ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:13 - Siloṭi Asmani Kitab (Nagri lipi)

¹³ ꠎꠥꠖꠤꠅ ꠀꠝꠤ ꠀꠉꠦ ꠀꠟ-ꠝꠍꠤꠞ ꠛꠖꠘꠣꠝ ꠉꠣꠁꠔꠣꠝ, ꠔꠣꠘ ꠝꠣꠘꠡꠞ ꠃꠙꠞꠦ ꠎꠥꠟꠥꠝ ꠇꠞꠔꠣꠝ, ꠛꠖ-ꠝꠤꠎꠣꠎ ꠖꠦꠈꠣꠁꠔꠣꠝ। ꠔꠣ-ꠅ ꠔꠣꠁꠘ ꠀꠝꠣꠞꠦ ꠞꠢꠝꠔ ꠖꠣꠘ ꠇꠞꠍꠂꠘ, ꠇꠣꠞꠘ ꠢꠃ ꠡꠝꠄ ꠀꠝꠤ ꠁꠝꠣꠘ ꠀꠘꠍꠤꠟꠣꠝ ꠘꠣ।

ছিলটি আছমানি কিতাব (বাংলা লিপি)

¹³ যুদিও আমি আগে আল-মসীর বদনাম গাইতাম, তান মানষর উপরে জুলুম করতাম, বদ-মিজাজ দেখাইতাম। তা-ও তাইন আমারে রহমত দান করছইন, কারন হউ সময় আমি ইমান আনছিলাম না।

Siloṭi Asmani Kitab (Latin lipi)

¹³ Zudio ami age al-Mosir bodnam gaitam, tan manshor ufre zulum ḳortam, bod-mizaz deḳaitam. Ta-o tain amare rohomot dan ḳorsoin, ḳaron hou shomoy ami iman anchilam na.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:13 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 13:16

ꠛꠣꠖꠦ ꠅꠃ ꠇꠣꠌꠣ ꠊꠣ ꠢꠥꠇꠣꠁꠀ ꠎꠥꠖꠤ ꠗꠟꠣ ꠅꠁꠎꠣꠄ, ꠔꠦ ꠔꠣꠞꠦ ꠢꠤꠞꠛꠣꠞ ꠁꠝꠣꠝꠞ ꠉꠦꠍꠦ ꠘꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 15:30

“ꠅꠁꠟꠦ ꠛꠘꠤ ꠁꠍꠞꠣꠁꠟ ꠛꠣ ꠔꠣꠞꠣꠞ ꠝꠣꠎꠦ ꠛꠡꠔ ꠇꠞꠞꠣ ꠅꠁꠘ꠆ꠘ ꠇꠥꠘꠥ ꠎꠣꠔꠤꠞ ꠇꠦꠃ ꠎꠥꠖꠤ ꠁꠌ꠆ꠍꠣ ꠇꠞꠤꠀ ꠇꠥꠘꠥ ꠘꠣꠚꠞꠝꠣꠘꠤ ꠇꠞꠦ, ꠔꠦ ꠢꠦ ꠡ꠆ꠛꠄꠅꠋ ꠝꠣꠛꠥꠖꠞꠦ ꠛꠦꠁꠎ꠆ꠎꠔ ꠇꠞꠦ। ꠁꠟꠣ ꠘꠣꠚꠞꠝꠣꠘꠤꠞ ꠟꠣꠉꠤ ꠡꠝꠣꠎ ꠕꠣꠇꠤ ꠅꠉꠥꠞ ꠘꠣꠝ ꠝꠤꠐꠣꠁꠟꠤꠔꠦ ꠅꠁꠛ।

Injil 3: Luk 12:47

“ꠀꠞ ꠎꠦ ꠉꠥꠟꠣꠝꠦ ꠔꠣꠞ ꠝꠥꠘꠤꠛꠞ ꠝꠞ꠆ꠎꠤꠞꠦ ꠛꠥꠎꠤꠀꠅ ꠔꠤꠀꠞ ꠅꠁꠍꠦ ꠘꠣ, ꠔꠣꠘ ꠢꠥꠇꠥꠝ ꠝꠣꠚꠤꠇ ꠇꠣꠝ ꠇꠞꠍꠦ ꠘꠣ, ꠔꠣꠞꠦ ꠛꠦꠎꠥꠁꠔꠣ ꠝꠣꠁꠞ ꠝꠣꠞꠣ ꠅꠁꠛ।

Injil 3: Luk 23:34

ꠅꠃ ꠡꠝꠄ ꠁꠍꠣꠄ ꠇꠁꠟꠣ, “ꠛꠣꠛꠣ, ꠄꠞꠣꠞꠦ ꠝꠣꠚ ꠇꠞꠤ ꠖꠤꠟꠣꠅ। ꠔꠣꠞꠣ ꠔ ꠛꠥꠎꠦꠞ ꠘꠣ ꠔꠣꠞꠣ ꠁꠔꠣ ꠇꠤꠔꠣ ꠇꠞꠦꠞ।” ꠛꠣꠖꠦ ꠔꠣꠞꠣ ꠔꠣꠘ ꠇꠣꠙꠠ-ꠌꠥꠙꠠ ꠘꠤꠔꠣ ꠇꠞꠤ ꠟꠐꠣꠞꠤ ꠝꠣꠞꠤꠀ ꠛꠣꠐꠣ-ꠛꠣꠐꠤ ꠇꠞꠟꠣ।

Injil 5: Sahabi Nama 22:4

ꠀꠝꠤ ꠁꠍꠣꠞ ꠙꠕꠤ ꠅꠇꠟꠞꠦ ꠎꠣꠘ-ꠙꠞꠣꠘ ꠡꠙꠤꠀ ꠎꠥꠟꠥꠝ ꠀꠞ ꠎꠣꠘꠦ ꠝꠣꠞꠔꠣꠝ, ꠛꠦꠐꠣꠁꠘ-ꠛꠦꠐꠤꠘꠞꠦ ꠛꠣꠘ꠆ꠖꠤꠀ ꠘꠤꠀ ꠎꠦꠟ ꠈꠣꠘꠣꠔ ꠢꠣꠞꠣꠁꠔꠣꠝ।

Injil 5: Sahabi Nama 3:17

“ꠅ ꠜꠣꠁ ꠅꠇꠟ, ꠀꠝꠤ ꠅꠈꠘ ꠎꠣꠘꠤ ꠀꠙꠘꠣꠁꠘ꠆ꠔꠞ ꠝꠥꠞꠛ꠆ꠛꠤ-ꠡꠣꠟꠤꠡ ꠅꠇꠟꠞ ꠟꠣꠈꠣꠘ ꠀꠙꠘꠣꠞꠣꠅ ꠘꠣ-ꠛꠥꠎꠤꠀ ꠁ ꠇꠣꠝ ꠇꠞꠤꠟꠤꠍꠂꠘ।

Injil 5: Sahabi Nama 8:3

ꠅꠁꠟꠦ ꠡꠃꠟꠦ ꠎꠝꠣꠔꠞꠦ ꠛꠤꠘꠣꠡ ꠇꠞꠣꠞ ꠘꠤꠅꠔꠦ, ꠊꠞꠅ ꠊꠞꠅ ꠢꠣꠝꠣꠁꠀ ꠁꠝꠣꠘꠖꠣꠞ ꠛꠦꠐꠣꠁꠘ-ꠛꠦꠐꠤꠘꠞꠦ ꠛꠘ꠆ꠖꠤ ꠇꠞꠤ ꠐꠣꠘꠤꠀ ꠍꠦꠌꠠꠣꠁꠀ ꠎꠦꠟ ꠈꠣꠘꠣꠔ ꠢꠣꠞꠣꠘꠤꠔ ꠟꠣꠉꠟꠣ।

Injil 5: Sahabi Nama 9:1

ꠁ ꠡꠝꠄꠅ ꠡꠃꠟꠦ ꠀꠟ-ꠝꠍꠤꠞ ꠃꠝ꠆ꠝꠔ ꠅꠇꠟꠞꠦ ꠎꠣꠘꠦ ꠝꠣꠞꠔꠣ ꠇꠞꠤ ꠒꠞ ꠖꠦꠈꠣꠘꠤꠔ ꠞꠁꠍꠂꠘ। ꠀꠞ ꠖꠣꠝꠦꠡ꠆ꠇ ꠡꠢꠞꠞ ꠁꠢꠥꠖꠤꠞ ꠝꠍꠤꠖꠣꠁꠘ꠆ꠔꠅ ꠖꠦꠅꠀꠞ ꠟꠣꠉꠤ ꠔꠣꠁꠘ ꠙꠞꠗꠣꠘ ꠁꠝꠣꠝꠞ ꠉꠦꠍ ꠕꠣꠇꠤ ꠌꠤꠑꠤ ꠌꠣꠁꠟꠣ, ꠎꠔ ꠛꠦꠐꠣꠁꠘ-ꠛꠦꠐꠤꠘ ꠁꠍꠣꠞ ꠙꠕꠦ ꠌꠟꠂꠘ, ꠔꠣꠞꠣꠞꠦ ꠛꠣꠘ꠆ꠖꠤꠀ ꠎꠦꠞꠥꠎꠣꠟꠦꠝꠅ ꠀꠘꠔꠣ ꠅꠃ ꠈꠦꠝꠔꠣ ꠙꠣꠅꠀꠞ ꠟꠣꠉꠤ ꠌꠤꠑꠤ ꠌꠣꠁꠟꠣ।

Injil 5: Sahabi Nama 9:13

ꠅꠘꠘꠤꠅꠄ ꠇꠁꠟꠣ, “ꠝꠣꠟꠤꠇ, ꠀꠝꠤ ꠛꠃꠔ ꠝꠣꠘꠡꠞ ꠉꠦꠍꠦ ꠁ ꠝꠣꠘꠥꠡꠉꠥꠞ ꠈꠣꠁꠍꠟꠔ ꠢꠥꠘꠍꠤ, ꠢꠦ ꠎꠦꠞꠥꠎꠣꠟꠦꠝꠅ ꠔꠥꠝꠣꠞ ꠙꠣꠇ ꠛꠘ꠆ꠖꠣ ꠅꠇꠟꠞ ꠃꠙꠞꠦ ꠛꠃꠔ ꠎꠥꠟꠥꠝ ꠇꠞꠍꠦ।

Injil 5: Sahabi Nama 9:5

ꠡꠃꠟꠦ ꠎꠤꠇꠣꠁꠟꠣ, “ꠝꠣꠟꠤꠇ, ꠀꠙꠘꠦ ꠇꠦ?” ꠔꠣꠁꠘ ꠇꠁꠟꠣ, “ꠀꠝꠤ ꠁꠍꠣ, ꠎꠦꠘꠞꠦ ꠔꠥꠝꠤ ꠎꠥꠟꠥꠝ ꠇꠞꠞꠣꠄ।

Injil 7: 1-Korintia 15:9

ꠍꠣꠢꠣꠛꠤ ꠅꠇꠟꠞ ꠝꠣꠎꠦ ꠀꠝꠤꠃ ꠢꠇꠟ ꠕꠣꠇꠤ ꠘꠉꠁꠘ꠆ꠘ, ꠀꠝꠤ ꠔ ꠍꠣꠢꠣꠛꠤ ꠇꠁꠀ ꠙꠞꠤꠌꠄ ꠖꠤꠛꠣꠞ ꠟꠣꠈ ꠘꠣꠄ, ꠀꠉꠦ ꠀꠝꠤ ꠀꠟ꠆ꠟꠣꠞ ꠎꠝꠣꠔꠞ ꠃꠙꠞꠦ ꠎꠥꠟꠥꠝ ꠇꠞꠔꠣꠝ।

Injil 7: 1-Korintia 7:25

ꠅꠈꠘ ꠀꠝꠤ ꠀꠛꠤꠀꠔꠤ ꠙꠥꠠꠤꠘ꠆ꠔꠞ ꠝꠥꠍꠟꠣꠞ ꠛꠦꠙꠣꠞꠦ ꠇꠁꠞꠣꠝ। ꠁ ꠛꠦꠙꠣꠞꠦ ꠝꠣꠟꠤꠇꠞ ꠉꠦꠍ ꠕꠣꠇꠤ ꠀꠝꠤ ꠡꠞꠣꠡꠞꠤ ꠇꠥꠘꠥ ꠢꠥꠇꠥꠝ ꠙꠣꠁꠍꠤ ꠘꠣ, ꠅꠁꠟꠦ ꠀꠟ꠆ꠟꠣꠞ ꠞꠢꠝꠔꠦ ꠢꠇ-ꠢꠣꠟꠣꠟ ꠞꠁꠀ ꠀꠝꠤ ꠀꠝꠣꠞ ꠝꠔꠣꠝꠔ ꠎꠣꠘꠣꠁꠞꠣꠝ।

Injil 9: Galatia 1:13

ꠀꠝꠤ ꠀꠉꠦ ꠎꠦꠛꠟꠣ ꠁꠢꠥꠖꠤ ꠗꠞ꠆ꠝ ꠝꠣꠘꠔꠣꠝ, ꠢꠃ ꠡꠝꠄ ꠀꠝꠣꠞ ꠌꠣꠟ-ꠌꠟꠘ ꠇꠤꠟꠣ ꠀꠍꠤꠟ ꠁꠔꠣ ꠔ ꠔꠥꠝꠞꠣ ꠢꠥꠘꠍ। ꠀꠝꠤ ꠀꠟ꠆ꠟꠣꠞ ꠎꠝꠣꠔ ꠅꠇꠟꠞꠦ ꠇꠔ ꠛꠦꠡꠤ ꠎꠥꠟꠥꠝ ꠇꠞꠔꠣꠝ, ꠀꠞ ꠁꠔꠣꠞꠦ ꠛꠤꠘꠣꠡ ꠇꠞꠣꠞ ꠌꠦꠡ꠆ꠐꠣꠔ ꠀꠍꠟꠣꠝ, ꠄꠅꠔꠣ ꠔꠥꠝꠞꠣ ꠎꠣꠘ।

Injil 11: Filifia 3:6

ꠡꠞꠤꠅꠔ ꠝꠣꠘꠣꠞ ꠛꠦꠙꠣꠞꠦ ꠇꠥꠘꠥ ꠝꠣꠘꠡꠦ ꠀꠝꠣꠞ ꠈꠥꠔ ꠛꠣꠞ ꠇꠞꠔ ꠙꠣꠞꠍꠦ ꠘꠣ। ꠗꠞ꠆ꠝꠞ ꠛꠦꠙꠣꠞꠦ ꠀꠝꠤ ꠈꠥꠛ ꠇꠠꠣ, ꠀꠟ-ꠝꠍꠤꠞ ꠎꠝꠣꠔꠞ ꠃꠙꠞꠦꠅ ꠀꠝꠤ ꠎꠥꠟꠥꠝ ꠇꠞꠔꠣꠝ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:16

ꠅꠔꠣꠞ ꠟꠣꠉꠤꠃ ꠀꠟ꠆ꠟꠣꠄ ꠀꠝꠣꠞꠦ ꠖꠄꠀ ꠇꠞꠍꠂꠘ, ꠎꠣꠔꠦ ꠀꠝꠣꠞ ꠝꠔ ꠙꠞꠗꠣꠘ ꠉꠥꠘꠣꠉꠣꠞꠞ ꠝꠣꠎꠖꠤ ꠁꠍꠣ ꠀꠟ-ꠝꠍꠤꠄ ꠔꠣꠘ ꠡꠤꠝꠣ ꠍꠣꠠꠣ ꠍꠛꠞꠉꠣꠞꠤ ꠖꠦꠈꠣꠁꠔꠣ ꠙꠣꠞꠂꠘ, ꠀꠞ ꠔꠣꠘ ꠃꠙꠞꠦ ꠁꠝꠣꠘ ꠀꠘꠣꠄ ꠎꠦꠞꠣ ꠀꠈꠦꠞꠤ ꠎꠤꠘ꠆ꠖꠦꠉꠤ ꠙꠣꠁꠛꠣ, ꠔꠣꠞꠣ ꠎꠣꠘꠥ ꠀꠝꠣꠞꠦ ꠖꠦꠈꠤꠀ ꠀꠟ꠆ꠟꠣꠁ ꠙꠕ ꠛꠥꠎꠂꠘ।

Injil 19: Ibrani 4:16

ꠄꠞꠟꠣꠉꠤ ꠀꠃꠇ꠆ꠇꠣ, ꠀꠝꠞꠣ ꠢꠤꠝ꠆ꠝꠔ ꠇꠞꠤꠀ ꠀꠟ꠆ꠟꠣꠞ ꠞꠢꠝꠔꠞ ꠔꠈ꠆ꠔꠞ ꠇꠤꠘꠣꠞꠅ ꠎꠣꠁ, ꠎꠣꠔꠦ ꠝꠦꠢꠦꠞꠛꠣꠘꠤ ꠢꠣꠍꠤꠟ ꠇꠞꠔꠣꠝ ꠙꠣꠞꠤ, ꠀꠞ ꠎꠦꠟꠣꠈꠣꠘ ꠞꠢꠝꠔꠞ ꠉꠞꠎ ꠀꠍꠦ, ꠅꠃ ꠟꠣꠈꠣꠘ ꠞꠢꠝꠔꠅ ꠙꠣꠁ।

ꠁꠘ꠆ꠎꠤꠟ ২১: ১-ꠙꠤꠔꠞ 2:10

ꠀꠉꠦ ꠔ ꠔꠥꠝꠞꠣ ꠀꠟ꠆ꠟꠣꠞ ꠙ꠆ꠞꠎꠣ ꠀꠍꠟꠣꠄ ꠘꠣ, ꠅꠁꠟꠦ ꠅꠈꠘ ꠅꠁꠍ। ꠀꠉꠦ ꠔꠣꠘ ꠝꠣꠄꠀ-ꠝꠢꠛ꠆ꠛꠔꠅ ꠙꠣꠁꠍ ꠘꠣ, ꠅꠈꠘ ꠙꠣꠁꠍ।