ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:5 - Siloṭi Asmani Kitab (Nagri lipi)

⁵ ꠛꠞꠋ ꠡꠑꠤꠇ ꠔꠣꠟꠤꠝꠞ ꠚꠟ ꠅꠁꠟ, ꠝꠣꠄꠀ-ꠝꠢꠛ꠆ꠛꠔ, ꠁꠔꠣ ꠔ ꠈꠣꠐꠤ ꠖꠤꠟ, ꠙꠞꠤꠡ꠆ꠇꠣꠞ ꠛꠤꠛꠦꠇ ꠀꠞ ꠢꠣꠍꠣꠞꠞ ꠁꠝꠣꠘ ꠕꠣꠇꠤ ꠙꠄꠖꠣ ꠅꠄ।

ছিলটি আছমানি কিতাব (বাংলা লিপি)

⁵ বরং সঠিক তালিমর ফল অইলো, মায়া-মহব্বত, ইতা তো খাটি দিল, পরিস্কার বিবেক আর হাছারর ইমান থাকি পয়দা অয়।

Siloṭi Asmani Kitab (Latin lipi)

⁵ Borong shoṭik talimor fol oilo, maya-mohobbot, ita to ḳaṭi dil, forishkar bibeḳ ar hasaror iman taki foyda oy.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:5 Iomraidhean Croise

ꠎꠛꠥꠞ ꠡꠞꠤꠚ 24:4

ꠢꠃ ꠎꠘꠃ ꠔ, ꠎꠣꠞ ꠀꠔ ꠘꠤ-ꠅꠙꠞꠣꠗꠤ, ꠎꠣꠞ ꠖꠤꠟ ꠙꠣꠇ-ꠍꠣꠚ; ꠢꠦ ꠎꠉꠔꠞ ꠝꠣꠄꠀ ꠎꠣꠟꠅ ꠛꠘ꠆ꠖꠤ ꠘꠣꠄ, ꠀꠞ ꠐꠉꠣꠐꠉꠤꠞ ꠘꠤꠅꠔꠦ ꠇꠍꠝ ꠈꠣꠄ ꠘꠣ।

ꠁꠘ꠆ꠎꠤꠟ ১: ꠝꠕꠤ 12:35

ꠜꠣꠟꠣ ꠝꠣꠘꠡꠞ ꠖꠤꠟꠞ ꠜꠤꠔꠞꠞ ꠜꠣꠟꠣꠁ ꠕꠘꠦ ꠜꠣꠟꠣ ꠛꠥꠟꠤ ꠛꠣꠞꠅꠄ, ꠀꠞ ꠛꠣꠖ ꠝꠣꠘꠡꠞ ꠖꠤꠟꠞ ꠛꠥꠞꠣꠁ ꠕꠘꠦ ꠛꠣꠖ ꠛꠥꠟꠤ ꠛꠣꠞꠅꠄ।

ꠁꠘ꠆ꠎꠤꠟ ১: ꠝꠕꠤ 5:8

ꠔꠣꠞꠣꠃ ꠇꠙꠣꠟꠤ ꠎꠣꠞꠣꠞ ꠖꠤꠟ ꠈꠣꠐꠤ, ꠇꠣꠞꠘ ꠔꠣꠞꠣꠃ ꠀꠟ꠆ꠟꠣꠞ ꠖꠤꠖꠣꠞ ꠙꠣꠁꠛꠣ।

Injil 5: Sahabi Nama 15:9

ꠔꠣꠁꠘ ꠀꠝꠞꠣꠞ ꠀꠞ ꠔꠣꠞꠣꠞ ꠝꠣꠎꠦ ꠀꠟꠣꠖꠣ ꠇꠥꠘ꠆ꠔꠣ ꠞꠣꠈꠍꠂꠘ ꠘꠣ, ꠇꠣꠞꠘ ꠔꠣꠞꠣ ꠁꠝꠣꠘ ꠀꠘꠍꠂꠘ ꠇꠞꠤ, ꠔꠣꠞꠣꠞ ꠖꠤꠟꠅ ꠍꠣꠚ ꠇꠞꠤꠟꠤꠍꠂꠘ।

Injil 5: Sahabi Nama 23:1

ꠙꠣꠃꠟꠥꠍꠦ ꠚꠔꠥꠀ ꠇꠝꠤꠐꠤꠞ ꠝꠣꠘꠡꠞ ꠛꠣꠄ ꠗꠤꠀꠘ ꠗꠞꠤ ꠌꠣꠁꠀ ꠇꠁꠟꠣ, “ꠅ ꠜꠣꠁꠍꠣꠛ ꠅꠇꠟ, ꠀꠝꠤ ꠔ ꠅꠈꠘ ꠙꠞ꠆ꠎꠘ꠆ꠔ ꠀꠝꠣꠞ ꠛꠤꠛꠦꠇ ꠙꠞꠤꠡ꠆ꠇꠣꠞ ꠞꠣꠈꠤꠀ, ꠀꠟ꠆ꠟꠣꠞ ꠛꠘ꠆ꠖꠣ ꠢꠤꠡꠣꠛꠦ ꠖꠣꠄꠁꠔ꠆ꠔ ꠀꠖꠣꠄ ꠇꠞꠞꠣꠝ।”

Injil 5: Sahabi Nama 24:16

ꠄꠞꠖꠣꠄ ꠀꠝꠤ ꠀꠟ꠆ꠟꠣꠞ ꠉꠦꠍꠦ ꠀꠞ ꠝꠣꠘꠡꠞ ꠉꠦꠍꠦꠅ ꠢꠣꠝꠦꠡꠣ ꠀꠝꠣꠞ ꠛꠤꠛꠦꠇ ꠙꠞꠤꠡ꠆ꠇꠣꠞ ꠞꠣꠈꠔꠣꠝ ꠌꠣꠁ।

Injil 6: Ruman 10:4

ꠅꠃ ꠡꠞꠤꠅꠔꠞ ꠢꠇꠟ ꠖꠣꠛꠤ-ꠖꠣꠅꠀ ꠀꠟ-ꠝꠍꠤꠄ ꠔ ꠀꠖꠣꠄ ꠇꠞꠤꠟꠍꠂꠘ, ꠄꠞꠟꠣꠉꠤ ꠔꠣꠘ ꠃꠙꠞꠦ ꠎꠦꠞꠣ ꠁꠝꠣꠘ ꠀꠘꠦ, ꠀꠟ꠆ꠟꠣꠞ ꠖꠞꠛꠣꠞꠅ ꠔꠣꠞꠣꠞꠦ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠣ ꠅꠄ।

Injil 6: Ruman 12:9

ꠝꠣꠄꠀ-ꠝꠢꠛ꠆ꠛꠔꠞ ꠝꠣꠎꠦ ꠇꠥꠘꠥ ꠈꠣꠖ ꠝꠤꠡꠣꠁꠅ ꠘꠣ। ꠈꠣꠞꠣꠙꠤꠞꠦ ꠊꠤꠘ꠆ꠘꠣꠅ, ꠜꠣꠟꠣꠁꠞ ꠀꠡꠤꠇ ꠅꠅ।

Injil 6: Ruman 14:15

ꠎꠥꠖꠤ ꠔꠥꠝꠣꠞ ꠇꠥꠘꠥ ꠈꠣꠘꠤꠞ ꠟꠣꠉꠤ ꠀꠞꠇ ꠜꠣꠁꠄ ꠝꠘꠅ ꠖꠥꠈ ꠙꠣꠄ, ꠔꠦ ꠔ ꠔꠥꠝꠤ ꠔꠣꠞꠦ ꠝꠢꠛ꠆ꠛꠔ ꠇꠞꠞꠣꠄ ꠘꠣ। ꠎꠦ ꠜꠣꠁꠞꠦ ꠛꠣꠌꠣꠘꠤꠞ ꠟꠣꠉꠤ ꠀꠟ-ꠝꠍꠤꠄ ꠝꠃꠔ ꠇꠛꠥꠟ ꠇꠞꠟꠣ, ꠇꠥꠘꠥ ꠈꠣꠘꠤꠞ ꠟꠣꠉꠤ ꠁ ꠜꠣꠁꠞ ꠡꠞ꠆ꠛꠘꠣꠡ ꠇꠞꠤꠅ ꠘꠣ।

Injil 6: Ruman 9:1

ꠀꠝꠤ ꠀꠟ-ꠝꠍꠤꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠄꠇ꠆ꠇꠦꠞꠦ ꠢꠣꠍꠣ ꠇꠕꠣ ꠇꠁꠞꠣꠝ, ꠀꠝꠣꠞ ꠛꠤꠛꠦꠇꠦꠅ ꠙꠣꠇ ꠞꠥꠢꠥꠞ ꠟꠉꠦ ꠅꠁꠀ ꠅꠃ ꠡꠣꠇ꠆ꠇꠤ ꠖꠦꠞ।

Injil 7: 1-Korintia 13:1

ꠀꠝꠤ ꠎꠥꠖꠤ ꠎꠉꠔꠞ ꠝꠣꠘꠥꠡ ꠛꠣ ꠀꠍꠝꠣꠘꠤ ꠚꠤꠞꠤꠡ꠆ꠔꠣꠞ ꠉꠣꠁꠛꠤ ꠜꠣꠡꠣꠄ ꠝꠣꠔꠤ, ꠀꠞ ꠀꠝꠣꠞ ꠜꠤꠔꠞꠦ ꠇꠥꠘꠥ ꠝꠢꠛ꠆ꠛꠔ ꠘꠣ ꠕꠣꠇꠦ, ꠔꠦ ꠔ ꠀꠝꠤ ꠎꠥꠞꠦ ꠎꠥꠞꠦ ꠛꠣꠎꠣꠁꠟ ꠙꠤꠔꠟꠞ ꠊꠘ꠆ꠐꠤ ꠛꠣ ꠏꠘꠏꠘ ꠇꠞꠣ ꠇꠞꠔꠣꠟꠞ ꠟꠣꠈꠣꠘ ꠅꠁꠉꠦꠍꠤ।

Injil 8: 2-Korintia 1:12

ꠀꠝꠞꠣ ꠎꠦꠔꠣ ꠟꠁꠀ ꠉꠃꠞꠛ ꠇꠞꠤꠀꠞ, ꠀꠝꠞꠣꠞ ꠛꠤꠛꠦꠇꠦꠅ ꠅꠟꠣ ꠇꠄ, ꠀꠟ꠆ꠟꠣꠞ ꠖꠦꠅꠀ ꠙꠛꠤꠔ꠆ꠞ ꠀꠞ ꠡꠞꠟ ꠝꠘ ꠟꠁꠀ ꠢꠇꠟ ꠝꠣꠘꠡꠞ ꠝꠣꠎꠦ ꠎꠤꠘ꠆ꠖꠦꠉꠤ ꠇꠣꠐꠣꠁꠍꠤ, ꠈꠣꠍ ꠇꠞꠤ ꠔꠥꠝꠞꠣꠞ ꠝꠣꠎꠦꠃ ꠇꠣꠐꠣꠁꠍꠤ। ꠁ ꠎꠤꠘ꠆ꠖꠦꠉꠤ ꠀꠝꠞꠣ ꠖꠥꠘꠤꠀꠛꠤ ꠀꠈꠟ-ꠢꠦꠇꠝꠔꠦ ꠘꠣꠄ, ꠈꠣꠟꠤ ꠀꠟ꠆ꠟꠣꠞ ꠞꠢꠝꠔꠞ ꠛꠟꠦ ꠇꠣꠐꠣꠁꠍꠤ।

Injil 9: Galatia 5:22

ꠅꠁꠟꠦ ꠙꠣꠇ ꠞꠥꠢꠦ ꠌꠟꠣ ꠎꠤꠘ꠆ꠖꠦꠉꠤꠞ ꠚꠟ ꠅꠁꠟ ꠝꠢꠛ꠆ꠛꠔ, ꠈꠥꠡꠤ-ꠛꠣꠡꠤ, ꠡꠣꠘ꠆ꠔꠤ, ꠍꠛꠞ ꠇꠞꠣ, ꠖꠄꠀꠟꠥ ꠜꠣꠛ, ꠜꠣꠟꠣ-ꠝꠣꠘꠡꠤ ꠇꠞꠣ, ꠢꠇ-ꠢꠣꠟꠣꠟꠤ ꠞꠅꠀ,

Injil 9: Galatia 5:6

ꠁꠍꠣ ꠀꠟ-ꠝꠍꠤꠞ ꠃꠝ꠆ꠝꠔ ꠛꠘꠤꠀ ꠢꠣꠞꠟꠦ ꠝꠍꠟꠝꠣꠘꠤ ꠇꠣꠝ ꠇꠞꠣꠁꠟꠦꠅ ꠎꠦꠔꠣ, ꠘꠣ ꠇꠞꠣꠁꠟꠦꠅ ꠅꠔꠣ। ꠛꠞꠋ ꠝꠢꠛ꠆ꠛꠔꠞ ꠝꠣꠎꠖꠤ ꠎꠦ ꠁꠝꠣꠘ ꠎꠣꠁꠞ ꠅꠄ, ꠅꠃ ꠁꠝꠣꠘꠃ ꠅꠁꠟ ꠀꠍꠟ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 10:12

“ꠅ ꠛꠘꠤ ꠁꠍꠞꠣꠁꠟ, ꠢꠥꠘꠅ, ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠔꠥꠝꠞꠣꠞ ꠉꠦꠍꠦ ꠇꠤꠔꠣ ꠌꠣꠁꠘ। ꠔꠣꠁꠘ ꠌꠣꠁꠞꠣ, ꠔꠥꠝꠞꠣ ꠈꠣꠟꠤ ꠔꠣꠘ ꠒꠞ-ꠈꠚ ꠜꠤꠔꠞꠦ ꠞꠣꠈꠅ, ꠔꠣꠘ ꠙꠕꠦ ꠌꠟꠅ, ꠔꠣꠘꠞꠦ ꠝꠢꠛ꠆ꠛꠔ ꠇꠞꠅ, ꠔꠥꠝꠞꠣꠞ ꠀꠡ꠆ꠔꠣ ꠖꠤꠟ-ꠝꠘ ꠖꠤꠀ ꠔꠣꠘ ꠄꠛꠣꠖꠔ-ꠛꠘ꠆ꠖꠦꠉꠤ ꠇꠞꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:18

ꠅ ꠝꠣꠄꠀꠞ ꠙꠥꠔ ꠔꠤꠝꠕꠤ, ꠔꠥꠝꠣꠞ ꠛꠦꠙꠣꠞꠦ ꠀꠉꠦ ꠎꠦꠔꠣ ꠛꠣꠔꠥꠘꠤ ꠝꠣꠔ ꠝꠣꠔꠣ ꠅꠁꠍꠤꠟ, ꠅꠃ ꠝꠣꠚꠤꠇ ꠀꠝꠤ ꠔꠥꠝꠣꠞꠦ ꠝꠤꠘꠔ ꠇꠞꠤ ꠇꠁꠞꠣꠝ, ꠔꠥꠝꠤ ꠁꠔꠣ ꠝꠘꠅ ꠞꠣꠈꠤꠀ ꠀꠟ-ꠝꠍꠤꠞ ꠟꠣꠉꠤ ꠖꠤꠟꠦ-ꠎꠣꠘꠦ ꠟꠣꠠꠣꠁ ꠇꠞꠣꠔ ꠞꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:19

ꠄꠞꠟꠉꠦ ꠘꠤꠎꠞ ꠁꠝꠣꠘ ꠀꠞ ꠙꠞꠤꠡ꠆ꠇꠣꠞ ꠛꠤꠛꠦꠇꠞꠦ ꠛꠣꠌꠣꠁꠅ। ꠇꠥꠘꠥ ꠇꠥꠘꠥ ꠝꠣꠘꠡꠦ ꠛꠤꠛꠦꠇꠞ ꠛꠥꠟꠤ ꠘꠣ ꠝꠣꠘꠤꠀ, ꠘꠤꠎꠞ ꠁꠝꠣꠘꠞꠦ ꠘꠡ꠆ꠐ ꠇꠞꠤꠟꠤꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:9

ꠔꠣꠞꠣ ꠎꠣꠘꠥ ꠢꠇ ꠛꠤꠛꠦꠇꠦ ꠁꠍꠣꠄꠁ ꠁꠝꠣꠘꠞ ꠛꠣꠔꠥꠘꠤ ꠛꠦꠙꠣꠞꠞꠦ ꠝꠎꠛꠥꠔ ꠇꠞꠤ ꠖꠤꠟꠅ ꠞꠣꠈꠂꠘ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:3

ꠅ ꠔꠤꠝꠕꠤ, ꠢꠥꠘꠅ, ꠀꠝꠣꠞ ꠝꠄ-ꠝꠥꠞꠛ꠆ꠛꠤꠄ ꠎꠦꠟꠣ ꠄꠇ ꠀꠟ꠆ꠟꠣꠞ ꠄꠛꠣꠖꠔ ꠇꠞꠔꠣ, ꠀꠝꠤꠅ ꠅꠃꠟꠣ ꠙꠞꠤꠡ꠆ꠇꠣꠞ ꠛꠤꠛꠦꠇꠦ ꠀꠟ꠆ꠟꠣꠞ ꠄꠛꠣꠖꠔ ꠇꠞꠤ। ꠀꠝꠤ ꠖꠥꠀ ꠇꠞꠣꠞ ꠛꠣꠟꠣ ꠖꠤꠘꠦ-ꠞꠣꠁꠔꠦ ꠢꠣꠝꠦꠡꠣ ꠔꠥꠝꠣꠞ ꠟꠣꠉꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:5

ꠀꠝꠣꠞ ꠝꠘꠅ ꠀꠍꠦ, ꠔꠥꠝꠣꠞ ꠖꠤꠟꠈꠣꠘ ꠢꠇ ꠁꠝꠣꠘꠦ ꠜꠞꠣ, ꠔꠥꠝꠣꠞ ꠘꠣꠘꠤ ꠟꠥꠁꠍ ꠀꠞ ꠔꠥꠝꠣꠞ ꠀꠝ꠆ꠝꠣ ꠃꠘꠤꠇꠤꠞ ꠜꠤꠔꠞꠦꠅ ꠅꠟꠣ ꠢꠇ ꠁꠝꠣꠘ ꠀꠍꠤꠟ। ꠀꠝꠤ ꠘꠤꠌ꠆ꠌꠤꠔ ꠎꠣꠘꠤ, ꠔꠥꠝꠣꠞ ꠜꠤꠔꠞꠦꠅ ꠅꠟꠣ ꠁꠝꠣꠘ ꠀꠍꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:22

ꠔꠤꠝꠕꠤ ꠢꠥꠡꠤꠀꠞ ꠅꠅ, ꠎꠃꠛꠘꠞ ꠛꠖ ꠈꠣꠁꠡ ꠕꠣꠇꠤ ꠔꠥꠝꠣꠞ ꠎꠣꠘ ꠛꠣꠌꠣꠅ, ꠀꠞ ꠎꠦꠞꠣ ꠈꠣꠍ ꠖꠤꠟꠦ ꠝꠣꠟꠤꠇꠞ ꠘꠣꠝ ꠟꠄ, ꠔꠣꠞꠣꠞ ꠟꠉꠦ ꠡꠞꠤꠇ ꠅꠁꠀ ꠙꠞꠦꠎꠉꠣꠞꠤ, ꠁꠝꠣꠘ, ꠝꠢꠛ꠆ꠛꠔ ꠀꠞ ꠡꠣꠘ꠆ꠔꠤꠞ ꠟꠣꠉꠤ ꠈꠤꠀꠟꠤ ꠅꠅ।

Injil 17: Titas 1:15

ꠎꠦꠞꠣꠞ ꠖꠤꠟ ꠙꠣꠇ-ꠙꠛꠤꠔ꠆ꠞ, ꠔꠣꠞꠣꠞ ꠉꠦꠍꠦ ꠢꠇꠟꠔꠣꠃ ꠙꠛꠤꠔ꠆ꠞ। ꠅꠁꠟꠦ ꠎꠦꠞꠣꠞ ꠖꠤꠟ ꠘꠣꠙꠣꠇꠤꠄ ꠜꠞꠣ, ꠀꠞ ꠎꠦꠔꠣ ꠛꠦꠁꠝꠣꠘ, ꠁꠔꠣꠞ ꠉꠦꠍꠦ ꠇꠥꠘ꠆ꠔꠣꠃ ꠙꠛꠤꠔ꠆ꠞ ꠘꠣꠄ। ꠁꠔꠣꠞ ꠝꠘ ꠀꠞ ꠛꠤꠛꠦꠇ ꠢꠇꠟꠔꠣꠃ ꠛꠞꠛꠣꠖ।

Injil 19: Ibrani 10:22

ꠄꠞꠟꠣꠉꠤ ꠀꠅ, ꠁꠝꠣꠘꠞ ꠝꠣꠎꠖꠤ ꠀꠝꠞꠣ ꠙꠥꠞꠣꠙꠥꠞ ꠘꠤꠌ꠆ꠌꠤꠔ ꠛꠘꠤꠀ ꠈꠣꠐꠤ ꠖꠤꠟꠦ ꠀꠟ꠆ꠟꠣꠞ ꠖꠞꠛꠣꠞꠅ ꠀꠎꠤꠞ ꠅꠁ; ꠇꠣꠞꠘ ꠖꠥꠡꠤ ꠛꠤꠛꠦꠇꠞ ꠀꠔ ꠕꠣꠇꠤ ꠀꠝꠞꠣꠞ ꠖꠤꠟꠞꠦ ꠀꠟ-ꠝꠍꠤꠞ ꠟꠃꠄ ꠙꠣꠇ-ꠍꠣꠚ ꠛꠣꠘꠣꠁꠍꠦ, ꠀꠞ ꠙꠞꠤꠡ꠆ꠇꠣꠞ ꠙꠣꠘꠤ ꠖꠤꠀ ꠀꠝꠞꠣꠞꠦ ꠘꠣꠅꠀꠁꠟ ꠅꠁꠍꠦ।

Injil 19: Ibrani 13:18

ꠀꠝꠞꠣꠞ ꠟꠣꠉꠤ ꠖꠥꠀ ꠇꠞꠤꠅ। ꠀꠝꠞꠣ ꠔ ꠎꠣꠘꠤ, ꠀꠝꠞꠣꠞ ꠛꠤꠛꠦꠇ ꠍꠣꠚ-ꠍꠚꠣ ꠀꠍꠦ, ꠢꠇ꠆ꠇꠟ ꠛꠦꠙꠣꠞꠦ ꠢꠇ ꠙꠕꠦ ꠌꠟꠔꠣꠝ ꠌꠣꠁ।

Injil 19: Ibrani 9:14

ꠔꠦ ꠎꠦꠁꠘ ꠢꠞ-ꠢꠣꠝꠦꠡꠣꠇꠥꠞ ꠎꠤꠘ꠆ꠖꠣ ꠞꠥꠢꠥꠞ ꠝꠣꠎꠖꠤꠀ, ꠛꠦ-ꠉꠥꠘꠣ ꠇꠥꠞꠛꠣꠘꠤ ꠅꠁꠀ ꠔꠣꠘ ꠘꠤꠎꠞ ꠎꠣꠘꠞꠦ ꠀꠟ꠆ꠟꠣꠞ ꠘꠣꠝꠦ ꠡꠙꠤꠀ ꠖꠤꠟꠣꠁꠍꠂꠘ, ꠢꠤ ꠀꠟ-ꠝꠍꠤꠞ ꠟꠃꠄ ꠀꠝꠞꠣꠞ ꠖꠤꠟꠞꠦ ꠘꠣꠙꠣꠇꠤ ꠇꠣꠝ-ꠇꠣꠎ ꠕꠣꠇꠤ ꠀꠞꠅ ꠇꠔ ꠛꠦꠡꠤ ꠙꠞꠤꠝꠣꠘꠦ ꠙꠣꠇ-ꠍꠣꠚ ꠇꠞꠛ, ꠎꠣꠔꠦ ꠀꠝꠞꠣ ꠎꠤꠘ꠆ꠖꠣ ꠀꠟ꠆ꠟꠣꠞ ꠄꠛꠣꠖꠔ-ꠛꠘ꠆ꠖꠦꠉꠤ ꠇꠞꠔꠣꠝ ꠙꠣꠞꠤ।

Injil 20: Iakub 4:8

ꠀꠟ꠆ꠟꠣꠞ ꠛꠣꠄ ꠌꠣꠅ, ꠔꠦꠃ ꠔꠣꠁꠘꠅ ꠔꠥꠝꠞꠣꠞ ꠛꠣꠄ ꠌꠣꠁꠛꠣ। ꠅ ꠉꠥꠘꠣꠉꠣꠞ ꠅꠇꠟ, ꠔꠥꠝꠞꠣ ꠘꠤꠎꠞꠦ ꠙꠣꠇ-ꠍꠣꠚ ꠇꠞꠅ, ꠅ ꠖꠥ-ꠖꠤꠟꠣ ꠝꠣꠘꠥꠡ, ꠔꠥꠝꠞꠣꠞ ꠖꠤꠟ ꠈꠣꠐꠤ ꠇꠞꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 1:22

ꠅꠈꠘ ꠢꠇ-ꠢꠣꠟꠣꠟꠤ ꠝꠣꠘꠤꠀ, ꠔꠥꠝꠞꠣꠞ ꠖꠤꠟꠞꠦ ꠙꠣꠇ-ꠍꠣꠚ ꠇꠞꠍ ꠀꠞ ꠁꠝꠣꠘꠖꠣꠞ ꠜꠣꠁ ꠅꠇꠟ ꠎꠦꠛꠟꠣ ꠔꠥꠝꠞꠣꠞ ꠉꠦꠍꠦ ꠝꠣꠄꠀꠞ ꠝꠣꠘꠥꠡ ꠅꠁꠍꠂꠘ, ꠔꠦ ꠀꠝꠤ ꠇꠁꠞꠣꠝ, ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠖꠤꠟꠦ-ꠎꠣꠘꠦ ꠝꠣꠄꠀ ꠇꠞꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 3:16

ꠅꠁꠟꠦ ꠁ ꠎꠥꠀꠙ ꠘꠞꠝ ꠡꠥꠞꠦ ꠖꠤꠅ। ꠔꠥꠝꠞꠣꠞ ꠖꠤꠟ ꠍꠣꠚ ꠞꠣꠈꠤꠅ, ꠁꠍꠣꠄꠁ ꠃꠝ꠆ꠝꠔ ꠢꠤꠡꠣꠛꠦ ꠎꠦꠞꠣ ꠔꠥꠝꠞꠣꠞ ꠜꠣꠟꠣ ꠌꠣꠟ-ꠌꠟꠘꠞ ꠘꠤꠘ꠆ꠖꠣ ꠇꠞꠦ, ꠔꠣꠞꠣ ꠎꠣꠘꠥ ꠡꠞꠝꠤꠘ꠆ꠖꠣ ꠅꠄ।

ꠁꠘ꠆ꠎꠤꠟ ২১: ১-ꠙꠤꠔꠞ 3:21

ꠁ ꠙꠣꠘꠤ ꠅꠁꠟ ꠀꠟ-ꠝꠍꠤꠞ ꠘꠣꠝꠦ ꠔꠞꠤꠇꠣꠛꠘ꠆ꠖꠤꠞ ꠄꠇꠐꠣ ꠘꠤꠡꠣꠘꠣ, ꠎꠦꠔꠣꠄ ꠅꠈꠘ ꠔꠥꠝꠞꠣꠞ ꠎꠣꠘ ꠛꠣꠌꠦ। ꠔꠞꠤꠇꠣꠛꠘ꠆ꠖꠤꠄ ꠔꠥꠝꠞꠣꠞ ꠡꠞꠤꠟꠞ ꠝꠄꠟꠣ ꠍꠣꠚ ꠅꠄ ꠘꠣ, ꠈꠣꠟꠤ ꠀꠟ꠆ꠟꠣꠞ ꠖꠞꠛꠣꠞꠅ ꠍꠣꠚ ꠖꠤꠟꠞ ꠡꠣꠄ ꠖꠦꠄ। ꠢꠎꠞꠔ ꠁꠍꠣ ꠀꠟ-ꠝꠍꠤ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠅꠁꠀ ꠃꠑꠣꠄ ꠔꠥꠝꠞꠣꠞ ꠎꠣꠘ ꠛꠣꠌꠦ,

ꠁꠘ꠆ꠎꠤꠟ ২১: ১-ꠙꠤꠔꠞ 4:8

ꠀꠍꠟ ꠇꠕꠣ ꠅꠁꠟ, ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠖꠤꠟ ꠕꠣꠇꠤ ꠝꠢꠛ꠆ꠛꠔ ꠇꠞꠅ, ꠇꠣꠞꠘ ꠝꠣꠄꠀ-ꠝꠢꠛ꠆ꠛꠔꠦ ꠛꠃꠔ ꠉꠥꠘꠣ ꠉꠥꠞꠤꠀ ꠞꠣꠈꠦ।

ꠁꠘ꠆ꠎꠤꠟ ২২: ২-ꠙꠤꠔꠞ 1:7

ꠙꠞꠦꠎꠉꠣꠞꠤꠞ ꠟꠉꠦ ꠄꠇꠦ-ꠅꠁꠘ꠆ꠘꠦ ꠝꠣꠄꠀ, ꠀꠞ ꠄꠇꠦ-ꠅꠁꠘ꠆ꠘꠦ ꠝꠣꠄꠀꠞ ꠟꠉꠦ ꠀꠟ꠆ꠟꠣꠁ ꠝꠢꠛ꠆ꠛꠔꠦ ꠛꠣꠠꠅ।

Injil 23: 1-Hannan 3:10

ꠀꠞ ꠎꠣꠞꠎꠤꠞ ꠀꠝꠟ ꠖꠦꠈꠟꠦꠃ ꠛꠥꠎꠣ ꠎꠣꠄ, ꠇꠦ ꠀꠟ꠆ꠟꠣꠞ ꠀꠅꠟꠣꠖ, ꠇꠦ ꠡꠄꠔꠣꠘꠞ ꠙꠥꠔ: ꠎꠦꠔꠣ ꠝꠣꠘꠥꠡ ꠘꠦꠇ ꠙꠕꠦ ꠌꠟꠦ ꠘꠣ, ꠔꠣꠞ ꠝꠥꠝꠤꠘ ꠜꠣꠁꠞꠦ ꠝꠢꠛ꠆ꠛꠔ ꠇꠞꠦ ꠘꠣ, ꠢꠦ ꠔ ꠀꠟ꠆ꠟꠣꠞ ꠝꠣꠘꠥꠡ ꠘꠣꠄ।

Injil 23: 1-Hannan 3:23

ꠔꠣꠘ ꠢꠥꠇꠥꠝ ꠅꠁꠟ, ꠀꠝꠞꠣ ꠎꠣꠘꠥ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠤ, ꠀꠞ ꠄꠇꠦ-ꠅꠁꠘ꠆ꠘꠞꠦ ꠝꠢꠛ꠆ꠛꠔ ꠇꠞꠤ। ꠅꠃ ꠢꠥꠇꠥꠝꠃ ꠔꠣꠁꠘ ꠀꠝꠞꠣꠞꠦ ꠖꠤꠍꠂꠘ।

Injil 23: 1-Hannan 3:3

ꠀꠞ ꠎꠔ ꠝꠣꠘꠡꠦ ꠀꠟ-ꠝꠍꠤꠞ ꠃꠙꠞꠦ ꠁꠟꠣ ꠀꠡꠣ ꠇꠞꠦ, ꠔꠣꠞꠣ ꠘꠤꠎꠞꠦ ꠀꠟ-ꠝꠍꠤꠞ ꠟꠣꠈꠣꠘ ꠈꠣꠐꠤ ꠛꠣꠘꠣꠘꠤꠔ ꠞꠄ।