ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:4 - Siloṭi Asmani Kitab (Nagri lipi)

⁴ ꠅꠁꠟꠦ ꠇꠥꠘꠥ ꠠꠣꠠꠤ ꠛꠦꠐꠤꠘ꠆ꠔꠞ ꠎꠥꠖꠤ ꠙꠥꠀ-ꠙꠥꠠꠤꠘ ꠛꠣ ꠘꠣꠔꠤ-ꠘꠣꠔꠘꠤ ꠕꠣꠇꠂꠘ, ꠔꠦ ꠀꠟ꠆ꠟꠣꠞ ꠒꠞꠦ ꠄꠞꠣꠃ ꠎꠣꠘꠥ ꠙꠄꠟꠣ ꠎꠣꠞꠎꠤꠞ ꠙꠞꠤꠛꠣꠞꠞ ꠖꠦꠈꠣ-ꠢꠥꠘꠣ ꠇꠞꠦ। ꠅꠃ ꠘꠝꠥꠘꠣꠄ ꠔꠣꠞꠣꠞ ꠝꠄ-ꠝꠥꠞꠛ꠆ꠛꠤꠞ ꠝꠣꠄꠀ-ꠝꠝꠔꠣꠞ ꠞꠤꠘ ꠡꠥꠗ ꠇꠞꠔꠣ ꠙꠣꠞꠛꠣ, ꠀꠞ ꠁꠔꠣ ꠇꠣꠝꠦ ꠔ ꠀꠟ꠆ꠟꠣ ꠈꠥꠡꠤ ꠅꠁꠘ।

ছিলটি আছমানি কিতাব (বাংলা লিপি)

⁴ অইলে কুনু ড়াড়ি বেটিন্তর যুদি পুয়া-পুড়িন বা নাতি-নাতনি থাকইন, তে আল্লার ডরে এরাউ যানু পয়লা যারযির পরিবারর দেখা-হুনা করে। অউ নমুনায় তারার ময়-মুরব্বির মায়া-মমতার রিন শোধ করতা পারবা, আর ইতা কামে তো আল্লা খুশি অইন।

Siloṭi Asmani Kitab (Latin lipi)

⁴ Oile kunu ṛaṛi beṭintor zudi fua-fuṛin ba nati-natni taḳoin, te Allar ḍore era-u zanu foyla zarzir foribaror deḳa-huna ḳore. Ou nomunae tarar moy-murobbir maya-momotar rin shud ḳorta farba, ar ita ḳame to Alla kushi oin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:4 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 47:12

ꠁꠃꠍꠥꠚꠦ ꠔꠣꠘ ꠛꠣꠚ-ꠜꠣꠁꠀꠁꠘ ꠀꠞ ꠔꠣꠞꠣꠞ ꠙꠞꠤꠛꠣꠞꠞꠦ ꠎꠣꠞꠎꠤꠞ ꠖꠞꠇꠣꠞꠤ, ꠈꠣꠘꠤ-ꠈꠥꠞꠣꠇꠤ ꠢꠇꠟꠔꠣ ꠎꠥꠉꠣꠁ ꠖꠤꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 47:28

ꠝꠤꠡꠞ ꠖꠦꠡꠅ ꠀꠁꠀ ꠁꠀꠇꠥꠛ ꠡꠔꠞ ꠛꠞꠍ ꠎꠤꠘ꠆ꠖꠣ ꠞꠁꠟꠣ। ꠔꠦꠃ ꠔꠣꠁꠘ ꠢꠇꠟꠔꠣꠄ ꠄꠇ-ꠡ ꠡꠣꠔꠌꠣꠟ꠆ꠟꠤꠡ ꠛꠞꠍ ꠛꠣꠌꠤꠟꠣ।

Injil 3: Luk 2:51

ꠛꠣꠖꠦ ꠔꠣꠁꠘ ꠛꠣꠞ ꠅꠁꠀ ꠝꠣ-ꠛꠣꠚꠞ ꠟꠉꠦ ꠅꠁꠀ ꠘꠣꠍꠣꠞꠔꠅ ꠉꠦꠟꠣ, ꠀꠞ ꠔꠣꠞꠣꠞ ꠇꠕꠣꠝꠔ ꠌꠟꠟꠣ। ꠅꠁꠟꠦ ꠔꠣꠘ ꠝꠣʼꠄ ꠁꠔꠣ ꠢꠇ꠆ꠇꠟꠔꠣ ꠖꠤꠟꠅ ꠉꠣꠕꠤꠀ ꠞꠣꠈꠟꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:3

ꠁꠔꠣ ꠔ ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣꠞ ꠘꠎꠞꠅ ꠘꠦꠇ ꠇꠣꠝ, ꠁꠔꠣꠄ ꠔꠣꠁꠘ ꠈꠥꠡꠤ ꠅꠁꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:16

ꠇꠥꠘꠥ ꠁꠍꠣꠄꠁ ꠁꠝꠣꠘꠖꠣꠞ ꠛꠦꠐꠤ ꠝꠣꠘꠡꠞ ꠊꠞꠅ ꠎꠥꠖꠤ ꠠꠣꠠꠤ ꠛꠦꠐꠤꠘ ꠕꠣꠇꠂꠘ, ꠔꠦ ꠅꠃ ꠛꠦꠐꠤꠄ ꠎꠣꠘꠥ ꠄꠞꠣꠞ ꠖꠦꠈꠣ-ꠢꠥꠘꠣ ꠇꠞꠂꠘ। ꠄꠞꠣꠞꠦ ꠖꠦꠈꠣ-ꠢꠥꠘꠣꠞ ꠜꠣꠞ ꠎꠝꠣꠔꠞ ꠃꠙꠞꠦ ꠘꠣ ꠖꠦꠅꠀ ꠜꠣꠟꠣ। ꠔꠦꠃ ꠎꠦꠔꠣ ꠠꠣꠠꠤ ꠛꠦꠐꠤꠘ ꠄꠇꠖꠝ ꠟꠣꠍꠣꠞ, ꠎꠝꠣꠔꠦ ꠔꠣꠞꠣꠞ ꠖꠦꠈꠣ-ꠢꠥꠘꠣ ꠇꠞꠔꠦ ꠡꠥꠛꠤꠗꠣ ꠅꠁꠛ।

Injil 17: Titas 1:11

ꠁꠔꠣꠞ ꠝꠥꠈ ꠛꠘ꠆ꠖ ꠇꠞꠣ ꠎꠞꠥꠞ। ꠁꠔꠣꠄ ꠇꠥ-ꠙꠕꠦ ꠐꠦꠇꠣ ꠇꠣꠝꠣꠘꠤꠞ ꠀꠡꠣꠄ ꠅꠟꠣ ꠔꠣꠟꠤꠝ ꠖꠦꠁꠘ, ꠎꠦ ꠔꠣꠟꠤꠝ ꠖꠦꠅꠀ ꠔꠣꠞꠣꠞ ꠟꠣꠉꠤ ꠑꠤꠇ ꠘꠣꠄ। ꠁ ꠔꠣꠟꠤꠝ ꠖꠤꠀ ꠇꠥꠘꠥ ꠇꠥꠘꠥ ꠙꠞꠤꠛꠣꠞꠞꠦ ꠛꠤꠉꠠꠣꠁꠟꠤꠞꠣ।

ꠀꠍꠝꠣꠘꠤ ꠇꠤꠔꠣꠛ: ꠞꠥꠔ 2:18

ꠉꠤꠀ ꠢꠣꠞꠟꠦ ꠔꠣꠘ ꠛꠦꠉꠞ ꠝꠍꠣ ꠛꠣꠞ ꠇꠞꠤꠀ ꠢꠠꠤꠞꠦ ꠖꠤꠟꠣ, ꠀꠞ ꠟꠥꠞꠣꠞ ꠛꠣꠞ꠆ꠟꠤꠞ ꠉꠣꠁꠐ ꠈꠥꠟꠤꠀ ꠔꠣꠘꠞꠦ ꠖꠦꠈꠣꠁꠟꠣ।