ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:13 - Siloṭi Asmani Kitab (Nagri lipi)

¹³ ꠀꠞ ꠀꠝꠤ ꠀꠁꠛꠣꠞ ꠀꠉ ꠙꠞ꠆ꠎꠘ꠆ꠔ ꠔꠥꠝꠤ ꠝꠥꠝꠤꠘ ꠅꠇꠟꠞꠦ ꠙꠣꠇ ꠇꠣꠟꠣꠝ ꠔꠤꠟꠣꠅꠔ ꠇꠞꠣ, ꠡꠥ-ꠙꠞꠣꠝꠤꠡ ꠖꠦꠅꠀ, ꠀꠞ ꠔꠣꠟꠤꠝ ꠖꠦꠅꠀꠔ ꠟꠣꠉꠣꠁꠟ ꠞꠁꠅ।

ছিলটি আছমানি কিতাব (বাংলা লিপি)

¹³ আর আমি আইবার আগ পর্যন্ত তুমি মুমিন অকলরে পাক কালাম তিলাওত করা, সু-পরামিশ দেওয়া, আর তালিম দেওয়াত লাগাইল রইও।

Siloṭi Asmani Kitab (Latin lipi)

¹³ Ar ami aibar ag forzonto tumi mumin oḳolre Pak Kalam tilaot ḳora, shu-foramish deoa, ar talim deoat lagail roio.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:13 Iomraidhean Croise

Injil 4: Hannan 5:39

“ꠀꠙꠘꠣꠞꠣ ꠔ ꠈꠥꠛ ꠝꠘ ꠖꠤꠀ ꠀꠍꠝꠣꠘꠤ ꠇꠤꠔꠣꠛ ꠔꠤꠟꠣꠅꠔ ꠇꠞꠂꠘ, ꠝꠘꠅ ꠇꠞꠂꠘ ꠁꠔꠣ ꠔꠤꠟꠣꠅꠔ ꠇꠞꠟꠦ ꠀꠈꠦꠞꠤ ꠎꠤꠘ꠆ꠖꠦꠉꠤ ꠙꠣꠁꠛꠣ। ꠅꠁꠟꠦ ꠅꠃ ꠇꠤꠔꠣꠛꠦꠃ ꠔ ꠀꠝꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠦꠄ।

Injil 5: Sahabi Nama 17:11

ꠕꠤꠡꠟꠘꠤꠇꠤꠞ ꠁꠢꠥꠖꠤ ꠅꠇꠟ ꠕꠣꠇꠤ ꠛꠤꠞꠄꠀ ꠐꠣꠃꠘꠞ ꠁꠢꠥꠖꠤ ꠅꠇꠟ ꠛꠃꠔ ꠈꠥꠟꠣ-ꠝꠦꠟꠣ ꠀꠍꠟꠣ। ꠔꠣꠞꠣ ꠀꠟ꠆ꠟꠣꠞ ꠇꠣꠟꠣꠝ ꠢꠥꠘꠤꠀ ꠈꠥꠛ ꠉꠞꠎꠤ ꠅꠁꠀ ꠇꠛꠥꠟ ꠇꠞꠟꠣ, ꠀꠞ ꠙꠣꠃꠟꠥꠍꠦ ꠎꠦꠔꠣ ꠔꠣꠟꠤꠝ ꠖꠤꠞꠣ ꠁꠔꠣ ꠢꠣꠍꠣ ꠇꠤ ꠘꠣ ꠖꠦꠈꠣꠞ ꠟꠣꠉꠤ ꠔꠣꠞꠣ ꠙꠞꠔꠦꠇ ꠖꠤꠘ ꠀꠍꠝꠣꠘꠤ ꠇꠤꠔꠣꠛ ꠈꠥꠟꠤꠀ ꠝꠤꠟꠣꠁꠔꠣ।

Injil 5: Sahabi Nama 6:4

ꠀꠞ ꠀꠝꠞꠣ ꠇꠣꠟꠣꠝꠞ ꠈꠦꠎꠝꠔ ꠀꠞ ꠖꠥꠀ ꠇꠞꠣꠞ ꠇꠣꠝꠅ ꠇꠣꠁꠝ ꠞꠁꠝꠥ।”

Injil 6: Ruman 12:8

ꠃꠔꠡꠣꠢ ꠖꠤꠛꠣꠞ ꠘꠤꠀꠝꠔ ꠎꠦ ꠙꠣꠁꠍꠦ, ꠢꠦ ꠝꠣꠘꠡꠞꠦ ꠃꠔꠡꠣꠢ ꠖꠦꠃꠇ। ꠖꠣꠘ ꠇꠞꠣꠞ ꠘꠤꠀꠝꠔ ꠎꠦ ꠙꠣꠁꠍꠦ, ꠢꠦ ꠈꠣꠟꠤꠍ ꠘꠤꠅꠔꠦ ꠖꠣꠘ ꠇꠞꠃꠇ। ꠝꠥꠞꠛ꠆ꠛꠤꠀꠘꠣ ꠇꠞꠣꠞ ꠘꠤꠀꠝꠔ ꠎꠦ ꠙꠣꠁꠍꠦ, ꠢꠦ ꠖꠤꠟꠦ-ꠎꠣꠘꠦ ꠢꠇꠟꠔꠣ ꠌꠣꠟꠣꠃꠇ। ꠝꠣꠘꠡꠞꠦ ꠡꠣꠁꠎ꠆ꠎ ꠇꠞꠣꠞ ꠘꠤꠀꠝꠔ ꠎꠦ ꠙꠣꠁꠍꠦ, ꠢꠦ ꠈꠥꠡꠤ ꠝꠘꠦ ꠡꠣꠁꠎ꠆ꠎ ꠇꠞꠃꠇ।

Injil 7: 1-Korintia 14:26

ꠜꠣꠁꠀꠁꠘꠞꠦ, ꠇꠤꠔꠣ ꠅꠁꠔ? ꠔꠥꠝꠞꠣ ꠎꠦꠛꠟꠣ ꠄꠇ ꠎꠣꠉꠣꠔ ꠎꠝꠣꠔꠅ ꠖꠟꠣ ꠅꠅ, ꠅꠃ ꠡꠝꠄ ꠇꠦꠃ ꠉꠤꠔ-ꠉꠎꠟ ꠉꠣꠁꠘ, ꠇꠦꠃ ꠘꠍꠤꠅꠔ ꠇꠞꠂꠘ, ꠇꠦꠃ ꠛꠣꠔꠥꠘꠤ ꠛꠦꠙꠣꠞꠦ ꠇꠂꠘ, ꠇꠦꠃ ꠉꠣꠁꠛꠤ ꠜꠣꠡꠣꠄ ꠝꠣꠔꠂꠘ, ꠀꠞ ꠇꠦꠃ ꠁꠔꠣꠞ ꠝꠣꠘꠤ ꠛꠥꠎꠣꠁꠀ ꠖꠦꠁꠘ। ꠔꠦ ꠎꠦꠁꠘ ꠎꠦꠔꠣꠃ ꠇꠞꠂꠘ ꠘꠣ ꠇꠦꠘꠦ, ꠁꠔꠣ ꠎꠣꠘꠥ ꠎꠝꠣꠔꠞꠦ ꠉꠠꠤꠀ ꠔꠥꠟꠣꠞ ꠘꠤꠅꠔꠦ ꠅꠄ।

Injil 7: 1-Korintia 14:3

ꠅꠁꠟꠦ ꠎꠦꠁꠘ ꠙꠤꠞꠣꠇꠤ ꠝꠣꠔꠂꠘ, ꠄꠁꠘ ꠝꠣꠘꠡꠞ ꠉꠦꠍꠦꠃ ꠝꠣꠔꠂꠘ, ꠄꠘ ꠝꠣꠔꠦ ꠝꠣꠘꠡꠞ ꠎꠤꠘ꠆ꠖꠦꠉꠤꠞꠦ ꠉꠠꠤꠀ ꠔꠥꠟꠦ, ꠝꠣꠘꠡꠞ ꠖꠤꠟꠅ ꠀꠡꠣ ꠀꠞ ꠡꠣꠘ꠆ꠔꠘꠣ ꠎꠥꠉꠣꠄ।

Injil 7: 1-Korintia 14:6

ꠜꠣꠁꠀꠁꠘꠞꠦ, ꠀꠝꠤ ꠎꠥꠖꠤ ꠔꠥꠝꠞꠣꠞ ꠉꠦꠍꠦ ꠀꠁꠀ ꠈꠣꠟꠤ ꠉꠣꠁꠛꠤ ꠇꠥꠘꠥ ꠜꠣꠡꠣꠄ ꠝꠣꠔꠤ, ꠅꠁꠟꠦ ꠄꠞ ꠝꠣꠎꠖꠤ ꠀꠟ꠆ꠟꠣꠞ ꠛꠣꠔꠥꠘꠤ ꠝꠥꠘꠡꠣꠞ ꠇꠕꠣ, ꠀꠈꠟ-ꠢꠦꠇꠝꠔꠞ ꠇꠕꠣ, ꠙꠤꠞꠣꠇꠤ ꠇꠥꠘꠥ ꠝꠣꠔ ꠛꠣ ꠇꠤꠔꠣꠛꠤ ꠘꠍꠤꠅꠔ ꠘꠣ ꠎꠣꠘꠣꠁ, ꠔꠦ ꠀꠝꠣꠞꠦꠖꠤ ꠔꠥꠝꠞꠣꠞ ꠇꠥꠘꠥ ꠚꠣꠄꠖꠣ ꠅꠁꠛ ꠘꠤ?

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 17:19

ꠁꠈꠣꠘ ꠔꠣꠞ ꠘꠤꠎꠞ ꠉꠦꠍꠦ ꠞꠁꠛ, ꠔꠣꠞ ꠖꠤꠟꠅ ꠀꠟ꠆ꠟꠣ ꠝꠣꠛꠥꠖꠞ ꠒꠞ-ꠈꠚ ꠞꠣꠈꠣꠞ ꠟꠣꠉꠤ ꠅꠃ ꠔꠃꠞꠣꠔ ꠀꠞ ꠄꠞ ꠜꠤꠔꠞꠞ ꠢꠇꠟ ꠢꠥꠇꠥꠝ-ꠀꠢꠇꠣꠝ ꠙꠥꠞꠣꠙꠥꠞ ꠝꠣꠘꠤꠀ ꠌꠟꠣꠞ ꠘꠤꠅꠔꠦ, ꠢꠦ ꠎꠤꠘ꠆ꠖꠦꠉꠤꠜꠞ ꠅꠃ ꠇꠤꠔꠣꠛ ꠔꠤꠟꠣꠅꠔ ꠇꠞꠛ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:16

ꠔꠥꠝꠣꠞ ꠘꠤꠎꠞ ꠛꠦꠙꠣꠞꠦ ꠀꠞ ꠔꠥꠝꠣꠞ ꠔꠣꠟꠤꠝꠞ ꠛꠦꠙꠣꠞꠦ ꠢꠥꠡꠤꠀꠞ ꠞꠁꠅ। ꠔꠦꠃ ꠔꠥꠝꠤ ꠘꠤꠎꠞꠦ ꠛꠣꠌꠣꠁꠛꠣꠄ, ꠀꠞ ꠎꠦꠞꠣ ꠔꠥꠝꠣꠞ ꠛꠄꠀꠘ ꠢꠥꠘꠛ, ꠔꠣꠞꠣꠞꠦꠅ ꠛꠣꠌꠣꠁꠔꠣꠄ ꠙꠣꠞꠛꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:6

ꠅ ꠔꠤꠝꠕꠤ, ꠔꠥꠝꠤ ꠎꠥꠖꠤ ꠅꠃ ꠔꠣꠟꠤꠝ ꠅꠇꠟ ꠝꠥꠝꠤꠘ ꠜꠣꠁꠀꠁꠘꠞꠦ ꠛꠥꠎꠣꠁꠀ ꠖꠦꠅ, ꠔꠦ ꠁꠍꠣꠄꠁ ꠁꠝꠣꠘꠞ ꠎꠦ ꠢꠇ ꠀꠞ ꠘꠤꠞꠜꠥꠟ ꠔꠣꠟꠤꠝ ꠝꠣꠘꠤꠀ ꠌꠟꠞꠣꠄ, ꠁ ꠛꠦꠙꠣꠞꠦ ꠔꠥꠝꠤ ꠙꠣꠇꠣ-ꠙꠥꠇ꠆ꠔ ꠅꠁꠀ ꠀꠟ-ꠝꠍꠤꠞ ꠄꠇꠎꠘ ꠃꠙꠎꠥꠇ꠆ꠔ ꠈꠣꠖꠤꠝ ꠅꠁꠛꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:15

ꠔꠥꠝꠤ ꠔ ꠢꠥꠞꠥꠝꠣꠘ ꠕꠘꠦꠃ ꠀꠟ꠆ꠟꠣꠞ ꠇꠣꠟꠣꠝꠞ ꠔꠣꠟꠤꠝ ꠙꠣꠁꠍ, ꠀꠞ ꠅꠃ ꠇꠣꠟꠣꠝꠦꠃ ꠔꠥꠝꠣꠞꠦ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠣꠞ ꠃꠍꠤꠟ꠆ꠟꠣꠄ, ꠘꠣꠎꠣꠔ ꠢꠣꠍꠤꠟꠞ ꠙꠕ ꠛꠣꠔꠣꠁ ꠖꠤꠛ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:2

ꠔꠥꠝꠤ ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠇꠞꠅ, ꠡꠝꠄ-ꠅꠡꠝꠄ ꠇꠥꠘ꠆ꠔꠣ ꠘꠣꠁ, ꠢꠣꠝꠦꠡꠣ ꠔꠛꠟꠤꠉ ꠇꠞꠅ, ꠈꠥꠛ ꠛꠦꠡꠤ ꠗꠂꠎ꠆ꠎ ꠗꠞꠤꠀ ꠔꠣꠟꠤꠝ ꠖꠦꠅ ꠀꠞ ꠝꠣꠘꠡꠞ ꠅꠙꠞꠣꠗ ꠖꠦꠈꠣꠁ ꠖꠦꠅ, ꠔꠣꠞꠣꠞꠦ ꠢꠥꠡꠤꠀꠞ ꠇꠞꠅ ꠀꠞ ꠛꠥꠎꠣꠅ।

Injil 17: Titas 2:15

ꠔꠥꠝꠤ ꠙꠥꠞꠣꠙꠥꠞ ꠛꠟ ꠈꠣꠐꠣꠁꠀ ꠅꠔꠣ ꠛꠦꠙꠣꠞꠦ ꠔꠣꠟꠤꠝ ꠖꠦꠅ, ꠝꠣꠘꠡꠞꠦ ꠘꠍꠤꠅꠔ ꠇꠞꠅ ꠀꠞ ꠔꠣꠞꠣꠞ ꠖꠥꠡ-ꠇꠍꠥꠞꠤ ꠖꠦꠈꠣꠁꠀ ꠖꠦꠅ। ꠔꠥꠝꠣꠞꠦ ꠢꠦꠄ ꠇꠞꠣꠞ ꠡꠥꠎꠥꠉ ꠇꠦꠃꠞꠞꠦ ꠖꠤꠅ ꠘꠣ।