ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:14 - Siloṭi Asmani Kitab (Nagri lipi)

¹⁴ ꠝꠘꠅ ꠞꠣꠈꠤꠅ, ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠦ ꠔꠥꠝꠣꠞ ꠃꠙꠞꠦ ꠀꠔ ꠞꠣꠈꠤꠀ, ꠘꠛꠤꠞ ꠟꠣꠈꠣꠘ ꠉꠣꠁꠛꠤ ꠛꠥꠟꠤ ꠝꠣꠔꠤꠀ ꠔꠥꠝꠣꠞꠦ ꠈꠦꠟꠣꠚꠔꠤ ꠖꠤꠍꠂꠘ, ꠔꠦ ꠔꠥꠝꠤ ꠁ ꠘꠤꠀꠝꠔꠞꠦ ꠄꠟꠣꠝꠤ ꠇꠞꠤꠅ ꠘꠣ।

ছিলটি আছমানি কিতাব (বাংলা লিপি)

¹⁴ মনো রাখিও, জমাতর মুরব্বি অকলে তুমার উপরে আত রাখিয়া, নবীর লাখান গাইবি বুলি মাতিয়া তুমারে খেলাফতি দিছইন, তে তুমি ই নিয়ামতরে এলামি করিও না।

Siloṭi Asmani Kitab (Latin lipi)

¹⁴ Mono rakio, zomator murobbi oḳole tumar ufre at rakia, nobir laḳan gaibi buli matia tumare ḳelafoti disoin, te tumi i niamotre elami korio na.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:14 Iomraidhean Croise

Injil 5: Sahabi Nama 11:30

ꠀꠞ ꠘꠤꠅꠔ ꠝꠣꠚꠤꠇ ꠇꠣꠝꠅ ꠔꠣꠞꠣ ꠇꠞꠟꠣ, ꠔꠣꠞꠣ ꠛꠣꠞ꠆ꠘꠣꠛꠣꠍ ꠀꠞ ꠡꠃꠟꠞ ꠀꠔꠣꠘꠦ ꠄꠢꠥꠖꠤꠀꠞ ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠞ ꠉꠦꠍꠦ ꠡꠣꠁꠎ꠆ꠎ ꠙꠣꠑꠣꠁꠟꠣ।

Injil 5: Sahabi Nama 13:3

ꠔꠦꠃ ꠄꠞꠣ ꠞꠥꠎꠣ ꠞꠣꠈꠤꠀ, ꠢꠃ ꠖꠥꠁꠅꠎꠘꠞ ꠃꠙꠞꠦ ꠀꠔ ꠕꠁꠀ ꠖꠥꠀ ꠇꠞꠤꠀ ꠛꠤꠖꠣꠄ ꠖꠤꠟꠣ।

Injil 5: Sahabi Nama 19:6

ꠛꠣꠖꠦ ꠙꠣꠃꠟꠥꠍꠦ ꠔꠣꠞꠣꠞ ꠃꠙꠞꠦ ꠀꠔ ꠞꠣꠈꠟꠦ ꠔꠣꠞꠣ ꠙꠣꠇ ꠞꠥꠢꠥ ꠙꠣꠁꠟꠣ, ꠔꠦꠃ ꠄꠞꠣ ꠘꠣꠘꠣꠘ ꠉꠣꠁꠛꠤ ꠜꠣꠡꠣꠄ ꠝꠣꠔꠤꠟꠣ ꠀꠞ ꠙꠤꠞꠣꠇꠤ ꠝꠣꠔ ꠝꠣꠔꠣ ꠗꠞꠟꠣ।

Injil 5: Sahabi Nama 22:5

ꠁꠔꠣ ꠔ ꠙꠞꠗꠣꠘ ꠁꠝꠣꠝ ꠍꠣꠛ ꠀꠞ ꠖꠦꠡꠞ ꠚꠔꠥꠀ ꠇꠝꠤꠐꠤꠞ ꠢꠇ꠆ꠇꠟ ꠝꠄ-ꠝꠥꠞꠛ꠆ꠛꠤ ꠅꠇꠟꠦꠅ ꠜꠣꠟꠣ ꠇꠞꠤ ꠎꠣꠘꠂꠘ। ꠀꠝꠤ ꠔꠣꠞꠣꠞ ꠉꠦꠍ ꠕꠣꠇꠤ ꠌꠤꠑꠤ ꠟꠁꠀ, ꠖꠣꠝꠦꠡ꠆ꠇ ꠡꠢꠞꠞ ꠀꠝꠞꠣꠞ ꠜꠣꠁꠀꠁꠘꠞꠦ ꠖꠤꠛꠣꠞ ꠟꠣꠉꠤ ꠞꠅꠀꠘꠣ ꠅꠁꠍꠟꠣꠝ। ꠢꠘꠅ ꠎꠦꠞꠣ ꠁꠍꠣꠞ ꠔꠞꠤꠇꠣꠔ ꠀꠁꠍꠟꠣ, ꠔꠣꠞꠣꠞꠦ ꠛꠘ꠆ꠖꠤ ꠇꠞꠤꠀ ꠎꠦꠞꠥꠎꠣꠟꠦꠝꠅ ꠀꠘꠤꠀ ꠡꠣꠎꠣ ꠖꠦꠅꠀꠞ ꠟꠣꠉꠤ ꠢꠘꠅ ꠎꠣꠅꠀꠔ ꠀꠍꠟꠣꠝ।

Injil 5: Sahabi Nama 6:6

ꠛꠣꠖꠦ ꠔꠣꠞꠣ ꠅꠃ ꠡꠣꠔ ꠎꠘꠞꠦ ꠍꠣꠢꠣꠛꠤ ꠅꠇꠟꠞ ꠉꠦꠍꠦ ꠟꠁꠀ ꠀꠁꠟꠦ, ꠍꠣꠢꠣꠛꠤ ꠅꠇꠟꠦ ꠖꠥꠀ ꠇꠞꠤꠀ ꠔꠣꠞꠣꠞ ꠃꠙꠞꠦ ꠀꠔ ꠞꠣꠈꠟꠣ।

Injil 5: Sahabi Nama 8:17

ꠙꠤꠔꠞ ꠀꠞ ꠢꠣꠘ꠆ꠘꠣꠘꠦ ꠔꠣꠞꠣꠞ ꠃꠙꠞꠦ ꠀꠔ ꠞꠣꠈꠟꠣ, ꠔꠦꠃ ꠔꠣꠞꠣ ꠙꠣꠇ ꠞꠥꠢꠥ ꠙꠣꠁꠟꠣ।

ইঞ্জিল ১৩: ১-থিষল: 5:19

ꠙꠣꠇ ꠞꠥꠢꠥꠞꠦ ꠖꠤꠟꠞ ꠜꠤꠔꠞ ꠕꠣꠇꠤ ꠘꠤꠜꠣꠁꠅ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:18

ꠅ ꠝꠣꠄꠀꠞ ꠙꠥꠔ ꠔꠤꠝꠕꠤ, ꠔꠥꠝꠣꠞ ꠛꠦꠙꠣꠞꠦ ꠀꠉꠦ ꠎꠦꠔꠣ ꠛꠣꠔꠥꠘꠤ ꠝꠣꠔ ꠝꠣꠔꠣ ꠅꠁꠍꠤꠟ, ꠅꠃ ꠝꠣꠚꠤꠇ ꠀꠝꠤ ꠔꠥꠝꠣꠞꠦ ꠝꠤꠘꠔ ꠇꠞꠤ ꠇꠁꠞꠣꠝ, ꠔꠥꠝꠤ ꠁꠔꠣ ꠝꠘꠅ ꠞꠣꠈꠤꠀ ꠀꠟ-ꠝꠍꠤꠞ ꠟꠣꠉꠤ ꠖꠤꠟꠦ-ꠎꠣꠘꠦ ꠟꠣꠠꠣꠁ ꠇꠞꠣꠔ ꠞꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:15

ꠁꠔꠣ ꠛꠦꠙꠣꠞꠦ ꠈꠤꠀꠟꠤ ꠅꠅ, ꠘꠤꠎꠞꠦ ꠅꠔꠣꠞ ꠝꠣꠎꠦ ꠙꠥꠞꠣꠙꠥꠞ ꠒꠥꠛꠣꠁꠀ ꠞꠣꠈꠅ, ꠔꠦꠃ ꠢꠇꠟꠞ ꠌꠈꠥꠔ ꠙꠠꠛ ꠔꠥꠝꠤ ꠀꠉꠦꠖꠤ ꠀꠉꠥꠀꠁꠞꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:17

ꠎꠝꠣꠔꠞ ꠎꠦ ꠙꠞꠗꠣꠘ ꠝꠥꠞꠛ꠆ꠛꠤ ꠅꠇꠟꠦ ꠎꠝꠣꠔꠞꠦ ꠜꠣꠟꠣꠝꠘ꠆ꠔꠦ ꠌꠣꠟꠣꠁꠘ, ꠈꠣꠍ ꠇꠞꠤ ꠎꠦꠞꠣ ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠀꠞ ꠔꠣꠟꠤꠝ ꠖꠦꠅꠀꠞ ꠟꠣꠉꠤ ꠝꠦꠘꠔ ꠇꠞꠂꠘ, ꠔꠣꠞꠣ ꠒꠣꠛꠥꠟ ꠁꠎ꠆ꠎꠔ ꠙꠣꠅꠀ ꠎꠞꠥꠞ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:19

ꠝꠘꠅ ꠞꠣꠈꠤꠅ, ꠖꠥꠁ ꠛꠣ ꠔꠤꠘ ꠎꠘ ꠡꠣꠇ꠆ꠇꠤꠞ ꠇꠕꠣ ꠍꠣꠠꠣ, ꠎꠝꠣꠔꠞ ꠝꠥꠞꠛ꠆ꠛꠤꠞ ꠛꠤꠞꠥꠖ꠆ꠖꠦ ꠇꠥꠘꠥ ꠘꠣꠟꠤꠡ ꠡꠝꠎꠤꠅ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:22

ꠌꠐ ꠇꠞꠤ ꠇꠦꠃꠞꠞꠦ ꠈꠦꠟꠣꠚꠔꠤ ꠖꠤꠀ, ꠇꠥꠘꠥ ꠙꠖꠅ ꠛꠅꠀꠁꠟ ꠇꠞꠤꠅ ꠘꠣ। ꠅꠁꠘ꠆ꠘ ꠝꠣꠘꠡꠦ ꠎꠦꠛꠟꠣ ꠉꠥꠘꠣꠞ ꠇꠣꠝ ꠇꠞꠦ, ꠔꠥꠝꠤ ꠔꠣꠞꠣꠞ ꠟꠉꠦ ꠡꠞꠤꠇ ꠅꠁꠅ ꠘꠣ, ꠘꠤꠎꠞꠦ ꠘꠤꠈꠥꠔ ꠞꠣꠈꠤꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:12

ꠁꠝꠣꠘꠤ ꠟꠣꠠꠣꠁ ꠇꠞꠣꠔ ꠞꠅ। ꠀꠈꠦꠞꠣꠔꠞ ꠎꠦ ꠎꠤꠘ꠆ꠖꠦꠉꠤꠞ ꠟꠣꠉꠤ ꠀꠟ꠆ꠟꠣ ꠙꠣꠇꠦ ꠔꠥꠝꠣꠞꠦ ꠖꠣꠅꠔ ꠖꠤꠍꠂꠘ, ꠢꠃ ꠎꠤꠘ꠆ꠖꠦꠉꠤꠞꠦ ꠔꠥꠝꠤ ꠝꠎꠛꠥꠔ ꠇꠞꠤ ꠗꠞꠅ। ꠔꠥꠝꠤ ꠔ ꠁꠝꠣꠘꠤ ꠡꠣꠇ꠆ꠇꠤ ꠖꠤꠍꠟꠣꠄ ꠛꠃꠔ ꠝꠣꠘꠡꠞ ꠍꠣꠝꠘꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:6

ꠄꠞꠟꠣꠉꠤ ꠅꠈꠘ ꠔꠥꠝꠣꠞꠦ ꠝꠘꠅ ꠇꠞꠣꠁ ꠖꠤꠞꠣꠝ, ꠀꠝꠤ ꠔꠥꠝꠣꠞ ꠡꠞꠤꠟꠅ ꠀꠔ ꠞꠣꠈꠤꠀ ꠈꠦꠟꠣꠚꠔꠤ ꠖꠦꠅꠀꠄ, ꠀꠟ꠆ꠟꠣꠄ ꠔꠥꠝꠣꠞꠦ ꠎꠦ ꠈꠣꠍ ꠘꠤꠀꠝꠔ ꠖꠣꠘ ꠇꠞꠍꠂꠘ, ꠁ ꠀꠉꠥꠁꠘ ꠎꠣꠟꠣꠁꠀ ꠔꠥꠟꠅ।