꠟ-ꠝꠍꠤꠞ ꠍꠣꠢꠣꠛꠤ ꠙꠤꠔꠞꠦ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ।

ꠁꠘ꠆ꠎꠤꠟ ২১: ১-ꠙꠤꠔꠞ 1:7

ꠅꠃ ꠙꠞꠤꠇ꠆ꠇꠣ ꠅꠇꠟ ꠌꠟꠦꠞ, ꠔꠥꠝꠞꠣ ꠎꠦꠘ ꠁꠝꠣꠘꠦ ꠈꠣꠐꠤ ꠅꠈꠣꠘ ꠙꠞꠝꠣꠘ ꠇꠞꠣꠞ ꠟꠣꠉꠤ। ꠀꠞ ꠁꠍꠣ ꠀꠟ-ꠝꠍꠤꠞ ꠎꠣꠁꠞ ꠅꠀꠞ ꠡꠝꠄ, ꠔꠥꠝꠞꠣ ꠎꠣꠘꠥ ꠔꠣꠞꠤꠚ, ꠉꠃꠞꠛ ꠀꠞ ꠡꠝ꠆ꠝꠣꠘ ꠙꠣꠅ। ꠎꠦ ꠡꠥꠘꠣ ꠇ꠆ꠇꠄ ꠅꠁꠎꠣꠄ, ꠅꠃ ꠡꠥꠘꠣꠞꠦꠅ ꠀꠉꠥꠘꠤꠔ ꠙꠥꠠꠤꠀ ꠎꠣꠌꠣꠁ ꠇꠞꠣ ꠅꠄ। ꠀꠞ ꠔꠥꠝꠞꠣꠞ ꠁꠝꠣꠘꠞ ꠖꠣꠝ ꠔ ꠅꠃ ꠡꠥꠘꠣꠞ ꠌꠣꠁꠔꠦꠅ ꠛꠃꠔ ꠛꠦꠡꠤ, ꠄꠞꠟꠣꠉꠤ ꠅꠃ ꠙꠞꠤꠇ꠆ꠇꠣ ꠌꠟꠦꠞ।

ꠁꠘ꠆ꠎꠤꠟ ২১: ১-ꠙꠤꠔꠞ 2:7

ꠀꠞ ꠔꠥꠝꠞꠣ ꠁꠝꠣꠘ ꠀꠘꠣꠄ, ꠔꠥꠝꠞꠣꠞ ꠉꠦꠍꠦ ꠢꠃ ꠙꠣꠔ꠆ꠔꠞ ꠝꠢꠣ ꠖꠣꠝꠤ ꠅꠁꠉꠦꠍꠦ। ꠅꠁꠟꠦ ꠎꠦꠞꠣ ꠁꠝꠣꠘ ꠀꠘꠍꠦ ꠘꠣ, ꠔꠣꠞꠣꠞ ꠛꠦꠟꠣꠄ ꠇꠤꠔꠣꠛꠞ ꠅꠃ ꠇꠕꠣꠃ ꠈꠣꠐꠦ: ꠞꠣꠎ ꠝꠦꠡ꠆ꠔꠁꠞ ꠅꠇꠟꠦ ꠎꠦ ꠙꠣꠔ꠆ꠔꠞꠞꠦ ꠛꠦꠇꠣꠝꠣ ꠇꠁꠀ ꠚꠣꠟꠣꠁ ꠖꠤꠍꠤꠟ, ꠅꠇꠐꠣ ꠖꠤꠀꠃ ꠊꠞꠞ ꠁꠀꠘ ꠈꠥꠐꠤ ꠅꠁꠟ।

ꠁꠘ꠆ꠎꠤꠟ ২১: ১-ꠙꠤꠔꠞ 5:1

ꠅꠈꠘ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠞꠦ ꠇꠁꠞꠣꠝ, ꠀꠝꠤꠅ ꠔ ꠄꠇꠎꠘ ꠝꠥꠞꠛ꠆ꠛꠤ, ꠀꠝꠤ ꠘꠤꠎꠞ ꠌꠃꠈꠦ ꠀꠟ-ꠝꠍꠤꠞ ꠖꠥꠈ-ꠇꠡ꠆ꠐ ꠖꠦꠈꠍꠤ, ꠀꠞ ꠔꠣꠘ ꠎꠦ ꠝꠢꠤꠝꠣ ꠎꠣꠁꠞ ꠅꠁꠛ, ꠅꠃ ꠝꠢꠤꠝꠣꠔꠅ ꠡꠞꠤꠇ ꠅꠁꠝꠥ। ꠀꠝꠤ ꠝꠤꠘꠔ ꠇꠞꠤ ꠇꠁꠞꠣꠝ,

ꠁꠘ꠆ꠎꠤꠟ ২২: ২-ꠙꠤꠔꠞ 1:4

ꠔꠣꠘ ꠝꠢꠤꠝꠣ ꠀꠞ ꠉꠥꠘꠦ ꠀꠝꠞꠣꠞ ꠟꠉꠦ ꠝꠢꠣ ꠖꠣꠝꠤ ꠀꠞ ꠛꠃꠔ ꠛꠠ ꠛꠠ ꠅꠀꠖꠣ ꠇꠞꠍꠂꠘ, ꠎꠣꠔꠦ ꠔꠥꠝꠞꠣ ꠖꠥꠘꠤꠀꠛꠤ ꠢꠇꠟ ꠛꠖ ꠈꠣꠁꠡ ꠕꠣꠇꠤ ꠛꠣꠌꠤꠀ ꠀꠟ꠆ꠟꠣꠁ ꠉꠥꠘꠞ ꠜꠣꠉꠤ ꠅꠅ।

Injil 26: Ehuda 1:1

ꠀꠝꠤ ꠄꠢꠥꠖꠣ ꠔ ꠍꠣꠢꠣꠛꠤ ꠁꠀꠇꠥꠛꠞ ꠜꠣꠁ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠦ ꠎꠦꠞꠣꠞꠦ ꠝꠢꠛ꠆ꠛꠔ ꠇꠞꠂꠘ, ꠎꠦꠞꠣ ꠀꠟ꠆ꠟꠣꠁ ꠖꠣꠅꠔ ꠙꠣꠁꠍꠂꠘ, ꠀꠞ ꠁꠍꠣ ꠀꠟ-ꠝꠍꠤꠄ ꠎꠦꠞꠣꠞ ꠢꠦꠚꠣꠎꠔ ꠇꠞꠂꠘ, ꠅꠃ ꠍꠢꠤꠚꠣꠈꠣꠘ ꠀꠝꠤ ꠄꠞꠣꠞ ꠉꠦꠍꠦ ꠟꠦꠈꠞꠣꠝ।