ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:15 - Siloṭi Asmani Kitab (Nagri lipi)

¹⁵ ꠀꠍꠟꠦ ꠁ ꠇꠕꠣ ꠔ ꠢꠇ-ꠈꠣꠐꠤ ꠀꠞ ꠡꠥꠟ꠆ꠟꠀꠘꠣ ꠝꠣꠘꠣꠞ ꠟꠣꠈ, ꠉꠥꠘꠣꠉꠣꠞ ꠅꠇꠟꠞ ꠎꠣꠘ ꠛꠣꠌꠣꠘꠤꠞ ꠟꠣꠉꠤꠃ ꠁꠍꠣ ꠀꠟ-ꠝꠍꠤꠄ ꠁ ꠖꠥꠘꠤꠀꠔ ꠔꠡꠞꠤꠚ ꠀꠘꠍꠤꠟꠣ। ꠅꠃ ꠉꠥꠘꠣꠉꠣꠞꠞ ꠝꠣꠎꠦ ꠀꠝꠤꠃ ꠙꠞꠗꠣꠘ।

ছিলটি আছমানি কিতাব (বাংলা লিপি)

¹⁵ আসলে ই কথা তো হক-খাটি আর ষোলআনা মানার লাখ, গুনাগার অকলর জান বাচানির লাগিউ ইছা আল-মসীয়ে ই দুনিয়াত তশরিফ আনছিলা। অউ গুনাগারর মাজে আমিউ পরধান।

Siloṭi Asmani Kitab (Latin lipi)

¹⁵ Ashole i kota to hok-kaṭi ar shullo-ana manar laḳ, gunagar oḳlor zan basanir lagi-u Isa al-Mosie i duniat toshrif anchila. Ou gunagaror maze ami-u fordan.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:15 Iomraidhean Croise

ꠁꠘ꠆ꠎꠤꠟ ১: ꠝꠕꠤ 1:21

ꠔꠥꠝꠤ ꠁ ꠙꠥꠀꠞ ꠘꠣꠝ ꠞꠣꠈꠤꠅ ꠁꠍꠣ। ꠇꠣꠞꠘ ꠁ ꠘꠣꠝꠞ ꠝꠣꠘꠤ ꠔꠞꠣꠘꠦꠀꠟꠣ, ꠄꠁꠘ ꠘꠤꠎꠞ ꠃꠝ꠆ꠝꠔ ꠅꠇꠟꠞꠦ ꠉꠥꠘꠣ ꠕꠣꠇꠤ ꠔꠞꠣꠁꠛꠣ।”

ꠁꠘ꠆ꠎꠤꠟ ১: ꠝꠕꠤ 18:10

“ꠢꠥꠘꠅ, ꠀꠝꠤ ꠇꠁꠞꠣꠝ, ꠔꠥꠝꠞꠣ ꠅꠃ ꠢꠥꠞꠥꠔ꠆ꠔꠣꠞ ꠟꠣꠈꠣꠘ ꠇꠥꠘꠥ ꠍꠣꠛꠣꠟꠞꠦꠅ ꠄꠟꠣꠝꠤ ꠇꠞꠤꠅ ꠘꠣ। ꠔꠣꠞꠣꠞ ꠚꠤꠞꠤꠡ꠆ꠔꠣ ꠅꠇꠟꠦ ꠛꠦꠢꠦꠡ꠆ꠔꠞ ꠝꠣꠎꠦ ꠢꠞ-ꠢꠣꠝꠦꠡꠣ ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠝꠥꠈ ꠖꠦꠈꠞꠣ।

ꠁꠘ꠆ꠎꠤꠟ ১: ꠝꠕꠤ 18:11

ꠎꠣꠘ ꠘꠤ, ꠎꠦꠞꠣ ꠛꠦ-ꠙꠕꠦ ꠉꠦꠍꠦꠉꠤ, ꠄꠞꠣꠞꠦ ꠛꠣꠌꠣꠘꠤꠞ ꠟꠣꠉꠤꠃ ꠀꠝꠤ ꠛꠤꠘ-ꠀꠖꠝ ꠁ ꠖꠥꠘꠤꠀꠔ ꠀꠁꠍꠤ।

ꠁꠘ꠆ꠎꠤꠟ ১: ꠝꠕꠤ 20:28

ꠝꠘꠅ ꠞꠣꠈꠤꠅ, ꠀꠝꠤ ꠛꠤꠘ-ꠀꠖꠝꠦꠅ ꠈꠦꠎꠝꠔ ꠙꠣꠅꠀꠔ ꠀꠁꠍꠤ ꠘꠣ, ꠀꠁꠍꠤ ꠔ ꠈꠦꠎꠝꠔ ꠇꠞꠣꠔ। ꠀꠞ ꠛꠃꠔ ꠝꠣꠘꠡꠞ ꠎꠣꠘ ꠛꠣꠌꠣꠘꠤꠞ ꠟꠣꠉꠤ, ꠘꠤꠎꠞ ꠎꠣꠘ ꠛꠤꠟꠣꠁ ꠖꠦꠅꠀꠔ ꠀꠁꠍꠤ।”

ꠁꠘ꠆ꠎꠤꠟ ১: ꠝꠕꠤ 9:13

ꠀꠟ꠆ꠟꠣꠞ ꠇꠣꠟꠣꠝꠅ ꠛꠣꠔꠣꠁꠟ ꠅꠁꠍꠦ, ‘ꠀꠝꠤ ꠇꠥꠘꠥ ꠙꠡꠥ ꠇꠥꠞꠛꠣꠘꠤ ꠘꠣꠄ, ꠈꠣꠟꠤ ꠖꠄꠀ ꠖꠦꠈꠔꠣꠝ ꠌꠣꠁ।’ ꠔꠦ ꠅꠃ ꠀꠄꠀꠔꠞ ꠝꠣꠘꠤ ꠇꠤꠔꠣ, ꠅꠈꠣꠘ ꠔꠣꠟ꠆ꠟꠣꠡ ꠇꠞꠃꠇ꠆ꠇꠣ। ꠝꠘꠅ ꠞꠣꠈꠛꠣ, ꠀꠝꠤ ꠇꠥꠘꠥ ꠙꠞꠦꠎꠉꠣꠞꠞꠦ ꠖꠣꠅꠔ ꠖꠦꠅꠀꠔ ꠀꠁꠍꠤ ꠘꠣ, ꠈꠣꠟꠤ ꠉꠥꠘꠣꠉꠣꠞ ꠅꠇꠟꠞꠦꠃ ꠖꠣꠅꠔ ꠖꠤꠔꠣꠝ ꠀꠁꠍꠤ।”

Injil 2: Markus 2:17

ꠁꠈꠣꠘ ꠢꠥꠘꠤꠀ ꠁꠍꠣꠄ ꠅꠃ ꠝꠃꠟꠣꠘꠣ ꠅꠇꠟꠞꠦ ꠇꠁꠟꠣ, “ꠜꠣꠟꠣ ꠝꠣꠘꠡꠞ ꠇꠛꠤꠞꠣꠎ ꠟꠣꠉꠦ ꠘꠣ, ꠅꠁꠟꠦ ꠛꠦꠝꠣꠞꠤꠞ ꠔ ꠟꠣꠉꠦ। ꠀꠝꠤ ꠙꠞꠦꠎꠉꠣꠞꠞ ꠉꠦꠍꠦ ꠀꠁꠍꠤ ꠘꠣ, ꠉꠥꠘꠣꠉꠣꠞ ꠅꠇꠟꠞꠦꠃ ꠖꠣꠅꠔ ꠖꠤꠔꠣꠝ ꠀꠁꠍꠤ।”

Injil 3: Luk 15:2

ꠁꠔꠣ ꠖꠦꠈꠤꠀ ꠚꠞꠤꠡꠤ ꠖꠟꠞ ꠝꠣꠘꠡꠦ ꠀꠞ ꠝꠃꠟꠣꠘꠣ ꠅꠇꠟꠦ ꠇꠣꠘꠣ-ꠇꠣꠘꠤ ꠇꠞꠤ ꠇꠁꠟꠣ, “ꠁ ꠝꠣꠘꠥꠡꠉꠥ ꠈꠣꠟꠤ ꠘꠣꠚꠞꠝꠣꠘ ꠅꠇꠟꠞ ꠟꠉꠦ ꠃꠑꠣ-ꠛꠅꠀ ꠀꠞ ꠈꠣꠘꠣ-ꠙꠤꠘꠣ ꠈꠣꠄ।”

Injil 3: Luk 19:10

ꠅꠃ ꠟꠣꠈꠣꠘ ꠛꠦ-ꠙꠕꠤ ꠅꠇꠟꠞꠦ ꠔꠥꠇꠣꠁꠀ ꠛꠣꠞ ꠇꠞꠤꠀ, ꠔꠣꠞꠣꠞꠦ ꠛꠣꠌꠣꠘꠤꠞ ꠟꠣꠉꠤꠃ ꠔ ꠀꠝꠤ ꠛꠤꠘ-ꠀꠖꠝ ꠁ ꠖꠥꠘꠤꠀꠔ ꠀꠁꠍꠤ।”

Injil 3: Luk 5:32

ꠔꠦ ꠀꠝꠤꠅ ꠙꠞꠦꠎꠉꠣꠞ ꠅꠇꠟꠞꠦ ꠖꠣꠅꠔ ꠖꠦꠅꠀꠔ ꠀꠁꠍꠤ ꠘꠣ, ꠈꠣꠟꠤ ꠉꠥꠘꠣꠉꠣꠞ ꠅꠇꠟꠞꠦ ꠖꠣꠅꠔ ꠖꠦꠅꠀꠔ ꠀꠁꠍꠤ, ꠎꠣꠔꠦ ꠔꠣꠞꠣ ꠔꠃꠛꠣ ꠇꠞꠂꠘ।”

Injil 4: Hannan 1:12

ꠅꠁꠟꠦ ꠎꠔ ꠎꠘꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠤꠀ ꠔꠣꠘꠞꠦ ꠇꠛꠥꠟ ꠇꠞꠟꠣ, ꠄꠞꠣ ꠙꠞꠔꠦꠇ ꠎꠘꠞꠦ ꠔꠣꠁꠘ ꠀꠟ꠆ꠟꠣꠞ ꠈꠣꠍ ꠀꠅꠟꠣꠖ, ꠝꠣꠘꠤ ꠝꠣꠄꠀꠞ ꠎꠘ ꠛꠘꠣꠞ ꠄꠈꠔꠤꠀꠞ ꠖꠤꠟꠣ।

Injil 4: Hannan 1:29

ꠛꠣꠖꠞ ꠖꠤꠘ ꠄꠢꠤꠀ ꠘꠛꠤꠄ ꠖꠦꠈꠟꠣ ꠢꠥꠎꠥꠞ ꠁꠍꠣ ꠔꠣꠘ ꠉꠦꠍꠦ ꠀꠁꠞꠣ, ꠖꠦꠈꠤꠀ ꠇꠁꠟꠣ, “ꠅꠃ ꠖꠦꠈꠞꠣꠄ ꠘꠤ ꠀꠟ꠆ꠟꠣꠁ ꠝꠦꠠꠣ-ꠛꠣꠁꠌ꠆ꠌꠣ, ꠎꠦꠘ ꠃꠍꠤꠟ꠆ꠟꠣꠄ ꠢꠇ꠆ꠇꠟ ꠝꠣꠘꠡꠞ ꠉꠥꠘꠣꠞ ꠝꠣꠚꠤ ꠅꠄ।

Injil 4: Hannan 12:47

ꠇꠦꠃ ꠎꠥꠖꠤ ꠀꠝꠣꠞ ꠇꠕꠣ ꠢꠥꠘꠤꠀ, ꠅꠃ ꠝꠣꠚꠤꠇ ꠀꠝꠟ ꠘꠣ ꠇꠞꠦ, ꠔꠦ ꠀꠝꠤ ꠘꠤꠎꠦ ꠔꠣꠞ ꠛꠤꠌꠣꠞ ꠇꠞꠤ ꠘꠣ, ꠇꠣꠞꠘ ꠀꠝꠤ ꠝꠣꠘꠡꠞꠦ ꠖꠥꠡꠤ ꠡꠣꠁꠛꠡ꠆ꠔ ꠇꠞꠣꠔ ꠀꠁꠍꠤ ꠘꠣ, ꠛꠞꠋ ꠝꠣꠘꠡꠞꠦ ꠔꠞꠣꠘꠤꠔ ꠀꠁꠍꠤ।

Injil 4: Hannan 3:36

ꠎꠦ ꠝꠣꠘꠡꠦ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘꠞ ꠃꠙꠞꠦ ꠁꠝꠣꠘ ꠀꠘꠍꠦ, ꠢꠦ ꠀꠈꠦꠞꠤ ꠎꠤꠘ꠆ꠖꠦꠉꠤ ꠙꠣꠁꠟꠤꠍꠦ। ꠅꠁꠟꠦ ꠎꠦ ꠔꠣꠘꠞꠦ ꠝꠣꠘꠦ ꠘꠣ, ꠢꠦ ꠇꠥꠘꠥꠝꠘ꠆ꠔꠦꠃ ꠀꠈꠦꠞ ꠙꠣꠁꠔ ꠘꠣꠄ ꠛꠞꠋ ꠔꠣꠞ ꠃꠙꠞꠦ ꠀꠟ꠆ꠟꠣꠞ ꠉꠎꠛ ꠙꠠꠛ।

Injil 5: Sahabi Nama 11:1

ꠛꠣꠖꠦ ꠍꠣꠢꠣꠛꠤ ꠅꠇꠟꠦ ꠀꠞ ꠄꠢꠥꠖꠤꠀ ꠎꠤꠟꠣꠞ ꠢꠇ꠆ꠇꠟ ꠝꠥꠝꠤꠘ ꠜꠣꠁꠀꠁꠘ꠆ꠔꠦ ꠢꠥꠘꠟꠣ, ꠅ-ꠁꠢꠥꠖꠤ ꠅꠇꠟꠦꠅ ꠀꠟ꠆ꠟꠣꠞ ꠇꠣꠟꠣꠝꠞ ꠃꠙꠞꠦ ꠁꠝꠣꠘ ꠀꠘꠍꠂꠘ।

Injil 5: Sahabi Nama 11:18

ꠁꠈꠣꠘ ꠢꠥꠘꠣꠞ ꠛꠣꠖꠦ ꠄꠢꠥꠖꠤꠀꠞ ꠁꠝꠣꠘꠖꠣꠞ ꠅꠇꠟꠦ ꠀꠞ ꠇꠥꠘꠥ ꠀꠙꠔ꠆ꠔꠤ ꠘꠣ ꠇꠞꠤꠀ, ꠀꠟ꠆ꠟꠣꠞ ꠔꠣꠞꠤꠚ ꠇꠞꠣ ꠗꠞꠟꠣ, ꠔꠣꠞꠣ ꠇꠁꠟꠣ, “ꠔꠦ ꠀꠟ꠆ꠟꠣꠄ ꠅ-ꠁꠢꠥꠖꠤ ꠅꠇꠟꠞꠦꠅ ꠉꠥꠘꠣ ꠕꠣꠇꠤ ꠝꠘ ꠛꠖꠟꠣꠁꠀ, ꠎꠤꠘ꠆ꠖꠦꠉꠤ ꠙꠣꠅꠀꠞ ꠔꠚꠤꠇ ꠖꠤꠍꠂꠘ।”

Injil 5: Sahabi Nama 3:26

ꠢꠃ ꠅꠀꠞꠤꠡ, ꠝꠣꠘꠤ ꠔꠣꠘ ꠈꠣꠍ ꠉꠥꠟꠣꠝ ꠁꠍꠣꠞꠦ, ꠀꠟ꠆ꠟꠣꠄ ꠙꠄꠟꠣꠃ ꠀꠙꠘꠣꠁꠘ꠆ꠔꠞ ꠉꠦꠍꠦ ꠛꠦꠎꠤꠍꠂꠘ, ꠎꠣꠔꠦ ꠔꠣꠁꠘ ꠀꠙꠘꠣꠞꠣꠞꠦ ꠛꠦ-ꠖꠤꠘꠤ ꠇꠣꠝ ꠅꠇꠟ ꠕꠣꠇꠤ ꠚꠤꠞꠣꠁꠀ ꠢꠣꠞꠤ ꠛꠞꠇꠔ ꠖꠦꠁꠘ।”

Injil 6: Ruman 11:14

ꠇꠣꠞꠘ, ꠅꠃ ꠇꠣꠝ ꠖꠦꠈꠣꠁꠀ ꠀꠝꠣꠞ ꠘꠤꠎꠞ ꠎꠣꠔꠤ ꠛꠘꠤ ꠁꠍꠞꠣꠁꠟꠞ ꠖꠤꠟꠅ ꠇꠥꠘꠥ ꠎꠣꠟꠣ ꠙꠄꠖꠣ ꠇꠞꠔꠣꠝ ꠙꠣꠞꠤ, ꠀꠞ ꠅꠃ ꠎꠣꠟꠣꠄ ꠔꠣꠞꠣꠞ ꠝꠣꠎꠞ ꠇꠤꠍꠥ ꠝꠣꠘꠡꠞ ꠎꠣꠘ ꠛꠣꠌꠣꠁꠔꠣꠝ ꠙꠣꠞꠤ।

Injil 6: Ruman 5:6

ꠀꠝꠞꠣ ꠔ ꠇꠝꠎꠥꠞ-ꠟꠣꠌꠣꠞ ꠀꠍꠟꠣꠝ, ꠡꠑꠤꠇ ꠡꠝꠄꠄ ꠀꠝꠞꠣꠞ ꠟꠣꠈꠣꠘ ꠉꠥꠘꠣꠉꠣꠞꠞꠦ ꠛꠣꠌꠣꠘꠤꠞ ꠟꠣꠉꠤ, ꠀꠟ-ꠝꠍꠤꠄ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠟꠣ।

Injil 7: 1-Korintia 15:9

ꠍꠣꠢꠣꠛꠤ ꠅꠇꠟꠞ ꠝꠣꠎꠦ ꠀꠝꠤꠃ ꠢꠇꠟ ꠕꠣꠇꠤ ꠘꠉꠁꠘ꠆ꠘ, ꠀꠝꠤ ꠔ ꠍꠣꠢꠣꠛꠤ ꠇꠁꠀ ꠙꠞꠤꠌꠄ ꠖꠤꠛꠣꠞ ꠟꠣꠈ ꠘꠣꠄ, ꠀꠉꠦ ꠀꠝꠤ ꠀꠟ꠆ꠟꠣꠞ ꠎꠝꠣꠔꠞ ꠃꠙꠞꠦ ꠎꠥꠟꠥꠝ ꠇꠞꠔꠣꠝ।

Injil 10: Ifisia 3:8

ꠀꠟ꠆ꠟꠣꠞ ꠢꠇ꠆ꠇꠟ ꠛꠘ꠆ꠖꠣꠞ ꠝꠣꠎꠦ ꠀꠝꠣ ꠕꠣꠇꠤ ꠢꠥꠞꠥ ꠀꠞ ꠇꠦꠃ ꠘꠣꠁ, ꠔꠣ-ꠅ ꠀꠟ-ꠝꠍꠤꠞ ꠎꠦ ꠗꠘꠞ ꠇꠕꠣ ꠡꠥꠟ꠆ꠟꠀꠘꠣ ꠛꠥꠎꠣ ꠎꠣꠄ ꠘꠣ, ꠅꠃ ꠝꠥꠟ꠆ꠟꠛꠣꠘ ꠗꠘꠞ ꠈꠥꠡ-ꠈꠛꠞꠤ ꠜꠤꠘ ꠎꠣꠔꠤꠞ ꠉꠦꠍꠦ ꠔꠛꠟꠤꠉꠞ ꠖꠣꠄꠁꠔ꠆ꠔ ꠀꠝꠣꠞ ꠃꠙꠞꠦ ꠖꠤꠍꠂꠘ, ꠁꠐꠣꠃ ꠀꠟ꠆ꠟꠣꠞ ꠞꠢꠝꠔ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:13

ꠎꠥꠖꠤꠅ ꠀꠝꠤ ꠀꠉꠦ ꠀꠟ-ꠝꠍꠤꠞ ꠛꠖꠘꠣꠝ ꠉꠣꠁꠔꠣꠝ, ꠔꠣꠘ ꠝꠣꠘꠡꠞ ꠃꠙꠞꠦ ꠎꠥꠟꠥꠝ ꠇꠞꠔꠣꠝ, ꠛꠖ-ꠝꠤꠎꠣꠎ ꠖꠦꠈꠣꠁꠔꠣꠝ। ꠔꠣ-ꠅ ꠔꠣꠁꠘ ꠀꠝꠣꠞꠦ ꠞꠢꠝꠔ ꠖꠣꠘ ꠇꠞꠍꠂꠘ, ꠇꠣꠞꠘ ꠢꠃ ꠡꠝꠄ ꠀꠝꠤ ꠁꠝꠣꠘ ꠀꠘꠍꠤꠟꠣꠝ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:19

ꠄꠞꠟꠉꠦ ꠘꠤꠎꠞ ꠁꠝꠣꠘ ꠀꠞ ꠙꠞꠤꠡ꠆ꠇꠣꠞ ꠛꠤꠛꠦꠇꠞꠦ ꠛꠣꠌꠣꠁꠅ। ꠇꠥꠘꠥ ꠇꠥꠘꠥ ꠝꠣꠘꠡꠦ ꠛꠤꠛꠦꠇꠞ ꠛꠥꠟꠤ ꠘꠣ ꠝꠣꠘꠤꠀ, ꠘꠤꠎꠞ ꠁꠝꠣꠘꠞꠦ ꠘꠡ꠆ꠐ ꠇꠞꠤꠟꠤꠍꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:1

ꠢꠥꠘꠅ, ꠀꠍꠟ ꠢꠇ ꠇꠕꠣ ꠅꠁꠟ, ꠇꠦꠃ ꠎꠥꠖꠤ ꠎꠝꠣꠔꠞ ꠌꠣꠟꠇꠖꠣꠞ ꠅꠁꠔꠣ ꠌꠣꠁꠘ, ꠔꠦ ꠔꠣꠁꠘ ꠔ ꠘꠦꠇ ꠇꠣꠝ ꠇꠞꠣꠞ ꠈꠤꠀꠟꠤ ꠅꠁꠍꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:9

ꠁꠔꠣ ꠔ ꠙꠥꠞꠣꠙꠥꠞ ꠢꠇ ꠀꠞ ꠈꠣꠐꠤ, ꠡꠥꠟ꠆ꠟꠀꠘꠣ ꠇꠛꠥꠟ ꠇꠞꠣꠞ ꠟꠣꠈ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:13

ꠅꠈꠘ ꠀꠟ꠆ꠟꠣ ꠙꠣꠇꠞ ꠘꠣꠝꠦ, ꠎꠦꠁꠘ ꠢꠇ꠆ꠇꠟꠔꠣꠞ ꠎꠣꠘ ꠖꠦꠁꠘ, ꠀꠞ ꠎꠦꠁꠘ ꠢꠣꠇꠤꠝ ꠙꠘ꠆ꠔꠤꠅ ꠙꠤꠟꠣꠔꠞ ꠍꠣꠝꠘꠦ ꠘꠤꠎꠞ ꠛꠦꠙꠣꠞꠦ ꠢꠇ ꠡꠣꠇ꠆ꠇꠤ ꠖꠤꠍꠟꠣ, ꠢꠃ ꠁꠍꠣ ꠀꠟ-ꠝꠍꠤꠞ ꠘꠣꠝꠦꠅ ꠔꠥꠝꠣꠞꠦ ꠅꠃ ꠝꠤꠘꠔꠤ ꠇꠞꠞꠣꠝ,

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:11

ꠅꠃ ꠇꠕꠣ ꠔ ꠄꠇꠤꠘ ꠇꠞꠣꠞ ꠎꠁꠉ꠆ꠉ, ꠀꠟ-ꠝꠍꠤꠞ ꠟꠉꠦ ꠎꠦꠛꠟꠣ ꠀꠝꠞꠣꠞ ꠝꠞꠘ ꠅꠁꠍꠦ, ꠔꠦ ꠀꠝꠞꠣ ꠎꠤꠘ꠆ꠖꠣꠅ ꠅꠁꠝꠥ ꠔꠣꠘ ꠟꠉꠦ।

Injil 17: Titas 3:8

ꠁꠈꠣꠘ ꠔ ꠙꠥꠞꠣꠙꠥꠞ ꠢꠣꠍꠣ। ꠀꠝꠤ ꠌꠣꠁꠀꠞ, ꠔꠥꠝꠤ ꠅꠃ ꠛꠦꠙꠣꠞꠦ ꠙꠥꠞꠣꠙꠥꠞ ꠎꠥꠞ ꠖꠦꠅ, ꠎꠣꠔꠦ ꠀꠟ꠆ꠟꠣꠞ ꠃꠙꠞꠦ ꠎꠦꠞꠣ ꠁꠝꠣꠘ ꠀꠘꠍꠦ, ꠔꠣꠞꠣ ꠘꠦꠇ ꠇꠣꠝ ꠇꠞꠣꠞ ꠈꠤꠀꠟꠤ ꠅꠄ। ꠁꠟꠣ ꠘꠦꠇ ꠇꠣꠝ ꠇꠞꠣ ꠔ ꠢꠇꠟꠞ ꠟꠣꠉꠤ ꠜꠣꠟꠣ ꠀꠞ ꠃꠙꠇꠣꠞꠤ।

Injil 19: Ibrani 7:25

ꠄꠞꠟꠣꠉꠤꠃ ꠎꠦꠞꠣ ꠔꠣꠘ ꠃꠍꠤꠟ꠆ꠟꠣ ꠟꠁꠀ ꠀꠟ꠆ꠟꠣꠞ ꠇꠣꠍꠣꠔ ꠀꠄ, ꠀꠟ꠆ꠟꠣꠄ ꠔꠣꠞꠣꠞꠦ ꠙꠥꠞꠣꠙꠥꠞ ꠘꠣꠎꠣꠔ ꠖꠣꠘ ꠇꠞꠂꠘ, ꠇꠣꠞꠘ ꠔꠣꠞꠣꠞ ꠙꠇ꠆ꠇꠦ ꠡꠥꠙꠣꠞꠤꠡ ꠇꠞꠣꠞ ꠟꠣꠉꠤ ꠔꠣꠁꠘ ꠢꠣꠝꠦꠡꠣ ꠎꠤꠘ꠆ꠖꠣ ꠀꠍꠂꠘ।

Injil 23: 1-Hannan 3:5

ꠔꠥꠝꠞꠣꠞ ꠎꠣꠘꠣ ꠀꠍꠦ, ꠀꠟ-ꠝꠍꠤ ꠅꠁꠟꠣ ꠛꠦ-ꠉꠥꠘꠣ ꠝꠣꠍꠥꠝ, ꠔꠣꠁꠘ ꠉꠥꠘꠣꠞꠦ ꠈꠦꠖꠣꠘꠤꠞ ꠟꠣꠉꠤ ꠖꠥꠘꠤꠀꠔ ꠎꠣꠁꠞ ꠅꠁꠟꠣ।

Injil 23: 1-Hannan 3:8

ꠅꠁꠟꠦ ꠉꠥꠘꠣꠞ ꠙꠕꠞ ꠀꠡꠤꠇ ꠎꠦꠞꠣ, ꠔꠣꠞꠣ ꠡꠄꠔꠣꠘꠞ ꠝꠥꠞꠤꠖ, ꠁꠛꠟꠤꠍ-ꠡꠄꠔꠣꠘꠦ ꠔ ꠙꠄꠟꠣ ꠕꠣꠇꠤꠃ ꠉꠥꠘꠣ ꠇꠞꠦꠞ। ꠔꠣꠞ ꠇꠣꠝꠞꠦ ꠛꠤꠘꠣꠡ ꠇꠞꠣꠞ ꠘꠤꠅꠔꠦ, ꠅꠈꠘ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ ꠁ ꠖꠥꠘꠤꠀꠔ ꠎꠣꠁꠞ ꠅꠁꠟꠣ।

Injil 23: 1-Hannan 5:11

ꠔꠣꠘ ꠡꠣꠇ꠆ꠇꠤ ꠅꠁꠟ, ꠔꠣꠁꠘ ꠘꠤꠎꠦ ꠀꠝꠞꠣꠞꠦ ꠀꠈꠦꠞꠣꠔꠞ ꠎꠤꠘ꠆ꠖꠦꠉꠤ ꠖꠣꠘ ꠇꠞꠍꠂꠘ, ꠅꠃ ꠎꠤꠘ꠆ꠖꠦꠉꠤ ꠔꠣꠘ ꠈꠣꠍ ꠝꠣꠄꠀꠞ ꠎꠘꠞ ꠉꠦꠍꠦ ꠀꠍꠦ।

Injil 27: Zaira Kalam 21:5

ꠔꠈ꠆ꠔꠅ ꠎꠦꠁꠘ ꠛꠅꠀꠔ ꠀꠍꠟꠣ ꠔꠣꠁꠘ ꠇꠁꠟꠣ, “ꠢꠥꠘꠅ, ꠀꠝꠤ ꠢꠇ꠆ꠇꠟꠔꠣꠞꠦ ꠘꠄꠀ ꠇꠞꠤ ꠙꠄꠖꠣ ꠇꠞꠤꠀꠞ।” ꠛꠣꠖꠦ ꠔꠣꠁꠘ ꠢꠤꠞꠛꠣꠞ ꠇꠁꠟꠣ, “ꠀꠝꠣꠞ ꠅꠃ ꠇꠕꠣꠈꠣꠘ ꠟꠦꠈꠅ, ꠇꠣꠞꠘ ꠁꠔꠣ ꠄꠇꠤꠘ ꠇꠞꠣꠞ ꠟꠣꠈ ꠢꠣꠍꠣ।”

Injil 27: Zaira Kalam 22:6

ꠛꠣꠖꠦ ꠢꠃ ꠚꠤꠞꠤꠡ꠆ꠔꠣꠄ ꠀꠝꠣꠞꠦ ꠇꠁꠟꠣ, “ꠁꠔꠣ ꠢꠇꠟꠔꠣ ꠄꠇꠤꠘ ꠇꠞꠣꠞ ꠟꠣꠈ ꠢꠣꠍꠣ। ꠀꠟ꠆ꠟꠣ ꠝꠣꠛꠥꠖ, ꠎꠦꠁꠘ ꠀꠉꠦ ꠔꠣꠘ ꠘꠛꠤ ꠅꠇꠟꠞ ꠝꠣꠎꠖꠤ ꠛꠣꠔꠌꠤꠔ ꠇꠞꠍꠂꠘ, ꠔꠣꠁꠘ ꠘꠤꠎꠞ ꠚꠤꠞꠤꠡ꠆ꠔꠣꠞꠦ ꠖꠤꠍꠂꠘ, ꠎꠣꠔꠦ ꠕꠥꠠꠣ ꠇꠄꠖꠤꠘꠞ ꠝꠣꠎꠦ ꠎꠦꠔꠣ ꠊꠐꠤꠛ, ꠅꠃ ꠚꠤꠞꠤꠡ꠆ꠔꠣꠄ ꠁꠔꠣ ꠔꠣꠘ ꠉꠥꠟꠣꠝ ꠅꠇꠟꠞꠦ ꠖꠦꠈꠣꠁꠘ।”

Injil 27: Zaira Kalam 5:9

ꠀꠞ ꠔꠣꠞꠣ ꠘꠄꠀ ꠅꠃ ꠉꠎꠟ ꠉꠣꠁꠟꠣ, “ꠈꠣꠟꠤ ꠔꠥꠝꠤꠃ ꠡꠑꠤꠇ ꠎꠘ ꠅꠃ ꠇꠤꠔꠣꠛꠈꠣꠘ ꠘꠤꠛꠣꠞ, ꠘꠤꠀ ꠄꠞ ꠡꠤꠟ-ꠌꠣꠙ꠆ꠙꠠ ꠈꠥꠟꠛꠣꠞ। ꠔꠥꠝꠣꠞꠦ ꠔ ꠎꠣꠘꠦ ꠝꠣꠞꠣ ꠅꠁꠍꠤꠟ। ꠔꠥꠝꠤ ꠔꠥꠝꠣꠞ ꠟꠃ ꠖꠤꠀ ꠢꠇ꠆ꠇꠟ ꠈꠣꠘ꠆ꠖꠣꠘ ꠕꠣꠇꠤ, ꠀꠟ꠆ꠟꠣꠞ ꠟꠣꠉꠤ ꠝꠣꠘꠥꠡ ꠈꠞꠤꠖ ꠇꠞꠍ। ꠢꠇ꠆ꠇꠟ ꠎꠣꠔꠞ ꠛꠥꠟꠤꠄ ꠝꠣꠔꠞꠣ ꠝꠣꠘꠥꠡ, ꠢꠇꠟ ꠖꠦꠡ ꠀꠞ ꠎꠣꠔꠤ ꠕꠣꠇꠤꠅ ꠈꠣꠟꠣꠍ ꠇꠞꠍ।