ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:6 - Siloṭi Asmani Kitab (Nagri lipi)

⁶ ꠖꠥꠘꠤꠀꠞ ꠢꠇꠟ ꠝꠣꠘꠡꠞ ꠎꠣꠘꠞ ꠛꠖꠟꠣ ꠢꠤꠡꠣꠛꠦ, ꠔꠣꠁꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠍꠂꠘ। ꠅꠃ ꠛꠦꠙꠣꠞꠦ ꠔ ꠀꠟ꠆ꠟꠣꠞ ꠑꠤꠇ ꠇꠞꠣ ꠡꠝꠄꠄ ꠡꠣꠇ꠆ꠇꠤ ꠖꠦꠅꠀ ꠅꠁꠍꠦ।

ছিলটি আছমানি কিতাব (বাংলা লিপি)

⁶ দুনিয়ার হকল মানষর জানর বদলা হিসাবে, তাইন নিজর জান কুরবানি দিছইন। অউ বেয়াপারে তো আল্লার ঠিক করা সময়ে সাক্ষি দেওয়া অইছে।

Siloṭi Asmani Kitab (Latin lipi)

⁶ Duniar hoḳol manshor zanor bodla hishabe, tain nizor zan kurbani disoin. Ou befare to Allar ṭik kora shomoye shakki deoa oise.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:6 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 7:15

ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ,

ꠁꠘ꠆ꠎꠤꠟ ১: ꠝꠕꠤ 20:28

ꠝꠘꠅ ꠞꠣꠈꠤꠅ, ꠀꠝꠤ ꠛꠤꠘ-ꠀꠖꠝꠦꠅ ꠈꠦꠎꠝꠔ ꠙꠣꠅꠀꠔ ꠀꠁꠍꠤ ꠘꠣ, ꠀꠁꠍꠤ ꠔ ꠈꠦꠎꠝꠔ ꠇꠞꠣꠔ। ꠀꠞ ꠛꠃꠔ ꠝꠣꠘꠡꠞ ꠎꠣꠘ ꠛꠣꠌꠣꠘꠤꠞ ꠟꠣꠉꠤ, ꠘꠤꠎꠞ ꠎꠣꠘ ꠛꠤꠟꠣꠁ ꠖꠦꠅꠀꠔ ꠀꠁꠍꠤ।”

Injil 2: Markus 1:15

“ꠡꠝꠄ ꠙꠥꠞꠣ ꠅꠁꠉꠦꠍꠦ, ꠀꠟ꠆ꠟꠣꠞ ꠛꠣꠖꠡꠣꠁ ꠘꠎꠖꠤꠇ ꠀꠁꠌ꠆ꠍꠦ। ꠀꠙꠘꠣꠞꠣ ꠔꠃꠛꠣ ꠇꠞꠃꠇ꠆ꠇꠣ ꠀꠞ ꠅꠃ ꠈꠥꠡ-ꠈꠛꠞꠤꠞ ꠃꠙꠞꠦ ꠁꠝꠣꠘ ꠀꠘꠃꠇ꠆ꠇꠣ।”

Injil 2: Markus 10:45

ꠝꠘꠅ ꠞꠣꠈꠤꠅ, ꠀꠝꠤ ꠛꠤꠘ-ꠀꠖꠝꠦꠅ ꠈꠦꠎꠝꠔ ꠙꠣꠅꠀꠔ ꠀꠁꠍꠤ ꠘꠣ, ꠀꠁꠍꠤ ꠔ ꠈꠦꠎꠝꠔ ꠇꠞꠣꠔ। ꠀꠞ ꠛꠃꠔ ꠝꠣꠘꠡꠞ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠘꠤꠎꠞ ꠎꠣꠘ ꠛꠤꠟꠣꠁ ꠖꠦꠅꠀꠔ ꠀꠁꠍꠤ।”

Injil 4: Hannan 6:51

ꠢꠥꠘꠅ, ꠀꠝꠤꠃ ꠅꠁꠟꠣꠝ ꠢꠃ ꠎꠤꠘ꠆ꠖꠣ ꠞꠥꠐꠤ, ꠎꠦ ꠞꠥꠐꠤ ꠛꠦꠢꠦꠡ꠆ꠔ ꠕꠣꠇꠤ ꠟꠣꠝꠤꠀ ꠀꠁꠍꠦ। ꠎꠦ ꠎꠘꠦ ꠁ ꠞꠥꠐꠤ ꠈꠣꠁꠛ, ꠢꠦ ꠌꠤꠞꠇꠣꠟꠤꠘ ꠎꠤꠘ꠆ꠖꠦꠉꠤ ꠙꠣꠁꠛ। ꠀꠝꠣꠞ ꠇꠣꠄꠀꠃ ꠅꠁꠟ ꠅꠃ ꠞꠥꠐꠤ। ꠝꠣꠘꠡꠞꠦ ꠌꠤꠞꠇꠣꠟꠤꠘ ꠎꠤꠘ꠆ꠖꠦꠉꠤ ꠖꠤꠛꠣꠞ ꠘꠤꠅꠔꠦ ꠀꠝꠤ ꠀꠝꠣꠞ ꠖꠦꠢ-ꠇꠣꠄꠀ ꠛꠤꠟꠣꠁ ꠖꠤꠝꠥ।”

Injil 6: Ruman 16:26

ꠅꠁꠟꠦ ꠅꠈꠘ ꠁꠔꠣ ꠖꠥꠘꠤꠀꠞ ꠢꠇꠟ ꠎꠣꠔꠤꠞ ꠉꠦꠍꠦ ꠎꠣꠁꠞ ꠅꠞ। ꠌꠤꠞꠇꠣꠟꠤꠘ ꠎꠤꠘ꠆ꠖꠣ ꠀꠟ꠆ꠟꠣꠞ ꠢꠥꠇꠥꠝꠦ, ꠀꠉꠞ ꠎꠝꠣꠘꠣꠞ ꠘꠛꠤ ꠅꠇꠟꠦ ꠎꠦꠔꠣ ꠟꠦꠈꠤꠀ ꠞꠣꠈꠍꠤꠟꠣ, ꠅꠔꠣ ꠎꠣꠁꠞ ꠅꠞ, ꠎꠣꠔꠦ ꠔꠣꠞꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠤꠀ ꠀꠟ꠆ꠟꠣ ꠙꠣꠇꠞ ꠛꠣꠁꠖ꠆ꠖ ꠅꠁꠘ। ꠄꠞꠟꠣꠉꠤ ꠅꠃ ꠈꠥꠡ-ꠈꠛꠞꠤ ꠅꠈꠘ ꠔꠛꠟꠤꠉ ꠇꠞꠣ ꠅꠞ।

Injil 6: Ruman 5:6

ꠀꠝꠞꠣ ꠔ ꠇꠝꠎꠥꠞ-ꠟꠣꠌꠣꠞ ꠀꠍꠟꠣꠝ, ꠡꠑꠤꠇ ꠡꠝꠄꠄ ꠀꠝꠞꠣꠞ ꠟꠣꠈꠣꠘ ꠉꠥꠘꠣꠉꠣꠞꠞꠦ ꠛꠣꠌꠣꠘꠤꠞ ꠟꠣꠉꠤ, ꠀꠟ-ꠝꠍꠤꠄ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠟꠣ।

Injil 7: 1-Korintia 1:6

ꠅꠈꠘ ꠖꠦꠈꠣ ꠎꠣꠞ, ꠀꠟ-ꠝꠍꠤꠞ ꠛꠦꠙꠣꠞꠦ ꠀꠝꠞꠣ ꠎꠦꠔꠣ ꠔꠣꠟꠤꠝ ꠖꠤꠍꠟꠣꠝ, ꠁꠔꠣ ꠔꠥꠝꠞꠣꠞ ꠖꠤꠟꠅ ꠉꠣꠕꠤꠀ ꠞꠣꠈꠍ।

Injil 8: 2-Korintia 5:21

ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔ ꠇꠥꠘꠥ ꠉꠥꠘꠣ-ꠘꠣꠚꠞꠝꠣꠘꠤ ꠇꠞꠍꠂꠘ ꠘꠣ। ꠅꠁꠟꠦ ꠀꠝꠞꠣ ꠢꠇꠟꠞ ꠉꠥꠘꠣꠞ ꠡꠣꠎꠣ ꠀꠟ꠆ꠟꠣꠄ ꠔꠣꠘ ꠇꠣꠘ꠆ꠖꠅ ꠔꠥꠟꠤ ꠖꠤꠟꠣ, ꠎꠣꠔꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠣꠞ ꠝꠣꠎꠖꠤ ꠀꠟ꠆ꠟꠣꠁ ꠙꠛꠤꠔ꠆ꠞꠔꠣꠄ ꠀꠝꠞꠣ ꠙꠞꠦꠎꠉꠣꠞ ꠢꠤꠡꠣꠛꠦ ꠇꠛꠥꠟ ꠅꠁ।

Injil 9: Galatia 1:4

ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠝꠥꠘꠡꠣꠄ, ꠢꠃ ꠁꠍꠣꠄ ꠀꠝꠞꠣꠞ ꠉꠥꠘꠣꠞ ꠝꠣꠚꠤꠞ ꠟꠣꠉꠤ ꠘꠤꠎꠞ ꠙꠛꠤꠔ꠆ꠞ ꠎꠣꠘ ꠇꠥꠞꠛꠣꠘꠤ ꠖꠤꠍꠂꠘ, ꠎꠣꠔꠦ ꠅꠃ ꠈꠣꠞꠣꠙ ꠎꠝꠣꠘꠣꠞ ꠀꠔ ꠕꠣꠇꠤ ꠀꠝꠞꠣꠞꠦ ꠛꠣꠌꠣꠁꠔꠣ ꠙꠣꠞꠂꠘ।

Injil 9: Galatia 4:4

ꠅꠁꠟꠦ ꠡꠝꠄ ꠙꠥꠞꠣ ꠅꠁꠀ ꠢꠣꠞꠟꠦ, ꠀꠟ꠆ꠟꠣꠄ ꠔꠣꠘ ꠈꠣꠍ ꠝꠣꠄꠀꠞ ꠎꠘꠞꠦ ꠛꠦꠎꠤꠟꠣ। ꠔꠣꠁꠘ ꠄꠇꠎꠘ ꠘꠦꠇ ꠀꠅꠞꠔꠞ ꠙꠦꠐꠅ ꠎꠘꠝ ꠟꠁꠀ, ꠡꠞꠤꠅꠔꠞ ꠢꠥꠇꠥꠝ-ꠀꠢꠇꠣꠝ ꠝꠣꠚꠤꠇ ꠎꠤꠘ꠆ꠖꠦꠉꠤ ꠇꠣꠐꠣꠁꠟꠣ।

Injil 10: Ifisia 1:17

ꠀꠝꠤ ꠀꠟ꠆ꠟꠣꠞ ꠖꠞꠛꠣꠞꠅ ꠀꠞꠎ ꠇꠞꠤ, ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠀꠟ꠆ꠟꠣꠄ, ꠎꠣꠟꠣꠟ ꠀꠞ ꠡꠣꠘ ꠀꠟꠣ ꠉꠣꠁꠛꠤ ꠛꠣꠚꠦ ꠀꠙꠘꠣꠁꠘ꠆ꠔꠞꠦ ꠞꠥꠢꠣꠘꠤ ꠀꠈꠟ ꠀꠞ ꠛꠥꠎꠣꠞ ꠈꠦꠝꠔꠣ ꠖꠦꠃꠇ꠆ꠇꠣ। ꠔꠦꠃ ꠀꠙꠘꠣꠞꠣ ꠀꠞꠅ ꠜꠣꠟꠣꠝꠘ꠆ꠔꠦ ꠔꠣꠘꠞꠦ ꠌꠤꠘꠛꠣ।

Injil 10: Ifisia 1:7

ꠀꠟ-ꠝꠍꠤꠞ ꠙꠛꠤꠔ꠆ꠞ ꠇꠥꠞꠛꠣꠘꠤꠞ ꠃꠍꠤꠟ꠆ꠟꠣꠄ ꠔꠣꠘ ꠟꠃꠞ ꠛꠖꠟꠣ ꠀꠝꠞꠣ ꠉꠥꠘꠣꠞ ꠡꠣꠎꠣ ꠕꠣꠇꠤ ꠈꠣꠟꠣꠍ ꠙꠣꠁꠍꠤ, ꠀꠝꠞꠣ ꠅꠃ ꠝꠣꠚꠤ ꠙꠣꠁꠍꠤ, ꠁꠔꠣ ꠔ ꠀꠟ꠆ꠟꠣ ꠙꠣꠇꠞ ꠈꠣꠍ ꠞꠢꠝꠔ।

Injil 10: Ifisia 3:5

ꠁ ꠛꠣꠔꠥꠘꠤ ꠛꠦꠙꠣꠞꠈꠣꠘ ꠍꠣꠢꠣꠛꠤ ꠀꠞ ꠘꠛꠤ ꠅꠇꠟꠞ ꠉꠦꠍꠦ ꠎꠦꠟꠣ ꠙꠣꠇ ꠞꠥꠢꠥꠞ ꠝꠣꠎꠖꠤ ꠅꠈꠘ ꠎꠣꠁꠞ ꠅꠞ, ꠀꠉꠞ ꠎꠝꠣꠘꠣꠞ ꠇꠥꠘꠥ ꠝꠣꠘꠡꠞ ꠉꠦꠍꠦꠃ ꠁꠟꠣ ꠎꠣꠁꠞ ꠅꠁꠍꠦ ꠘꠣ।

Injil 10: Ifisia 5:2

ꠀꠟ-ꠝꠍꠤꠄ ꠎꠦꠟꠣ ꠀꠝꠞꠣꠞꠦ ꠝꠢꠛ꠆ꠛꠔ ꠇꠞꠍꠂꠘ, ꠔꠥꠝꠞꠣꠅ ꠅꠟꠣ ꠝꠣꠄꠀ-ꠝꠢꠛ꠆ꠛꠔꠞ ꠙꠕꠦ ꠌꠟꠅ। ꠔꠣꠁꠘ ꠀꠝꠞꠣꠞꠦ ꠛꠣꠌꠣꠁꠔꠣ ꠇꠞꠤ ꠘꠤꠎꠞ ꠎꠣꠘꠞꠦ ꠈꠥꠡꠛꠄꠖꠣꠞ ꠇꠥꠞꠛꠣꠘꠤ ꠢꠤꠡꠣꠛꠦ ꠀꠟ꠆ꠟꠣꠞ ꠘꠣꠝꠦ ꠛꠤꠟꠣꠁ ꠖꠤꠍꠂꠘ।

ইঞ্জিল ১৪: ২-থিষল: 1:10

ꠢꠃ ꠖꠤꠘ ꠔꠣꠘ ꠘꠤꠎꠞ ꠙꠣꠇ ꠛꠘ꠆ꠖꠣ ꠅꠇꠟ, ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠍꠦ ꠔꠣꠞꠣꠞ ꠝꠣꠎꠖꠤ, ꠔꠣꠘ ꠉꠃꠞꠛ-ꠝꠢꠤꠝꠣ ꠎꠣꠁꠞ ꠅꠁꠛ। ꠄꠞꠣꠞ ꠝꠣꠎꠦ ꠔꠥꠝꠞꠣꠅ ꠀꠍ, ꠇꠣꠞꠘ ꠀꠝꠞꠣꠞ ꠔꠛꠟꠤꠉ ꠢꠥꠘꠤꠀ ꠔꠥꠝꠞꠣ ꠁꠝꠣꠘ ꠀꠘꠍ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:15

ꠀꠞ ꠉꠥꠘꠉꠣꠘꠦ ꠗꠘꠤ ꠢꠃ ꠀꠟ꠆ꠟꠣ, ꠎꠦꠁꠘ ꠄꠇꠝꠣꠔ꠆ꠞ ꠡꠝ꠆ꠞꠣꠐ, ꠛꠣꠖꠡꠣ ꠅꠇꠟꠞ ꠛꠣꠖꠡꠣ ꠀꠞ ꠝꠣꠟꠤꠇ ꠅꠇꠟꠞ ꠝꠣꠟꠤꠇ, ꠔꠣꠁꠘꠃ ꠔꠣꠘ ꠃꠙꠎꠥꠇ꠆ꠔ ꠡꠝꠄꠄ ꠀꠟ-ꠝꠍꠤꠞꠦ ꠎꠣꠁꠞ ꠇꠞꠛꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:8

ꠄꠞꠟꠣꠉꠤ ꠀꠝꠞꠣꠞ ꠝꠣꠟꠤꠇ ꠁꠍꠣꠞ ꠛꠦꠙꠣꠞꠦ ꠡꠣꠇ꠆ꠇꠤ ꠖꠤꠔꠦ ꠡꠞꠝꠣꠁꠅ ꠘꠣ, ꠀꠞ ꠔꠣꠘ ꠘꠣꠝꠞ ꠟꠣꠉꠤ ꠀꠝꠤ ꠎꠦꠘ ꠎꠦꠟꠅ ꠛꠘ꠆ꠖꠤ ꠀꠍꠤ, ꠀꠝꠣꠞꠦ ꠟꠁꠀꠅ ꠡꠞꠝꠣꠁꠅ ꠘꠣ। ꠛꠞꠋ ꠀꠟ꠆ꠟꠣꠞ ꠖꠦꠅꠀ ꠛꠟꠦ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠇꠣꠝꠅ ꠀꠝꠣꠞ ꠟꠉꠦ ꠞꠁꠀ ꠖꠥꠈ-ꠇꠡ꠆ꠐ ꠡꠁꠎ꠆ꠎ ꠇꠞꠅ।

Injil 17: Titas 1:3

ꠔꠣꠁꠘ ꠔꠣꠘ ꠇꠣꠟꠣꠝ ꠡꠑꠤꠇ ꠡꠝꠄꠄ ꠎꠣꠁꠞ ꠇꠞꠍꠂꠘ, ꠀꠞ ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣꠞ ꠢꠥꠇꠥꠝ ꠝꠣꠚꠤꠇ ꠁꠔꠣ ꠔꠛꠟꠤꠉ ꠇꠞꠣꠞ ꠜꠣꠞ ꠀꠝꠣꠞ ꠀꠔꠅ ꠖꠦꠅꠀ ꠅꠁꠍꠦ।

Injil 17: Titas 2:14

ꠁꠍꠣ ꠀꠟ-ꠝꠍꠤꠄ ꠔ ꠀꠝꠞꠣꠞꠦ ꠛꠣꠌꠣꠘꠤꠞ ꠟꠣꠉꠤ ꠔꠣꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠟꠣꠁꠍꠂꠘ, ꠎꠣꠔꠦ ꠢꠇꠟ ꠉꠥꠘꠣ ꠕꠣꠇꠤ ꠀꠝꠞꠣꠞꠦ ꠈꠣꠟꠣꠍ ꠇꠞꠤ ꠀꠘꠔꠣ ꠙꠣꠞꠂꠘ, ꠀꠞ ꠅꠃ ꠟꠣꠈꠣꠘ ꠄꠇꠖꠟ ꠝꠣꠘꠡꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠂꠘ, ꠎꠦꠞꠣ ꠈꠣꠟꠤ ꠔꠣꠘ ꠘꠤꠎꠞ ꠅꠁꠛꠣ, ꠎꠦꠞꠣ ꠘꠦꠇ ꠇꠣꠝꠞ ꠀꠡꠤꠇ ꠅꠁꠛꠣ।

Injil 19: Ibrani 9:12

ꠇꠥꠘꠥ ꠉꠞꠥ ꠛꠣ ꠍꠣꠉꠟꠞ ꠟꠃ ꠀꠔꠅ ꠟꠁꠀ ꠔꠣꠁꠘ ꠢꠤꠘꠅ ꠢꠣꠝꠣꠁꠍꠂꠘ ꠘꠣ। ꠈꠣꠟꠤ ꠔꠣꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤꠞ ꠟꠃ ꠖꠤꠀ ꠄꠇꠛꠣꠞꠃ ꠢꠤ ꠢꠦꠞꠦꠝ ꠡꠞꠤꠚꠈꠣꠘꠅ ꠢꠣꠝꠣꠁꠍꠂꠘ, ꠢꠣꠝꠣꠁꠀ ꠀꠝꠞꠣꠞꠦ ꠢꠞ-ꠢꠣꠝꠦꠡꠣꠇꠥꠞ ꠟꠣꠉꠤ ꠈꠣꠟꠣꠍ ꠇꠞꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 2:24

ꠔꠣꠁꠘ ꠘꠤꠎꠞ ꠡꠞꠤꠟ ꠖꠤꠀ ꠀꠝꠞꠣꠞ ꠉꠥꠘꠣꠞ ꠛꠥꠏꠣ ꠛꠁꠍꠂꠘ ꠉꠣꠍꠞ ꠐꠥꠇꠞꠣꠞ ꠍꠟꠤꠛꠅ, ꠎꠣꠔꠦ ꠉꠥꠘꠣꠞ ꠛꠣꠛꠔꠦ ꠀꠝꠞꠣ ꠝꠞꠤꠀ ꠢꠣꠞꠤ, ꠙꠣꠇ-ꠙꠞꠦꠎꠉꠣꠞꠤꠄ ꠎꠤꠘ꠆ꠖꠣ ꠞꠁ। ꠔꠣꠘ ꠡꠞꠤꠟꠞ ꠇꠣꠐꠣ-ꠌꠤꠞꠣꠄ ꠔꠥꠝꠞꠣꠞ ꠡꠤꠚꠣ ꠅꠁꠍꠦ।

ꠁꠘ꠆ꠎꠤꠟ ২১: ১-ꠙꠤꠔꠞ 3:18

ꠝꠘꠅ ꠞꠣꠈꠤꠅ, ꠀꠝꠞꠣꠞ ꠉꠥꠘꠣꠞ ꠝꠣꠚꠤꠞ ꠟꠣꠉꠤ ꠀꠟ-ꠝꠍꠤꠄꠅ ꠄꠇꠛꠣꠞ ꠇꠡ꠆ꠐ ꠇꠞꠍꠂꠘ, ꠘꠣꠚꠞꠝꠣꠘꠞꠦ ꠛꠣꠌꠣꠘꠤꠞ ꠟꠣꠉꠤ ꠢꠃ ꠙꠞꠦꠎꠉꠣꠞ ꠎꠘꠦ ꠎꠣꠘ ꠖꠤꠍꠂꠘ, ꠀꠝꠞꠣꠞꠦ ꠀꠟ꠆ꠟꠣꠞ ꠖꠞꠛꠣꠞꠅ ꠙꠃꠍꠣꠘꠤꠞ ꠟꠣꠉꠤ। ꠡꠞꠤꠟꠦ ꠔꠣꠘꠞꠦ ꠝꠣꠞꠣ ꠅꠁꠍꠤꠟ, ꠅꠁꠟꠦ ꠞꠥꠢꠦ ꠎꠤꠘ꠆ꠖꠣ ꠇꠞꠣ ꠅꠁꠍꠦ।

Injil 23: 1-Hannan 4:10

ꠀꠞ ꠀꠝꠞꠣ ꠎꠦꠘ ꠀꠟ꠆ꠟꠣ ꠙꠣꠇꠞꠦ ꠝꠢꠛ꠆ꠛꠔ ꠇꠞꠍꠟꠣꠝ ꠁꠟꠣ ꠇꠥꠘ꠆ꠔꠣ ꠘꠣꠄ, ꠛꠞꠋ ꠔꠣꠁꠘ ꠘꠤꠎꠦꠃ ꠀꠝꠞꠣꠞꠦ ꠝꠢꠛ꠆ꠛꠔ ꠇꠞꠤꠀ, ꠀꠝꠞꠣꠞ ꠉꠥꠘꠣꠞ ꠇꠚꠞꠣ ꠅꠁꠛꠣꠞ ꠟꠣꠉꠤ, ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞꠦ ꠎꠉꠔꠅ ꠙꠣꠑꠣꠁ ꠖꠤꠟꠣ, ꠅꠇꠐꠣꠞꠦꠃ ꠇꠄ ꠝꠢꠛ꠆ꠛꠔ।

Injil 27: Zaira Kalam 5:9

ꠀꠞ ꠔꠣꠞꠣ ꠘꠄꠀ ꠅꠃ ꠉꠎꠟ ꠉꠣꠁꠟꠣ, “ꠈꠣꠟꠤ ꠔꠥꠝꠤꠃ ꠡꠑꠤꠇ ꠎꠘ ꠅꠃ ꠇꠤꠔꠣꠛꠈꠣꠘ ꠘꠤꠛꠣꠞ, ꠘꠤꠀ ꠄꠞ ꠡꠤꠟ-ꠌꠣꠙ꠆ꠙꠠ ꠈꠥꠟꠛꠣꠞ। ꠔꠥꠝꠣꠞꠦ ꠔ ꠎꠣꠘꠦ ꠝꠣꠞꠣ ꠅꠁꠍꠤꠟ। ꠔꠥꠝꠤ ꠔꠥꠝꠣꠞ ꠟꠃ ꠖꠤꠀ ꠢꠇ꠆ꠇꠟ ꠈꠣꠘ꠆ꠖꠣꠘ ꠕꠣꠇꠤ, ꠀꠟ꠆ꠟꠣꠞ ꠟꠣꠉꠤ ꠝꠣꠘꠥꠡ ꠈꠞꠤꠖ ꠇꠞꠍ। ꠢꠇ꠆ꠇꠟ ꠎꠣꠔꠞ ꠛꠥꠟꠤꠄ ꠝꠣꠔꠞꠣ ꠝꠣꠘꠥꠡ, ꠢꠇꠟ ꠖꠦꠡ ꠀꠞ ꠎꠣꠔꠤ ꠕꠣꠇꠤꠅ ꠈꠣꠟꠣꠍ ꠇꠞꠍ।