ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:10 - Siloṭi Asmani Kitab (Nagri lipi)

¹⁰ ꠄꠍꠣꠠꠣ ꠘꠦꠇ ꠇꠣꠝꠞ ꠟꠣꠉꠤ ꠔꠣꠘ ꠡꠥꠘꠣꠝ ꠕꠣꠇꠔꠦ ꠅꠁꠛ, ꠅꠃ ꠘꠦꠇ ꠇꠣꠝ ꠅꠁꠟ, ꠙꠥꠀ-ꠙꠥꠠꠤꠘ ꠝꠣꠘꠥꠡ ꠛꠣꠘꠣꠘꠤ, ꠝꠦꠝꠣꠘꠖꠣꠞꠤ ꠇꠞꠣ, ꠀꠟ꠆ꠟꠣꠞ ꠛꠘ꠆ꠖꠣ ꠅꠇꠟꠞ ꠙꠣꠅ ꠗꠅꠀꠘꠤ, ꠖꠥꠈ-ꠝꠍꠤꠛꠔꠤ ꠝꠣꠘꠡꠞꠦ ꠡꠣꠁꠎ꠆ꠎ ꠇꠞꠣ, ꠀꠞ ꠢꠇꠟ ꠘꠝꠥꠘꠣꠞ ꠘꠦꠇ ꠇꠣꠝꠅ ꠡꠞꠤꠇ ꠅꠀ।

ছিলটি আছমানি কিতাব (বাংলা লিপি)

¹⁰ এছাড়া নেক কামর লাগি তান সুনাম থাকতে অইবো, অউ নেক কাম অইলো, পুয়া-পুড়িন মানুষ বানানি, মেহমানদারি করা, আল্লার বন্দা অকলর পাও ধোয়ানি, দুখ-মছিবতি মানষরে সাইয্য করা, আর হকল নমুনার নেক কামো শরিক অওয়া।

Siloṭi Asmani Kitab (Latin lipi)

¹⁰ Esaṛa nek kamor lagi tan shunam taḳte oibo, ou nek kam oilo, fua-fuṛin manush banani, memandari kora, Allar bonda oḳlor fao doani, duk-mosiboti manshore shaijjo ḳora, ar hoḳol nomunar nek kamo shorik oa.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:10 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 18:4

ꠀꠝꠤ ꠕꠥꠠꠣ ꠙꠣꠘꠤ ꠀꠘꠤꠀ ꠖꠤꠀꠞ ꠀꠙꠘꠣꠞꠣ ꠀꠔ-ꠙꠣꠅ ꠗꠁꠀ, ꠅꠃ ꠉꠣꠍ ꠔꠟꠣꠔ ꠎꠤꠞꠣꠃꠇ꠆ꠇꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 19:2

“ꠅ ꠀꠝꠣꠞ ꠝꠣꠟꠤꠇ ꠅꠇꠟ, ꠀꠝꠤ ꠝꠤꠘꠔꠤ ꠇꠞꠤ ꠇꠁꠀꠞ, ꠖꠄꠀ ꠇꠞꠤ ꠀꠙꠘꠣꠞꠣꠞ ꠅꠃ ꠉꠥꠟꠣꠝꠞ ꠊꠞꠅ ꠔꠡꠞꠤꠚ ꠀꠘꠤꠟꠣꠃꠇ꠆ꠇꠣ ꠀꠞ ꠀꠔ-ꠙꠣꠅ ꠗꠁꠀ ꠞꠣꠁꠔꠈꠣꠘ ꠇꠣꠐꠣꠃꠇ꠆ꠇꠣ। ꠛꠤꠀꠘꠦ ꠢꠤꠞꠛꠣꠞ ꠞꠅꠀꠘꠣ ꠅꠁꠛꠣꠘꠦ।” ꠄꠞꠣ ꠇꠁꠟꠣ, “ꠘꠣ, ꠀꠝꠞꠣ ꠅꠃ ꠐꠣꠃꠘꠞ ꠝꠄꠖꠣꠘꠅ ꠞꠣꠁꠔ ꠇꠣꠐꠣꠁꠝꠥ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 24:32

ꠅꠃ ꠢꠤ ꠉꠥꠟꠣꠝꠦ ꠔꠣꠞꠣꠞ ꠛꠣꠠꠤꠔ ꠉꠤꠀ ꠃꠐ ꠅꠇꠟꠞ ꠉꠣꠁꠐ ꠟꠣꠝꠣꠁꠔꠦꠃ, ꠟꠣꠛꠘꠦ ꠈꠦꠞ ꠀꠞ ꠜꠥꠡꠤ ꠀꠘꠤꠀ ꠖꠤꠟꠣ। ꠔꠣꠘꠦ ꠀꠞ ꠔꠣꠘ ꠟꠉꠞ ꠢꠇꠟꠞꠦ ꠀꠔ-ꠙꠣꠅ ꠗꠅꠀꠞ ꠙꠣꠘꠤꠅ ꠖꠤꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 43:24

ꠢꠦ ꠢꠇꠟꠞꠦ ꠁꠃꠍꠥꠚꠞ ꠛꠣꠠꠤꠞ ꠜꠤꠔꠞꠦ ꠘꠤꠀ ꠙꠣꠘꠤ ꠖꠤꠟ ꠔꠣꠞꠣ ꠙꠣꠅ ꠗꠥꠁꠟꠣ ꠀꠞ ꠢꠦ ꠔꠣꠞꠣꠞ ꠉꠣꠗꠣ ꠅꠇꠟꠞꠦꠅ ꠈꠣꠘꠤ ꠖꠤꠟ।

ꠔꠃꠞꠣꠔ ৩: ꠟꠦꠛꠤꠀꠘ 25:35

“ꠔꠥꠝꠞꠣꠞ ꠘꠤꠎꠞ ꠡꠝꠣꠎꠞ ꠇꠥꠘꠥ ꠜꠣꠁ ꠎꠥꠖꠤ ꠉꠞꠤꠛꠤ ꠢꠣꠟꠔꠞ ꠟꠣꠉꠤ ꠔꠣꠞ ꠘꠤꠎꠞ ꠈꠣꠅꠀ-ꠚꠤꠘ꠆ꠖꠣ ꠎꠥꠉꠣꠁꠔ ꠘꠣ ꠙꠣꠞꠦ, ꠔꠦ ꠜꠤꠘ-ꠖꠦꠡꠤ ꠝꠥꠍꠣꠚꠤꠞꠞ ꠟꠣꠈꠣꠘ ꠔꠣꠞꠦꠅ ꠡꠣꠁꠎ꠆ꠎ ꠇꠞꠤꠅ, ꠎꠣꠔꠦ ꠢꠦ ꠔꠥꠝꠞꠣꠞ ꠟꠉꠦ ꠛꠡꠔ ꠇꠞꠔ ꠙꠣꠞꠦ।

ꠁꠘ꠆ꠎꠤꠟ ১: ꠝꠕꠤ 25:17

ꠖꠥꠁ ꠀꠎꠣꠞ ꠐꠦꠇꠣ ꠎꠦ ꠙꠣꠁꠍꠤꠟ, ꠢꠦ-ꠅ ꠀꠞꠅ ꠖꠥꠁ ꠀꠎꠣꠞ ꠟꠣꠜ ꠇꠞꠟ।

ꠁꠘ꠆ꠎꠤꠟ ১: ꠝꠕꠤ 5:16

ꠅꠃ ꠟꠣꠈꠣꠘ ꠔꠥꠝꠞꠣꠞ ꠚꠞꠅ ꠝꠣꠘꠡꠞ ꠍꠣꠝꠘꠦ ꠎꠟꠃꠇ, ꠎꠣꠔꠦ ꠔꠥꠝꠞꠣꠞ ꠜꠣꠟꠣ ꠇꠣꠝ ꠖꠦꠈꠤꠀ ꠝꠣꠘꠡꠦ ꠔꠥꠝꠞꠣꠞ ꠛꠦꠢꠦꠡ꠆ꠔꠤ ꠛꠣꠚ, ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠇꠞꠂꠘ।

Injil 3: Luk 7:38

ꠀꠁꠀ ꠁꠍꠣꠞ ꠙꠤꠍꠘ ꠉꠣꠟꠣꠛꠣꠄ ꠔꠣꠘ ꠙꠣꠅꠞ ꠇꠣꠘ꠆ꠖꠣꠔ ꠃꠛꠣꠁꠀ, ꠇꠣꠘ꠆ꠖꠤꠀ ꠌꠃꠈꠞ ꠙꠣꠘꠤꠖꠤ ꠔꠣꠘ ꠙꠣꠅꠞ ꠙꠣꠔꠣ ꠜꠤꠎꠣꠁꠟꠤꠟ। ꠛꠣꠖꠦ ꠔꠣꠁꠞ ꠝꠣꠕꠣꠞ ꠌꠥꠟꠖꠤ ꠙꠣꠅ ꠚꠥꠍꠤꠀ ꠖꠤꠟ, ꠙꠣꠅꠞ ꠝꠣꠎꠦ ꠢꠥꠋꠉꠣ ꠖꠤꠔꠦ ꠖꠤꠔꠦ ꠀꠔꠞ ꠝꠣꠈꠣꠁꠟ।

Injil 3: Luk 7:44

ꠔꠦꠃ ꠁꠍꠣꠄ ꠅꠃ ꠛꠦꠐꠤꠞ ꠛꠣꠄ ꠌꠣꠁꠀ ꠇꠁꠟꠣ, “ꠍꠣꠁꠝꠘ, ꠅꠃ ꠛꠦꠐꠤꠉꠥꠞ ꠛꠣꠄ ꠈꠤꠀꠟ ꠇꠞꠅ ꠀꠞ ꠢꠥꠘꠅ, ꠀꠝꠤ ꠔꠥꠝꠣꠞ ꠊꠞꠅ ꠀꠁꠀ ꠢꠣꠞꠟꠦ ꠔꠥꠝꠤ ꠔ ꠀꠝꠣꠞꠦ ꠙꠣꠅ ꠗꠅꠀꠞꠅ ꠙꠣꠘꠤ ꠖꠤꠍ ꠘꠣ, ꠅꠁꠟꠦ ꠔꠣꠁꠞ ꠌꠃꠈꠞ ꠙꠣꠘꠤꠖꠤ ꠀꠝꠣꠞ ꠙꠣꠅ ꠜꠤꠎꠣꠁꠀ, ꠝꠣꠕꠣꠞ ꠌꠥꠟꠖꠤ ꠚꠥꠍꠤꠀ ꠖꠤꠍꠦ।

Injil 5: Sahabi Nama 10:22

ꠔꠣꠞꠣ ꠇꠁꠟꠣ, “ꠡ-ꠍꠤꠙꠣꠁꠞ ꠍꠥꠛꠦꠖꠣꠞ ꠇꠞꠘꠤꠟꠥꠍꠦ ꠀꠟ꠆ꠟꠣꠞ ꠚꠤꠞꠤꠡ꠆ꠔꠣꠞ ꠢꠥꠇꠥꠝ ꠙꠣꠁꠀ ꠀꠝꠞꠣꠞꠦ ꠙꠣꠑꠣꠁꠍꠂꠘ, ꠔꠣꠁꠘ ꠄꠇꠎꠘ ꠙꠞꠦꠎꠉꠣꠞ ꠝꠣꠘꠥꠡ, ꠀꠟ꠆ꠟꠣꠞ ꠢꠥꠇꠥꠝ ꠝꠣꠚꠤꠇ ꠌꠟꠂꠘ, ꠁꠢꠥꠖꠤ ꠅꠇꠟꠦ ꠔꠣꠘꠞꠦ ꠈꠥꠛ ꠔꠣꠎꠤꠝ ꠇꠞꠂꠘ। ꠚꠤꠞꠤꠡ꠆ꠔꠣꠄ ꠔꠣꠘꠞꠦ ꠇꠁꠍꠂꠘ, ꠎꠣꠔꠦ ꠀꠙꠘꠣꠞꠦ ꠔꠣꠘ ꠛꠣꠠꠤꠔ ꠘꠦꠅꠀꠁꠀ ꠀꠙꠘꠣꠞ ꠘꠍꠤꠅꠔ ꠢꠥꠘꠂꠘ।”

Injil 5: Sahabi Nama 22:12

“ꠢꠘꠅ ꠅꠘꠘꠤꠅ ꠘꠣꠝꠞ ꠄꠇꠎꠘ ꠝꠣꠘꠥꠡ ꠀꠍꠟꠣ, ꠔꠣꠁꠘ ꠢꠎꠞꠔ ꠝꠥꠍꠣꠞ ꠡꠞꠤꠅꠔ ꠝꠣꠚꠤꠇ ꠈꠥꠛ ꠙꠞꠦꠎꠉꠣꠞ ꠝꠣꠘꠥꠡ। ꠢꠤꠈꠣꠘꠞ ꠢꠇꠟ ꠁꠢꠥꠖꠤꠞ ꠉꠦꠍꠦ ꠔꠣꠁꠘ ꠈꠥꠛ ꠁꠎ꠆ꠎꠔꠤ ꠎꠘ।

Injil 5: Sahabi Nama 6:3

ꠅꠁꠟꠦ ꠜꠣꠁ ꠅꠇꠟ, ꠔꠥꠝꠞꠣꠞ ꠝꠣꠎ ꠕꠣꠇꠤ ꠅꠃꠟꠣ ꠡꠣꠔꠎꠘ ꠡꠥꠘꠣꠝ ꠀꠟꠣ ꠝꠣꠘꠡꠞꠦ ꠙꠍꠘ꠆ꠖ ꠇꠞꠅ, ꠎꠦꠞꠣ ꠙꠣꠇ ꠞꠥꠢꠦ ꠀꠞ ꠢꠦꠇꠝꠔꠦ ꠙꠥꠞꠣ ꠇꠣꠝꠤꠀꠛ ꠀꠍꠦ, ꠀꠝꠞꠣ ꠔꠣꠞꠣꠞ ꠃꠙꠞꠦ ꠁ ꠇꠣꠝꠞ ꠎꠤꠝ꠆ꠝꠣ ꠖꠤꠟꠣꠁꠝꠥ।

Injil 5: Sahabi Nama 9:36

ꠎꠣꠚꠣ ꠡꠢꠞꠅ ꠐꠣꠛꠤꠕꠣ ꠘꠣꠝꠦ ꠄꠇꠎꠘ ꠝꠥꠝꠤꠘ ꠛꠦꠐꠤ ꠀꠍꠟꠣ, ꠁꠃꠘꠣꠘꠤ ꠜꠣꠡꠣꠄ ꠐꠣꠛꠤꠕꠣ ꠘꠣꠝꠞ ꠅꠞ꠆ꠕ ꠖꠞ꠆ꠇꠣ, ꠝꠣꠘꠤ ꠢꠞꠤꠘꠤ, ꠔꠣꠁꠘ ꠢꠇꠟ ꠡꠝꠄ ꠜꠣꠟꠣ ꠇꠣꠝ ꠇꠞꠔꠣ ꠀꠞ ꠉꠞꠤꠛꠞꠦ ꠡꠣꠁꠎ꠆ꠎ ꠇꠞꠔꠣ।

Injil 5: Sahabi Nama 9:39

ꠔꠦꠃ ꠙꠤꠔꠞ ꠔꠣꠞꠣꠞ ꠟꠉꠦ ꠞꠅꠀꠘꠣ ꠖꠤꠟꠣ, ꠔꠣꠁꠘ ꠢꠘꠅ ꠎꠣꠅꠀꠞ ꠛꠣꠖꠦ ꠔꠣꠞꠣ ꠔꠣꠘꠞꠦ ꠃꠙꠞꠞ ꠇꠥꠑꠣꠔ ꠟꠁꠀ ꠉꠦꠟ, ꠢꠇꠟ ꠠꠣꠠꠤ ꠛꠦꠐꠤꠘ꠆ꠔꠦ ꠙꠤꠔꠞꠞ ꠌꠣꠁꠞꠅꠛꠣꠄ ꠃꠛꠣꠁꠀ ꠇꠣꠘ꠆ꠖꠘ ꠡꠥꠞꠥ ꠇꠞꠟꠣ ꠀꠞ ꠖꠞ꠆ꠇꠣ ꠎꠤꠔꠣ ꠕꠣꠇꠔꠦ ꠎꠦꠔꠣ ꠇꠣꠙꠠ-ꠌꠥꠙꠠ ꠛꠣꠘꠣꠁꠍꠟꠣ, ꠅꠔꠣ ꠙꠤꠔꠞꠞꠦ ꠖꠦꠈꠣꠁꠟꠣ।

Injil 6: Ruman 12:13

ꠀꠟ꠆ꠟꠣꠞ ꠙꠣꠇ ꠛꠘ꠆ꠖꠣ ꠅꠇꠟꠞ ꠅꠜꠣꠛꠅ ꠡꠣꠁꠎ꠆ꠎ ꠇꠞꠅ। ꠝꠦꠝꠣꠘꠖꠣꠞꠤ ꠇꠞꠔꠦ ꠈꠤꠀꠟꠤ ꠅꠅ।

Injil 10: Ifisia 2:10

ꠀꠝꠞꠣ ꠔ ꠀꠟ꠆ꠟꠣ ꠙꠣꠇꠞ ꠀꠔꠞ ꠙꠄꠖꠣ। ꠔꠣꠁꠘ ꠀꠟ-ꠝꠍꠤꠞ ꠃꠝ꠆ꠝꠔ ꠢꠤꠡꠣꠛꠦ ꠀꠝꠞꠣꠞꠦ ꠢꠤꠞꠛꠣꠞ ꠘꠄꠀ ꠇꠞꠤ ꠙꠄꠖꠣ ꠇꠞꠍꠂꠘ, ꠎꠣꠔꠦ ꠀꠝꠞꠣ ꠘꠦꠇ ꠇꠣꠝ ꠇꠞꠤ। ꠅꠃ ꠘꠦꠇ ꠇꠣꠝ ꠔꠣꠁꠘ ꠀꠉꠦ ꠕꠣꠇꠤꠃ ꠑꠤꠇ ꠇꠞꠤꠀ ꠞꠣꠈꠍꠤꠟꠣ ꠎꠣꠔꠦ ꠀꠝꠞꠣ ꠅꠟꠣ ꠎꠤꠘ꠆ꠖꠦꠉꠤ ꠇꠣꠐꠣꠁ।

Injil 12: Kolosia 1:10

ꠀꠝꠞꠣ ꠀꠟ꠆ꠟꠣꠞ ꠖꠞꠛꠣꠞꠅ ꠅꠃ ꠖꠥꠀꠃ ꠇꠞꠞꠣꠝ, ꠔꠥꠝꠞꠣ ꠎꠣꠔꠦ ꠢꠇꠟ ꠛꠦꠙꠣꠞꠦ ꠀꠟ-ꠝꠍꠤꠞ ꠝꠞ꠆ꠎꠤ ꠎꠥꠉꠣꠁꠀ ꠌꠟ ꠀꠞ ꠔꠣꠘ ꠃꠙꠎꠥꠇ꠆ꠔ ꠃꠝ꠆ꠝꠔꠞ ꠟꠣꠈꠣꠘ ꠎꠤꠘ꠆ꠖꠦꠉꠤ ꠇꠣꠐꠣꠅ। ꠢꠇ ꠇꠣꠝ ꠇꠞꠤ ꠇꠞꠤ ꠚꠟꠛꠣꠘ ꠅꠅ, ꠀꠞ ꠀꠟ꠆ꠟꠣ ꠙꠣꠇꠞꠦ ꠀꠞꠅ ꠜꠣꠟꠣ ꠇꠞꠤ ꠌꠤꠘꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:10

ꠛꠞꠋ ꠀꠟ꠆ꠟꠣꠞ ꠙꠞꠦꠎꠉꠣꠞ ꠛꠣꠘ꠆ꠖꠤꠄ ꠎꠦꠟꠣ ꠘꠦꠇ ꠇꠣꠝꠞ ꠝꠣꠎꠦ ꠎꠤꠘ꠆ꠖꠦꠉꠤ ꠇꠣꠐꠣꠘꠤ ꠃꠌꠤꠔ, ꠔꠣꠞꠣꠅ ꠅꠟꠣ ꠅꠁꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:2

ꠎꠝꠣꠔꠞ ꠌꠣꠟꠇꠖꠣꠞ ꠝꠣꠘꠡꠞ ꠌꠈꠥꠔ ꠘꠤꠈꠥꠔ ꠅꠁꠔꠦ ꠅꠁꠛ। ꠔꠣꠘ ꠈꠣꠟꠤ ꠄꠇ ꠛꠃ ꠅꠁꠛ। ꠔꠣꠁꠘ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠛꠣ, ꠔꠣꠘ ꠜꠣꠟꠣ ꠀꠈꠟ-ꠛꠥꠖ꠆ꠖꠤ ꠞꠁꠛ, ꠡ꠆ꠛꠜꠣꠛ ꠅꠁꠛ ꠜꠖ꠆ꠞ, ꠀꠞ ꠝꠦꠝꠣꠘꠖꠣꠞꠤ ꠇꠞꠔꠦ ꠜꠣꠟꠣ ꠙꠣꠁꠛꠣ। ꠝꠣꠘꠡꠞꠦ ꠔꠣꠟꠤꠝ ꠖꠦꠅꠀꠞ ꠈꠦꠝꠔꠣ ꠕꠣꠇꠔꠦ ꠅꠁꠛ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:7

ꠎꠝꠣꠔꠞ ꠛꠣꠁꠞꠞ ꠝꠣꠘꠡꠞ ꠉꠦꠍꠦ ꠔꠣꠘ ꠡꠥꠘꠣꠝ ꠕꠣꠇꠣ ꠖꠞꠇꠣꠞ, ꠎꠣꠔꠦ ꠀꠈꠔꠣ ꠇꠥꠘꠥ ꠛꠖꠘꠣꠝꠞ ꠜꠣꠉꠤ ꠘꠣ ꠅꠁꠘ ꠀꠞ ꠁꠛꠟꠤꠍꠞ ꠚꠣꠘ꠆ꠖꠅ ꠘꠣ ꠙꠠꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:16

ꠇꠥꠘꠥ ꠁꠍꠣꠄꠁ ꠁꠝꠣꠘꠖꠣꠞ ꠛꠦꠐꠤ ꠝꠣꠘꠡꠞ ꠊꠞꠅ ꠎꠥꠖꠤ ꠠꠣꠠꠤ ꠛꠦꠐꠤꠘ ꠕꠣꠇꠂꠘ, ꠔꠦ ꠅꠃ ꠛꠦꠐꠤꠄ ꠎꠣꠘꠥ ꠄꠞꠣꠞ ꠖꠦꠈꠣ-ꠢꠥꠘꠣ ꠇꠞꠂꠘ। ꠄꠞꠣꠞꠦ ꠖꠦꠈꠣ-ꠢꠥꠘꠣꠞ ꠜꠣꠞ ꠎꠝꠣꠔꠞ ꠃꠙꠞꠦ ꠘꠣ ꠖꠦꠅꠀ ꠜꠣꠟꠣ। ꠔꠦꠃ ꠎꠦꠔꠣ ꠠꠣꠠꠤ ꠛꠦꠐꠤꠘ ꠄꠇꠖꠝ ꠟꠣꠍꠣꠞ, ꠎꠝꠣꠔꠦ ꠔꠣꠞꠣꠞ ꠖꠦꠈꠣ-ꠢꠥꠘꠣ ꠇꠞꠔꠦ ꠡꠥꠛꠤꠗꠣ ꠅꠁꠛ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:25

ꠅꠟꠣꠈꠣꠘ ꠘꠦꠇ ꠇꠣꠝ ꠙꠞꠤꠡ꠆ꠇꠣꠞ ꠖꠦꠈꠣ ꠎꠣꠄ, ꠀꠞ ꠇꠥꠘꠥ ꠘꠦꠇ ꠇꠣꠝ ꠙꠞꠤꠡ꠆ꠇꠣꠞ ꠖꠦꠈꠣ ꠘꠣ ꠉꠦꠟꠦꠅ, ꠁꠔꠣ ꠟꠥꠇꠣꠁꠟ ꠞꠄ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:18

ꠀꠞ ꠔꠣꠞꠣꠞꠦ ꠇꠅ, ꠔꠣꠞꠣ ꠎꠣꠘꠥ ꠅꠁꠘ꠆ꠘꠞ ꠜꠣꠟꠣꠁ ꠇꠞꠦ, ꠘꠦꠇ ꠇꠣꠝ ꠇꠞꠣꠔ ꠞꠄ, ꠝꠘ ꠈꠥꠟꠤꠀ ꠖꠣꠘ-ꠈꠄꠞꠣꠔ ꠇꠞꠦ, ꠀꠞ ꠔꠣꠞꠣꠞ ꠗꠘ-ꠖꠃꠟꠔꠞ ꠛꠣꠐ ꠅꠁꠘ꠆ꠘ ꠝꠣꠘꠡꠞꠦ ꠖꠦꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:5

ꠀꠝꠣꠞ ꠝꠘꠅ ꠀꠍꠦ, ꠔꠥꠝꠣꠞ ꠖꠤꠟꠈꠣꠘ ꠢꠇ ꠁꠝꠣꠘꠦ ꠜꠞꠣ, ꠔꠥꠝꠣꠞ ꠘꠣꠘꠤ ꠟꠥꠁꠍ ꠀꠞ ꠔꠥꠝꠣꠞ ꠀꠝ꠆ꠝꠣ ꠃꠘꠤꠇꠤꠞ ꠜꠤꠔꠞꠦꠅ ꠅꠟꠣ ꠢꠇ ꠁꠝꠣꠘ ꠀꠍꠤꠟ। ꠀꠝꠤ ꠘꠤꠌ꠆ꠌꠤꠔ ꠎꠣꠘꠤ, ꠔꠥꠝꠣꠞ ꠜꠤꠔꠞꠦꠅ ꠅꠟꠣ ꠁꠝꠣꠘ ꠀꠍꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:21

ꠔꠦ ꠎꠦꠔꠣ ꠝꠣꠘꠥꠡ ꠅꠃ ꠘꠤꠌꠣ ꠇꠣꠝꠞ ꠀꠡꠛꠣꠛꠞ ꠟꠣꠈꠣꠘ, ꠁꠔꠣꠞ ꠉꠦꠍ ꠕꠣꠇꠤ ꠢꠞꠤꠀ ꠀꠁꠀ ꠇꠦꠃ ꠎꠥꠖꠤ ꠘꠤꠎꠞꠦ ꠙꠣꠇ-ꠍꠣꠚ ꠇꠞꠤꠟꠣꠄ, ꠔꠦ ꠢꠦ ꠡꠝ꠆ꠝꠣꠘꠤ ꠎꠤꠘꠤꠡ ꠛꠘꠤꠎꠣꠄ। ꠔꠣꠞꠦ ꠙꠛꠤꠔ꠆ꠞ ꠢꠤꠡꠣꠛꠦ ꠀꠟꠣꠖꠣ ꠇꠞꠤ ꠞꠣꠈꠣ ꠅꠁꠛ। ꠢꠦ ꠔꠣꠞ ꠝꠣꠟꠤꠇꠞ ꠇꠣꠝꠅ ꠟꠣꠉꠛ ꠀꠞ ꠢꠇꠟ ꠘꠝꠥꠘꠣꠞ ꠘꠦꠇ ꠇꠣꠝꠞ ꠟꠣꠉꠤ ꠎꠥꠁꠔ ꠅꠁꠛ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:15

ꠔꠥꠝꠤ ꠔ ꠢꠥꠞꠥꠝꠣꠘ ꠕꠘꠦꠃ ꠀꠟ꠆ꠟꠣꠞ ꠇꠣꠟꠣꠝꠞ ꠔꠣꠟꠤꠝ ꠙꠣꠁꠍ, ꠀꠞ ꠅꠃ ꠇꠣꠟꠣꠝꠦꠃ ꠔꠥꠝꠣꠞꠦ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠣꠞ ꠃꠍꠤꠟ꠆ꠟꠣꠄ, ꠘꠣꠎꠣꠔ ꠢꠣꠍꠤꠟꠞ ꠙꠕ ꠛꠣꠔꠣꠁ ꠖꠤꠛ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:17

ꠎꠣꠔꠦ ꠀꠟ꠆ꠟꠣꠞ ꠛꠘ꠆ꠖꠣ ꠅꠇꠟ ꠃꠙꠎꠥꠇ꠆ꠔ ꠛꠘꠤꠀ ꠢꠇꠟ ꠘꠦꠇ ꠇꠣꠝꠞ ꠟꠣꠉꠤ ꠎꠥꠁꠔ ꠅꠁꠘ।

Injil 17: Titas 2:14

ꠁꠍꠣ ꠀꠟ-ꠝꠍꠤꠄ ꠔ ꠀꠝꠞꠣꠞꠦ ꠛꠣꠌꠣꠘꠤꠞ ꠟꠣꠉꠤ ꠔꠣꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠟꠣꠁꠍꠂꠘ, ꠎꠣꠔꠦ ꠢꠇꠟ ꠉꠥꠘꠣ ꠕꠣꠇꠤ ꠀꠝꠞꠣꠞꠦ ꠈꠣꠟꠣꠍ ꠇꠞꠤ ꠀꠘꠔꠣ ꠙꠣꠞꠂꠘ, ꠀꠞ ꠅꠃ ꠟꠣꠈꠣꠘ ꠄꠇꠖꠟ ꠝꠣꠘꠡꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠂꠘ, ꠎꠦꠞꠣ ꠈꠣꠟꠤ ꠔꠣꠘ ꠘꠤꠎꠞ ꠅꠁꠛꠣ, ꠎꠦꠞꠣ ꠘꠦꠇ ꠇꠣꠝꠞ ꠀꠡꠤꠇ ꠅꠁꠛꠣ।

Injil 17: Titas 2:7

ꠔꠥꠝꠤ ꠔꠣꠞꠣꠞ ꠉꠦꠍꠦ ꠢꠇꠟ ꠘꠝꠥꠘꠣꠞ ꠘꠦꠇ ꠇꠣꠝꠞ ꠘꠤꠡꠣꠘꠣ ꠅꠅ। ꠢꠇ ꠘꠤꠅꠔꠦ ꠀꠞ ꠖꠣꠄ-ꠖꠣꠄꠁꠔ꠆ꠔ ꠟꠁꠀ ꠔꠣꠟꠤꠝ ꠖꠦꠅ।

Injil 17: Titas 3:1

ꠀꠟ꠆ꠟꠣꠞ ꠛꠘ꠆ꠖꠣ ꠅꠇꠟꠞꠦ ꠝꠘꠅ ꠇꠞꠣꠁ ꠖꠦꠅ, ꠔꠣꠞꠣ ꠎꠣꠘꠥ ꠖꠦꠡꠞ ꠞꠣꠎꠣ ꠀꠞ ꠡꠞꠇꠣꠞꠤ ꠘꠤꠅꠝꠞ ꠅꠗꠤꠘꠦ ꠞꠂꠘ, ꠔꠣꠞꠣ ꠅꠛꠣꠁꠖ꠆ꠖ ꠘꠣ ꠅꠁꠘ, ꠝꠣꠘꠡꠞ ꠢꠇꠟ ꠘꠝꠥꠘꠣꠞ ꠃꠙꠇꠣꠞ ꠇꠞꠣꠞ ꠟꠣꠉꠤ ꠎꠥꠁꠔ ꠕꠣꠇꠂꠘ।

Injil 17: Titas 3:14

ꠀꠝꠞꠣꠞ ꠝꠣꠘꠡꠞꠦ ꠔ ꠢꠤꠇꠣꠘꠤ ꠎꠞꠥꠞ, ꠡꠝꠣꠎꠞ ꠜꠣꠟꠣꠁꠞ ꠟꠣꠉꠤ ꠇꠤꠟꠣ ꠘꠤꠎꠞꠦ ꠈꠣꠐꠣꠁꠟ ꠎꠣꠄ। ꠔꠦꠃ ꠔꠣꠞꠣ ꠝꠣꠘꠡꠞ ꠎꠞꠥꠞꠤ ꠅꠜꠣꠛ ꠝꠤꠐꠣꠁꠔ ꠙꠣꠞꠛ, ꠅꠟꠣ ꠔꠣꠞꠣꠞ ꠘꠤꠎꠞ ꠎꠤꠘ꠆ꠖꠦꠉꠤꠅ ꠚꠟꠀꠟꠣ ꠅꠁꠛ।

Injil 17: Titas 3:8

ꠁꠈꠣꠘ ꠔ ꠙꠥꠞꠣꠙꠥꠞ ꠢꠣꠍꠣ। ꠀꠝꠤ ꠌꠣꠁꠀꠞ, ꠔꠥꠝꠤ ꠅꠃ ꠛꠦꠙꠣꠞꠦ ꠙꠥꠞꠣꠙꠥꠞ ꠎꠥꠞ ꠖꠦꠅ, ꠎꠣꠔꠦ ꠀꠟ꠆ꠟꠣꠞ ꠃꠙꠞꠦ ꠎꠦꠞꠣ ꠁꠝꠣꠘ ꠀꠘꠍꠦ, ꠔꠣꠞꠣ ꠘꠦꠇ ꠇꠣꠝ ꠇꠞꠣꠞ ꠈꠤꠀꠟꠤ ꠅꠄ। ꠁꠟꠣ ꠘꠦꠇ ꠇꠣꠝ ꠇꠞꠣ ꠔ ꠢꠇꠟꠞ ꠟꠣꠉꠤ ꠜꠣꠟꠣ ꠀꠞ ꠃꠙꠇꠣꠞꠤ।

Injil 19: Ibrani 10:24

ꠀꠝꠞꠣ ꠄꠇꠦ-ꠅꠁꠘ꠆ꠘꠞ ꠟꠣꠉꠤ ꠈꠤꠀꠟ ꠇꠞꠤ, ꠝꠢꠛ꠆ꠛꠔ ꠀꠞ ꠘꠦꠇ ꠇꠣꠝ ꠇꠞꠣꠞ ꠟꠣꠉꠤ ꠄꠇꠦ-ꠅꠁꠘ꠆ꠘꠞꠦ ꠡꠣꠅꠡ-ꠙꠞꠣꠝꠤꠡ ꠖꠦꠁ।

Injil 19: Ibrani 13:2

ꠝꠦꠝꠣꠘꠖꠣꠞꠤ ꠇꠞꠣ ꠚꠣꠃꠞꠤꠅ ꠘꠣ। ꠎꠣꠘ ꠘꠤ, ꠇꠥꠘꠥ ꠇꠥꠘꠥ ꠎꠘꠦ ꠘꠣ ꠌꠤꠘꠤꠀ ꠀꠟ꠆ꠟꠣꠞ ꠚꠤꠞꠤꠡ꠆ꠔꠣꠞꠅ ꠝꠦꠝꠣꠘꠖꠣꠞꠤ ꠇꠞꠍꠂꠘ।

Injil 19: Ibrani 13:21

ꠢꠇꠟ ꠘꠦꠇ ꠇꠣꠝꠞ ꠔꠚꠤꠇ ꠖꠦꠃꠇ꠆ꠇꠣ, ꠔꠣꠘ ꠝꠞ꠆ꠎꠤ ꠎꠥꠉꠣꠁꠀ ꠌꠟꠣꠞ, ꠀꠞ ꠔꠣꠁꠘ ꠎꠦꠔꠣ ꠙꠍꠘ꠆ꠖ ꠇꠞꠂꠘ, ꠖꠤꠟꠅ ꠅꠔꠣꠞ ꠄꠡꠇꠤ ꠖꠦꠃꠇ꠆ꠇꠣ, ꠁꠍꠣ ꠀꠟ-ꠝꠍꠤꠞ ꠎꠞꠤꠀꠄ, ꠄꠘ ꠝꠢꠤꠝꠣ ꠢꠞ-ꠢꠣꠝꠦꠡꠣ ꠞꠃꠇ, ꠀꠝꠤꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 2:12

ꠎꠦꠞꠣ ꠀꠟ꠆ꠟꠣꠞꠦ ꠌꠤꠘꠦ ꠘꠣ, ꠔꠣꠞꠣꠞ ꠝꠣꠎꠦ ꠔꠥꠝꠞꠣ ꠢꠇ ꠙꠕꠦ ꠌꠟꠅ। ꠔꠦꠃ ꠔꠣꠞꠣ ꠔꠥꠝꠞꠣꠞꠦ ꠖꠥꠡꠤ ꠇꠁꠀ ꠘꠤꠘ꠆ꠖꠣ ꠇꠞꠟꠦꠅ, ꠔꠥꠝꠞꠣꠞ ꠢꠇꠟ ꠜꠣꠟꠣ ꠇꠣꠝ ꠖꠦꠈꠤꠀ ꠇꠤꠀꠝꠔꠞ ꠖꠤꠘ ꠀꠟ꠆ꠟꠣꠞ ꠉꠃꠞꠛ ꠇꠞꠛ।

ꠁꠘ꠆ꠎꠤꠟ ২১: ১-ꠙꠤꠔꠞ 4:9

ꠇꠥꠘꠥꠎꠣꠔ ꠛꠤꠔꠤꠡꠘꠣ ꠘꠣ ꠖꠦꠈꠣꠁꠀ, ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞ ꠝꠦꠝꠣꠘꠖꠣꠞꠤ ꠇꠞꠅ।

Injil 25: 3-Hannan 1:12

ꠎꠣꠘ ꠘꠤ, ꠢꠇꠟꠦꠃ ꠖꠤꠝꠤꠔ꠆ꠞꠤ ꠜꠣꠁꠞ ꠡꠥꠘꠣꠝ ꠉꠣꠁꠞꠣ, ꠄꠝꠘꠇꠤ ꠡ꠆ꠛꠄꠅꠋ ꠀꠟ꠆ꠟꠣꠞ ꠢꠇꠦꠅ ꠄꠘ ꠔꠣꠞꠤꠚ ꠇꠞꠞꠣ। ꠀꠝꠞꠣꠅ ꠄꠘ ꠔꠣꠞꠤꠚ ꠇꠞꠞꠣꠝ, ꠀꠞ ꠔꠥꠝꠤ ꠔ ꠎꠣꠘ ꠀꠝꠞꠣꠞ ꠝꠥꠈꠞ ꠇꠕꠣ ꠢꠣꠍꠣ।