ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:3 - Siloṭi Asmani Kitab (Nagri lipi)

³ ꠔꠣꠁꠘ ꠎꠣꠘꠥ ꠝꠖꠈꠥꠞ ꠀꠞ ꠛꠖ-ꠝꠤꠎꠣꠎꠤ ꠘꠣ ꠅꠁꠘ, ꠛꠞꠋ ꠔꠣꠘ ꠡ꠆ꠛꠜꠣꠛ ꠅꠁꠛ ꠘꠞꠝ, ꠔꠣꠁꠘ ꠎꠣꠘꠥ ꠝꠣꠁꠞ-ꠖꠣꠋꠉꠣ ꠇꠞꠞꠣ ꠛꠣ ꠐꠦꠇꠣ-ꠙꠄꠡꠣꠞ ꠟꠣꠟꠌꠤ ꠘꠣ ꠅꠁꠘ।

ছিলটি আছমানি কিতাব (বাংলা লিপি)

³ তাইন যানু মদখুর আর বদ-মিজাজি না অইন, বরং তান স্বভাব অইবো নরম, তাইন যানু মাইর-দাংগা কররা বা টেকা-পয়সার লালচি না অইন।

Siloṭi Asmani Kitab (Latin lipi)

³ Tain zanu modkur ar bod-mizazi na oin, borong tan shobab oibo norom, tain zanu mair-danga ḳorra ba ṭeḳa-foyshar lalosi na oin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:3 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 10:9

“ꠔꠥꠝꠤ ꠀꠞ ꠔꠥꠝꠣꠞ ꠙꠥꠀꠂꠘ꠆ꠔꠦ ꠀꠋꠉꠥꠞꠞ ꠡꠞꠛꠔ ꠛꠣ ꠡꠞꠣꠛ ꠈꠣꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠜꠤꠔꠞꠦ ꠢꠣꠝꠣꠁꠅ ꠘꠣ, ꠢꠣꠝꠣꠁꠟꠦꠃ ꠝꠞꠛꠣꠄ। ꠁ ꠢꠥꠇꠥꠝ ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠢꠞ-ꠢꠣꠝꠦꠡꠣ ꠝꠣꠘꠤꠅ।

ꠁꠘ꠆ꠎꠤꠟ ১: ꠝꠕꠤ 21:13

ꠔꠣꠁꠘ ꠇꠁꠟꠣ, “ꠀꠟ꠆ꠟꠣꠞ ꠇꠣꠟꠣꠝꠅ ꠛꠣꠔꠣꠁꠟ ꠅꠁꠍꠦ, ꠀꠝꠣꠞ ꠊꠞ ꠅꠁꠛ ꠄꠛꠣꠖꠔꠞ ꠊꠞ, ꠅꠁꠟꠦ ꠔꠥꠝꠞꠣ ꠁꠈꠣꠘꠞꠦ ꠒꠣꠇꠣꠁꠔꠞ ꠀꠒ꠆ꠒꠣꠈꠣꠘꠣ ꠛꠣꠘꠣꠁꠟꠤꠍ।”

Injil 5: Sahabi Nama 20:33

ꠀꠝꠤ ꠔ ꠇꠦꠃꠞꠞ ꠡꠥꠘꠣ-ꠞꠥꠙꠣ ꠛꠣ ꠇꠣꠙꠠ-ꠌꠥꠙꠠꠞ ꠛꠣꠄ ꠟꠣꠟꠌ ꠇꠞꠍꠤ ꠘꠣ।

Injil 6: Ruman 16:18

ꠇꠣꠞꠘ ꠁꠔꠣꠄ ꠀꠝꠞꠣꠞ ꠝꠣꠟꠤꠇ ꠀꠟ-ꠝꠍꠤꠞ ꠉꠥꠟꠣꠝꠤ ꠘꠣ ꠇꠞꠤꠀ, ꠔꠣꠞꠣꠞ ꠙꠦꠐꠞ ꠉꠥꠟꠣꠝꠤ ꠇꠞꠦ। ꠝꠤꠑꠣ ꠝꠤꠑꠣ ꠝꠣꠔ ꠝꠣꠔꠤꠀ ꠀꠞ ꠔꠦꠟ ꠝꠣꠟꠤꠡ ꠇꠞꠤꠀ ꠡꠞꠟ-ꠡꠥꠎꠣ ꠝꠣꠘꠡꠞꠦ ꠛꠦ-ꠙꠕꠤ ꠛꠣꠘꠣꠄ।

Injil 10: Ifisia 5:18

ꠝꠖꠞ ꠘꠤꠡꠣꠄ ꠐꠣꠟ ꠅꠁꠅ ꠘꠣ, ꠁꠔꠣꠄ ꠎꠤꠘ꠆ꠖꠦꠉꠤ ꠘꠡ꠆ꠐ ꠇꠞꠤꠟꠣꠄ। ꠛꠞꠋ ꠙꠥꠞꠣꠙꠥꠞ ꠙꠣꠇ ꠞꠥꠢꠥꠞ ꠛꠡꠦ ꠞꠅ,

ইঞ্জিল ১৩: ১-থিষল: 5:14

ꠅ ꠜꠣꠁ ꠅꠇꠟ, ꠔꠥꠝꠞꠣꠞꠦ ꠅꠃ ꠘꠍꠤꠅꠔꠈꠣꠘ ꠇꠞꠤꠀꠞ, ꠎꠦꠔꠣ ꠝꠣꠘꠥꠡ ꠇꠥꠠꠤꠀ, ꠔꠥꠝꠞꠣ ꠁꠔꠣꠞꠦ ꠢꠥꠡꠤꠀꠞ ꠇꠞꠤ ꠖꠦꠅ, ꠒꠞꠣꠟꠥꠇ ꠎꠘꠞꠦ ꠡꠣꠅꠡ ꠖꠦꠅ, ꠇꠝꠎꠥꠞ ꠅꠇꠟꠞꠦ ꠡꠣꠁꠎ꠆ꠎ ꠇꠞꠅ, ꠀꠞ ꠗꠂꠎ꠆ꠎ ꠗꠞꠤꠀ ꠢꠇ꠆ꠇꠟꠞꠦ ꠡꠁꠎ꠆ꠎ ꠇꠞꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:8

ꠅꠃꠟꠣ ꠎꠝꠣꠔꠞ ꠈꠣꠖꠤꠝ ꠅꠇꠟꠅ ꠁꠎ꠆ꠎꠔꠤ ꠀꠞ ꠄꠇ ꠇꠕꠣꠞ ꠝꠣꠘꠥꠡ ꠅꠀ ꠎꠞꠥꠞꠤ। ꠄꠞꠣ ꠎꠣꠔꠦ ꠝꠖꠈꠥꠞ ꠀꠞ ꠢꠣꠞꠣꠝ ꠟꠥꠜ-ꠟꠣꠟꠌꠤ ꠘꠣ ꠅꠁꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:2

ꠝꠣꠘꠥꠡ ꠡ꠆ꠛꠣꠞꠕꠙꠞ ꠅꠁꠎꠤꠛ, ꠐꠦꠇꠣ-ꠙꠄꠡꠣꠞ ꠟꠣꠟꠌꠤ, ꠛꠠꠣꠁ-ꠛꠦꠐꠣꠉꠤꠞꠤ ꠖꠦꠈꠣꠘꠤ, ꠝꠣꠘꠡꠞꠦ ꠄꠟꠣꠝꠤ ꠇꠞꠣ, ꠖꠥꠞꠘꠣꠝ ꠉꠣꠅꠀ, ꠝꠣ-ꠛꠣꠚꠞ ꠅꠛꠣꠁꠖ꠆ꠖ, ꠘꠤꠝꠇ-ꠢꠣꠞꠣꠝꠤ ꠇꠞꠛ ꠀꠞ ꠀꠟ꠆ꠟꠣꠞ ꠘꠣꠚꠞꠝꠣꠘꠤ ꠇꠞꠛ।

Injil 17: Titas 1:11

ꠁꠔꠣꠞ ꠝꠥꠈ ꠛꠘ꠆ꠖ ꠇꠞꠣ ꠎꠞꠥꠞ। ꠁꠔꠣꠄ ꠇꠥ-ꠙꠕꠦ ꠐꠦꠇꠣ ꠇꠣꠝꠣꠘꠤꠞ ꠀꠡꠣꠄ ꠅꠟꠣ ꠔꠣꠟꠤꠝ ꠖꠦꠁꠘ, ꠎꠦ ꠔꠣꠟꠤꠝ ꠖꠦꠅꠀ ꠔꠣꠞꠣꠞ ꠟꠣꠉꠤ ꠑꠤꠇ ꠘꠣꠄ। ꠁ ꠔꠣꠟꠤꠝ ꠖꠤꠀ ꠇꠥꠘꠥ ꠇꠥꠘꠥ ꠙꠞꠤꠛꠣꠞꠞꠦ ꠛꠤꠉꠠꠣꠁꠟꠤꠞꠣ।

Injil 17: Titas 1:7

ꠀꠟ꠆ꠟꠣꠁ ꠇꠣꠝꠞ ꠎꠤꠝ꠆ꠝꠣꠖꠣꠞꠤ ꠙꠣꠅꠀꠄ ꠎꠦꠇꠥꠘꠥ ꠌꠣꠟꠇꠖꠣꠞ ꠎꠣꠘꠥ ꠛꠖꠘꠣꠝ ꠍꠣꠠꠣ ꠘꠤꠈꠥꠔ ꠅꠁꠘ। ꠔꠣꠁꠘ ꠎꠣꠘꠥ ꠡ꠆ꠛꠂꠞꠣꠌꠣꠞ, ꠛꠖꠞꠣꠉꠤ, ꠘꠤꠡꠣꠈꠥꠞ, ꠝꠣꠞꠣ-ꠝꠣꠞꠤ ꠇꠞꠞꠣ ꠛꠣ ꠢꠣꠞꠣꠝ ꠞꠥꠎꠤ-ꠞꠥꠎꠉꠣꠞꠞ ꠟꠣꠟꠌꠤ ꠘꠣ ꠅꠁꠘ।

Injil 17: Titas 2:3

ꠅꠟꠣꠈꠣꠘ ꠝꠥꠞꠛ꠆ꠛꠤ ꠛꠦꠐꠤꠘ꠆ꠔꠞꠦꠅ ꠇꠅ, ꠔꠣꠞꠣ ꠎꠣꠘꠥ ꠙꠞꠦꠎꠉꠣꠞꠤꠞ ꠀꠖꠛ-ꠇꠣꠄꠖꠣ ꠝꠣꠘꠤꠀ ꠌꠟꠂꠘ ꠀꠞ ꠘꠦꠇꠤꠞ ꠜꠣꠛ ꠢꠤꠇꠣꠁꠘ। ꠅꠁꠘ꠆ꠘꠞ ꠛꠖꠘꠣꠝ ꠉꠣꠅꠀ, ꠛꠣ ꠘꠤꠡꠣꠈꠥꠞ ꠛꠘꠣ ꠔꠣꠞꠣꠞ ꠟꠣꠉꠤ ꠑꠤꠇ ꠘꠣꠄ।

Injil 17: Titas 3:2

ꠔꠣꠞꠣ ꠎꠣꠘꠥ ꠇꠦꠃꠞꠞ ꠛꠖꠘꠣꠝ ꠘꠣ ꠉꠣꠁꠘ, ꠇꠣꠁꠎ꠆ꠎꠣ-ꠚꠍꠣꠖ ꠘꠣ ꠇꠞꠂꠘ, ꠛꠞꠋ ꠡꠣꠘ꠆ꠔ-ꠡꠤꠡ꠆ꠐ ꠞꠁꠀ ꠢꠇꠟꠞ ꠟꠉꠦ ꠘꠞꠝ ꠛꠦꠛꠢꠣꠞ ꠇꠞꠂꠘ।

Injil 19: Ibrani 13:5

ꠖꠥꠘꠤꠀꠛꠤ ꠗꠘ-ꠍꠣꠝꠣꠘꠣꠞ ꠟꠣꠟꠌ ꠕꠣꠇꠤ ꠢꠞꠤꠀ ꠞꠁꠅ। ꠔꠥꠝꠞꠣꠞ ꠎꠦꠔꠣ ꠀꠍꠦ, ꠅꠔꠣ ꠟꠁꠀꠃ ꠈꠥꠡꠤ ꠞꠁꠅ। ꠀꠟ꠆ꠟꠣꠄ ꠛꠣꠔꠣꠁꠍꠂꠘ, ꠀꠝꠤ ꠇꠥꠘꠥꠝꠘ꠆ꠔꠦꠃ ꠔꠥꠝꠣꠞꠦ ꠍꠣꠠꠔꠣꠝ ꠘꠣꠄ, ꠇꠥꠘꠥ ꠢꠣꠟꠔꠦꠃ ꠔꠥꠝꠣꠞꠦ ꠚꠣꠟꠣꠁꠔꠣꠝ ꠘꠣꠄ।

Injil 20: Iakub 4:1

ꠔꠥꠝꠞꠣꠞ ꠝꠣꠎꠦ ꠇꠥꠀꠁ ꠕꠘꠦ ꠝꠣꠁꠞ-ꠖꠞꠛꠣꠞ ꠀꠞ ꠇꠣꠁꠎ꠆ꠎꠣ ꠙꠄꠖꠣ ꠅꠄ? ꠔꠥꠝꠞꠣꠞ ꠡꠥꠈꠞ ꠈꠣꠁꠡꠦ ꠡꠞꠤꠟꠞ ꠎꠦ ꠞꠤꠙꠥꠄ ꠟꠣꠠꠣꠁ ꠇꠞꠦ, ꠅꠉꠥ ꠕꠣꠇꠤꠃ ꠀꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 5:2

ꠀꠟ꠆ꠟꠣꠁ ꠎꠦ ꠝꠦꠠꠣꠞ ꠙꠣꠟ ꠔꠥꠝꠞꠣꠞ ꠀꠅꠔꠣꠄ ꠀꠍꠂꠘ, ꠄꠞꠣꠞ ꠞꠣꠈꠣꠟꠤ ꠇꠞꠅ। ꠔꠣꠞꠣꠞ ꠁꠝꠣꠝꠔꠤ ꠇꠞꠅ, ꠇꠞꠣ ꠟꠣꠉꠛ ꠇꠞꠤ ꠘꠣ ꠇꠞꠤꠀ ꠛꠣ ꠖꠥꠘꠤꠀꠛꠤ ꠟꠣꠜꠞ ꠀꠡꠣꠄ ꠘꠣ ꠇꠞꠤꠀ, ꠈꠥꠡ ꠖꠤꠟꠦ ꠇꠞꠅ। ꠀꠟ꠆ꠟꠣꠄ ꠔ ꠅꠟꠣ ꠁꠝꠣꠝꠔꠤꠃ ꠀꠡꠣ ꠇꠞꠂꠘ।

ꠁꠘ꠆ꠎꠤꠟ ২২: ২-ꠙꠤꠔꠞ 2:3

ꠟꠥꠜ-ꠟꠣꠟꠌ ꠇꠞꠤꠀ ꠍꠟ-ꠌꠔꠥꠞꠤꠞ ꠝꠣꠔ ꠝꠣꠔꠤꠀ, ꠘꠤꠎꠞ ꠟꠣꠜꠞ ꠀꠡꠣꠄ ꠔꠣꠞꠣ ꠔꠥꠝꠞꠣꠞꠦ ꠇꠣꠝꠅ ꠟꠣꠉꠣꠁꠛ। ꠔꠣꠞꠣꠞ ꠙꠣꠅꠘꠣ ꠡꠣꠎꠣ ꠔ ꠛꠃꠔ ꠖꠤꠘ ꠕꠣꠇꠤ ꠛꠣꠞ ꠌꠣꠞ, ꠔꠣꠞꠣꠞ ꠛꠤꠘꠣꠡꠅ ꠛꠦꠡꠤ ꠖꠦꠞꠤ ꠘꠣꠄ।

Injil 26: Ehuda 1:11

ꠁꠔꠣ ꠔ ꠟꠣꠘ꠆ꠘꠔꠤ! ꠁꠉꠥꠁꠘ ꠛꠣꠛꠣ ꠀꠖꠝꠞ ꠟꠣꠘ꠆ꠘꠔꠤ ꠙꠥꠔ ꠇꠣꠛꠤꠟꠞ ꠟꠣꠈꠣꠘ ꠛꠘꠍꠂꠘ। ꠖꠥꠘꠤꠀꠛꠤ ꠟꠣꠜꠞ ꠀꠡꠣꠄ ꠔꠣꠞꠣ ꠢꠃ ꠜꠘ꠆ꠒ ꠘꠛꠤ ꠛꠣꠟꠣꠝꠞ ꠈꠣꠁꠡꠞ ꠀꠔꠅ ꠘꠤꠎꠞꠦ ꠡꠙꠤ ꠖꠤꠍꠦ। ꠀꠞ ꠝꠥꠍꠣ ꠘꠛꠤꠞ ꠛꠣꠄ ꠛꠤꠉꠠꠤ ꠎꠣꠅꠞꠣ ꠢꠃ ꠘꠦꠔꠣ ꠇꠥꠞꠣꠢꠞ ꠟꠣꠈꠣꠘ ꠔꠣꠞꠣꠞ ꠛꠤꠘꠣꠡ ꠀꠍꠦ।

Injil 27: Zaira Kalam 1:9

ꠀꠝꠤ ꠔ ꠔꠥꠝꠞꠣꠞ ꠜꠣꠁ ꠢꠣꠘ꠆ꠘꠣꠘ, ꠢꠎꠞꠔ ꠁꠍꠣꠞ ꠃꠝ꠆ꠝꠔ ꠅꠀꠄ ꠀꠝꠤꠅ ꠔꠥꠝꠞꠣꠞ ꠟꠣꠈꠣꠘ ꠄꠇꠁ ꠇꠡ꠆ꠐ, ꠄꠇꠁ ꠛꠣꠖꠡꠣꠁ ꠀꠞ ꠄꠇꠁ ꠍꠛꠞꠞ ꠜꠣꠉꠤ ꠅꠁꠍꠤ। ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠇꠞꠣꠄ ꠀꠞ ꠁꠍꠣꠞ ꠙꠇ꠆ꠇꠦ ꠎꠛꠣꠘꠛꠘ꠆ꠖꠤ ꠖꠦꠅꠀꠄ ꠀꠝꠣꠞꠦ ꠙꠣꠔꠝꠥꠍ ꠘꠣꠝꠞ ꠖꠤꠙꠅ ꠘꠤꠀ ꠛꠘꠛꠣꠡ ꠖꠦꠅꠀ ꠅꠁꠍꠤꠟ।