ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:9 - Siloṭi Asmani Kitab (Nagri lipi)

⁹ ꠅꠁꠟꠦ ꠖꠥꠘꠤꠀꠔ ꠎꠦꠞꠣ ꠗꠘꠤ ꠅꠁꠔ ꠌꠣꠄ, ꠔꠣꠞꠣ ꠘꠣꠘꠣꠘ ꠘꠝꠥꠘꠣꠞ ꠙꠞꠤꠇ꠆ꠇꠣꠔ ꠀꠞ ꠚꠣꠘ꠆ꠖꠅ ꠙꠠꠦ, ꠔꠣꠞꠣꠞ ꠝꠘꠅ ꠈꠥꠛ ꠛꠖ ꠈꠣꠁꠡ ꠙꠄꠖꠣ ꠅꠄ, ꠎꠦꠔꠣꠄ ꠔꠣꠞꠣꠞ ꠎꠤꠘ꠆ꠖꠦꠉꠤꠞꠦ ꠡꠞ꠆ꠛꠘꠣꠡꠞ ꠉꠣꠔꠅ ꠚꠣꠟꠣꠄ।

ছিলটি আছমানি কিতাব (বাংলা লিপি)

⁹ অইলে দুনিয়াত যেরা ধনি অইতো চায়, তারা নানান নমুনার পরিক্ষাত আর ফান্দো পড়ে, তারার মনো খুব বদ খাইশ পয়দা অয়, যেতায় তারার জিন্দেগিরে সর্বনাশর গাতো ফালায়।

Siloṭi Asmani Kitab (Latin lipi)

⁹ Oile duniat zera doni oito sae, tara nanan nomunar forikkat ar fando foṛe, tarar mono kub bod ḳaish foyda oy, zetae tarar zindegire shorbonashor gato falae.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:9 Iomraidhean Croise

ꠎꠛꠥꠞ ꠡꠞꠤꠚ 11:6

ꠛꠎ꠆ꠎꠣꠔꠞ ꠃꠙꠞꠦ ꠓꠣꠟꠤꠛꠣ ꠔꠣꠁꠘ ꠎꠣꠟꠣꠁꠟ ꠉꠘ꠆ꠖꠇ ꠀꠞ ꠀꠋꠞꠣ, ꠉꠞꠝ ꠀꠉꠥꠘꠤꠞ ꠉꠥꠟ꠆ꠟꠣꠃ ꠅꠁꠛ ꠔꠣꠞꠣꠞ ꠈꠣꠘꠤ-ꠙꠣꠘꠤ ꠢꠣꠝꠦꠡꠣ।

ꠔꠃꠞꠣꠔ ৪: ꠡꠥꠝꠣꠞꠤ 31:8

ꠡꠣꠗꠣꠞꠘ ꠝꠣꠘꠡꠞ ꠟꠉꠦ ꠝꠣꠖꠤꠀꠘꠤ ꠅꠇꠟꠞ ꠙꠣꠌ ꠎꠘ ꠛꠣꠖꠡꠣꠞꠦꠅ ꠔꠣꠞꠣ ꠝꠣꠞꠤꠟꠤꠟꠣ। ꠅꠃ ꠛꠣꠖꠡꠣꠁꠘ ꠅꠁꠟꠣ, ꠁꠛꠤ, ꠞꠦꠇꠝ, ꠡꠥꠞ, ꠢꠥꠞ ꠀꠞ ꠞꠦꠛꠣ। ꠀꠞ ꠄꠞꠣꠞ ꠟꠉꠦ ꠛꠣꠟꠣꠝ ꠛꠤꠘ ꠛꠣꠃꠞ ꠘꠣꠝꠞ ꠢꠃ ꠙꠤꠞꠞꠦꠅ ꠔꠣꠞꠣ ꠎꠣꠘꠦ ꠝꠣꠞꠤꠟꠤꠟꠣ।

ꠁꠘ꠆ꠎꠤꠟ ১: ꠝꠕꠤ 13:22

ꠛꠘ-ꠎꠋꠟꠣꠞ ꠝꠣꠎꠦ ꠙꠠꠣ ꠎꠣꠟꠣꠖꠤ ꠛꠥꠎꠣꠁꠟ ꠅꠁꠍꠦ, ꠎꠦꠞꠣ ꠁ ꠇꠣꠟꠣꠝ ꠢꠥꠘꠦ, ꠅꠁꠟꠦ ꠖꠥꠘꠤꠀꠛꠤ ꠌꠤꠘ꠆ꠔꠣ-ꠜꠣꠛꠘꠣ ꠀꠞ ꠗꠘ-ꠍꠣꠝꠣꠘꠣꠞ ꠝꠣꠄꠀꠄ ꠁ ꠇꠣꠟꠣꠝꠞꠦ ꠎꠣꠔꠤꠀ ꠗꠞꠤꠟꠣꠄ, ꠄꠞꠖꠣꠄ ꠇꠣꠟꠣꠝꠦ ꠇꠥꠘꠥ ꠚꠣꠄꠖꠣ ꠅꠄ ꠘꠣ।

ꠁꠘ꠆ꠎꠤꠟ ১: ꠝꠕꠤ 19:22

ꠁꠈꠣꠘ ꠢꠥꠘꠤꠀ ꠛꠦꠐꠣ ꠛꠦꠎꠣꠞ ꠅꠁꠀ ꠉꠦꠟꠉꠤ, ꠔꠣꠞ ꠔ ꠛꠃꠔ ꠗꠘ-ꠍꠣꠝꠣꠘꠣ ꠀꠍꠤꠟ।

ꠁꠘ꠆ꠎꠤꠟ ১: ꠝꠕꠤ 26:15

“ꠁꠍꠣꠞꠦ ꠀꠙꠘꠣꠞꠣꠞ ꠀꠔꠅ ꠗꠞꠣꠁꠀ ꠖꠤꠟꠦ ꠀꠝꠣꠞꠦ ꠇꠤꠔꠣ ꠖꠤꠛꠣ?” ꠔꠦꠃ ꠛꠠ ꠁꠝꠣꠝ ꠅꠇꠟꠦ ꠔꠣꠞꠦ ꠞꠥꠙꠣꠞ ꠔꠤꠡ ꠐꠦꠇꠣ ꠖꠤꠟꠣ।

ꠁꠘ꠆ꠎꠤꠟ ১: ꠝꠕꠤ 6:19

“ꠁ ꠎꠤꠘ꠆ꠖꠦꠉꠤꠔ ꠔꠥꠝꠞꠣ ꠘꠤꠎꠞ ꠟꠣꠉꠤ ꠅꠔ ꠗꠘ-ꠡꠝ꠆ꠙꠖ ꠎꠝꠣꠁꠅ ꠘꠣ। ꠖꠥꠘꠤꠀꠞ ꠡꠝ꠆ꠙꠖꠞ ꠝꠣꠎꠦ ꠎꠋꠉꠣꠞꠦ ꠗꠞꠦ, ꠙꠥꠇꠦ ꠈꠣꠄ ꠀꠞ ꠢꠤꠋ ꠈꠥꠖꠤꠀ ꠌꠥꠞꠦ ꠘꠦꠄ।

Injil 2: Markus 4:19

ꠅꠁꠟꠦ ꠎꠉꠔꠞ ꠌꠤꠘ꠆ꠔꠣ-ꠜꠣꠛꠘꠣ, ꠗꠘ-ꠍꠣꠝꠣꠘꠣꠞ ꠝꠣꠄꠀ ꠀꠞ ꠖꠥꠘꠤꠀꠛꠤ ꠟꠣꠟꠌꠦ ꠁ ꠇꠣꠟꠣꠝꠞꠦ ꠎꠣꠔꠤꠀ ꠗꠞꠤꠟꠣꠄ, ꠄꠞꠖꠣꠄ ꠇꠣꠟꠣꠝꠦ ꠇꠥꠘꠥ ꠀꠝꠟ ꠇꠞꠦ ꠘꠣ।

Injil 3: Luk 12:21

ꠢꠦꠡꠦ ꠁꠍꠣꠄ ꠇꠁꠟꠣ, “ꠎꠦ ꠝꠣꠘꠡꠦ ꠈꠣꠟꠤ ꠖꠥꠘꠤꠀꠛꠤ ꠗꠘ-ꠍꠣꠝꠣꠘꠣ ꠖꠟꠣ ꠇꠞꠦ, ꠅꠁꠟꠦ ꠀꠈꠦꠞꠞ ꠗꠘ ꠘꠣ ꠎꠝꠣꠄ, ꠔꠣꠞ ꠢꠣꠟꠔ ꠅꠃꠟꠣꠃ ꠅꠄ।”

Injil 3: Luk 21:35

ꠖꠥꠘꠤꠀꠞ ꠔꠣꠝꠣꠝ ꠝꠣꠘꠡꠞ ꠃꠙꠞꠦꠃ ꠢꠤ ꠖꠤꠘ ꠀꠎꠤꠞ ꠅꠁꠛ।

Injil 5: Sahabi Nama 8:20

ꠙꠤꠔꠞꠦ ꠔꠣꠞꠦ ꠇꠁꠟꠣ, “ꠔꠥꠝꠣꠞ ꠞꠥꠙꠣ ꠔꠥꠝꠣꠞ ꠟꠉꠦꠃ ꠛꠤꠘꠣꠡ ꠅꠃꠇ, ꠔꠥꠝꠤ ꠝꠘꠅ ꠇꠞꠍ ꠀꠟ꠆ꠟꠣꠞ ꠖꠣꠘ ꠐꠦꠇꠣꠖꠤ ꠈꠞꠤꠖ ꠇꠞꠣ ꠎꠣꠄ।

Injil 10: Ifisia 4:22

ꠔꠣꠘ ꠔꠣꠟꠤꠝ ꠅꠁꠟ, ꠚꠤꠘ꠆ꠘꠞ ꠙꠥꠞꠣꠘ ꠇꠣꠙꠠ ꠝꠣꠘꠡꠦ ꠎꠦꠛꠟꠣ ꠄꠇ꠆ꠇꠦꠞꠦ ꠚꠣꠟꠣꠁ ꠖꠦꠄ, ꠅꠃ ꠟꠣꠈꠣꠘ ꠔꠥꠝꠞꠣꠞ ꠜꠤꠔꠞꠞ ꠙꠥꠞꠣꠘ ‘ꠀꠝꠤ’ꠞꠦ ꠄꠇ꠆ꠇꠦꠛꠣꠞꠦ ꠚꠣꠟꠣꠁ ꠖꠦꠅ, ꠇꠣꠞꠘ ꠅꠃ ‘ꠀꠝꠤ’ꠞ ꠛꠖ ꠈꠣꠁꠡꠦ ꠝꠣꠘꠡꠞ ꠎꠤꠘ꠆ꠖꠦꠉꠤꠞꠦ ꠛꠞꠛꠣꠖ ꠇꠞꠤꠟꠣꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:25

“ꠔꠥꠝꠞꠣ ꠁꠔꠣꠞ ꠝꠥꠞ꠆ꠔꠤ ꠅꠇꠟꠞꠦ ꠀꠉꠥꠘꠤꠔ ꠚꠣꠟꠣꠁꠀ ꠎꠣꠟꠣꠁꠟꠤꠅ। ꠔꠣꠞꠣꠞ ꠉꠔꠞꠞ ꠡꠥꠘꠣ-ꠞꠥꠙꠣꠞ ꠛꠣꠄ ꠟꠣꠟꠌ ꠇꠞꠤꠅ ꠘꠣ, ꠀꠞꠘꠣꠄ ꠚꠣꠘ꠆ꠖꠅ ꠙꠠꠛꠣꠄ। ꠝꠘꠅ ꠞꠣꠈꠤꠅ, ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠁꠔꠣꠞꠦ ꠊꠤꠘ꠆ꠘꠣꠁꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:9

ꠀꠝꠞꠣ ꠔ ꠎꠣꠘꠤ, ꠁ ꠡꠞꠤꠅꠔ ꠇꠥꠘꠥ ꠙꠞꠦꠎꠉꠣꠞ ꠝꠣꠘꠡꠞ ꠟꠣꠉꠤ ꠖꠦꠅꠀ ꠅꠁꠍꠦ ꠘꠣ। ꠁꠈꠣꠘ ꠖꠦꠅꠀ ꠅꠁꠍꠦ, ꠎꠦꠔꠣꠄ ꠀꠟ꠆ꠟꠣꠞ ꠀꠁꠘ ꠝꠣꠘꠂꠘ ꠘꠣ, ꠀꠟ꠆ꠟꠣꠞꠦ ꠒꠞꠣꠁꠘ ꠘꠣ, ꠘꠣꠚꠞꠝꠣꠘꠤ ꠇꠞꠂꠘ, ꠉꠥꠘꠣꠉꠣꠞ, ꠈꠥꠘꠤ, ꠘꠣꠙꠣꠇ ꠀꠞ ꠛꠦ-ꠖꠤꠘ, ꠝꠣ-ꠛꠣꠚꠞ ꠈꠥꠘꠤ,

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:7

ꠎꠝꠣꠔꠞ ꠛꠣꠁꠞꠞ ꠝꠣꠘꠡꠞ ꠉꠦꠍꠦ ꠔꠣꠘ ꠡꠥꠘꠣꠝ ꠕꠣꠇꠣ ꠖꠞꠇꠣꠞ, ꠎꠣꠔꠦ ꠀꠈꠔꠣ ꠇꠥꠘꠥ ꠛꠖꠘꠣꠝꠞ ꠜꠣꠉꠤ ꠘꠣ ꠅꠁꠘ ꠀꠞ ꠁꠛꠟꠤꠍꠞ ꠚꠣꠘ꠆ꠖꠅ ꠘꠣ ꠙꠠꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:10

ꠇꠣꠞꠘ ꠢꠇꠟ ꠘꠝꠥꠘꠣꠞ ꠛꠖ ꠇꠣꠝꠞ ꠎꠘꠝ ꠅꠁꠟ ꠐꠦꠇꠣ-ꠙꠄꠡꠣꠞ ꠝꠣꠄꠀ। ꠇꠥꠘꠥ ꠇꠥꠘꠥ ꠎꠘ ꠐꠦꠇꠣ-ꠙꠄꠡꠣꠞ ꠟꠣꠟꠌꠦ ꠁꠍꠣꠄꠁ ꠁꠝꠣꠘ ꠕꠣꠇꠤ ꠢꠞꠤꠀ ꠉꠤꠀ, ꠘꠤꠎꠞ ꠃꠙꠞꠦ ꠛꠠ ꠖꠥꠈ-ꠝꠍꠤꠛꠔ ꠒꠣꠇꠤꠀ ꠀꠘꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:17

ꠢꠥꠘꠅ, ꠅꠃ ꠖꠥꠘꠤꠀꠞ ꠗꠘꠤ ꠅꠇꠟꠞꠦ ꠢꠥꠇꠥꠝ ꠖꠦꠅ, ꠔꠣꠞꠣ ꠎꠣꠘꠥ ꠛꠠꠣꠁ ꠘꠣ ꠇꠞꠂꠘ, ꠀꠞ ꠖꠥꠘꠤꠀꠛꠤ ꠅꠡ꠆ꠕꠣꠄꠁ ꠗꠘꠞ ꠃꠙꠞꠦ ꠜꠞꠡꠣ ꠘꠣ ꠇꠞꠤꠀ, ꠀꠟ꠆ꠟꠣꠞ ꠃꠙꠞꠦ ꠜꠞꠡꠣ ꠇꠞꠂꠘ। ꠀꠝꠞꠣꠞ ꠜꠣꠟꠣꠁꠞ ꠟꠣꠉꠤ ꠔꠣꠁꠘꠃ ꠢꠇꠟꠔꠣ ꠈꠥꠟꠣ ꠀꠔꠦ ꠖꠣꠘ ꠇꠞꠂꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:26

ꠔꠦꠃ ꠔꠣꠞꠣ ꠌꠦꠔꠘ ꠙꠣꠁꠀ ꠁꠛꠟꠤꠍꠞ ꠚꠣꠘ꠆ꠖꠅ ꠕꠣꠇꠤ ꠎꠣꠘ ꠛꠣꠌꠣꠁꠛꠣ, ꠅꠃ ꠁꠛꠟꠤꠍꠦ ꠔꠣꠞ ꠉꠥꠟꠣꠝ ꠛꠣꠘꠣꠘꠤꠞ ꠟꠣꠉꠤ ꠄꠞꠣꠞꠦ ꠗꠞꠍꠤꠟ।

Injil 17: Titas 2:12

ꠅꠃ ꠞꠢꠝꠔꠦꠃ ꠀꠝꠞꠣꠞꠦ ꠔꠣꠟꠤꠝ ꠖꠤꠞꠣ, ꠎꠣꠔꠦ ꠀꠝꠞꠣ ꠛꠦ-ꠖꠤꠘꠤ ꠇꠣꠝ-ꠇꠣꠎ ꠕꠣꠇꠤ ꠀꠞ ꠖꠥꠘꠤꠀꠞ ꠢꠇꠟ ꠛꠖ ꠈꠣꠁꠡ ꠕꠣꠇꠤ ꠖꠥꠞꠁ ꠞꠁꠀ, ꠁ ꠎꠉꠔꠅ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠤ, ꠀꠞ ꠘꠦꠇ ꠙꠕꠦ ꠞꠁꠀ ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ ꠇꠣꠐꠣꠁ।

ꠁꠘ꠆ꠎꠤꠟ ২২: ২-ꠙꠤꠔꠞ 2:3

ꠟꠥꠜ-ꠟꠣꠟꠌ ꠇꠞꠤꠀ ꠍꠟ-ꠌꠔꠥꠞꠤꠞ ꠝꠣꠔ ꠝꠣꠔꠤꠀ, ꠘꠤꠎꠞ ꠟꠣꠜꠞ ꠀꠡꠣꠄ ꠔꠣꠞꠣ ꠔꠥꠝꠞꠣꠞꠦ ꠇꠣꠝꠅ ꠟꠣꠉꠣꠁꠛ। ꠔꠣꠞꠣꠞ ꠙꠣꠅꠘꠣ ꠡꠣꠎꠣ ꠔ ꠛꠃꠔ ꠖꠤꠘ ꠕꠣꠇꠤ ꠛꠣꠞ ꠌꠣꠞ, ꠔꠣꠞꠣꠞ ꠛꠤꠘꠣꠡꠅ ꠛꠦꠡꠤ ꠖꠦꠞꠤ ꠘꠣꠄ।

Injil 26: Ehuda 1:11

ꠁꠔꠣ ꠔ ꠟꠣꠘ꠆ꠘꠔꠤ! ꠁꠉꠥꠁꠘ ꠛꠣꠛꠣ ꠀꠖꠝꠞ ꠟꠣꠘ꠆ꠘꠔꠤ ꠙꠥꠔ ꠇꠣꠛꠤꠟꠞ ꠟꠣꠈꠣꠘ ꠛꠘꠍꠂꠘ। ꠖꠥꠘꠤꠀꠛꠤ ꠟꠣꠜꠞ ꠀꠡꠣꠄ ꠔꠣꠞꠣ ꠢꠃ ꠜꠘ꠆ꠒ ꠘꠛꠤ ꠛꠣꠟꠣꠝꠞ ꠈꠣꠁꠡꠞ ꠀꠔꠅ ꠘꠤꠎꠞꠦ ꠡꠙꠤ ꠖꠤꠍꠦ। ꠀꠞ ꠝꠥꠍꠣ ꠘꠛꠤꠞ ꠛꠣꠄ ꠛꠤꠉꠠꠤ ꠎꠣꠅꠞꠣ ꠢꠃ ꠘꠦꠔꠣ ꠇꠥꠞꠣꠢꠞ ꠟꠣꠈꠣꠘ ꠔꠣꠞꠣꠞ ꠛꠤꠘꠣꠡ ꠀꠍꠦ।