ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:6 - Siloṭi Asmani Kitab (Nagri lipi)

⁶ ꠅꠁꠟꠦ ꠎꠦꠔꠣ ꠠꠣꠠꠤ ꠛꠦꠐꠤꠘ꠆ꠔꠦ ꠎꠦꠝꠘꠦ ꠝꠘꠦ ꠌꠣꠄ ꠄꠝꠘꠦ ꠌꠟꠂꠘ, ꠁꠔꠣ ꠔ ꠎꠤꠘ꠆ꠖꠣ ꠢꠣꠟꠔꠦꠃ ꠝꠞꠣ।

ছিলটি আছমানি কিতাব (বাংলা লিপি)

⁶ অইলে যেতা ড়াড়ি বেটিন্তে যেমনে মনে চায় এমনে চলইন, ইতা তো জিন্দা হালতেউ মরা।

Siloṭi Asmani Kitab (Latin lipi)

⁶ Oile zeta ṛaṛi beṭinte zemne mone sae emne soloin, ita to zinda halote-u mora.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:6 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 2:17

ꠈꠣꠟꠤ ꠘꠦꠇꠤ-ꠛꠖꠤꠞ ꠀꠈꠟꠞ ꠉꠣꠍꠞ ꠚꠟ ꠈꠣꠁꠅ ꠘꠣ, ꠎꠦꠖꠤꠘ ꠔꠥꠝꠤ ꠅꠃ ꠉꠣꠍꠞ ꠚꠟ ꠈꠣꠁꠛꠣꠄ ꠁꠖꠤꠘ ꠔꠥꠝꠤ ꠝꠞꠛꠣꠄꠃ ꠝꠞꠛꠣꠄ।”

ꠁꠘ꠆ꠎꠤꠟ ১: ꠝꠕꠤ 8:22

ꠔꠣꠁꠘ ꠇꠁꠟꠣ, “ꠝꠞꠣ ꠅꠇꠟꠦꠃ ꠔꠣꠞꠣꠞ ꠝꠞꠣꠞꠦ ꠝꠣꠐꠤ ꠖꠦꠃꠇ, ꠔꠥꠝꠤ ꠀꠝꠣꠞ ꠟꠉꠦ ꠌꠟꠅ।”

Injil 3: Luk 12:19

ꠢꠦꠡꠦ ꠀꠝꠣꠞ ꠎꠣꠘꠞꠦ ꠇꠁꠝꠥ, ꠅ ꠎꠣꠘ, ꠛꠃꠔ ꠛꠍꠞꠞ ꠝꠣꠟ-ꠍꠣꠝꠣꠘꠣ ꠀꠞ ꠈꠣꠘꠤ-ꠈꠥꠞꠣꠇꠤꠞ ꠟꠣꠉꠤ ꠘꠤꠌꠤꠘ꠆ꠔꠣ ꠅꠁꠉꠦꠍ। ꠅꠈꠘ ꠀꠞꠣꠝ-ꠀꠄꠄꠡꠦ ꠔꠥꠝꠤ ꠈꠣꠁꠀ ꠚꠤꠘ꠆ꠖꠤꠀ ꠚꠥꠞ꠆ꠔꠤ ꠇꠞꠅ।

Injil 3: Luk 15:13

ꠄꠞ ꠇꠄꠖꠤꠘ ꠛꠣꠖꠦ ꠢꠥꠞꠥ ꠙꠥꠀꠄ ꠔꠣꠞ ꠢꠇ꠆ꠇꠟ ꠍꠣꠝꠣꠘꠣ ꠛꠦꠌꠤꠀ ꠛꠤꠖꠦꠡ ꠉꠦꠟꠉꠤ। ꠛꠤꠖꠦꠡ ꠉꠤꠀ ꠛꠣꠖ ꠙꠕꠦ ꠌꠟꠤꠀ ꠔꠣꠞ ꠐꠦꠇꠣ-ꠙꠄꠡꠣ ꠢꠇ꠆ꠇꠟꠔꠣ ꠈꠥꠀꠁꠟꠤꠟ।

Injil 3: Luk 15:24

ꠀꠝꠣꠞ ꠁ ꠙꠥꠀꠉꠥ ꠔ ꠝꠞꠤꠉꠦꠍꠤꠟ, ꠅꠈꠘ ꠢꠤꠞꠛꠣꠞ ꠎꠤꠘ꠆ꠖꠣ ꠅꠁꠍꠦ। ꠅꠉꠥ ꠘꠣꠁ ꠅꠁꠉꠦꠍꠤꠟ, ꠅꠈꠘ ꠚꠤꠞꠔ ꠙꠣꠁꠍꠤ।’ ꠔꠦꠃ ꠢꠇꠟꠦ ꠝꠤꠟꠤꠀ ꠈꠥꠡꠤ-ꠛꠣꠡꠤꠔ ꠟꠣꠉꠟꠣ।

Injil 3: Luk 15:32

ꠅꠈꠘ ꠀꠝꠞꠣ ꠢꠇꠟꠦ ꠖꠤꠟ ꠍꠣꠚ ꠇꠞꠤꠀ ꠈꠥꠡꠤ-ꠛꠣꠡꠤ ꠇꠞꠣ ꠎꠞꠥꠞ। ꠔꠥꠝꠣꠞ ꠁ ꠜꠣꠁ ꠔ ꠝꠞꠤꠃ ꠉꠦꠍꠤꠟ, ꠅꠈꠘ ꠢꠤꠞꠛꠣꠞ ꠎꠤꠘ꠆ꠖꠣ ꠅꠁꠍꠦ। ꠅꠉꠥ ꠄꠇ꠆ꠇꠦꠞꠦ ꠘꠣꠁ ꠅꠁꠉꠦꠍꠤꠟ, ꠅꠈꠘ ꠚꠤꠞꠔ ꠙꠣꠁꠍꠤ।’ ”

Injil 3: Luk 16:19

“ꠄꠇ ꠗꠘꠤ ꠛꠦꠐꠣ ꠀꠍꠤꠟ, ꠢꠦ ꠞꠣꠎꠣ-ꠛꠣꠖꠡꠣ ꠅꠇꠟꠞ ꠟꠣꠈꠣꠘ ꠖꠣꠝꠤ ꠖꠣꠝꠤ ꠇꠣꠙꠠ-ꠌꠥꠙꠠ ꠚꠤꠘꠔ, ꠀꠞ ꠢꠣꠝꠦꠡꠣ ꠎꠣꠇ-ꠎꠝꠇ ꠇꠞꠤꠀ ꠚꠥꠞ꠆ꠔꠤ-ꠀꠝꠥꠖ ꠇꠞꠔ।

Injil 3: Luk 7:25

ꠘꠣ, ꠇꠤꠔꠣ ꠖꠦꠈꠣꠔ ꠉꠦꠍꠟꠣꠄ? ꠡꠥꠘ꠆ꠖꠞ ꠇꠣꠙꠠ ꠚꠤꠘ꠆ꠘ ꠇꠥꠘꠥ ꠝꠣꠘꠡꠞꠦ ꠘꠤ? ꠎꠦꠞꠣ ꠖꠣꠝꠤ ꠖꠣꠝꠤ ꠇꠣꠙꠠ ꠚꠤꠘ꠆ꠖꠤꠀ ꠎꠣꠇ-ꠎꠝꠇ ꠇꠞꠦ, ꠀꠞ ꠡꠥꠈꠤꠞ꠆ꠔꠣ ꠖꠤꠘ ꠇꠣꠐꠣꠄ, ꠔꠣꠞꠣ ꠔ ꠞꠣꠎꠛꠣꠠꠤꠔ ꠕꠣꠇꠂꠘ।

Injil 10: Ifisia 2:1

ꠔꠥꠝꠞꠣ ꠔ ꠉꠥꠘꠣ ꠀꠞ ꠘꠣꠚꠞꠝꠣꠘꠤꠞ ꠝꠣꠎꠦ ꠝꠞꠣ ꠀꠍꠟꠣꠄ।

Injil 10: Ifisia 2:5

ꠄꠞꠟꠣꠉꠤꠃ ꠘꠣꠚꠞꠝꠣꠘꠤ ꠇꠞꠤꠀ ꠀꠝꠞꠣ ꠎꠦꠛꠟꠣ ꠝꠞꠣ ꠎꠤꠘ꠆ꠖꠦꠉꠤꠞ ꠝꠣꠎꠦ ꠢꠣꠛꠥꠒꠥꠛꠥ ꠈꠣꠁꠍꠟꠣꠝ, ꠢꠃ ꠡꠝꠄ ꠀꠟ-ꠝꠍꠤꠞ ꠟꠉꠦ ꠔꠣꠁꠘ ꠀꠝꠞꠣꠞꠦ ꠎꠤꠘ꠆ꠖꠣ ꠇꠞꠟꠣ। ꠀꠟ꠆ꠟꠣꠞ ꠞꠢꠝꠔꠦ ꠔꠥꠝꠞꠣ ꠞꠦꠢꠣꠁ ꠙꠣꠁꠍ।

Injil 10: Ifisia 5:14

ꠇꠣꠞꠘ ꠅꠃ ꠘꠥꠞꠦꠃ ꠢꠇꠟꠔꠣ ꠎꠣꠁꠞ ꠇꠞꠦ। ꠄꠞꠟꠣꠉꠤ ꠍꠤꠟ꠆ꠟꠦꠈ ꠀꠍꠦ, ꠅ ꠊꠥꠝꠞ ꠝꠣꠘꠥꠡ, ꠢꠎꠣꠉ ꠅꠅ, ꠝꠞꠣ ꠕꠣꠇꠤ ꠎꠤꠔꠣ ꠅꠅ, ꠔꠦꠃ ꠀꠟ-ꠝꠍꠤꠞ ꠘꠥꠞꠦ, ꠘꠥꠞꠣꠘꠤ ꠇꠞꠤꠛꠣ ꠔꠥꠝꠣꠞꠦ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:54

ꠢꠃ ꠡꠝꠄ ꠔꠥꠝꠞꠣꠞ ꠝꠣꠎꠦ ꠎꠦꠞꠣ ꠜꠣꠟꠣ ꠝꠣꠘꠥꠡ, ꠎꠦꠞꠣ ꠡꠥꠈꠦ ꠀꠞ ꠀꠞꠣꠝ-ꠀꠄꠄꠡꠦ ꠀꠍꠦ, ꠔꠣꠞꠣꠞ ꠝꠘ-ꠝꠤꠎꠣꠎꠅ ꠅꠟꠣꠈꠣꠘ ꠅꠁꠎꠤꠛ, ꠔꠣꠞꠣ ꠀꠙꠘ ꠜꠣꠁꠞꠦ, ꠘꠤꠎꠞ ꠛꠃꠞꠦ ꠀꠞ ꠛꠣꠇꠤ ꠙꠥꠀ-ꠙꠥꠠꠤꠞꠦ ꠇꠥꠘꠥ ꠖꠄꠀ-ꠝꠣꠄꠀ ꠇꠞꠔ ꠘꠣꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:56

ꠔꠥꠝꠞꠣꠞ ꠝꠣꠎꠞ ꠈꠥꠛ ꠘꠞꠝ ꠖꠤꠟꠞ ꠎꠦ ꠛꠦꠐꠤ ꠝꠣꠘꠥꠡ ꠀꠍꠦ, ꠎꠦ ꠛꠦꠐꠤꠄ ꠡꠥꠇꠤꠟꠣ ꠎꠤꠘ꠆ꠖꠦꠉꠤꠞ ꠖꠣꠄ ꠇꠥꠘꠥꠖꠤꠘ ꠝꠣꠐꠤꠔ ꠙꠣꠅ ꠚꠣꠟꠣꠁꠍꠦ ꠘꠣ, ꠢꠃ ꠛꠦꠐꠤꠄꠅ ꠔꠣꠁꠞ ꠎꠣꠘꠞ ꠐꠥꠇꠞꠣ ꠎꠣꠝꠣꠁ ꠛꠣ ꠀꠅꠟꠣꠖꠞ ꠛꠣꠄ ꠇꠥꠘꠥ ꠖꠄꠀ-ꠝꠣꠄꠀ ꠇꠞꠔ ꠘꠣꠄ।

Injil 12: Kolosia 2:13

ꠔꠥꠝꠞꠣꠞ ꠉꠥꠘꠣ ꠀꠞ ꠖꠤꠟꠞ ꠛꠖ ꠈꠣꠁꠡ ꠘꠣ ꠢꠞꠣꠘꠤꠄ ꠝꠥꠞ꠆ꠖꠣ ꠀꠍꠟꠣꠄ, ꠅꠁꠟꠦ ꠀꠟ꠆ꠟꠣꠄ ꠔꠥꠝꠞꠣꠞꠦ ꠀꠟ-ꠝꠍꠤꠞ ꠟꠉꠦ ꠎꠤꠘ꠆ꠖꠣ ꠇꠞꠍꠂꠘ। ꠔꠣꠁꠘ ꠀꠝꠞꠣꠞ ꠢꠇꠟ ꠉꠥꠘꠣꠞ ꠝꠣꠚꠤ ꠖꠤꠍꠂꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:6

ꠅꠔꠣꠞ ꠝꠣꠎꠞ ꠇꠦꠃ ꠇꠦꠃ ꠗꠥꠇꠣ ꠖꠤꠀ ꠝꠣꠘꠡꠞ ꠊꠞꠅ ꠢꠣꠝꠣꠁꠀ ꠇꠝ ꠁꠝꠣꠘꠤ ꠛꠦꠐꠤꠘ꠆ꠔꠞꠦ ꠇꠥ-ꠙꠕꠦ ꠐꠣꠘꠦ। ꠁꠔꠣ ꠛꠦꠐꠤꠘ꠆ꠔꠞ ꠝꠉꠎ ꠅꠁꠟ ꠉꠥꠘꠣꠞ ꠜꠣꠘ꠆ꠒꠣꠞ। ꠔꠣꠞꠣ ꠘꠣꠘꠣꠘ ꠘꠝꠥꠘꠣꠞ ꠚꠥꠞ꠆ꠔꠤ-ꠀꠝꠥꠖꠞ ꠛꠡꠦ ꠌꠟꠦ।

Injil 20: Iakub 5:5

ꠖꠥꠘꠤꠀꠞ ꠛꠥꠇꠥꠔ ꠛꠤꠟꠣꠡꠤꠔꠣ ꠀꠞ ꠞꠋ-ꠔꠣꠝꠡꠣꠞ ꠝꠣꠎꠦ ꠔꠥꠝꠞꠣ ꠖꠤꠘ ꠇꠣꠐꠣꠁꠍ, ꠖꠥꠎꠈꠞ ꠈꠥꠞꠣꠇ ꠛꠘꠣꠞ ꠟꠣꠉꠤ ꠘꠤꠎꠞꠦ ꠈꠥꠛ ꠚꠥꠟꠚꠥꠟꠣ ꠛꠣꠘꠣꠁꠍ।

Injil 27: Zaira Kalam 18:7

ꠔꠣꠁ ꠘꠤꠎꠞꠦ ꠟꠁꠀ ꠎꠔꠈꠣꠘ ꠛꠠꠣꠁ ꠇꠞꠍꠦ, ꠎꠔ ꠛꠦꠡꠤ ꠛꠤꠟꠣꠡꠤꠔꠣꠞ ꠝꠣꠎꠦ ꠎꠤꠘ꠆ꠖꠦꠉꠤ ꠇꠣꠐꠣꠁꠍꠦ, ꠑꠤꠇ ꠅꠔꠈꠣꠘ ꠎꠘꠔ꠆ꠞꠘꠣ ꠀꠞ ꠖꠥꠈ ꠔꠣꠁꠞꠦ ꠖꠦꠅ। ꠔꠣꠁ ꠔ ꠝꠘꠦ ꠝꠘꠦ ꠇꠄ, ‘ꠀꠝꠤ ꠇꠥꠘꠥ ꠠꠣꠠꠤ ꠛꠦꠐꠤ ꠘꠤ? ꠀꠝꠤ ꠔ ꠞꠣꠘꠤꠞ ꠀꠡꠘꠅ ꠛꠁꠍꠤ, ꠀꠝꠤ ꠇꠥꠘꠥꠝꠘ꠆ꠔꠦꠃ ꠖꠥꠈ-ꠝꠍꠤꠛꠔꠅ ꠙꠠꠔꠣꠝ ꠘꠣꠄ।’

Injil 27: Zaira Kalam 3:1

“ꠍꠣꠞ꠆ꠖꠤ ꠐꠣꠃꠘꠞ ꠎꠝꠣꠔꠞ ꠚꠤꠞꠤꠡ꠆ꠔꠣꠞ ꠉꠦꠍꠦ ꠟꠦꠈꠅ: ꠀꠟ꠆ꠟꠣꠞ ꠡꠣꠔ ꠘꠝꠥꠘꠣꠞ ꠞꠥꠢꠥ ꠀꠞ ꠡꠣꠔꠐꠣ ꠔꠦꠞꠣ ꠎꠦꠁꠘ ꠗꠞꠤꠀ ꠞꠣꠈꠍꠂꠘ, ꠔꠣꠁꠘ ꠅꠈꠣꠘ ꠇꠁꠞꠣ, “ꠔꠥꠝꠞꠣꠞ ꠇꠣꠝ-ꠇꠣꠎ ꠔ ꠀꠝꠤ ꠎꠣꠘꠤ। ꠔꠥꠝꠞꠣ ꠎꠤꠘ꠆ꠖꠣ ꠀꠍ ꠇꠞꠤꠀ ꠔꠥꠝꠞꠣꠞ ꠛꠃꠔ ꠡꠥꠘꠣꠝ ꠀꠍꠦ, ꠅꠁꠟꠦ ꠀꠍꠟꠦ ꠔ ꠔꠥꠝꠞꠣ ꠝꠥꠞ꠆ꠖꠣ।