ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:16 - Siloṭi Asmani Kitab (Nagri lipi)

¹⁶ ꠔꠥꠝꠣꠞ ꠘꠤꠎꠞ ꠛꠦꠙꠣꠞꠦ ꠀꠞ ꠔꠥꠝꠣꠞ ꠔꠣꠟꠤꠝꠞ ꠛꠦꠙꠣꠞꠦ ꠢꠥꠡꠤꠀꠞ ꠞꠁꠅ। ꠔꠦꠃ ꠔꠥꠝꠤ ꠘꠤꠎꠞꠦ ꠛꠣꠌꠣꠁꠛꠣꠄ, ꠀꠞ ꠎꠦꠞꠣ ꠔꠥꠝꠣꠞ ꠛꠄꠀꠘ ꠢꠥꠘꠛ, ꠔꠣꠞꠣꠞꠦꠅ ꠛꠣꠌꠣꠁꠔꠣꠄ ꠙꠣꠞꠛꠣꠄ।

ছিলটি আছমানি কিতাব (বাংলা লিপি)

¹⁶ তুমার নিজর বেয়াপারে আর তুমার তালিমর বেয়াপারে হুশিয়ার রইও। তেউ তুমি নিজরে বাচাইবায়, আর যেরা তুমার বয়ান হুনবো, তারারেও বাচাইতায় পারবায়।

Siloṭi Asmani Kitab (Latin lipi)

¹⁶ Tumar nizor befare ar tumar talimor befare hushiar roio. Teu tumi nizore basaibae, ar zera tumar boyan hunbo, tarare-o basaitae farbae.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:16 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 23:13

“ꠀꠝꠤ ꠔꠥꠝꠞꠣꠞꠦ ꠎꠦꠔꠣ ꠢꠥꠇꠥꠝ ꠖꠤꠟꠣꠝ, ꠁꠔꠣ ꠈꠥꠛ ꠢꠥꠡꠤꠀꠞ ꠅꠁꠀ ꠀꠝꠟ ꠇꠞꠤꠅ। ꠇꠥꠘꠥ ꠖꠦꠛꠔꠣꠞ ꠘꠣꠝ ꠝꠥꠈꠅ ꠟꠁꠅ ꠘꠣ, ꠁꠔꠣꠞ ꠘꠣꠝ ꠎꠣꠘꠥ ꠔꠥꠝꠞꠣꠞ ꠝꠥꠈꠅ ꠘꠣ ꠢꠥꠘꠣ ꠎꠣꠄ।

Injil 2: Markus 13:9

“ꠔꠥꠝꠞꠣ ꠘꠤꠎꠞ ꠛꠦꠙꠣꠞꠦ ꠢꠥꠡꠤꠀꠞ ꠞꠁꠅ। ꠝꠣꠘꠡꠦ ꠔꠥꠝꠞꠣꠞꠦ ꠗꠞꠤꠀ ꠛꠤꠌꠣꠞꠞ ꠀꠖꠣꠟꠔꠅ ꠡꠝꠎꠣꠁꠛ। ꠝꠍꠤꠖꠞ ꠜꠤꠔꠞꠦ ꠔꠥꠝꠞꠣꠞꠦ ꠍꠤꠋꠟꠣꠖꠤ ꠝꠣꠞꠣ ꠅꠁꠛ। ꠀꠝꠣꠞ ꠟꠣꠉꠤ ꠔꠥꠝꠞꠣꠞꠦ ꠖꠦꠡꠞ ꠞꠣꠎꠣ-ꠛꠣꠖꠡꠣꠞ ꠍꠣꠝꠘꠦ ꠘꠦꠅꠀ ꠅꠁꠛ। ꠔꠥꠝꠞꠣ ꠄꠞꠣꠞ ꠍꠣꠝꠘꠦ ꠀꠝꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠛꠣꠄ।

Injil 3: Luk 21:34

“ꠔꠥꠝꠞꠣ ꠘꠤꠎꠦ ꠢꠥꠡꠤꠀꠞ ꠞꠁꠅ, ꠎꠣꠔꠦ ꠝꠎꠣꠞ ꠝꠎꠣꠞ ꠈꠣꠘꠤ, ꠝꠖ ꠈꠣꠁꠀ ꠐꠣꠟ ꠅꠀ ꠀꠞ ꠞꠥꠎꠤ-ꠞꠥꠎꠉꠣꠞꠞ ꠘꠦꠡꠣꠄ ꠀꠃꠟꠣ-ꠎꠣꠃꠟꠣ ꠘꠣ ꠅꠅ, ꠀꠞꠘꠣꠄ ꠢꠃ ꠖꠤꠘ ꠀꠁꠀ ꠀꠈꠔꠣꠃ ꠔꠥꠝꠞꠣꠞꠦ ꠚꠣꠘ꠆ꠖꠅ ꠢꠣꠞꠣꠁꠔ ꠙꠣꠞꠦ।

Injil 5: Sahabi Nama 26:22

ꠅꠁꠟꠦ ꠀꠟ꠆ꠟꠣꠞ ꠡꠣꠁꠎ꠆ꠎꠄ ꠀꠝꠤ ꠅꠈꠘ ꠙꠞ꠆ꠎꠘ꠆ꠔ ꠐꠤꠇꠤꠀ ꠀꠍꠤ, ꠀꠞ ꠢꠥꠞꠥ-ꠛꠠ ꠢꠇꠟꠞ ꠍꠣꠝꠘꠦ ꠃꠛꠣꠁꠀ ꠡꠣꠇ꠆ꠇꠤꠅ ꠖꠤꠞꠣꠝ। ꠢꠎꠞꠔ ꠝꠥꠍꠣꠄ ꠀꠞ ꠔꠣꠝꠣꠝ ꠘꠛꠤ ꠅꠇꠟꠦ ꠎꠦꠔꠣ ꠊꠐꠤꠛ ꠇꠞꠤ ꠛꠣꠔꠣꠁꠀ ꠉꠦꠍꠂꠘ, ꠁꠔꠣꠞ ꠛꠣꠞꠣ ꠀꠝꠤ ꠇꠥꠘ꠆ꠔꠣꠃ ꠇꠁꠞꠣꠝ ꠘꠣ।

Injil 5: Sahabi Nama 6:4

ꠀꠞ ꠀꠝꠞꠣ ꠇꠣꠟꠣꠝꠞ ꠈꠦꠎꠝꠔ ꠀꠞ ꠖꠥꠀ ꠇꠞꠣꠞ ꠇꠣꠝꠅ ꠇꠣꠁꠝ ꠞꠁꠝꠥ।”

Injil 6: Ruman 11:14

ꠇꠣꠞꠘ, ꠅꠃ ꠇꠣꠝ ꠖꠦꠈꠣꠁꠀ ꠀꠝꠣꠞ ꠘꠤꠎꠞ ꠎꠣꠔꠤ ꠛꠘꠤ ꠁꠍꠞꠣꠁꠟꠞ ꠖꠤꠟꠅ ꠇꠥꠘꠥ ꠎꠣꠟꠣ ꠙꠄꠖꠣ ꠇꠞꠔꠣꠝ ꠙꠣꠞꠤ, ꠀꠞ ꠅꠃ ꠎꠣꠟꠣꠄ ꠔꠣꠞꠣꠞ ꠝꠣꠎꠞ ꠇꠤꠍꠥ ꠝꠣꠘꠡꠞ ꠎꠣꠘ ꠛꠣꠌꠣꠁꠔꠣꠝ ꠙꠣꠞꠤ।

Injil 6: Ruman 16:17

ꠅ ꠜꠣꠁ ꠅꠇꠟ, ꠔꠥꠝꠞꠣꠞꠦ ꠝꠤꠘꠔ ꠇꠞꠤ ꠇꠁꠞꠣꠝ, ꠀꠉꠦ ꠎꠦꠔꠣ ꠔꠣꠟꠤꠝ ꠙꠣꠁꠍ, ꠅꠃ ꠔꠣꠟꠤꠝꠞ ꠃꠟꠐꠣ ꠔꠣꠟꠤꠝ ꠖꠤꠀ ꠎꠦꠉꠥꠁꠘ꠆ꠔꠦ ꠖꠟꠣꠖꠟꠤ ꠀꠞ ꠛꠣꠗꠣ-ꠛꠤꠊꠘꠞ ꠎꠘꠝ ꠖꠦꠁꠘ, ꠅꠔꠣꠞ ꠛꠣꠄ ꠘꠎꠞ ꠞꠣꠈꠤꠅ, ꠔꠥꠝꠞꠣ ꠁꠔꠣꠞ ꠉꠦꠍ ꠕꠣꠇꠤ ꠢꠞꠤꠀ ꠞꠁꠅ।

Injil 6: Ruman 2:7

ꠎꠦꠞꠣ ꠗꠂꠎ꠆ꠎ ꠗꠞꠤꠀ ꠘꠦꠇ ꠇꠣꠝꠞ ꠝꠣꠎꠖꠤ ꠀꠟ꠆ꠟꠣꠁ ꠔꠣꠞꠤꠚ, ꠁꠎ꠆ꠎꠔ, ꠀꠞ ꠇ꠆ꠇꠄꠢꠤꠘ ꠎꠤꠘ꠆ꠖꠦꠉꠤ ꠔꠣꠟ꠆ꠟꠣꠡ ꠇꠞꠦ, ꠀꠟ꠆ꠟꠣꠄ ꠔꠣꠞꠣꠞꠦꠃ ꠀꠈꠦꠞꠤ ꠎꠤꠘ꠆ꠖꠦꠉꠤ ꠖꠣꠘ ꠇꠞꠛꠣ।

Injil 7: 1-Korintia 1:21

ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠀꠈꠟ ꠖꠤꠀ ꠚꠄꠍꠣꠟꠣ ꠇꠞꠍꠂꠘ, ꠎꠣꠔꠦ ꠖꠥꠘꠤꠀꠄ ꠎꠣꠘꠥ ꠔꠣꠞ ꠀꠈꠟ ꠖꠤꠀ ꠔꠣꠘꠞꠦ ꠌꠤꠘꠔ ꠘꠣ ꠙꠣꠞꠦ। ꠄꠞꠟꠣꠉꠤ ꠛꠦꠀꠈꠟꠤꠞ ꠅꠃ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠝꠣꠎꠖꠤ ꠀꠟ꠆ꠟꠣꠄ ꠝꠥꠝꠤꠘ ꠅꠇꠟꠞ ꠎꠣꠘ ꠛꠣꠌꠣꠁꠔꠣ ꠌꠣꠁꠟꠣ।

Injil 7: 1-Korintia 9:22

ꠎꠦꠞꠣ ꠇꠝꠎꠥꠞ, ꠔꠣꠞꠣꠞ ꠉꠦꠍꠦ ꠀꠝꠤ ꠇꠝꠎꠥꠞꠞ ꠟꠣꠈꠣꠘ ꠅꠁꠍꠤ, ꠔꠣꠞꠣꠞꠦꠅ ꠎꠄ ꠇꠞꠣꠞ ꠟꠣꠉꠤ। ꠛꠦꠙꠣꠞ ꠅꠁꠟ, ꠎꠦꠇꠥꠘꠥ ꠝꠘ꠆ꠔꠦ ꠇꠤꠍꠥ ꠝꠣꠘꠡꠞ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠀꠝꠤ ꠢꠇꠟ ꠡꠝꠣꠎꠞ ꠝꠘ ꠎꠥꠉꠣꠁ ꠌꠟꠤꠀꠞ।

Injil 7: 1-Korintia 9:27

ꠛꠞꠋ ꠀꠝꠤ ꠘꠤꠎꠞ ꠡꠞꠤꠟꠞꠦ ꠇꠡ꠆ꠐ ꠖꠤꠀ ꠉꠥꠟꠣꠝꠞ ꠟꠣꠈꠣꠘ ꠞꠣꠈꠍꠤ, ꠎꠣꠔꠦ ꠅꠁꠘ꠆ꠘꠞ ꠉꠦꠍꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤꠀ ꠢꠣꠞꠤ, ꠙꠥꠞꠥꠡ꠆ꠇꠣꠞ ꠕꠣꠇꠤ ꠘꠤꠎꠦ ꠛꠣꠖ ꠘꠣ ꠙꠠꠤ।

Injil 10: Ifisia 4:14

ꠔꠦꠃ ꠀꠝꠞꠣ ꠀꠞ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠞꠁꠔꠣꠝ ꠘꠣꠄ। ꠝꠣꠘꠡꠦ ꠡꠄꠔꠣꠘꠤ ꠀꠈꠟ ꠈꠣꠐꠣꠁꠀ ꠛꠦ-ꠙꠕꠦ ꠘꠤꠛꠣꠞ ꠟꠣꠉꠤ ꠝꠣꠘꠡꠞꠦ ꠎꠦ ꠜꠥꠟ ꠔꠣꠟꠤꠝ ꠖꠦꠄ, ꠅꠃ ꠜꠥꠟ ꠔꠣꠟꠤꠝꠦ ꠎꠣꠘꠥ ꠀꠝꠞꠣꠞꠦ ꠙꠣꠘꠤꠞ ꠀꠃꠟꠣ-ꠎꠣꠃꠟꠣ ꠓꠦꠃꠞ ꠟꠣꠈꠣꠘ ꠖꠥ-ꠖꠤꠟꠣ ꠘꠣ ꠛꠣꠘꠣꠄ।

Injil 12: Kolosia 4:17

ꠀꠞ꠆ꠈꠤꠙꠣꠍꠞꠦ ꠅꠈꠣꠘ ꠇꠁꠅ, “ꠝꠣꠟꠤꠇꠞ ꠈꠦꠎꠝꠔꠅ ꠔꠥꠝꠣꠞꠦ ꠎꠦ ꠇꠣꠝ ꠖꠦꠅꠀ ꠅꠁꠍꠦ, ꠅꠃ ꠇꠣꠝ ꠡꠦꠡ ꠇꠞꠣꠞ ꠘꠤꠅꠔꠦ ꠝꠘ ꠖꠤꠀ ꠇꠣꠝ ꠇꠞꠅ।”

ইঞ্জিল ১৩: ১-থিষল: 2:16

ꠔꠣꠞꠣ ꠀꠝꠞꠣꠞꠦ ꠘꠤꠡꠦꠗ ꠖꠤꠞꠣ, ꠎꠣꠔꠦ ꠜꠤꠘ-ꠗꠞ꠆ꠝꠤ ꠝꠣꠘꠡꠞ ꠉꠦꠍꠦ ꠀꠝꠞꠣ ꠀꠟ꠆ꠟꠣꠁ ꠘꠣꠎꠣꠔꠞ ꠈꠥꠡ-ꠈꠛꠞꠤ ꠔꠛꠟꠤꠉ ꠘꠣ ꠇꠞꠤ। ꠅꠃ ꠟꠣꠈꠣꠘ ꠔꠣꠞꠣ ꠎꠣꠞꠎꠤꠞ ꠉꠥꠘꠣꠞ ꠛꠥꠏꠣ ꠛꠠ ꠇꠞꠞꠣ। ꠄꠞꠟꠣꠉꠤ ꠔꠣꠞꠣꠞ ꠃꠙꠞꠦ ꠀꠟ꠆ꠟꠣꠞ ꠈꠣꠠꠣ ꠉꠎꠛ ꠟꠣꠝꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:3

ꠅ ꠔꠤꠝꠕꠤ, ꠀꠝꠤ ꠝꠣꠇꠤꠖꠘꠤꠀ ꠖꠦꠡꠅ ꠎꠣꠅꠀꠞ ꠛꠣꠟꠣ ꠔꠥꠝꠣꠞꠦ ꠇꠁꠍꠟꠣꠝ, ꠅꠈꠘ ꠢꠤꠞꠛꠣꠞ ꠝꠤꠘꠔꠤ ꠇꠞꠤ ꠇꠁꠞꠣꠝ, ꠢꠥꠘꠅ, ꠔꠥꠝꠤ ꠁꠚꠤꠍ ꠐꠣꠃꠘꠅꠃ ꠞꠅ, ꠞꠁꠀ ꠅꠘꠞ ꠅꠟꠣ ꠇꠤꠍꠥ ꠝꠥꠟ꠆ꠟꠣꠁꠘ꠆ꠔꠞꠦ ꠢꠥꠇꠥꠝ ꠖꠦꠅ, ꠔꠣꠞꠣ ꠎꠣꠘꠥ ꠝꠣꠘꠡꠞꠦ ꠀꠞ ꠜꠥꠟ ꠔꠣꠟꠤꠝ ꠘꠣ ꠖꠦꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:15

ꠁꠔꠣ ꠛꠦꠙꠣꠞꠦ ꠈꠤꠀꠟꠤ ꠅꠅ, ꠘꠤꠎꠞꠦ ꠅꠔꠣꠞ ꠝꠣꠎꠦ ꠙꠥꠞꠣꠙꠥꠞ ꠒꠥꠛꠣꠁꠀ ꠞꠣꠈꠅ, ꠔꠦꠃ ꠢꠇꠟꠞ ꠌꠈꠥꠔ ꠙꠠꠛ ꠔꠥꠝꠤ ꠀꠉꠦꠖꠤ ꠀꠉꠥꠀꠁꠞꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:6

ꠅ ꠔꠤꠝꠕꠤ, ꠔꠥꠝꠤ ꠎꠥꠖꠤ ꠅꠃ ꠔꠣꠟꠤꠝ ꠅꠇꠟ ꠝꠥꠝꠤꠘ ꠜꠣꠁꠀꠁꠘꠞꠦ ꠛꠥꠎꠣꠁꠀ ꠖꠦꠅ, ꠔꠦ ꠁꠍꠣꠄꠁ ꠁꠝꠣꠘꠞ ꠎꠦ ꠢꠇ ꠀꠞ ꠘꠤꠞꠜꠥꠟ ꠔꠣꠟꠤꠝ ꠝꠣꠘꠤꠀ ꠌꠟꠞꠣꠄ, ꠁ ꠛꠦꠙꠣꠞꠦ ꠔꠥꠝꠤ ꠙꠣꠇꠣ-ꠙꠥꠇ꠆ꠔ ꠅꠁꠀ ꠀꠟ-ꠝꠍꠤꠞ ꠄꠇꠎꠘ ꠃꠙꠎꠥꠇ꠆ꠔ ꠈꠣꠖꠤꠝ ꠅꠁꠛꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:10

ꠀꠟ꠆ꠟꠣꠄ ꠎꠦꠞꠣꠞꠦ ꠙꠍꠘ꠆ꠖ ꠇꠞꠤꠀ ꠀꠟꠉ ꠇꠞꠍꠂꠘ, ꠔꠣꠞꠣꠞ ꠟꠣꠉꠤ ꠀꠝꠤ ꠢꠇ꠆ꠇꠟꠔꠣ ꠡꠁꠎ꠆ꠎ ꠇꠞꠤꠀꠞ, ꠎꠣꠔꠦ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠔꠣꠞꠣ ꠘꠣꠎꠣꠔ ꠙꠣꠁꠘ, ꠟꠉꠦ ꠌꠤꠞꠇꠣꠟꠤꠘ ꠉꠃꠞꠛ-ꠝꠢꠤꠝꠣꠅ ꠙꠣꠁꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:14

ꠔꠦ ꠔꠥꠝꠤ ꠎꠦꠔꠣ ꠔꠣꠟꠤꠝ ꠙꠣꠁꠍ, ꠙꠣꠁꠀ ꠖꠤꠟꠦ-ꠎꠣꠘꠦ ꠄꠇꠤꠘ ꠇꠞꠍ, ꠄꠞ ꠃꠙꠞꠦ ꠕꠤꠞ ꠕꠣꠇꠅ, ꠇꠣꠞꠘ ꠔꠥꠝꠤ ꠘꠤꠎꠦ ꠎꠣꠘ, ꠁ ꠔꠣꠟꠤꠝ ꠇꠣꠞ ꠉꠦꠍ ꠕꠣꠇꠤ ꠙꠣꠁꠍ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:2

ꠔꠥꠝꠤ ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠇꠞꠅ, ꠡꠝꠄ-ꠅꠡꠝꠄ ꠇꠥꠘ꠆ꠔꠣ ꠘꠣꠁ, ꠢꠣꠝꠦꠡꠣ ꠔꠛꠟꠤꠉ ꠇꠞꠅ, ꠈꠥꠛ ꠛꠦꠡꠤ ꠗꠂꠎ꠆ꠎ ꠗꠞꠤꠀ ꠔꠣꠟꠤꠝ ꠖꠦꠅ ꠀꠞ ꠝꠣꠘꠡꠞ ꠅꠙꠞꠣꠗ ꠖꠦꠈꠣꠁ ꠖꠦꠅ, ꠔꠣꠞꠣꠞꠦ ꠢꠥꠡꠤꠀꠞ ꠇꠞꠅ ꠀꠞ ꠛꠥꠎꠣꠅ।

Injil 17: Titas 1:9

ꠀꠟ꠆ꠟꠣ ꠙꠣꠇꠞ ꠎꠦ ꠢꠇ ꠇꠣꠟꠣꠝ ꠔꠣꠟꠤꠝ ꠙꠣꠁꠍꠂꠘ, ꠔꠣꠁꠘ ꠁꠔꠣꠞꠦ ꠝꠎꠛꠥꠔ ꠇꠞꠤ ꠗꠞꠤꠀ ꠞꠣꠈꠂꠘ, ꠀꠞ ꠑꠤꠇ ꠅꠃ ꠟꠣꠈꠣꠘ ꠈꠣꠐꠤ ꠔꠣꠟꠤꠝ ꠔꠛꠟꠤꠉ ꠇꠞꠔꠣ ꠙꠣꠞꠂꠘ। ꠄꠞꠟꠉꠦ ꠎꠦꠞꠣ ꠔꠣꠘ ꠛꠤꠙꠇ꠆ꠇꠦ ꠀꠍꠦ, ꠔꠣꠞꠣꠞ ꠜꠥꠟ-ꠛꠦꠀꠈꠟꠤꠅ ꠗꠞꠣꠁ ꠖꠦꠁꠘ।

Injil 17: Titas 2:15

ꠔꠥꠝꠤ ꠙꠥꠞꠣꠙꠥꠞ ꠛꠟ ꠈꠣꠐꠣꠁꠀ ꠅꠔꠣ ꠛꠦꠙꠣꠞꠦ ꠔꠣꠟꠤꠝ ꠖꠦꠅ, ꠝꠣꠘꠡꠞꠦ ꠘꠍꠤꠅꠔ ꠇꠞꠅ ꠀꠞ ꠔꠣꠞꠣꠞ ꠖꠥꠡ-ꠇꠍꠥꠞꠤ ꠖꠦꠈꠣꠁꠀ ꠖꠦꠅ। ꠔꠥꠝꠣꠞꠦ ꠢꠦꠄ ꠇꠞꠣꠞ ꠡꠥꠎꠥꠉ ꠇꠦꠃꠞꠞꠦ ꠖꠤꠅ ꠘꠣ।

Injil 17: Titas 2:7

ꠔꠥꠝꠤ ꠔꠣꠞꠣꠞ ꠉꠦꠍꠦ ꠢꠇꠟ ꠘꠝꠥꠘꠣꠞ ꠘꠦꠇ ꠇꠣꠝꠞ ꠘꠤꠡꠣꠘꠣ ꠅꠅ। ꠢꠇ ꠘꠤꠅꠔꠦ ꠀꠞ ꠖꠣꠄ-ꠖꠣꠄꠁꠔ꠆ꠔ ꠟꠁꠀ ꠔꠣꠟꠤꠝ ꠖꠦꠅ।

ꠁꠘ꠆ꠎꠤꠟ ১৮: ꠚꠤꠟꠤꠝꠘ 1:19

ꠀꠝꠤ ꠙꠣꠃꠟꠥꠍꠦ ꠘꠤꠎꠞ ꠀꠔꠦ ꠟꠦꠈꠤꠀ ꠎꠣꠘꠣꠁꠞꠣꠝ, ꠔꠥꠝꠣꠞ ꠙꠣꠅꠘꠣ ꠀꠝꠤ ꠖꠤꠟꠣꠁꠝꠥ। ꠀꠍꠟꠦ ꠀꠝꠤ ꠇꠁꠔꠣꠝ ꠌꠣꠁꠞꠣꠝ ꠘꠣ ꠎꠦ, ꠔꠥꠝꠣꠞ ꠘꠤꠎꠞ ꠎꠣꠘꠞ ꠟꠣꠉꠤꠃ ꠔꠥꠝꠤ ꠀꠝꠣꠞ ꠉꠦꠍꠦ ꠞꠤꠘꠤ ꠀꠍ।

Injil 19: Ibrani 12:15

ꠢꠥꠡꠤꠀꠞ ꠞꠁꠅ, ꠎꠣꠔꠦ ꠇꠦꠃ ꠀꠟ꠆ꠟꠣꠞ ꠞꠢꠝꠔ ꠕꠣꠇꠤ ꠛꠣꠖ ꠘꠣ ꠙꠠꠅ। ꠈꠤꠀꠟ ꠞꠣꠈꠤꠅ, ꠔꠥꠝꠞꠣꠞ ꠝꠣꠎꠞ ꠇꠦꠃ ꠎꠣꠘꠥ ꠛꠤꠡꠣꠇ꠆ꠔ ꠔꠤꠔ꠆ꠔꠣ ꠉꠣꠍꠞ ꠎꠠꠞ ꠟꠣꠈꠣꠘ ꠛꠣꠞ ꠅꠁꠀ ꠘꠣ ꠍꠣꠔꠣꠄ, ꠀꠞ ꠛꠃꠔ ꠝꠣꠘꠡꠞꠦ ꠘꠣꠙꠣꠇ ꠘꠣ ꠛꠣꠘꠣꠄ।

Injil 19: Ibrani 13:9

ꠘꠣꠘꠣꠘ ꠘꠝꠥꠘꠣꠞ ꠘꠄꠀ ꠘꠄꠀ ꠔꠣꠟꠤꠝꠦ ꠎꠣꠘꠥ ꠔꠥꠝꠞꠣꠞꠦ ꠛꠦ-ꠙꠕꠦ ꠘꠣ ꠘꠦꠄ, ꠈꠣꠘꠣ-ꠙꠤꠘꠣꠞ ꠈꠥꠐꠤꠘꠣꠐꠤ ꠛꠤꠡꠄ ꠘꠣ ꠔꠥꠇꠣꠁꠀ, ꠛꠞꠋ ꠀꠟ꠆ꠟꠣꠞ ꠞꠢꠝꠔꠞ ꠃꠙꠞꠦ ꠇꠣꠁꠝ ꠞꠅ। ꠁꠟꠣ ꠈꠥꠐꠤꠘꠣꠐꠤ ꠘꠤꠅꠝꠞ ꠃꠙꠞꠦ ꠎꠦꠞꠣ ꠜꠞꠡꠣ ꠇꠞꠔ, ꠁꠔꠣꠄ ꠔ ꠔꠣꠞꠣꠞ ꠇꠥꠘꠥ ꠟꠣꠜ ꠅꠁꠍꠦ ꠘꠣ।

Injil 20: Iakub 5:20

ꠔꠦ ꠎꠣꠘꠤꠅ, ꠎꠦ ꠝꠣꠘꠡꠦ ꠇꠥꠘꠥ ꠉꠥꠘꠣꠉꠣꠞꠞꠦ ꠛꠦ-ꠙꠕ ꠕꠘꠦ ꠚꠤꠞꠣꠁꠀ ꠀꠘꠦ, ꠢꠦ ꠅꠃ ꠉꠥꠘꠣꠉꠣꠞꠞ ꠎꠣꠘ ꠛꠣꠌꠣꠄ ꠀꠞ ꠔꠣꠞ ꠉꠥꠘꠣ ꠛꠦꠡꠤ ꠅꠁꠟꠦꠅ ꠝꠣꠚꠤ ꠙꠣꠄ॥