ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:19 - Siloṭi Asmani Kitab (Nagri lipi)

¹⁹ ꠄꠞꠟꠉꠦ ꠘꠤꠎꠞ ꠁꠝꠣꠘ ꠀꠞ ꠙꠞꠤꠡ꠆ꠇꠣꠞ ꠛꠤꠛꠦꠇꠞꠦ ꠛꠣꠌꠣꠁꠅ। ꠇꠥꠘꠥ ꠇꠥꠘꠥ ꠝꠣꠘꠡꠦ ꠛꠤꠛꠦꠇꠞ ꠛꠥꠟꠤ ꠘꠣ ꠝꠣꠘꠤꠀ, ꠘꠤꠎꠞ ꠁꠝꠣꠘꠞꠦ ꠘꠡ꠆ꠐ ꠇꠞꠤꠟꠤꠍꠦ।

ছিলটি আছমানি কিতাব (বাংলা লিপি)

¹⁹ এরলগে নিজর ইমান আর পরিস্কার বিবেকরে বাচাইও। কুনু কুনু মানষে বিবেকর বুলি না মানিয়া, নিজর ইমানরে নষ্ট করিলিছে।

Siloṭi Asmani Kitab (Latin lipi)

¹⁹ Erloge nizor iman ar forishkar bibeḳre basaio. Kunu kunu manshe bibeḳor buli na mania, nizor imanre nosṭo ḳorilise.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:19 Iomraidhean Croise

ꠁꠘ꠆ꠎꠤꠟ ১: ꠝꠕꠤ 6:27

ꠇꠅ ꠌꠣꠁꠘ, ꠔꠥꠝꠞꠣꠞ ꠝꠣꠎꠦ ꠇꠦꠃ ꠌꠤꠘ꠆ꠔꠣ-ꠜꠣꠛꠘꠣ ꠇꠞꠤꠀ ꠔꠣꠞ ꠢꠣꠄꠀꠔꠤ ꠄꠇꠈꠣꠘ ꠊꠘ꠆ꠐꠣ ꠛꠣꠠꠣꠁꠔ ꠙꠣꠞꠛ ꠘꠤ?

Injil 7: 1-Korintia 11:19

ꠀꠍꠟꠦ ꠔ ꠔꠥꠝꠞꠣꠞ ꠝꠣꠎꠦ ꠝꠔꠞ ꠅꠝꠤꠟ ꠕꠣꠇꠛꠃ, ꠎꠣꠔꠦ ꠔꠥꠝꠞꠣꠞ ꠝꠣꠎꠞ ꠈꠣꠐꠤ ꠘꠤꠈꠥꠔ ꠝꠣꠘꠡꠞ ꠙꠞꠤꠌꠄ ꠝꠤꠟꠦ।

Injil 9: Galatia 5:4

ꠔꠥꠝꠞꠣ ꠎꠣꠞꠣ ꠡꠞꠤꠅꠔ ꠀꠝꠟ ꠇꠞꠤꠀ ꠖꠤꠘꠖꠣꠞ ꠛꠘꠔꠣꠄ ꠌꠣꠁꠞꠣꠄ, ꠔꠥꠝꠞꠣ ꠔ ꠀꠟ-ꠝꠍꠤꠞ ꠉꠦꠍ ꠕꠘꠦ ꠀꠟꠉ ꠅꠁꠉꠦꠍ, ꠀꠟ꠆ꠟꠣꠞ ꠞꠢꠝꠔ ꠕꠘꠦ ꠢꠞꠤꠉꠦꠍ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:5

ꠛꠞꠋ ꠡꠑꠤꠇ ꠔꠣꠟꠤꠝꠞ ꠚꠟ ꠅꠁꠟ, ꠝꠣꠄꠀ-ꠝꠢꠛ꠆ꠛꠔ, ꠁꠔꠣ ꠔ ꠈꠣꠐꠤ ꠖꠤꠟ, ꠙꠞꠤꠡ꠆ꠇꠣꠞ ꠛꠤꠛꠦꠇ ꠀꠞ ꠢꠣꠍꠣꠞꠞ ꠁꠝꠣꠘ ꠕꠣꠇꠤ ꠙꠄꠖꠣ ꠅꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:9

ꠔꠣꠞꠣ ꠎꠣꠘꠥ ꠢꠇ ꠛꠤꠛꠦꠇꠦ ꠁꠍꠣꠄꠁ ꠁꠝꠣꠘꠞ ꠛꠣꠔꠥꠘꠤ ꠛꠦꠙꠣꠞꠞꠦ ꠝꠎꠛꠥꠔ ꠇꠞꠤ ꠖꠤꠟꠅ ꠞꠣꠈꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:12

ꠁꠝꠣꠘꠤ ꠟꠣꠠꠣꠁ ꠇꠞꠣꠔ ꠞꠅ। ꠀꠈꠦꠞꠣꠔꠞ ꠎꠦ ꠎꠤꠘ꠆ꠖꠦꠉꠤꠞ ꠟꠣꠉꠤ ꠀꠟ꠆ꠟꠣ ꠙꠣꠇꠦ ꠔꠥꠝꠣꠞꠦ ꠖꠣꠅꠔ ꠖꠤꠍꠂꠘ, ꠢꠃ ꠎꠤꠘ꠆ꠖꠦꠉꠤꠞꠦ ꠔꠥꠝꠤ ꠝꠎꠛꠥꠔ ꠇꠞꠤ ꠗꠞꠅ। ꠔꠥꠝꠤ ꠔ ꠁꠝꠣꠘꠤ ꠡꠣꠇ꠆ꠇꠤ ꠖꠤꠍꠟꠣꠄ ꠛꠃꠔ ꠝꠣꠘꠡꠞ ꠍꠣꠝꠘꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:21

ꠇꠥꠘꠥ ꠇꠥꠘꠥ ꠎꠘ ꠅꠔꠣ ꠛꠦꠇꠣꠝꠣ ꠀꠈꠟ ꠖꠦꠈꠣꠘꠤꠔ ꠉꠤꠀ, ꠀꠍꠟ ꠁꠝꠣꠘ ꠕꠣꠇꠤ ꠛꠦ-ꠙꠕꠦ ꠉꠦꠍꠦꠉꠤ। ꠀꠟ꠆ꠟꠣ ꠙꠣꠇꠦ ꠔꠥꠝꠞꠣꠞꠦ ꠞꠢꠝꠔ ꠖꠣꠘ ꠇꠞꠃꠇ꠆ꠇꠣ। ꠀꠝꠤꠘ॥

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:9

ꠅꠁꠟꠦ ꠖꠥꠘꠤꠀꠔ ꠎꠦꠞꠣ ꠗꠘꠤ ꠅꠁꠔ ꠌꠣꠄ, ꠔꠣꠞꠣ ꠘꠣꠘꠣꠘ ꠘꠝꠥꠘꠣꠞ ꠙꠞꠤꠇ꠆ꠇꠣꠔ ꠀꠞ ꠚꠣꠘ꠆ꠖꠅ ꠙꠠꠦ, ꠔꠣꠞꠣꠞ ꠝꠘꠅ ꠈꠥꠛ ꠛꠖ ꠈꠣꠁꠡ ꠙꠄꠖꠣ ꠅꠄ, ꠎꠦꠔꠣꠄ ꠔꠣꠞꠣꠞ ꠎꠤꠘ꠆ꠖꠦꠉꠤꠞꠦ ꠡꠞ꠆ꠛꠘꠣꠡꠞ ꠉꠣꠔꠅ ꠚꠣꠟꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:18

ꠁꠉꠥꠁꠘ ꠔ ꠀꠟ꠆ꠟꠣꠁ ꠢꠇ ꠕꠣꠇꠤ ꠇꠥ-ꠙꠕꠦ ꠉꠦꠍꠂꠘꠉꠤ। ꠁꠔꠣꠄ ꠇꠂꠘ, ꠝꠥꠝꠤꠘ ꠅꠇꠟ ꠛꠥꠟꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠅꠁꠀ ꠢꠣꠞꠍꠂꠘ। ꠅꠟꠣ ꠀꠎꠦ-ꠛꠣꠎꠦ ꠝꠣꠔꠤꠀ ꠔꠣꠞꠣ ꠇꠥꠘꠥ ꠇꠥꠘꠥ ꠎꠘꠞ ꠁꠝꠣꠘ ꠘꠡ꠆ꠐ ꠇꠞꠤꠟꠤꠍꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:4

ꠔꠣꠞꠣ ꠢꠇ ꠔꠣꠟꠤꠝ ꠕꠣꠇꠤ ꠝꠥꠈ ꠚꠤꠞꠣꠁꠀ, ꠝꠘꠉꠠꠣ ꠇꠤꠌ꠆ꠍꠣ-ꠇꠣꠢꠤꠘꠤꠞ ꠈꠞꠦ ꠖꠃꠠꠣꠁꠛꠣ।

Injil 17: Titas 1:9

ꠀꠟ꠆ꠟꠣ ꠙꠣꠇꠞ ꠎꠦ ꠢꠇ ꠇꠣꠟꠣꠝ ꠔꠣꠟꠤꠝ ꠙꠣꠁꠍꠂꠘ, ꠔꠣꠁꠘ ꠁꠔꠣꠞꠦ ꠝꠎꠛꠥꠔ ꠇꠞꠤ ꠗꠞꠤꠀ ꠞꠣꠈꠂꠘ, ꠀꠞ ꠑꠤꠇ ꠅꠃ ꠟꠣꠈꠣꠘ ꠈꠣꠐꠤ ꠔꠣꠟꠤꠝ ꠔꠛꠟꠤꠉ ꠇꠞꠔꠣ ꠙꠣꠞꠂꠘ। ꠄꠞꠟꠉꠦ ꠎꠦꠞꠣ ꠔꠣꠘ ꠛꠤꠙꠇ꠆ꠇꠦ ꠀꠍꠦ, ꠔꠣꠞꠣꠞ ꠜꠥꠟ-ꠛꠦꠀꠈꠟꠤꠅ ꠗꠞꠣꠁ ꠖꠦꠁꠘ।

Injil 19: Ibrani 3:14

ꠇꠣꠞꠘ ꠀꠝꠞꠣ ꠎꠥꠖꠤ ꠙꠄꠟꠣꠇꠥꠞ ꠟꠣꠈꠣꠘ ꠢꠦꠡ ꠙꠞ꠆ꠎꠘ꠆ꠔ ꠁꠝꠣꠘꠦ ꠝꠎꠛꠥꠔ ꠞꠁꠀ ꠌꠟꠤ, ꠔꠦ ꠛꠥꠎꠣ ꠎꠣꠁꠛ ꠀꠝꠞꠣ ꠀꠟ-ꠝꠍꠤꠞ ꠟꠉꠦ ꠡꠞꠤꠇ ꠅꠁꠍꠤ।

Injil 23: 1-Hannan 2:19

ꠅꠃ ꠖꠞ꠆ꠎꠣꠟ ꠅꠇꠟ ꠔ ꠀꠝꠞꠣꠞ ꠝꠣꠎ ꠕꠣꠇꠤꠃ ꠛꠣꠞ ꠅꠁꠍꠂꠘ। ꠔꠣ-ꠅ ꠄꠞꠣ ꠀꠍꠟꠦ ꠀꠝꠞꠣꠞ ꠔꠞꠤꠇꠣꠔ ꠀꠍꠤꠟ ꠘꠣ, ꠀꠝꠞꠣꠞ ꠔꠞꠤꠇꠣꠞ ꠅꠁꠟꠦ ꠔ ꠀꠝꠞꠣꠞ ꠟꠉꠦ ꠞꠁꠟ ꠅꠘꠦ। ꠔꠣꠞꠣ ꠛꠣꠞ ꠅꠁꠀ ꠉꠦꠍꠦꠉꠤ ꠇꠞꠤꠃ ꠛꠥꠎꠣ ꠎꠣꠄ, ꠔꠣꠞꠣ ꠇꠦꠃ ꠀꠝꠞꠣꠞ ꠘꠣꠄ।

Injil 27: Zaira Kalam 3:10

ꠔꠥꠝꠞꠣꠞꠦ ꠍꠛꠞ ꠇꠞꠣꠞ ꠟꠣꠉꠤ ꠀꠝꠤ ꠎꠦ ꠢꠥꠇꠥꠝ ꠖꠤꠍꠟꠣꠝ ꠁꠔꠣ ꠔꠥꠝꠞꠣ ꠝꠣꠘꠍ; ꠄꠞꠟꠣꠉꠤ ꠁ ꠖꠥꠘꠤꠀꠞ ꠃꠙꠞꠦ ꠝꠍꠤꠛꠔꠞ ꠎꠦ ꠡꠝꠄ ꠀꠁꠀ ꠀꠎꠦꠞ, ꠢꠃ ꠡꠝꠄ ꠕꠣꠇꠤ ꠀꠝꠤ ꠔꠥꠝꠞꠣꠞꠦ ꠢꠦꠚꠣꠎꠔ ꠇꠞꠝꠥ। ꠖꠥꠘꠤꠀꠞ ꠝꠣꠘꠡꠞꠦ ꠙꠞꠤꠇ꠆ꠇꠣ ꠇꠞꠣꠞ ꠟꠣꠉꠤ ꠅꠃ ꠝꠍꠤꠛꠔꠞ ꠡꠝꠄ ꠀꠁꠛ।

Injil 27: Zaira Kalam 3:3

ꠄꠞꠟꠣꠉꠤ ꠔꠥꠝꠞꠣ ꠎꠦꠔꠣ ꠙꠣꠁꠍ ꠀꠞ ꠎꠦꠔꠣ ꠢꠥꠘꠍ, ꠅꠔꠣ ꠁꠀꠖ ꠞꠣꠈꠅ ꠀꠞ ꠀꠝꠟ ꠇꠞꠅ। ꠔꠥꠝꠞꠣꠞ ꠅꠈꠘꠇꠥꠞ ꠢꠣꠟꠔ ꠕꠣꠇꠤ ꠖꠤꠟ ꠛꠖꠟꠣꠅ। ꠔꠥꠝꠞꠣ ꠎꠥꠖꠤ ꠢꠎꠣꠉ ꠘꠣ ꠅꠅ, ꠔꠦ ꠀꠝꠤ ꠌꠥꠞꠞ ꠟꠣꠈꠣꠘ ꠟꠥꠇꠣꠁꠀ ꠀꠁꠝꠥ, ꠇꠥꠘ ꠛꠣꠟꠣ ꠔꠥꠝꠞꠣꠞ ꠉꠦꠍꠦ ꠀꠁꠝꠥ, ꠔꠥꠝꠞꠣ ꠐꠦꠞꠃ ꠙꠣꠁꠔꠣꠄ ꠘꠣꠄ।

Injil 27: Zaira Kalam 3:8

“ꠀꠝꠤ ꠔ ꠔꠥꠝꠞꠣꠞ ꠇꠣꠝ-ꠇꠣꠎ ꠎꠣꠘꠤ। ꠢꠥꠘꠅ, ꠀꠝꠤ ꠔꠥꠝꠞꠣꠞ ꠍꠣꠝꠘꠦ ꠄꠇꠈꠣꠘ ꠖꠥꠀꠞ ꠈꠥꠟꠣ ꠞꠣꠈꠟꠣꠝ, ꠁꠈꠣꠘ ꠛꠘ꠆ꠖ ꠇꠞꠣꠞ ꠈꠦꠝꠔꠣ ꠇꠦꠃꠞꠞ ꠘꠣꠁ। ꠀꠝꠤ ꠔ ꠎꠣꠘꠤ, ꠔꠥꠝꠞꠣ ꠈꠥꠛ ꠇꠝꠎꠥꠞ, ꠄꠞꠛꠣꠖꠦꠅ ꠔꠥꠝꠞꠣ ꠀꠝꠣꠞ ꠢꠥꠇꠥꠝ ꠀꠝꠟ ꠇꠞꠍ ꠀꠞ ꠀꠝꠣꠞꠦ ꠅꠡ꠆ꠛꠤꠇꠣꠞ ꠇꠞꠍ ꠘꠣ।