ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:16 - Siloṭi Asmani Kitab (Nagri lipi)

¹⁶ ꠁꠍꠣꠄꠁ ꠁꠝꠣꠘꠞ ꠝꠣꠞꠤꠚꠔꠤ ꠇꠔ ꠝꠢꠣꠘ, ꠁꠔꠣ ꠔ ꠅꠡ꠆ꠛꠤꠇꠣꠞ ꠇꠞꠣ ꠎꠣꠄ ꠘꠣ। ꠅꠃ ꠝꠣꠞꠤꠚꠔꠤ ꠅꠃꠟꠣ ꠎꠣꠁꠞ ꠅꠁꠟ, ꠔꠣꠁꠘ ꠝꠣꠘꠥꠡ ꠍꠥꠞꠔꠦ ꠎꠣꠁꠞ ꠅꠁꠟꠣ, ꠙꠣꠇ ꠞꠥꠢꠦ ꠙꠞꠝꠣꠘ ꠅꠁꠟꠣ ꠛꠦ-ꠇꠍꠥꠞ, ꠚꠤꠞꠤꠡ꠆ꠔꠣ ꠅꠇꠟꠦ ꠔꠣꠘ ꠖꠞꠡꠘ ꠙꠣꠁꠟꠣ। ꠔꠣꠘ ꠛꠦꠙꠣꠞꠦ ꠢꠇ꠆ꠇꠟ ꠎꠣꠔꠤꠞ ꠉꠦꠍꠦ ꠔꠛꠟꠤꠉ ꠇꠞꠣ ꠅꠁꠟ, ꠀꠡ꠆ꠔꠣ ꠖꠥꠘꠤꠀꠞ ꠝꠣꠘꠡꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠟꠣ, ꠉꠃꠞꠛ-ꠝꠢꠤꠝꠣꠄ ꠔꠣꠘꠞꠦ ꠃꠙꠞꠦ ꠔꠥꠟꠤ ꠘꠦꠅꠀ ꠅꠁꠟ।

ছিলটি আছমানি কিতাব (বাংলা লিপি)

¹⁶ ইছায়ী ইমানর মারিফতি কত মহান, ইতা তো অস্বীকার করা যায় না। অউ মারিফতি অউলা জাইর অইলো, তাইন মানুষ ছুরতে জাইর অইলা, পাক রুহে পরমান অইলা বে-কছুর, ফিরিস্তা অকলে তান দরশন পাইলা। তান বেয়াপারে হক্কল জাতির গেছে তবলিগ করা অইলো, আস্তা দুনিয়ার মানষে তান উপরে ইমান আনলা, গৌরব-মহিমায় তানরে উপরে তুলি নেওয়া অইলো।

Siloṭi Asmani Kitab (Latin lipi)

¹⁶ Isayi imanor marifoti koto mohan, ita to oshikar ḳora zae na. Ou marifoti oula zair oilo, Tain manush surote zair oila, Pak Ruhe forman oila be-ḳosur, firista oḳole tan doroshon faila. Tan befare hokkol zatir gese toblig kora oilo, asta duniar manshe tan ufre iman anla, gourob-mohimae tanre ufre tuli neoa oilo.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:16 Iomraidhean Croise

ꠁꠘ꠆ꠎꠤꠟ ১: ꠝꠕꠤ 1:23

ꠝꠣꠛꠥꠖꠦ ꠛꠣꠔꠣꠁꠍꠟꠣ, “ꠢꠥꠘꠅ, ꠄꠇꠎꠘ ꠀꠛꠤꠀꠔꠤ ꠡꠔꠤ ꠘꠣꠞꠤꠞ ꠙꠦꠐꠅ ꠢꠥꠞꠥꠔ꠆ꠔꠣ ꠀꠁꠛ, ꠔꠣꠁꠘ ꠄꠇ ꠙꠥꠀꠞ ꠎꠘꠝ ꠖꠤꠛꠣ, ꠁ ꠙꠥꠀꠞꠦ ꠒꠣꠇꠣ ꠅꠁꠛ ꠁꠝ꠆ꠝꠣꠘꠥꠄꠟ।” ꠁ ꠘꠣꠝꠞ ꠝꠣꠘꠤ ꠅꠁꠟ, ꠀꠟ꠆ꠟꠣ ꠀꠝꠞꠣꠞ ꠟꠉꠦ ꠀꠍꠂꠘ।

ꠁꠘ꠆ꠎꠤꠟ ১: ꠝꠕꠤ 13:11

ꠔꠣꠁꠘ ꠇꠁꠟꠣ, “ꠛꠦꠢꠦꠡ꠆ꠔꠤ ꠛꠣꠖꠡꠣꠁꠞ ꠉꠥꠙꠘ ꠞꠢꠁꠡ꠆ꠡ ꠎꠣꠘꠣꠞ ꠡꠥꠎꠥꠉ ꠔꠥꠝꠞꠣꠞꠦ ꠖꠦꠅꠀ ꠅꠁꠍꠦ, ꠅꠁꠟꠦ ꠛꠣꠇꠤ ꠝꠣꠘꠡꠞ ꠉꠦꠍꠦ ꠁꠔꠣ ꠛꠣꠔꠥꠘꠤ ꠞꠁꠍꠦ।

ꠁꠘ꠆ꠎꠤꠟ ১: ꠝꠕꠤ 28:2

ꠅꠃ ꠡꠝꠄ ꠀꠈꠔꠣꠃ ꠛꠠ ꠄꠇ ꠜꠂꠍꠣꠟ ꠅꠁꠟ ꠀꠞ ꠀꠍꠝꠣꠘ ꠕꠣꠇꠤ ꠀꠟ꠆ꠟꠣꠞ ꠄꠇ ꠚꠤꠞꠤꠡ꠆ꠔꠣ ꠟꠣꠝꠤꠀ ꠀꠁꠟꠣ। ꠀꠁꠀ ꠔꠣꠁꠘ ꠇꠄꠛꠞꠞ ꠝꠥꠈꠞ ꠙꠣꠔ꠆ꠔꠞꠐꠣ ꠢꠞꠣꠁꠀ, ꠄꠞ ꠃꠙꠞꠦ ꠛꠁꠟꠣ।

ꠁꠘ꠆ꠎꠤꠟ ১: ꠝꠕꠤ 3:16

ꠙꠣꠇ ꠉꠥꠍꠟ ꠇꠞꠤꠀ ꠙꠣꠘꠤ ꠕꠣꠇꠤ ꠃꠑꠔꠦꠃ ꠁꠍꠣꠄ ꠖꠦꠈꠟꠣ, ꠀꠍꠝꠣꠘ ꠖꠥꠁ ꠜꠣꠉ ꠅꠁꠉꠦꠍꠦ, ꠀꠞ ꠀꠟ꠆ꠟꠣꠞ ꠞꠥꠢꠥ ꠙꠣꠞꠅꠞ ꠍꠥꠞꠔ ꠗꠞꠤꠀ ꠔꠣꠘ ꠃꠙꠞꠦ ꠟꠣꠝꠤꠀ ꠀꠁꠞꠣ।

ꠁꠘ꠆ꠎꠤꠟ ১: ꠝꠕꠤ 4:11

ꠅꠈꠣꠘ ꠢꠥꠘꠤꠀ ꠁꠛꠟꠤꠍ ꠔꠣꠘ ꠉꠦꠍ ꠕꠣꠇꠤ ꠢꠞꠤꠀ ꠉꠦꠟꠉꠤ, ꠀꠞ ꠀꠟ꠆ꠟꠣꠞ ꠚꠤꠞꠤꠡ꠆ꠔꠣ ꠅꠇꠟ ꠀꠁꠀ ꠔꠣꠘ ꠈꠦꠎꠝꠔ ꠇꠞꠟꠣ।

Injil 2: Markus 1:13

ꠅꠃ ꠝꠞꠥꠜꠥꠝꠤꠔ ꠡꠄꠔꠣꠘꠦ ꠌꠣꠟ꠆ꠟꠤꠡ ꠖꠤꠘ ꠗꠞꠤ ꠁꠍꠣꠞꠦ ꠟꠣꠟꠌ ꠖꠦꠈꠣꠁꠀ ꠉꠥꠘꠣ ꠇꠞꠣꠁꠔ ꠌꠣꠁꠟ। ꠢꠤꠘꠅ ꠎꠋꠟꠤ ꠎꠣꠘꠥꠀꠞꠞ ꠟꠉꠦ ꠔꠣꠁꠘ ꠞꠁꠟꠣ ꠀꠞ ꠀꠟ꠆ꠟꠣꠞ ꠚꠤꠞꠤꠡ꠆ꠔꠣ ꠅꠇꠟꠦ ꠔꠣꠘ ꠈꠦꠎꠝꠔ ꠇꠞꠔꠣ।

Injil 2: Markus 16:19

ꠍꠣꠢꠣꠛꠤ ꠅꠇꠟꠞ ꠟꠉꠦ ꠛꠣꠔꠌꠤꠔ ꠇꠞꠣꠞ ꠛꠣꠖꠦ ꠢꠎꠞꠔ ꠁꠍꠣꠞꠦ ꠀꠞꠡꠦ-ꠀꠎꠤꠝꠅ ꠔꠥꠟꠤꠀ ꠘꠦꠅꠀ ꠅꠁꠟ। ꠢꠘꠅ ꠔꠣꠁꠘ ꠀꠟ꠆ꠟꠣ ꠙꠣꠇꠞ ꠒꠣꠁꠘꠞ ꠔꠈ꠆ꠔꠅ ꠔꠡꠞꠤꠚ ꠞꠣꠈꠍꠂꠘ।

Injil 2: Markus 16:5

ꠛꠣꠖꠦ ꠔꠣꠞꠣ ꠇꠄꠛꠞꠅ ꠢꠣꠝꠣꠁꠀ ꠖꠦꠈꠟꠣ, ꠄꠇ ꠎꠥꠀꠘ ꠛꠦꠐꠣꠄ ꠗꠟꠣ ꠇꠣꠙꠠ ꠚꠤꠘ꠆ꠖꠤꠀ ꠒꠣꠁꠘ ꠉꠣꠟꠣꠔ ꠛꠁ ꠞꠁꠍꠂꠘ। ꠄꠘꠦ ꠖꠦꠈꠤꠀ ꠔꠣꠞꠣ ꠈꠥꠛ ꠔꠣꠁꠎ꠆ꠎꠥꠛ ꠅꠁꠉꠦꠟꠣ।

Injil 3: Luk 2:32

ꠔꠥꠝꠣꠞ ꠈꠣꠍ ꠙ꠆ꠞꠎꠣ ꠛꠘꠤ ꠁꠍꠞꠣꠁꠟꠞ ꠉꠃꠞꠛ ꠔ ꠄꠁꠘꠃ, ꠛꠣꠖ-ꠛꠣꠇꠤ ꠔꠣꠝꠣꠝ ꠎꠣꠔꠤꠞꠦꠅ ꠙꠕ ꠖꠦꠈꠣꠘꠤꠞ ꠘꠥꠞ।”

Injil 3: Luk 20:44

ꠖꠣꠃꠖꠦ ꠔ ꠀꠟ-ꠝꠍꠤꠞꠦ ꠔꠣꠘ ꠝꠥꠘꠤꠛ ꠇꠁꠀ ꠒꠣꠇꠤꠟꠣ, ꠔꠦ ꠀꠟ-ꠝꠍꠤ ꠇꠦꠝꠘꠦ ꠖꠣꠃꠖꠞ ꠀꠅꠟꠣꠖ ꠅꠁꠛꠣ?”

Injil 3: Luk 22:43

ꠔꠦꠃ ꠛꠦꠢꠦꠡ꠆ꠔ ꠕꠣꠇꠤ ꠄꠇ ꠚꠤꠞꠤꠡ꠆ꠔꠣ ꠀꠁꠀ ꠁꠍꠣꠞꠦ ꠖꠞꠡꠘ ꠖꠤꠀ ꠔꠣꠘ ꠛꠟ ꠛꠣꠠꠣꠁꠟꠣ।

Injil 3: Luk 24:4

ꠔꠦꠃ ꠔꠣꠞꠣ ꠌꠤꠘ꠆ꠔꠣꠔ ꠙꠠꠤꠉꠦꠟꠣ। ꠅꠃ ꠡꠝꠄ ꠗꠟꠣ ꠌꠇꠌꠇꠣ ꠇꠣꠙꠠ ꠚꠤꠘ꠆ꠘ ꠖꠥꠁꠎꠘ ꠀꠁꠀ ꠔꠣꠞꠣꠞ ꠇꠣꠘ꠆ꠖꠣꠔ ꠃꠛꠣꠁꠟꠣ।

Injil 3: Luk 24:51

ꠀꠞ ꠅꠃ ꠖꠥꠀꠞ ꠢꠣꠟꠔꠦꠃ ꠔꠣꠁꠘ ꠔꠣꠞꠣꠞ ꠉꠦꠍ ꠕꠘꠦ ꠀꠟꠉ ꠅꠁꠉꠦꠟꠣ, ꠔꠣꠘꠞꠦ ꠛꠦꠢꠦꠡ꠆ꠔꠅ ꠔꠥꠟꠤꠀ ꠘꠦꠅꠀ ꠅꠁꠟ।

Injil 4: Hannan 1:14

ꠅꠃ ꠇꠣꠟꠣꠝꠃ ꠝꠣꠘꠥꠡ ꠍꠥꠞꠔꠦ ꠎꠘꠝ ꠟꠁꠟꠣ ꠀꠞ ꠀꠝꠞꠣꠞ ꠝꠣꠎꠦ ꠛꠡꠔꠤ ꠇꠞꠟꠣ। ꠛꠣꠚꠞ ꠈꠣꠍ ꠀꠅꠟꠣꠖ ꠢꠤꠡꠣꠛꠦ ꠔꠣꠁꠘ ꠎꠦ ꠎꠣꠟꠣꠟ ꠀꠞ ꠝꠢꠤꠝꠣ ꠙꠣꠁꠍꠂꠘ, ꠢꠃ ꠎꠣꠟꠣꠟ ꠀꠞ ꠝꠢꠤꠝꠣ ꠀꠝꠞꠣ ꠖꠦꠈꠍꠤ। ꠔꠣꠁꠘ ꠔ ꠢꠇ ꠀꠞ ꠞꠢꠝꠔꠦ ꠡꠥꠟ꠆ꠟꠀꠘꠣ ꠇꠣꠝꠤꠟ।

Injil 4: Hannan 13:3

ꠁꠍꠣꠄ ꠎꠣꠘꠔꠣ, ꠔꠣꠘ ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠔꠣꠘ ꠀꠔꠅ ꠢꠇꠟꠔꠣ ꠡꠙꠤ ꠖꠤꠍꠂꠘ, ꠔꠣꠁꠘ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠀꠁꠍꠂꠘ ꠀꠞ ꠔꠣꠘ ꠉꠦꠍꠦꠃ ꠚꠤꠞꠤꠀ ꠎꠣꠁꠞꠣ।

Injil 4: Hannan 15:26

“ꠀꠝꠤ ꠀꠝꠣꠞ ꠉꠣꠁꠛꠤ ꠛꠣꠚꠞ ꠉꠦꠍ ꠕꠣꠇꠤ ꠎꠦ ꠡꠣꠁꠎ꠆ꠎꠉꠤꠞ ꠞꠥꠢꠥꠞꠦ ꠔꠥꠝꠞꠣꠞ ꠉꠦꠍꠦ ꠙꠣꠑꠣꠁꠝꠥ, ꠔꠣꠁꠘ ꠀꠁꠀ ꠀꠝꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠛꠣ। ꠔꠣꠁꠘ ꠅꠁꠟꠣ ꠢꠇ ꠞꠥꠢꠥ, ꠔꠣꠁꠘ ꠉꠣꠁꠛꠤ ꠛꠣꠚꠞ ꠉꠦꠍ ꠕꠣꠇꠤ ꠀꠁꠛꠣ।

Injil 4: Hannan 16:28

ꠀꠍꠟꠦ, ꠀꠝꠤ ꠀꠝꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠅꠃ ꠖꠥꠘꠤꠀꠔ ꠀꠁꠍꠤ ꠀꠞ ꠖꠥꠘꠤꠀ ꠍꠣꠠꠤꠀ ꠔꠣꠘ ꠉꠦꠍꠦꠃ ꠎꠣꠁꠞꠣꠝ।”

Injil 4: Hannan 17:5

ꠔꠦ ꠛꠣꠛꠣ, ꠖꠥꠘꠤꠀ ꠙꠄꠖꠣ ꠇꠞꠣꠞ ꠀꠉꠦ ꠔꠥꠝꠣꠞ ꠖꠞꠛꠣꠞꠅ ꠀꠝꠣꠞ ꠎꠦ ꠝꠢꠤꠝꠣ ꠀꠍꠤꠟ, ꠔꠥꠝꠣꠞ ꠉꠦꠍꠞ ꠅꠃ ꠝꠢꠤꠝꠣ ꠅꠈꠘ ꠀꠝꠣꠞꠦ ꠢꠤꠞꠛꠣꠞ ꠖꠦꠅ।

Injil 4: Hannan 20:12

ꠁꠍꠣꠞ ꠟꠣꠡ ꠎꠦꠘꠅ ꠢꠥꠔꠣꠁꠀ ꠞꠣꠈꠣ ꠅꠁꠍꠤꠟ, ꠢꠘꠅ ꠗꠟꠣ ꠇꠣꠙꠠ ꠚꠤꠘ꠆ꠘ ꠖꠥꠁꠎꠘ ꠚꠤꠞꠤꠡ꠆ꠔꠣ ꠛꠁ ꠞꠁꠍꠂꠘ, ꠄꠇꠎꠘ ꠢꠤꠔꠣꠘꠦꠖꠤ, ꠀꠞꠇ ꠎꠘ ꠙꠣꠅ ꠉꠣꠟꠣꠛꠣꠄ।

Injil 4: Hannan 6:62

ꠔꠦ ꠀꠝꠤ ꠛꠤꠘ-ꠀꠖꠝ ꠀꠉꠦ ꠎꠦ ꠎꠣꠉꠣꠔ ꠀꠍꠟꠣꠝ, ꠀꠝꠣꠞꠦ ꠎꠦꠛꠟꠣ ꠢꠘꠅ ꠃꠑꠤ ꠎꠣꠅꠀꠔ ꠖꠦꠈꠛꠣꠄ, ꠅꠃ ꠡꠝꠄ ꠔꠥꠝꠞꠣ ꠇꠤꠔꠣ ꠇꠁꠛꠣꠄ?

Injil 5: Sahabi Nama 1:19

ꠎꠦꠞꠥꠎꠣꠟꠦꠝꠞ ꠢꠇꠟ ꠝꠣꠘꠡꠦ ꠁꠔꠣ ꠢꠥꠘꠍꠤꠟ, ꠄꠞꠟꠣꠉꠤ ꠢꠇꠟꠦ ꠅꠃ ꠎꠝꠤꠘꠞꠦ ꠒꠣꠇꠂꠘ ꠀꠇꠦꠟꠖꠣꠝꠣ ꠛꠣ ꠟꠃꠞ ꠎꠝꠤꠘ। ꠙꠤꠔꠞꠦ ꠀꠞꠅ ꠇꠁꠟꠣ,

Injil 5: Sahabi Nama 10:34

ꠔꠦꠃ ꠙꠤꠔꠞꠦ ꠎꠛꠣꠘ ꠈꠥꠟꠤꠀ ꠇꠁꠟꠣ, “ꠀꠝꠤ ꠅꠈꠘ ꠢꠣꠍꠣꠞꠞ ꠛꠥꠎꠟꠣꠝ, ꠀꠟ꠆ꠟꠣꠞ ꠘꠎꠞꠅ ꠢꠇꠟꠃ ꠢꠝꠣꠘ।

Injil 5: Sahabi Nama 14:27

ꠀꠘ꠆ꠔꠤꠅꠈꠤꠀꠔ ꠙꠃꠍꠤꠀ ꠎꠝꠣꠔꠞ ꠢꠇꠟꠞꠦ ꠄꠇꠈꠣꠘꠅ ꠖꠟꠣ ꠇꠞꠟꠣ, ꠀꠞ ꠀꠟ꠆ꠟꠣꠄ ꠔꠣꠞꠣꠞ ꠁ ꠐꠣꠃꠘꠅ ꠔꠣꠞꠣꠞ ꠟꠉꠦ ꠞꠁꠀ ꠎꠦꠔꠣ ꠎꠦꠔꠣ ꠇꠣꠝ ꠅꠇꠟ ꠇꠞꠍꠂꠘ, ꠀꠞ ꠔꠣꠁꠘ ꠇꠤꠟꠣ ꠅ-ꠁꠢꠥꠖꠤ ꠅꠇꠟꠞ ꠝꠣꠎꠦ ꠁꠝꠣꠘ ꠀꠘꠣꠞ ꠖꠥꠀꠞ ꠈꠥꠟꠤꠀ ꠖꠤꠍꠂꠘ, ꠁ ꠢꠇ꠆ꠇꠟꠔꠣ ꠎꠣꠘꠣꠁꠟꠣ।

Injil 5: Sahabi Nama 20:28

ꠀꠙꠘꠣꠞꠣ ꠎꠣꠞꠎꠤꠞ ꠛꠦꠙꠣꠞꠦ ꠢꠥꠡꠤꠀꠞ ꠅꠃꠇ꠆ꠇꠣ। ꠙꠣꠇ ꠞꠥꠢꠦ ꠀꠙꠘꠣꠞꠣꠞꠦ ꠎꠦꠞꠣꠞ ꠌꠣꠟꠇꠖꠣꠞ ꠛꠣꠘꠣꠁꠍꠂꠘ, ꠔꠣꠞꠣꠞ ꠛꠦꠙꠣꠞꠦ ꠢꠥꠡꠤꠀꠞ ꠅꠃꠇ꠆ꠇꠣ। ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠎꠘꠞꠦꠖꠤ ꠎꠦꠞꠣꠞꠦ ꠈꠞꠤꠖ ꠇꠞꠍꠂꠘ, ꠢꠤ ꠎꠝꠣꠔꠞꠦ ꠙꠥꠞꠣꠙꠥꠞ ꠖꠦꠈꠣ-ꠢꠥꠘꠣ ꠇꠞꠃꠇ꠆ꠇꠣ, ꠎꠦꠟꠣ ꠞꠣꠈꠣꠟꠦ ꠔꠣꠞ ꠝꠦꠠꠣꠞ ꠙꠣꠟꠞ ꠖꠦꠈꠣ-ꠢꠥꠘꠣ ꠇꠞꠦ, ꠁꠝꠣꠝ ꠅꠁꠀ ꠀꠙꠘꠣꠞꠣꠅ ꠅꠃꠟꠣ ꠇꠞꠃꠇ꠆ꠇꠣ।

Injil 6: Ruman 10:12

ꠛꠘꠤ ꠁꠍꠞꠣꠁꠟ ꠅꠃꠇ ꠛꠣ ꠜꠤꠘ ꠎꠣꠔꠤ ꠅꠃꠇ, ꠄꠞꠣꠞ ꠝꠣꠎꠦ ꠇꠥꠘꠥ ꠔꠚꠣꠔ ꠘꠣꠁ, ꠇꠣꠞꠘ ꠢꠇꠟꠞ ꠝꠣꠟꠤꠇ ꠔ ꠄꠇꠎꠘ। ꠎꠦ ꠝꠣꠘꠡꠦ ꠀꠟ꠆ꠟꠣꠞ ꠘꠣꠝ ꠟꠄ, ꠀꠟ꠆ꠟꠣꠄ ꠔꠣꠞꠦ ꠛꠃꠔ ꠝꠦꠢꠦꠞꠛꠣꠘꠤ ꠇꠞꠂꠘ।

Injil 6: Ruman 10:18

ꠅꠁꠟꠦ ꠀꠝꠤ ꠇꠁꠞꠣꠝ, ꠛꠘꠤ ꠁꠍꠞꠣꠁꠟ ꠅꠇꠟꠦ ꠁ ꠇꠣꠟꠣꠝ ꠢꠥꠘꠍꠦ ꠘꠣ ꠘꠤ? ꠘꠤꠌ꠆ꠌꠄ ꠢꠥꠘꠍꠦ। ꠙꠣꠇ ꠇꠣꠟꠣꠝꠦ ꠇꠄ, ꠔꠣꠞꠣꠞ ꠀꠅꠀꠎ ꠔ ꠢꠣꠞꠣ ꠖꠥꠘꠤꠀꠁꠔ ꠍꠤꠔ꠆ꠞꠤ ꠉꠦꠍꠦ, ꠍꠤꠔ꠆ꠞꠤ ꠉꠦꠍꠦ ꠔꠣꠞꠣꠞ ꠝꠣꠔ-ꠇꠕꠣ, ꠖꠥꠘꠤꠀꠞ ꠄꠇ ꠝꠣꠕꠣ ꠕꠣꠇꠤ ꠀꠞꠇ ꠝꠣꠕꠣ ꠙꠞ꠆ꠎꠘ꠆ꠔ।

Injil 6: Ruman 16:25

ꠀꠟꠢꠣꠝꠖꠥꠟꠤꠟ꠆ꠟꠣ, ꠀꠝꠤ ꠙꠣꠃꠟꠥꠍꠦ ꠁꠍꠣ ꠀꠟ-ꠝꠍꠤꠞ ꠛꠦꠙꠣꠞꠦ ꠎꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤ, ꠀꠟ꠆ꠟꠣ ꠙꠣꠇꠞ ꠈꠦꠝꠔꠣ ꠀꠍꠦ ꠅꠃ ꠈꠥꠡ-ꠈꠛꠞꠤꠞ ꠃꠍꠤꠟ꠆ꠟꠣꠄ ꠔꠥꠝꠞꠣꠞꠦ ꠁꠝꠣꠘꠦ ꠕꠤꠞ ꠞꠣꠈꠣ। ꠝꠘꠅ ꠞꠣꠈꠤꠅ, ꠛꠃꠔ ꠎꠝꠣꠘꠣ ꠗꠞꠤ ꠀꠟ꠆ꠟꠣꠄ ꠔꠣꠘ ꠁ ꠛꠣꠔꠥꠘꠤ ꠝꠥꠘꠡꠣꠞ ꠇꠕꠣ ꠟꠥꠇꠣꠁ ꠞꠣꠈꠍꠤꠟꠣ,

Injil 6: Ruman 16:26

ꠅꠁꠟꠦ ꠅꠈꠘ ꠁꠔꠣ ꠖꠥꠘꠤꠀꠞ ꠢꠇꠟ ꠎꠣꠔꠤꠞ ꠉꠦꠍꠦ ꠎꠣꠁꠞ ꠅꠞ। ꠌꠤꠞꠇꠣꠟꠤꠘ ꠎꠤꠘ꠆ꠖꠣ ꠀꠟ꠆ꠟꠣꠞ ꠢꠥꠇꠥꠝꠦ, ꠀꠉꠞ ꠎꠝꠣꠘꠣꠞ ꠘꠛꠤ ꠅꠇꠟꠦ ꠎꠦꠔꠣ ꠟꠦꠈꠤꠀ ꠞꠣꠈꠍꠤꠟꠣ, ꠅꠔꠣ ꠎꠣꠁꠞ ꠅꠞ, ꠎꠣꠔꠦ ꠔꠣꠞꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠤꠀ ꠀꠟ꠆ꠟꠣ ꠙꠣꠇꠞ ꠛꠣꠁꠖ꠆ꠖ ꠅꠁꠘ। ꠄꠞꠟꠣꠉꠤ ꠅꠃ ꠈꠥꠡ-ꠈꠛꠞꠤ ꠅꠈꠘ ꠔꠛꠟꠤꠉ ꠇꠞꠣ ꠅꠞ।

Injil 6: Ruman 3:4

ꠘꠣꠃꠎꠥꠛꠤꠟ꠆ꠟꠣ! ꠢꠇꠟ ꠝꠣꠘꠡꠦ ꠝꠤꠍꠣ ꠝꠣꠔꠟꠦꠅ ꠀꠟ꠆ꠟꠣ ꠔ ꠢꠣꠝꠦꠡꠣ ꠢꠇ ꠕꠣꠇꠂꠘ। ꠙꠛꠤꠔ꠆ꠞ ꠎꠛꠥꠞ ꠡꠞꠤꠚꠅ ꠀꠍꠦ: ꠄꠞꠛꠣꠖꠦꠅ ꠙꠞꠝꠣꠘ ꠝꠤꠟꠛ ꠔꠥꠝꠣꠞ ꠎꠛꠣꠘ ꠡꠑꠤꠇ, ꠔꠥꠝꠣꠞ ꠙꠇ꠆ꠇꠦ ꠞꠣꠄ ꠎꠣꠁꠛ।

Injil 6: Ruman 8:3

ꠞꠇ꠆ꠔ-ꠝꠣꠋꠡꠞ ꠡꠞꠤꠟꠞ ꠛꠖ ꠈꠣꠁꠡꠞ ꠟꠣꠉꠤ ꠡꠞꠤꠅꠔꠦ ꠀꠝꠞꠣꠞꠦ ꠛꠣꠌꠣꠁꠔ ꠙꠣꠞꠍꠦ ꠘꠣ, ꠀꠞ ꠡꠞꠤꠅꠔꠦ ꠎꠦꠔꠣ ꠇꠞꠔ ꠙꠣꠞꠍꠦ ꠘꠣ, ꠀꠟ꠆ꠟꠣꠄ ꠔ ꠘꠤꠎꠦꠃ ꠁꠔꠣ ꠇꠞꠍꠂꠘ। ꠔꠣꠁꠘ ꠔꠣꠘ ꠘꠤꠎꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞꠦ ꠀꠝꠞꠣꠞ ꠟꠣꠈꠣꠘ ꠉꠥꠘꠣꠉꠣꠞ ꠝꠣꠘꠡꠞ ꠍꠥꠞꠔꠦ ꠙꠣꠑꠣꠁꠟꠣ, ꠉꠥꠘꠣꠞ ꠈꠦꠝꠔꠣꠞꠦ ꠛꠤꠘꠣꠡ ꠇꠞꠣꠞ ꠟꠣꠉꠤ। ꠀꠞ ꠅꠃ ꠝꠣꠄꠀꠞ ꠎꠘꠞ ꠎꠣꠘ ꠇꠥꠞꠛꠣꠘꠤꠞ ꠝꠣꠎꠖꠤ ꠉꠥꠘꠣꠞ ꠛꠤꠌꠣꠞ ꠇꠞꠤꠀ ꠔꠣꠞ ꠈꠦꠝꠔꠣꠞꠦ ꠛꠣꠔꠤꠟ ꠇꠞꠤ ꠖꠤꠟꠣ।

Injil 6: Ruman 9:5

ꠢꠎꠞꠔ ꠁꠛ꠆ꠞꠣꠢꠤꠝ, ꠁꠍꠢꠣꠇ ꠀꠞ ꠁꠀꠇꠥꠛ ꠘꠛꠤ ꠀꠍꠟꠣ ꠛꠘꠤ ꠁꠍꠞꠣꠁꠟꠞ ꠝꠥꠟ ꠝꠥꠞꠛ꠆ꠛꠤ। ꠛꠣꠖꠦ ꠁꠍꠣ ꠀꠟ-ꠝꠍꠤꠅ ꠔ ꠞꠇ꠆ꠔ-ꠝꠣꠋꠡꠞ ꠛꠣꠄ ꠕꠣꠇꠤ ꠄꠞꠣꠞ ꠈꠣꠘ꠆ꠖꠣꠘꠅꠃ ꠎꠘꠝ ꠟꠁꠍꠂꠘ, ꠄꠁꠘ ꠢꠇꠟꠔꠣꠞ ꠃꠙꠞꠀꠟꠣ, ꠎꠥꠉꠦ ꠎꠥꠉꠦ ꠌꠤꠞꠇꠣꠟ ꠔꠣꠘ ꠔꠣꠞꠤꠚ ꠅꠃꠇ। ꠀꠝꠤꠘ।

Injil 7: 1-Korintia 15:47

ꠎꠦꠟꠣ ꠙꠄꠟꠣ ꠀꠖꠝ ꠝꠣꠐꠤ ꠕꠣꠇꠤ ꠀꠁꠟꠣ, ꠛꠣꠖꠦ ꠖꠥꠍꠞꠣ ꠀꠖꠝ, ꠀꠟ-ꠝꠍꠤ ꠀꠁꠟꠣ ꠛꠦꠢꠦꠡ꠆ꠔ ꠕꠣꠇꠤ।

Injil 7: 1-Korintia 2:7

ꠀꠍꠟꠦ ꠀꠝꠞꠣ ꠈꠣꠟꠤ ꠀꠟ꠆ꠟꠣꠁ ꠀꠈꠟ-ꠢꠦꠇꠝꠔꠞ ꠛꠣꠔꠥꠘꠤ ꠉꠥꠙꠘ ꠛꠦꠙꠣꠞꠦ ꠝꠣꠔꠤ। ꠅꠃ ꠛꠣꠔꠥꠘꠤ ꠛꠦꠙꠣꠞ ꠔ ꠖꠥꠘꠤꠀ ꠙꠄꠖꠣ ꠇꠞꠣꠞ ꠀꠉꠦꠃ ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠝꠞ꠆ꠎꠤꠄ ꠑꠤꠇ ꠇꠞꠤꠀ ꠞꠣꠈꠍꠂꠘ, ꠎꠣꠔꠦ ꠀꠝꠞꠣ ꠔꠣꠘ ꠉꠃꠞꠛꠞ ꠜꠣꠉꠤ ꠅꠁ।

Injil 8: 2-Korintia 1:19

ꠀꠝꠤ, ꠍꠤꠟꠣꠍ, ꠀꠞ ꠜꠣꠁ ꠔꠤꠝꠕꠤꠄ ꠔꠥꠝꠞꠣꠞ ꠉꠦꠍꠦ ꠎꠣꠞ ꠇꠕꠣ ꠔꠛꠟꠤꠉ ꠇꠞꠍꠤ, ꠢꠃ ꠁꠍꠣ ꠀꠟ-ꠝꠍꠤꠃ ꠅꠁꠟꠣ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ, ꠔꠣꠁꠘ ꠄꠇꠛꠣꠞ “ꠅꠄ” ꠀꠞ ꠄꠇꠛꠣꠞ “ꠘꠣ” ꠘꠣꠄ, ꠔꠣꠁꠘ ꠔ ꠢꠇꠟ ꠡꠝꠄꠃ “ꠅꠄ।”

Injil 9: Galatia 2:8

ꠔꠣꠞꠣ ꠅꠈꠣꠘ ꠖꠦꠈꠟꠣ, ꠁꠢꠥꠖꠤ ꠅꠇꠟꠞ ꠉꠦꠍꠦ ꠍꠣꠢꠣꠛꠤ ꠇꠣꠝꠅ ꠙꠤꠔꠞꠞꠦ ꠎꠦꠁꠘ ꠌꠣꠟꠣꠁꠍꠂꠘ, ꠢꠃ ꠀꠟ꠆ꠟꠣꠄꠃ ꠅꠁꠘ꠆ꠘꠣꠁꠘ꠆ꠘ ꠎꠣꠔꠤꠞ ꠝꠣꠎꠦ ꠍꠣꠢꠣꠛꠤ ꠇꠣꠝꠅ ꠀꠝꠣꠞꠦ ꠌꠣꠟꠣꠁꠍꠂꠘ।

Injil 9: Galatia 4:4

ꠅꠁꠟꠦ ꠡꠝꠄ ꠙꠥꠞꠣ ꠅꠁꠀ ꠢꠣꠞꠟꠦ, ꠀꠟ꠆ꠟꠣꠄ ꠔꠣꠘ ꠈꠣꠍ ꠝꠣꠄꠀꠞ ꠎꠘꠞꠦ ꠛꠦꠎꠤꠟꠣ। ꠔꠣꠁꠘ ꠄꠇꠎꠘ ꠘꠦꠇ ꠀꠅꠞꠔꠞ ꠙꠦꠐꠅ ꠎꠘꠝ ꠟꠁꠀ, ꠡꠞꠤꠅꠔꠞ ꠢꠥꠇꠥꠝ-ꠀꠢꠇꠣꠝ ꠝꠣꠚꠤꠇ ꠎꠤꠘ꠆ꠖꠦꠉꠤ ꠇꠣꠐꠣꠁꠟꠣ।

Injil 10: Ifisia 1:9

ꠔꠣꠁꠘ ꠀꠉꠦ ꠕꠣꠇꠤ ꠎꠦꠟꠣꠈꠣꠘ ꠈꠤꠀꠟ ꠇꠞꠍꠟꠣ, ꠀꠟ-ꠝꠍꠤꠞ ꠝꠣꠎꠖꠤ ꠎꠦꠔꠣ ꠇꠞꠣꠞ ꠘꠤꠅꠔ ꠇꠞꠍꠤꠟꠣ, ꠅꠃ ꠈꠤꠀꠟ-ꠈꠥꠡꠤꠞ ꠢꠇ꠆ꠇꠟ ꠛꠣꠔꠥꠘꠤ ꠛꠦꠙꠣꠞ ꠔꠣꠁꠘ ꠀꠝꠞꠣꠞꠦ ꠎꠣꠘꠣꠁꠍꠂꠘ।

Injil 10: Ifisia 6:19

ꠀꠝꠣꠞ ꠟꠣꠉꠤꠅ ꠖꠥꠀ ꠇꠞꠤꠅ, ꠀꠝꠤ ꠇꠕꠣ ꠝꠣꠔꠣꠞ ꠛꠣꠟꠣ ꠎꠣꠘꠥ ꠀꠟ꠆ꠟꠣꠄ ꠀꠝꠣꠞ ꠝꠥꠈꠞ ꠛꠥꠟꠤ ꠎꠥꠉꠣꠁ ꠖꠦꠁꠘ, ꠎꠣꠔꠦ ꠔꠛꠟꠤꠉ ꠇꠞꠣꠞ ꠡꠝꠄ ꠀꠝꠤ ꠡꠣꠅꠡ ꠈꠣꠐꠣꠁꠀ ꠈꠥꠡ-ꠈꠛꠞꠤꠞ ꠀꠍꠟ ꠛꠣꠔꠥꠘꠤ ꠜꠦꠖ ꠝꠣꠘꠡꠞꠦ ꠛꠥꠎꠣꠁꠔꠣꠝ ꠙꠣꠞꠤ।

Injil 12: Kolosia 1:23

ꠔꠦ ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠕꠣꠇꠤ ꠎꠦ ꠘꠤꠌ꠆ꠌꠤꠔ ꠀꠡꠣ ꠔꠥꠝꠞꠣ ꠙꠣꠁꠍ, ꠈꠣꠟꠤ ꠅꠃ ꠀꠡꠣꠞ ꠃꠙꠞꠦ ꠁꠝꠣꠘꠦ ꠕꠤꠞ ꠞꠁꠅ, ꠁꠘ ꠕꠣꠇꠤ ꠟꠠꠤꠅ ꠘꠣ। ꠔꠥꠝꠞꠣ ꠔ ꠎꠣꠘ, ꠁ ꠈꠥꠡ-ꠈꠛꠞꠤ ꠢꠣꠞꠣ ꠖꠥꠘꠤꠀꠔ ꠔꠛꠟꠤꠉ ꠇꠞꠣ ꠅꠁꠍꠦ, ꠀꠝꠤ ꠙꠣꠃꠟꠥꠍꠅ ꠅꠃ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠈꠣꠖꠤꠝ ꠅꠁꠍꠤ।

Injil 12: Kolosia 1:27

ꠀꠟ꠆ꠟꠣꠄ ꠌꠣꠁꠍꠂꠘ, ꠜꠤꠘ ꠎꠣꠔꠤ ꠅꠇꠟꠞ ꠉꠦꠍꠦꠅ ꠔꠣꠘ ꠛꠣꠔꠥꠘꠤ ꠝꠥꠘꠡꠣꠞ ꠉꠃꠞꠛ ꠎꠦ ꠇꠤꠔꠣ, ꠁꠔꠣ ꠎꠦꠘꠥ ꠔꠣꠘ ꠢꠇꠟ ꠛꠘ꠆ꠖꠣ ꠅꠇꠟꠦ ꠎꠣꠘꠔꠣ ꠙꠣꠞꠂꠘ। ꠀꠍꠟꠦ ꠀꠟ-ꠝꠍꠤ ꠔꠥꠝꠞꠣꠞ ꠖꠤꠟꠅ ꠀꠍꠂꠘ, ꠉꠔꠤꠇꠦ ꠔꠥꠝꠞꠣ ꠉꠃꠞꠛ ꠙꠣꠅꠀꠞ ꠀꠡꠣ ꠙꠣꠁꠍ।

Injil 12: Kolosia 1:6

ꠁ ꠈꠥꠡ-ꠈꠛꠞꠤ ꠖꠥꠘꠤꠀꠞ ꠢꠇꠟꠛꠣꠄ ꠍꠤꠔ꠆ꠞꠤꠀ ꠜꠣꠟꠣ ꠚꠟꠀꠟꠣ ꠅꠁꠀ ꠖꠤꠘ ꠖꠤꠘ ꠛꠣꠠꠦꠞ। ꠎꠦ ꠖꠤꠘ ꠕꠘꠦ ꠔꠥꠝꠞꠣ ꠅꠃ ꠈꠥꠡ-ꠈꠛꠞꠤ ꠀꠞ ꠀꠟ꠆ꠟꠣꠞ ꠞꠢꠝꠔꠞ ꠛꠦꠙꠣꠞꠦ ꠙꠥꠞꠣꠙꠥꠞ ꠢꠥꠘꠍ, ꠅꠃ ꠖꠤꠘ ꠕꠘꠦꠃ ꠁꠔꠣꠄ ꠔꠥꠝꠞꠣꠞ ꠜꠤꠔꠞꠦꠅ ꠙꠥꠞꠣꠙꠥꠞ ꠇꠣꠝ ꠇꠞꠦꠞ।

Injil 12: Kolosia 2:2

ꠀꠝꠤ ꠌꠣꠁꠞꠣꠝ, ꠔꠣꠞꠣꠞ ꠖꠤꠟꠅ ꠜꠞꠡꠣ ꠙꠣꠁꠀ ꠝꠢꠛ꠆ꠛꠔꠦ ꠄꠇ ꠅꠃꠇ। ꠀꠞ ꠙꠥꠞꠣꠙꠥꠞ ꠀꠈꠟꠦ ꠀꠈꠟꠖꠣꠞ ꠛꠘꠤꠀ ꠘꠤꠌ꠆ꠌꠤꠔ ꠅꠃꠇ। ꠔꠦꠃ ꠀꠟ꠆ꠟꠣꠞ ꠟꠥꠇꠣꠁꠟ ꠛꠣꠔꠥꠘꠤ ꠜꠦꠖ ꠛꠥꠎꠛ, ꠝꠣꠘꠤ ꠀꠟ-ꠝꠍꠤꠞꠦ ꠔꠣꠞꠣ ꠌꠤꠘꠛ।

ইঞ্জিল ১৪: ২-থিষল: 1:10

ꠢꠃ ꠖꠤꠘ ꠔꠣꠘ ꠘꠤꠎꠞ ꠙꠣꠇ ꠛꠘ꠆ꠖꠣ ꠅꠇꠟ, ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠍꠦ ꠔꠣꠞꠣꠞ ꠝꠣꠎꠖꠤ, ꠔꠣꠘ ꠉꠃꠞꠛ-ꠝꠢꠤꠝꠣ ꠎꠣꠁꠞ ꠅꠁꠛ। ꠄꠞꠣꠞ ꠝꠣꠎꠦ ꠔꠥꠝꠞꠣꠅ ꠀꠍ, ꠇꠣꠞꠘ ꠀꠝꠞꠣꠞ ꠔꠛꠟꠤꠉ ꠢꠥꠘꠤꠀ ꠔꠥꠝꠞꠣ ꠁꠝꠣꠘ ꠀꠘꠍ।

ইঞ্জিল ১৪: ২-থিষল: 2:7

ꠔꠥꠝꠞꠣ ꠄꠅꠈꠣꠘꠅ ꠎꠣꠘ, ꠢꠃ ꠘꠣꠚꠞꠝꠣꠘꠞ ꠟꠥꠇꠣꠁꠟ ꠇꠣꠝ-ꠇꠣꠎ ꠅꠈꠘꠅ ꠌꠟꠦꠞ। ꠅꠁꠟꠦ ꠎꠦꠁꠘ ꠔꠣꠞꠦ ꠀꠐꠇꠣꠁꠀ ꠞꠣꠈꠞꠣ, ꠔꠣꠁꠘ ꠢꠞꠤꠀ ꠎꠣꠅꠀꠞ ꠀꠉ ꠙꠞ꠆ꠎꠘ꠆ꠔ ꠔꠣꠞꠦ ꠀꠐꠇꠣꠘꠤꠔ ꠞꠁꠛꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:9

ꠔꠣꠞꠣ ꠎꠣꠘꠥ ꠢꠇ ꠛꠤꠛꠦꠇꠦ ꠁꠍꠣꠄꠁ ꠁꠝꠣꠘꠞ ꠛꠣꠔꠥꠘꠤ ꠛꠦꠙꠣꠞꠞꠦ ꠝꠎꠛꠥꠔ ꠇꠞꠤ ꠖꠤꠟꠅ ꠞꠣꠈꠂꠘ।

Injil 19: Ibrani 1:3

ꠄꠁꠘꠃ ꠅꠁꠟꠣ ꠀꠟ꠆ꠟꠣꠞ ꠡꠣꠘ-ꠔꠎꠟ꠆ꠟꠤꠞ ꠘꠥꠞ, ꠔꠣꠘ ꠝꠣꠎꠖꠤꠀꠃ ꠀꠟ꠆ꠟꠣ ꠙꠣꠇꠦ ꠘꠤꠎꠞꠦ ꠎꠣꠁꠞ ꠇꠞꠍꠂꠘ। ꠅꠃ ꠝꠣꠄꠀꠞ ꠙꠥꠔ ꠇꠟꠤꠝꠣꠔꠥꠟ꠆ꠟꠣꠞ ꠢꠥꠇꠥꠝꠞ ꠛꠟꠦ, ꠔꠣꠝꠣꠝ ꠎꠉꠔꠞ ꠢꠇ꠆ꠇꠟꠔꠣ ꠌꠟꠦ। ꠔꠣꠁꠘ ꠖꠥꠘꠤꠀꠞ ꠝꠣꠘꠡꠞ ꠉꠥꠘꠣꠞꠦ ꠗꠁꠀ ꠍꠣꠚ ꠇꠞꠤꠀ, ꠀꠞꠡꠦ-ꠀꠎꠤꠝꠅ ꠀꠟ꠆ꠟꠣꠞ ꠒꠣꠁꠘꠞ ꠔꠈ꠆ꠔꠅ ꠔꠡꠞꠤꠚ ꠞꠣꠈꠍꠂꠘ।

Injil 19: Ibrani 12:2

ꠀꠃꠇ꠆ꠇꠣ, ꠀꠝꠞꠣꠞ ꠘꠎꠞ ꠞꠣꠈꠤ ꠝꠣꠟꠤꠇ ꠁꠍꠣꠞ ꠛꠣꠄ, ꠀꠃꠀꠟ ꠕꠣꠇꠤ ꠀꠈꠦꠞ ꠙꠞ꠆ꠎꠘ꠆ꠔ ꠔꠣꠁꠘ ꠅꠁꠟꠣ ꠀꠝꠞꠣꠞ ꠁꠝꠣꠘꠞ ꠝꠥꠟ ꠈꠥꠐꠤ। ꠔꠣꠘ ꠟꠣꠉꠤ ꠎꠦ ꠈꠥꠡꠤ ꠞꠣꠈꠣ ꠅꠁꠍꠦ, ꠅꠃ ꠈꠥꠡꠤꠞ ꠛꠣꠄꠖꠤ ꠌꠣꠁꠀ, ꠖꠥꠈ-ꠇꠡ꠆ꠐꠞ ꠍꠟꠤꠛꠞ ꠃꠙꠞꠞ ꠝꠃꠔꠞꠦꠅ ꠇꠛꠥꠟ ꠇꠞꠟꠣ, ꠁ ꠛꠦꠁꠎ꠆ꠎꠔꠤꠞꠦ ꠇꠥꠘꠥ ꠖꠣꠝ ꠖꠤꠟꠣ ꠘꠣ। ꠀꠞ ꠅꠈꠘ ꠀꠞꠡꠦ-ꠀꠎꠤꠝꠅ ꠀꠟ꠆ꠟꠣꠞ ꠒꠣꠁꠘꠞ ꠔꠈ꠆ꠔꠅ ꠔꠣꠁꠘ ꠔꠡꠞꠤꠚ ꠞꠣꠈꠍꠂꠘ।

Injil 19: Ibrani 7:7

ꠢꠥꠞꠥ ꠅꠇꠟꠦ ꠛꠠ ꠅꠇꠟꠞ ꠉꠦꠍ ꠕꠣꠇꠤ ꠖꠥꠀ ꠙꠣꠁꠀ ꠕꠣꠇꠂꠘ, ꠄꠞ ꠝꠣꠎꠦ ꠔ ꠡꠘ꠆ꠖꠄ ꠘꠣꠁ।

Injil 19: Ibrani 8:1

ꠀꠝꠞꠣꠞ ꠛꠄꠀꠘꠞ ꠝꠥꠟ ꠛꠦꠙꠣꠞ ꠅꠁꠟ, ꠀꠝꠞꠣꠞ ꠅꠃꠟꠣ ꠄꠇꠎꠘ ꠙꠞꠗꠣꠘ ꠁꠝꠣꠝ ꠀꠍꠂꠘ, ꠎꠦꠁꠘ ꠛꠦꠢꠦꠡ꠆ꠔꠅ ꠀꠞꠡꠦ-ꠀꠎꠤꠝꠅ ꠀꠟ꠆ꠟꠣꠞ ꠒꠣꠁꠘꠞ ꠔꠈ꠆ꠔꠅ ꠔꠡꠞꠤꠚ ꠞꠣꠈꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:12

ꠅꠁꠟꠦ ꠀꠟ꠆ꠟꠣꠄ ꠔꠣꠞꠣꠞꠦ ꠖꠦꠈꠣꠁꠀ ꠖꠤꠍꠂꠘ, ꠔꠣꠞꠣ ꠎꠦꠔꠣ ꠛꠣꠔꠣꠁꠞꠣ ꠁꠔꠣ ꠖꠤꠀ ꠔꠣꠞꠣꠞ ꠘꠤꠎꠞ ꠈꠦꠎꠝꠔ ꠘꠣ ꠇꠞꠤꠀ, ꠔꠥꠝꠞꠣꠞ ꠈꠦꠎꠝꠔ ꠇꠞꠞꠣ। ꠀꠍꠝꠣꠘ ꠕꠣꠇꠤ ꠙꠣꠑꠣꠁꠟ ꠙꠣꠇ ꠞꠥꠢꠥ ꠖꠤꠀ, ꠎꠦꠞꠣ ꠔꠥꠝꠞꠣꠞ ꠉꠦꠍꠦ ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠍꠂꠘ, ꠔꠣꠞꠣ ꠔꠥꠝꠞꠣꠞꠦ ꠘꠛꠤ ꠅꠇꠟꠞ ꠇꠕꠣꠃ ꠎꠣꠘꠣꠁꠍꠂꠘ। ꠚꠤꠞꠤꠡ꠆ꠔꠣ ꠅꠇꠟꠦꠅ ꠁꠔꠣ ꠛꠦꠙꠣꠞ ꠎꠣꠘꠣꠞ ꠟꠣꠉꠤ ꠈꠤꠀꠟꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 1:20

ꠖꠥꠘꠤꠀ ꠙꠄꠖꠣ ꠅꠀꠞ ꠀꠉꠦꠃ ꠀꠟ꠆ꠟꠣꠄ ꠔꠣꠘꠞꠦ ꠑꠤꠇ ꠇꠞꠤ ꠞꠣꠈꠍꠂꠘ, ꠅꠁꠟꠦ ꠅꠃ ꠢꠦꠡ-ꠝꠦꠡ ꠡꠝꠄ ꠔꠣꠁꠘ ꠔꠥꠝꠞꠣꠞ ꠟꠣꠉꠤꠃ ꠎꠣꠁꠞ ꠅꠁꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:21

ꠀꠟ꠆ꠟꠣꠄ ꠄꠘꠞꠦ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠇꠞꠤ ꠔꠥꠟꠤꠀ ꠝꠢꠤꠝꠣ ꠖꠣꠘ ꠇꠞꠍꠂꠘ ꠀꠞ ꠔꠣꠘ ꠝꠣꠎꠖꠤ ꠔꠥꠝꠞꠣ ꠀꠟ꠆ꠟꠣꠞ ꠃꠙꠞꠦ ꠁꠝꠣꠘ ꠀꠘꠍ। ꠄꠞꠟꠣꠉꠤꠃ ꠔꠥꠝꠞꠣꠞ ꠁꠝꠣꠘ ꠀꠞ ꠀꠡꠣ ꠀꠟ꠆ꠟꠣꠞ ꠃꠙꠞꠦꠃ ꠀꠍꠦ।

ꠁꠘ꠆ꠎꠤꠟ ২১: ১-ꠙꠤꠔꠞ 3:18

ꠝꠘꠅ ꠞꠣꠈꠤꠅ, ꠀꠝꠞꠣꠞ ꠉꠥꠘꠣꠞ ꠝꠣꠚꠤꠞ ꠟꠣꠉꠤ ꠀꠟ-ꠝꠍꠤꠄꠅ ꠄꠇꠛꠣꠞ ꠇꠡ꠆ꠐ ꠇꠞꠍꠂꠘ, ꠘꠣꠚꠞꠝꠣꠘꠞꠦ ꠛꠣꠌꠣꠘꠤꠞ ꠟꠣꠉꠤ ꠢꠃ ꠙꠞꠦꠎꠉꠣꠞ ꠎꠘꠦ ꠎꠣꠘ ꠖꠤꠍꠂꠘ, ꠀꠝꠞꠣꠞꠦ ꠀꠟ꠆ꠟꠣꠞ ꠖꠞꠛꠣꠞꠅ ꠙꠃꠍꠣꠘꠤꠞ ꠟꠣꠉꠤ। ꠡꠞꠤꠟꠦ ꠔꠣꠘꠞꠦ ꠝꠣꠞꠣ ꠅꠁꠍꠤꠟ, ꠅꠁꠟꠦ ꠞꠥꠢꠦ ꠎꠤꠘ꠆ꠖꠣ ꠇꠞꠣ ꠅꠁꠍꠦ।

ꠁꠘ꠆ꠎꠤꠟ ২১: ১-ꠙꠤꠔꠞ 3:22

ꠔꠣꠁꠘ ꠛꠦꠢꠦꠡ꠆ꠔꠅ ꠉꠦꠍꠂꠘ ꠀꠞ ꠀꠟ꠆ꠟꠣ ꠙꠣꠇꠞ ꠒꠣꠁꠘ ꠉꠣꠟꠣꠞ ꠔꠈ꠆ꠔꠅ ꠛꠅꠀꠔ ꠀꠍꠂꠘ। ꠀꠍꠝꠣꠘꠞ ꠚꠤꠞꠤꠡ꠆ꠔꠣ ꠅꠇꠟ, ꠈꠦꠝꠔꠣꠞ ꠝꠣꠟꠤꠇ ꠅꠇꠟ ꠀꠞ ꠞꠣꠎꠣ ꠅꠇꠟ ꠔꠣꠘ ꠅꠗꠤꠘꠦ ꠀꠍꠂꠘ।

Injil 23: 1-Hannan 1:2

ꠅꠃ ꠎꠤꠘ꠆ꠖꠦꠉꠤ ꠔ ꠁ ꠖꠥꠘꠤꠀꠔ ꠎꠣꠁꠞ ꠅꠁꠍꠟꠣ, ꠀꠝꠞꠣꠞ ꠘꠤꠎꠞ ꠌꠃꠈꠦ ꠁ ꠎꠤꠘ꠆ꠖꠦꠉꠤꠞꠦ ꠖꠦꠈꠍꠤ, ꠖꠦꠈꠤꠀ ꠢꠣꠞꠤ ꠔꠣꠘ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠞꠣꠝ। ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠉꠦꠍꠦ ꠎꠦꠁꠘ ꠀꠍꠟꠣ ꠀꠞ ꠀꠝꠞꠣꠞ ꠝꠣꠎꠦ ꠎꠣꠁꠞ ꠅꠁꠍꠟꠣ, ꠀꠈꠦꠞꠤ ꠅꠃ ꠎꠤꠘ꠆ꠖꠦꠉꠣꠘꠤꠞ ꠇꠕꠣꠃ ꠔꠥꠝꠞꠣꠞꠦ ꠎꠣꠘꠣꠁꠞꠣꠝ।

Injil 23: 1-Hannan 3:5

ꠔꠥꠝꠞꠣꠞ ꠎꠣꠘꠣ ꠀꠍꠦ, ꠀꠟ-ꠝꠍꠤ ꠅꠁꠟꠣ ꠛꠦ-ꠉꠥꠘꠣ ꠝꠣꠍꠥꠝ, ꠔꠣꠁꠘ ꠉꠥꠘꠣꠞꠦ ꠈꠦꠖꠣꠘꠤꠞ ꠟꠣꠉꠤ ꠖꠥꠘꠤꠀꠔ ꠎꠣꠁꠞ ꠅꠁꠟꠣ।

Injil 23: 1-Hannan 3:8

ꠅꠁꠟꠦ ꠉꠥꠘꠣꠞ ꠙꠕꠞ ꠀꠡꠤꠇ ꠎꠦꠞꠣ, ꠔꠣꠞꠣ ꠡꠄꠔꠣꠘꠞ ꠝꠥꠞꠤꠖ, ꠁꠛꠟꠤꠍ-ꠡꠄꠔꠣꠘꠦ ꠔ ꠙꠄꠟꠣ ꠕꠣꠇꠤꠃ ꠉꠥꠘꠣ ꠇꠞꠦꠞ। ꠔꠣꠞ ꠇꠣꠝꠞꠦ ꠛꠤꠘꠣꠡ ꠇꠞꠣꠞ ꠘꠤꠅꠔꠦ, ꠅꠈꠘ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ ꠁ ꠖꠥꠘꠤꠀꠔ ꠎꠣꠁꠞ ꠅꠁꠟꠣ।

Injil 27: Zaira Kalam 17:5

ꠔꠣꠁꠞ ꠇꠙꠣꠟꠅ ꠅꠟꠣ ꠄꠇ ꠘꠣꠝ ꠟꠦꠈꠣ ꠀꠍꠤꠟ, ꠁ ꠟꠦꠈꠣꠞ ꠄꠇ ꠉꠥꠙꠘ ꠝꠣꠘꠤ ꠀꠍꠤꠟ। ꠁ ꠘꠣꠝ ꠅꠁꠟ, “ꠘꠣꠝꠇꠞꠣ ꠛꠣꠛꠤꠟ ꠐꠣꠃꠘ, ꠛꠖꠝꠣꠁꠡ ꠛꠦꠐꠤꠘ ꠀꠞ ꠎꠉꠔꠞ ꠢꠇꠟ ꠘꠚꠞꠔꠤ ꠎꠤꠘꠤꠡꠞ ꠝꠣ।”

Injil 27: Zaira Kalam 17:7

ꠔꠦꠃ ꠢꠃ ꠚꠤꠞꠤꠡ꠆ꠔꠣꠄ ꠀꠝꠣꠞꠦ ꠇꠁꠟꠣ, “ꠔꠥꠝꠤ ꠔꠣꠁꠎ꠆ꠎꠥꠛ ꠅꠁꠉꠦꠟꠣꠄ ꠇꠦꠘꠦ? ꠅꠃ ꠛꠦꠐꠤꠞ ꠛꠦꠙꠣꠞꠦ, ꠀꠞ ꠎꠦ ꠎꠣꠘꠥꠀꠞꠦ ꠔꠣꠁꠞꠦ ꠛꠁꠀ ꠘꠦꠞ, ꠎꠦꠉꠥꠞ ꠡꠣꠔꠉꠥ ꠇꠟ꠆ꠟꠣ ꠀꠞ ꠖꠡꠉꠥ ꠢꠤꠋ, ꠁꠔꠣꠞ ꠉꠥꠙꠘ ꠜꠦꠖ ꠀꠝꠤ ꠔꠥꠝꠣꠞꠦ ꠎꠣꠘꠣꠁꠀꠞ।

Injil 27: Zaira Kalam 7:9

ꠛꠣꠖꠦ ꠀꠝꠤ ꠖꠦꠈꠟꠣꠝ, ꠙꠞꠔꠦꠇ ꠖꠦꠡ, ꠢꠇꠟ ꠈꠣꠘ꠆ꠖꠣꠘ, ꠢꠇꠟ ꠎꠣꠔꠤ ꠀꠞ ꠢꠇꠟ ꠎꠣꠔꠞ ꠛꠥꠟꠤꠄ ꠝꠣꠔꠞꠣ ꠛꠃꠔ ꠝꠣꠘꠥꠡ ꠖꠟꠣ ꠅꠁꠍꠂꠘ, ꠄꠞꠣꠞꠦ ꠉꠘꠤꠀ ꠚꠥꠠꠣꠘꠤꠞ ꠡꠣꠁꠖ꠆ꠖ ꠇꠦꠃꠞꠞ ꠘꠣꠁ। ꠄꠞꠣ ꠗꠟꠣ ꠟꠦꠛꠣꠍ ꠚꠤꠘ꠆ꠖꠤꠀ ꠈꠦꠎꠥꠞ ꠙꠣꠔꠣ ꠀꠔꠅ ꠟꠁꠀ, ꠢꠃ ꠔꠈ꠆ꠔ ꠀꠞ ꠝꠦꠠꠣ-ꠛꠣꠁꠌ꠆ꠌꠣꠞ ꠍꠣꠝꠘꠦ ꠃꠛꠣꠁ ꠞꠁꠍꠂꠘ।