ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:12 - Siloṭi Asmani Kitab (Nagri lipi)

¹² ꠔꠥꠝꠤ ꠎꠥꠀꠘ ꠛꠦꠐꠣ ꠝꠘꠅ ꠇꠞꠤꠀ ꠇꠦꠃ ꠎꠣꠘꠥ ꠔꠥꠝꠣꠞꠦ ꠄꠟꠣ ꠘꠣ ꠇꠞꠦ, ꠄꠞꠟꠣꠉꠤ ꠝꠣꠔ-ꠇꠕꠣꠄ, ꠌꠣꠟ-ꠌꠟꠘꠦ, ꠝꠢꠛ꠆ꠛꠔꠦ, ꠁꠝꠣꠘꠦ ꠀꠞ ꠙꠣꠇ-ꠙꠛꠤꠔ꠆ꠞꠔꠣꠄ ꠔꠥꠝꠤ ꠝꠥꠝꠤꠘ ꠅꠇꠟꠞ ꠉꠦꠍꠦ ꠄꠇꠐꠣ ꠘꠤꠡꠣꠘꠣ ꠛꠘꠤꠎꠣꠅ।

ছিলটি আছমানি কিতাব (বাংলা লিপি)

¹² তুমি জুয়ান বেটা মনো করিয়া কেউ যানু তুমারে এলা না করে, এরলাগি মাত-কথায়, চাল-চলনে, মহব্বতে, ইমানে আর পাক-পবিত্রতায় তুমি মুমিন অকলর গেছে একটা নিশানা বনিযাও।

Siloṭi Asmani Kitab (Latin lipi)

¹² Tumi zuan beṭa mono ḳoria ḳeu zanu tumare ela na ḳore, erlagi mat-ḳotae, sal-cholone, mohobbote, imane ar fak-fobitrotae tumi mumin oḳlor gese eḳṭa nishana bonizao.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:12 Iomraidhean Croise

ꠁꠘ꠆ꠎꠤꠟ ১: ꠝꠕꠤ 18:10

“ꠢꠥꠘꠅ, ꠀꠝꠤ ꠇꠁꠞꠣꠝ, ꠔꠥꠝꠞꠣ ꠅꠃ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠇꠥꠘꠥ ꠍꠣꠛꠣꠟꠞꠦꠅ ꠄꠟꠣꠝꠤ ꠇꠞꠤꠅ ꠘꠣ। ꠔꠣꠞꠣꠞ ꠚꠤꠞꠤꠡ꠆ꠔꠣ ꠅꠇꠟꠦ ꠛꠦꠢꠦꠡ꠆ꠔꠞ ꠝꠣꠎꠦ ꠢꠞ-ꠢꠣꠝꠦꠡꠣ ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠝꠥꠈ ꠖꠦꠈꠞꠣ।

Injil 7: 1-Korintia 11:1

ꠔꠦ ꠀꠝꠤ ꠎꠦꠟꠣ ꠀꠟ-ꠝꠍꠤꠞ ꠟꠣꠈꠣꠘ ꠌꠟꠤꠀꠞ, ꠔꠥꠝꠞꠣꠅ ꠅꠃꠟꠣ ꠀꠝꠣꠞ ꠟꠣꠈꠣꠘ ꠌꠟꠅ।

Injil 11: Filifia 4:8

ꠅ ꠜꠣꠁ ꠅꠇꠟ, ꠀꠝꠤ ꠢꠦꠡ-ꠝꠦꠡ ꠇꠁꠞꠣꠝ, ꠎꠦꠔꠣ ꠢꠣꠍꠣ, ꠎꠦꠔꠣ ꠃꠙꠎꠥꠇ꠆ꠔ, ꠢꠇ, ꠈꠣꠐꠤ, ꠡꠥꠘ꠆ꠖꠞ, ꠀꠞ ꠁꠎ꠆ꠎꠔ ꠙꠣꠅꠀꠞ ꠎꠥꠇꠣ, ꠝꠣꠘꠤ ꠎꠦꠔꠣ ꠜꠣꠟꠣ ꠀꠞ ꠎꠦꠔꠣꠄ ꠔꠣꠞꠤꠚ ꠅꠄ, ꠅꠃ ꠟꠣꠈꠣꠘ ꠛꠦꠙꠣꠞꠦ ꠔꠥꠝꠞꠣ ꠈꠤꠀꠟꠤ ꠅꠅ।

ইঞ্জিল ১৩: ১-থিষল: 1:6

ꠔꠥꠝꠞꠣ ꠛꠃꠔ ꠎꠥꠟꠥꠝ-ꠝꠍꠤꠛꠔꠞ ꠝꠣꠎꠦꠅ ꠙꠣꠇ ꠞꠥꠢꠥꠞ ꠖꠦꠅꠀ ꠈꠥꠡꠤꠄ ꠀꠝꠞꠣꠞ ꠔꠛꠟꠤꠉ ꠇꠛꠥꠟ ꠇꠞꠤꠀ, ꠀꠝꠞꠣꠞ ꠀꠞ ꠝꠣꠟꠤꠇꠞ ꠙꠕꠦ ꠌꠟꠞꠣꠄ।

ইঞ্জিল ১৩: ১-থিষল: 2:10

ꠀꠞ ꠔꠥꠝꠞꠣ ꠎꠦꠞꠣ ꠁꠝꠣꠘ ꠀꠘꠍ, ꠔꠥꠝꠞꠣꠞ ꠟꠉꠦ ꠔ ꠀꠝꠞꠣꠞ ꠀꠌꠣꠞ-ꠛꠦꠛꠢꠣꠞ ꠀꠍꠤꠟ ꠙꠛꠤꠔ꠆ꠞ, ꠢꠇ ꠀꠞ ꠘꠤꠈꠥꠔ। ꠔꠥꠝꠞꠣꠃ ꠁꠔꠣꠞ ꠡꠣꠇ꠆ꠇꠤ, ꠀꠞ ꠀꠟ꠆ꠟꠣ ꠙꠣꠇꠅ ꠡꠣꠇ꠆ꠇꠤ ꠀꠍꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:14

ꠀꠝꠞꠣꠞ ꠝꠥꠘꠤꠛꠦ ꠀꠝꠣꠞꠦ ꠇꠔ ꠛꠠ ꠝꠦꠢꠦꠞꠛꠣꠘꠤ ꠇꠞꠍꠂꠘ, ꠁꠍꠣ ꠀꠟ-ꠝꠍꠤꠞ ꠔꠞꠤꠇꠣ ꠇꠛꠥꠟ ꠇꠞꠟꠦ ꠎꠦ ꠁꠝꠣꠘ ꠀꠞ ꠝꠢꠛ꠆ꠛꠔ ꠙꠄꠖꠣ ꠅꠄ, ꠁꠔꠣ ꠔ ꠀꠝꠣꠞꠦ ꠙꠥꠞꠣꠙꠥꠞ ꠖꠣꠘ ꠇꠞꠍꠂꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:15

ꠔꠥꠝꠤ ꠀꠟ꠆ꠟꠣꠞ ꠈꠥꠡꠤ ꠝꠣꠚꠤꠇ ꠘꠤꠎꠞꠦ ꠙꠞꠦꠎꠉꠣꠞ ꠢꠣꠟꠔꠦ ꠔꠣꠘ ꠍꠣꠝꠘꠦ ꠀꠎꠤꠞ ꠇꠞꠅ, ꠅꠃ ꠟꠣꠈꠣꠘ ꠇꠣꠝꠟꠣ ꠛꠘꠅ, ꠎꠦ ꠇꠣꠝꠟꠣꠄ ꠀꠟ꠆ꠟꠣꠞ ꠖꠞꠛꠣꠞꠅ ꠡꠞꠝ ꠙꠣꠅꠀꠞ ꠇꠥꠘꠥ ꠇꠣꠞꠘ ꠘꠣꠁ। ꠎꠦ ꠇꠣꠝꠟꠣꠄ ꠡꠑꠤꠇ ꠜꠣꠛꠦ ꠢꠇ ꠇꠣꠟꠣꠝ ꠔꠣꠟꠤꠝ ꠖꠦꠁꠘ, ꠅꠃ ꠟꠣꠈꠣꠘ ꠅꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:22

ꠔꠤꠝꠕꠤ ꠢꠥꠡꠤꠀꠞ ꠅꠅ, ꠎꠃꠛꠘꠞ ꠛꠖ ꠈꠣꠁꠡ ꠕꠣꠇꠤ ꠔꠥꠝꠣꠞ ꠎꠣꠘ ꠛꠣꠌꠣꠅ, ꠀꠞ ꠎꠦꠞꠣ ꠈꠣꠍ ꠖꠤꠟꠦ ꠝꠣꠟꠤꠇꠞ ꠘꠣꠝ ꠟꠄ, ꠔꠣꠞꠣꠞ ꠟꠉꠦ ꠡꠞꠤꠇ ꠅꠁꠀ ꠙꠞꠦꠎꠉꠣꠞꠤ, ꠁꠝꠣꠘ, ꠝꠢꠛ꠆ꠛꠔ ꠀꠞ ꠡꠣꠘ꠆ꠔꠤꠞ ꠟꠣꠉꠤ ꠈꠤꠀꠟꠤ ꠅꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:7

ꠔꠦ ꠀꠝꠤ ꠎꠦꠔꠣ ꠛꠥꠎꠣꠁꠔꠣꠝ ꠌꠣꠁꠞꠣꠝ, ꠁꠔꠣ ꠌꠤꠘ꠆ꠔꠣ ꠇꠞꠤ ꠖꠦꠈꠅ, ꠝꠣꠟꠤꠇ ꠁꠍꠣꠄ ꠔꠥꠝꠣꠞꠦ ꠁꠔꠣ ꠢꠇꠟꠔꠣ ꠛꠥꠎꠣꠞ ꠀꠈꠟ ꠖꠤꠛꠣ।

Injil 17: Titas 2:15

ꠔꠥꠝꠤ ꠙꠥꠞꠣꠙꠥꠞ ꠛꠟ ꠈꠣꠐꠣꠁꠀ ꠅꠔꠣ ꠛꠦꠙꠣꠞꠦ ꠔꠣꠟꠤꠝ ꠖꠦꠅ, ꠝꠣꠘꠡꠞꠦ ꠘꠍꠤꠅꠔ ꠇꠞꠅ ꠀꠞ ꠔꠣꠞꠣꠞ ꠖꠥꠡ-ꠇꠍꠥꠞꠤ ꠖꠦꠈꠣꠁꠀ ꠖꠦꠅ। ꠔꠥꠝꠣꠞꠦ ꠢꠦꠄ ꠇꠞꠣꠞ ꠡꠥꠎꠥꠉ ꠇꠦꠃꠞꠞꠦ ꠖꠤꠅ ꠘꠣ।

Injil 17: Titas 2:7

ꠔꠥꠝꠤ ꠔꠣꠞꠣꠞ ꠉꠦꠍꠦ ꠢꠇꠟ ꠘꠝꠥꠘꠣꠞ ꠘꠦꠇ ꠇꠣꠝꠞ ꠘꠤꠡꠣꠘꠣ ꠅꠅ। ꠢꠇ ꠘꠤꠅꠔꠦ ꠀꠞ ꠖꠣꠄ-ꠖꠣꠄꠁꠔ꠆ꠔ ꠟꠁꠀ ꠔꠣꠟꠤꠝ ꠖꠦꠅ।

Injil 20: Iakub 3:13

ꠔꠥꠝꠞꠣꠞ ꠝꠣꠎꠦ ꠀꠈꠟ-ꠢꠦꠇꠝꠔ ꠀꠟꠣ ꠇꠦꠃ ꠀꠍꠦ ꠘꠤ? ꠕꠣꠇꠟꠦ ꠢꠦ ꠜꠣꠟꠣ ꠀꠝꠟ-ꠈꠣꠁꠍꠟꠔꠦ ꠘꠞꠝ ꠅꠁꠀ ꠅꠔꠣ ꠖꠦꠈꠣꠃꠇ।

Injil 20: Iakub 3:17

ꠅꠁꠟꠦ ꠛꠦꠢꠦꠡ꠆ꠔ ꠕꠣꠇꠤ ꠎꠦ ꠢꠦꠇꠝꠔ ꠀꠄ, ꠁꠇꠐꠣ ꠅꠁꠟ ꠈꠣꠐꠤ। ꠁꠇꠐꠣ ꠡꠣꠘ꠆ꠔꠤꠄ ꠜꠞꠣ, ꠍꠛꠞꠀꠟꠣ ꠀꠞ ꠘꠞꠝ ꠝꠤꠎꠣꠎꠤ, ꠖꠄꠀ ꠀꠞ ꠢꠇ ꠇꠣꠝꠦ ꠜꠞꠣ, ꠔꠣꠞ ꠝꠣꠎꠦ ꠇꠥꠘꠥ ꠢꠣꠞ-ꠙꠞ ꠛꠣ ꠜꠘ꠆ꠒꠣꠝꠤ ꠘꠣꠁ।

ꠁꠘ꠆ꠎꠤꠟ ২১: ১-ꠙꠤꠔꠞ 5:3

ꠔꠥꠝꠞꠣꠞ ꠀꠅꠔꠣꠄ ꠎꠦꠞꠣ ꠀꠍꠦ, ꠄꠞꠣꠞ ꠃꠙꠞꠦ ꠝꠥꠍꠖ꠆ꠖꠞꠤ ꠇꠞꠤꠅ ꠘꠣ, ꠛꠞꠋ ꠙꠣꠟꠞ ꠞꠣꠈꠣꠟꠤ ꠇꠞꠤꠀ ꠔꠣꠞꠣꠞ ꠉꠦꠍꠦ ꠘꠝꠥꠘꠣ ꠛꠘꠅ।