ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:11 - Siloṭi Asmani Kitab (Nagri lipi)

¹¹ ꠇꠥꠘꠥ ꠎꠥꠀꠘ ꠠꠣꠠꠤ ꠛꠦꠐꠤꠞ ꠘꠣꠝ ꠁ ꠟꠤꠡ꠆ꠐꠅ ꠔꠥꠟꠤꠅ ꠘꠣ। ꠇꠣꠞꠘ ꠔꠣꠞꠣꠞ ꠎꠃꠛꠘꠞ ꠟꠣꠉꠤ ꠡꠞꠤꠟꠞ ꠉꠞꠝꠦ ꠎꠦꠛꠟꠣ ꠃꠔꠣꠟ-ꠙꠣꠔꠣꠟ ꠇꠞꠂꠘ, ꠅꠃ ꠡꠝꠄ ꠀꠟ-ꠝꠍꠤꠞ ꠛꠣꠄ ꠔꠣꠞꠣꠞ ꠒꠞ-ꠜꠄ ꠇꠝꠤ ꠎꠣꠄ, ꠔꠦꠃ ꠔꠣꠞꠣ ꠢꠤꠞꠛꠣꠞ ꠛꠤꠀ ꠛꠁꠔꠣ ꠌꠣꠁꠘ।

ছিলটি আছমানি কিতাব (বাংলা লিপি)

¹¹ কুনু জুয়ান ড়াড়ি বেটির নাম ই লিষ্টো তুলিও না। কারন তারার যৌবনর লাগি শরিলর গরমে যেবলা উতাল-পাতাল করইন, অউ সময় আল-মসীর বায় তারার ডর-ভয় কমি যায়, তেউ তারা হিরবার বিয়া বইতা চাইন।

Siloṭi Asmani Kitab (Latin lipi)

¹¹ Kunu zuan ṛaṛi beṭir nam i lisṭo tulio na. Ḳaron tarar zoubonor lagi shorilor gorome zebla utal-fatal ḳoroin, ou shomoy al-Mosir bae tarar ḍor-boy ḳomi zae, teu tara hirbar bia boita sain.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:11 Iomraidhean Croise

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:15

ꠛꠣꠖꠦ ꠔꠣꠞꠣ ꠟꠣꠕ ꠝꠣꠞꠤꠟꠣ ꠙꠦꠐꠟꠣ ꠛꠘꠤꠀ, ꠛꠘꠤ ꠁꠍꠞꠣꠁꠟꠦ ꠟꠣꠕ ꠝꠣꠞꠟꠣ ꠔꠣꠞꠣꠞ ꠙꠣꠅ ꠖꠤꠀ। ꠈꠣꠁꠀ ꠈꠣꠁꠀ ꠙꠦꠐ ꠚꠥꠟꠣꠁꠀ ꠝꠣꠞꠟ ꠅꠈꠘ ꠟꠣꠕ, ꠚꠣꠃꠞꠤꠟꠤꠟ ꠢꠃ ꠀꠟ꠆ꠟꠣꠞꠦ ꠎꠦꠁꠘ ꠖꠤꠟꠣ ꠜꠣꠔ। ꠙꠄꠖꠣ ꠇꠞꠞꠣ ꠀꠟ꠆ꠟꠣꠞ ꠟꠉ ꠔꠣꠞꠣ ꠍꠣꠠꠤ ꠖꠤꠟ, ꠀꠡꠞꠄ ꠐꠤꠟ꠆ꠟꠣ ꠀꠟ꠆ꠟꠣꠞꠦ ꠔꠣꠞꠣ ꠢꠥꠞꠥ ꠝꠘꠅ ꠇꠞꠟ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:3

ꠁꠔꠣꠄ ꠝꠣꠘꠡꠞꠦ ꠇꠠꠣꠇꠠꠤ ꠢꠥꠇꠥꠝ ꠖꠦꠁꠘ ꠛꠤꠀ-ꠡꠣꠖꠤ ꠘꠣ ꠇꠞꠣꠞ ꠟꠣꠉꠤ, ꠀꠞ ꠇꠥꠘꠥ ꠇꠥꠘꠥ ꠈꠣꠘꠤ ꠈꠣꠁꠔꠦꠅ ꠘꠤꠡꠦꠗ ꠇꠞꠂꠘ। ꠅꠁꠟꠦ ꠀꠟ꠆ꠟꠣꠄ ꠔ ꠁ ꠈꠣꠘꠤ ꠙꠄꠖꠣꠃ ꠇꠞꠍꠂꠘ, ꠎꠦꠞꠣ ꠁꠝꠣꠘ ꠀꠘꠍꠦ, ꠎꠦꠞꠣ ꠀꠟ꠆ꠟꠣꠞ ꠢꠇꠞꠦ ꠎꠣꠘꠤꠟꠤꠍꠦ, ꠔꠣꠞꠣ ꠎꠣꠔꠦ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠀ ꠁꠔꠣ ꠈꠣꠁꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:12

ꠄꠞꠟꠣꠉꠤ ꠔꠣꠞꠣ ꠀꠟ꠆ꠟꠣꠞ ꠟꠉꠞ ꠀꠉꠞ ꠅꠀꠖꠣ ꠜꠋꠉ ꠇꠞꠂꠘ, ꠘꠤꠎꠞ ꠃꠙꠞꠦ ꠉꠎꠛ ꠒꠣꠇꠤꠀ ꠀꠘꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:14

ꠄꠞꠟꠣꠉꠤ ꠀꠝꠤ ꠅꠃ ꠘꠍꠤꠅꠔ ꠇꠞꠤꠀꠞ, ꠎꠥꠀꠘ ꠠꠣꠠꠤ ꠛꠦꠐꠤꠘ꠆ꠔꠦ ꠛꠤꠀ-ꠡꠣꠖꠤ ꠇꠞꠣꠃ ꠜꠣꠟꠣ, ꠔꠣꠞꠣ ꠢꠥꠞꠥꠔ꠆ꠔꠣꠞ ꠝꠣ ꠅꠃꠇ, ꠘꠤꠎꠞ ꠡꠋꠡꠣꠞꠞ ꠖꠦꠈꠣ-ꠢꠥꠘꠣ ꠇꠞꠃꠇ, ꠀꠞ ꠖꠥꠡꠝꠘꠞꠦ ꠇꠥꠘꠥ ꠟꠣꠈꠣꠘ ꠛꠖꠘꠣꠝ ꠉꠣꠅꠀꠞ ꠡꠥꠎꠥꠉ ꠘꠣ ꠖꠦꠃꠇ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:9

ꠄꠞꠟꠣꠉꠤ ꠠꠣꠠꠤ ꠛꠦꠐꠤꠘ꠆ꠔꠞ ꠘꠣꠝꠞ ꠟꠤꠡ꠆ꠐ ꠇꠞꠣꠞ ꠛꠣꠟꠣ ꠀꠉꠦ ꠖꠦꠈꠔꠦ ꠅꠁꠛ, ꠁ ꠛꠦꠐꠤꠞ ꠛꠄꠅꠡ ꠡꠣꠁꠐ ꠛꠍꠞ ꠅꠁꠍꠦ ꠘꠤ, ꠀꠞ ꠎꠣꠝꠣꠁꠞ ꠛꠣꠄ ꠔꠣꠁꠘ ꠙꠥꠞꠣꠙꠥꠞ ꠢꠇ-ꠢꠣꠟꠣꠟꠤ ꠀꠍꠟꠣ ꠘꠤ।

Injil 20: Iakub 5:5

ꠖꠥꠘꠤꠀꠞ ꠛꠥꠇꠥꠔ ꠛꠤꠟꠣꠡꠤꠔꠣ ꠀꠞ ꠞꠋ-ꠔꠣꠝꠡꠣꠞ ꠝꠣꠎꠦ ꠔꠥꠝꠞꠣ ꠖꠤꠘ ꠇꠣꠐꠣꠁꠍ, ꠖꠥꠎꠈꠞ ꠈꠥꠞꠣꠇ ꠛꠘꠣꠞ ꠟꠣꠉꠤ ꠘꠤꠎꠞꠦ ꠈꠥꠛ ꠚꠥꠟꠚꠥꠟꠣ ꠛꠣꠘꠣꠁꠍ।

ꠁꠘ꠆ꠎꠤꠟ ২২: ২-ꠙꠤꠔꠞ 2:18

ꠔꠣꠞꠣ ꠛꠠ ꠛꠠ ꠛꠦꠇꠣꠝꠣ ꠝꠣꠔ ꠝꠣꠔꠦ। ꠀꠞ ꠎꠦꠞꠣ ꠕꠥꠠꠣ ꠀꠉꠦ ꠇꠥ-ꠙꠕ ꠍꠣꠠꠤꠀ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠜꠣꠉꠤꠍꠂꠘ, ꠅꠔꠣ ꠝꠣꠘꠡꠞꠦ ꠡꠞꠤꠟꠞ ꠈꠣꠁꠡꠦ ꠌꠟꠤꠀ ꠛꠖꠝꠣꠁꠡꠤ ꠇꠞꠣꠞ ꠁꠘ꠆ꠗꠘ ꠖꠦꠄ।

Injil 27: Zaira Kalam 18:3

ꠇꠣꠞꠘ ꠁꠈꠣꠘꠦ ꠔꠣꠁꠞ ꠎꠤꠘꠣꠞ ꠇꠣꠝꠞ ꠛꠦꠎꠥꠁꠔꠣ ꠘꠤꠡꠣ-ꠙꠣꠘꠤ ꠖꠥꠘꠤꠀꠞ ꠢꠇꠟ ꠎꠣꠔꠤꠞꠦ ꠈꠣꠛꠣꠁꠍꠦ। ꠎꠉꠔꠞ ꠞꠣꠎꠣ ꠅꠇꠟꠦ ꠔꠣꠁꠞ ꠟꠉꠦ ꠎꠤꠘꠣ ꠇꠞꠍꠦ, ꠎꠉꠔꠞ ꠛꠦꠙꠣꠞꠤ ꠡꠖꠣꠉꠞ ꠅꠇꠟꠦ ꠅꠈꠣꠘꠞ ꠔꠣꠟꠦ ꠔꠣꠟꠦ ꠟꠣꠉꠣꠝ ꠍꠣꠠꠣ ꠘꠤꠡꠣꠄ ꠗꠘꠤ ꠛꠘꠍꠦ।”

Injil 27: Zaira Kalam 18:7

ꠔꠣꠁ ꠘꠤꠎꠞꠦ ꠟꠁꠀ ꠎꠔꠈꠣꠘ ꠛꠠꠣꠁ ꠇꠞꠍꠦ, ꠎꠔ ꠛꠦꠡꠤ ꠛꠤꠟꠣꠡꠤꠔꠣꠞ ꠝꠣꠎꠦ ꠎꠤꠘ꠆ꠖꠦꠉꠤ ꠇꠣꠐꠣꠁꠍꠦ, ꠑꠤꠇ ꠅꠔꠈꠣꠘ ꠎꠘꠔ꠆ꠞꠘꠣ ꠀꠞ ꠖꠥꠈ ꠔꠣꠁꠞꠦ ꠖꠦꠅ। ꠔꠣꠁ ꠔ ꠝꠘꠦ ꠝꠘꠦ ꠇꠄ, ‘ꠀꠝꠤ ꠇꠥꠘꠥ ꠠꠣꠠꠤ ꠛꠦꠐꠤ ꠘꠤ? ꠀꠝꠤ ꠔ ꠞꠣꠘꠤꠞ ꠀꠡꠘꠅ ꠛꠁꠍꠤ, ꠀꠝꠤ ꠇꠥꠘꠥꠝꠘ꠆ꠔꠦꠃ ꠖꠥꠈ-ꠝꠍꠤꠛꠔꠅ ꠙꠠꠔꠣꠝ ꠘꠣꠄ।’

Injil 27: Zaira Kalam 18:9

ꠎꠉꠔꠞ ꠎꠔ ꠞꠣꠎꠣ ꠅꠇꠟꠦ ꠅꠉꠥꠞ ꠟꠉꠦ ꠎꠤꠘꠣ ꠇꠞꠍꠦ, ꠔꠣꠁꠞ ꠟꠉꠦ ꠢꠂ-ꠢꠥꠟ꠆ꠟꠣ ꠇꠞꠤ ꠛꠤꠟꠣꠡꠤ ꠖꠤꠘ ꠇꠣꠐꠣꠁꠍꠦ, ꠔꠣꠁꠞꠦ ꠎꠣꠟꠣꠘꠤꠞ ꠛꠣꠟꠣ ꠔꠣꠁꠞ ꠗꠥꠝꠣ ꠖꠦꠈꠤꠀ ꠅꠔꠣꠄ ꠇꠣꠘ꠆ꠖꠤꠛꠣ, ꠔꠣꠁꠞ ꠟꠣꠉꠤ ꠀꠢꠣꠎꠣꠞꠤ ꠇꠞꠛꠣ।