ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:16 - Siloṭi Asmani Kitab (Nagri lipi)

¹⁶ ꠈꠣꠟꠤ ꠀꠟ꠆ꠟꠣ ꠙꠣꠇꠞꠦꠃ ꠝꠃꠔꠦ ꠇꠛꠎꠣ ꠇꠞꠔ ꠙꠣꠞꠦ ꠘꠣ। ꠔꠣꠁꠘ ꠅꠟꠣ ꠄꠇ ꠘꠥꠞꠞ ꠚꠞꠅ ꠛꠡꠔ ꠇꠞꠂꠘ, ꠢꠤꠘꠅ ꠇꠥꠘꠥ ꠀꠖꠝ ꠎꠣꠔ ꠎꠣꠁꠔ ꠙꠣꠞꠦ ꠘꠣ। ꠇꠥꠘꠥ ꠀꠖꠝꠦ ꠇꠥꠘꠥꠖꠤꠘ ꠔꠣꠘꠞꠦ ꠖꠦꠈꠍꠦꠅ ꠘꠣ, ꠖꠦꠈꠣꠞ ꠔꠣꠇ꠆ꠇꠔꠅ ꠘꠣꠁ। ꠁꠎ꠆ꠎꠔ ꠀꠞ ꠈꠦꠝꠔꠣ ꠌꠤꠞꠇꠣꠟ ꠈꠣꠟꠤ ꠔꠣꠘꠃ। ꠀꠝꠤꠘ।

ছিলটি আছমানি কিতাব (বাংলা লিপি)

¹⁶ খালি আল্লা পাকরেউ মউতে কবজা করতো পারে না। তাইন অলা এক নুরর ফরো বসত করইন, হিনো কুনু আদম জাত যাইতো পারে না। কুনু আদমে কুনুদিন তানরে দেখছেও না, দেখার তাক্কতও নাই। ইজ্জত আর খেমতা চিরকাল খালি তানউ। আমিন।

Siloṭi Asmani Kitab (Latin lipi)

¹⁶ Ḳali Alla Pakre-u moute ḳobza ḳorto fare na. Tain ola eḳ nuror foro boshot ḳoroin, hino kunu adom zat zaito fare na. Kunu Adome kunudin tanre deḳse-o na, deḳar takkot-o nai. Ijjot ar ḳemota siroḳal ḳali tan-u. Amin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:16 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 3:14

ꠀꠟ꠆ꠟꠣꠄ ꠇꠁꠟꠣ, “ꠀꠝꠤ ꠎꠦꠁꠘ ꠀꠍꠤ, ꠀꠍꠤꠃ। ꠛꠘꠤ ꠁꠍꠞꠣꠁꠟꠞꠦ ꠅꠃꠟꠣ ꠇꠁꠅ, ꠎꠦꠘ ꠘꠣꠝ ‘ꠀꠝꠤ ꠀꠍꠤ’ ꠔꠣꠁꠘ ꠀꠝꠣꠞꠦ ꠔꠥꠝꠞꠣꠞ ꠉꠦꠍꠦ ꠙꠣꠑꠣꠁꠍꠂꠘ।”

ꠔꠃꠞꠣꠔ ২: ꠢꠤꠎꠞꠔ 33:20

ꠅꠁꠟꠦ ꠀꠝꠣꠞ ꠝꠥꠈ ꠖꠦꠈꠣꠞ ꠔꠣꠇ꠆ꠇꠔ ꠔꠥꠝꠣꠞ ꠅꠁꠔ ꠘꠣꠄ। ꠇꠣꠞꠘ ꠀꠝꠣꠞꠦ ꠖꠦꠈꠤꠟ꠆ꠟꠦ ꠇꠥꠘꠥ ꠀꠖꠝ ꠎꠣꠔ ꠛꠣꠌꠦ ꠘꠣ।

Injil 4: Hannan 1:18

ꠀꠟ꠆ꠟꠣꠞꠦ ꠔ ꠇꠦꠃ ꠇꠥꠘꠥꠖꠤꠘ ꠖꠦꠈꠍꠦ ꠘꠣ। ꠔꠣꠘ ꠟꠉꠦ ꠞꠅꠞꠣ ꠢꠃ ꠄꠇꠝꠣꠔ꠆ꠞ ꠙꠥꠔ, ꠝꠣꠘꠤ ꠔꠣꠘ ꠈꠣꠍ ꠝꠣꠄꠀꠞ ꠎꠘ, ꠎꠦꠁꠘ ꠡ꠆ꠛꠄꠅꠋ ꠝꠃꠟꠣ, ꠔꠣꠁꠘꠃ ꠀꠟ꠆ꠟꠣꠞꠦ ꠎꠣꠁꠞ ꠇꠞꠍꠂꠘ।

Injil 4: Hannan 14:9

ꠁꠍꠣꠄ ꠇꠁꠟꠣ, “ꠚꠤꠟꠤꠚ, ꠅꠔ ꠖꠤꠘ ꠕꠣꠇꠤ ꠀꠝꠤ ꠔꠥꠝꠞꠣꠞ ꠟꠉꠦ ꠟꠉꠦ ꠀꠍꠤ, ꠄꠞꠛꠣꠖꠦꠅ ꠔꠥꠝꠤ ꠀꠝꠣꠞꠦ ꠌꠤꠘꠟꠣꠄ ꠘꠣ ꠘꠤ? ꠎꠦ ꠎꠘꠦ ꠀꠝꠣꠞꠦ ꠖꠦꠈꠍꠦ, ꠢꠦ ꠀꠝꠣꠞ ꠉꠣꠁꠛꠤ ꠛꠣꠚꠞꠦꠅ ꠖꠦꠈꠍꠦ। ꠔꠦ ꠔꠥꠝꠤ ꠇꠤꠟꠣꠘ ꠇꠁꠟꠣꠄ, ꠉꠣꠁꠛꠤ ꠛꠣꠚꠞꠦ ꠖꠦꠈꠣꠃꠇ꠆ꠇꠣ?

Injil 4: Hannan 6:46

“ꠅꠃ ꠛꠣꠚꠞꠦ ꠔ ꠇꠥꠘꠥ ꠝꠣꠘꠡꠦ ꠖꠦꠈꠍꠦ ꠘꠣ, ꠈꠣꠟꠤ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠎꠦꠁꠘ ꠀꠁꠍꠂꠘ, ꠔꠣꠁꠘꠃ ꠁ ꠛꠣꠚꠞꠦ ꠖꠦꠈꠍꠂꠘ।

Injil 4: Hannan 8:58

ꠁꠍꠣꠄ ꠇꠁꠟꠣ, “ꠀꠝꠤ ꠔꠥꠝꠞꠣꠞꠦ ꠢꠇ ꠇꠕꠣ ꠇꠁꠞꠣꠝ, ꠁꠛ꠆ꠞꠣꠢꠤꠝ ꠘꠛꠤꠞ ꠎꠘꠝꠞ ꠀꠉ ꠕꠣꠇꠤꠃ ꠀꠝꠤ ꠀꠍꠤ।”

Injil 10: Ifisia 3:21

ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠝꠣꠎꠖꠤꠀ ꠀꠞ ꠎꠝꠣꠔꠞ ꠝꠣꠎꠖꠤꠀꠅ ꠎꠥꠉ ꠎꠥꠉ ꠗꠞꠤ ꠢꠞ-ꠢꠣꠝꠦꠡꠣ ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠅꠃꠇ। ꠀꠝꠤꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:40

ꠀꠞꠡꠞ ꠛꠣꠄ ꠀꠔ ꠔꠥꠟꠤꠀ ꠇꠍꠝ ꠈꠣꠁꠀ ꠇꠁ, ꠌꠤꠞꠇꠣꠟꠤꠘ ꠎꠤꠘ꠆ꠖꠣ ꠀꠝꠤ ꠎꠣꠘꠤꠅ ꠘꠤꠌ꠆ꠌꠄ।

Injil 11: Filifia 4:20

ꠎꠥꠉꠦ ꠎꠥꠉꠦ ꠢꠞ-ꠢꠣꠝꠦꠡꠣ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠎꠣꠞꠤ ꠞꠃꠇ। ꠀꠝꠤꠘ।

Injil 12: Kolosia 1:15

ꠅꠃ ꠝꠣꠄꠀꠞ ꠎꠘꠃ ꠅꠁꠟꠣ, ꠛꠣꠔꠥꠘꠤ ꠀꠟ꠆ꠟꠣꠞ ꠎꠣꠁꠞꠤ ꠍꠥꠞꠔ; ꠢꠇ꠆ꠇꠟꠔꠣ ꠙꠄꠖꠣ ꠇꠞꠣꠞ ꠀꠉꠦ ꠔꠣꠁꠘ ꠀꠍꠟꠣ, ꠀꠞ ꠙꠄꠖꠣ ꠅꠀ ꠢꠇ꠆ꠇꠟꠔꠣꠞ ꠝꠣꠎꠦ ꠔꠣꠁꠘꠃ ꠙꠞꠗꠣꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:17

ꠎꠦꠁꠘ ꠌꠤꠞꠇꠣꠟꠤꠘ ꠛꠣꠖꠡꠣ, ꠎꠦꠁꠘ ꠘꠤꠞꠣꠇꠣꠞ, ꠄꠇꠝꠣꠔ꠆ꠞ ꠀꠟ꠆ꠟꠣ, ꠎꠣꠘ ꠇꠥꠘꠥ ꠇ꠆ꠇꠄ ꠘꠣꠁ, ꠔꠣꠘ ꠁꠎ꠆ꠎꠔ ꠀꠞ ꠉꠃꠞꠛ ꠢꠞ-ꠢꠣꠝꠦꠡꠣ ꠎꠣꠞꠤ ꠞꠃꠇ। ꠀꠝꠤꠘ।

Injil 19: Ibrani 13:8

ꠁꠍꠣ ꠀꠟ-ꠝꠍꠤ ꠉꠔꠇꠣꠁꠟ ꠎꠦꠟꠣ ꠀꠍꠟꠣ, ꠀꠁꠎꠅ ꠅꠟꠣ ꠀꠍꠂꠘ, ꠀꠞ ꠢꠞ-ꠢꠣꠝꠦꠡꠣꠃ ꠅꠟꠣ ꠞꠁꠛꠣ।

Injil 20: Iakub 1:17

ꠢꠇ꠆ꠇꠟ ꠜꠣꠟꠣ ꠀꠞ ꠘꠤꠈꠥꠔ ꠖꠣꠘ ꠔ ꠛꠦꠢꠦꠡ꠆ꠔ ꠕꠘꠦ ꠟꠣꠝꠤꠀ ꠀꠄ, ꠎꠦꠁꠘ ꠀꠍꠝꠣꠘꠤ ꠘꠥꠞ ꠅꠇꠟ ꠙꠄꠖꠣ ꠇꠞꠍꠂꠘ, ꠢꠃ ꠀꠟ꠆ꠟꠣꠞ ꠉꠦꠍ ꠕꠘꠦ ꠀꠄ। ꠅꠃ ꠘꠥꠞ ꠅꠇꠟ ꠍꠦꠛꠣꠞ ꠟꠣꠈꠣꠘ ꠒꠥꠟꠣꠒꠥꠟꠤ ꠇꠞꠟꠦꠅ, ꠔꠣꠁꠘ ꠁꠟꠣ ꠇꠞꠂꠘ ꠘꠣ।

Injil 23: 1-Hannan 1:5

ꠀꠝꠞꠣ ꠀꠟ-ꠝꠍꠤꠞ ꠝꠥꠈ ꠕꠣꠇꠤ ꠁꠔꠣ ꠢꠥꠘꠤꠀ ꠢꠣꠞꠤ, ꠅꠈꠘ ꠔꠥꠝꠞꠣꠞꠦꠅ ꠎꠣꠘꠣꠁꠞꠣꠝ, ꠀꠟ꠆ꠟꠣ ꠙꠣꠇ ꠔ ꠘꠥꠞ। ꠔꠣꠘ ꠝꠣꠎꠦ ꠀꠘ꠆ꠖꠣꠞꠤꠞ ꠇꠥꠘꠥ ꠍꠤꠐꠣ-ꠚꠥꠐꠣꠅ ꠘꠣꠁ।

Injil 23: 1-Hannan 1:7

ꠅꠁꠟꠦ ꠀꠟ꠆ꠟꠣ ꠙꠣꠇ ꠎꠦꠟꠣ ꠘꠥꠞꠞ ꠝꠣꠎꠦ ꠛꠡꠔ ꠇꠞꠂꠘ, ꠅꠃꠟꠣ ꠀꠝꠞꠣꠅ ꠎꠥꠖꠤ ꠘꠥꠞꠞ ꠚꠞꠦ ꠌꠟꠤ, ꠔꠦ ꠀꠝꠞꠣ ꠄꠇꠦ-ꠅꠁꠘ꠆ꠘꠦ ꠈꠣꠔꠤꠞ-ꠖꠥꠡ꠆ꠔꠤ ꠀꠍꠦ, ꠀꠞ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠍꠣ ꠁꠛꠘꠥꠟ꠆ꠟꠣꠞ ꠙꠛꠤꠔ꠆ꠞ ꠟꠃꠄ ꠀꠝꠞꠣꠞ ꠔꠣꠝꠣꠝ ꠉꠥꠘꠣ-ꠇꠍꠥꠞꠤ ꠙꠣꠇ-ꠍꠣꠚ ꠇꠞꠦ।

Injil 23: 1-Hannan 4:12

ꠀꠟ꠆ꠟꠣꠞꠦ ꠔ ꠇꠦꠃ ꠇꠥꠘꠥꠖꠤꠘ ꠖꠦꠈꠍꠦ ꠘꠣ। ꠅꠈꠘ ꠀꠝꠞꠣ ꠎꠥꠖꠤ ꠄꠇꠦ-ꠅꠁꠘ꠆ꠘꠞꠦ ꠝꠢꠛ꠆ꠛꠔ ꠇꠞꠤ, ꠔꠦ ꠛꠥꠎꠣ ꠎꠣꠁꠛ, ꠔꠣꠁꠘ ꠀꠝꠞꠣꠞ ꠖꠤꠟꠅ ꠛꠡꠔ ꠇꠞꠂꠘ, ꠔꠣꠘ ꠝꠢꠛ꠆ꠛꠔꠦ ꠀꠝꠞꠣꠞ ꠖꠤꠟꠅ ꠙꠥꠞꠣꠙꠥꠞ ꠚꠟ ꠗꠞꠍꠦ।

Injil 26: Ehuda 1:25

ꠢꠃ ꠄꠇꠝꠣꠔ꠆ꠞ ꠀꠟ꠆ꠟꠣ ꠎꠦꠁꠘ ꠀꠝꠞꠣꠞ ꠎꠣꠘ ꠛꠣꠌꠣꠁꠘ, ꠔꠣꠘ ꠎꠣꠟꠣꠟ-ꠡꠣꠘ, ꠝꠢꠤꠝꠣ, ꠇꠥꠖꠞꠔꠤ ꠛꠟ-ꠡꠇ꠆ꠔꠤ, ꠀꠞ ꠞꠣꠎ-ꠈꠦꠝꠔꠣ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠎꠣꠁꠞ ꠅꠃꠇ, ꠢꠇ꠆ꠇꠟ ꠎꠥꠉꠞ ꠀꠉ ꠕꠣꠇꠤ ꠅꠈꠘ ꠙꠞ꠆ꠎꠘ꠆ꠔ ꠀꠞ ꠎꠥꠉꠦ ꠎꠥꠉꠦ ꠢꠞ-ꠢꠣꠝꠦꠡꠣꠃ ꠅꠟꠣ ꠅꠃꠇ। ꠀꠝꠤꠘ॥

Injil 27: Zaira Kalam 1:6

ꠔꠣꠁꠘ ꠀꠝꠞꠣꠞꠦ ꠟꠁꠀ ꠄꠇ ꠛꠣꠖꠡꠣꠁ ꠔꠤꠀꠞ ꠇꠞꠤꠀ, ꠔꠣꠘ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠄꠛꠣꠖꠔꠤꠞ ꠟꠣꠉꠤ ꠁꠝꠣꠝ ꠛꠣꠘꠣꠁꠍꠂꠘ। ꠔꠣꠘ ꠝꠢꠤꠝꠣ ꠀꠞ ꠇꠥꠖꠞꠔꠤ ꠛꠟ ꠢꠞ-ꠢꠣꠝꠦꠡꠣ ꠛꠅꠀꠁꠟ ꠞꠃꠇ। ꠀꠝꠤꠘ।

Injil 27: Zaira Kalam 1:8

ꠀꠟ꠆ꠟꠣ ꠝꠣꠛꠥꠖꠦ ꠛꠣꠔꠣꠁꠞꠣ, “ꠀꠝꠤꠃ ꠀꠟꠤꠚ ꠀꠞ ꠁꠀ, ꠎꠦꠁꠘ ꠀꠍꠂꠘ, ꠎꠦꠁꠘ ꠀꠍꠟꠣ ꠀꠞ ꠎꠦꠁꠘ ꠢꠣꠝꠦꠡꠣ ꠞꠁꠛꠣ। ꠀꠝꠤꠃ ꠡꠞ꠆ꠛ-ꠡꠇ꠆ꠔꠤꠝꠣꠘ।”

Injil 27: Zaira Kalam 21:3

ꠛꠣꠖꠦ ꠀꠝꠤ ꠢꠥꠘꠟꠣꠝ, ꠢꠃ ꠛꠦꠢꠦꠡ꠆ꠔꠞ ꠔꠈ꠆ꠔꠅ ꠕꠣꠇꠤ ꠄꠇꠎꠘꠦ ꠎꠥꠞꠦ ꠎꠥꠞꠦ ꠇꠁꠞꠣ, “ꠅꠈꠘ ꠝꠣꠘꠡꠞ ꠝꠣꠎꠦ ꠞꠅꠀꠞ ꠟꠣꠉꠤ ꠀꠟ꠆ꠟꠣ ꠙꠣꠇꠞ ꠎꠣꠉꠣ ꠅꠁꠍꠦ। ꠔꠣꠁꠘ ꠝꠣꠘꠡꠞ ꠟꠉꠦ ꠛꠡꠔ ꠇꠞꠛꠣ, ꠀꠞ ꠔꠣꠞꠣ ꠅꠁꠛꠣ ꠔꠣꠘ ꠛꠘ꠆ꠖꠣ। ꠔꠣꠁꠘ ꠡ꠆ꠛꠄꠅꠋ ꠔꠣꠞꠣꠞ ꠟꠉꠦ ꠞꠁꠛꠣ, ꠔꠣꠞꠣꠞ ꠀꠟ꠆ꠟꠣ ꠅꠁꠛꠣ।

Injil 27: Zaira Kalam 22:5

ꠀꠞ ꠇꠥꠘꠥ ꠞꠣꠁꠔ ꠅꠁꠔ ꠘꠣꠄ, ꠔꠣꠞꠣꠞ ꠟꠣꠉꠤ ꠟꠦꠝꠞ ꠛꠣ ꠡꠥꠞꠥꠎꠞ ꠚꠞꠞ ꠎꠞꠥꠞ ꠅꠁꠔ ꠘꠣꠄ, ꠇꠣꠞꠘ ꠀꠟ꠆ꠟꠣ ꠝꠣꠛꠥꠖꠞ ꠘꠥꠞꠃ ꠅꠁꠛ ꠔꠣꠞꠣꠞ ꠚꠞ। ꠔꠣꠞꠣ ꠢꠞ-ꠢꠣꠝꠦꠡꠣ ꠌꠤꠞꠇꠣꠟ ꠗꠞꠤ ꠛꠣꠖꠡꠣꠁ ꠇꠞꠛꠣ।

Injil 27: Zaira Kalam 4:11

“ꠅ ꠀꠝꠞꠣꠞ ꠝꠣꠛꠥꠖ ꠀꠟ꠆ꠟꠣ, ꠔꠥꠝꠤ ꠔ ꠁꠎ꠆ꠎꠔ, ꠔꠣꠞꠤꠚ ꠀꠞ ꠇꠥꠖꠞꠔꠤ ꠈꠦꠝꠔꠣꠞ ꠎꠁꠉ꠆ꠉ। ꠔꠥꠝꠤꠃ ꠔ ꠢꠇꠟꠔꠣ ꠙꠄꠖꠣ ꠇꠞꠍ, ꠔꠥꠝꠣꠞ ꠝꠞ꠆ꠎꠤꠄ ꠢꠇꠟꠔꠣ ꠙꠄꠖꠣ ꠅꠁꠍꠦ ꠀꠞ ꠐꠤꠇꠤꠀ ꠀꠍꠦ।”

Injil 27: Zaira Kalam 7:12

“ꠀꠝꠤꠘ। ꠔꠣꠞꠤꠚ, ꠉꠃꠞꠛ, ꠀꠈꠟ ꠀꠞ ꠡꠥꠇꠞꠤꠀ, ꠁꠎ꠆ꠎꠔ, ꠈꠦꠝꠔꠣ ꠀꠞ ꠛꠟ-ꠡꠇ꠆ꠔꠤ, ꠎꠥꠉꠦ ꠎꠥꠉꠦ ꠀꠝꠞꠣꠞ ꠀꠟ꠆ꠟꠣꠞꠃ ꠅꠃꠇ। ꠀꠝꠤꠘ।”