ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:4 - Siloṭi Asmani Kitab (Nagri lipi)

⁴ ꠢꠦ ꠔ ꠝꠤꠍꠣ ꠅꠢꠋꠇꠣꠞꠤ, ꠢꠦ ꠇꠥꠘ꠆ꠔꠣꠃ ꠛꠥꠎꠦ ꠘꠣ, ꠝꠔꠜꠦꠖ ꠇꠞꠣ, ꠛꠦꠢꠥꠖꠣ ꠃꠚꠔꠣꠝꠤ ꠇꠞꠣ ꠔꠣꠞ ꠄꠇꠐꠣ ꠛꠦꠝꠣꠞ। ꠅꠔꠣꠞ ꠇꠣꠞꠘꠦ ꠁꠋꠡꠣ-ꠘꠤꠘ꠆ꠖꠣ, ꠇꠣꠁꠎ꠆ꠎꠣ-ꠚꠍꠣꠖ, ꠇꠥ-ꠡꠘ꠆ꠖꠄ ꠙꠄꠖꠣ ꠅꠄ।

ছিলটি আছমানি কিতাব (বাংলা লিপি)

⁴ হে তো মিছা অহংকারি, হে কুন্তাউ বুজে না, মতভেদ করা, বেহুদা উফতামি করা তার একটা বেমার। অতার কারনে ইংসা-নিন্দা, কাইজ্জা-ফসাদ, কু-সন্দয় পয়দা অয়।

Siloṭi Asmani Kitab (Latin lipi)

⁴ he to misa ohonkari, he kunta-u buze na, motobed ḳora, behuda uftami kora tar eḳṭa bemar. Otar ḳarone ingsha-ninda, ḳaijja-fosad, ku-shondoy foyda oy.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:4 Iomraidhean Croise

Injil 5: Sahabi Nama 15:2

ꠁꠔꠣ ꠟꠁꠀ ꠢꠎꠞꠔ ꠙꠣꠃꠟꠥꠍ ꠀꠞ ꠛꠣꠞ꠆ꠘꠣꠛꠣꠍꠞ ꠟꠉꠦ ꠅꠃ ꠝꠣꠘꠥꠡ ꠅꠇꠟꠞ ꠈꠥꠛ ꠇꠕꠣ ꠇꠣꠐꠣꠇꠣꠐꠤ ꠅꠁꠟ। ꠛꠣꠖꠦ ꠑꠤꠇ ꠅꠁꠟ, ꠙꠣꠃꠟꠥꠍ ꠀꠞ ꠛꠣꠞ꠆ꠘꠣꠛꠣꠍ ꠀꠘ꠆ꠔꠤꠅꠈꠤꠀꠞ ꠇꠄꠎꠘ ꠁꠝꠣꠘꠖꠣꠞꠞꠦ ꠟꠉꠦ ꠟꠁꠀ ꠎꠦꠞꠥꠎꠣꠟꠦꠝꠅ ꠎꠣꠁꠛꠣ, ꠉꠤꠀ ꠔꠣꠞꠣ ꠍꠣꠢꠣꠛꠤ ꠀꠞ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠞ ꠟꠉꠦ ꠁ ꠛꠤꠡꠄꠄ ꠛꠣꠔꠌꠤꠔ ꠇꠞꠛꠣ।

Injil 5: Sahabi Nama 18:15

ꠅꠁꠟꠦ ꠁꠐꠣ ꠎꠦꠛꠟꠣ ꠇꠥꠘꠥ ꠈꠣꠍ ꠛꠥꠟꠤ ꠛꠣ ꠘꠣꠝ ꠛꠣ ꠔꠥꠝꠞꠣꠞ ꠡꠞꠤꠅꠔꠞ ꠚꠤꠞꠇꠣ, ꠔꠦ ꠁꠔꠣ ꠛꠤꠡꠄ-ꠀꠡꠄ ꠔꠥꠝꠞꠣꠃ ꠚꠄꠍꠣꠟꠣ ꠇꠞꠤꠟꠣꠅ, ꠁꠔꠣ ꠝꠣꠔꠞ ꠟꠣꠉꠤ ꠀꠝꠤ ꠛꠤꠌꠣꠞ ꠇꠞꠔꠣꠝ ꠌꠣꠁ ꠘꠣ।”

Injil 5: Sahabi Nama 8:9

ꠅꠁꠟꠦ ꠢꠤꠈꠣꠘꠅ ꠍꠣꠁꠝꠘ ꠘꠣꠝꠞ ꠄꠇꠎꠘ ꠝꠣꠘꠡꠦ ꠛꠃꠔ ꠖꠤꠘ ꠗꠞꠤ ꠎꠣꠖꠥ-ꠐꠥꠘꠣꠞ ꠇꠣꠝ ꠇꠞꠔ, ꠡꠝꠞꠤꠀꠞ ꠝꠣꠘꠡꠞꠦ ꠗꠣꠘ꠆ꠖꠣ ꠟꠣꠉꠣꠁꠀ ꠢꠦ ꠘꠤꠎꠞꠦ ꠄꠇꠎꠘ ꠇꠣꠝꠤꠟ ꠙꠤꠞ ꠇꠁꠀ ꠖꠣꠛꠤ ꠇꠞꠔ।

Injil 6: Ruman 12:16

ꠔꠥꠝꠞꠣ ꠄꠇꠦ-ꠅꠁꠘ꠆ꠘꠦ ꠜꠣꠁ ꠜꠣꠁ ꠅꠁꠀ ꠞꠅ। ꠛꠠꠟꠥꠇꠤ ꠜꠣꠛ ꠘꠣ ꠖꠦꠈꠣꠁꠀ, ꠡꠣꠗꠣꠞꠘ ꠝꠣꠘꠡꠞ ꠟꠉꠦ ꠝꠤꠟꠤ-ꠝꠤꠡꠤ ꠌꠟꠅ। ꠘꠤꠎꠞ ꠙꠘ꠆ꠒꠤꠔꠤ ꠖꠦꠈꠣꠁꠅ ꠘꠣ।

Injil 6: Ruman 13:13

ꠢꠂ-ꠢꠥꠟ꠆ꠟꠣ ꠇꠞꠤ ꠝꠖ ꠈꠣꠁꠀ ꠐꠣꠟ ꠅꠀ, ꠎꠤꠘꠣ-ꠛꠖꠝꠣꠁꠡꠤ ꠛꠣ ꠝꠘꠉꠠꠣ ꠌꠟꠣ, ꠁꠋꠡꠣ ꠀꠞ ꠇꠣꠁꠎ꠆ꠎꠣ-ꠚꠍꠣꠖ ꠛꠣꠖ ꠖꠤꠀ, ꠀꠅ, ꠀꠝꠞꠣ ꠖꠤꠘꠞ ꠚꠞꠦ ꠌꠟꠞꠣ ꠝꠣꠘꠡꠞ ꠟꠣꠈꠣꠘ ꠌꠟꠤ।

Injil 6: Ruman 14:1

ꠔꠥꠝꠞꠣꠞ ꠝꠣꠎꠞ ꠎꠦ ꠜꠣꠁ ꠁꠝꠣꠘꠦ ꠇꠝꠎꠥꠞ, ꠔꠣꠞꠦꠅ ꠀꠙꠘ ꠢꠤꠡꠣꠛꠦ ꠡꠝꠎꠅ, ꠔꠣꠞ ꠙꠍꠘ꠆ꠖ-ꠅꠙꠍꠘ꠆ꠖ ꠟꠁꠀ ꠔꠞ꠆ꠇꠣ-ꠔꠞ꠆ꠇꠤ ꠇꠞꠤꠅ ꠘꠣ।

Injil 6: Ruman 2:8

ꠅꠁꠟꠦ ꠎꠦꠞꠣ ꠘꠤꠎꠞ ꠈꠣꠁꠡꠞ ꠛꠡꠦ ꠌꠟꠦ, ꠀꠟ꠆ꠟꠣꠁ ꠢꠇꠞ ꠛꠤꠞꠥꠖ꠆ꠖꠦ ꠞꠄ, ꠘꠣꠚꠞꠝꠣꠘꠤꠞ ꠙꠇ꠆ꠇꠦ ꠕꠣꠇꠦ, ꠔꠣꠞꠣꠞ ꠃꠙꠞꠦ ꠀꠟ꠆ꠟꠣꠁ ꠖꠥꠈ-ꠝꠍꠤꠛꠔ, ꠉꠎꠛ ꠀꠞ ꠟꠣꠘ꠆ꠘꠔ ꠀꠁꠛ।

Injil 7: 1-Korintia 11:16

ꠔꠦ ꠁꠔꠣ ꠟꠁꠀ ꠇꠦꠃ ꠔꠞ꠆ꠇ-ꠛꠤꠔꠞ꠆ꠇ ꠇꠞꠟꠦ, ꠀꠝꠣꠞ ꠙꠞꠤꠡ꠆ꠇꠣꠞ ꠎꠥꠀꠙ ꠅꠁꠟ, ꠁꠔꠣ ꠍꠣꠠꠣ ꠖꠥꠍꠞꠣ ꠇꠥꠘꠥ ꠘꠤꠅꠝ ꠀꠝꠞꠣꠞ ꠝꠣꠎꠦ ꠘꠣꠁ ꠀꠞ ꠀꠟ꠆ꠟꠣꠞ ꠎꠝꠣꠔꠞ ꠝꠣꠎꠦꠅ ꠘꠣꠁ।

Injil 7: 1-Korintia 11:18

ꠀꠝꠤ ꠢꠥꠘꠤꠀꠞ, ꠔꠥꠝꠞꠣ ꠎꠦꠛꠟꠣ ꠎꠝꠣꠔꠅ ꠡꠞꠤꠇ ꠅꠅ, ꠅꠃ ꠡꠝꠄ ꠔꠥꠝꠞꠣꠞ ꠝꠣꠎꠦ ꠖꠟꠣꠖꠟꠤ ꠕꠣꠇꠦ, ꠀꠞ ꠁꠔꠣ ꠇꠤꠍꠥ ꠀꠝꠤ ꠛꠤꠡ꠆ꠛꠣꠡꠅ ꠇꠞꠤ।

Injil 7: 1-Korintia 3:18

ꠔꠥꠝꠞꠣ ꠇꠦꠃ ꠘꠤꠎꠞꠦ ꠚꠣꠇꠤ ꠖꠤꠅ ꠘꠣ। ꠔꠥꠝꠞꠣꠞ ꠝꠣꠎꠞ ꠇꠦꠃ ꠎꠥꠖꠤ ꠖꠥꠘꠤꠀꠞ ꠀꠈꠟ-ꠁꠟꠤꠝꠦ ꠘꠤꠎꠞꠦ ꠀꠈꠟꠖꠣꠞ ꠝꠘꠅ ꠇꠞꠦ, ꠔꠦ ꠢꠦ ꠛꠦꠀꠈꠟ ꠛꠘꠃꠇ ꠎꠣꠔꠦ ꠀꠍꠟ ꠀꠈꠟꠖꠣꠞ ꠅꠁꠔ ꠙꠣꠞꠦ।

Injil 7: 1-Korintia 3:3

ꠇꠣꠞꠘ ꠔꠥꠝꠞꠣ ꠅꠈꠘꠅ ꠖꠥꠘꠤꠀꠛꠤ ꠞꠇ꠆ꠔ-ꠝꠣꠋꠡꠦ ꠌꠟꠞꠣꠄ। ꠔꠥꠝꠞꠣꠞ ꠝꠣꠎꠦ ꠅꠈꠘꠅ ꠁꠋꠡꠣ, ꠇꠣꠁꠎ꠆ꠎꠣ-ꠚꠍꠣꠖ ꠟꠣꠉꠣꠁꠟꠃ ꠀꠍꠦ। ꠔꠦ ꠔꠥꠝꠞꠣ ꠞꠇ꠆ꠔ-ꠝꠣꠋꠡꠞ ꠛꠡꠦ ꠞꠁꠍ ꠘꠣ ꠘꠤ?

Injil 8: 2-Korintia 11:20

ꠈꠣꠟꠤ ꠁꠈꠣꠘ ꠘꠣꠄ, ꠇꠦꠃ ꠎꠥꠖꠤ ꠔꠥꠝꠞꠣꠞꠦ ꠘꠤꠎꠞ ꠉꠥꠟꠣꠝ ꠛꠣꠘꠣꠁꠀ ꠞꠣꠈꠦ, ꠔꠥꠝꠞꠣꠞꠦ ꠔꠣꠞ ꠡꠤꠇꠣꠞ ꠛꠣꠘꠣꠁꠟꠣꠄ, ꠚꠣꠘ꠆ꠖꠅ ꠚꠣꠟꠣꠄ, ꠔꠥꠝꠞꠣꠞ ꠃꠙꠞꠦ ꠃꠡ꠆ꠔꠣꠖꠤ ꠇꠞꠦ ꠛꠣ ꠔꠥꠝꠞꠣꠞ ꠉꠣꠟꠅ ꠌꠠ ꠝꠣꠞꠦ, ꠔꠣ-ꠅ ꠔ ꠔꠥꠝꠞꠣ ꠈꠥꠡꠤ ꠅꠁꠀ ꠡꠁꠎ꠆ꠎ ꠇꠞꠞꠣꠄ।

Injil 9: Galatia 5:15

ꠅꠁꠟꠦ ꠔꠥꠝꠞꠣ ꠎꠥꠖꠤ ꠄꠇꠦ-ꠅꠁꠘ꠆ꠘꠦ ꠇꠣꠁꠎ꠆ꠎꠣ-ꠚꠍꠣꠖ ꠀꠞ ꠞꠦꠡꠣ-ꠞꠦꠡꠤ ꠇꠞ, ꠔꠦ ꠢꠥꠡꠤꠀꠞ ꠅꠁꠎꠣꠅ! ꠁꠔꠣ ꠇꠞꠟꠦ ꠔ ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠛꠤꠘꠣꠡ ꠇꠞꠤꠟꠤꠛꠣꠄ।

Injil 9: Galatia 5:26

ꠀꠝꠞꠣ ꠛꠦꠢꠥꠖꠣ ꠛꠠꠣꠁ-ꠛꠦꠐꠣꠉꠤꠞꠤ ꠛꠣꠖ ꠖꠦꠁ, ꠄꠇꠦ-ꠅꠁꠘ꠆ꠘꠞꠦ ꠍꠣꠔꠣꠘꠤ ꠀꠞ ꠁꠋꠡꠣ-ꠁꠋꠡꠤ ꠄꠇ꠆ꠇꠦꠞꠦ ꠍꠣꠠꠤ ꠖꠦꠁ।

Injil 9: Galatia 6:3

ꠇꠥꠘ꠆ꠔꠣ ꠘꠣ ꠛꠘꠤꠀꠅ ꠎꠦ ꠝꠣꠘꠡꠦ ꠘꠤꠎꠞ ꠛꠠꠣꠁ-ꠛꠣꠢꠣꠖꠥꠞꠤ ꠖꠦꠈꠣꠄ, ꠢꠦ ꠔ ꠘꠤꠎꠦꠃ ꠘꠤꠎꠞꠦ ꠐꠉꠣꠄ।

Injil 11: Filifia 1:15

ꠄꠞꠣꠞ ꠝꠣꠎꠦ ꠇꠦꠃ ꠇꠦꠃ ꠁꠋꠡꠣ ꠀꠞ ꠖꠟꠣꠖꠟꠤꠞ ꠘꠤꠅꠔꠦ ꠀꠟ-ꠝꠍꠤꠞ ꠔꠛꠟꠤꠉ ꠇꠞꠦꠞ, ꠅꠁꠟꠦ ꠇꠦꠃ ꠇꠦꠃ ꠜꠣꠟꠣ ꠘꠤꠅꠔꠦ ꠇꠞꠦꠞ।

Injil 11: Filifia 2:14

ꠔꠥꠝꠞꠣ ꠇꠥꠘꠥꠎꠣꠔ ꠔꠞ꠆ꠇꠣ-ꠔꠞ꠆ꠇꠤ ꠛꠣ ꠇꠣꠁꠎ꠆ꠎꠣ-ꠚꠍꠣꠖ ꠘꠣ ꠇꠞꠤꠀ ꠢꠇꠟ ꠇꠣꠝ ꠇꠞꠅ।

Injil 11: Filifia 2:3

ꠘꠤꠎꠞ ꠟꠣꠜꠞ ꠀꠡꠣ ꠛꠣ ꠛꠦꠐꠣꠉꠤꠞꠤ ꠖꠦꠈꠣꠘꠤꠞ ꠟꠣꠉꠤ ꠇꠥꠘ꠆ꠔꠣ ꠇꠞꠤꠅ ꠘꠣ, ꠛꠞꠋ ꠘꠔ ꠅꠁꠀ ꠘꠤꠎꠞ ꠌꠣꠁꠔꠦ ꠅꠁꠘ꠆ꠘꠞꠦ ꠛꠦꠡꠤ ꠖꠣꠝ ꠖꠦꠅ।

Injil 12: Kolosia 2:18

ꠎꠦꠞꠣ ꠘꠤꠎꠞ ꠡꠞꠤꠟꠞꠦ ꠇꠡ꠆ꠐ ꠖꠦꠅꠀ ꠀꠞ ꠚꠤꠞꠤꠡ꠆ꠔꠣ ꠅꠇꠟꠞ ꠄꠛꠣꠖꠔ ꠇꠞꠣꠞꠦ ꠎꠞꠥꠞꠤ ꠝꠘꠅ ꠇꠞꠦ, ꠄꠞꠣ ꠎꠣꠘꠥ ꠔꠥꠝꠞꠣꠞꠦ ꠙꠥꠞꠥꠡ꠆ꠇꠣꠞꠞ ꠙꠕ ꠕꠣꠇꠤ ꠢꠞꠣꠁꠔ ꠘꠣ ꠙꠣꠞꠦ। ꠅꠃ ꠘꠝꠥꠘꠣꠞ ꠝꠣꠘꠡꠦ ꠎꠦꠔꠣ ꠖꠦꠈꠍꠦ ꠇꠁꠀ ꠈꠣꠝꠈꠣ ꠛꠠꠣꠁ-ꠛꠦꠐꠣꠉꠤꠞꠤ ꠇꠞꠦ, ꠀꠞ ꠅꠔꠣ ꠟꠁꠀ ꠛꠠ ꠛꠠ ꠉꠚ ꠝꠣꠞꠦ, ꠀꠍꠟꠦ ꠄꠞꠣꠞ ꠅꠘ꠆ꠔꠞ ꠔ ꠈꠣꠟꠤ ꠖꠥꠘꠤꠀꠛꠤ ꠌꠤꠘ꠆ꠔꠣꠄ ꠜꠞꠣ।

ইঞ্জিল ১৪: ২-থিষল: 2:4

ꠛꠣꠞ ꠅꠁꠀ “ꠀꠟ꠆ꠟꠣꠞ ꠘꠣꠝꠦ” ꠎꠔꠔꠣ ꠀꠍꠦ, ꠁꠔꠣ ꠢꠇ꠆ꠇꠟꠔꠣꠞ ꠛꠤꠙꠇ꠆ꠇꠦ ꠀꠞ ꠄꠛꠣꠖꠔꠤ ꠇꠞꠣꠞ ꠎꠥꠇꠣ ꠢꠇ꠆ꠇꠟꠔꠣꠞ ꠛꠤꠙꠇ꠆ꠇꠦ ꠉꠤꠀ, ꠢꠦ ꠘꠤꠎꠞꠦ ꠛꠠ ꠝꠘꠅ ꠇꠞꠛ। ꠢꠦ ꠅꠟꠣꠅ ꠇꠞꠛ, ꠀꠟ꠆ꠟꠣꠞ ꠄꠛꠣꠖꠔ ꠈꠣꠘꠣꠔ ꠛꠁꠀ ꠘꠤꠎꠞꠦ ꠀꠟ꠆ꠟꠣ ꠇꠁꠀ ꠖꠣꠛꠤ ꠇꠞꠛ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:4

ꠔꠣꠞꠣꠞꠦ ꠇꠁꠅ, ꠔꠣꠞꠣ ꠎꠣꠔꠦ ꠛꠣꠘꠥꠀꠐ ꠇꠤꠌ꠆ꠍꠣ ꠀꠞ ꠟꠣꠝ꠆ꠛꠣ ꠟꠣꠝ꠆ꠛꠣ ꠈꠣꠘ꠆ꠖꠣꠘꠞ ꠟꠤꠡ꠆ꠐꠞ ꠛꠣꠄ ꠈꠤꠀꠟꠤ ꠘꠣ ꠅꠁꠘ। ꠁꠔꠣꠄ ꠔ ꠘꠣꠘꠣꠘ ꠘꠝꠥꠘꠣꠞ ꠖꠟꠣꠖꠟꠤꠞ ꠎꠘꠝ ꠖꠦꠄ, ꠀꠟ꠆ꠟꠣꠞ ꠇꠣꠝꠞ ꠇꠥꠘꠥ ꠚꠣꠄꠖꠣ ꠅꠄ ꠘꠣ, ꠀꠟ꠆ꠟꠣꠁ ꠚꠣꠄꠖꠣ ꠝꠤꠟꠦ ꠈꠣꠟꠤ ꠁꠝꠣꠘꠞ ꠝꠣꠎꠖꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:7

ꠔꠣꠞꠣ ꠎꠥꠖꠤꠅ ꠘꠤꠎꠦꠃ ꠘꠤꠎꠞ ꠝꠣꠔꠞ ꠝꠣꠘꠤ ꠛꠥꠎꠦ ꠘꠣ, ꠀꠞ ꠎꠦ ꠛꠦꠙꠣꠞ ꠟꠁꠀ ꠛꠠ ꠉꠟꠣꠄ ꠝꠣꠔꠦꠞ, ꠁ ꠛꠦꠙꠣꠞꠦꠅ ꠜꠣꠟꠣꠝꠘ꠆ꠔꠦ ꠎꠣꠘꠦ ꠘꠣ, ꠔꠦꠛꠃ ꠔꠣꠞꠣ ꠝꠥꠍꠣ ꠘꠛꠤꠞ ꠛꠣꠔꠣꠁꠟ ꠡꠞꠤꠅꠔꠞ ꠃꠡ꠆ꠔꠣꠖ ꠅꠁꠔ ꠌꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:6

ꠇꠥꠘꠥ ꠘꠄꠀ ꠁꠝꠣꠘꠖꠣꠞ ꠜꠣꠁ ꠎꠝꠣꠔꠞ ꠌꠣꠟꠇꠖꠣꠞ ꠅꠀ ꠑꠤꠇ ꠘꠣꠄ, ꠁꠟꠣ ꠅꠁꠟꠦ ꠔꠣꠁꠘ ꠢꠄꠔ ꠛꠠꠣꠁ-ꠛꠦꠐꠣꠉꠤꠞꠤꠄ ꠛꠣꠢꠣꠖꠥꠞꠤ ꠇꠞꠛꠣ, ꠀꠞ ꠁꠛꠟꠤꠍꠞ ꠟꠣꠉꠤ ꠑꠤꠇ ꠇꠞꠣ ꠡꠣꠎꠣꠞ ꠜꠣꠉꠤ ꠅꠁꠛꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:14

ꠅ ꠔꠤꠝꠕꠤ, ꠔꠥꠝꠤ ꠝꠥꠝꠤꠘ ꠅꠇꠟꠞꠦ ꠀꠝꠣꠞ ꠅꠃ ꠔꠣꠟꠤꠝꠈꠣꠘ ꠝꠘꠅ ꠇꠞꠣꠁ ꠖꠦꠅ। ꠀꠟ꠆ꠟꠣꠞ ꠍꠣꠝꠘꠦ ꠔꠣꠞꠣꠞꠦ ꠢꠥꠡꠤꠀꠞ ꠇꠞꠅ, ꠎꠣꠔꠦ ꠀꠎꠦ-ꠛꠣꠎꠦ ꠝꠣꠔ ꠟꠁꠀ ꠔꠞ꠆ꠇꠣ-ꠔꠞ꠆ꠇꠤ ꠘꠣ ꠇꠞꠂꠘ, ꠁꠔꠣ ꠝꠣꠔꠞ ꠔ ꠇꠥꠘꠥ ꠖꠣꠝ ꠘꠣꠁ, ꠁꠔꠣ ꠎꠦꠞꠣ ꠢꠥꠘꠦ, ꠔꠣꠞꠣꠞ ꠡꠞ꠆ꠛꠘꠣꠡ ꠅꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:23

ꠀꠎꠦ-ꠛꠣꠎꠦ ꠛꠦꠀꠈꠟꠤ ꠔꠞ꠆ꠇꠣ-ꠔꠞ꠆ꠇꠤꠔ ꠡꠣꠝꠤꠟ ꠅꠁꠅ ꠘꠣ, ꠔꠥꠝꠣꠞ ꠎꠣꠘꠣ ꠀꠍꠦ, ꠁꠔꠣꠄ ꠈꠣꠟꠤ ꠇꠣꠁꠎ꠆ꠎꠣ-ꠚꠍꠣꠖ ꠛꠣꠠꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:4

ꠝꠣꠘꠡꠦ ꠛꠦꠁꠝꠣꠘꠤ, ꠚꠥꠐꠣꠘꠤ ꠀꠞ ꠛꠦꠙꠞꠥꠀ ꠜꠣꠛ ꠖꠦꠈꠣꠁꠛ, ꠀꠟ꠆ꠟꠣꠞ ꠀꠡꠤꠇ ꠘꠣ ꠅꠁꠀ ꠖꠥꠘꠤꠀꠛꠤ ꠀꠞꠣꠝ-ꠀꠄꠄꠡꠞ ꠀꠡꠤꠇ ꠅꠁꠛ।

Injil 17: Titas 3:9

ꠔꠣ-ꠅ ꠛꠦꠅꠇꠥꠚꠞ ꠟꠣꠈꠣꠘ ꠔꠞ꠆ꠇꠣ-ꠔꠞ꠆ꠇꠤ, ꠎꠣꠔ-ꠛꠋꠡ ꠟꠁꠀ ꠝꠣꠔꠣ, ꠇꠣꠁꠎ꠆ꠎꠣ-ꠚꠍꠣꠖ, ꠀꠞ ꠡꠞꠤꠅꠔ ꠟꠁꠀ ꠇꠕꠣ ꠇꠣꠐꠣꠇꠣꠐꠤ ꠇꠞꠤꠅ ꠘꠣ। ꠁꠔꠣꠄ ꠔ ꠇꠥꠘꠥ ꠚꠣꠄꠖꠣ ꠅꠄ ꠘꠣ, ꠁꠔꠣ ꠄꠇ꠆ꠇꠦꠞꠦ ꠛꠦꠇꠣꠝꠣ।

Injil 20: Iakub 1:19

ꠅ ꠀꠝꠣꠞ ꠝꠣꠄꠀꠞ ꠜꠣꠁ ꠅꠇꠟ, ꠝꠘꠅ ꠞꠣꠈꠤꠅ, ꠔꠥꠝꠞꠣ ꠀꠉꠦ ꠢꠥꠘꠅ ꠛꠣꠖꠦ ꠝꠣꠔꠅ, ꠎꠟꠖꠤ ꠉꠥꠍꠣ ꠇꠞꠤꠅ ꠘꠣ।

ꠁꠘ꠆ꠎꠤꠟ ২২: ২-ꠙꠤꠔꠞ 2:12

ꠛꠦꠀꠈꠟ ꠎꠋꠟꠤ ꠎꠣꠘꠥꠀꠞ ꠅꠇꠟꠦ ꠘꠣ ꠛꠥꠎꠤꠀ ꠎꠦꠟꠣ ꠘꠤꠎꠞ ꠈꠥꠡꠤꠄ ꠌꠟꠦ ꠀꠞ ꠗꠞꠣ ꠈꠣꠁꠀ ꠝꠞꠦ, ꠅꠃ ꠜꠘ꠆ꠒ ꠃꠡ꠆ꠔꠣꠖ ꠅꠇꠟꠅ ꠅꠔꠣꠞ ꠟꠣꠈꠣꠘ। ꠔꠣꠞꠣ ꠎꠦꠔꠣ ꠛꠥꠎꠦ ꠘꠣ, ꠅꠔꠣꠞꠅ ꠛꠖꠘꠣꠝ ꠉꠣꠄ। ꠄꠞꠟꠣꠉꠤ ꠅꠃ ꠎꠋꠟꠤ ꠎꠣꠘꠥꠀꠞꠞ ꠟꠣꠈꠣꠘ ꠔꠣꠞꠣꠞ ꠛꠤꠘꠣꠡ ꠀꠍꠦ,

ꠁꠘ꠆ꠎꠤꠟ ২২: ২-ꠙꠤꠔꠞ 2:18

ꠔꠣꠞꠣ ꠛꠠ ꠛꠠ ꠛꠦꠇꠣꠝꠣ ꠝꠣꠔ ꠝꠣꠔꠦ। ꠀꠞ ꠎꠦꠞꠣ ꠕꠥꠠꠣ ꠀꠉꠦ ꠇꠥ-ꠙꠕ ꠍꠣꠠꠤꠀ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠜꠣꠉꠤꠍꠂꠘ, ꠅꠔꠣ ꠝꠣꠘꠡꠞꠦ ꠡꠞꠤꠟꠞ ꠈꠣꠁꠡꠦ ꠌꠟꠤꠀ ꠛꠖꠝꠣꠁꠡꠤ ꠇꠞꠣꠞ ꠁꠘ꠆ꠗꠘ ꠖꠦꠄ।

Injil 26: Ehuda 1:10

ꠅꠁꠟꠦ ꠅꠃ ꠜꠘ꠆ꠒ ꠃꠡ꠆ꠔꠣꠖ ꠅꠇꠟꠦ ꠎꠦꠔꠣ ꠛꠥꠎꠦ ꠘꠣ ꠅꠔꠣꠞ ꠛꠖꠘꠣꠝ ꠉꠣꠄ, ꠀꠞ ꠎꠋꠟꠤ ꠎꠣꠘꠥꠀꠞꠞ ꠟꠣꠈꠣꠘ ꠘꠤꠎꠞ ꠀꠈꠟꠦ ꠘꠤꠎꠞ ꠡꠞ꠆ꠛꠘꠣꠡ ꠊꠐꠣꠄ।

Injil 26: Ehuda 1:16

ꠁꠔꠣꠄ ꠔ ꠢꠣꠝꠦꠡꠣꠃ ꠘꠣ-ꠍꠛꠞꠤ ꠇꠞꠂꠘ, ꠘꠤꠎꠞ ꠇꠙꠣꠟꠞꠦ ꠖꠥꠡꠂꠘ ꠀꠞ ꠔꠣꠞꠣꠞ ꠛꠖ ꠈꠣꠁꠡꠞ ꠛꠡꠦ ꠌꠟꠂꠘ। ꠔꠣꠞꠣꠞ ꠢꠇꠟ ꠝꠣꠔꠅ ꠘꠤꠎꠞ ꠛꠠꠣꠁ-ꠛꠦꠐꠣꠉꠤꠞꠤ ꠖꠦꠈꠣꠁꠘ, ꠡ꠆ꠛꠣꠞꠕ ꠢꠣꠍꠤꠟꠞ ꠟꠣꠉꠤ ꠝꠣꠘꠡꠞ ꠜꠎꠘꠣ ꠇꠞꠂꠘ।

Injil 27: Zaira Kalam 3:17

ꠔꠥꠝꠞꠣ ꠔ ꠇꠁꠞꠣꠄ, ꠔꠥꠝꠞꠣ ꠛꠃꠔ ꠗꠘꠤ, ꠔꠥꠝꠞꠣ ꠛꠠꠟꠥꠇ ꠅꠁꠉꠦꠍ, ꠄꠞꠟꠣꠉꠤ ꠔꠥꠝꠞꠣꠞ ꠇꠥꠘ꠆ꠔꠣꠞ ꠅꠜꠣꠛ ꠘꠣꠁ। ꠁꠔꠣ ꠈꠥꠛ ꠜꠣꠟꠣ ꠇꠕꠣ, ꠅꠁꠟꠦ ꠀꠍꠟꠦ ꠔ ꠔꠥꠝꠞꠣ ꠛꠥꠎꠞꠣꠄ ꠘꠣ, ꠔꠥꠝꠞꠣ ꠈꠥꠛ ꠖꠥꠈꠤ, ꠇꠣꠋꠉꠣꠟ, ꠉꠞꠤꠛ, ꠀꠘ꠆ꠖꠣ ꠀꠞ ꠟꠦꠝꠐꠣ ꠀꠍ।