ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:17 - Siloṭi Asmani Kitab (Nagri lipi)

¹⁷ ꠎꠦꠁꠘ ꠌꠤꠞꠇꠣꠟꠤꠘ ꠛꠣꠖꠡꠣ, ꠎꠦꠁꠘ ꠘꠤꠞꠣꠇꠣꠞ, ꠄꠇꠝꠣꠔ꠆ꠞ ꠀꠟ꠆ꠟꠣ, ꠎꠣꠘ ꠇꠥꠘꠥ ꠇ꠆ꠇꠄ ꠘꠣꠁ, ꠔꠣꠘ ꠁꠎ꠆ꠎꠔ ꠀꠞ ꠉꠃꠞꠛ ꠢꠞ-ꠢꠣꠝꠦꠡꠣ ꠎꠣꠞꠤ ꠞꠃꠇ। ꠀꠝꠤꠘ।

ছিলটি আছমানি কিতাব (বাংলা লিপি)

¹⁷ যেইন চিরকালিন বাদশা, যেইন নিরাকার, একমাত্র আল্লা, যান কুনু ক্ষয় নাই, তান ইজ্জত আর গৌরব হর-হামেশা জারি রউক। আমিন।

Siloṭi Asmani Kitab (Latin lipi)

¹⁷ Zein siroḳalin bashsha, zein niraḳar, eḳmatro Alla, zan kunu koy nai, tan ijjot ar gourob hor-hamesha zari rouk. Amin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:17 Iomraidhean Croise

ꠎꠛꠥꠞ ꠡꠞꠤꠚ 10:16

ꠌꠤꠞꠖꠤꠘ ꠌꠤꠞꠇꠣꠟ ꠝꠣꠛꠥꠖꠃ ꠅꠁꠟꠣ ꠛꠣꠖꠡꠣ, ꠔꠣꠘ ꠎꠝꠤꠘ ꠕꠣꠇꠤ ꠛꠤꠗꠞ꠆ꠝꠤ ꠎꠣꠔꠤ ꠡꠞ꠆ꠛꠘꠣꠡ ꠅꠁꠛꠣ।

ꠎꠛꠥꠞ ꠡꠞꠤꠚ 41:13

ꠢꠇ꠆ꠇꠟ ꠙ꠆ꠞꠡꠋꠡꠣ ꠛꠘꠤ ꠁꠍꠞꠣꠁꠟꠞ ꠝꠣꠛꠥꠖ ꠀꠟ꠆ꠟꠣꠞ ꠅꠃꠇ, ꠡꠥꠞꠥ ꠕꠣꠇꠤ ꠀꠈꠦꠞ ꠙꠞ꠆ꠎꠘ꠆ꠔ ꠌꠤꠞꠇꠣꠟ ꠎꠣꠞꠤ ꠞꠃꠇ। ꠀꠝꠤꠘ ꠍꠥꠝ꠆ꠝꠣ-ꠀꠝꠤꠘ॥

ꠁꠘ꠆ꠎꠤꠟ ১: ꠝꠕꠤ 25:34

“ꠄꠞꠛꠣꠖꠦ ꠛꠣꠖꠡꠣꠄ ꠔꠣꠘ ꠒꠣꠁꠘ ꠉꠣꠟꠣꠞ ꠝꠣꠘꠡꠞꠦ ꠇꠁꠛꠣ, ‘ꠔꠥꠝꠞꠣ ꠎꠣꠞꠣ ꠀꠝꠣꠞ ꠛꠣꠔꠥꠘꠤ ꠛꠣꠚꠞ ꠞꠢꠝ ꠙꠣꠁꠍ, ꠔꠥꠝꠞꠣ ꠀꠅ। ꠀꠞ ꠖꠥꠘꠤꠀꠞ ꠙꠄꠟꠣ ꠕꠣꠇꠤ ꠔꠥꠝꠞꠣꠞ ꠟꠣꠉꠤ ꠎꠦ ꠛꠣꠖꠡꠣꠁ ꠔꠤꠀꠞ ꠇꠞꠤ ꠞꠣꠈꠣ ꠅꠁꠍꠦ, ꠅꠃ ꠛꠣꠖꠡꠣꠁꠞ ꠖꠈꠟ ꠡꠝꠎꠤꠀ ꠘꠦꠅ।

ꠁꠘ꠆ꠎꠤꠟ ১: ꠝꠕꠤ 28:20

ꠀꠝꠤ ꠔꠥꠝꠞꠣꠞꠦ ꠎꠦꠔꠣ ꠢꠥꠇꠥꠝ ꠖꠤꠍꠤ, ꠅꠔꠣ ꠀꠝꠟ ꠇꠞꠣꠞ ꠟꠣꠉꠤ ꠔꠣꠞꠣꠞꠦ ꠔꠣꠟꠤꠝ ꠖꠦꠅ। ꠝꠘꠅ ꠞꠣꠈꠤꠅ, ꠇꠤꠀꠝꠔꠞ ꠀꠉ ꠙꠞ꠆ꠎꠘ꠆ꠔ ꠡꠛ ꠡꠝꠄ ꠀꠝꠤ ꠔꠥꠝꠞꠣꠞ ꠟꠉꠦ ꠟꠉꠦ ꠀꠍꠤ।” ꠀꠝꠤꠘ॥

ꠁꠘ꠆ꠎꠤꠟ ১: ꠝꠕꠤ 6:13

ꠚꠣꠟꠣꠁꠅ ꠘꠣ ꠀꠝꠞꠣꠞꠦ ꠙꠞꠤꠇ꠆ꠇꠣꠔ, ꠡꠄꠔꠣꠘꠞ ꠇꠛꠎꠣ ꠕꠣꠇꠤ ꠇꠞꠅ ꠈꠣꠟꠣꠍ॥

Injil 4: Hannan 1:18

ꠀꠟ꠆ꠟꠣꠞꠦ ꠔ ꠇꠦꠃ ꠇꠥꠘꠥꠖꠤꠘ ꠖꠦꠈꠍꠦ ꠘꠣ। ꠔꠣꠘ ꠟꠉꠦ ꠞꠅꠞꠣ ꠢꠃ ꠄꠇꠝꠣꠔ꠆ꠞ ꠙꠥꠔ, ꠝꠣꠘꠤ ꠔꠣꠘ ꠈꠣꠍ ꠝꠣꠄꠀꠞ ꠎꠘ, ꠎꠦꠁꠘ ꠡ꠆ꠛꠄꠅꠋ ꠝꠃꠟꠣ, ꠔꠣꠁꠘꠃ ꠀꠟ꠆ꠟꠣꠞꠦ ꠎꠣꠁꠞ ꠇꠞꠍꠂꠘ।

Injil 4: Hannan 5:44

ꠀꠙꠘꠣꠞꠣ ꠄꠇꠦ-ꠅꠁꠘ꠆ꠘꠞ ꠉꠦꠍ ꠕꠣꠇꠤ ꠔꠣꠞꠤꠚ ꠙꠣꠁꠔꠣ ꠌꠣꠁꠘ, ꠅꠁꠟꠦ ꠎꠦ ꠔꠣꠞꠤꠚ ꠀꠟ꠆ꠟꠣꠞ ꠉꠦꠍ ꠕꠘꠦ ꠙꠣꠅꠀ ꠎꠣꠄ, ꠁꠔꠣꠞ ꠟꠣꠉꠤ ꠇꠥꠘꠥ ꠌꠦꠡ꠆ꠐꠣ ꠇꠞꠂꠘ ꠘꠣ। ꠔꠦ ꠀꠙꠘꠣꠞꠣ ꠇꠦꠝꠘꠦ ꠄꠇꠤꠘ ꠇꠞꠛꠣ?

Injil 6: Ruman 1:20

ꠔꠣꠘ ꠎꠦꠔꠣ ꠉꠥꠘꠣꠉꠥꠘ ꠝꠣꠘꠡꠞ ꠀ-ꠖꠦꠈꠣ, ꠝꠣꠘꠤ ꠔꠣꠘ ꠌꠤꠞꠇꠣꠟꠤꠘ ꠈꠦꠝꠔꠣ ꠀꠞ ꠀꠟ꠆ꠟꠣꠁ ꠡ꠆ꠛꠜꠣꠛ, ꠁꠔꠣ ꠖꠥꠘꠤꠀ ꠙꠄꠖꠣ ꠅꠀꠞ ꠀꠉ ꠕꠣꠇꠤꠃ ꠙꠞꠤꠡ꠆ꠇꠣꠞ ꠚꠥꠐꠤꠀ ꠃꠑꠍꠦ। ꠔꠣꠘ ꠙꠄꠖꠣ ꠇꠞꠣ ꠎꠤꠘꠤꠡ ꠖꠦꠈꠟꠦꠃ ꠝꠣꠘꠡꠦ ꠁꠔꠣ ꠛꠥꠎꠔ ꠙꠣꠞꠦ। ꠄꠞꠟꠣꠉꠤꠃ ꠔꠣꠘꠞꠦ ꠌꠤꠘꠤ ꠘꠣ ꠇꠁꠀ ꠇꠥꠘꠥ ꠝꠣꠘꠡꠦ ꠜꠣꠘꠣ ꠖꠦꠈꠣꠘꠤꠞ ꠃꠙꠣꠄ ꠘꠣꠁ।

Injil 6: Ruman 1:23

ꠔꠣꠞꠣ ꠌꠤꠞꠇꠣꠟꠤꠘ ꠎꠤꠘ꠆ꠖꠣ ꠀꠟ꠆ꠟꠣꠞ ꠄꠛꠣꠖꠔ ꠛꠣꠖ ꠖꠤꠀ ꠅꠡ꠆ꠕꠣꠄꠁ ꠝꠣꠘꠥꠡ, ꠙꠡꠥ-ꠙꠣꠈꠤ, ꠀꠞ ꠛꠥꠇꠦ ꠌꠟꠞꠣ ꠎꠣꠘꠖꠣꠞꠞ ꠝꠥꠞ꠆ꠔꠤ ꠛꠣꠘꠣꠁꠀ ꠅꠔꠣꠞ ꠙꠥꠎꠣ ꠇꠞꠍꠦ, ꠀꠟ꠆ꠟꠣꠞ ꠙꠣꠅꠘꠣ ꠉꠃꠞꠛ-ꠝꠢꠤꠝꠣ ꠅꠔꠣꠞꠦ ꠖꠤꠍꠦ।

Injil 6: Ruman 11:36

ꠀꠍꠟꠦ ꠢꠇꠟꠔꠣꠃ ꠔ ꠔꠣꠘ ꠉꠦꠍ ꠕꠣꠇꠤ, ꠔꠣꠘ ꠝꠣꠎꠖꠤꠃ ꠀꠄ, ꠔꠣꠘ ꠘꠤꠎꠞ ꠟꠣꠉꠤ ꠙꠄꠖꠣ ꠇꠞꠍꠂꠘ। ꠎꠥꠉꠦ ꠎꠥꠉꠦ ꠌꠤꠞꠇꠣꠟ ꠔꠣꠘ ꠔꠣꠞꠤꠚ ꠅꠃꠇ। ꠀꠝꠤꠘ।

Injil 6: Ruman 16:27

ꠔꠣꠁꠘꠃ ꠄꠇꠝꠣꠔ꠆ꠞ ꠀꠟ꠆ꠟꠣ, ꠔꠣꠁꠘꠃ ꠀꠈꠟꠖꠣꠞ, ꠎꠥꠉꠦ ꠎꠥꠉꠦ ꠌꠤꠞꠇꠣꠟ ꠁꠍꠣ ꠀꠟ-ꠝꠍꠤꠞ ꠝꠣꠎꠖꠤ ꠔꠣꠘ ꠔꠣꠞꠤꠚ ꠅꠃꠇ। ꠀꠝꠤꠘ॥

Injil 6: Ruman 2:10

ꠅꠁꠟꠦ ꠎꠦꠞꠣ ꠘꠦꠇ ꠇꠣꠝ ꠇꠞꠦ, ꠔꠣꠞꠣ ꠙꠞꠔꠦꠇꠦ ꠔꠣꠞꠤꠚ, ꠁꠎ꠆ꠎꠔ ꠀꠞ ꠡꠣꠘ꠆ꠔꠤ ꠙꠣꠁꠛ। ꠙꠄꠟꠣ ꠛꠘꠤ ꠁꠍꠞꠣꠁꠟꠦ, ꠛꠣꠖꠦ ꠜꠤꠘ ꠎꠣꠔꠤꠄ ꠙꠣꠁꠛꠣ।

Injil 6: Ruman 2:7

ꠎꠦꠞꠣ ꠗꠂꠎ꠆ꠎ ꠗꠞꠤꠀ ꠘꠦꠇ ꠇꠣꠝꠞ ꠝꠣꠎꠖꠤ ꠀꠟ꠆ꠟꠣꠁ ꠔꠣꠞꠤꠚ, ꠁꠎ꠆ꠎꠔ, ꠀꠞ ꠇ꠆ꠇꠄꠢꠤꠘ ꠎꠤꠘ꠆ꠖꠦꠉꠤ ꠔꠣꠟ꠆ꠟꠣꠡ ꠇꠞꠦ, ꠀꠟ꠆ꠟꠣꠄ ꠔꠣꠞꠣꠞꠦꠃ ꠀꠈꠦꠞꠤ ꠎꠤꠘ꠆ꠖꠦꠉꠤ ꠖꠣꠘ ꠇꠞꠛꠣ।

Injil 12: Kolosia 1:15

ꠅꠃ ꠝꠣꠄꠀꠞ ꠎꠘꠃ ꠅꠁꠟꠣ, ꠛꠣꠔꠥꠘꠤ ꠀꠟ꠆ꠟꠣꠞ ꠎꠣꠁꠞꠤ ꠍꠥꠞꠔ; ꠢꠇ꠆ꠇꠟꠔꠣ ꠙꠄꠖꠣ ꠇꠞꠣꠞ ꠀꠉꠦ ꠔꠣꠁꠘ ꠀꠍꠟꠣ, ꠀꠞ ꠙꠄꠖꠣ ꠅꠀ ꠢꠇ꠆ꠇꠟꠔꠣꠞ ꠝꠣꠎꠦ ꠔꠣꠁꠘꠃ ꠙꠞꠗꠣꠘ।

Injil 19: Ibrani 11:27

ꠁꠝꠣꠘꠞ ꠛꠟꠦ ꠔꠣꠁꠘ ꠝꠤꠡꠞ ꠕꠣꠇꠤ ꠛꠣꠞ ꠅꠁꠉꠦꠟꠣ, ꠛꠣꠖꠡꠣꠞ ꠉꠥꠍꠣꠞꠦꠅ ꠒꠞꠣꠁꠟꠣ ꠘꠣ। ꠘꠤꠞꠣꠇꠣꠞ ꠀꠟ꠆ꠟꠣꠞꠦ ꠖꠦꠈꠤꠟꠣꠁꠍꠂꠘ, ꠅꠃꠟꠣ ꠝꠘꠅ ꠇꠞꠤꠀꠃ ꠔꠣꠁꠘ ꠍꠛꠞ ꠇꠞꠤ ꠞꠁꠟꠣ।

Injil 19: Ibrani 2:7

ꠔꠥꠝꠤ ꠔ ꠝꠣꠘꠡꠞꠦ ꠚꠤꠞꠤꠡ꠆ꠔꠣ ꠕꠣꠇꠤ ꠈꠣꠟꠤ ꠕꠥꠠꠣ ꠟꠣꠝꠣꠔ ꠟꠣꠝꠣꠁꠍ, ꠉꠃꠞꠛ ꠀꠞ ꠁꠎ꠆ꠎꠔꠞ ꠝꠣꠟꠣ ꠔ ꠝꠣꠘꠡꠞꠦꠃ ꠖꠣꠘ ꠇꠞꠍ।

ꠁꠘ꠆ꠎꠤꠟ ২১: ১-ꠙꠤꠔꠞ 5:11

ꠔꠣꠘ ꠞꠣꠎ-ꠈꠦꠝꠔꠣ ꠢꠞ-ꠢꠣꠝꠦꠡꠣ ꠎꠣꠞꠤ ꠞꠃꠇ। ꠀꠝꠤꠘ।

ꠁꠘ꠆ꠎꠤꠟ ২২: ২-ꠙꠤꠔꠞ 3:18

ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠞꠢꠝꠔꠦ ꠀꠞ ꠔꠣꠘꠞꠦ ꠌꠤꠘꠣꠞ ꠔꠣꠇ꠆ꠇꠔꠦ ꠛꠣꠠꠤꠀ ꠃꠑꠅ। ꠅꠈꠘ ꠀꠞ ꠢꠞ-ꠢꠣꠝꠦꠡꠣ ꠔꠣꠘ ꠝꠢꠤꠝꠣ ꠎꠣꠞꠤ ꠞꠃꠇ। ꠀꠝꠤꠘ॥

Injil 23: 1-Hannan 4:12

ꠀꠟ꠆ꠟꠣꠞꠦ ꠔ ꠇꠦꠃ ꠇꠥꠘꠥꠖꠤꠘ ꠖꠦꠈꠍꠦ ꠘꠣ। ꠅꠈꠘ ꠀꠝꠞꠣ ꠎꠥꠖꠤ ꠄꠇꠦ-ꠅꠁꠘ꠆ꠘꠞꠦ ꠝꠢꠛ꠆ꠛꠔ ꠇꠞꠤ, ꠔꠦ ꠛꠥꠎꠣ ꠎꠣꠁꠛ, ꠔꠣꠁꠘ ꠀꠝꠞꠣꠞ ꠖꠤꠟꠅ ꠛꠡꠔ ꠇꠞꠂꠘ, ꠔꠣꠘ ꠝꠢꠛ꠆ꠛꠔꠦ ꠀꠝꠞꠣꠞ ꠖꠤꠟꠅ ꠙꠥꠞꠣꠙꠥꠞ ꠚꠟ ꠗꠞꠍꠦ।

Injil 26: Ehuda 1:25

ꠢꠃ ꠄꠇꠝꠣꠔ꠆ꠞ ꠀꠟ꠆ꠟꠣ ꠎꠦꠁꠘ ꠀꠝꠞꠣꠞ ꠎꠣꠘ ꠛꠣꠌꠣꠁꠘ, ꠔꠣꠘ ꠎꠣꠟꠣꠟ-ꠡꠣꠘ, ꠝꠢꠤꠝꠣ, ꠇꠥꠖꠞꠔꠤ ꠛꠟ-ꠡꠇ꠆ꠔꠤ, ꠀꠞ ꠞꠣꠎ-ꠈꠦꠝꠔꠣ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠎꠣꠁꠞ ꠅꠃꠇ, ꠢꠇ꠆ꠇꠟ ꠎꠥꠉꠞ ꠀꠉ ꠕꠣꠇꠤ ꠅꠈꠘ ꠙꠞ꠆ꠎꠘ꠆ꠔ ꠀꠞ ꠎꠥꠉꠦ ꠎꠥꠉꠦ ꠢꠞ-ꠢꠣꠝꠦꠡꠣꠃ ꠅꠟꠣ ꠅꠃꠇ। ꠀꠝꠤꠘ॥

Injil 27: Zaira Kalam 15:3

ꠔꠣꠞꠣ ꠀꠟ꠆ꠟꠣꠞ ꠛꠘ꠆ꠖꠣ ꠝꠥꠍꠣ ꠘꠛꠤꠞ ꠀꠞ ꠢꠃ ꠝꠦꠠꠣ-ꠛꠣꠁꠌ꠆ꠌꠣꠞ ꠅꠃ ꠇꠣꠅꠀꠟꠤ ꠉꠣꠁꠞꠣ, “ꠅ ꠡꠞ꠆ꠛ-ꠡꠇ꠆ꠔꠤꠝꠣꠘ ꠝꠣꠛꠥꠖ ꠀꠟ꠆ꠟꠣ, ꠔꠥꠝꠣꠞ ꠟꠤꠟꠣ-ꠈꠦꠟꠣ ꠇꠔ ꠝꠢꠣꠘ ꠀꠞ ꠀꠌꠣꠘꠇ! ꠅ ꠔꠣꠝꠣꠝ ꠎꠣꠔꠤꠞ ꠛꠣꠖꠡꠣ, ꠇꠔ ꠢꠇ ꠀꠞ ꠡꠑꠤꠇ ꠔꠥꠝꠣꠞ ꠙꠕ!

Injil 27: Zaira Kalam 17:14

ꠔꠣꠞꠣ ꠝꠦꠠꠣ-ꠛꠣꠁꠌ꠆ꠌꠣꠞ ꠟꠉꠦ ꠎꠥꠖ꠆ꠖ ꠇꠞꠛ, ꠀꠞ ꠝꠦꠠꠣ-ꠛꠣꠁꠌ꠆ꠌꠣꠄ ꠔꠣꠞꠣꠞꠦ ꠀꠞꠣꠁꠛꠣ। ꠇꠣꠞꠘ ꠔꠣꠁꠘ ꠅꠁꠟꠣ ꠝꠣꠟꠤꠇ ꠅꠇꠟꠞ ꠝꠣꠟꠤꠇ, ꠛꠣꠖꠡꠣ ꠅꠇꠟꠞ ꠛꠣꠖꠡꠣ। ꠀꠞ ꠔꠣꠘ ꠟꠉꠦ ꠎꠦꠞꠣ ꠞꠁꠛꠣ ꠔꠣꠞꠣꠞꠦ ꠖꠣꠅꠔ ꠖꠦꠅꠀ ꠅꠁꠍꠦ, ꠀꠞ ꠛꠣꠍꠤꠀ ꠀꠟꠉꠣꠁꠟ ꠅꠁꠍꠦ, ꠔꠣꠞꠣ ꠢꠇ-ꠢꠣꠟꠣꠟꠤ।”

Injil 27: Zaira Kalam 19:1

ꠄꠞꠛꠣꠖꠦ ꠀꠝꠤ ꠛꠦꠢꠦꠡ꠆ꠔꠞ ꠝꠣꠎꠦ ꠛꠃꠔ ꠝꠣꠘꠡꠞ ꠜꠤꠠꠞ ꠀꠅꠀꠎ ꠢꠥꠘꠟꠣꠝ। ꠔꠣꠞꠣ ꠇꠁꠞꠣ, “ꠀꠟꠢꠣꠝꠖꠥꠟꠤꠟ꠆ꠟꠣ! ꠝꠢꠤꠝꠣ ꠀꠞ ꠈꠦꠝꠔꠣ, ꠀꠈꠦꠞꠣꠔꠞ ꠘꠣꠎꠣꠔ, ꠢꠇ꠆ꠇꠟꠔꠣꠃ ꠀꠝꠞꠣꠞ ꠀꠟ꠆ꠟꠣꠞ।

Injil 27: Zaira Kalam 19:16

ꠔꠣꠘ ꠃꠞꠣꠔꠞ ꠝꠣꠎꠦ ꠀꠞ ꠔꠣꠘ ꠟꠦꠛꠣꠍꠅ ꠅꠃ ꠘꠣꠝ ꠟꠦꠈꠣ ꠀꠍꠦ, “ꠛꠣꠖꠡꠣ ꠅꠇꠟꠞ ꠛꠣꠖꠡꠣ, ꠝꠣꠟꠤꠇ ꠅꠇꠟꠞ ꠝꠣꠟꠤꠇ।”

Injil 27: Zaira Kalam 19:6

ꠛꠣꠖꠦ ꠀꠝꠤ ꠛꠃꠔ ꠝꠣꠘꠡꠞ ꠜꠤꠠꠞ ꠀꠅꠀꠎ ꠛꠣ ꠎꠥꠞꠦ ꠎꠥꠞꠦ ꠇꠟ-ꠇꠟꠣꠁꠀ ꠙꠣꠘꠤ ꠙꠠꠣꠞ ꠀꠅꠀꠎ ꠛꠣ ꠎꠥꠞꠦ ꠑꠣꠐꠣ ꠙꠠꠣꠞ ꠀꠅꠀꠎꠞ ꠟꠣꠈꠣꠘ ꠅꠃ ꠇꠕꠣꠈꠣꠘꠣꠁꠘ ꠢꠥꠘꠟꠣꠝ, “ꠀꠟꠢꠣꠝꠖꠥꠟꠤꠟ꠆ꠟꠣ! ꠀꠝꠞꠣꠞ ꠡꠞ꠆ꠛ-ꠡꠇ꠆ꠔꠤꠝꠣꠘ ꠝꠣꠛꠥꠖ ꠀꠟ꠆ꠟꠣꠄ ꠛꠣꠖꠡꠣꠁ ꠇꠞꠣ ꠡꠥꠞꠥ ꠇꠞꠍꠂꠘ।

Injil 27: Zaira Kalam 7:12

“ꠀꠝꠤꠘ। ꠔꠣꠞꠤꠚ, ꠉꠃꠞꠛ, ꠀꠈꠟ ꠀꠞ ꠡꠥꠇꠞꠤꠀ, ꠁꠎ꠆ꠎꠔ, ꠈꠦꠝꠔꠣ ꠀꠞ ꠛꠟ-ꠡꠇ꠆ꠔꠤ, ꠎꠥꠉꠦ ꠎꠥꠉꠦ ꠀꠝꠞꠣꠞ ꠀꠟ꠆ꠟꠣꠞꠃ ꠅꠃꠇ। ꠀꠝꠤꠘ।”