ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:14 - Siloṭi Asmani Kitab (Nagri lipi)

¹⁴ ꠀꠝꠞꠣꠞ ꠝꠥꠘꠤꠛꠦ ꠀꠝꠣꠞꠦ ꠇꠔ ꠛꠠ ꠝꠦꠢꠦꠞꠛꠣꠘꠤ ꠇꠞꠍꠂꠘ, ꠁꠍꠣ ꠀꠟ-ꠝꠍꠤꠞ ꠔꠞꠤꠇꠣ ꠇꠛꠥꠟ ꠇꠞꠟꠦ ꠎꠦ ꠁꠝꠣꠘ ꠀꠞ ꠝꠢꠛ꠆ꠛꠔ ꠙꠄꠖꠣ ꠅꠄ, ꠁꠔꠣ ꠔ ꠀꠝꠣꠞꠦ ꠙꠥꠞꠣꠙꠥꠞ ꠖꠣꠘ ꠇꠞꠍꠂꠘ।

ছিলটি আছমানি কিতাব (বাংলা লিপি)

¹⁴ আমরার মুনিবে আমারে কত বড় মেহেরবানি করছইন, ইছা আল-মসীর তরিকা কবুল করলে যে ইমান আর মহব্বত পয়দা অয়, ইতা তো আমারে পুরাপুর দান করছইন।

Siloṭi Asmani Kitab (Latin lipi)

¹⁴ Amrar munibe amare ḳoto boṛo meherbani korsoin, Isa al-Mosir torika kobul ḳorle ze iman ar mohobbot foyda oy, ita to amare furafur dan ḳorsoin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:14 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 34:6

ꠔꠣꠁꠘ ꠝꠥꠍꠣꠞ ꠍꠣꠝꠘꠣ ꠖꠤꠀ ꠔꠡꠞꠤꠚ ꠘꠤꠟꠣ, ꠀꠞ ꠅꠃ ꠇꠣꠟꠣꠝ ꠄꠟꠣꠘ ꠇꠞꠤ ꠇꠞꠤ ꠉꠦꠟꠣ, “ꠝꠣꠛꠥꠖ, ꠎꠦꠁꠘ ꠀꠍꠂꠘ, ꠞꠢꠝꠣꠘ ꠀꠞ ꠞꠢꠤꠝ ꠀꠟ꠆ꠟꠣ, ꠔꠣꠁꠘ ꠉꠥꠍꠣ ꠇꠞꠂꠘ ꠗꠤꠞ ꠉꠔꠤꠄ, ꠔꠣꠘ ꠅꠛꠤꠞꠣꠝ ꠝꠣꠄꠀ-ꠝꠢꠛ꠆ꠛꠔ ꠀꠞ ꠢꠇ-ꠢꠣꠟꠣꠟꠤꠞ ꠇꠥꠘꠥ ꠡꠤꠝꠣ ꠘꠣꠁ।

ꠁꠘ꠆ꠎꠤꠟ ১: ꠝꠕꠤ 20:9

ꠛꠤꠀꠟꠤ ꠛꠣꠟꠣ ꠎꠦꠞꠣ ꠇꠣꠝꠅ ꠟꠣꠉꠍꠤꠟ, ꠔꠣꠞꠣ ꠄꠇ-ꠡ ꠇꠞꠤ ꠙꠣꠁꠟ।

Injil 5: Sahabi Nama 15:11

ꠀꠝꠞꠣ ꠔ ꠝꠘꠅ ꠇꠞꠤ, ꠢꠎꠞꠔ ꠁꠍꠣꠞ ꠝꠦꠢꠦꠞꠛꠣꠘꠤꠄ ꠀꠝꠞꠣ ꠎꠦꠟꠣ ꠉꠥꠘꠣ ꠕꠣꠇꠤ ꠝꠣꠚꠤ ꠙꠣꠁꠍꠤ, ꠔꠣꠞꠣꠅ ꠅꠃꠟꠣ ꠝꠣꠚꠤ ꠙꠣꠁꠍꠂꠘ।”

Injil 6: Ruman 16:20

ꠡꠣꠘ꠆ꠔꠤ ꠖꠦꠅꠞꠣ ꠀꠟ꠆ꠟꠣꠄ ꠁꠛꠟꠤꠍ-ꠡꠄꠔꠣꠘꠞꠦ ꠈꠥꠛ ꠎꠟꠖꠤ ꠇꠞꠤ ꠔꠥꠝꠞꠣꠞ ꠙꠣꠅꠞ ꠔꠟꠦ ꠚꠣꠟꠣꠁ ꠙꠤꠡꠣꠁꠛꠣ। ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠞꠢꠝ-ꠘꠤꠀꠝꠔ ꠔꠥꠝꠞꠣꠞ ꠃꠙꠞꠦ ꠎꠣꠞꠤ ꠞꠃꠇ।

Injil 7: 1-Korintia 15:10

ꠅꠁꠟꠦ ꠅꠈꠘ ꠀꠝꠤ ꠎꠦꠟꠣ ꠅꠁꠍꠤ, ꠁꠔꠣ ꠀꠟ꠆ꠟꠣꠞ ꠞꠢꠝꠔꠦꠃ ꠅꠁꠍꠤ। ꠀꠝꠣꠞ ꠃꠙꠞꠦ ꠔꠣꠘ ꠁ ꠞꠢꠝꠔ ꠛꠦꠇꠣꠝꠣ ꠉꠦꠍꠦ ꠘꠣ, ꠀꠝꠤ ꠅꠁꠘ꠆ꠘ ꠍꠣꠢꠣꠛꠤ ꠅꠇꠟ ꠕꠣꠇꠤ ꠛꠦꠡꠤ ꠝꠦꠘꠔ ꠇꠞꠍꠤ। ꠁ ꠝꠦꠘꠔ ꠔ ꠀꠝꠤ ꠘꠤꠎꠦ ꠘꠤꠎꠦ ꠇꠞꠔꠣꠝ ꠙꠣꠞꠍꠤ ꠘꠣ, ꠛꠞꠋ ꠀꠟ꠆ꠟꠣꠞ ꠞꠢꠝꠔꠦꠃ ꠁꠔꠣ ꠇꠞꠣꠁꠍꠦ।

Injil 7: 1-Korintia 3:10

ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠎꠦ ꠈꠣꠍ ꠞꠢꠝꠔ ꠀꠝꠤ ꠙꠣꠁꠍꠤ, ꠅꠃ ꠞꠢꠝꠔꠞ ꠛꠟꠦꠃ ꠀꠝꠤ ꠀꠈꠟꠖꠣꠞ ꠞꠣꠎ ꠝꠦꠡ꠆ꠔꠞꠤꠞ ꠟꠣꠈꠣꠘ ꠁꠀꠘ ꠈꠥꠐꠤ ꠉꠣꠠꠍꠤ। ꠀꠞ ꠅꠃ ꠈꠥꠐꠤꠞ ꠃꠙꠞꠦ ꠅꠁꠘ꠆ꠘ ꠎꠘꠦ ꠛꠤꠟꠒꠤꠋ ꠛꠣꠘꠣꠁꠞꠣ। ꠅꠁꠟꠦ ꠇꠦ ꠇꠤꠟꠣ ꠛꠣꠘꠣꠁꠞꠣ, ꠁ ꠛꠦꠙꠣꠞꠦ ꠔꠣꠞꠣ ꠢꠥꠡꠤꠀꠞ ꠅꠃꠇ।

Injil 8: 2-Korintia 13:14

ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠞꠢꠝꠔ, ꠀꠟ꠆ꠟꠣ ꠙꠣꠇꠞ ꠝꠢꠛ꠆ꠛꠔ, ꠀꠞ ꠙꠣꠇ ꠞꠥꠢꠥꠞ ꠈꠣꠔꠤꠞ-ꠎꠔꠘ ꠔꠥꠝꠞꠣ ꠢꠇꠟꠞ ꠖꠤꠟꠅ ꠞꠃꠇ। ꠀꠝꠤꠘ॥

Injil 8: 2-Korintia 4:15

ꠁꠔꠣ ꠢꠇꠟꠔꠣ ꠔꠥꠝꠞꠣꠞ ꠜꠣꠟꠣꠁꠞ ꠟꠣꠉꠤꠃ ꠅꠁꠍꠦ, ꠎꠣꠔꠦ ꠝꠣꠘꠡꠞ ꠃꠙꠞꠦ ꠀꠟ꠆ꠟꠣꠞ ꠎꠦ ꠞꠢꠝꠔ ꠘꠣꠎꠤꠟ ꠅꠁꠍꠦ, ꠢꠃ ꠞꠢꠝꠔꠞ ꠈꠣꠔꠤꠞꠦ ꠛꠃꠔꠦ ꠀꠞꠅ ꠛꠦꠡꠤ ꠇꠞꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠦ ꠀꠞ ꠀꠟ꠆ꠟꠣꠞ ꠉꠃꠞꠛ ꠅꠄ।

Injil 8: 2-Korintia 8:9

ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠞꠢꠝ-ꠘꠤꠀꠝꠔꠞ ꠇꠕꠣ ꠔ ꠔꠥꠝꠞꠣ ꠎꠣꠘꠃ, ꠔꠣꠁꠘ ꠔ ꠀꠟ꠆ꠟꠣꠁ ꠗꠘꠦ ꠗꠘꠤ ꠀꠍꠟꠣ, ꠅꠁꠟꠦ ꠔꠥꠝꠞꠣꠞ ꠟꠣꠉꠤ ꠉꠞꠤꠛ ꠛꠘꠟꠣ, ꠎꠣꠔꠦ ꠔꠣꠁꠘ ꠉꠞꠤꠛ ꠛꠘꠣꠞ ꠇꠣꠞꠘꠦ ꠔꠥꠝꠞꠣ ꠗꠘꠤ ꠅꠁꠔꠣꠄ ꠙꠣꠞ।

Injil 9: Galatia 1:13

ꠀꠝꠤ ꠀꠉꠦ ꠎꠦꠛꠟꠣ ꠁꠢꠥꠖꠤ ꠗꠞ꠆ꠝ ꠝꠣꠘꠔꠣꠝ, ꠢꠃ ꠡꠝꠄ ꠀꠝꠣꠞ ꠌꠣꠟ-ꠌꠟꠘ ꠇꠤꠟꠣ ꠀꠍꠤꠟ ꠁꠔꠣ ꠔ ꠔꠥꠝꠞꠣ ꠢꠥꠘꠍ। ꠀꠝꠤ ꠀꠟ꠆ꠟꠣꠞ ꠎꠝꠣꠔ ꠅꠇꠟꠞꠦ ꠇꠔ ꠛꠦꠡꠤ ꠎꠥꠟꠥꠝ ꠇꠞꠔꠣꠝ, ꠀꠞ ꠁꠔꠣꠞꠦ ꠛꠤꠘꠣꠡ ꠇꠞꠣꠞ ꠌꠦꠡ꠆ꠐꠣꠔ ꠀꠍꠟꠣꠝ, ꠄꠅꠔꠣ ꠔꠥꠝꠞꠣ ꠎꠣꠘ।

ইঞ্জিল ১৩: ১-থিষল: 1:3

ꠁꠝꠣꠘꠞ ꠟꠣꠉꠤ ꠔꠥꠝꠞꠣ ꠎꠦ ꠇꠣꠝ ꠇꠞꠞꠣꠄ, ꠝꠢꠛ꠆ꠛꠔꠞ ꠟꠣꠉꠤ ꠔꠥꠝꠞꠣ ꠎꠦ ꠝꠦꠘꠔ ꠇꠞꠞꠣꠄ ꠀꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠀꠡꠣ-ꠜꠞꠡꠣ ꠇꠞꠤꠀ ꠔꠥꠝꠞꠣ ꠎꠦ ꠍꠛꠞ ꠇꠞꠞꠣꠄ, ꠁꠔꠣ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠖꠞꠛꠣꠞꠅ ꠖꠥꠀ ꠇꠞꠣꠞ ꠡꠝꠄ ꠢꠣꠝꠦꠡꠣ ꠝꠘꠅ ꠇꠞꠤ।

ইঞ্জিল ১৩: ১-থিষল: 5:8

ꠅꠁꠟꠦ ꠀꠝꠞꠣ ꠔ ꠖꠤꠘꠞ ꠚꠞꠞ ꠝꠣꠘꠥꠡ, ꠄꠞꠟꠣꠉꠤ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠤ। ꠀꠝꠞꠣꠞ ꠛꠥꠇ ꠛꠣꠌꠣꠘꠤꠞ ꠟꠣꠉꠤ ꠁꠝꠣꠘ ꠀꠞ ꠝꠢꠛ꠆ꠛꠔ ꠖꠤꠀ ꠛꠥꠇ ꠉꠥꠞꠤ, ꠀꠞ ꠝꠣꠕꠣꠞꠦ ꠛꠣꠌꠣꠘꠤꠞ ꠟꠣꠉꠤ ꠀꠟ꠆ꠟꠣꠁ ꠘꠣꠎꠣꠔꠞ ꠀꠡꠣꠞꠦ ꠍꠤꠙꠣꠁꠞ ꠇꠦꠙꠞ ꠟꠣꠈꠣꠘ ꠝꠣꠕꠣꠔ ꠟꠣꠉꠣꠁ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:15

ꠅꠈꠘ ꠎꠥꠖꠤ ꠛꠦꠐꠤꠘ꠆ꠔꠦ ꠔꠣꠞꠣꠞ ꠢꠣꠄꠀ-ꠡꠞꠝ ꠞꠣꠈꠤꠀ ꠁꠝꠣꠘ, ꠝꠢꠛ꠆ꠛꠔ ꠀꠞ ꠙꠣꠇ-ꠙꠛꠤꠔ꠆ꠞ ꠅꠁꠀ ꠌꠟꠂꠘ, ꠔꠦ ꠢꠥꠞꠥꠔ꠆ꠔꠣ ꠎꠘꠝ ꠖꠦꠅꠀꠞ ꠝꠣꠎꠖꠤ ꠔꠣꠞꠣ ꠞꠦꠢꠣꠁ ꠙꠣꠁꠛꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:12

ꠔꠥꠝꠤ ꠎꠥꠀꠘ ꠛꠦꠐꠣ ꠝꠘꠅ ꠇꠞꠤꠀ ꠇꠦꠃ ꠎꠣꠘꠥ ꠔꠥꠝꠣꠞꠦ ꠄꠟꠣ ꠘꠣ ꠇꠞꠦ, ꠄꠞꠟꠣꠉꠤ ꠝꠣꠔ-ꠇꠕꠣꠄ, ꠌꠣꠟ-ꠌꠟꠘꠦ, ꠝꠢꠛ꠆ꠛꠔꠦ, ꠁꠝꠣꠘꠦ ꠀꠞ ꠙꠣꠇ-ꠙꠛꠤꠔ꠆ꠞꠔꠣꠄ ꠔꠥꠝꠤ ꠝꠥꠝꠤꠘ ꠅꠇꠟꠞ ꠉꠦꠍꠦ ꠄꠇꠐꠣ ꠘꠤꠡꠣꠘꠣ ꠛꠘꠤꠎꠣꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:11

ꠅꠁꠟꠦ ꠔꠥꠝꠤ ꠔ ꠀꠟ꠆ꠟꠣꠞ ꠛꠘ꠆ꠖꠣ, ꠔꠥꠝꠤ ꠁꠔꠣ ꠛꠖ ꠇꠣꠝ ꠕꠣꠇꠤ ꠢꠞꠤꠀ ꠞꠅ। ꠔꠥꠝꠤ ꠙꠣꠇ-ꠙꠞꠦꠎꠉꠣꠞ ꠎꠤꠘ꠆ꠖꠦꠉꠤ, ꠀꠟ꠆ꠟꠣꠞ ꠒꠞ-ꠈꠚ, ꠁꠝꠣꠘ, ꠝꠢꠛ꠆ꠛꠔ, ꠍꠛꠞ, ꠀꠞ ꠘꠞꠝ ꠡ꠆ꠛꠜꠣꠛꠞ ꠛꠣꠄ ꠈꠤꠀꠟꠤ ꠅꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:13

ꠔꠦ ꠔꠥꠝꠤ ꠀꠝꠣꠞ ꠝꠥꠈ ꠕꠣꠇꠤ ꠎꠔ ꠔꠣꠟꠤꠝ ꠢꠥꠘꠍ, ꠅꠃ ꠢꠇ ꠔꠣꠟꠤꠝꠞꠦ ꠎꠣꠘꠞ ꠇꠛꠎ ꠝꠘꠅ ꠇꠞꠤꠀ, ꠀꠟ-ꠝꠍꠤꠞ ꠃꠙꠞꠞ ꠁꠝꠣꠘ ꠀꠞ ꠝꠢꠛ꠆ꠛꠔꠦ ꠗꠞꠤꠀ ꠞꠣꠈꠅ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:22

ꠔꠤꠝꠕꠤ ꠢꠥꠡꠤꠀꠞ ꠅꠅ, ꠎꠃꠛꠘꠞ ꠛꠖ ꠈꠣꠁꠡ ꠕꠣꠇꠤ ꠔꠥꠝꠣꠞ ꠎꠣꠘ ꠛꠣꠌꠣꠅ, ꠀꠞ ꠎꠦꠞꠣ ꠈꠣꠍ ꠖꠤꠟꠦ ꠝꠣꠟꠤꠇꠞ ꠘꠣꠝ ꠟꠄ, ꠔꠣꠞꠣꠞ ꠟꠉꠦ ꠡꠞꠤꠇ ꠅꠁꠀ ꠙꠞꠦꠎꠉꠣꠞꠤ, ꠁꠝꠣꠘ, ꠝꠢꠛ꠆ꠛꠔ ꠀꠞ ꠡꠣꠘ꠆ꠔꠤꠞ ꠟꠣꠉꠤ ꠈꠤꠀꠟꠤ ꠅꠅ।

Injil 17: Titas 2:2

ꠎꠝꠣꠔꠞ ꠝꠥꠞꠛ꠆ꠛꠤ ꠛꠦꠐꠣꠁꠘꠞꠦ ꠇꠅ, ꠔꠣꠞꠣ ꠎꠣꠘꠥ ꠢꠣꠝꠦꠡꠣ ꠘꠤꠎꠞꠦ ꠡꠣꠝꠟꠣꠁꠀ ꠞꠣꠈꠂꠘ, ꠁꠎ꠆ꠎꠔꠤ ꠛꠘꠂꠘ, ꠜꠣꠟꠣ ꠛꠤꠌꠣꠞ-ꠛꠤꠛꠦꠇ ꠈꠣꠐꠣꠁꠘ। ꠔꠣꠞꠣꠞ ꠎꠣꠘꠥ ꠈꠣꠐꠤ ꠁꠝꠣꠘ, ꠝꠣꠄꠀ-ꠝꠢꠛ꠆ꠛꠔ ꠀꠞ ꠍꠛꠞ ꠕꠣꠇꠦ।

ꠁꠘ꠆ꠎꠤꠟ ২১: ১-ꠙꠤꠔꠞ 1:3

ꠢꠃ ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠅꠃꠇ, ꠎꠦꠁꠘ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠝꠣꠛꠥꠖ ꠀꠞ ꠉꠣꠁꠛꠤ ꠛꠣꠚ। ꠔꠣꠁꠘ ꠁꠍꠣ ꠀꠟ-ꠝꠍꠤꠞꠦ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠇꠞꠤꠀ, ꠔꠣꠘ ꠝꠢꠣ ꠖꠄꠀꠄ ꠀꠝꠞꠣꠞꠦ ꠘꠄꠀ ꠎꠘꠝ ꠖꠣꠘ ꠇꠞꠍꠂꠘ, ꠄꠔꠦ ꠀꠝꠞꠣ ꠄꠇ ꠎꠤꠘ꠆ꠖꠣ ꠀꠡꠣ ꠙꠣꠁꠍꠤ।

Injil 23: 1-Hannan 4:10

ꠀꠞ ꠀꠝꠞꠣ ꠎꠦꠘ ꠀꠟ꠆ꠟꠣ ꠙꠣꠇꠞꠦ ꠝꠢꠛ꠆ꠛꠔ ꠇꠞꠍꠟꠣꠝ ꠁꠟꠣ ꠇꠥꠘ꠆ꠔꠣ ꠘꠣꠄ, ꠛꠞꠋ ꠔꠣꠁꠘ ꠘꠤꠎꠦꠃ ꠀꠝꠞꠣꠞꠦ ꠝꠢꠛ꠆ꠛꠔ ꠇꠞꠤꠀ, ꠀꠝꠞꠣꠞ ꠉꠥꠘꠣꠞ ꠇꠚꠞꠣ ꠅꠁꠛꠣꠞ ꠟꠣꠉꠤ, ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞꠦ ꠎꠉꠔꠅ ꠙꠣꠑꠣꠁ ꠖꠤꠟꠣ, ꠅꠇꠐꠣꠞꠦꠃ ꠇꠄ ꠝꠢꠛ꠆ꠛꠔ।

Injil 27: Zaira Kalam 22:21

ꠀꠟ꠆ꠟꠣꠞ ꠔꠣꠝꠣꠝ ꠙꠣꠇ ꠛꠘ꠆ꠖꠣ ꠅꠇꠟꠞ ꠃꠙꠞꠦ, ꠢꠎꠞꠔ ꠁꠍꠣꠞ ꠞꠢꠝꠔ ꠎꠣꠞꠤ ꠞꠃꠇ। ꠀꠝꠤꠘ॥ ꠈꠔꠝ॥