ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:2 - Siloṭi Asmani Kitab (Nagri lipi)

² ꠅꠟꠣꠈꠣꠘ ꠞꠣꠎꠣ-ꠛꠣꠖꠡꠣ ꠅꠇꠟ ꠀꠞ ꠃꠌꠣ ꠙꠖꠞ ꠢꠇꠟ ꠅꠚꠤꠡꠣꠞꠞ ꠟꠣꠉꠤ ꠝꠥꠘꠣꠎꠣꠔ ꠇꠞꠣ ꠎꠞꠥꠞ, ꠎꠣꠔꠦ ꠀꠝꠞꠣ ꠀꠟ꠆ꠟꠣꠞ ꠒꠞ-ꠈꠚ ꠝꠘꠅ ꠞꠣꠈꠤꠀ, ꠢꠇ-ꠢꠣꠟꠣꠟ ꠙꠕꠦ ꠞꠁꠀ, ꠘꠤꠞꠣꠙꠖꠦ ꠡꠣꠘ꠆ꠔꠤꠄ ꠎꠤꠘ꠆ꠖꠦꠉꠤ ꠇꠣꠐꠣꠁꠔꠣꠝ ꠙꠣꠞꠤ।

ছিলটি আছমানি কিতাব (বাংলা লিপি)

² অলাখান রাজা-বাদশা অকল আর উচা পদর হকল অফিসারর লাগি মুনাজাত করা জরুর, যাতে আমরা আল্লার ডর-খফ মনো রাখিয়া, হক-হালাল পথে রইয়া, নিরাপদে শান্তিয়ে জিন্দেগি কাটাইতাম পারি।

Siloṭi Asmani Kitab (Latin lipi)

² Olaḳan raza-bashsha oḳol ar usa fodor hoḳol ofisaror lagi munazat ḳora zorur, zate amra Allar ḍor-ḳof mono rakia, hok-halal fote roia, nirafode shantie zindegi kaṭaitam fari.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:2 Iomraidhean Croise

Injil 3: Luk 1:6

ꠄꠞꠣ ꠖꠥꠁꠅꠎꠘꠃ ꠀꠟ꠆ꠟꠣꠞ ꠘꠎꠞꠅ ꠇꠣꠝꠤꠟ ꠖꠤꠘꠖꠣꠞ ꠀꠍꠟꠣ। ꠝꠣꠛꠥꠖꠞ ꠢꠇꠟ ꠢꠥꠇꠥꠝ-ꠀꠢꠇꠣꠝ ꠡꠥꠟ꠆ꠟꠀꠘꠣ ꠀꠖꠣꠄ ꠇꠞꠔꠣ।

Injil 3: Luk 2:25

ꠅꠃ ꠡꠝꠄ ꠎꠦꠞꠥꠎꠣꠟꠦꠝ ꠐꠣꠃꠘꠅ ꠍꠣꠝꠣꠃꠘ ꠘꠣꠝꠞ ꠄꠇꠎꠘ ꠀꠟ꠆ꠟꠣꠞꠣꠁꠀ ꠛꠥꠎꠥꠞ꠆ꠉ ꠀꠍꠟꠣ, ꠔꠣꠁꠘ ꠙꠣꠇ ꠞꠥꠢꠦ ꠇꠣꠝꠤꠟ। ꠔꠣꠁꠘ ꠝꠘꠦ ꠝꠘꠦ ꠛꠣꠞ ꠌꠣꠅꠀꠔ ꠀꠍꠟꠣ, ꠀꠟ꠆ꠟꠣꠄ ꠇꠥꠘ ꠡꠝꠄ ꠛꠘꠤ ꠁꠍꠞꠣꠁꠟꠞꠦ ꠡꠣꠘ꠆ꠔꠤ ꠖꠤꠛꠣ।

Injil 5: Sahabi Nama 10:22

ꠔꠣꠞꠣ ꠇꠁꠟꠣ, “ꠡ-ꠍꠤꠙꠣꠁꠞ ꠍꠥꠛꠦꠖꠣꠞ ꠇꠞꠘꠤꠟꠥꠍꠦ ꠀꠟ꠆ꠟꠣꠞ ꠚꠤꠞꠤꠡ꠆ꠔꠣꠞ ꠢꠥꠇꠥꠝ ꠙꠣꠁꠀ ꠀꠝꠞꠣꠞꠦ ꠙꠣꠑꠣꠁꠍꠂꠘ, ꠔꠣꠁꠘ ꠄꠇꠎꠘ ꠙꠞꠦꠎꠉꠣꠞ ꠝꠣꠘꠥꠡ, ꠀꠟ꠆ꠟꠣꠞ ꠢꠥꠇꠥꠝ ꠝꠣꠚꠤꠇ ꠌꠟꠂꠘ, ꠁꠢꠥꠖꠤ ꠅꠇꠟꠦ ꠔꠣꠘꠞꠦ ꠈꠥꠛ ꠔꠣꠎꠤꠝ ꠇꠞꠂꠘ। ꠚꠤꠞꠤꠡ꠆ꠔꠣꠄ ꠔꠣꠘꠞꠦ ꠇꠁꠍꠂꠘ, ꠎꠣꠔꠦ ꠀꠙꠘꠣꠞꠦ ꠔꠣꠘ ꠛꠣꠠꠤꠔ ꠘꠦꠅꠀꠁꠀ ꠀꠙꠘꠣꠞ ꠘꠍꠤꠅꠔ ꠢꠥꠘꠂꠘ।”

Injil 5: Sahabi Nama 24:16

ꠄꠞꠖꠣꠄ ꠀꠝꠤ ꠀꠟ꠆ꠟꠣꠞ ꠉꠦꠍꠦ ꠀꠞ ꠝꠣꠘꠡꠞ ꠉꠦꠍꠦꠅ ꠢꠣꠝꠦꠡꠣ ꠀꠝꠣꠞ ꠛꠤꠛꠦꠇ ꠙꠞꠤꠡ꠆ꠇꠣꠞ ꠞꠣꠈꠔꠣꠝ ꠌꠣꠁ।

Injil 6: Ruman 12:18

ꠔꠥꠝꠞꠣꠞ ꠔꠞꠚ ꠕꠣꠇꠤ ꠎꠔꠈꠣꠘ ꠡꠝ꠆ꠛꠛ ꠢꠇꠟ ꠝꠣꠘꠡꠞ ꠟꠉꠦ ꠡꠣꠘ꠆ꠔꠤꠄ ꠛꠡꠔ ꠇꠞꠅ।

Injil 11: Filifia 4:8

ꠅ ꠜꠣꠁ ꠅꠇꠟ, ꠀꠝꠤ ꠢꠦꠡ-ꠝꠦꠡ ꠇꠁꠞꠣꠝ, ꠎꠦꠔꠣ ꠢꠣꠍꠣ, ꠎꠦꠔꠣ ꠃꠙꠎꠥꠇ꠆ꠔ, ꠢꠇ, ꠈꠣꠐꠤ, ꠡꠥꠘ꠆ꠖꠞ, ꠀꠞ ꠁꠎ꠆ꠎꠔ ꠙꠣꠅꠀꠞ ꠎꠥꠇꠣ, ꠝꠣꠘꠤ ꠎꠦꠔꠣ ꠜꠣꠟꠣ ꠀꠞ ꠎꠦꠔꠣꠄ ꠔꠣꠞꠤꠚ ꠅꠄ, ꠅꠃ ꠟꠣꠈꠣꠘ ꠛꠦꠙꠣꠞꠦ ꠔꠥꠝꠞꠣ ꠈꠤꠀꠟꠤ ꠅꠅ।

ইঞ্জিল ১৩: ১-থিষল: 4:11

ꠢꠥꠘꠅ, ꠀꠝꠞꠣ ꠀꠉꠦ ꠎꠦꠟꠣ ꠇꠁꠍꠤ, ꠅꠃ ꠇꠕꠣ ꠝꠣꠚꠤꠇ ꠡꠣꠘ꠆ꠔꠤꠄ ꠎꠤꠘ꠆ꠖꠦꠉꠤ ꠇꠣꠐꠣꠅ, ꠙꠞꠞ ꠇꠣꠝꠅ ꠘꠣꠇ ꠘꠣ ꠉꠟꠣꠁꠀ ꠘꠤꠎꠦ ꠇꠣꠝ ꠇꠞꠤꠀ ꠈꠣꠅ।

Injil 19: Ibrani 12:14

ꠢꠇꠟ ꠝꠣꠘꠡꠞ ꠟꠉꠦ ꠡꠣꠘ꠆ꠔꠤꠄ ꠛꠡꠔ ꠇꠞꠣ ꠀꠞ ꠙꠣꠇ-ꠙꠣꠇꠤꠎꠣ ꠅꠁꠀ ꠌꠟꠣꠞ ꠟꠣꠉꠤ ꠈꠤꠀꠟꠤ ꠅꠅ, ꠁꠟꠣ ꠘꠣ ꠌꠟꠟꠦ ꠇꠦꠃ ꠝꠣꠟꠤꠇꠞ ꠖꠞꠡꠘ ꠙꠣꠁꠔꠣꠄ ꠘꠣꠄ।