ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:3 - Siloṭi Asmani Kitab (Nagri lipi)

³ ꠁꠔꠣ ꠔ ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣꠞ ꠘꠎꠞꠅ ꠘꠦꠇ ꠇꠣꠝ, ꠁꠔꠣꠄ ꠔꠣꠁꠘ ꠈꠥꠡꠤ ꠅꠁꠘ।

ছিলটি আছমানি কিতাব (বাংলা লিপি)

³ ইতা তো আমরার তরানেআলা আল্লার নজরো নেক কাম, ইতায় তাইন খুশি অইন।

Siloṭi Asmani Kitab (Latin lipi)

³ Ita to amrar toraneala Allar nozoro nek kam, itae tain kushi oin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:3 Iomraidhean Croise

Injil 3: Luk 1:47

ꠛꠦꠢꠦꠡ꠆ꠔꠤ ꠈꠥꠡꠤꠄ ꠜꠞꠤꠉꠦꠍꠦ ꠀꠝꠣꠞ ꠅꠘ꠆ꠔꠞ, ꠔꠞꠣꠅꠞꠣ ꠌꠣꠘ꠆ꠖ ꠀꠁꠍꠂꠘ, ꠅꠜꠣꠉꠤꠘꠤꠞ ꠊꠞ।

Injil 6: Ruman 14:18

ꠅꠃ ꠘꠝꠥꠘꠣꠄ ꠎꠦꠞꠣ ꠀꠟ-ꠝꠍꠤꠞ ꠈꠦꠎꠝꠔ ꠇꠞꠦ, ꠄꠞꠣꠞ ꠃꠙꠞꠦ ꠀꠟ꠆ꠟꠣ ꠈꠥꠡꠤ ꠕꠣꠇꠂꠘ, ꠀꠞ ꠝꠣꠘꠡꠦꠅ ꠜꠣꠟꠣ ꠙꠣꠁꠘ।

Injil 11: Filifia 1:11

ꠔꠣꠘ ꠛꠟꠦ ꠔꠥꠝꠞꠣ ꠘꠦꠇ ꠇꠣꠝ-ꠇꠣꠎ ꠇꠞꠤꠀ ꠈꠣꠐꠤ ꠙꠕꠦ ꠘꠤꠈꠥꠔ ꠅꠁꠀ ꠞꠁꠛꠣꠄ। ꠔꠦꠃ ꠀꠟ꠆ꠟꠣ ꠙꠣꠇꠞ ꠉꠃꠞꠛ ꠀꠞ ꠔꠣꠞꠤꠚ ꠎꠣꠁꠞ ꠅꠁꠛ।

Injil 11: Filifia 4:18

ꠀꠝꠣꠞ ꠢꠇꠟ ꠙꠣꠅꠘꠣꠃ ꠀꠝꠤ ꠙꠣꠁꠟꠤꠍꠤ। ꠀꠍꠟꠦ ꠀꠝꠣꠞ ꠎꠔꠈꠣꠘ ꠎꠞꠥꠞ, ꠄꠞ ꠌꠣꠁꠔꠦꠅ ꠛꠦꠡꠤ ꠀꠍꠦ। ꠃꠍꠣꠁꠖ ꠜꠣꠁꠞ ꠀꠔ ꠕꠣꠇꠤ ꠔꠥꠝꠞꠣꠞ ꠃꠙꠢꠣꠞ ꠙꠣꠁꠀ ꠅꠈꠘ ꠀꠝꠣꠞ ꠛꠃꠔ ꠅꠁꠍꠦ। ꠅꠃ ꠃꠙꠢꠣꠞ ꠔ ꠀꠟ꠆ꠟꠣꠁ ꠈꠥꠡꠛꠄ ꠀꠟꠣ, ꠀꠟ꠆ꠟꠣꠞ ꠖꠞꠛꠣꠞꠅ ꠇꠛꠥꠟ ꠅꠀꠞ ꠎꠥꠇꠣ ꠇꠥꠞꠛꠣꠘꠤ। ꠀꠟ꠆ꠟꠣ ꠙꠣꠇ ꠁꠔꠣꠄ ꠈꠥꠡꠤ ꠅꠁꠘ।

Injil 12: Kolosia 1:10

ꠀꠝꠞꠣ ꠀꠟ꠆ꠟꠣꠞ ꠖꠞꠛꠣꠞꠅ ꠅꠃ ꠖꠥꠀꠃ ꠇꠞꠞꠣꠝ, ꠔꠥꠝꠞꠣ ꠎꠣꠔꠦ ꠢꠇꠟ ꠛꠦꠙꠣꠞꠦ ꠀꠟ-ꠝꠍꠤꠞ ꠝꠞ꠆ꠎꠤ ꠎꠥꠉꠣꠁꠀ ꠌꠟ ꠀꠞ ꠔꠣꠘ ꠃꠙꠎꠥꠇ꠆ꠔ ꠃꠝ꠆ꠝꠔꠞ ꠟꠣꠈꠣꠘ ꠎꠤꠘ꠆ꠖꠦꠉꠤ ꠇꠣꠐꠣꠅ। ꠢꠇ ꠇꠣꠝ ꠇꠞꠤ ꠇꠞꠤ ꠚꠟꠛꠣꠘ ꠅꠅ, ꠀꠞ ꠀꠟ꠆ꠟꠣ ꠙꠣꠇꠞꠦ ꠀꠞꠅ ꠜꠣꠟꠣ ꠇꠞꠤ ꠌꠤꠘꠅ।

ইঞ্জিল ১৩: ১-থিষল: 4:1

ꠅ ꠜꠣꠁꠀꠁꠘ ꠢꠥꠘꠅ, ꠀꠟ꠆ꠟꠣꠞꠦ ꠈꠥꠡꠤ ꠇꠞꠣꠞ ꠟꠣꠉꠤ ꠇꠦꠝꠘꠦ ꠎꠤꠘ꠆ꠖꠦꠉꠤ ꠇꠣꠐꠣꠘꠤ ꠟꠣꠉꠦ, ꠁ ꠔꠣꠟꠤꠝ ꠔ ꠔꠥꠝꠞꠣ ꠀꠝꠞꠣꠞ ꠉꠦꠍ ꠕꠣꠇꠤ ꠀꠉꠦꠃ ꠙꠣꠁꠍ ꠀꠞ ꠔꠥꠝꠞꠣ ꠅꠟꠣ ꠌꠟꠞꠣꠄꠅ। ꠄꠞꠛꠣꠖꠦꠅ ꠢꠎꠞꠔ ꠁꠍꠣꠞ ꠅꠁꠀ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ ꠀꠞ ꠢꠥꠡꠤꠀꠞ ꠇꠞꠤꠀꠞ, ꠔꠥꠝꠞꠣ ꠎꠦꠟꠣ ꠌꠟꠞꠣꠄ, ꠅꠃꠟꠣ ꠀꠞꠅ ꠛꠦꠡ ꠇꠞꠤ ꠌꠟꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:1

ꠀꠝꠤ ꠙꠣꠃꠟꠥꠍ ꠔ ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣ ꠙꠣꠇ ꠀꠞ ꠀꠝꠞꠣꠞ ꠀꠡꠣ-ꠜꠞꠡꠣ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠢꠥꠇꠥꠝꠦ ꠔꠣꠘ ꠍꠣꠢꠣꠛꠤ ꠅꠁꠍꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:10

ꠄꠞꠟꠣꠉꠤꠃ ꠀꠝꠞꠣ ꠎꠣꠘꠦ-ꠙꠞꠣꠘꠦ ꠁꠝꠣꠘꠞ ꠝꠦꠘꠔ ꠇꠞꠤꠀꠞ ꠀꠞ ꠈꠤꠀꠟꠤ ꠅꠁꠀ ꠇꠣꠝ ꠇꠞꠤꠀꠞ। ꠇꠣꠞꠘ ꠀꠝꠞꠣ ꠔ ꠎꠤꠘ꠆ꠖꠣ ꠀꠟ꠆ꠟꠣꠞ ꠃꠙꠞꠦ ꠜꠞꠡꠣ ꠇꠞꠤ। ꠔꠣꠁꠘꠃ ꠢꠇꠟ ꠝꠣꠘꠡꠞ ꠔꠞꠣꠘꠦꠀꠟꠣ, ꠈꠣꠍ ꠇꠞꠤ ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:4

ꠅꠁꠟꠦ ꠇꠥꠘꠥ ꠠꠣꠠꠤ ꠛꠦꠐꠤꠘ꠆ꠔꠞ ꠎꠥꠖꠤ ꠙꠥꠀ-ꠙꠥꠠꠤꠘ ꠛꠣ ꠘꠣꠔꠤ-ꠘꠣꠔꠘꠤ ꠕꠣꠇꠂꠘ, ꠔꠦ ꠀꠟ꠆ꠟꠣꠞ ꠒꠞꠦ ꠄꠞꠣꠃ ꠎꠣꠘꠥ ꠙꠄꠟꠣ ꠎꠣꠞꠎꠤꠞ ꠙꠞꠤꠛꠣꠞꠞ ꠖꠦꠈꠣ-ꠢꠥꠘꠣ ꠇꠞꠦ। ꠅꠃ ꠘꠝꠥꠘꠣꠄ ꠔꠣꠞꠣꠞ ꠝꠄ-ꠝꠥꠞꠛ꠆ꠛꠤꠞ ꠝꠣꠄꠀ-ꠝꠝꠔꠣꠞ ꠞꠤꠘ ꠡꠥꠗ ꠇꠞꠔꠣ ꠙꠣꠞꠛꠣ, ꠀꠞ ꠁꠔꠣ ꠇꠣꠝꠦ ꠔ ꠀꠟ꠆ꠟꠣ ꠈꠥꠡꠤ ꠅꠁꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:9

ꠀꠟ꠆ꠟꠣꠄ ꠀꠝꠞꠣꠞ ꠎꠣꠘ ꠛꠣꠌꠣꠁꠍꠂꠘ, ꠀꠞ ꠙꠣꠇ-ꠙꠛꠤꠔ꠆ꠞ ꠅꠁꠀ ꠎꠤꠘ꠆ꠖꠦꠉꠤ ꠇꠣꠐꠣꠘꠤꠞ ꠟꠣꠉꠤ ꠖꠣꠅꠔ ꠖꠤꠍꠂꠘ। ꠁꠔꠣ ꠔ ꠀꠝꠞꠣꠞ ꠇꠥꠘꠥ ꠘꠦꠇ ꠇꠣꠝꠞ ꠉꠥꠘꠦ ꠘꠣꠄ, ꠛꠞꠋ ꠔꠣꠘ ꠝꠞ꠆ꠎꠤ ꠀꠞ ꠞꠢꠝꠔꠞ ꠉꠥꠘꠦꠃ ꠇꠞꠍꠂꠘ। ꠀꠝꠞꠣꠞꠦ ꠁ ꠞꠢꠝꠔ ꠖꠣꠘ ꠇꠞꠍꠂꠘ ꠔ, ꠖꠥꠘꠤꠀ ꠙꠄꠖꠣ ꠇꠞꠣꠞ ꠀꠉꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ।

Injil 19: Ibrani 13:16

ꠘꠦꠇ ꠇꠣꠝ ꠇꠞꠣ ꠀꠞ ꠅꠜꠣꠛꠤ ꠝꠣꠘꠡꠞꠦ ꠖꠣꠘ-ꠈꠄꠞꠣꠔ ꠛꠤꠟꠣꠘꠤ ꠚꠣꠃꠞꠤꠅ ꠘꠣ, ꠇꠣꠞꠘ ꠅꠃ ꠟꠣꠈꠣꠘ ꠇꠥꠞꠛꠣꠘꠤꠄ ꠀꠟ꠆ꠟꠣ ꠙꠣꠇ ꠈꠥꠡꠤ ꠅꠁꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 2:20

ꠅꠛꠁꠡ꠆ꠡ ꠅꠙꠞꠣꠗꠞ ꠟꠣꠉꠤ ꠝꠣꠁꠞ ꠈꠣꠁꠀ ꠔꠥꠝꠞꠣ ꠎꠥꠖꠤ ꠡꠁꠎ꠆ꠎ ꠇꠞ, ꠔꠦ ꠔꠣꠞꠤꠚ ꠇꠞꠣꠞ ꠇꠥꠘ꠆ꠔꠣ ꠀꠍꠦ ꠘꠤ? ꠅꠁꠟꠦ ꠜꠣꠟꠣ ꠇꠣꠝꠞ ꠟꠣꠉꠤ ꠔꠥꠝꠞꠣ ꠎꠥꠖꠤ ꠇꠡ꠆ꠐ ꠙꠣꠁꠀꠅ ꠡꠁꠎ꠆ꠎ ꠇꠞꠤꠟꠣꠅ, ꠔꠦ ꠁꠔꠣ ꠀꠟ꠆ꠟꠣꠞ ꠖꠞꠛꠣꠞꠅ ꠔꠣꠞꠤꠚꠞ ꠟꠣꠈ,

ꠁꠘ꠆ꠎꠤꠟ ২১: ১-ꠙꠤꠔꠞ 2:5

ꠀꠞ ꠔꠥꠝꠞꠣ ꠔꠣꠘ ꠔꠞꠤꠇꠣ ꠇꠛꠥꠟ ꠇꠞꠣꠄ, ꠔꠥꠝꠞꠣꠞꠦꠅ ꠎꠤꠘ꠆ꠖꠣ ꠙꠣꠔ꠆ꠔꠞꠞ ꠟꠣꠈꠣꠘ ꠀꠟ꠆ꠟꠣ ꠙꠣꠇ ꠞꠁꠛꠣꠞ ꠙꠛꠤꠔ꠆ꠞ ꠇꠣꠛꠣ ꠊꠞ ꠛꠣꠘꠣꠘꠤ ꠅꠞ। ꠄꠞꠟꠣꠉꠤ ꠀꠟ꠆ꠟꠣꠁ ꠁꠝꠣꠝ ꠍꠣꠛ ꠢꠤꠡꠣꠛꠦ ꠔꠥꠝꠞꠣꠞꠦ ꠀꠟꠣꠖꠣ ꠇꠞꠤ ꠞꠣꠈꠣ ꠅꠁꠍꠦ, ꠎꠣꠔꠦ ꠔꠥꠝꠞꠣ ꠅꠃꠟꠣ ꠞꠥꠢꠣꠘꠤ ꠇꠥꠞꠛꠣꠘꠤ ꠖꠦꠅ, ꠎꠦꠔꠣ ꠁꠍꠣ ꠀꠟ-ꠝꠍꠤꠞ ꠈꠣꠔꠤꠞꠦ ꠀꠟ꠆ꠟꠣꠄ ꠇꠛꠥꠟ ꠇꠞꠂꠘ।