ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:10 - Siloṭi Asmani Kitab (Nagri lipi)

¹⁰ ꠄꠞꠟꠣꠉꠤꠃ ꠀꠝꠞꠣ ꠎꠣꠘꠦ-ꠙꠞꠣꠘꠦ ꠁꠝꠣꠘꠞ ꠝꠦꠘꠔ ꠇꠞꠤꠀꠞ ꠀꠞ ꠈꠤꠀꠟꠤ ꠅꠁꠀ ꠇꠣꠝ ꠇꠞꠤꠀꠞ। ꠇꠣꠞꠘ ꠀꠝꠞꠣ ꠔ ꠎꠤꠘ꠆ꠖꠣ ꠀꠟ꠆ꠟꠣꠞ ꠃꠙꠞꠦ ꠜꠞꠡꠣ ꠇꠞꠤ। ꠔꠣꠁꠘꠃ ꠢꠇꠟ ꠝꠣꠘꠡꠞ ꠔꠞꠣꠘꠦꠀꠟꠣ, ꠈꠣꠍ ꠇꠞꠤ ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ।

ছিলটি আছমানি কিতাব (বাংলা লিপি)

¹⁰ এরলাগিউ আমরা জানে-পরানে ইমানর মেনত করিয়ার আর খিয়ালি অইয়া কাম করিয়ার। কারন আমরা তো জিন্দা আল্লার উপরে ভরসা করি। তাইনউ হকল মানষর তরানেআলা, খাছ করি যেরা তান উপরে ইমান আনে।

Siloṭi Asmani Kitab (Latin lipi)

¹⁰ Erlagi-u amra zane-forane imanor menot ḳoriar ar kiali oia ḳam ḳoriar. Ḳaron amra to zinda Allar ufre borosha ḳori. Tain-u hoḳol manshor toraneala, ḳas ḳori zera tan ufre iman ane.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:10 Iomraidhean Croise

ꠎꠛꠥꠞ ꠡꠞꠤꠚ 118:8

ꠀꠖꠝꠞ ꠃꠙꠞꠦ ꠜꠞꠡꠣ ꠇꠞꠣ ꠕꠣꠇꠤ, ꠝꠣꠛꠥꠖꠞ ꠍꠣꠄꠀꠔ ꠀꠡꠞꠄ ꠟꠅꠀ ꠜꠣꠟꠣ।

ꠎꠛꠥꠞ ꠡꠞꠤꠚ 36:6

ꠙꠣꠠ-ꠙꠞꠛꠔꠞ ꠟꠣꠈꠣꠘ ꠃꠌꠣ ꠙꠞꠦꠎꠉꠣꠞꠤ ꠔꠥꠝꠣꠞ, ꠉꠁꠘ ꠖꠞꠤꠀꠞ ꠟꠣꠈꠣꠘ ꠔꠥꠝꠣꠞ ꠢꠇ ꠛꠤꠌꠣꠞ, ꠝꠣꠛꠥꠖꠦꠃ ꠛꠣꠌꠣꠅ ꠔ ꠡꠛ ꠝꠣꠘꠥꠡ ꠀꠞ ꠎꠣꠘꠥꠀꠞ।

ꠎꠛꠥꠞ ꠡꠞꠤꠚ 37:40

ꠝꠣꠛꠥꠖꠦ ꠡꠣꠁꠎ꠆ꠎ ꠇꠞꠤꠀ ꠘꠤꠡ꠆ꠔꠣꠞ ꠖꠦꠁꠘ ꠔꠣꠞꠣꠞꠦ, ꠔꠣꠘ ꠀꠡꠞꠄ ꠟꠅꠀꠄ ꠘꠣꠚꠞꠝꠣꠘꠞ ꠇꠛꠎꠣ ꠕꠣꠇꠤ ꠎꠣꠘꠦ ꠛꠣꠌꠣꠁꠘ ꠄꠞꠣꠞꠦ॥

ꠁꠘ꠆ꠎꠤꠟ ১: ꠝꠕꠤ 16:16

ꠍꠣꠢꠣꠛꠤ ꠍꠣꠁꠝꠘ-ꠙꠤꠔꠞꠦ ꠎꠥꠀꠙ ꠖꠤꠟꠣ, “ꠀꠙꠘꠦ ꠔ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠢꠃ ꠀꠟ-ꠝꠍꠤ ꠁꠛꠘꠥꠟ꠆ꠟꠣ, ꠎꠤꠘ꠆ꠖꠣ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ।”

ꠁꠘ꠆ꠎꠤꠟ ১: ꠝꠕꠤ 27:43

ꠢꠦ ꠔ ꠀꠟ꠆ꠟꠣꠞ ꠃꠙꠞꠦ ꠜꠞꠡꠣ ꠇꠞꠦ। ꠅꠈꠘ ꠀꠟ꠆ꠟꠣ ꠎꠥꠖꠤ ꠔꠣꠞ ꠃꠙꠞꠦ ꠈꠥꠡꠤ ꠕꠣꠇꠂꠘ, ꠔꠦ ꠔꠣꠞꠦ ꠛꠣꠌꠣꠃꠇ꠆ꠇꠣ। ꠢꠦ ꠔ ꠖꠣꠛꠤ ꠇꠞꠔ, ꠢꠦ ꠁꠛꠘꠥꠟ꠆ꠟꠣ, ꠀꠟ꠆ꠟꠣ ꠙꠣꠇꠞ ꠈꠣꠍ ꠝꠣꠄꠀꠞ ꠎꠘ।”

Injil 4: Hannan 1:29

ꠛꠣꠖꠞ ꠖꠤꠘ ꠄꠢꠤꠀ ꠘꠛꠤꠄ ꠖꠦꠈꠟꠣ ꠢꠥꠎꠥꠞ ꠁꠍꠣ ꠔꠣꠘ ꠉꠦꠍꠦ ꠀꠁꠞꠣ, ꠖꠦꠈꠤꠀ ꠇꠁꠟꠣ, “ꠅꠃ ꠖꠦꠈꠞꠣꠄ ꠘꠤ ꠀꠟ꠆ꠟꠣꠁ ꠝꠦꠠꠣ-ꠛꠣꠁꠌ꠆ꠌꠣ, ꠎꠦꠘ ꠃꠍꠤꠟ꠆ꠟꠣꠄ ꠢꠇ꠆ꠇꠟ ꠝꠣꠘꠡꠞ ꠉꠥꠘꠣꠞ ꠝꠣꠚꠤ ꠅꠄ।

Injil 4: Hannan 4:42

ꠀꠞ ꠉꠣꠃꠞ ꠝꠣꠘꠡꠦ ꠅꠃ ꠛꠦꠐꠤꠞꠦ ꠇꠁꠟꠣ, “ꠔꠥꠝꠣꠞ ꠇꠕꠣꠄ ꠀꠝꠞꠣ ꠁꠝꠣꠘ ꠀꠘꠍꠤ ꠘꠣ, ꠀꠝꠞꠣ ꠘꠤꠎꠦꠃ ꠔꠣꠘ ꠝꠣꠔ ꠢꠥꠘꠤꠀ ꠛꠥꠎꠔꠣꠝ ꠙꠣꠞꠍꠤ, ꠄꠁꠘꠃ ꠎꠉꠔꠞ ꠀꠍꠟ ꠔꠞꠣꠘꠦꠀꠟꠣ।”

Injil 4: Hannan 5:24

“ꠀꠝꠤ ꠀꠙꠘꠣꠞꠣꠞꠦ ꠢꠣꠍꠣ ꠇꠕꠣ ꠇꠁꠞꠣꠝ, ꠎꠦ ꠎꠘꠦ ꠀꠝꠣꠞ ꠇꠣꠟꠣꠝ ꠢꠥꠘꠦ ꠀꠞ ꠎꠦꠁꠘ ꠀꠝꠣꠞꠦ ꠙꠣꠑꠣꠁꠍꠂꠘ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ, ꠢꠦ ꠔ ꠀꠈꠦꠞꠤ ꠎꠤꠘ꠆ꠖꠦꠉꠤ ꠙꠣꠁꠟꠤꠍꠦ। ꠔꠣꠞꠦ ꠀꠞ ꠖꠥꠡꠤ ꠡꠣꠁꠛꠡ꠆ꠔ ꠇꠞꠣ ꠅꠁꠔ ꠘꠣꠄ। ꠢꠦ ꠔ ꠝꠃꠔ ꠕꠣꠇꠤ ꠎꠤꠘ꠆ꠖꠦꠉꠤꠔ ꠙꠣꠠꠤ ꠖꠤꠟꠣꠁꠍꠦ।

Injil 7: 1-Korintia 15:10

ꠅꠁꠟꠦ ꠅꠈꠘ ꠀꠝꠤ ꠎꠦꠟꠣ ꠅꠁꠍꠤ, ꠁꠔꠣ ꠀꠟ꠆ꠟꠣꠞ ꠞꠢꠝꠔꠦꠃ ꠅꠁꠍꠤ। ꠀꠝꠣꠞ ꠃꠙꠞꠦ ꠔꠣꠘ ꠁ ꠞꠢꠝꠔ ꠛꠦꠇꠣꠝꠣ ꠉꠦꠍꠦ ꠘꠣ, ꠀꠝꠤ ꠅꠁꠘ꠆ꠘ ꠍꠣꠢꠣꠛꠤ ꠅꠇꠟ ꠕꠣꠇꠤ ꠛꠦꠡꠤ ꠝꠦꠘꠔ ꠇꠞꠍꠤ। ꠁ ꠝꠦꠘꠔ ꠔ ꠀꠝꠤ ꠘꠤꠎꠦ ꠘꠤꠎꠦ ꠇꠞꠔꠣꠝ ꠙꠣꠞꠍꠤ ꠘꠣ, ꠛꠞꠋ ꠀꠟ꠆ꠟꠣꠞ ꠞꠢꠝꠔꠦꠃ ꠁꠔꠣ ꠇꠞꠣꠁꠍꠦ।

Injil 8: 2-Korintia 1:10

ꠄꠇ ꠛꠦꠎꠥꠁꠔꠣ ꠝꠃꠔꠞ ꠀꠔ ꠕꠣꠇꠤ ꠔꠣꠁꠘ ꠀꠝꠞꠣꠞꠦ ꠛꠣꠌꠣꠁꠍꠂꠘ, ꠀꠞ ꠅꠈꠘꠅ ꠛꠣꠌꠣꠁꠞꠣ। ꠀꠝꠞꠣ ꠔꠣꠘ ꠃꠙꠞꠦ ꠜꠞꠡꠣ ꠇꠞꠔꠣꠝ ꠙꠣꠞꠤ, ꠔꠣꠁꠘ ꠢꠣꠝꠦꠡꠣꠃ ꠀꠝꠞꠣꠞꠦ ꠅꠟꠣꠈꠣꠘ ꠛꠣꠌꠣꠁꠛꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:3

ꠁꠔꠣ ꠔ ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣꠞ ꠘꠎꠞꠅ ꠘꠦꠇ ꠇꠣꠝ, ꠁꠔꠣꠄ ꠔꠣꠁꠘ ꠈꠥꠡꠤ ꠅꠁꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:4

ꠀꠟ꠆ꠟꠣ ꠙꠣꠇꠞ ꠈꠤꠀꠟ ꠅꠁꠟ, ꠎꠣꠔꠦ ꠢꠇꠟ ꠝꠣꠘꠡꠦ ꠘꠣꠎꠣꠔ ꠙꠣꠁꠘ, ꠀꠞ ꠀꠟ-ꠝꠍꠤꠞ ꠔꠞꠤꠇꠣꠞ ꠢꠇ꠆ꠇꠟꠔꠣ ꠡꠥꠟ꠆ꠟꠀꠘꠣ ꠛꠥꠎꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:6

ꠖꠥꠘꠤꠀꠞ ꠢꠇꠟ ꠝꠣꠘꠡꠞ ꠎꠣꠘꠞ ꠛꠖꠟꠣ ꠢꠤꠡꠣꠛꠦ, ꠔꠣꠁꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠍꠂꠘ। ꠅꠃ ꠛꠦꠙꠣꠞꠦ ꠔ ꠀꠟ꠆ꠟꠣꠞ ꠑꠤꠇ ꠇꠞꠣ ꠡꠝꠄꠄ ꠡꠣꠇ꠆ꠇꠤ ꠖꠦꠅꠀ ꠅꠁꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:15

ꠎꠥꠖꠤ ꠇꠥꠘꠥ ꠇꠣꠞꠘꠦ ꠀꠝꠣꠞ ꠀꠁꠔꠦ ꠖꠦꠞꠤ ꠅꠁꠎꠣꠄ, ꠔꠦ ꠁ ꠟꠦꠈꠣ ꠙꠠꠟꠦ ꠔꠥꠝꠤ ꠛꠥꠎꠛꠣꠄ, ꠀꠟ꠆ꠟꠣꠞ ꠙꠞꠤꠛꠣꠞꠞ ꠝꠣꠘꠡꠞ ꠌꠣꠟ-ꠌꠟꠘ ꠇꠤꠟꠣ ꠅꠁꠔ। ꠁ ꠙꠞꠤꠛꠣꠞ ꠔ ꠎꠤꠘ꠆ꠖꠣ ꠀꠟ꠆ꠟꠣꠞ ꠎꠝꠣꠔ, ꠀꠟ꠆ꠟꠣꠁ ꠢꠇꠤꠇꠔꠞ ꠜꠤꠔ ꠀꠞ ꠁꠀꠘ ꠈꠥꠐꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:17

ꠢꠥꠘꠅ, ꠅꠃ ꠖꠥꠘꠤꠀꠞ ꠗꠘꠤ ꠅꠇꠟꠞꠦ ꠢꠥꠇꠥꠝ ꠖꠦꠅ, ꠔꠣꠞꠣ ꠎꠣꠘꠥ ꠛꠠꠣꠁ ꠘꠣ ꠇꠞꠂꠘ, ꠀꠞ ꠖꠥꠘꠤꠀꠛꠤ ꠅꠡ꠆ꠕꠣꠄꠁ ꠗꠘꠞ ꠃꠙꠞꠦ ꠜꠞꠡꠣ ꠘꠣ ꠇꠞꠤꠀ, ꠀꠟ꠆ꠟꠣꠞ ꠃꠙꠞꠦ ꠜꠞꠡꠣ ꠇꠞꠂꠘ। ꠀꠝꠞꠣꠞ ꠜꠣꠟꠣꠁꠞ ꠟꠣꠉꠤ ꠔꠣꠁꠘꠃ ꠢꠇꠟꠔꠣ ꠈꠥꠟꠣ ꠀꠔꠦ ꠖꠣꠘ ꠇꠞꠂꠘ।

Injil 19: Ibrani 11:26

ꠔꠣꠁꠘ ꠝꠤꠡꠞꠞ ꠢꠇ꠆ꠇꠟ ꠎꠣꠇ-ꠎꠝꠇꠞ ꠌꠣꠁꠔꠦ, ꠀꠟ-ꠝꠍꠤꠞ ꠘꠣꠝꠦ ꠖꠥꠞꠘꠣꠝ ꠢꠣꠍꠤꠟꠞꠦꠃ ꠛꠦꠡꠤ ꠝꠥꠟ꠆ꠟꠛꠣꠘ ꠝꠘꠅ ꠇꠞꠟꠣ, ꠇꠣꠞꠘ ꠔꠣꠘ ꠘꠎꠞ ꠀꠍꠤꠟ ꠛꠦꠢꠦꠡ꠆ꠔꠤ ꠙꠥꠞꠥꠡ꠆ꠇꠣꠞꠞ ꠛꠣꠄ।

Injil 19: Ibrani 13:13

ꠅꠈꠘ ꠀꠃꠇ꠆ꠇꠣ, ꠀꠝꠞꠣꠅ ꠔꠣꠘ ꠛꠖꠘꠣꠝꠞꠦ ꠘꠤꠎꠞ ꠇꠣꠘ꠆ꠖꠅ ꠟꠁꠀ ꠇꠦꠝ꠆ꠙꠞ ꠛꠣꠞꠦ ꠔꠣꠘ ꠇꠣꠘ꠆ꠖꠣꠔ ꠎꠣꠁꠉꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 1:21

ꠀꠟ꠆ꠟꠣꠄ ꠄꠘꠞꠦ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠇꠞꠤ ꠔꠥꠟꠤꠀ ꠝꠢꠤꠝꠣ ꠖꠣꠘ ꠇꠞꠍꠂꠘ ꠀꠞ ꠔꠣꠘ ꠝꠣꠎꠖꠤ ꠔꠥꠝꠞꠣ ꠀꠟ꠆ꠟꠣꠞ ꠃꠙꠞꠦ ꠁꠝꠣꠘ ꠀꠘꠍ। ꠄꠞꠟꠣꠉꠤꠃ ꠔꠥꠝꠞꠣꠞ ꠁꠝꠣꠘ ꠀꠞ ꠀꠡꠣ ꠀꠟ꠆ꠟꠣꠞ ꠃꠙꠞꠦꠃ ꠀꠍꠦ।

Injil 23: 1-Hannan 2:2

ꠎꠣꠘ ꠘꠤ ꠔꠣꠁꠘ ꠇꠤꠔꠣ ꠇꠞꠍꠂꠘ? ꠀꠝꠞꠣꠞ ꠉꠥꠘꠣꠞ ꠇꠚꠞꠣ ꠢꠤꠡꠣꠛꠦ ꠔꠣꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠍꠂꠘ। ꠈꠣꠟꠤ ꠀꠝꠞꠣꠞ ꠘꠣꠄ, ꠛꠞꠋ ꠖꠥꠘꠤꠀꠞ ꠢꠇꠟ ꠝꠣꠘꠡꠞ ꠉꠥꠘꠣꠞ ꠇꠚꠞꠣꠞ ꠟꠣꠉꠤ ꠖꠤꠍꠂꠘ।

Injil 23: 1-Hannan 4:14

ꠀꠝꠞꠣ ꠘꠤꠎꠦ ꠖꠦꠈꠍꠤ, ꠖꠦꠈꠤꠀ ꠢꠣꠞꠤ ꠅꠃ ꠡꠣꠇ꠆ꠇꠤ ꠖꠤꠞꠣꠝ, ꠎꠉꠔꠞ ꠔꠞꠣꠘꠦꠀꠟꠣ ꠇꠣꠘ꠆ꠒꠣꠞꠤ ꠢꠤꠡꠣꠛꠦ, ꠉꠣꠁꠛꠤ ꠛꠣꠚꠦ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞꠦ ꠛꠦꠎꠤꠍꠂꠘ।