ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:5 - Siloṭi Asmani Kitab (Nagri lipi)

⁵ ꠁ ꠢꠇꠤꠇꠔꠤ ꠅꠁꠟ, ꠀꠟ꠆ꠟꠣ ꠈꠣꠟꠤ ꠄꠇꠎꠘ, ꠀꠟ꠆ꠟꠣ ꠀꠞ ꠝꠣꠘꠡꠞ ꠝꠣꠎꠦ ꠡꠣꠚꠣꠄꠀꠔꠇꠣꠞꠤ ꠝꠣꠎꠞ ꠝꠣꠘꠥꠡꠅ ꠈꠣꠟꠤ ꠄꠇꠎꠘꠃ ꠀꠍꠂꠘ, ꠄꠘ ꠘꠣꠝ ꠁꠍꠣ ꠀꠟ-ꠝꠍꠤ, ꠄꠁꠘꠅ ꠝꠣꠘꠥꠡ।

ছিলটি আছমানি কিতাব (বাংলা লিপি)

⁵ ই হকিকতি অইলো, আল্লা খালি একজন, আল্লা আর মানষর মাজে শাফায়াতকারি মাজর মানুষও খালি একজনউ আছইন, এন নাম ইছা আল-মসী, এইনও মানুষ।

Siloṭi Asmani Kitab (Latin lipi)

⁵ I hokikoti oilo, Alla ḳali eḳzon, Alla ar manshor maze shafayatḳari mazor manush-o ḳali eḳzon-u asoin, en nam Isa al-Mosi, ein-o manush.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:5 Iomraidhean Croise

ꠁꠘ꠆ꠎꠤꠟ ১: ꠝꠕꠤ 1:1

ꠢꠎꠞꠔ ꠁꠍꠣ ꠀꠟ-ꠝꠍꠤ ꠅꠁꠟꠣ ꠖꠣꠃꠖ ꠘꠛꠤꠞ ꠛꠋꠡꠗꠞ, ꠀꠞ ꠖꠣꠃꠖ ꠅꠁꠟꠣ ꠢꠎꠞꠔ ꠁꠛ꠆ꠞꠣꠢꠤꠝꠞ ꠛꠋꠡꠗꠞ। ꠁꠍꠣ ꠀꠟ-ꠝꠍꠤꠞ ꠈꠣꠘ꠆ꠖꠣꠘꠞ ꠙꠞꠤꠌꠄ ꠅꠁꠟ,

ꠁꠘ꠆ꠎꠤꠟ ১: ꠝꠕꠤ 1:23

ꠝꠣꠛꠥꠖꠦ ꠛꠣꠔꠣꠁꠍꠟꠣ, “ꠢꠥꠘꠅ, ꠄꠇꠎꠘ ꠀꠛꠤꠀꠔꠤ ꠡꠔꠤ ꠘꠣꠞꠤꠞ ꠙꠦꠐꠅ ꠢꠥꠞꠥꠔ꠆ꠔꠣ ꠀꠁꠛ, ꠔꠣꠁꠘ ꠄꠇ ꠙꠥꠀꠞ ꠎꠘꠝ ꠖꠤꠛꠣ, ꠁ ꠙꠥꠀꠞꠦ ꠒꠣꠇꠣ ꠅꠁꠛ ꠁꠝ꠆ꠝꠣꠘꠥꠄꠟ।” ꠁ ꠘꠣꠝꠞ ꠝꠣꠘꠤ ꠅꠁꠟ, ꠀꠟ꠆ꠟꠣ ꠀꠝꠞꠣꠞ ꠟꠉꠦ ꠀꠍꠂꠘ।

Injil 3: Luk 14:22

ꠔꠦꠃ ꠢꠦ ꠅꠟꠣ ꠇꠞꠤꠀ ꠢꠣꠞꠤ ꠛꠣꠖꠦ ꠀꠁꠀ ꠇꠁꠟ, ‘ꠢꠥꠎꠥꠞ, ꠀꠙꠘꠣꠞ ꠢꠥꠇꠥꠝꠦ ꠢꠇꠟꠔꠣ ꠇꠞꠣ ꠅꠁꠍꠦ, ꠅꠁꠟꠦ ꠅꠈꠘꠅ ꠎꠣꠉꠣ ꠈꠣꠟꠤ ꠞꠁꠍꠦ।’

Injil 4: Hannan 1:14

ꠅꠃ ꠇꠣꠟꠣꠝꠃ ꠝꠣꠘꠥꠡ ꠍꠥꠞꠔꠦ ꠎꠘꠝ ꠟꠁꠟꠣ ꠀꠞ ꠀꠝꠞꠣꠞ ꠝꠣꠎꠦ ꠛꠡꠔꠤ ꠇꠞꠟꠣ। ꠛꠣꠚꠞ ꠈꠣꠍ ꠀꠅꠟꠣꠖ ꠢꠤꠡꠣꠛꠦ ꠔꠣꠁꠘ ꠎꠦ ꠎꠣꠟꠣꠟ ꠀꠞ ꠝꠢꠤꠝꠣ ꠙꠣꠁꠍꠂꠘ, ꠢꠃ ꠎꠣꠟꠣꠟ ꠀꠞ ꠝꠢꠤꠝꠣ ꠀꠝꠞꠣ ꠖꠦꠈꠍꠤ। ꠔꠣꠁꠘ ꠔ ꠢꠇ ꠀꠞ ꠞꠢꠝꠔꠦ ꠡꠥꠟ꠆ꠟꠀꠘꠣ ꠇꠣꠝꠤꠟ।

Injil 4: Hannan 17:3

ꠄꠇꠝꠣꠔ꠆ꠞ ꠢꠇ ꠀꠟ꠆ꠟꠣꠞꠦ ꠝꠣꠘꠤ ꠔꠥꠝꠣꠞꠦ ꠀꠞ ꠔꠥꠝꠤ ꠎꠦꠘꠞꠦ ꠙꠣꠑꠣꠁꠍ, ꠢꠃ ꠁꠍꠣ ꠀꠟ-ꠝꠍꠤꠞꠦ ꠌꠤꠘꠣꠃ ꠅꠁꠟ ꠀꠈꠦꠞꠤ ꠎꠤꠘ꠆ꠖꠦꠉꠤ।

Injil 5: Sahabi Nama 4:12

ꠔꠞꠣꠘꠤꠞ ꠈꠦꠝꠔꠣ ꠀꠞ ꠇꠦꠃꠞꠞ ꠉꠦꠍꠦ ꠘꠣꠁ, ꠇꠣꠞꠘ ꠀꠍꠝꠣꠘꠞ ꠔꠟꠦ ꠀꠞ ꠎꠝꠤꠘꠞ ꠃꠙꠞꠦ ꠅꠃꠟꠣ ꠀꠞ ꠇꠥꠘꠥ ꠘꠣꠝ ꠖꠦꠅꠀ ꠅꠁꠍꠦ ꠘꠣ, ꠎꠦꠘ ꠘꠣꠝꠦ ꠀꠝꠞꠣ ꠞꠦꠢꠣꠁ ꠙꠣꠁꠝꠥ।”

Injil 6: Ruman 1:3

ꠅꠃ ꠈꠥꠡ-ꠈꠛꠞꠤ ꠅꠁꠟ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠍꠣ ꠀꠟ-ꠝꠍꠤꠞ ꠛꠦꠙꠣꠞꠦ। ꠔꠣꠁꠘꠃ ꠀꠝꠞꠣꠞ ꠝꠣꠟꠤꠇ। ꠞꠇ꠆ꠔ-ꠝꠣꠋꠡꠞ ꠍꠤꠟꠍꠤꠟꠣꠄ ꠔꠣꠁꠘ ꠅꠁꠟꠣ ꠢꠎꠞꠔ ꠖꠣꠃꠖ ꠘꠛꠤꠞ ꠀꠅꠟꠣꠖ, ꠀꠞ ꠀꠟ꠆ꠟꠣꠁ ꠙꠣꠇ ꠞꠥꠢꠥꠞ ꠇꠥꠖꠞꠔꠤꠄ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠅꠁꠀ ꠁꠛꠘꠥꠟ꠆ꠟꠣ ꠢꠤꠡꠣꠛꠦ ꠎꠣꠁꠞ ꠅꠁꠍꠂꠘ।

Injil 6: Ruman 10:12

ꠛꠘꠤ ꠁꠍꠞꠣꠁꠟ ꠅꠃꠇ ꠛꠣ ꠜꠤꠘ ꠎꠣꠔꠤ ꠅꠃꠇ, ꠄꠞꠣꠞ ꠝꠣꠎꠦ ꠇꠥꠘꠥ ꠔꠚꠣꠔ ꠘꠣꠁ, ꠇꠣꠞꠘ ꠢꠇꠟꠞ ꠝꠣꠟꠤꠇ ꠔ ꠄꠇꠎꠘ। ꠎꠦ ꠝꠣꠘꠡꠦ ꠀꠟ꠆ꠟꠣꠞ ꠘꠣꠝ ꠟꠄ, ꠀꠟ꠆ꠟꠣꠄ ꠔꠣꠞꠦ ꠛꠃꠔ ꠝꠦꠢꠦꠞꠛꠣꠘꠤ ꠇꠞꠂꠘ।

Injil 7: 1-Korintia 8:4

ꠔꠦ ꠖꠦꠛꠔꠣꠞ ꠘꠣꠝꠦ ꠛꠤꠟꠣꠁ ꠖꠦꠅꠀ ꠙꠡꠣꠖꠞ ꠛꠦꠙꠣꠞꠦ ꠇꠁꠞꠣꠝ, ꠀꠝꠞꠣ ꠎꠣꠘꠤ, ꠖꠦꠛꠔꠣ ꠛꠟꠔꠦ ꠁ ꠎꠉꠔꠅ ꠇꠥꠘ꠆ꠔꠣꠃ ꠘꠣꠁ, ꠄꠇ ꠀꠟ꠆ꠟꠣ ꠍꠣꠠꠣ ꠖꠥꠍꠞꠣ ꠇꠥꠘ꠆ꠔꠣꠃ ꠘꠣꠁ।

Injil 7: 1-Korintia 8:6

ꠅꠁꠟꠦ ꠀꠝꠞꠣꠞ ꠎꠣꠘꠣ ꠝꠔꠦ ꠈꠣꠟꠤ ꠄꠇ ꠀꠟ꠆ꠟꠣ ꠀꠍꠂꠘ, ꠔꠣꠁꠘꠃ ꠀꠝꠞꠣꠞ ꠉꠣꠁꠛꠤ ꠛꠣꠚ। ꠔꠣꠘ ꠀꠔꠦ ꠢꠇ꠆ꠇꠟꠔꠣ ꠙꠄꠖꠣ ꠅꠁꠍꠦ, ꠔꠣꠘ ꠟꠣꠉꠤꠃ ꠀꠝꠞꠣ ꠛꠣꠌꠤꠀ ꠀꠍꠤ। ꠑꠤꠇ ꠅꠃꠟꠣ ꠀꠝꠞꠣꠞ ꠝꠣꠟꠤꠇꠅ ꠈꠣꠟꠤ ꠄꠇꠎꠘ, ꠔꠣꠘ ꠘꠣꠝ ꠁꠍꠣ ꠀꠟ-ꠝꠍꠤ। ꠔꠣꠘ ꠃꠍꠤꠟ꠆ꠟꠣꠄ ꠢꠇ꠆ꠇꠟꠔꠣ ꠙꠄꠖꠣ ꠅꠁꠍꠦ, ꠀꠝꠞꠣ ꠈꠣꠟꠤ ꠔꠣꠘ ꠟꠣꠉꠤꠃ ꠐꠤꠇꠤꠀ ꠀꠍꠤ।

Injil 9: Galatia 3:20

ꠅꠁꠟꠦ ꠈꠣꠟꠤ ꠄꠇꠙꠇ꠆ꠇ ꠕꠣꠇꠟꠦ ꠔ ꠝꠣꠎꠞ ꠝꠣꠘꠡꠞ ꠎꠞꠥꠞ ꠀꠍꠤꠟ ꠘꠣ; ꠀꠞ ꠀꠟ꠆ꠟꠣ ꠔ ꠄꠇꠎꠘꠃ। ꠔꠣꠁꠘ ꠁꠛ꠆ꠞꠣꠢꠤꠝꠞ ꠟꠉꠦ ꠅꠀꠖꠣꠞ ꠇꠣꠟꠅ ꠇꠥꠘꠥ ꠝꠣꠎꠞ ꠎꠘ ꠟꠣꠉꠍꠦ ꠘꠣ।

Injil 10: Ifisia 4:6

ꠢꠇꠟꠞ ꠀꠟ꠆ꠟꠣ ꠈꠣꠟꠤ ꠄꠇꠎꠘ, ꠝꠣꠘꠤ ꠛꠦꠢꠦꠡ꠆ꠔꠤ ꠛꠣꠚ ꠄꠇꠎꠘꠃ ꠀꠍꠂꠘ। ꠔꠣꠁꠘꠃ ꠢꠇꠟꠞ ꠃꠙꠞꠦ, ꠢꠇꠟꠞ ꠝꠣꠎꠦ, ꠢꠇꠟꠞ ꠖꠤꠟꠅ ꠀꠍꠂꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 6:4

“ꠅ ꠛꠘꠤ ꠁꠍꠞꠣꠁꠟ, ꠢꠥꠘꠅ, ꠀꠟ꠆ꠟꠣ ꠀꠝꠞꠣꠞ ꠝꠣꠛꠥꠖ, ꠔꠣꠁꠘꠃ ꠄꠇ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:13

ꠅꠈꠘ ꠀꠟ꠆ꠟꠣ ꠙꠣꠇꠞ ꠘꠣꠝꠦ, ꠎꠦꠁꠘ ꠢꠇ꠆ꠇꠟꠔꠣꠞ ꠎꠣꠘ ꠖꠦꠁꠘ, ꠀꠞ ꠎꠦꠁꠘ ꠢꠣꠇꠤꠝ ꠙꠘ꠆ꠔꠤꠅ ꠙꠤꠟꠣꠔꠞ ꠍꠣꠝꠘꠦ ꠘꠤꠎꠞ ꠛꠦꠙꠣꠞꠦ ꠢꠇ ꠡꠣꠇ꠆ꠇꠤ ꠖꠤꠍꠟꠣ, ꠢꠃ ꠁꠍꠣ ꠀꠟ-ꠝꠍꠤꠞ ꠘꠣꠝꠦꠅ ꠔꠥꠝꠣꠞꠦ ꠅꠃ ꠝꠤꠘꠔꠤ ꠇꠞꠞꠣꠝ,

Injil 19: Ibrani 12:24

ꠎꠦ ꠁꠍꠣ ꠀꠟ꠆ꠟꠣꠞ ꠟꠉꠦ ꠝꠤꠟꠘꠞ ꠘꠄꠀ ꠃꠍꠤꠟ꠆ꠟꠣꠞ ꠎꠤꠝ꠆ꠝꠣꠖꠣꠞ, ꠢꠃ ꠁꠍꠣꠞ ꠉꠦꠍꠦ ꠀꠁꠍ। ꠢꠣꠛꠤꠟꠞ ꠟꠃ ꠕꠣꠇꠤ ꠀꠞꠅ ꠝꠞꠔꠥꠛꠣꠀꠟꠣ ꠎꠦ ꠟꠃ, ꠔꠥꠝꠞꠣ ꠍꠤꠐꠣꠁꠟ ꠢꠃ ꠟꠃꠞ ꠇꠣꠍꠣꠔ ꠀꠁꠍ।

Injil 19: Ibrani 7:25

ꠄꠞꠟꠣꠉꠤꠃ ꠎꠦꠞꠣ ꠔꠣꠘ ꠃꠍꠤꠟ꠆ꠟꠣ ꠟꠁꠀ ꠀꠟ꠆ꠟꠣꠞ ꠇꠣꠍꠣꠔ ꠀꠄ, ꠀꠟ꠆ꠟꠣꠄ ꠔꠣꠞꠣꠞꠦ ꠙꠥꠞꠣꠙꠥꠞ ꠘꠣꠎꠣꠔ ꠖꠣꠘ ꠇꠞꠂꠘ, ꠇꠣꠞꠘ ꠔꠣꠞꠣꠞ ꠙꠇ꠆ꠇꠦ ꠡꠥꠙꠣꠞꠤꠡ ꠇꠞꠣꠞ ꠟꠣꠉꠤ ꠔꠣꠁꠘ ꠢꠣꠝꠦꠡꠣ ꠎꠤꠘ꠆ꠖꠣ ꠀꠍꠂꠘ।

Injil 19: Ibrani 8:6

ꠅꠁꠟꠦ ꠅꠈꠘ ꠀꠝꠞꠣ ꠖꠦꠈꠞꠣꠝ, ꠁꠍꠣꠄ ꠁꠝꠣꠝꠔꠤꠞ ꠎꠦ ꠖꠣꠄꠁꠔ꠆ꠔ ꠙꠣꠁꠍꠂꠘ, ꠁꠐꠣ ꠢꠤ ꠁꠝꠣꠝ ꠅꠇꠟ ꠕꠣꠇꠤ ꠛꠃꠔ ꠜꠣꠟꠣ, ꠎꠦꠟꠣ ꠀꠟ꠆ꠟꠣꠞ ꠟꠉꠦ ꠝꠣꠘꠡꠞ ꠝꠤꠟꠘꠞ ꠀꠞꠅ ꠜꠣꠟꠣ ꠄꠇ ꠃꠍꠤꠟ꠆ꠟꠣꠞ ꠟꠣꠉꠤ ꠔꠣꠁꠘ ꠎꠤꠝ꠆ꠝꠣꠖꠣꠞ ꠅꠁꠍꠂꠘ। ꠁ ꠃꠍꠤꠟ꠆ꠟꠣ ꠀꠉꠞ ꠃꠍꠤꠟ꠆ꠟꠣ ꠕꠣꠇꠤ ꠛꠃꠔ ꠜꠣꠟꠣ; ꠁ ꠃꠍꠤꠟ꠆ꠟꠣ ꠔ ꠛꠃꠔ ꠜꠣꠟꠣ ꠜꠣꠟꠣ ꠅꠀꠖꠣꠞ ꠃꠙꠞꠦ ꠇꠣꠁꠝ ꠅꠁꠍꠦ।

Injil 19: Ibrani 9:15

ꠀꠞ ꠙꠄꠟꠣ ꠃꠍꠤꠟ꠆ꠟꠣ ꠌꠣꠟꠥ ꠕꠣꠇꠔꠦ ꠝꠣꠘꠡꠦ ꠎꠦꠔꠣ ꠉꠥꠘꠣ ꠇꠞꠍꠟꠣ, ꠅꠃ ꠉꠥꠘꠣꠞ ꠀꠔ ꠕꠣꠇꠤ ꠈꠣꠟꠣꠍ ꠇꠞꠣꠞ ꠘꠤꠅꠔꠦ, ꠇꠚꠞꠣ ꠢꠤꠡꠣꠛꠦ ꠀꠟ-ꠝꠍꠤꠞ ꠝꠃꠔ ꠅꠁꠍꠦ। ꠀꠟ꠆ꠟꠣꠄ ꠎꠦꠞꠣꠞꠦ ꠖꠣꠅꠔꠖꠤ ꠀꠘꠤꠀ ꠌꠤꠞꠇꠣꠟꠤꠘ ꠝꠃꠞꠡꠤ ꠡꠝ꠆ꠙꠖ ꠖꠤꠛꠣꠞ ꠅꠀꠖꠣ ꠇꠞꠍꠂꠘ, ꠀꠟ-ꠝꠍꠤ ꠔ ꠄꠞꠣꠞ ꠟꠣꠉꠤꠃ ꠘꠄꠀ ꠃꠍꠤꠟ꠆ꠟꠣꠞ ꠎꠤꠝ꠆ꠝꠣꠖꠣꠞ ꠅꠁꠍꠂꠘ। ꠅꠃ ꠝꠃꠞꠡꠤ ꠡꠝ꠆ꠙꠖ ꠅꠈꠘ ꠝꠣꠘꠡꠦ ꠙꠣꠁꠛꠣꠞ ꠡꠥꠎꠥꠉ ꠅꠁꠍꠦ,

Injil 23: 1-Hannan 2:1

ꠅ ꠀꠝꠣꠞ ꠍꠣꠛꠣꠟ ꠅꠇꠟ, ꠀꠝꠤ ꠔꠥꠝꠞꠣꠞ ꠉꠦꠍꠦ ꠁꠔꠣ ꠟꠦꠈꠞꠣꠝ, ꠎꠣꠔꠦ ꠔꠥꠝꠞꠣ ꠉꠥꠘꠣꠞ ꠇꠣꠝ ꠕꠣꠇꠤ ꠛꠣꠌꠤꠀ ꠞꠅ। ꠄꠞꠛꠣꠖꠦꠅ ꠇꠦꠃ ꠎꠥꠖꠤ ꠇꠥꠘꠥ ꠉꠥꠘꠣ ꠇꠞꠤꠟꠣꠄ, ꠔꠦ ꠛꠦꠢꠦꠡ꠆ꠔꠤ ꠛꠣꠛꠣꠞ ꠖꠞꠛꠣꠞꠅ ꠀꠝꠞꠣꠞ ꠄꠇꠎꠘ ꠙꠣꠇ-ꠙꠞꠦꠎꠉꠣꠞ ꠡꠣꠚꠣꠄꠀꠔꠇꠣꠞꠤ ꠀꠍꠂꠘ, ꠔꠣꠘ ꠘꠣꠝ ꠁꠍꠣ ꠀꠟ-ꠝꠍꠤ।

Injil 27: Zaira Kalam 1:13

ꠅꠃ ꠌꠦꠞꠣꠉꠖꠣꠘꠤꠞ ꠝꠣꠎꠈꠣꠘꠅ ꠛꠤꠘ-ꠀꠖꠝꠞ ꠟꠣꠈꠣꠘ ꠄꠇꠎꠘꠞꠦ ꠖꠦꠈꠟꠣꠝ। ꠔꠣꠘ ꠚꠤꠘ꠆ꠘ ꠙꠣꠅ ꠙꠞ꠆ꠎꠘ꠆ꠔ ꠟꠣꠝ꠆ꠛꠣ ꠙꠣꠁꠘ꠆ꠎꠣꠛꠤ, ꠀꠞ ꠛꠥꠇꠥꠞ ꠃꠙꠞꠦ ꠡꠥꠘꠣꠟꠤ ꠄꠇ ꠙꠐ꠆ꠐꠤ।