ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:7 - Siloṭi Asmani Kitab (Nagri lipi)

⁷ ꠀꠞ ꠅꠃ ꠡꠣꠇ꠆ꠇꠤ ꠖꠤꠛꠣꠞ ꠟꠣꠉꠤ ꠀꠟ꠆ꠟꠣꠄ ꠀꠝꠣꠞꠦ ꠔꠛꠟꠤꠉ ꠇꠣꠝꠅ, ꠍꠣꠢꠣꠛꠤ ꠙꠖꠅ ꠛꠅꠀꠁꠟ ꠇꠞꠍꠂꠘ, ꠔꠣꠁꠘ ꠀꠝꠣꠞꠦ ꠖꠣꠄꠁꠔ꠆ꠔ ꠖꠤꠍꠂꠘ, ꠜꠤꠘ ꠎꠣꠔꠤꠞ ꠉꠦꠍꠦ ꠁꠝꠣꠘ ꠀꠞ ꠀꠟ꠆ꠟꠣꠁ ꠢꠇꠞ ꠃꠡ꠆ꠔꠣꠖ ꠢꠤꠡꠣꠛꠦ। ꠀꠝꠤ ꠁꠔꠣ ꠢꠇ ꠝꠣꠔ ꠝꠣꠔꠤꠀꠞ, ꠝꠤꠍꠣ ꠇꠥꠘ꠆ꠔꠣ ꠘꠣꠄ।

ছিলটি আছমানি কিতাব (বাংলা লিপি)

⁷ আর অউ সাক্ষি দিবার লাগি আল্লায় আমারে তবলিগ কামো, সাহাবি পদো বওয়াল করছইন, তাইন আমারে দায়িত্ব দিছইন, ভিন জাতির গেছে ইমান আর আল্লাই হকর উস্তাদ হিসাবে। আমি ইতা হক মাত মাতিয়ার, মিছা কুন্তা নায়।

Siloṭi Asmani Kitab (Latin lipi)

⁷ Ar ou shakki dibar lagi Allae amare toblig kamo, sahabi fodo boail ḳorsoin, tain amare dayitto disoin, bin zatir gese iman ar Allai hokor ustad hishabe. Ami ita hok mat matiar, misa kunta nae.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:7 Iomraidhean Croise

Injil 4: Hannan 7:35

ꠢꠎꠞꠔ ꠁꠍꠣꠞ ꠁꠔꠣ ꠝꠣꠔ ꠢꠥꠘꠤꠀ ꠁꠢꠥꠖꠤ ꠘꠦꠔꠣ ꠅꠇꠟꠦ ꠄꠇꠦ-ꠅꠁꠘ꠆ꠘꠦ ꠎꠤꠇꠣꠁꠟꠣ, “ꠢꠦ ꠇꠥꠀꠁ ꠎꠣꠁꠛꠉꠤ, ꠎꠦꠈꠣꠘꠅ ꠀꠝꠞꠣ ꠔꠣꠞꠦ ꠔꠥꠇꠣꠁꠀ ꠙꠣꠁꠔꠣꠝ ꠘꠣꠄ? ꠢꠦ ꠇꠤꠔꠣ ꠁꠃꠘꠣꠘꠤ ꠅꠇꠟꠞ ꠖꠦꠡꠅ ꠎꠦꠔꠣ ꠁꠢꠥꠖꠤ ꠀꠍꠂꠘ, ꠢꠘꠅ ꠞꠁꠀ ꠁꠃꠘꠣꠘꠤ ꠅꠔꠣꠞꠦꠅ ꠔꠣꠟꠤꠝ ꠖꠤꠛ ꠘꠤ?

Injil 5: Sahabi Nama 14:27

ꠀꠘ꠆ꠔꠤꠅꠈꠤꠀꠔ ꠙꠃꠍꠤꠀ ꠎꠝꠣꠔꠞ ꠢꠇꠟꠞꠦ ꠄꠇꠈꠣꠘꠅ ꠖꠟꠣ ꠇꠞꠟꠣ, ꠀꠞ ꠀꠟ꠆ꠟꠣꠄ ꠔꠣꠞꠣꠞ ꠁ ꠐꠣꠃꠘꠅ ꠔꠣꠞꠣꠞ ꠟꠉꠦ ꠞꠁꠀ ꠎꠦꠔꠣ ꠎꠦꠔꠣ ꠇꠣꠝ ꠅꠇꠟ ꠇꠞꠍꠂꠘ, ꠀꠞ ꠔꠣꠁꠘ ꠇꠤꠟꠣ ꠅ-ꠁꠢꠥꠖꠤ ꠅꠇꠟꠞ ꠝꠣꠎꠦ ꠁꠝꠣꠘ ꠀꠘꠣꠞ ꠖꠥꠀꠞ ꠈꠥꠟꠤꠀ ꠖꠤꠍꠂꠘ, ꠁ ꠢꠇ꠆ꠇꠟꠔꠣ ꠎꠣꠘꠣꠁꠟꠣ।

Injil 5: Sahabi Nama 22:21

ꠔꠦꠃ ꠝꠣꠟꠤꠇꠦ ꠀꠝꠣꠞꠦ ꠇꠁꠟꠣ, ‘ꠔꠥꠝꠤ ꠞꠅꠀꠘꠣ ꠖꠦꠅ, ꠀꠝꠤ ꠖꠥꠞꠁꠞ ꠜꠤꠘ ꠎꠣꠔꠤ ꠅꠇꠟꠞ ꠉꠦꠍꠦ ꠔꠥꠝꠣꠞꠦ ꠛꠦꠎꠤꠝꠥ।’ ”

Injil 5: Sahabi Nama 26:20

ꠄꠞꠖꠣꠄ ꠙꠄꠟꠣ ꠖꠣꠝꠦꠡ꠆ꠇꠞ ꠝꠣꠘꠡꠞ ꠉꠦꠍꠦ, ꠛꠣꠖꠦ ꠎꠦꠞꠥꠎꠣꠟꠦꠝꠅ, ꠄꠢꠥꠖꠤꠀ ꠎꠤꠟꠣꠞ ꠢꠇꠟ ꠎꠣꠉꠣꠔ ꠀꠞ ꠅ-ꠁꠢꠥꠖꠤ ꠅꠇꠟꠞ ꠉꠦꠍꠦꠅ ꠔꠛꠟꠤꠉ ꠇꠞꠟꠣꠝ। ꠔꠣꠞꠣꠞꠦ ꠇꠁꠟꠣꠝ, ꠔꠃꠛꠣ ꠇꠞꠤꠀ ꠀꠟ꠆ꠟꠣꠞ ꠛꠣꠄ ꠚꠤꠞꠅ, ꠀꠞ ꠅꠃ ꠟꠣꠈꠣꠘ ꠀꠝꠟ ꠇꠞꠅ, ꠎꠦꠔꠣ ꠖꠦꠈꠤꠀ ꠙꠞꠝꠣꠘ ꠝꠤꠟꠦ ꠔꠥꠝꠞꠣ ꠢꠣꠍꠣꠞꠞ ꠔꠃꠛꠣ ꠇꠞꠍ।

Injil 5: Sahabi Nama 9:15

ꠅꠁꠟꠦ ꠝꠣꠟꠤꠇꠦ ꠔꠣꠘꠞꠦ ꠇꠁꠟꠣ, “ꠔꠥꠝꠤ ꠎꠣꠅ, ꠇꠣꠞꠘ ꠅ-ꠁꠢꠥꠖꠤ ꠅꠇꠟ, ꠔꠣꠞꠣꠞ ꠞꠣꠎꠣ ꠅꠇꠟ, ꠀꠞ ꠛꠘꠤ ꠁꠍꠞꠣꠁꠟꠞ ꠉꠦꠍꠦ ꠀꠝꠣꠞ ꠘꠣꠝ ꠔꠛꠟꠤꠉꠞ ꠟꠣꠉꠤ ꠀꠝꠤ ꠔꠣꠞꠦ ꠙꠍꠘ꠆ꠖ ꠇꠞꠍꠤ।

Injil 6: Ruman 1:9

ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤꠀ, ꠀꠝꠤ ꠖꠤꠟꠦ-ꠎꠣꠘꠦ ꠀꠟ꠆ꠟꠣꠞ ꠄꠛꠣꠖꠔ ꠇꠞꠞꠣꠝ। ꠄꠇ ꠀꠟ꠆ꠟꠣꠃ ꠡꠣꠇ꠆ꠇꠤ ꠀꠍꠂꠘ, ꠀꠝꠤ ꠙꠞꠔꠦꠇ ꠛꠣꠞ ꠝꠥꠘꠣꠎꠣꠔꠞ ꠡꠝꠄ ꠔꠥꠝꠞꠣꠞ ꠇꠕꠣ ꠁꠀꠖ ꠇꠞꠤ।

Injil 6: Ruman 10:14

ꠅꠁꠟꠦ ꠎꠣꠘ ꠃꠙꠞꠦ ꠔꠣꠞꠣ ꠁꠝꠣꠘꠃ ꠀꠘꠍꠦ ꠘꠣ, ꠔꠣꠘꠞꠦ ꠇꠤꠟꠣ ꠒꠣꠇꠤꠛ? ꠀꠞ ꠎꠣꠘ ꠛꠦꠙꠣꠞꠦ ꠔꠣꠞꠣ ꠢꠥꠘꠍꠦꠃ ꠘꠣ, ꠔꠣꠘ ꠃꠙꠞꠦ ꠁꠝꠣꠘ ꠀꠘꠛ ꠇꠤꠟꠣ? ꠔꠛꠟꠤꠉ ꠇꠞꠞꠣ ꠘꠣ ꠕꠣꠇꠟꠦ, ꠔꠣꠞꠣ ꠢꠥꠘꠛ ꠇꠤꠟꠣ?

Injil 6: Ruman 11:13

ꠅ ꠜꠤꠘ ꠎꠣꠔꠤ ꠅꠇꠟ, ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠢꠥꠘꠅ, ꠔꠥꠝꠞꠣꠞ ꠉꠦꠍꠦꠃ ꠀꠝꠣꠞꠦ ꠍꠣꠢꠣꠛꠤ ꠢꠤꠡꠣꠛꠦ ꠙꠣꠑꠣꠁꠟ ꠅꠁꠍꠦ ꠇꠞꠤ, ꠀꠝꠤ ꠀꠝꠣꠞ ꠇꠣꠝꠞꠦ ꠈꠥꠛ ꠖꠣꠝ ꠖꠤꠞꠣꠝ।

Injil 6: Ruman 15:16

ꠁꠍꠣ ꠀꠟ-ꠝꠍꠤꠞ ꠈꠣꠖꠤꠝ ꠢꠤꠡꠣꠛꠦ ꠀꠟ꠆ꠟꠣꠄ ꠀꠝꠣꠞꠦ ꠔꠥꠝꠞꠣꠞ ꠟꠣꠈꠣꠘ ꠜꠤꠘ ꠎꠣꠔꠤ ꠅꠇꠟꠞ ꠉꠦꠍꠦ ꠙꠣꠑꠣꠁꠍꠂꠘ। ꠄꠞꠟꠣꠉꠤꠃ ꠔꠣꠘ ꠖꠦꠅꠀ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠝꠣꠎꠖꠤ ꠀꠝꠤ ꠁꠝꠣꠝꠔꠤꠞ ꠇꠣꠝ ꠇꠞꠤꠀꠞ, ꠎꠣꠔꠦ ꠅꠃ ꠜꠤꠘ ꠎꠣꠔꠤ ꠅꠇꠟ ꠀꠟ꠆ꠟꠣꠞ ꠙꠣꠇ ꠞꠥꠢꠦ ꠙꠛꠤꠔ꠆ꠞ ꠅꠁꠀ ꠔꠣꠘ ꠖꠞꠛꠣꠞꠅ ꠇꠛꠥꠟ ꠅꠀꠞ ꠎꠥꠇꠣ ꠇꠥꠞꠛꠣꠘꠤ ꠅꠁꠘ।

Injil 6: Ruman 9:1

ꠀꠝꠤ ꠀꠟ-ꠝꠍꠤꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠄꠇ꠆ꠇꠦꠞꠦ ꠢꠣꠍꠣ ꠇꠕꠣ ꠇꠁꠞꠣꠝ, ꠀꠝꠣꠞ ꠛꠤꠛꠦꠇꠦꠅ ꠙꠣꠇ ꠞꠥꠢꠥꠞ ꠟꠉꠦ ꠅꠁꠀ ꠅꠃ ꠡꠣꠇ꠆ꠇꠤ ꠖꠦꠞ।

Injil 7: 1-Korintia 9:1

ꠜꠣꠁꠀꠁꠘꠞꠦ, ꠀꠝꠤ ꠇꠤꠔꠣ ꠡ꠆ꠛꠣꠗꠤꠘ ꠘꠣꠄ ꠘꠤ? ꠀꠝꠤ ꠇꠥꠘꠥ ꠍꠣꠢꠣꠛꠤ ꠘꠣꠄ ꠘꠤ? ꠀꠝꠤ ꠇꠥꠘꠥ ꠀꠝꠞꠣꠞ ꠝꠣꠟꠤꠇ ꠁꠍꠣꠞꠦ ꠖꠦꠈꠍꠤ ꠘꠣ ꠘꠤ? ꠝꠣꠟꠤꠇꠞ ꠟꠣꠉꠤ ꠀꠝꠤ ꠎꠦ ꠔꠛꠟꠤꠉ ꠇꠣꠝ ꠇꠞꠍꠤ, ꠁꠔꠣꠞ ꠚꠟ ꠔꠥꠝꠞꠣ ꠘꠣꠄ ꠘꠤ?

Injil 8: 2-Korintia 11:31

ꠀꠝꠞꠣꠞ ꠀꠟ꠆ꠟꠣ ꠙꠣꠇ ꠀꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠉꠣꠁꠛꠤ ꠛꠣꠚ, ꠎꠦꠁꠘ ꠢꠣꠝꠦꠡꠣ ꠉꠃꠞꠛ ꠙꠣꠅꠀꠞ ꠟꠣꠈ, ꠔꠣꠁꠘ ꠘꠤꠎꠦꠃ ꠎꠣꠘꠂꠘ, ꠀꠝꠤ ꠇꠥꠘ꠆ꠔꠣꠃ ꠝꠤꠍꠣ ꠝꠣꠔꠞꠣꠝ ꠘꠣ।

Injil 9: Galatia 1:16

ꠀꠝꠤ ꠔꠣꠘ ꠈꠣꠍ ꠝꠣꠄꠀꠞ ꠎꠘꠞ ꠖꠤꠖꠣꠞ ꠙꠣꠁꠀ, ꠅꠁꠘ꠆ꠘꠣꠁꠘ꠆ꠘ ꠎꠣꠔꠤꠞ ꠉꠦꠍꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤ। ꠔꠦ ꠅꠃ ꠖꠤꠖꠣꠞ ꠙꠣꠁꠀꠅ ꠀꠝꠤ ꠇꠥꠘꠥ ꠀꠖꠝ ꠎꠣꠔꠞ ꠟꠉꠦ ꠙꠞꠣꠝꠤꠡ ꠇꠞꠍꠤ ꠘꠣ।

Injil 9: Galatia 1:20

ꠄꠇ ꠀꠟ꠆ꠟꠣ ꠡꠣꠇ꠆ꠇꠤ ꠀꠍꠂꠘ, ꠀꠝꠤ ꠅꠃ ꠎꠦꠔꠣ ꠟꠦꠈꠟꠣꠝ, ꠄꠞ ꠄꠇꠐꠣ ꠢꠞꠚꠅ ꠝꠤꠍꠣ ꠘꠣꠄ। ꠝꠘꠅ ꠞꠣꠈꠛꠣ, ꠅꠃ ꠈꠥꠡ-ꠈꠛꠞꠤ ꠔ ꠇꠥꠘꠥ ꠝꠣꠘꠡꠞ ꠉꠦꠍ ꠕꠣꠇꠤ ꠙꠣꠁꠍꠤ ꠘꠣ, ꠈꠣꠟꠤ ꠁꠍꠣ ꠀꠟ-ꠝꠍꠤꠄ ꠘꠤꠎꠦ ꠀꠝꠣꠞ ꠉꠦꠍꠦ ꠎꠣꠁꠞ ꠇꠞꠍꠂꠘ।

Injil 9: Galatia 2:16

ꠄꠞꠛꠣꠖꠦꠅ ꠔ ꠀꠝꠞꠣ ꠎꠣꠘꠤ, ꠝꠥꠍꠣꠞ ꠡꠞꠤꠅꠔ ꠀꠝꠟ ꠇꠞꠟꠦꠅ ꠀꠟ꠆ꠟꠣꠄ ꠝꠣꠘꠡꠞꠦ ꠖꠤꠘꠖꠣꠞ ꠇꠁꠀ ꠇꠛꠥꠟ ꠇꠞꠂꠘ ꠘꠣ, ꠈꠣꠟꠤ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠟꠦꠃ ꠖꠤꠘꠖꠣꠞ ꠇꠁꠀ ꠇꠛꠥꠟ ꠇꠞꠂꠘ। ꠄꠞꠖꠣꠄꠃ ꠀꠝꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠍꠤ, ꠎꠣꠔꠦ ꠡꠞꠤꠅꠔꠞ ꠀꠝꠟꠦ ꠘꠣꠄ, ꠅꠁꠟꠦ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠣꠄ ꠀꠝꠞꠣꠞꠦ ꠖꠤꠘꠖꠣꠞ ꠇꠁꠀ ꠇꠛꠥꠟ ꠇꠞꠂꠘ। ꠇꠣꠞꠘ ꠡꠞꠤꠅꠔ ꠀꠝꠟ ꠇꠞꠟꠦꠅ ꠇꠥꠘꠥ ꠝꠣꠘꠡꠞꠦ ꠖꠤꠘꠖꠣꠞ ꠇꠁꠀ ꠉꠘꠣ ꠅꠁꠔ ꠘꠣꠄ।”

Injil 9: Galatia 2:9

ꠅꠈꠣꠘ ꠖꠦꠈꠤꠀ ꠎꠝꠣꠔꠞ ꠉꠁꠘ꠆ꠘ-ꠝꠣꠁꠘ꠆ꠘ ꠝꠥꠞꠛ꠆ꠛꠤ, ꠝꠣꠘꠤ ꠁꠀꠇꠥꠛ, ꠙꠤꠔꠞ ꠀꠞ ꠢꠣꠘ꠆ꠘꠣꠘꠦ ꠛꠥꠎꠤꠟꠤꠟꠣ, ꠀꠟ꠆ꠟꠣꠞ ꠔꠞꠚ ꠕꠘꠦ ꠀꠝꠤ ꠈꠣꠍ ꠞꠢꠝꠔ ꠙꠣꠁꠍꠤ। ꠔꠦꠃ ꠔꠣꠞꠣꠅ ꠀꠝꠞꠣꠞ ꠟꠉꠦ ꠄꠇꠝꠔ ꠀꠍꠂꠘ ꠅꠈꠣꠘ ꠖꠦꠈꠣꠁꠔꠣ ꠇꠞꠤ, ꠀꠝꠣꠞ ꠀꠞ ꠛꠣꠞ꠆ꠘꠣꠛꠣꠍꠞ ꠟꠉꠦ ꠔꠣꠞꠣꠞ ꠀꠔ ꠝꠤꠟꠣꠁꠟꠣ। ꠀꠞ ꠅꠃ ꠝꠣꠔꠦ ꠞꠣꠎꠤ ꠅꠁꠟꠣ, ꠀꠝꠞꠣ ꠔꠛꠟꠤꠉ ꠇꠞꠝꠥ ꠅꠁꠘ꠆ꠘꠣꠁꠘ꠆ꠘ ꠎꠣꠔꠤꠞ ꠉꠦꠍꠦ, ꠅꠁꠟꠦ ꠔꠣꠞꠣ ꠔꠛꠟꠤꠉ ꠇꠞꠛꠣ ꠁꠢꠥꠖꠤ ꠡꠝꠣꠎꠞ ꠉꠦꠍꠦ।

Injil 9: Galatia 3:9

ꠔꠦ ꠛꠥꠎꠣ ꠎꠣꠄ, ꠀꠟ꠆ꠟꠣꠞ ꠅꠀꠖꠣꠄ ꠁꠝꠣꠘ ꠀꠘꠣꠄ ꠁꠛ꠆ꠞꠣꠢꠤꠝꠦ ꠎꠦꠟꠣ ꠛꠞꠇꠔ ꠙꠣꠁꠍꠂꠘ, ꠔꠣꠘ ꠛꠣꠖꠦ ꠎꠦꠞꠣ ꠁꠝꠣꠘ ꠀꠘꠛꠣ ꠔꠣꠞꠣꠅ ꠅꠟꠣ ꠛꠞꠇꠔ ꠙꠣꠁꠛꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:11

ꠅꠃ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠟꠣꠉꠤꠃ ꠔ ꠀꠝꠣꠞꠦ ꠔꠛꠟꠤꠉꠇꠣꠞꠤ, ꠍꠣꠢꠣꠛꠤ ꠀꠞ ꠃꠡ꠆ꠔꠣꠖ ꠢꠤꠡꠣꠛꠦ ꠛꠅꠀꠁꠟ ꠇꠞꠣ ꠅꠁꠍꠦ।

ꠁꠘ꠆ꠎꠤꠟ ২২: ২-ꠙꠤꠔꠞ 2:5

ꠀꠞ ꠔꠣꠁꠘ ꠢꠃ ꠀꠉꠞ ꠖꠥꠘꠤꠀꠞꠦꠅ ꠞꠦꠢꠣꠁ ꠖꠤꠍꠂꠘ ꠘꠣ, ꠛꠞꠋ ꠅꠃ ꠛꠦ-ꠖꠤꠘ ꠅꠇꠟꠞꠦ ꠛꠁꠘ꠆ꠘꠣꠞ ꠙꠣꠘꠤꠖꠤ ꠝꠣꠞꠍꠂꠘ। ꠅꠁꠟꠦ ꠘꠥꠢ ꠘꠛꠤ ꠀꠞ ꠅꠁꠘ꠆ꠘ ꠡꠣꠔ ꠎꠘꠞꠦ ꠔꠣꠁꠘ ꠛꠣꠌꠣꠁꠍꠂꠘ। ꠇꠣꠞꠘ ꠘꠥꠢ ꠘꠛꠤꠄ ꠙꠞꠦꠎꠉꠣꠞꠤꠞ ꠇꠕꠣ ꠔꠛꠟꠤꠉ ꠇꠞꠔꠣ।