ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:3 - Siloṭi Asmani Kitab (Nagri lipi)

³ ꠁꠔꠣꠄ ꠝꠣꠘꠡꠞꠦ ꠇꠠꠣꠇꠠꠤ ꠢꠥꠇꠥꠝ ꠖꠦꠁꠘ ꠛꠤꠀ-ꠡꠣꠖꠤ ꠘꠣ ꠇꠞꠣꠞ ꠟꠣꠉꠤ, ꠀꠞ ꠇꠥꠘꠥ ꠇꠥꠘꠥ ꠈꠣꠘꠤ ꠈꠣꠁꠔꠦꠅ ꠘꠤꠡꠦꠗ ꠇꠞꠂꠘ। ꠅꠁꠟꠦ ꠀꠟ꠆ꠟꠣꠄ ꠔ ꠁ ꠈꠣꠘꠤ ꠙꠄꠖꠣꠃ ꠇꠞꠍꠂꠘ, ꠎꠦꠞꠣ ꠁꠝꠣꠘ ꠀꠘꠍꠦ, ꠎꠦꠞꠣ ꠀꠟ꠆ꠟꠣꠞ ꠢꠇꠞꠦ ꠎꠣꠘꠤꠟꠤꠍꠦ, ꠔꠣꠞꠣ ꠎꠣꠔꠦ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠀ ꠁꠔꠣ ꠈꠣꠁꠘ।

ছিলটি আছমানি কিতাব (বাংলা লিপি)

³ ইতায় মানষরে কড়াকড়ি হুকুম দেইন বিয়া-শাদি না করার লাগি, আর কুনু কুনু খানি খাইতেও নিষেধ করইন। অইলে আল্লায় তো ই খানি পয়দাউ করছইন, যেরা ইমান আনছে, যেরা আল্লার হকরে জানিলিছে, তারা যাতে আল্লার শুকরিয়া আদায় করিয়া ইতা খাইন।

Siloṭi Asmani Kitab (Latin lipi)

³ Itae manshore ḳoṛaḳoṛi hukum dein bia-shadi na ḳorar lagi, ar kunu kunu ḳani kaite-o nished ḳoroin. Oile Allae to i kani foyda-u ḳorsoin, zera iman anche, zera Allar hokre zanilise, tara zate Allar shukria adae ḳoria ita ḳain.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 9:3

ꠎꠦꠟꠣ ꠔꠥꠝꠞꠣꠞꠦ ꠈꠦꠔꠞ ꠚꠟ-ꠚꠡꠟ ꠀꠞ ꠔꠞꠤ-ꠔꠞꠇꠣꠞꠤ ꠖꠤꠍꠟꠣꠝ, ꠅꠃꠟꠣ ꠅꠈꠘ ꠎꠤꠔꠣ ꠎꠣꠘꠖꠣꠞ ꠢꠇꠟꠞꠦꠅ ꠔꠥꠝꠞꠣꠞ ꠈꠣꠘꠤꠞ ꠟꠣꠉꠤ ꠖꠤꠟꠣꠝ।

ꠁꠘ꠆ꠎꠤꠟ ১: ꠝꠕꠤ 14:19

ꠛꠣꠖꠦ ꠔꠣꠁꠘ ꠝꠣꠘꠡꠞꠦ ꠇꠁꠟꠣ, ꠊꠣꠡꠞ ꠃꠙꠞꠦ ꠛꠁꠎꠤꠔꠣ। ꠔꠣꠁꠘ ꠢꠃ ꠙꠣꠌꠈꠣꠘ ꠞꠥꠐꠤ ꠀꠞ ꠖꠥꠁꠐꠣ ꠛꠤꠞꠣꠘ ꠝꠣꠍ ꠀꠔꠅ ꠟꠁꠟꠣ, ꠀꠞ ꠀꠍꠝꠣꠘꠦꠖꠤ ꠌꠣꠁꠀ ꠡꠥꠇꠞꠤꠀ ꠀꠖꠣꠄ ꠇꠞꠟꠣ। ꠛꠣꠖꠦ ꠅꠃ ꠞꠥꠐꠤ ꠐꠥꠇꠞꠣꠁꠀ ꠍꠣꠢꠣꠛꠤ ꠅꠇꠟꠞ ꠀꠔꠅ ꠖꠤꠟꠦ, ꠄꠞꠣ ꠛꠣꠐꠤꠀ ꠖꠤꠟꠣꠁꠟꠣ।

ꠁꠘ꠆ꠎꠤꠟ ১: ꠝꠕꠤ 15:11

ꠛꠣꠁꠞꠦ ꠕꠣꠇꠤ ꠎꠦꠔꠣ ꠎꠤꠘꠤꠡ ꠝꠣꠘꠡꠞ ꠝꠥꠈꠞ ꠜꠤꠔꠞꠦ ꠢꠣꠝꠣꠄ, ꠁꠔꠣꠄ ꠔ ꠔꠣꠞꠦ ꠘꠣꠙꠣꠇ ꠛꠣꠘꠣꠄ ꠘꠣ। ꠛꠞꠋ ꠝꠣꠘꠡꠞ ꠝꠥꠈ ꠕꠣꠇꠤ ꠎꠦꠔꠣ ꠛꠣꠞꠅꠄ, ꠅꠔꠣꠄꠃ ꠔꠣꠞꠦ ꠘꠣꠙꠣꠇ ꠛꠣꠘꠣꠄ।”

ꠁꠘ꠆ꠎꠤꠟ ১: ꠝꠕꠤ 15:36

ꠇꠁꠀ ꠔꠣꠁꠘ ꠅꠃ ꠡꠣꠔꠅꠈꠣꠘ ꠞꠥꠐꠤ ꠀꠞ ꠛꠤꠞꠣꠘ ꠝꠣꠍ ꠀꠔꠅ ꠟꠁꠀ, ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠀ ꠅꠈꠘꠣꠁꠘ ꠐꠥꠇꠞꠣꠁꠟꠣ, ꠛꠣꠖꠦ ꠍꠣꠢꠣꠛꠤ ꠅꠇꠟꠞꠦꠖꠤ ꠛꠣꠐꠣꠁꠟꠣ।

Injil 3: Luk 24:30

ꠛꠣꠖꠦ ꠎꠦꠛꠟꠣ ꠈꠣꠘꠤꠔ ꠛꠁꠟꠣ, ꠅꠃ ꠡꠝꠄ ꠁꠍꠣꠄ ꠞꠥꠐꠤ ꠟꠁꠀ ꠐꠥꠇꠞꠣꠁꠀ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠀ ꠔꠣꠞꠣꠞꠦ ꠖꠤꠟꠣ।

Injil 4: Hannan 6:23

ꠅꠁꠟꠦ ꠎꠦ ꠎꠣꠉꠣꠔ ꠁꠍꠣꠄ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠀ ꠢꠣꠞꠤ ꠝꠣꠘꠡꠞꠦ ꠞꠥꠐꠤ ꠈꠣꠅꠀꠁꠍꠟꠣ, ꠅꠃ ꠎꠣꠉꠣꠞ ꠉꠦꠍꠦ ꠔꠤꠛꠤꠞꠤꠀ ꠐꠣꠃꠘ ꠕꠣꠇꠤ ꠇꠄꠈꠣꠘ ꠘꠣꠅ ꠀꠁꠟ।

Injil 5: Sahabi Nama 27:35

ꠁꠈꠣꠘ ꠇꠁꠀ ꠢꠣꠞꠤ ꠙꠣꠃꠟꠥꠍꠦ ꠔꠣꠞꠣ ꠢꠇꠟꠞ ꠍꠣꠝꠘꠦ ꠞꠥꠐꠤ ꠀꠘꠤꠀ ꠀꠟ꠆ꠟꠣꠞ ꠡꠥꠇꠞꠤꠀ ꠎꠣꠘꠣꠁꠀ, ꠞꠥꠐꠤ ꠍꠤꠠꠤꠀ ꠈꠣꠅꠀꠔ ꠟꠣꠉꠟꠣ।

Injil 6: Ruman 14:17

ꠀꠟ꠆ꠟꠣꠞ ꠛꠣꠖꠡꠣꠁ ꠔ ꠈꠣꠟꠤ ꠈꠣꠘꠣ-ꠙꠤꠘꠣꠞ ꠟꠣꠉꠤ ꠘꠣꠄ, ꠛꠞꠋ ꠀꠟ꠆ꠟꠣꠁ ꠙꠣꠇ ꠞꠥꠢꠦ ꠖꠦꠅꠀ ꠙꠞꠦꠎꠉꠣꠞꠤ, ꠡꠣꠘ꠆ꠔꠤ ꠀꠞ ꠈꠥꠡꠤ-ꠛꠣꠡꠤꠞ ꠛꠦꠙꠣꠞ।

Injil 6: Ruman 14:3

ꠔꠦ ꠝꠣꠍ-ꠝꠣꠋꠡ ꠈꠣꠅꠞꠣ ꠎꠘꠦ ꠅꠃ ꠘꠤꠞꠣꠝꠤꠡ ꠈꠣꠅꠞꠣ ꠎꠘꠞꠦ ꠎꠣꠘꠥ ꠘꠣ ꠍꠤꠠꠣꠄ। ꠀꠞ ꠘꠤꠞꠣꠝꠤꠡ ꠈꠣꠅꠞꠣꠄꠅ ꠎꠣꠘꠥ ꠝꠣꠍ-ꠝꠣꠋꠡ ꠈꠣꠅꠞꠣꠞꠦ ꠘꠣ ꠖꠥꠡꠦ, ꠇꠣꠞꠘ ꠀꠟ꠆ꠟꠣꠄ ꠔ ꠖꠥꠁꠅꠎꠘꠞꠦꠃ ꠘꠤꠎꠞ ꠇꠁꠀ ꠇꠛꠥꠟ ꠇꠞꠍꠂꠘ।

Injil 6: Ruman 14:6

ꠎꠦ ꠝꠣꠘꠡꠦ ꠇꠥꠘꠥ ꠈꠣꠍ ꠖꠤꠘꠞꠦ ꠝꠣꠘꠦ, ꠢꠦ ꠔ ꠝꠣꠟꠤꠇ ꠁꠍꠣꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦꠃ ꠁꠔꠣ ꠝꠣꠘꠦ। ꠎꠦ ꠎꠘꠦ ꠢꠇꠟ ꠎꠣꠔꠞ ꠈꠣꠘꠤ ꠈꠣꠄ, ꠢꠦ-ꠅ ꠔ ꠝꠣꠟꠤꠇꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦꠃ ꠈꠣꠄ, ꠢꠦ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠀ ꠈꠣꠄ, ꠀꠞ ꠎꠦ ꠎꠘꠦ ꠢꠇꠟꠔꠣ ꠈꠣꠄ ꠘꠣ, ꠢꠦ-ꠅ ꠝꠣꠟꠤꠇꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦ ꠈꠣꠄ ꠘꠣ, ꠢꠦ-ꠅ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠦ।

Injil 7: 1-Korintia 6:13

ꠇꠦꠃ ꠇꠦꠃ ꠇꠂꠘ, “ꠙꠦꠐꠞ ꠟꠣꠉꠤ ꠈꠣꠘꠤ ꠀꠞ ꠈꠣꠘꠤꠞ ꠟꠣꠉꠤ ꠙꠦꠐ ꠖꠦꠅꠀ ꠅꠁꠍꠦ।” ꠈꠥꠛ ꠡꠥꠘ꠆ꠖꠞ ꠇꠕꠣ, ꠅꠁꠟꠦ ꠀꠟ꠆ꠟꠣꠄ ꠔ ꠁ ꠖꠥꠁꠅꠔꠣꠃ ꠛꠤꠘꠣꠡ ꠇꠞꠤꠟꠤꠛꠣ। ꠝꠘꠅ ꠞꠣꠈꠤꠅ, ꠡꠞꠤꠟ ꠔ ꠎꠤꠘꠣ ꠇꠞꠣꠞ ꠟꠣꠉꠤ ꠘꠣꠄ ꠛꠞꠋ ꠝꠣꠟꠤꠇ ꠁꠍꠣꠞ ꠟꠣꠉꠤꠃ, ꠀꠞ ꠝꠣꠟꠤꠇ ꠁꠍꠣ ꠡꠞꠤꠟꠞ ꠟꠣꠉꠤ।

Injil 7: 1-Korintia 7:28

ꠅꠁꠟꠦ ꠛꠤꠀ ꠇꠞꠟꠦ ꠇꠥꠘꠥ ꠉꠥꠘꠣ ꠅꠁꠔ ꠘꠣꠄ, ꠀꠞ ꠇꠥꠘꠥ ꠀꠛꠤꠀꠔꠤ ꠙꠥꠠꠤ ꠛꠤꠀ ꠛꠁꠟꠦ ꠔꠣꠁꠞꠅ ꠉꠥꠘꠣ ꠅꠁꠔ ꠘꠣꠄ। ꠈꠣꠟꠤ ꠎꠉꠔꠅ ꠔꠣꠞꠣꠞ ꠇꠡ꠆ꠐ ꠛꠣꠠꠤꠛ, ꠅꠃ ꠇꠡ꠆ꠐ ꠕꠣꠇꠤ ꠀꠝꠤ ꠔꠥꠝꠞꠣꠞꠦ ꠛꠣꠌꠣꠁꠔꠣꠝ ꠌꠣꠁꠞꠣꠝ।

Injil 7: 1-Korintia 8:8

ꠀꠍꠟꠦ ꠇꠥꠘꠥ ꠘꠝꠥꠘꠣꠞ ꠈꠣꠘꠤꠞ ꠛꠟꠦꠃ ꠀꠝꠞꠣ ꠀꠟ꠆ꠟꠣꠞ ꠖꠞꠛꠣꠞꠅ ꠇꠛꠥꠟ ꠅꠁ ꠘꠣ। ꠈꠣꠘꠤ ꠘꠣ ꠈꠣꠁꠟꠦꠅ ꠀꠝꠞꠣꠞ ꠁꠝꠣꠘꠞ ꠈꠦꠔꠤ ꠅꠄ ꠘꠣ, ꠀꠞ ꠈꠣꠁꠟꠦꠅ ꠇꠥꠘꠥ ꠟꠣꠜ ꠅꠄ ꠘꠣ।

Injil 12: Kolosia 2:16

ꠄꠞꠟꠣꠉꠤꠃ ꠡꠤꠘ꠆ꠘꠤ-ꠍꠈꠣꠔ, ꠙꠥꠎꠣ-ꠙꠡꠣꠖ ꠅꠝꠣꠛꠁꠡ꠆ꠡꠣ-ꠙꠥꠘ꠆ꠘꠤꠝꠣ, ꠁꠖ ꠛꠣ ꠎꠥꠝ꠆ꠝꠣꠛꠣꠞꠞ ꠘꠤꠅꠝ-ꠇꠣꠘꠥꠘ ꠟꠁꠀ ꠔꠥꠝꠞꠣꠞꠦ ꠖꠥꠡꠤ ꠇꠞꠣꠞ ꠄꠈꠔꠤꠀꠞ ꠇꠦꠃꠞꠞ ꠘꠣꠁ।

Injil 12: Kolosia 3:17

ꠔꠥꠝꠞꠣ ꠝꠥꠈꠖꠤ ꠎꠦꠔꠣ ꠝꠣꠔ ꠀꠞ ꠡꠞꠤꠟ ꠖꠤꠀ ꠎꠔꠔꠣ ꠇꠞ, ꠁꠔꠣ ꠢꠎꠞꠔ ꠁꠍꠣꠞ ꠘꠣꠝꠦ ꠇꠞꠅ, ꠔꠣꠘ ꠃꠍꠤꠟ꠆ꠟꠣ ꠟꠁꠀ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠡꠥꠇꠞꠤꠀ ꠎꠣꠘꠣꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:4

ꠀꠟ꠆ꠟꠣ ꠙꠣꠇꠞ ꠈꠤꠀꠟ ꠅꠁꠟ, ꠎꠣꠔꠦ ꠢꠇꠟ ꠝꠣꠘꠡꠦ ꠘꠣꠎꠣꠔ ꠙꠣꠁꠘ, ꠀꠞ ꠀꠟ-ꠝꠍꠤꠞ ꠔꠞꠤꠇꠣꠞ ꠢꠇ꠆ꠇꠟꠔꠣ ꠡꠥꠟ꠆ꠟꠀꠘꠣ ꠛꠥꠎꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:4

ꠀꠟ꠆ꠟꠣꠞ ꠙꠄꠖꠣ ꠇꠞꠣ ꠢꠇꠟ ꠎꠤꠘꠤꠡꠃ ꠜꠣꠟꠣ। ꠢꠣꠞꠣꠝ ꠝꠘꠅ ꠇꠞꠤꠀ ꠇꠥꠘꠥꠔꠣ ꠛꠣꠖ ꠖꠦꠅꠀ ꠑꠤꠇ ꠘꠣꠄ, ꠛꠞꠋ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠀ ꠈꠣꠅꠀ ꠎꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:14

ꠄꠞꠟꠣꠉꠤ ꠀꠝꠤ ꠅꠃ ꠘꠍꠤꠅꠔ ꠇꠞꠤꠀꠞ, ꠎꠥꠀꠘ ꠠꠣꠠꠤ ꠛꠦꠐꠤꠘ꠆ꠔꠦ ꠛꠤꠀ-ꠡꠣꠖꠤ ꠇꠞꠣꠃ ꠜꠣꠟꠣ, ꠔꠣꠞꠣ ꠢꠥꠞꠥꠔ꠆ꠔꠣꠞ ꠝꠣ ꠅꠃꠇ, ꠘꠤꠎꠞ ꠡꠋꠡꠣꠞꠞ ꠖꠦꠈꠣ-ꠢꠥꠘꠣ ꠇꠞꠃꠇ, ꠀꠞ ꠖꠥꠡꠝꠘꠞꠦ ꠇꠥꠘꠥ ꠟꠣꠈꠣꠘ ꠛꠖꠘꠣꠝ ꠉꠣꠅꠀꠞ ꠡꠥꠎꠥꠉ ꠘꠣ ꠖꠦꠃꠇ।

Injil 19: Ibrani 13:4

ꠢꠇꠟꠦꠃ ꠛꠤꠀ-ꠡꠣꠖꠤꠞꠦ ꠁꠎ꠆ꠎꠔ ꠇꠞꠤꠅ। ꠎꠣꠝꠣꠁ-ꠛꠃꠞ ꠡꠝ꠆ꠙꠞ꠆ꠇꠞꠦ ꠙꠣꠇ-ꠙꠛꠤꠔ꠆ꠞ ꠞꠣꠈꠤꠅ। ꠝꠘꠅ ꠞꠣꠈꠤꠅ, ꠀꠟ꠆ꠟꠣꠄ ꠇꠥ-ꠘꠎꠞꠤ, ꠎꠤꠘꠣꠇꠥꠞ ꠀꠞ ꠟꠥꠌ꠆ꠌꠣ ꠅꠇꠟꠞ ꠛꠤꠌꠣꠞ ꠇꠞꠛꠣ।

Injil 19: Ibrani 13:9

ꠘꠣꠘꠣꠘ ꠘꠝꠥꠘꠣꠞ ꠘꠄꠀ ꠘꠄꠀ ꠔꠣꠟꠤꠝꠦ ꠎꠣꠘꠥ ꠔꠥꠝꠞꠣꠞꠦ ꠛꠦ-ꠙꠕꠦ ꠘꠣ ꠘꠦꠄ, ꠈꠣꠘꠣ-ꠙꠤꠘꠣꠞ ꠈꠥꠐꠤꠘꠣꠐꠤ ꠛꠤꠡꠄ ꠘꠣ ꠔꠥꠇꠣꠁꠀ, ꠛꠞꠋ ꠀꠟ꠆ꠟꠣꠞ ꠞꠢꠝꠔꠞ ꠃꠙꠞꠦ ꠇꠣꠁꠝ ꠞꠅ। ꠁꠟꠣ ꠈꠥꠐꠤꠘꠣꠐꠤ ꠘꠤꠅꠝꠞ ꠃꠙꠞꠦ ꠎꠦꠞꠣ ꠜꠞꠡꠣ ꠇꠞꠔ, ꠁꠔꠣꠄ ꠔ ꠔꠣꠞꠣꠞ ꠇꠥꠘꠥ ꠟꠣꠜ ꠅꠁꠍꠦ ꠘꠣ।