ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:10 - Siloṭi Asmani Kitab (Nagri lipi)

¹⁰ ꠄꠞꠟꠣꠉꠤ ꠙꠄꠟꠣ ꠔꠣꠞꠣꠞꠦ ꠎꠣꠌꠣꠁ ꠇꠞꠤ ꠖꠦꠈꠣ ꠎꠞꠥꠞ, ꠎꠣꠌꠣꠁꠔ ꠎꠥꠖꠤ ꠔꠣꠞꠣ ꠘꠤꠈꠥꠔ ꠅꠁꠘ, ꠔꠦ ꠎꠝꠣꠔꠞ ꠈꠣꠖꠤꠝ ꠅꠁꠔꠣ ꠙꠣꠞꠛꠣ।

ছিলটি আছমানি কিতাব (বাংলা লিপি)

¹⁰ এরলাগি পয়লা তারারে যাচাই করি দেখা জরুর, যাচাইত যুদি তারা নিখুত অইন, তে জমাতর খাদিম অইতা পারবা।

Siloṭi Asmani Kitab (Latin lipi)

¹⁰ Erlagi foyla tarare zasai kori deḳa zorur, zasait zudi tara nikut oin, te zomator ḳadim oita farba.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:10 Iomraidhean Croise

Injil 7: 1-Korintia 1:8

ꠀꠝꠤ ꠎꠣꠘꠤ, ꠀꠝꠞꠣꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔꠥꠝꠞꠣꠞꠦ ꠀꠈꠦꠞ ꠙꠞ꠆ꠎꠘ꠆ꠔ ꠁꠝꠣꠘꠦ ꠝꠎꠛꠥꠔ ꠞꠣꠈꠛꠣ, ꠎꠣꠔꠦ ꠔꠣꠁꠘ ꠀꠁꠛꠣꠞ ꠀꠉ ꠙꠞ꠆ꠎꠘ꠆ꠔ ꠔꠥꠝꠞꠣ ꠙꠥꠞꠣꠙꠥꠞ ꠘꠤꠈꠥꠔ ꠞꠁꠛꠣꠄ।

Injil 12: Kolosia 1:22

ꠅꠁꠟꠦ ꠀꠟ-ꠝꠍꠤꠞ ꠎꠣꠘ ꠇꠥꠞꠛꠣꠘꠤꠞ ꠝꠣꠎꠖꠤ ꠀꠟ꠆ꠟꠣꠄ ꠔꠥꠝꠞꠣꠞꠦꠅ ꠔꠣꠘ ꠟꠉꠦ ꠝꠤꠟꠘ ꠊꠐꠣꠁꠍꠂꠘ, ꠎꠣꠔꠦ ꠔꠥꠝꠞꠣꠞꠦ ꠙꠣꠇ-ꠙꠛꠤꠔ꠆ꠞ, ꠘꠤꠈꠥꠔ ꠀꠞ ꠘꠤ-ꠅꠙꠞꠣꠗꠤ ꠢꠣꠟꠔꠦ ꠔꠣꠘ ꠍꠣꠝꠘꠦ ꠀꠎꠤꠞ ꠇꠞꠔꠣ ꠙꠣꠞꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:13

ꠎꠦ ꠈꠣꠖꠤꠝꠦ ꠜꠣꠟꠣꠝꠘ꠆ꠔꠦ ꠈꠦꠎꠝꠔ ꠇꠞꠂꠘ, ꠄꠁꠘ ꠡꠥꠘꠣꠝ ꠙꠣꠁꠘ, ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠕꠣꠇꠣꠄ ꠔꠣꠘ ꠖꠤꠟ ꠡꠣꠅꠡꠦ ꠜꠞꠣ ꠞꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:2

ꠎꠝꠣꠔꠞ ꠌꠣꠟꠇꠖꠣꠞ ꠝꠣꠘꠡꠞ ꠌꠈꠥꠔ ꠘꠤꠈꠥꠔ ꠅꠁꠔꠦ ꠅꠁꠛ। ꠔꠣꠘ ꠈꠣꠟꠤ ꠄꠇ ꠛꠃ ꠅꠁꠛ। ꠔꠣꠁꠘ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠛꠣ, ꠔꠣꠘ ꠜꠣꠟꠣ ꠀꠈꠟ-ꠛꠥꠖ꠆ꠖꠤ ꠞꠁꠛ, ꠡ꠆ꠛꠜꠣꠛ ꠅꠁꠛ ꠜꠖ꠆ꠞ, ꠀꠞ ꠝꠦꠝꠣꠘꠖꠣꠞꠤ ꠇꠞꠔꠦ ꠜꠣꠟꠣ ꠙꠣꠁꠛꠣ। ꠝꠣꠘꠡꠞꠦ ꠔꠣꠟꠤꠝ ꠖꠦꠅꠀꠞ ꠈꠦꠝꠔꠣ ꠕꠣꠇꠔꠦ ꠅꠁꠛ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:6

ꠇꠥꠘꠥ ꠘꠄꠀ ꠁꠝꠣꠘꠖꠣꠞ ꠜꠣꠁ ꠎꠝꠣꠔꠞ ꠌꠣꠟꠇꠖꠣꠞ ꠅꠀ ꠑꠤꠇ ꠘꠣꠄ, ꠁꠟꠣ ꠅꠁꠟꠦ ꠔꠣꠁꠘ ꠢꠄꠔ ꠛꠠꠣꠁ-ꠛꠦꠐꠣꠉꠤꠞꠤꠄ ꠛꠣꠢꠣꠖꠥꠞꠤ ꠇꠞꠛꠣ, ꠀꠞ ꠁꠛꠟꠤꠍꠞ ꠟꠣꠉꠤ ꠑꠤꠇ ꠇꠞꠣ ꠡꠣꠎꠣꠞ ꠜꠣꠉꠤ ꠅꠁꠛꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:22

ꠌꠐ ꠇꠞꠤ ꠇꠦꠃꠞꠞꠦ ꠈꠦꠟꠣꠚꠔꠤ ꠖꠤꠀ, ꠇꠥꠘꠥ ꠙꠖꠅ ꠛꠅꠀꠁꠟ ꠇꠞꠤꠅ ꠘꠣ। ꠅꠁꠘ꠆ꠘ ꠝꠣꠘꠡꠦ ꠎꠦꠛꠟꠣ ꠉꠥꠘꠣꠞ ꠇꠣꠝ ꠇꠞꠦ, ꠔꠥꠝꠤ ꠔꠣꠞꠣꠞ ꠟꠉꠦ ꠡꠞꠤꠇ ꠅꠁꠅ ꠘꠣ, ꠘꠤꠎꠞꠦ ꠘꠤꠈꠥꠔ ꠞꠣꠈꠤꠅ।

Injil 23: 1-Hannan 4:1

ꠅ ꠡꠥꠘꠣ ꠅꠇꠟ, ꠖꠥꠘꠤꠀꠔ ꠛꠃꠔ ꠜꠘ꠆ꠒ ꠘꠛꠤ ꠛꠣꠞ ꠅꠁꠍꠂꠘ। ꠄꠞꠟꠣꠉꠤ ꠇꠦꠃ ꠎꠥꠖꠤ ꠀꠁꠀ ꠇꠄ, ꠀꠝꠤ ꠞꠥꠢꠥꠞ ꠛꠟꠦ ꠝꠣꠔꠤꠞꠣꠝ, ꠔꠦ ꠔꠥꠝꠞꠣ ꠎꠟꠖꠤ ꠛꠤꠡ꠆ꠛꠣꠡ ꠇꠞꠤꠅ ꠘꠣ, ꠛꠞꠋ ꠎꠣꠌꠣꠁ ꠇꠞꠤꠀ ꠖꠦꠈꠅ, ꠁ ꠞꠥꠢꠥ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠀꠁꠍꠦ ꠇꠤ ꠘꠣ।