ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:12 - Siloṭi Asmani Kitab (Nagri lipi)

¹² ꠁꠝꠣꠘꠤ ꠟꠣꠠꠣꠁ ꠇꠞꠣꠔ ꠞꠅ। ꠀꠈꠦꠞꠣꠔꠞ ꠎꠦ ꠎꠤꠘ꠆ꠖꠦꠉꠤꠞ ꠟꠣꠉꠤ ꠀꠟ꠆ꠟꠣ ꠙꠣꠇꠦ ꠔꠥꠝꠣꠞꠦ ꠖꠣꠅꠔ ꠖꠤꠍꠂꠘ, ꠢꠃ ꠎꠤꠘ꠆ꠖꠦꠉꠤꠞꠦ ꠔꠥꠝꠤ ꠝꠎꠛꠥꠔ ꠇꠞꠤ ꠗꠞꠅ। ꠔꠥꠝꠤ ꠔ ꠁꠝꠣꠘꠤ ꠡꠣꠇ꠆ꠇꠤ ꠖꠤꠍꠟꠣꠄ ꠛꠃꠔ ꠝꠣꠘꠡꠞ ꠍꠣꠝꠘꠦ।

ছিলটি আছমানি কিতাব (বাংলা লিপি)

¹² ইমানি লাড়াই করাত রও। আখেরাতর যে জিন্দেগির লাগি আল্লা পাকে তুমারে দাওত দিছইন, হউ জিন্দেগিরে তুমি মজবুত করি ধরো। তুমি তো ইমানি সাক্ষি দিছলায় বউত মানষর ছামনে।

Siloṭi Asmani Kitab (Latin lipi)

¹² Imani laṛai korat ro. Aḳerator ze zindegir lagi Alla Pake tumare daot disoin, hou zindegire tumi mozbut ḳori doro. Tumi to imani shakki dislae bout manshor samne.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:12 Iomraidhean Croise

Injil 8: 2-Korintia 6:7

ꠢꠇ ꠇꠕꠣ ꠇꠅꠀ ꠀꠞ ꠀꠟ꠆ꠟꠣꠞ ꠇꠥꠖꠞꠔꠤ ꠛꠟ, ꠖꠥꠁꠅ ꠀꠔꠦ ꠙꠞꠦꠎꠉꠣꠞꠤꠞ ꠀꠔꠤꠀꠞ ꠛꠦꠛꠢꠣꠞ ꠇꠞꠤꠀꠞ।

Injil 8: 2-Korintia 9:13

ꠔꠥꠝꠞꠣ ꠀꠟ-ꠝꠍꠤꠞ ꠈꠥꠡ-ꠈꠛꠞꠤꠞ ꠃꠙꠎꠥꠇ꠆ꠔ ꠅꠃ ꠈꠦꠎꠝꠔ ꠇꠞꠍ ꠖꠦꠈꠤꠀ, ꠔꠣꠞꠣ ꠀꠟ꠆ꠟꠣꠞ ꠡꠥꠇꠥꠞ-ꠉꠥꠎꠣꠞ ꠀꠖꠣꠄ ꠇꠞꠛꠣ। ꠔꠥꠝꠞꠣ ꠖꠥꠁꠅ ꠀꠔꠦ ꠖꠣꠘ-ꠈꠄꠞꠣꠔ ꠛꠤꠟꠣꠘꠤꠄ, ꠝꠣꠇꠤꠖꠘꠤꠀꠞ ꠝꠣꠘꠡꠦ ꠀꠞ ꠛꠣꠇꠤ ꠢꠇꠟꠦꠃ ꠀꠟ꠆ꠟꠣꠞ ꠉꠃꠞꠛ ꠇꠞꠛꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 26:3

ꠉꠤꠀ ꠢꠘꠅ ꠀꠎꠤꠞ ꠁꠝꠣꠝ ꠍꠣꠛꠞꠦ ꠇꠁꠅ, ꠀꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠀꠝꠞꠣꠞ ꠝꠄ-ꠝꠥꠞꠛ꠆ꠛꠤꠞ ꠉꠦꠍꠦ ꠇꠍꠝ ꠈꠣꠁꠀ ꠎꠦ ꠖꠦꠡꠈꠣꠘ ꠖꠤꠛꠣꠞ ꠅꠀꠖꠣ ꠇꠞꠍꠟꠣ, ꠀꠝꠞꠣ ꠅꠈꠘ ꠅꠘꠅ ꠀꠁꠍꠤ, ꠀꠁꠀ ꠔꠣꠘ ꠍꠣꠝꠘꠦ ꠀꠎꠤꠞ ꠅꠁꠍꠤ।

Injil 11: Filifia 1:30

ꠔꠥꠝꠞꠣ ꠀꠉꠦ ꠀꠝꠣꠞꠦ ꠎꠦꠟꠣ ꠇꠡ꠆ꠐ ꠇꠞꠣꠔ ꠖꠦꠈꠍ ꠀꠞ ꠅꠈꠘꠅ ꠎꠦꠔꠣ ꠇꠡ꠆ꠐꠞ ꠇꠕꠣ ꠢꠥꠘꠞꠣꠄ, ꠔꠥꠝꠞꠣꠅ ꠔ ꠅꠃ ꠟꠣꠈꠣꠘ ꠇꠡ꠆ꠐꠞ ꠝꠣꠎꠦ ꠙꠠꠤꠉꠦꠍ।

Injil 12: Kolosia 3:15

ꠀꠟ-ꠝꠍꠤꠄ ꠎꠦ ꠡꠣꠘ꠆ꠔꠤ ꠖꠣꠘ ꠇꠞꠂꠘ, ꠅꠃ ꠡꠣꠘ꠆ꠔꠤ ꠔꠥꠝꠞꠣꠞ ꠖꠤꠟꠅ ꠞꠁꠀ ꠔꠥꠝꠞꠣꠞꠦ ꠌꠣꠟꠣꠃꠇ। ꠄꠇ ꠡꠞꠤꠟ ꠅꠁꠀ ꠡꠣꠘ꠆ꠔꠤꠞ ꠝꠣꠎꠦ ꠞꠁꠔꠣꠄ ꠇꠞꠤꠃ ꠔ ꠔꠥꠝꠞꠣꠞꠦ ꠖꠣꠅꠔ ꠖꠦꠅꠀ ꠅꠁꠍꠦ। ꠔꠥꠝꠞꠣ ꠡꠥꠇꠥꠞ-ꠉꠥꠎꠣꠞ ꠇꠞꠣꠔ ꠞꠅ।

ইঞ্জিল ১৩: ১-থিষল: 2:12

ꠎꠣꠔꠦ ꠀꠟ꠆ꠟꠣꠞ ꠛꠘ꠆ꠖꠣ ꠢꠤꠡꠣꠛꠦ ꠔꠥꠝꠞꠣ ꠃꠙꠎꠥꠇ꠆ꠔ ꠅꠁꠀ ꠌꠟ। ꠀꠟ꠆ꠟꠣꠄ ꠔꠥꠝꠞꠣꠞꠦ ꠖꠣꠅꠔ ꠖꠤꠞꠣ, ꠔꠣꠘ ꠘꠤꠎꠞ ꠛꠣꠖꠡꠣꠁ ꠀꠞ ꠉꠃꠞꠛꠞ ꠜꠣꠉꠤ ꠅꠀꠞ ꠟꠣꠉꠤ।

ইঞ্জিল ১৪: ২-থিষল: 2:14

ꠀꠝꠞꠣ ꠎꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠍꠤ, ꠄꠞ ꠃꠍꠤꠟ꠆ꠟꠣꠄ ꠘꠣꠎꠣꠔ ꠙꠣꠅꠀꠞ ꠟꠣꠉꠤ ꠀꠟ꠆ꠟꠣꠄ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ, ꠎꠣꠔꠦ ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠝꠢꠤꠝꠣꠔ ꠡꠞꠤꠇ ꠅꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:18

ꠅ ꠝꠣꠄꠀꠞ ꠙꠥꠔ ꠔꠤꠝꠕꠤ, ꠔꠥꠝꠣꠞ ꠛꠦꠙꠣꠞꠦ ꠀꠉꠦ ꠎꠦꠔꠣ ꠛꠣꠔꠥꠘꠤ ꠝꠣꠔ ꠝꠣꠔꠣ ꠅꠁꠍꠤꠟ, ꠅꠃ ꠝꠣꠚꠤꠇ ꠀꠝꠤ ꠔꠥꠝꠣꠞꠦ ꠝꠤꠘꠔ ꠇꠞꠤ ꠇꠁꠞꠣꠝ, ꠔꠥꠝꠤ ꠁꠔꠣ ꠝꠘꠅ ꠞꠣꠈꠤꠀ ꠀꠟ-ꠝꠍꠤꠞ ꠟꠣꠉꠤ ꠖꠤꠟꠦ-ꠎꠣꠘꠦ ꠟꠣꠠꠣꠁ ꠇꠞꠣꠔ ꠞꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:19

ꠄꠞꠟꠉꠦ ꠘꠤꠎꠞ ꠁꠝꠣꠘ ꠀꠞ ꠙꠞꠤꠡ꠆ꠇꠣꠞ ꠛꠤꠛꠦꠇꠞꠦ ꠛꠣꠌꠣꠁꠅ। ꠇꠥꠘꠥ ꠇꠥꠘꠥ ꠝꠣꠘꠡꠦ ꠛꠤꠛꠦꠇꠞ ꠛꠥꠟꠤ ꠘꠣ ꠝꠣꠘꠤꠀ, ꠘꠤꠎꠞ ꠁꠝꠣꠘꠞꠦ ꠘꠡ꠆ꠐ ꠇꠞꠤꠟꠤꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:14

ꠝꠘꠅ ꠞꠣꠈꠤꠅ, ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠦ ꠔꠥꠝꠣꠞ ꠃꠙꠞꠦ ꠀꠔ ꠞꠣꠈꠤꠀ, ꠘꠛꠤꠞ ꠟꠣꠈꠣꠘ ꠉꠣꠁꠛꠤ ꠛꠥꠟꠤ ꠝꠣꠔꠤꠀ ꠔꠥꠝꠣꠞꠦ ꠈꠦꠟꠣꠚꠔꠤ ꠖꠤꠍꠂꠘ, ꠔꠦ ꠔꠥꠝꠤ ꠁ ꠘꠤꠀꠝꠔꠞꠦ ꠄꠟꠣꠝꠤ ꠇꠞꠤꠅ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:13

ꠅꠈꠘ ꠀꠟ꠆ꠟꠣ ꠙꠣꠇꠞ ꠘꠣꠝꠦ, ꠎꠦꠁꠘ ꠢꠇ꠆ꠇꠟꠔꠣꠞ ꠎꠣꠘ ꠖꠦꠁꠘ, ꠀꠞ ꠎꠦꠁꠘ ꠢꠣꠇꠤꠝ ꠙꠘ꠆ꠔꠤꠅ ꠙꠤꠟꠣꠔꠞ ꠍꠣꠝꠘꠦ ꠘꠤꠎꠞ ꠛꠦꠙꠣꠞꠦ ꠢꠇ ꠡꠣꠇ꠆ꠇꠤ ꠖꠤꠍꠟꠣ, ꠢꠃ ꠁꠍꠣ ꠀꠟ-ꠝꠍꠤꠞ ꠘꠣꠝꠦꠅ ꠔꠥꠝꠣꠞꠦ ꠅꠃ ꠝꠤꠘꠔꠤ ꠇꠞꠞꠣꠝ,

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:19

ꠔꠦꠃ ꠔꠣꠞꠣ ꠘꠤꠎꠞ ꠟꠣꠉꠤ ꠄꠝꠘ ꠗꠘ ꠎꠝꠣ ꠇꠞꠛ, ꠎꠦꠔꠣ ꠜꠛꠤꠡꠔꠦ ꠔꠣꠞꠣꠞ ꠟꠣꠉꠤ ꠄꠇꠈꠣꠘ ꠝꠎꠛꠥꠔ ꠜꠤꠔꠞ ꠟꠣꠈꠣꠘ ꠅꠁꠛ। ꠄꠔꠦ ꠢꠣꠍꠣꠞꠞ ꠎꠤꠘ꠆ꠖꠦꠉꠤꠞꠦ ꠔꠣꠞꠣ ꠡꠇ꠆ꠔ ꠇꠞꠤ ꠗꠞꠤꠀ ꠞꠣꠈꠔ ꠙꠣꠞꠛ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:9

ꠀꠟ꠆ꠟꠣꠄ ꠀꠝꠞꠣꠞ ꠎꠣꠘ ꠛꠣꠌꠣꠁꠍꠂꠘ, ꠀꠞ ꠙꠣꠇ-ꠙꠛꠤꠔ꠆ꠞ ꠅꠁꠀ ꠎꠤꠘ꠆ꠖꠦꠉꠤ ꠇꠣꠐꠣꠘꠤꠞ ꠟꠣꠉꠤ ꠖꠣꠅꠔ ꠖꠤꠍꠂꠘ। ꠁꠔꠣ ꠔ ꠀꠝꠞꠣꠞ ꠇꠥꠘꠥ ꠘꠦꠇ ꠇꠣꠝꠞ ꠉꠥꠘꠦ ꠘꠣꠄ, ꠛꠞꠋ ꠔꠣꠘ ꠝꠞ꠆ꠎꠤ ꠀꠞ ꠞꠢꠝꠔꠞ ꠉꠥꠘꠦꠃ ꠇꠞꠍꠂꠘ। ꠀꠝꠞꠣꠞꠦ ꠁ ꠞꠢꠝꠔ ꠖꠣꠘ ꠇꠞꠍꠂꠘ ꠔ, ꠖꠥꠘꠤꠀ ꠙꠄꠖꠣ ꠇꠞꠣꠞ ꠀꠉꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:2

ꠀꠞ ꠛꠃꠔ ꠡꠣꠇ꠆ꠇꠤꠞ ꠍꠣꠝꠘꠦ ꠀꠝꠣꠞ ꠝꠥꠈꠞ ꠎꠦꠔꠣ ꠔꠣꠟꠤꠝ ꠢꠥꠘꠍ, ꠅꠃ ꠔꠣꠟꠤꠝꠞꠦ ꠅꠟꠣꠈꠣꠘ ꠢꠇ-ꠢꠣꠟꠣꠟ ꠝꠣꠘꠡꠞ ꠀꠔꠅ ꠖꠦꠅ, ꠎꠦꠞꠣ ꠅꠁꠘ꠆ꠘ ꠝꠣꠘꠡꠞꠦꠅ ꠔꠣꠟꠤꠝ ꠖꠦꠅꠀꠞ ꠃꠙꠎꠥꠇ꠆ꠔ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:7

ꠀꠝꠤ ꠔ ꠀꠟ-ꠝꠍꠤꠞ ꠟꠣꠉꠤ ꠎꠣꠘꠦ-ꠙꠞꠣꠘꠦ ꠟꠣꠠꠣꠁ ꠇꠞꠍꠤ, ꠀꠝꠣꠞꠦ ꠛꠣꠔꠣꠁ ꠖꠦꠅꠀ ꠙꠕꠞ ꠢꠦꠡ ꠝꠣꠕꠣ ꠙꠞ꠆ꠎꠘ꠆ꠔ ꠖꠃꠠꠣꠁꠍꠤ, ꠀꠝꠣꠞ ꠁꠝꠣꠘ ꠐꠤꠇꠣꠁꠀ ꠞꠣꠈꠍꠤ।

Injil 19: Ibrani 13:23

ꠢꠥꠘꠅ, ꠀꠝꠞꠣꠞ ꠜꠣꠁ ꠔꠤꠝꠕꠤꠄ ꠈꠣꠟꠣꠍ ꠙꠣꠁꠍꠂꠘ, ꠔꠣꠁꠘ ꠎꠥꠖꠤ ꠡꠝꠄ ꠝꠔ ꠀꠝꠣꠞ ꠅꠘꠅ ꠀꠁꠘ, ꠔꠦ ꠀꠝꠤ ꠔꠥꠝꠞꠣꠞ ꠉꠦꠍꠦ ꠀꠅꠀꠞ ꠡꠝꠄ ꠔꠣꠘꠦ ꠟꠉꠦ ꠟꠁꠀ ꠀꠁꠝꠥ।

Injil 19: Ibrani 3:14

ꠇꠣꠞꠘ ꠀꠝꠞꠣ ꠎꠥꠖꠤ ꠙꠄꠟꠣꠇꠥꠞ ꠟꠣꠈꠣꠘ ꠢꠦꠡ ꠙꠞ꠆ꠎꠘ꠆ꠔ ꠁꠝꠣꠘꠦ ꠝꠎꠛꠥꠔ ꠞꠁꠀ ꠌꠟꠤ, ꠔꠦ ꠛꠥꠎꠣ ꠎꠣꠁꠛ ꠀꠝꠞꠣ ꠀꠟ-ꠝꠍꠤꠞ ꠟꠉꠦ ꠡꠞꠤꠇ ꠅꠁꠍꠤ।

Injil 19: Ibrani 6:18

ꠀꠞ ꠀꠟ꠆ꠟꠣꠄ ꠇꠥꠘꠥ ꠝꠤꠍꠣ ꠝꠣꠔꠣ ꠔ ꠛꠃꠔ ꠖꠥꠞꠞ ꠇꠕꠣ। ꠔꠦ ꠔꠣꠁꠘ ꠎꠦꠛꠟꠣ ꠅꠀꠖꠣꠞ ꠟꠉꠦ ꠇꠍꠝꠅ ꠇꠞꠍꠂꠘ, ꠅꠈꠘ ꠀꠝꠞꠣ ꠀꠞꠅ ꠇꠔ ꠛꠦꠡꠤ ꠜꠞꠡꠣ ꠞꠣꠈꠔꠣꠝ ꠙꠣꠞꠤ। ꠄꠞꠟꠣꠉꠤ ꠀꠅ, ꠀꠝꠞꠣ ꠎꠦꠞꠣ ꠔꠣꠘ ꠖꠞꠛꠣꠞꠅ ꠉꠤꠀ ꠀꠡꠞꠄ ꠙꠣꠁꠍꠤ, ꠙꠣꠁꠀ ꠎꠦ ꠀꠡꠣ ꠙꠄꠖꠣ ꠀꠍꠦ, ꠀꠝꠞꠣꠞ ꠍꠣꠝꠘꠞ ꠢꠃ ꠀꠡꠣꠞꠦ ꠝꠎꠛꠥꠔ ꠇꠞꠤ ꠗꠞꠤꠀ ꠞꠁ।

ꠁꠘ꠆ꠎꠤꠟ ২১: ১-ꠙꠤꠔꠞ 3:9

ꠅꠁꠘ꠆ꠘꠣꠄꠞ ꠛꠖꠟꠣ ꠅꠁꠘ꠆ꠘꠣꠄ ꠇꠞꠤꠅ ꠘꠣ, ꠇꠦꠃ ꠉꠣꠟꠤ ꠖꠤꠟꠦ ꠚꠤꠞꠤꠀ ꠉꠣꠟꠤ ꠖꠤꠅ ꠘꠣ। ꠛꠞꠋ ꠔꠣꠞꠣꠞ ꠟꠣꠉꠤ ꠖꠥꠀ ꠌꠣꠁꠅ, ꠅꠟꠣ ꠌꠟꠣꠞ ꠟꠣꠉꠤꠃ ꠀꠟ꠆ꠟꠣꠄ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠁꠟꠣ ꠇꠞꠟꠦ ꠔꠥꠝꠞꠣ ꠞꠢꠝꠔ ꠙꠣꠁꠛꠣꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 5:10

ꠞꠢꠝꠣꠘꠥꠞ ꠞꠢꠤꠝ ꠀꠟ꠆ꠟꠣ ꠙꠣꠇꠦ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ ꠀꠟ-ꠝꠍꠤꠞ ꠟꠉꠦ ꠅꠁꠀ ꠔꠣꠘ ꠌꠤꠞꠡ꠆ꠕꠣꠄꠁ ꠝꠢꠤꠝꠣꠞ ꠜꠣꠉꠤ ꠅꠀꠞ ꠟꠣꠉꠤ। ꠕꠥꠠꠣ ꠇꠄꠖꠤꠘ ꠖꠥꠈ-ꠇꠡ꠆ꠐ ꠇꠞꠤꠀ ꠢꠣꠞꠟꠦ, ꠔꠣꠁꠘ ꠘꠤꠎꠦꠃ ꠔꠥꠝꠞꠣꠞꠦ ꠑꠤꠇ-ꠑꠣꠇ ꠇꠞꠛꠣ ꠀꠞ ꠕꠤꠞ ꠞꠣꠈꠛꠣ, ꠔꠥꠝꠞꠣꠞꠦ ꠛꠟꠛꠣꠘ ꠇꠞꠤꠀ ꠝꠎꠛꠥꠔ ꠈꠥꠐꠤꠞ ꠃꠙꠞꠦ ꠈꠣꠠꠣ ꠇꠞꠣꠁꠛꠣ।

Injil 23: 1-Hannan 2:25

ꠀꠞ ꠁꠐꠣꠃ ꠅꠁꠟ ꠢꠃ ꠀꠈꠦꠞꠤ ꠎꠤꠘ꠆ꠖꠦꠉꠤ, ꠎꠦ ꠎꠤꠘ꠆ꠖꠦꠉꠤ ꠀꠟ-ꠝꠍꠤꠄ ꠀꠝꠞꠣꠞꠦ ꠖꠤꠛꠣꠞ ꠅꠀꠖꠣ ꠇꠞꠍꠂꠘ।

Injil 26: Ehuda 1:3

ꠅ ꠝꠣꠄꠀꠞ ꠖꠥꠡ꠆ꠔ ꠅꠇꠟ, ꠀꠝꠞꠣ ꠢꠇꠟꠦ ꠝꠤꠟꠤ ꠎꠦ ꠘꠣꠎꠣꠔꠞ ꠜꠣꠉꠤ ꠅꠁꠍꠤ, ꠅꠃ ꠘꠣꠎꠣꠔꠞ ꠛꠦꠙꠣꠞꠦ ꠀꠝꠤ ꠈꠥꠛ ꠈꠤꠀꠟꠤ ꠅꠁꠀ ꠔꠥꠝꠞꠣꠞ ꠉꠦꠍꠦ ꠟꠦꠈꠔꠣꠝ ꠌꠣꠁꠍꠤ। ꠄꠞꠝꠣꠎꠦ ꠛꠥꠎꠟꠣꠝ, ꠀꠞꠅ ꠖꠞꠇꠣꠞ ꠀꠍꠦ ꠁꠝꠣꠘꠞ ꠟꠣꠉꠤ ꠟꠣꠠꠣꠁꠞ ꠛꠦꠙꠣꠞꠦ ꠟꠦꠈꠤꠀ ꠔꠥꠝꠞꠣꠞꠦ ꠃꠔꠡꠣꠢ ꠖꠦꠅꠀ। ꠀꠟ꠆ꠟꠣꠄ ꠔꠣꠘ ꠙꠣꠇ ꠛꠘ꠆ꠖꠣ ꠅꠇꠟꠞꠦ ꠌꠤꠞꠇꠣꠟꠞ ꠟꠣꠉꠤ ꠎꠦ ꠁꠝꠣꠘꠤ ꠗꠘ ꠖꠤꠍꠂꠘ, ꠅꠃ ꠁꠍꠣꠄꠁ ꠁꠝꠣꠘꠞ ꠙꠇ꠆ꠇꠦ ꠖꠤꠟꠦ-ꠎꠣꠘꠦ ꠟꠣꠠꠣꠁ ꠇꠞꠣ ꠔ ꠎꠞꠥꠞ।

Injil 27: Zaira Kalam 3:3

ꠄꠞꠟꠣꠉꠤ ꠔꠥꠝꠞꠣ ꠎꠦꠔꠣ ꠙꠣꠁꠍ ꠀꠞ ꠎꠦꠔꠣ ꠢꠥꠘꠍ, ꠅꠔꠣ ꠁꠀꠖ ꠞꠣꠈꠅ ꠀꠞ ꠀꠝꠟ ꠇꠞꠅ। ꠔꠥꠝꠞꠣꠞ ꠅꠈꠘꠇꠥꠞ ꠢꠣꠟꠔ ꠕꠣꠇꠤ ꠖꠤꠟ ꠛꠖꠟꠣꠅ। ꠔꠥꠝꠞꠣ ꠎꠥꠖꠤ ꠢꠎꠣꠉ ꠘꠣ ꠅꠅ, ꠔꠦ ꠀꠝꠤ ꠌꠥꠞꠞ ꠟꠣꠈꠣꠘ ꠟꠥꠇꠣꠁꠀ ꠀꠁꠝꠥ, ꠇꠥꠘ ꠛꠣꠟꠣ ꠔꠥꠝꠞꠣꠞ ꠉꠦꠍꠦ ꠀꠁꠝꠥ, ꠔꠥꠝꠞꠣ ꠐꠦꠞꠃ ꠙꠣꠁꠔꠣꠄ ꠘꠣꠄ।