ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:1 - Siloṭi Asmani Kitab (Nagri lipi)

¹ ꠀꠝꠤ ꠙꠣꠃꠟꠥꠍ ꠔ ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣ ꠙꠣꠇ ꠀꠞ ꠀꠝꠞꠣꠞ ꠀꠡꠣ-ꠜꠞꠡꠣ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠢꠥꠇꠥꠝꠦ ꠔꠣꠘ ꠍꠣꠢꠣꠛꠤ ꠅꠁꠍꠤ।

ছিলটি আছমানি কিতাব (বাংলা লিপি)

¹ আমি পাউলুছ তো আমরার তরানেআলা আল্লা পাক আর আমরার আশা-ভরসা হজরত ইছা আল-মসীর হুকুমে তান সাহাবি অইছি।

Siloṭi Asmani Kitab (Latin lipi)

¹ Ami Paulus to amrar toraneala Alla Pak ar amrar asha-borosha Hozrot Isa al-Mosir hukume tan sahabi oisi.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:1 Iomraidhean Croise

Injil 3: Luk 1:47

ꠛꠦꠢꠦꠡ꠆ꠔꠤ ꠈꠥꠡꠤꠄ ꠜꠞꠤꠉꠦꠍꠦ ꠀꠝꠣꠞ ꠅꠘ꠆ꠔꠞ, ꠔꠞꠣꠅꠞꠣ ꠌꠣꠘ꠆ꠖ ꠀꠁꠍꠂꠘ, ꠅꠜꠣꠉꠤꠘꠤꠞ ꠊꠞ।

Injil 3: Luk 2:11

ꠢꠥꠘꠅ, ꠔꠥꠝꠞꠣꠞ ꠔꠞꠣꠘꠦꠀꠟꠣ ꠀꠁꠎ ꠖꠣꠃꠖꠞ ꠉꠣꠃꠔ ꠎꠘꠝ ꠟꠁꠍꠂꠘ। ꠔꠣꠁꠘꠃ ꠀꠟ-ꠝꠍꠤ, ꠔꠣꠁꠘꠃ ꠝꠣꠟꠤꠇ।

Injil 5: Sahabi Nama 9:15

ꠅꠁꠟꠦ ꠝꠣꠟꠤꠇꠦ ꠔꠣꠘꠞꠦ ꠇꠁꠟꠣ, “ꠔꠥꠝꠤ ꠎꠣꠅ, ꠇꠣꠞꠘ ꠅ-ꠁꠢꠥꠖꠤ ꠅꠇꠟ, ꠔꠣꠞꠣꠞ ꠞꠣꠎꠣ ꠅꠇꠟ, ꠀꠞ ꠛꠘꠤ ꠁꠍꠞꠣꠁꠟꠞ ꠉꠦꠍꠦ ꠀꠝꠣꠞ ꠘꠣꠝ ꠔꠛꠟꠤꠉꠞ ꠟꠣꠉꠤ ꠀꠝꠤ ꠔꠣꠞꠦ ꠙꠍꠘ꠆ꠖ ꠇꠞꠍꠤ।

Injil 6: Ruman 1:1

ꠀꠝꠤ ꠙꠣꠃꠟꠥꠍ ꠔ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠞꠥꠝꠣꠘ ꠛꠣꠖꠡꠣꠁꠞ ꠞꠣꠎꠗꠣꠘꠤ ꠞꠥꠝ ꠐꠣꠃꠘꠞ ꠝꠥꠝꠤꠘ ꠅꠇꠟꠞ ꠉꠦꠍꠦ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ। ꠀꠟ꠆ꠟꠣ ꠙꠣꠇꠦ ꠀꠝꠣꠞꠦ ꠙꠍꠘ꠆ꠖ ꠇꠞꠤꠀ ꠀꠘꠍꠂꠘ ꠀꠟ-ꠝꠍꠤꠞ ꠍꠣꠢꠣꠛꠤ ꠅꠀꠞ ꠟꠣꠉꠤ ꠀꠞ ꠔꠣꠘ ꠛꠣꠔꠣꠁꠟ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠞ ꠟꠣꠉꠤ।

Injil 7: 1-Korintia 1:1

ꠀꠝꠤ ꠙꠣꠃꠟꠥꠍ, ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤꠄ ꠀꠟ꠆ꠟꠣꠁ ꠖꠣꠅꠔ ꠙꠣꠁꠀ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ ꠅꠁꠍꠤ। ꠀꠝꠤ ꠀꠞ ꠀꠝꠣꠞ ꠝꠥꠝꠤꠘ ꠜꠣꠁ ꠍꠥꠍꠤꠘꠦ,

Injil 7: 1-Korintia 9:17

ꠅꠁꠟꠦ ꠀꠝꠤ ꠎꠥꠖꠤ ꠈꠥꠡꠤ ꠝꠘꠦ ꠔꠛꠟꠤꠉ ꠇꠞꠤ, ꠔꠦ ꠔ ꠀꠝꠣꠞ ꠙꠥꠞꠥꠡ꠆ꠇꠣꠞ ꠀꠍꠦ, ꠀꠞ ꠎꠥꠖꠤ ꠘꠤꠎꠞ ꠈꠥꠡꠤꠄ ꠘꠣ-ꠅ ꠇꠞꠤ, ꠔꠦ ꠝꠣꠟꠤꠇꠞ ꠖꠦꠅꠀ ꠎꠤꠝ꠆ꠝꠣꠖꠣꠞ ꠢꠤꠡꠣꠛꠦ ꠔ ꠇꠞꠤꠀꠞ।

Injil 8: 2-Korintia 1:1

ꠀꠝꠤ ꠙꠣꠃꠟꠥꠍ, ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤ ꠝꠣꠚꠤꠇ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ। ꠇꠞꠤꠘ꠆ꠔ ꠐꠣꠃꠘꠞ ꠁꠍꠣꠄꠁ ꠎꠝꠣꠔ ꠀꠞ ꠀꠡ꠆ꠔꠣ ꠉ꠆ꠞꠤꠍ ꠖꠦꠡꠞ ꠝꠣꠎꠦ ꠀꠟ꠆ꠟꠣꠞ ꠎꠔ ꠙꠣꠇ ꠛꠘ꠆ꠖꠣ ꠅꠇꠟ ꠛꠡꠔ ꠇꠞꠂꠘ, ꠄꠞꠣꠞ ꠉꠦꠍꠦ ꠀꠝꠤ ꠀꠞ ꠀꠝꠞꠣꠞ ꠝꠥꠝꠤꠘ ꠜꠣꠁ ꠔꠤꠝꠕꠤꠄ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ।

Injil 9: Galatia 1:1

ꠀꠝꠤ ꠙꠣꠃꠟꠥꠍ, ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠍꠣꠢꠣꠛꠤ। ꠀꠝꠤ ꠇꠥꠘꠥ ꠝꠣꠘꠡꠞ ꠢꠥꠇꠥꠝ-ꠙꠞꠣꠝꠤꠡꠦ ꠛꠣ ꠇꠥꠘꠥ ꠝꠣꠘꠡꠞ ꠃꠍꠤꠟ꠆ꠟꠣꠄ ꠍꠣꠢꠣꠛꠤ ꠅꠁꠍꠤ ꠘꠣ। ꠈꠣꠟꠤ ꠁꠍꠣ ꠀꠟ-ꠝꠍꠤ ꠀꠞ ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ, ꠎꠦꠁꠘ ꠀꠟ-ꠝꠍꠤꠞꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠤ ꠔꠥꠟꠍꠂꠘ, ꠄꠞꠣꠞ ꠉꠦꠍ ꠕꠣꠇꠤꠃ ꠈꠦꠟꠣꠚꠔꠤ ꠙꠣꠁꠍꠤ।

Injil 9: Galatia 1:11

ꠅ ꠜꠣꠁꠍꠣꠛ ꠅꠇꠟ, ꠀꠙꠘꠣꠞꠣ ꠎꠣꠘꠤꠀ ꠞꠣꠈꠃꠇ꠆ꠇꠣ, ꠀꠝꠤ ꠎꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠍꠤ, ꠁꠔꠣ ꠔ ꠇꠥꠘꠥ ꠝꠣꠘꠡꠞ ꠛꠣꠘꠣꠁꠟ ꠝꠔꠛꠣꠖ ꠘꠣꠄ।

Injil 12: Kolosia 1:27

ꠀꠟ꠆ꠟꠣꠄ ꠌꠣꠁꠍꠂꠘ, ꠜꠤꠘ ꠎꠣꠔꠤ ꠅꠇꠟꠞ ꠉꠦꠍꠦꠅ ꠔꠣꠘ ꠛꠣꠔꠥꠘꠤ ꠝꠥꠘꠡꠣꠞ ꠉꠃꠞꠛ ꠎꠦ ꠇꠤꠔꠣ, ꠁꠔꠣ ꠎꠦꠘꠥ ꠔꠣꠘ ꠢꠇꠟ ꠛꠘ꠆ꠖꠣ ꠅꠇꠟꠦ ꠎꠣꠘꠔꠣ ꠙꠣꠞꠂꠘ। ꠀꠍꠟꠦ ꠀꠟ-ꠝꠍꠤ ꠔꠥꠝꠞꠣꠞ ꠖꠤꠟꠅ ꠀꠍꠂꠘ, ꠉꠔꠤꠇꠦ ꠔꠥꠝꠞꠣ ꠉꠃꠞꠛ ꠙꠣꠅꠀꠞ ꠀꠡꠣ ꠙꠣꠁꠍ।

ইঞ্জিল ১৪: ২-থিষল: 2:16

ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠦ ꠀꠞ ꠡ꠆ꠛꠄꠅꠋ ꠁꠍꠣ ꠀꠟ-ꠝꠍꠤꠄ ꠔꠥꠝꠞꠣꠞ ꠖꠤꠟꠅ ꠘꠦꠇ ꠃꠔꠡꠣꠢ ꠖꠣꠘ ꠇꠞꠃꠇ꠆ꠇꠣ, ꠢꠇꠟ ꠘꠝꠥꠘꠣꠞ ꠘꠦꠇ ꠇꠣꠝ ꠀꠞ ꠝꠣꠔ-ꠇꠕꠣꠞ ꠝꠣꠎꠦ ꠕꠤꠞ ꠞꠣꠈꠃꠇ꠆ꠇꠣ। ꠔꠣꠁꠘꠃ ꠀꠝꠞꠣꠞꠦ ꠝꠢꠛ꠆ꠛꠔ ꠇꠞꠍꠂꠘ, ꠔꠣꠁꠘ ꠞꠢꠝ ꠇꠞꠤꠀ ꠌꠤꠞꠇꠣꠟꠤꠘ ꠃꠔꠡꠣꠢ ꠀꠞ ꠈꠥꠡꠤ-ꠛꠣꠡꠤꠞ ꠀꠡꠣ ꠖꠣꠘ ꠇꠞꠍꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:12

ꠢꠎꠞꠔ ꠁꠍꠣ ꠀꠟ-ꠝꠍꠤ, ꠎꠦꠁꠘ ꠀꠝꠞꠣꠞ ꠝꠣꠟꠤꠇ, ꠔꠣꠁꠘ ꠀꠝꠣꠞꠦ ꠛꠟ ꠎꠥꠉꠣꠁꠍꠂꠘ, ꠀꠝꠣꠞꠦ ꠢꠇ-ꠢꠣꠟꠣꠟ ꠝꠘꠅ ꠇꠞꠤꠀ ꠔꠣꠘ ꠇꠣꠝꠅ ꠛꠅꠀꠁꠟ ꠇꠞꠍꠂꠘ, ꠄꠞꠟꠣꠉꠤ ꠀꠝꠤ ꠔꠣꠘ ꠖꠞꠛꠣꠞꠅ ꠡꠥꠇꠞꠤꠀ ꠎꠣꠘꠣꠁꠞꠣꠝ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:3

ꠁꠔꠣ ꠔ ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣꠞ ꠘꠎꠞꠅ ꠘꠦꠇ ꠇꠣꠝ, ꠁꠔꠣꠄ ꠔꠣꠁꠘ ꠈꠥꠡꠤ ꠅꠁꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:7

ꠀꠞ ꠅꠃ ꠡꠣꠇ꠆ꠇꠤ ꠖꠤꠛꠣꠞ ꠟꠣꠉꠤ ꠀꠟ꠆ꠟꠣꠄ ꠀꠝꠣꠞꠦ ꠔꠛꠟꠤꠉ ꠇꠣꠝꠅ, ꠍꠣꠢꠣꠛꠤ ꠙꠖꠅ ꠛꠅꠀꠁꠟ ꠇꠞꠍꠂꠘ, ꠔꠣꠁꠘ ꠀꠝꠣꠞꠦ ꠖꠣꠄꠁꠔ꠆ꠔ ꠖꠤꠍꠂꠘ, ꠜꠤꠘ ꠎꠣꠔꠤꠞ ꠉꠦꠍꠦ ꠁꠝꠣꠘ ꠀꠞ ꠀꠟ꠆ꠟꠣꠁ ꠢꠇꠞ ꠃꠡ꠆ꠔꠣꠖ ꠢꠤꠡꠣꠛꠦ। ꠀꠝꠤ ꠁꠔꠣ ꠢꠇ ꠝꠣꠔ ꠝꠣꠔꠤꠀꠞ, ꠝꠤꠍꠣ ꠇꠥꠘ꠆ꠔꠣ ꠘꠣꠄ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:10

ꠄꠞꠟꠣꠉꠤꠃ ꠀꠝꠞꠣ ꠎꠣꠘꠦ-ꠙꠞꠣꠘꠦ ꠁꠝꠣꠘꠞ ꠝꠦꠘꠔ ꠇꠞꠤꠀꠞ ꠀꠞ ꠈꠤꠀꠟꠤ ꠅꠁꠀ ꠇꠣꠝ ꠇꠞꠤꠀꠞ। ꠇꠣꠞꠘ ꠀꠝꠞꠣ ꠔ ꠎꠤꠘ꠆ꠖꠣ ꠀꠟ꠆ꠟꠣꠞ ꠃꠙꠞꠦ ꠜꠞꠡꠣ ꠇꠞꠤ। ꠔꠣꠁꠘꠃ ꠢꠇꠟ ꠝꠣꠘꠡꠞ ꠔꠞꠣꠘꠦꠀꠟꠣ, ꠈꠣꠍ ꠇꠞꠤ ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ।

Injil 17: Titas 1:3

ꠔꠣꠁꠘ ꠔꠣꠘ ꠇꠣꠟꠣꠝ ꠡꠑꠤꠇ ꠡꠝꠄꠄ ꠎꠣꠁꠞ ꠇꠞꠍꠂꠘ, ꠀꠞ ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣꠞ ꠢꠥꠇꠥꠝ ꠝꠣꠚꠤꠇ ꠁꠔꠣ ꠔꠛꠟꠤꠉ ꠇꠞꠣꠞ ꠜꠣꠞ ꠀꠝꠣꠞ ꠀꠔꠅ ꠖꠦꠅꠀ ꠅꠁꠍꠦ।

Injil 17: Titas 2:10

ꠝꠥꠘꠤꠛꠞ ꠝꠣꠟ-ꠍꠣꠝꠣꠘꠣ ꠌꠥꠞꠤ ꠘꠣ ꠇꠞꠂꠘ, ꠛꠞꠋ ꠘꠤꠎꠞ ꠢꠇ-ꠢꠣꠟꠣꠟꠤꠞ ꠙꠞꠝꠣꠘ ꠖꠦꠈꠣꠁꠀ ꠢꠣꠞꠤ, ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣꠞ ꠛꠦꠙꠣꠞꠦ ꠎꠦ ꠔꠣꠟꠤꠝ ꠀꠍꠦ, ꠅꠃ ꠔꠣꠟꠤꠝꠞꠦ ꠢꠇ꠆ꠇꠟ ꠘꠝꠥꠘꠣꠄ ꠡꠥꠘ꠆ꠖꠞ ꠇꠞꠤ ꠢꠣꠎꠣꠁꠘ।

Injil 17: Titas 2:13

ꠄꠞꠟꠉꠦ ꠀꠝꠞꠣꠞ ꠖꠤꠟꠞ ꠙꠞꠝ ꠀꠡꠣ ꠙꠥꠞꠘꠞ ꠟꠣꠉꠤ ꠛꠣꠞ ꠌꠣꠁ, ꠀꠟ꠆ꠟꠣꠔꠣꠟꠣ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠡꠣꠘ-ꠝꠢꠤꠝꠣ ꠎꠣꠁꠞ ꠅꠀꠞ ꠈꠥꠡꠤ-ꠛꠣꠡꠤ ꠙꠥꠞꠘꠞ ꠟꠣꠉꠤ ꠛꠣꠞ ꠌꠣꠁ।

Injil 17: Titas 3:4

ꠅꠁꠟꠦ ꠀꠝꠞꠣꠞ ꠔꠞꠣꠘꠦꠀꠟꠣ ꠀꠟ꠆ꠟꠣꠞ ꠞꠢꠝꠔ ꠀꠞ ꠝꠢꠛ꠆ꠛꠔ ꠎꠦꠛꠟꠣ ꠎꠣꠁꠞ ꠅꠁꠟ,

Injil 17: Titas 3:6

ꠀꠝꠞꠣꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠝꠣꠎꠖꠤ ꠔꠣꠁꠘ ꠈꠥꠟꠣ ꠀꠔꠦ ꠀꠝꠞꠣꠞ ꠝꠣꠎꠦ ꠅꠃ ꠙꠣꠇ ꠞꠥꠢꠥ ꠓꠣꠟꠤꠀ ꠖꠤꠍꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:21

ꠀꠟ꠆ꠟꠣꠄ ꠄꠘꠞꠦ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠇꠞꠤ ꠔꠥꠟꠤꠀ ꠝꠢꠤꠝꠣ ꠖꠣꠘ ꠇꠞꠍꠂꠘ ꠀꠞ ꠔꠣꠘ ꠝꠣꠎꠖꠤ ꠔꠥꠝꠞꠣ ꠀꠟ꠆ꠟꠣꠞ ꠃꠙꠞꠦ ꠁꠝꠣꠘ ꠀꠘꠍ। ꠄꠞꠟꠣꠉꠤꠃ ꠔꠥꠝꠞꠣꠞ ꠁꠝꠣꠘ ꠀꠞ ꠀꠡꠣ ꠀꠟ꠆ꠟꠣꠞ ꠃꠙꠞꠦꠃ ꠀꠍꠦ।

ꠁꠘ꠆ꠎꠤꠟ ২১: ১-ꠙꠤꠔꠞ 1:3

ꠢꠃ ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠅꠃꠇ, ꠎꠦꠁꠘ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠝꠣꠛꠥꠖ ꠀꠞ ꠉꠣꠁꠛꠤ ꠛꠣꠚ। ꠔꠣꠁꠘ ꠁꠍꠣ ꠀꠟ-ꠝꠍꠤꠞꠦ ꠝꠞꠣ ꠕꠣꠇꠤ ꠎꠤꠘ꠆ꠖꠣ ꠇꠞꠤꠀ, ꠔꠣꠘ ꠝꠢꠣ ꠖꠄꠀꠄ ꠀꠝꠞꠣꠞꠦ ꠘꠄꠀ ꠎꠘꠝ ꠖꠣꠘ ꠇꠞꠍꠂꠘ, ꠄꠔꠦ ꠀꠝꠞꠣ ꠄꠇ ꠎꠤꠘ꠆ꠖꠣ ꠀꠡꠣ ꠙꠣꠁꠍꠤ।

ꠁꠘ꠆ꠎꠤꠟ ২২: ২-ꠙꠤꠔꠞ 1:1

ꠀꠝꠤ ꠍꠣꠁꠝꠘ-ꠙꠤꠔꠞ, ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠉꠥꠟꠣꠝ ꠀꠞ ꠍꠣꠢꠣꠛꠤ। ꠔꠥꠝꠞꠣ ꠎꠦꠞꠣ ꠀꠝꠞꠣꠞ ꠟꠣꠈꠣꠘ, ꠀꠝꠞꠣꠞ ꠀꠟ꠆ꠟꠣ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠙꠣꠇ-ꠙꠞꠦꠎꠉꠣꠞꠤꠄ ꠄꠇꠁ ꠟꠣꠈꠣꠘ ꠝꠢꠣ ꠖꠣꠝꠤ ꠁꠝꠣꠘ ꠢꠣꠍꠤꠟ ꠇꠞꠍ, ꠀꠝꠤ ꠔꠥꠝꠞꠣꠞ ꠉꠦꠍꠦ ꠟꠦꠈꠞꠣꠝ।

Injil 23: 1-Hannan 4:14

ꠀꠝꠞꠣ ꠘꠤꠎꠦ ꠖꠦꠈꠍꠤ, ꠖꠦꠈꠤꠀ ꠢꠣꠞꠤ ꠅꠃ ꠡꠣꠇ꠆ꠇꠤ ꠖꠤꠞꠣꠝ, ꠎꠉꠔꠞ ꠔꠞꠣꠘꠦꠀꠟꠣ ꠇꠣꠘ꠆ꠒꠣꠞꠤ ꠢꠤꠡꠣꠛꠦ, ꠉꠣꠁꠛꠤ ꠛꠣꠚꠦ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞꠦ ꠛꠦꠎꠤꠍꠂꠘ।

Injil 26: Ehuda 1:25

ꠢꠃ ꠄꠇꠝꠣꠔ꠆ꠞ ꠀꠟ꠆ꠟꠣ ꠎꠦꠁꠘ ꠀꠝꠞꠣꠞ ꠎꠣꠘ ꠛꠣꠌꠣꠁꠘ, ꠔꠣꠘ ꠎꠣꠟꠣꠟ-ꠡꠣꠘ, ꠝꠢꠤꠝꠣ, ꠇꠥꠖꠞꠔꠤ ꠛꠟ-ꠡꠇ꠆ꠔꠤ, ꠀꠞ ꠞꠣꠎ-ꠈꠦꠝꠔꠣ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠎꠣꠁꠞ ꠅꠃꠇ, ꠢꠇ꠆ꠇꠟ ꠎꠥꠉꠞ ꠀꠉ ꠕꠣꠇꠤ ꠅꠈꠘ ꠙꠞ꠆ꠎꠘ꠆ꠔ ꠀꠞ ꠎꠥꠉꠦ ꠎꠥꠉꠦ ꠢꠞ-ꠢꠣꠝꠦꠡꠣꠃ ꠅꠟꠣ ꠅꠃꠇ। ꠀꠝꠤꠘ॥