ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:18 - Siloṭi Asmani Kitab (Nagri lipi)

¹⁸ ꠅ ꠝꠣꠄꠀꠞ ꠙꠥꠔ ꠔꠤꠝꠕꠤ, ꠔꠥꠝꠣꠞ ꠛꠦꠙꠣꠞꠦ ꠀꠉꠦ ꠎꠦꠔꠣ ꠛꠣꠔꠥꠘꠤ ꠝꠣꠔ ꠝꠣꠔꠣ ꠅꠁꠍꠤꠟ, ꠅꠃ ꠝꠣꠚꠤꠇ ꠀꠝꠤ ꠔꠥꠝꠣꠞꠦ ꠝꠤꠘꠔ ꠇꠞꠤ ꠇꠁꠞꠣꠝ, ꠔꠥꠝꠤ ꠁꠔꠣ ꠝꠘꠅ ꠞꠣꠈꠤꠀ ꠀꠟ-ꠝꠍꠤꠞ ꠟꠣꠉꠤ ꠖꠤꠟꠦ-ꠎꠣꠘꠦ ꠟꠣꠠꠣꠁ ꠇꠞꠣꠔ ꠞꠅ।

ছিলটি আছমানি কিতাব (বাংলা লিপি)

¹⁸ ও মায়ার পুত তিমথি, তুমার বেয়াপারে আগে যেতা বাতুনি মাত মাতা অইছিল, অউ মাফিক আমি তুমারে মিনত করি কইরাম, তুমি ইতা মনো রাখিয়া আল-মসীর লাগি দিলে-জানে লাড়াই করাত রও।

Siloṭi Asmani Kitab (Latin lipi)

¹⁸ O mayar fut Timoti, tumar befare age zeta batuni mat mata oisil, ou mafik ami tumare minot ḳori koiram, tumi ita mono rakia al-Mosir lagi dile-zane laṛai korat ro.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:18 Iomraidhean Croise

Injil 5: Sahabi Nama 16:1

ꠢꠎꠞꠔ ꠙꠣꠃꠟꠥꠍ ꠙꠄꠟꠣ ꠖꠞ꠆ꠛꠤ ꠀꠞ ꠛꠣꠖꠦ ꠟꠥꠡ꠆ꠞꠣ ꠐꠣꠃꠘꠅ ꠉꠤꠀ ꠀꠎꠤꠟꠣ। ꠟꠥꠡ꠆ꠞꠣꠔ ꠔꠤꠝꠕꠤ ꠘꠣꠝꠦ ꠄꠇꠎꠘ ꠃꠝ꠆ꠝꠔ ꠀꠍꠟꠣ, ꠔꠣꠘ ꠝꠣ ꠁꠝꠣꠘꠖꠣꠞ, ꠝꠣ ꠔ ꠁꠢꠥꠖꠤ ꠎꠣꠔꠞ, ꠅꠁꠟꠦ ꠛꠣꠚ ꠁꠃꠘꠣꠘꠤ ꠎꠣꠔꠞ।

Injil 7: 1-Korintia 4:17

ꠅꠃ ꠘꠤꠅꠔꠦ ꠀꠝꠤ ꠔꠤꠝꠕꠤꠞꠦ ꠔꠥꠝꠞꠣꠞ ꠉꠦꠍꠦ ꠙꠣꠑꠣꠁꠟꠣꠝ, ꠝꠣꠟꠤꠇꠞ ꠘꠣꠝꠦ ꠄꠁꠘ ꠔ ꠀꠝꠣꠞ ꠝꠣꠄꠀꠞ ꠢꠇ-ꠢꠣꠟꠣꠟ ꠙꠥꠔ। ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞꠦ ꠀꠝꠤ ꠇꠤꠟꠣ ꠝꠣꠘꠤꠀ ꠌꠟꠤꠀꠞ, ꠀꠞ ꠢꠇꠟ ꠎꠣꠉꠣꠞ ꠢꠇꠟ ꠎꠝꠣꠔꠅ ꠇꠤꠟꠣ ꠔꠣꠟꠤꠝ ꠖꠤꠀꠞ, ꠁꠔꠣ ꠔꠣꠁꠘ ꠝꠘꠅ ꠇꠞꠣꠁ ꠖꠤꠛꠣ।

Injil 7: 1-Korintia 9:7

ꠘꠤꠎꠞ ꠉꠣꠐ꠆ꠐꠤꠞ ꠐꠦꠇꠣ ꠜꠣꠋꠉꠤꠀ ꠇꠦꠃ ꠍꠤꠙꠣꠁꠞ ꠌꠣꠇꠞꠤ ꠇꠞꠦ ꠘꠤ? ꠎꠦ ꠉꠤꠞꠡ꠆ꠔꠦ ꠚꠟꠞ ꠛꠣꠉꠣꠘ ꠇꠞꠦ, ꠢꠦ ꠁꠔꠣꠞ ꠚꠟ ꠈꠣꠄ ꠘꠣ ꠘꠤ? ꠎꠦ ꠞꠣꠈꠣꠟꠦ ꠙꠡꠥꠙꠣꠟ ꠞꠣꠈꠦ, ꠢꠦ ꠁꠔꠣꠞ ꠖꠥꠗ ꠈꠣꠄ ꠘꠣ ꠘꠤ?

Injil 11: Filifia 2:22

ꠅꠁꠟꠦ ꠔꠤꠝꠕꠤꠞ ꠛꠦꠙꠣꠞ ꠔ ꠔꠥꠝꠞꠣ ꠎꠣꠘ, ꠙꠥꠔꠦ ꠎꠦꠟꠣ ꠘꠤꠎꠞ ꠛꠣꠚꠞ ꠟꠉꠦ ꠇꠣꠝ ꠇꠞꠦ, ꠔꠣꠁꠘꠅ ꠅꠟꠣ ꠀꠟ-ꠝꠍꠤꠞ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠟꠣꠉꠤ ꠀꠝꠣꠞ ꠟꠉꠦ ꠝꠦꠘꠔ ꠇꠞꠍꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:2

ꠝꠥꠝꠤꠘ ꠢꠤꠡꠣꠛꠦ ꠀꠝꠣꠞ ꠈꠣꠍ ꠀꠅꠟꠣꠖ, ꠔꠤꠝꠕꠤꠞ ꠉꠦꠍꠦ ꠟꠦꠈꠞꠣꠝ। ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠦ ꠀꠞ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠄ ꠔꠥꠝꠣꠞꠦ ꠞꠢꠝꠔ, ꠝꠦꠢꠦꠞꠛꠣꠘꠤ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:5

ꠛꠞꠋ ꠡꠑꠤꠇ ꠔꠣꠟꠤꠝꠞ ꠚꠟ ꠅꠁꠟ, ꠝꠣꠄꠀ-ꠝꠢꠛ꠆ꠛꠔ, ꠁꠔꠣ ꠔ ꠈꠣꠐꠤ ꠖꠤꠟ, ꠙꠞꠤꠡ꠆ꠇꠣꠞ ꠛꠤꠛꠦꠇ ꠀꠞ ꠢꠣꠍꠣꠞꠞ ꠁꠝꠣꠘ ꠕꠣꠇꠤ ꠙꠄꠖꠣ ꠅꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:14

ꠝꠘꠅ ꠞꠣꠈꠤꠅ, ꠎꠝꠣꠔꠞ ꠝꠥꠞꠛ꠆ꠛꠤ ꠅꠇꠟꠦ ꠔꠥꠝꠣꠞ ꠃꠙꠞꠦ ꠀꠔ ꠞꠣꠈꠤꠀ, ꠘꠛꠤꠞ ꠟꠣꠈꠣꠘ ꠉꠣꠁꠛꠤ ꠛꠥꠟꠤ ꠝꠣꠔꠤꠀ ꠔꠥꠝꠣꠞꠦ ꠈꠦꠟꠣꠚꠔꠤ ꠖꠤꠍꠂꠘ, ꠔꠦ ꠔꠥꠝꠤ ꠁ ꠘꠤꠀꠝꠔꠞꠦ ꠄꠟꠣꠝꠤ ꠇꠞꠤꠅ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:4

ꠀꠟ꠆ꠟꠣꠞ ꠙꠄꠖꠣ ꠇꠞꠣ ꠢꠇꠟ ꠎꠤꠘꠤꠡꠃ ꠜꠣꠟꠣ। ꠢꠣꠞꠣꠝ ꠝꠘꠅ ꠇꠞꠤꠀ ꠇꠥꠘꠥꠔꠣ ꠛꠣꠖ ꠖꠦꠅꠀ ꠑꠤꠇ ꠘꠣꠄ, ꠛꠞꠋ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠀ ꠈꠣꠅꠀ ꠎꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:20

ꠅ ꠔꠤꠝꠕꠤ, ꠔꠥꠝꠣꠞ ꠎꠤꠝ꠆ꠝꠣꠄ ꠎꠦ ꠡꠝ꠆ꠙꠖ ꠖꠦꠅꠀ ꠅꠁꠍꠦ, ꠁ ꠡꠝ꠆ꠙꠖ ꠔꠥꠝꠤ ꠜꠣꠟꠣꠝꠘ꠆ꠔꠦ ꠢꠦꠚꠣꠎꠔ ꠇꠞꠅ। ꠀꠎꠦ-ꠛꠣꠎꠦ ꠀꠈꠟꠞ ꠛꠦꠇꠣꠝꠣ ꠛꠤꠖ꠆ꠖꠣꠞ ꠛꠥꠟꠤꠞ ꠖꠥ-ꠘꠍꠟꠣ ꠔꠣꠟꠤꠝ ꠕꠣꠇꠤ ꠢꠞꠤꠀ ꠞꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:2

ꠀꠝꠤ ꠀꠝꠣꠞ ꠝꠣꠄꠀꠞ ꠀꠅꠟꠣꠖ ꠔꠤꠝꠕꠤꠞ ꠉꠦꠍꠦ ꠟꠦꠈꠞꠣꠝ। ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠀꠞ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠄ ꠔꠥꠝꠣꠞꠦ ꠞꠢꠝꠔ, ꠝꠦꠢꠦꠞꠛꠣꠘꠤ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:7

ꠀꠝꠤ ꠔ ꠀꠟ-ꠝꠍꠤꠞ ꠟꠣꠉꠤ ꠎꠣꠘꠦ-ꠙꠞꠣꠘꠦ ꠟꠣꠠꠣꠁ ꠇꠞꠍꠤ, ꠀꠝꠣꠞꠦ ꠛꠣꠔꠣꠁ ꠖꠦꠅꠀ ꠙꠕꠞ ꠢꠦꠡ ꠝꠣꠕꠣ ꠙꠞ꠆ꠎꠘ꠆ꠔ ꠖꠃꠠꠣꠁꠍꠤ, ꠀꠝꠣꠞ ꠁꠝꠣꠘ ꠐꠤꠇꠣꠁꠀ ꠞꠣꠈꠍꠤ।

Injil 17: Titas 1:4

ꠀꠝꠣꠞ ꠢꠃ ꠈꠣꠍ ꠀꠅꠟꠣꠖ ꠔꠤꠔꠣꠍꠞ ꠉꠦꠍꠦ ꠟꠦꠈꠞꠣꠝ, ꠀꠝꠞꠣ ꠖꠥꠁꠅꠎꠘꠃ ꠄꠇꠁ ꠁꠝꠣꠘꠦ ꠀꠟ-ꠝꠍꠤꠞ ꠃꠝ꠆ꠝꠔ ꠅꠁꠍꠤ। ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠄ ꠞꠢꠝꠔ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

ꠁꠘ꠆ꠎꠤꠟ ১৮: ꠚꠤꠟꠤꠝꠘ 1:10

ꠀꠝꠣꠞ ꠀꠅꠟꠣꠖ ꠅꠘꠤꠍꠤꠝꠞ ꠟꠣꠉꠤ ꠀꠞꠎꠤ ꠎꠣꠘꠣꠁꠞꠣꠝ, ꠀꠝꠤ ꠎꠦꠟꠅ ꠛꠘ꠆ꠖꠤ ꠕꠣꠇꠣ ꠢꠣꠟꠔꠦ ꠢꠦ ꠁꠝꠣꠘ ꠀꠘꠤꠀ ꠀꠝꠣꠞ ꠀꠅꠟꠣꠖ ꠛꠘꠤꠉꠦꠍꠦ।