ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:7 - Siloṭi Asmani Kitab (Nagri lipi)

⁷ ꠎꠝꠣꠔꠞ ꠛꠣꠁꠞꠞ ꠝꠣꠘꠡꠞ ꠉꠦꠍꠦ ꠔꠣꠘ ꠡꠥꠘꠣꠝ ꠕꠣꠇꠣ ꠖꠞꠇꠣꠞ, ꠎꠣꠔꠦ ꠀꠈꠔꠣ ꠇꠥꠘꠥ ꠛꠖꠘꠣꠝꠞ ꠜꠣꠉꠤ ꠘꠣ ꠅꠁꠘ ꠀꠞ ꠁꠛꠟꠤꠍꠞ ꠚꠣꠘ꠆ꠖꠅ ꠘꠣ ꠙꠠꠂꠘ।

ছিলটি আছমানি কিতাব (বাংলা লিপি)

⁷ জমাতর বাইরর মানষর গেছে তান সুনাম থাকা দরকার, যাতে আখতা কুনু বদনামর ভাগি না অইন আর ইবলিছর ফান্দো না পড়ইন।

Siloṭi Asmani Kitab (Latin lipi)

⁷ Zomator bairor manshor gese tan shunam taḳa dorḳar, zate aḳta kunu bodnamor bagi na oin ar Iblisor fando na foṛoin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:7 Iomraidhean Croise

Injil 2: Markus 4:11

ꠁꠍꠣꠄ ꠎꠥꠀꠙ ꠖꠤꠟꠣ, “ꠀꠟ꠆ꠟꠣꠞ ꠛꠣꠖꠡꠣꠁꠞ ꠉꠥꠙꠘ ꠞꠢꠁꠡ꠆ꠡ ꠎꠣꠘꠣꠞ ꠡꠥꠎꠥꠉ ꠔꠥꠝꠞꠣꠞꠦ ꠖꠦꠅꠀ ꠅꠁꠍꠦ, ꠅꠁꠟꠦ ꠛꠣꠁꠞꠣ ꠝꠣꠘꠡꠞ ꠉꠦꠍꠦ ꠇꠤꠌ꠆ꠍꠣꠞ ꠝꠣꠎꠖꠤ ꠇꠅꠀ ꠅꠁꠍꠦ।

Injil 5: Sahabi Nama 10:22

ꠔꠣꠞꠣ ꠇꠁꠟꠣ, “ꠡ-ꠍꠤꠙꠣꠁꠞ ꠍꠥꠛꠦꠖꠣꠞ ꠇꠞꠘꠤꠟꠥꠍꠦ ꠀꠟ꠆ꠟꠣꠞ ꠚꠤꠞꠤꠡ꠆ꠔꠣꠞ ꠢꠥꠇꠥꠝ ꠙꠣꠁꠀ ꠀꠝꠞꠣꠞꠦ ꠙꠣꠑꠣꠁꠍꠂꠘ, ꠔꠣꠁꠘ ꠄꠇꠎꠘ ꠙꠞꠦꠎꠉꠣꠞ ꠝꠣꠘꠥꠡ, ꠀꠟ꠆ꠟꠣꠞ ꠢꠥꠇꠥꠝ ꠝꠣꠚꠤꠇ ꠌꠟꠂꠘ, ꠁꠢꠥꠖꠤ ꠅꠇꠟꠦ ꠔꠣꠘꠞꠦ ꠈꠥꠛ ꠔꠣꠎꠤꠝ ꠇꠞꠂꠘ। ꠚꠤꠞꠤꠡ꠆ꠔꠣꠄ ꠔꠣꠘꠞꠦ ꠇꠁꠍꠂꠘ, ꠎꠣꠔꠦ ꠀꠙꠘꠣꠞꠦ ꠔꠣꠘ ꠛꠣꠠꠤꠔ ꠘꠦꠅꠀꠁꠀ ꠀꠙꠘꠣꠞ ꠘꠍꠤꠅꠔ ꠢꠥꠘꠂꠘ।”

Injil 5: Sahabi Nama 22:12

“ꠢꠘꠅ ꠅꠘꠘꠤꠅ ꠘꠣꠝꠞ ꠄꠇꠎꠘ ꠝꠣꠘꠥꠡ ꠀꠍꠟꠣ, ꠔꠣꠁꠘ ꠢꠎꠞꠔ ꠝꠥꠍꠣꠞ ꠡꠞꠤꠅꠔ ꠝꠣꠚꠤꠇ ꠈꠥꠛ ꠙꠞꠦꠎꠉꠣꠞ ꠝꠣꠘꠥꠡ। ꠢꠤꠈꠣꠘꠞ ꠢꠇꠟ ꠁꠢꠥꠖꠤꠞ ꠉꠦꠍꠦ ꠔꠣꠁꠘ ꠈꠥꠛ ꠁꠎ꠆ꠎꠔꠤ ꠎꠘ।

Injil 5: Sahabi Nama 6:3

ꠅꠁꠟꠦ ꠜꠣꠁ ꠅꠇꠟ, ꠔꠥꠝꠞꠣꠞ ꠝꠣꠎ ꠕꠣꠇꠤ ꠅꠃꠟꠣ ꠡꠣꠔꠎꠘ ꠡꠥꠘꠣꠝ ꠀꠟꠣ ꠝꠣꠘꠡꠞꠦ ꠙꠍꠘ꠆ꠖ ꠇꠞꠅ, ꠎꠦꠞꠣ ꠙꠣꠇ ꠞꠥꠢꠦ ꠀꠞ ꠢꠦꠇꠝꠔꠦ ꠙꠥꠞꠣ ꠇꠣꠝꠤꠀꠛ ꠀꠍꠦ, ꠀꠝꠞꠣ ꠔꠣꠞꠣꠞ ꠃꠙꠞꠦ ꠁ ꠇꠣꠝꠞ ꠎꠤꠝ꠆ꠝꠣ ꠖꠤꠟꠣꠁꠝꠥ।

Injil 7: 1-Korintia 10:32

ꠛꠘꠤ ꠁꠍꠞꠣꠁꠟ ꠛꠣ ꠜꠤꠘ ꠎꠣꠔꠤ, ꠛꠣ ꠀꠟ꠆ꠟꠣꠞ ꠎꠝꠣꠔꠞ ꠇꠥꠘꠥ ꠝꠣꠘꠡꠞ ꠙꠕꠞ ꠇꠣꠐꠣ ꠛꠘꠤꠅ ꠘꠣ।

Injil 7: 1-Korintia 5:12

ꠢꠥꠘꠅ, ꠀꠝꠣꠞ ꠅꠟꠣ ꠑꠦꠇꠣ ꠙꠠꠍꠦ ꠘꠤ, ꠁꠍꠣꠞ ꠔꠞꠤꠇꠣꠞ ꠛꠣꠁꠞꠞ ꠝꠣꠘꠡꠞ ꠛꠤꠌꠣꠞ ꠇꠞꠔꠣꠝ? ꠁꠔꠣꠞ ꠛꠤꠌꠣꠞ ꠀꠟ꠆ꠟꠣꠄꠃ ꠇꠞꠛꠣ। ꠅꠁꠟꠦ ꠔꠞꠤꠇꠣꠞ ꠜꠤꠔꠞꠞ ꠝꠣꠘꠡꠞ ꠛꠤꠌꠣꠞ ꠇꠞꠣ ꠔꠥꠝꠞꠣꠞ ꠇꠣꠝ ꠘꠣ ꠘꠤ? ꠔꠃꠞꠣꠔ ꠇꠤꠔꠣꠛꠅ ꠀꠍꠦ, “ꠢꠃ ꠘꠣꠚꠞꠝꠣꠘꠞꠦ ꠔꠥꠝꠞꠣꠞ ꠡꠝꠣꠎ ꠕꠣꠇꠤ ꠛꠣꠞ ꠇꠞꠤ ꠖꠦꠅ।”

Injil 8: 2-Korintia 6:3

ꠀꠟ-ꠝꠍꠤꠞ ꠘꠣꠝꠦ ꠀꠝꠞꠣ ꠎꠦ ꠔꠛꠟꠤꠉ ꠇꠞꠤ, ꠅꠃ ꠔꠛꠟꠤꠉꠞ ꠛꠖꠘꠣꠝ ꠘꠣ ꠅꠀꠞ ꠟꠣꠉꠤ ꠀꠝꠞꠣ ꠁꠟꠣ ꠇꠥꠘꠥ ꠇꠣꠝ ꠇꠞꠤ ꠘꠣ, ꠎꠦ ꠇꠣꠝꠦ ꠝꠣꠘꠡꠞ ꠝꠘꠅ ꠛꠣꠗꠣ ꠀꠄ।

Injil 8: 2-Korintia 8:21

ꠝꠘꠅ ꠞꠣꠈꠤꠅ, ꠀꠝꠞꠣ ꠈꠣꠟꠤ ꠝꠣꠟꠤꠇ ꠁꠍꠣꠞ ꠉꠦꠍꠦ ꠘꠣꠄ, ꠝꠣꠘꠡꠞ ꠍꠣꠝꠘꠦꠅ ꠢꠇ-ꠢꠣꠟꠣꠟꠤ ꠞꠅꠀꠞ ꠌꠦꠡ꠆ꠐꠣ ꠇꠞꠤꠀꠞ।

Injil 12: Kolosia 4:5

ꠀꠟ-ꠝꠍꠤꠞ ꠔꠞꠤꠇꠣꠞ ꠛꠣꠁꠞꠞ ꠝꠣꠘꠡꠞ ꠟꠉꠦ ꠀꠈꠟ ꠈꠣꠐꠣꠁꠀ ꠌꠟꠤꠅ, ꠀꠞ ꠔꠛꠟꠤꠉ ꠇꠞꠣꠞ ꠢꠇ꠆ꠇꠟ ꠡꠥꠎꠥꠉ ꠇꠣꠝꠅ ꠟꠣꠉꠣꠁꠅ।

ইঞ্জিল ১৩: ১-থিষল: 4:12

ꠔꠦꠃ ꠛꠣꠁꠞꠣ ꠝꠣꠘꠡꠞ ꠌꠈꠥꠔ ꠔꠥꠝꠞꠣꠞ ꠌꠣꠟ-ꠌꠟꠘ ꠜꠖ꠆ꠞ ꠅꠁꠛ, ꠀꠞ ꠅꠁꠘ꠆ꠘ ꠎꠘꠞ ꠞꠥꠎꠤꠞ ꠃꠙꠞꠦ ꠔꠥꠝꠞꠣꠞ ꠜꠞꠡꠣ ꠇꠞꠣ ꠟꠣꠉꠔ ꠘꠣꠄ।

ইঞ্জিল ১৩: ১-থিষল: 5:22

ꠀꠞ ꠢꠇꠟ ꠘꠝꠥꠘꠣꠞ ꠘꠣꠚꠞꠝꠣꠘꠤ ꠕꠣꠇꠤ ꠢꠞꠤꠀ ꠞꠁꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:6

ꠇꠥꠘꠥ ꠘꠄꠀ ꠁꠝꠣꠘꠖꠣꠞ ꠜꠣꠁ ꠎꠝꠣꠔꠞ ꠌꠣꠟꠇꠖꠣꠞ ꠅꠀ ꠑꠤꠇ ꠘꠣꠄ, ꠁꠟꠣ ꠅꠁꠟꠦ ꠔꠣꠁꠘ ꠢꠄꠔ ꠛꠠꠣꠁ-ꠛꠦꠐꠣꠉꠤꠞꠤꠄ ꠛꠣꠢꠣꠖꠥꠞꠤ ꠇꠞꠛꠣ, ꠀꠞ ꠁꠛꠟꠤꠍꠞ ꠟꠣꠉꠤ ꠑꠤꠇ ꠇꠞꠣ ꠡꠣꠎꠣꠞ ꠜꠣꠉꠤ ꠅꠁꠛꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:14

ꠄꠞꠟꠣꠉꠤ ꠀꠝꠤ ꠅꠃ ꠘꠍꠤꠅꠔ ꠇꠞꠤꠀꠞ, ꠎꠥꠀꠘ ꠠꠣꠠꠤ ꠛꠦꠐꠤꠘ꠆ꠔꠦ ꠛꠤꠀ-ꠡꠣꠖꠤ ꠇꠞꠣꠃ ꠜꠣꠟꠣ, ꠔꠣꠞꠣ ꠢꠥꠞꠥꠔ꠆ꠔꠣꠞ ꠝꠣ ꠅꠃꠇ, ꠘꠤꠎꠞ ꠡꠋꠡꠣꠞꠞ ꠖꠦꠈꠣ-ꠢꠥꠘꠣ ꠇꠞꠃꠇ, ꠀꠞ ꠖꠥꠡꠝꠘꠞꠦ ꠇꠥꠘꠥ ꠟꠣꠈꠣꠘ ꠛꠖꠘꠣꠝ ꠉꠣꠅꠀꠞ ꠡꠥꠎꠥꠉ ꠘꠣ ꠖꠦꠃꠇ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:9

ꠅꠁꠟꠦ ꠖꠥꠘꠤꠀꠔ ꠎꠦꠞꠣ ꠗꠘꠤ ꠅꠁꠔ ꠌꠣꠄ, ꠔꠣꠞꠣ ꠘꠣꠘꠣꠘ ꠘꠝꠥꠘꠣꠞ ꠙꠞꠤꠇ꠆ꠇꠣꠔ ꠀꠞ ꠚꠣꠘ꠆ꠖꠅ ꠙꠠꠦ, ꠔꠣꠞꠣꠞ ꠝꠘꠅ ꠈꠥꠛ ꠛꠖ ꠈꠣꠁꠡ ꠙꠄꠖꠣ ꠅꠄ, ꠎꠦꠔꠣꠄ ꠔꠣꠞꠣꠞ ꠎꠤꠘ꠆ꠖꠦꠉꠤꠞꠦ ꠡꠞ꠆ꠛꠘꠣꠡꠞ ꠉꠣꠔꠅ ꠚꠣꠟꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:26

ꠔꠦꠃ ꠔꠣꠞꠣ ꠌꠦꠔꠘ ꠙꠣꠁꠀ ꠁꠛꠟꠤꠍꠞ ꠚꠣꠘ꠆ꠖꠅ ꠕꠣꠇꠤ ꠎꠣꠘ ꠛꠣꠌꠣꠁꠛꠣ, ꠅꠃ ꠁꠛꠟꠤꠍꠦ ꠔꠣꠞ ꠉꠥꠟꠣꠝ ꠛꠣꠘꠣꠘꠤꠞ ꠟꠣꠉꠤ ꠄꠞꠣꠞꠦ ꠗꠞꠍꠤꠟ।

Injil 17: Titas 2:5

ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠂꠘ, ꠡꠔꠤ ꠞꠂꠘ, ꠜꠣꠟꠣ ꠡꠋꠡꠣꠞꠤ ꠅꠁꠘ, ꠖꠄꠀꠟꠥ ꠅꠁꠘ, ꠀꠞ ꠎꠣꠝꠣꠁꠞ ꠛꠣꠁꠖ꠆ꠖ ꠕꠣꠇꠂꠘ। ꠔꠦꠃ ꠀꠟ꠆ꠟꠣꠞ ꠇꠣꠟꠣꠝꠞ ꠛꠖꠘꠣꠝ ꠇꠞꠣꠞ ꠡꠥꠎꠥꠉ ꠇꠦꠃ ꠙꠣꠁꠔ ꠘꠣꠄ।

Injil 17: Titas 2:8

ꠇꠦꠃ ꠎꠣꠘꠥ ꠔꠥꠝꠣꠞ ꠎꠛꠣꠘꠞ ꠇꠥꠘꠥ ꠖꠥꠡ ꠘꠣ ꠙꠣꠄ। ꠔꠥꠝꠣꠞ ꠅꠃꠟꠣ ꠌꠣꠟ-ꠌꠟꠘ ꠖꠦꠈꠤꠀ ꠖꠥꠡꠝꠘ ꠅꠇꠟ ꠡꠞꠝꠤꠘ꠆ꠖꠣ ꠅꠁꠛꠣ ꠀꠞ ꠀꠝꠞꠣꠞ ꠛꠖꠘꠣꠝ ꠇꠞꠣꠞ ꠇꠥꠘꠥ ꠈꠥꠔ ꠙꠣꠁꠔꠣ ꠘꠣꠄ।

Injil 25: 3-Hannan 1:12

ꠎꠣꠘ ꠘꠤ, ꠢꠇꠟꠦꠃ ꠖꠤꠝꠤꠔ꠆ꠞꠤ ꠜꠣꠁꠞ ꠡꠥꠘꠣꠝ ꠉꠣꠁꠞꠣ, ꠄꠝꠘꠇꠤ ꠡ꠆ꠛꠄꠅꠋ ꠀꠟ꠆ꠟꠣꠞ ꠢꠇꠦꠅ ꠄꠘ ꠔꠣꠞꠤꠚ ꠇꠞꠞꠣ। ꠀꠝꠞꠣꠅ ꠄꠘ ꠔꠣꠞꠤꠚ ꠇꠞꠞꠣꠝ, ꠀꠞ ꠔꠥꠝꠤ ꠔ ꠎꠣꠘ ꠀꠝꠞꠣꠞ ꠝꠥꠈꠞ ꠇꠕꠣ ꠢꠣꠍꠣ।