ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:3 - Siloṭi Asmani Kitab (Nagri lipi)

³ ꠅ ꠔꠤꠝꠕꠤ, ꠀꠝꠤ ꠝꠣꠇꠤꠖꠘꠤꠀ ꠖꠦꠡꠅ ꠎꠣꠅꠀꠞ ꠛꠣꠟꠣ ꠔꠥꠝꠣꠞꠦ ꠇꠁꠍꠟꠣꠝ, ꠅꠈꠘ ꠢꠤꠞꠛꠣꠞ ꠝꠤꠘꠔꠤ ꠇꠞꠤ ꠇꠁꠞꠣꠝ, ꠢꠥꠘꠅ, ꠔꠥꠝꠤ ꠁꠚꠤꠍ ꠐꠣꠃꠘꠅꠃ ꠞꠅ, ꠞꠁꠀ ꠅꠘꠞ ꠅꠟꠣ ꠇꠤꠍꠥ ꠝꠥꠟ꠆ꠟꠣꠁꠘ꠆ꠔꠞꠦ ꠢꠥꠇꠥꠝ ꠖꠦꠅ, ꠔꠣꠞꠣ ꠎꠣꠘꠥ ꠝꠣꠘꠡꠞꠦ ꠀꠞ ꠜꠥꠟ ꠔꠣꠟꠤꠝ ꠘꠣ ꠖꠦꠄ।

ছিলটি আছমানি কিতাব (বাংলা লিপি)

³ ও তিমথি, আমি মাকিদনিয়া দেশো যাওয়ার বালা তুমারে কইছলাম, অখন হিরবার মিনতি করি কইরাম, হুনো, তুমি ইফিছ টাউনোউ রও, রইয়া অনর অলা কিছু মোল্লাইন্তরে হুকুম দেও, তারা যানু মানষরে আর ভুল তালিম না দেয়।

Siloṭi Asmani Kitab (Latin lipi)

³ O Timoti, ami Makidonia desho zaoar bala tumare ḳoislam, oḳon hirbar minoti kori koiram, huno, tumi Ifis ṭauno-u ro, roia onor ola kisu mullaintore hukum deo, tara zanu manshore ar bul talim na dey.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:3 Iomraidhean Croise

Injil 5: Sahabi Nama 18:19

ꠛꠣꠖꠦ ꠁꠚꠤꠍ ꠐꠣꠃꠘꠅ ꠀꠁꠀ ꠙꠣꠃꠟꠥꠍꠦ ꠢꠤ ꠖꠥꠁꠅꠎꠘꠞꠦ ꠅꠘꠅ ꠕꠁꠀ, ꠔꠣꠁꠘ ꠝꠍꠤꠖꠅ ꠢꠣꠝꠣꠁꠀ ꠁꠢꠥꠖꠤ ꠅꠇꠟꠞ ꠟꠉꠦ ꠢꠎꠞꠔ ꠁꠍꠣꠞ ꠛꠦꠙꠣꠞꠦ ꠛꠣꠔꠌꠤꠔ ꠇꠞꠟꠣ।

Injil 5: Sahabi Nama 18:21

ꠔꠣꠁꠘ ꠄꠞꠣꠞ ꠉꠦꠍ ꠕꠣꠇꠤ ꠛꠤꠖꠣꠄ ꠟꠁꠀ ꠇꠁꠟꠣ, “ꠁꠘꠡꠣꠟ꠆ꠟꠣ, ꠀꠝꠤ ꠢꠤꠞꠛꠣꠞ ꠀꠁꠝꠥ।” ꠇꠁꠀ ꠔꠣꠁꠘ ꠁꠚꠤꠍ ꠕꠣꠇꠤ ꠎꠣꠎꠅ ꠇꠞꠤ ꠞꠅꠀꠘꠣ ꠅꠁꠉꠦꠟꠣ।

Injil 6: Ruman 15:26

ꠢꠤꠘꠅ ꠅꠜꠣꠛ-ꠅꠘꠐꠘꠞ ꠝꠣꠎꠦ ꠀꠟ꠆ꠟꠣꠞ ꠎꠦ ꠛꠘ꠆ꠖꠣ ꠅꠇꠟ ꠀꠍꠂꠘ, ꠔꠣꠞꠣꠞ ꠉꠦꠍꠦ ꠛꠣꠐꠤꠀ ꠖꠤꠛꠣꠞ ꠟꠣꠉꠤ ꠝꠣꠇꠤꠖꠘꠤꠀ ꠀꠞ ꠉ꠆ꠞꠤꠍ ꠖꠦꠡꠞ ꠎꠝꠣꠔ ꠅꠇꠟꠦ ꠇꠤꠍꠥ ꠡꠣꠁꠎ꠆ꠎ ꠔꠥꠟꠍꠂꠘ।

Injil 6: Ruman 16:17

ꠅ ꠜꠣꠁ ꠅꠇꠟ, ꠔꠥꠝꠞꠣꠞꠦ ꠝꠤꠘꠔ ꠇꠞꠤ ꠇꠁꠞꠣꠝ, ꠀꠉꠦ ꠎꠦꠔꠣ ꠔꠣꠟꠤꠝ ꠙꠣꠁꠍ, ꠅꠃ ꠔꠣꠟꠤꠝꠞ ꠃꠟꠐꠣ ꠔꠣꠟꠤꠝ ꠖꠤꠀ ꠎꠦꠉꠥꠁꠘ꠆ꠔꠦ ꠖꠟꠣꠖꠟꠤ ꠀꠞ ꠛꠣꠗꠣ-ꠛꠤꠊꠘꠞ ꠎꠘꠝ ꠖꠦꠁꠘ, ꠅꠔꠣꠞ ꠛꠣꠄ ꠘꠎꠞ ꠞꠣꠈꠤꠅ, ꠔꠥꠝꠞꠣ ꠁꠔꠣꠞ ꠉꠦꠍ ꠕꠣꠇꠤ ꠢꠞꠤꠀ ꠞꠁꠅ।

Injil 8: 2-Korintia 11:4

ꠇꠣꠞꠘ ꠀꠝꠞꠣ ꠎꠦ ꠁꠍꠣꠞ ꠛꠦꠙꠣꠞꠦ ꠔꠛꠟꠤꠉ ꠇꠞꠍꠤ, ꠅꠁꠘ꠆ꠘ ꠎꠘꠦ ꠎꠦꠛꠟꠣ ꠔꠣꠘꠞꠦ ꠍꠣꠠꠣ ꠖꠥꠍꠞꠣ ꠇꠥꠘꠥ ꠁꠍꠣꠞ ꠇꠕꠣ ꠔꠛꠟꠤꠉ ꠇꠞꠦ, ꠔꠥꠝꠞꠣ ꠁꠔꠣ ꠝꠣꠘꠞꠣꠄ। ꠀꠞ ꠔꠥꠝꠞꠣ ꠎꠦ ꠙꠣꠇ ꠞꠥꠢꠥ ꠙꠣꠁꠍ, ꠅꠃ ꠙꠣꠇ ꠞꠥꠢꠥ ꠍꠣꠠꠣ ꠖꠥꠍꠞꠣ ꠇꠥꠘꠥ ꠞꠥꠢꠥ ꠙꠣꠁꠟꠦ, ꠛꠣ ꠎꠦ ꠈꠥꠡ-ꠈꠛꠞꠤ ꠔꠥꠝꠞꠣ ꠝꠣꠘꠞꠣꠄ, ꠁ ꠈꠥꠡ-ꠈꠛꠞꠤ ꠍꠣꠠꠣ ꠖꠥꠍꠞꠣ ꠇꠥꠘꠥ ꠈꠥꠡ-ꠈꠛꠞꠤ ꠢꠥꠘꠟꠦ, ꠈꠥꠛ ꠈꠥꠡꠤ ꠅꠁꠀꠃ ꠝꠣꠘꠤꠟꠤꠞꠣꠄ।

Injil 10: Ifisia 4:14

ꠔꠦꠃ ꠀꠝꠞꠣ ꠀꠞ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠞꠁꠔꠣꠝ ꠘꠣꠄ। ꠝꠣꠘꠡꠦ ꠡꠄꠔꠣꠘꠤ ꠀꠈꠟ ꠈꠣꠐꠣꠁꠀ ꠛꠦ-ꠙꠕꠦ ꠘꠤꠛꠣꠞ ꠟꠣꠉꠤ ꠝꠣꠘꠡꠞꠦ ꠎꠦ ꠜꠥꠟ ꠔꠣꠟꠤꠝ ꠖꠦꠄ, ꠅꠃ ꠜꠥꠟ ꠔꠣꠟꠤꠝꠦ ꠎꠣꠘꠥ ꠀꠝꠞꠣꠞꠦ ꠙꠣꠘꠤꠞ ꠀꠃꠟꠣ-ꠎꠣꠃꠟꠣ ꠓꠦꠃꠞ ꠟꠣꠈꠣꠘ ꠖꠥ-ꠖꠤꠟꠣ ꠘꠣ ꠛꠣꠘꠣꠄ।

Injil 11: Filifia 2:24

ꠅꠁꠟꠦ ꠀꠝꠤ ꠝꠣꠟꠤꠇꠞ ꠃꠙꠞꠦ ꠜꠞꠡꠣ ꠇꠞꠤ ꠇꠁꠀꠞ, ꠀꠝꠤ ꠘꠤꠎꠦꠅ ꠈꠥꠛ ꠎꠟꠖꠤ ꠇꠞꠤ ꠀꠁꠔꠣꠝ ꠙꠣꠞꠝꠥ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:11

ꠔꠦ ꠔꠥꠝꠤꠅ ꠅꠃ ꠛꠦꠙꠣꠞꠦ ꠢꠥꠇꠥꠝ ꠀꠞ ꠔꠣꠟꠤꠝ ꠖꠦꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:6

ꠅ ꠔꠤꠝꠕꠤ, ꠔꠥꠝꠤ ꠎꠥꠖꠤ ꠅꠃ ꠔꠣꠟꠤꠝ ꠅꠇꠟ ꠝꠥꠝꠤꠘ ꠜꠣꠁꠀꠁꠘꠞꠦ ꠛꠥꠎꠣꠁꠀ ꠖꠦꠅ, ꠔꠦ ꠁꠍꠣꠄꠁ ꠁꠝꠣꠘꠞ ꠎꠦ ꠢꠇ ꠀꠞ ꠘꠤꠞꠜꠥꠟ ꠔꠣꠟꠤꠝ ꠝꠣꠘꠤꠀ ꠌꠟꠞꠣꠄ, ꠁ ꠛꠦꠙꠣꠞꠦ ꠔꠥꠝꠤ ꠙꠣꠇꠣ-ꠙꠥꠇ꠆ꠔ ꠅꠁꠀ ꠀꠟ-ꠝꠍꠤꠞ ꠄꠇꠎꠘ ꠃꠙꠎꠥꠇ꠆ꠔ ꠈꠣꠖꠤꠝ ꠅꠁꠛꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:7

ꠅꠃ ꠛꠦꠙꠣꠞꠦ ꠢꠥꠇꠥꠝ ꠖꠦꠅ, ꠎꠣꠔꠦ ꠇꠦꠃ ꠔꠣꠞꠣꠞꠦ ꠖꠥꠡꠤ ꠇꠅꠀꠞ ꠡꠥꠎꠥꠉ ꠘꠣ ꠙꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:10

ꠇꠣꠞꠘ ꠢꠇꠟ ꠘꠝꠥꠘꠣꠞ ꠛꠖ ꠇꠣꠝꠞ ꠎꠘꠝ ꠅꠁꠟ ꠐꠦꠇꠣ-ꠙꠄꠡꠣꠞ ꠝꠣꠄꠀ। ꠇꠥꠘꠥ ꠇꠥꠘꠥ ꠎꠘ ꠐꠦꠇꠣ-ꠙꠄꠡꠣꠞ ꠟꠣꠟꠌꠦ ꠁꠍꠣꠄꠁ ꠁꠝꠣꠘ ꠕꠣꠇꠤ ꠢꠞꠤꠀ ꠉꠤꠀ, ꠘꠤꠎꠞ ꠃꠙꠞꠦ ꠛꠠ ꠖꠥꠈ-ꠝꠍꠤꠛꠔ ꠒꠣꠇꠤꠀ ꠀꠘꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:17

ꠢꠥꠘꠅ, ꠅꠃ ꠖꠥꠘꠤꠀꠞ ꠗꠘꠤ ꠅꠇꠟꠞꠦ ꠢꠥꠇꠥꠝ ꠖꠦꠅ, ꠔꠣꠞꠣ ꠎꠣꠘꠥ ꠛꠠꠣꠁ ꠘꠣ ꠇꠞꠂꠘ, ꠀꠞ ꠖꠥꠘꠤꠀꠛꠤ ꠅꠡ꠆ꠕꠣꠄꠁ ꠗꠘꠞ ꠃꠙꠞꠦ ꠜꠞꠡꠣ ꠘꠣ ꠇꠞꠤꠀ, ꠀꠟ꠆ꠟꠣꠞ ꠃꠙꠞꠦ ꠜꠞꠡꠣ ꠇꠞꠂꠘ। ꠀꠝꠞꠣꠞ ꠜꠣꠟꠣꠁꠞ ꠟꠣꠉꠤ ꠔꠣꠁꠘꠃ ꠢꠇꠟꠔꠣ ꠈꠥꠟꠣ ꠀꠔꠦ ꠖꠣꠘ ꠇꠞꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:3

ꠇꠦꠃ ꠎꠥꠖꠤ ꠁꠔꠣ ꠛꠣꠖ ꠖꠤꠀ ꠖꠥꠍꠞꠣ ꠇꠥꠘꠥ ꠔꠣꠟꠤꠝ ꠖꠦꠄ, ꠀꠞ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠈꠣꠐꠤ ꠔꠣꠟꠤꠝ ꠀꠞ ꠀꠟ꠆ꠟꠣꠞ ꠒꠞ-ꠈꠚꠞ ꠔꠣꠟꠤꠝꠞꠦ ꠘꠣ ꠝꠣꠘꠦ,

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:18

ꠀꠝꠤ ꠁꠚꠤꠍ ꠐꠣꠃꠘꠅ ꠕꠣꠇꠔꠦ ꠔꠣꠁꠘ ꠇꠤꠟꠣ ꠀꠝꠣꠞ ꠈꠦꠎꠝꠔ ꠇꠞꠍꠟꠣ, ꠁꠔꠣ ꠔ ꠔꠥꠝꠤ ꠜꠣꠟꠣꠝꠘ꠆ꠔꠦꠃ ꠎꠣꠘ। ꠝꠣꠟꠤꠇ ꠁꠍꠣꠄ ꠅꠟꠣ ꠇꠞꠃꠇ꠆ꠇꠣ, ꠎꠣꠔꠦ ꠔꠣꠘ ꠔꠡꠞꠤꠚ ꠀꠘꠣꠞ ꠖꠤꠘ ꠄꠁꠘ ꠝꠦꠢꠦꠞꠛꠣꠘꠤ ꠙꠣꠁꠘ।

Injil 24: 2-Hannan 1:7

ꠖꠥꠘꠤꠀꠔ ꠅꠈꠘ ꠛꠃꠔ ꠟꠣꠈꠣꠘ ꠗꠥꠇꠣꠛꠣꠎ ꠛꠣꠞ ꠅꠁꠍꠂꠘ। ꠎꠦꠔꠣꠄ ꠇꠂꠘ, ꠝꠣꠘꠥꠡ ꠍꠥꠞꠔꠦ ꠢꠎꠞꠔ ꠁꠍꠣ ꠀꠟ-ꠝꠍꠤ ꠖꠥꠘꠤꠀꠔ ꠀꠁꠍꠂꠘ ꠘꠣ, ꠁꠟꠣ ꠝꠣꠔ ꠎꠦꠞꠣ ꠝꠣꠔꠦ ꠄꠞꠣ ꠅꠁꠟ ꠢꠃ ꠗꠥꠇꠣꠛꠣꠎ ꠀꠞ ꠈꠣꠘꠦ-ꠖꠞ꠆ꠎꠣꠟ।

Injil 27: Zaira Kalam 2:14

“ꠔꠣ-ꠅ ꠔꠥꠝꠞꠣꠞ ꠛꠤꠞꠥꠖ꠆ꠖꠦ ꠀꠝꠣꠞ ꠇꠤꠍꠥ ꠝꠣꠔ ꠀꠍꠦ। ꠔꠥꠝꠞꠣꠞ ꠅꠘꠅ ꠅꠟꠣ ꠇꠤꠍꠥ ꠝꠣꠘꠥꠡ ꠀꠍꠂꠘ, ꠎꠦꠔꠣꠄ ꠝꠥꠍꠣ ꠘꠛꠤꠞ ꠀꠝꠟꠞ ꠜꠘ꠆ꠒ ꠘꠛꠤ ꠛꠣꠟꠣꠝꠞ ꠔꠣꠟꠤꠝꠦ ꠌꠟꠂꠘ। ꠅꠃ ꠛꠣꠟꠣꠝꠦ ꠛꠣꠖꠡꠣ ꠛꠣꠟꠣꠇꠞꠦ ꠢꠤꠇꠣꠁꠍꠤꠟ, ꠎꠣꠔꠦ ꠢꠦ ꠖꠦꠛꠔꠣꠞ ꠝꠥꠞ꠆ꠔꠤꠞ ꠍꠣꠝꠘꠞ ꠙꠡꠣꠖ ꠈꠣꠅꠀꠁꠀ ꠀꠞ ꠎꠤꠘꠣ ꠇꠞꠣꠁꠀ, ꠛꠘꠤ ꠁꠍꠞꠣꠁꠟꠞꠦ ꠉꠥꠘꠣꠞ ꠙꠕꠦ ꠘꠦꠄ।

Injil 27: Zaira Kalam 2:20

“ꠅꠁꠟꠦ ꠔꠥꠝꠞꠣ ꠔ ꠁꠎꠣꠛꠦꠟ ꠘꠣꠝꠞ ꠅꠃ ꠛꠦꠐꠤꠞꠦ ꠀꠡꠞꠄ ꠖꠤꠞꠣꠄ, ꠄꠞꠟꠣꠉꠤ ꠔꠥꠝꠞꠣꠞ ꠛꠤꠞꠥꠖ꠆ꠖꠦ ꠀꠝꠣꠞ ꠄꠇꠈꠣꠘ ꠇꠕꠣ ꠀꠍꠦ, ꠔꠣꠁ ꠘꠤꠎꠞꠦ ꠘꠛꠤ ꠇꠁꠀ ꠙꠞꠤꠌꠄ ꠖꠦꠄ। ꠀꠝꠣꠞ ꠛꠘ꠆ꠖꠣ ꠅꠇꠟꠞꠦ ꠔꠣꠁ ꠎꠤꠘꠣ ꠇꠞꠣ ꠀꠞ ꠖꠦꠛꠔꠣꠞ ꠍꠣꠝꠘꠞ ꠙꠡꠣꠖ ꠈꠣꠅꠀ ꠢꠤꠇꠣꠁꠀ ꠛꠦ-ꠙꠕꠦ ꠘꠦꠞꠉꠤ।