ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:1 - Siloṭi Asmani Kitab (Nagri lipi)

¹ ꠀꠝꠤ ꠙꠄꠟꠣꠃ ꠎꠣꠘꠣꠁꠞꠣꠝ, ꠙꠞꠔꠦꠇ ꠝꠣꠘꠡꠞ ꠟꠣꠉꠤ ꠔꠥꠝꠞꠣ ꠀꠟ꠆ꠟꠣꠞ ꠖꠞꠛꠣꠞꠅ ꠇꠣꠇꠥꠔꠤ-ꠝꠤꠘꠔꠤ, ꠖꠥꠀ-ꠝꠥꠘꠣꠎꠣꠔ, ꠚꠞꠤꠀꠖ ꠎꠣꠘꠣꠅ ꠀꠞ ꠡꠥꠇꠞꠤꠀ ꠀꠖꠣꠄ ꠇꠞꠅ।

ছিলটি আছমানি কিতাব (বাংলা লিপি)

¹ আমি পয়লাউ জানাইরাম, পরতেক মানষর লাগি তুমরা আল্লার দরবারো কাকুতি-মিনতি, দোয়া-মুনাজাত, ফরিয়াদ জানাও আর শুকরিয়া আদায় করো।

Siloṭi Asmani Kitab (Latin lipi)

¹ Ami foyla-u zanairam, forteḳ manshor lagi tumra Allar dorbaro kakuti-minoti, dua-munazat, foriad zanao ar shukria adae ḳoro.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:1 Iomraidhean Croise

Injil 5: Sahabi Nama 17:30

ꠀꠉꠞ ꠎꠝꠣꠘꠣꠞ ꠝꠣꠘꠡꠦ ꠁꠔꠣ ꠎꠣꠘꠔꠣ ꠘꠣ ꠉꠔꠤꠇꠦ ꠀꠟ꠆ꠟꠣꠄ ꠁꠔꠣꠞꠦ ꠇꠍꠥꠞ ꠝꠘꠅ ꠇꠞꠍꠂꠘ ꠘꠣ, ꠅꠁꠟꠦ ꠅꠈꠘ ꠔꠣꠁꠘ ꠢꠇꠟ ꠎꠣꠉꠣꠞ ꠢꠇ꠆ꠇꠟ ꠝꠣꠘꠡꠞꠦ ꠝꠘ ꠛꠖꠟꠣꠁꠀ ꠔꠃꠛꠣ ꠇꠞꠣꠞ ꠟꠣꠉꠤ ꠢꠥꠇꠥꠝ ꠖꠤꠞꠣ।

Injil 6: Ruman 1:8

ꠀꠝꠤ ꠙꠄꠟꠣꠃ ꠇꠁꠞꠣꠝ, ꠔꠥꠝꠞꠣꠞ ꠝꠎꠛꠥꠔ ꠁꠝꠣꠘꠞ ꠇꠕꠣ ꠀꠡ꠆ꠔꠣ ꠖꠥꠘꠤꠀꠁꠞ ꠝꠣꠎꠦ ꠞꠐꠤꠉꠦꠍꠦ ꠇꠞꠤ, ꠀꠝꠤ ꠁꠍꠣ ꠀꠟ-ꠝꠍꠤꠞ ꠘꠣꠝꠦ ꠀꠝꠣꠞ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠞꠣꠝ।

Injil 6: Ruman 6:17

ꠀꠟ꠆ꠟꠣ ꠙꠣꠇꠞ ꠡꠥꠇꠥꠞ, ꠀꠉꠦ ꠎꠥꠖꠤꠅ ꠔꠥꠝꠞꠣ ꠉꠥꠘꠣꠞ ꠉꠥꠟꠣꠝ ꠀꠍꠟꠣꠄ, ꠔꠣ-ꠅ ꠁꠍꠣꠄꠁ ꠔꠞꠤꠇꠣꠞ ꠔꠣꠟꠤꠝ ꠙꠣꠁꠀ ꠢꠣꠞꠤ, ꠖꠤꠟꠦ-ꠎꠣꠘꠦ ꠁꠔꠣꠞ ꠀꠡꠤꠇ ꠅꠁꠍ।

Injil 7: 1-Korintia 15:3

ꠀꠍꠟꠦ ꠀꠝꠤ ꠘꠤꠎꠦ ꠎꠦ ꠔꠣꠟꠤꠝ ꠙꠣꠁꠍꠤ, ꠅꠃ ꠔꠣꠟꠤꠝꠞꠦ ꠈꠥꠛ ꠎꠞꠥꠞꠤ ꠝꠘꠅ ꠇꠞꠤꠀ ꠔꠥꠝꠞꠣꠞꠦꠅ ꠎꠣꠘꠣꠁꠍꠤ। ꠀꠟ꠆ꠟꠣꠞ ꠇꠣꠟꠣꠝ ꠝꠣꠚꠤꠇ ꠀꠝꠞꠣꠞ ꠉꠥꠘꠣꠞ ꠝꠣꠚꠤꠞ ꠟꠣꠉꠤ ꠀꠟ-ꠝꠍꠤꠄ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠍꠂꠘ।

Injil 8: 2-Korintia 8:6

ꠁꠔꠣ ꠖꠦꠈꠤꠀ ꠀꠝꠞꠣ ꠔꠤꠔꠣꠍ ꠜꠣꠁꠞꠦ ꠈꠥꠛ ꠝꠤꠘꠔ ꠇꠞꠍꠟꠣꠝ, ꠖꠣꠘ-ꠈꠄꠞꠣꠔ ꠇꠞꠣꠞ ꠎꠦ ꠇꠣꠝ ꠔꠣꠁꠘ ꠔꠥꠝꠞꠣꠞ ꠝꠣꠎꠦ ꠌꠣꠟꠥ ꠇꠞꠍꠂꠘ, ꠁꠔꠣ ꠎꠣꠘꠥ ꠡꠦꠡꠅ ꠇꠞꠂꠘ।

Injil 10: Ifisia 3:13

ꠄꠞꠟꠣꠉꠤ ꠀꠝꠤ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ, ꠀꠝꠤ ꠖꠥꠈ-ꠝꠍꠤꠛꠔ ꠡꠁꠎ꠆ꠎ ꠇꠞꠤꠀꠞ ꠖꠦꠈꠤꠀ ꠔꠥꠝꠞꠣ ꠘꠤꠞꠣꠡ ꠅꠁꠅ ꠘꠣ। ꠁꠔꠣ ꠔ ꠔꠥꠝꠞꠣꠞ ꠟꠣꠉꠤꠃ ꠡꠁꠎ꠆ꠎ ꠇꠞꠤꠀꠞ, ꠄꠞꠟꠣꠉꠤ ꠉꠃꠞꠛ ꠇꠞꠅ।

Injil 10: Ifisia 5:20

ꠢꠣꠝꠦꠡꠣ ꠢꠇꠟ ꠛꠦꠙꠣꠞꠦ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠘꠣꠝꠦ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠅ।

Injil 10: Ifisia 6:18

ꠙꠣꠇ ꠞꠥꠢꠥꠞ ꠛꠟꠦ ꠖꠤꠟꠦ-ꠎꠣꠘꠦ ꠢꠞ-ꠢꠣꠝꠦꠡꠣ ꠝꠥꠘꠣꠎꠣꠔ ꠇꠞꠅ। ꠄꠞꠟꠣꠉꠤ ꠢꠎꠣꠉ ꠞꠁꠀ ꠢꠇꠟ ꠙꠣꠇ ꠛꠘ꠆ꠖꠣ ꠅꠇꠟꠞ ꠟꠣꠉꠤ ꠡꠛ ꠡꠝꠄ ꠝꠥꠘꠣꠎꠣꠔ ꠇꠞꠣꠔ ꠞꠁꠅ।

Injil 11: Filifia 1:3

ꠔꠥꠝꠞꠣꠞ ꠇꠕꠣ ꠎꠔꠛꠣꠞꠃ ꠀꠝꠣꠞ ꠁꠀꠖ ꠅꠄ, ꠅꠔꠛꠣꠞꠃ ꠀꠝꠤ ꠀꠝꠣꠞ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤ।

Injil 11: Filifia 4:6

ꠇꠥꠘꠥ ꠛꠦꠙꠣꠞꠦꠃ ꠔꠥꠝꠞꠣ ꠙꠦꠞꠦꠡꠣꠘ ꠅꠁꠅ ꠘꠣ, ꠛꠞꠋ ꠝꠥꠘꠣꠎꠣꠔ ꠇꠞꠅ। ꠔꠥꠝꠞꠣꠞ ꠎꠔꠔꠣ ꠌꠣꠁꠛꠣꠞ ꠀꠍꠦ, ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠀ ꠔꠣꠘ ꠉꠦꠍꠦ ꠌꠣꠅ।

ইঞ্জিল ১৩: ১-থিষল: 3:12

ꠀꠝꠞꠣ ꠎꠦꠟꠣ ꠔꠥꠝꠞꠣꠞ ꠛꠣꠄ ꠝꠣꠄꠀ-ꠝꠢꠛ꠆ꠛꠔꠞ ꠝꠣꠎꠦ ꠒꠥꠛꠤ ꠉꠦꠍꠤ, ꠑꠤꠇ ꠅꠃꠟꠣ ꠝꠣꠟꠤꠇ ꠁꠍꠣꠄ ꠔꠥꠝꠞꠣꠞꠦꠅ ꠄꠇꠦ-ꠅꠁꠘ꠆ꠘꠦ, ꠀꠞ ꠢꠇꠟꠞ ꠛꠣꠄ ꠝꠣꠄꠀ-ꠝꠢꠛ꠆ꠛꠔꠦ ꠢꠣꠛꠥꠒꠥꠛꠥ ꠈꠣꠅꠀꠃꠇ꠆ꠇꠣ।

ইঞ্জিল ১৪: ২-থিষল: 1:3

ꠜꠣꠁ ꠅꠇꠟ, ꠀꠝꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠣ ꠎꠞꠥꠞ। ꠔꠥꠝꠞꠣꠞ ꠁꠝꠣꠘꠤ ꠛꠟ ꠛꠃꠔ ꠛꠣꠠꠦꠞ ꠀꠞ ꠄꠇꠦ-ꠅꠁꠘ꠆ꠘꠦ ꠝꠣꠄꠀ-ꠝꠢꠛ꠆ꠛꠔꠅ ꠛꠣꠁꠀ ꠙꠠꠦꠞ, ꠄꠞꠟꠣꠉꠤ ꠀꠝꠞꠣ ꠡꠥꠇꠞꠤꠀ ꠀꠖꠣꠄ ꠇꠞꠣ ꠖꠞꠇꠣꠞ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:4

ꠀꠟ꠆ꠟꠣ ꠙꠣꠇꠞ ꠈꠤꠀꠟ ꠅꠁꠟ, ꠎꠣꠔꠦ ꠢꠇꠟ ꠝꠣꠘꠡꠦ ꠘꠣꠎꠣꠔ ꠙꠣꠁꠘ, ꠀꠞ ꠀꠟ-ꠝꠍꠤꠞ ꠔꠞꠤꠇꠣꠞ ꠢꠇ꠆ꠇꠟꠔꠣ ꠡꠥꠟ꠆ꠟꠀꠘꠣ ꠛꠥꠎꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:5

ꠎꠦ ꠠꠣꠠꠤ ꠛꠦꠐꠤꠘ꠆ꠔꠞ ꠇꠦꠃ ꠘꠣꠁ, ꠔꠣꠞꠣ ꠈꠣꠟꠤ ꠀꠟ꠆ꠟꠣꠞ ꠃꠙꠞꠦ ꠜꠞꠡꠣ ꠞꠣꠈꠤꠀ, ꠖꠤꠘꠦ-ꠞꠣꠁꠔꠦ ꠔꠣꠘ ꠖꠞꠛꠣꠞꠅ ꠝꠥꠘꠣꠎꠣꠔ ꠀꠞ ꠇꠣꠘ꠆ꠖꠣ-ꠇꠣꠐꠤ ꠇꠞꠣꠔ ꠞꠂꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:24

ꠝꠣꠟꠤꠇ ꠁꠍꠣꠞ ꠉꠥꠟꠣꠝꠦ ꠇꠣꠁꠎ꠆ꠎꠣ-ꠚꠍꠣꠖ ꠇꠞꠣ ꠑꠤꠇ ꠘꠣꠄ, ꠄꠁꠘ ꠛꠞꠋ ꠢꠇꠟꠞ ꠛꠣꠄ ꠖꠄꠀꠟ ꠅꠁꠔꠦ ꠅꠁꠛ, ꠄꠁꠘ ꠝꠣꠘꠡꠞꠦ ꠔꠣꠟꠤꠝ ꠖꠦꠅꠀꠞ ꠈꠦꠝꠔꠣ ꠀꠞ ꠍꠛꠞ-ꠡꠇ꠆ꠔꠤ ꠕꠣꠇꠔꠦ ꠅꠁꠛ।

Injil 17: Titas 2:11

ꠎꠣꠘ ꠔ, ꠀꠟ꠆ꠟꠣꠞ ꠎꠦ ꠞꠢꠝꠔꠞ ꠃꠍꠤꠟ꠆ꠟꠣꠄ ꠢꠇꠟꠞ ꠘꠣꠎꠣꠔ ꠝꠤꠟꠦ, ꠁꠔꠣ ꠅꠈꠘ ꠖꠥꠘꠤꠀꠔ ꠎꠣꠁꠞ ꠅꠁꠉꠦꠍꠦ।

Injil 17: Titas 3:2

ꠔꠣꠞꠣ ꠎꠣꠘꠥ ꠇꠦꠃꠞꠞ ꠛꠖꠘꠣꠝ ꠘꠣ ꠉꠣꠁꠘ, ꠇꠣꠁꠎ꠆ꠎꠣ-ꠚꠍꠣꠖ ꠘꠣ ꠇꠞꠂꠘ, ꠛꠞꠋ ꠡꠣꠘ꠆ꠔ-ꠡꠤꠡ꠆ꠐ ꠞꠁꠀ ꠢꠇꠟꠞ ꠟꠉꠦ ꠘꠞꠝ ꠛꠦꠛꠢꠣꠞ ꠇꠞꠂꠘ।

Injil 19: Ibrani 6:11

ꠀꠝꠞꠣꠞ ꠈꠥꠛ ꠁꠌ꠆ꠍꠣ ꠅꠁꠟ, ꠔꠥꠝꠞꠣ ꠙꠞꠔꠦꠇ ꠎꠘꠦꠃ ꠢꠦꠡ ꠙꠞ꠆ꠎꠘ꠆ꠔ ꠄꠇꠁ ꠟꠣꠈꠣꠘ ꠇꠣꠝ ꠇꠞꠣꠔ ꠀꠉꠥꠀꠁ ꠀꠁꠛꠣꠄ, ꠎꠣꠔꠦ ꠔꠥꠝꠞꠣꠞ ꠀꠡꠣ ꠙꠥꠞꠣ ꠅꠄ।

Injil 20: Iakub 5:16

ꠄꠞꠟꠣꠉꠤ ꠔꠥꠝꠞꠣ ꠄꠇꠎꠘꠦ ꠀꠞꠇ ꠎꠘꠞ ꠉꠦꠍꠦ ꠎꠣꠞꠎꠤꠞ ꠉꠥꠘꠣ ꠡ꠆ꠛꠤꠇꠣꠞ ꠇꠞꠅ, ꠀꠞ ꠄꠇꠦ-ꠅꠁꠘ꠆ꠘꠞ ꠟꠣꠉꠤ ꠖꠥꠀ ꠇꠞꠅ, ꠎꠣꠔꠦ ꠜꠣꠟꠣ ꠅꠁꠔꠣꠄ ꠙꠣꠞ। ꠙꠞꠦꠎꠉꠣꠞ ꠅꠇꠟꠞ ꠝꠥꠘꠣꠎꠣꠔ ꠀꠌꠣꠘꠇ ꠛꠟꠀꠟꠣ।