ইঞ্জিল ১৩: ১-থিষল: 5:4 - Siloṭi Asmani Kitab (Nagri lipi)

⁴ ꠜꠣꠁ ꠅꠇꠟ, ꠔꠥꠝꠞꠣ ꠇꠥꠘꠥ ꠀꠘ꠆ꠖꠣꠞꠤꠞ ꠝꠣꠎꠦ ꠛꠡꠔ ꠇꠞꠞꠣꠄ ꠘꠤ ꠎꠦꠘ, ꠢꠃ ꠖꠤꠘ ꠀꠈꠔꠣꠃ ꠌꠥꠞꠞ ꠟꠣꠈꠣꠘ ꠔꠥꠝꠞꠣꠞ ꠃꠙꠞꠦ ꠀꠁꠔ?

ছিলটি আছমানি কিতাব (বাংলা লিপি)

⁴ ভাই অকল, তুমরা কুনু আন্দারির মাজে বসত কররায় নি যেন, হউ দিন আখতাউ চুরর লাখান তুমরার উপরে আইতো?

Siloṭi Asmani Kitab (Latin lipi)

⁴ Bai oḳol, tumra kunu andarir maze boshot ḳorrae ni zen, hou din aḳta-u suror laḳan tumrar ufre aito?

ইঞ্জিল ১৩: ১-থিষল: 5:4 Iomraidhean Croise

Injil 23: 1-Hannan 2:8

ꠁꠐꠣꠞꠦ ꠙꠥꠞꠣꠘꠣ ꠇꠁꠟꠦꠅ ꠀꠍꠟꠦ ꠁꠐꠣ ꠘꠄꠀ। ꠅꠃ ꠢꠥꠇꠥꠝꠞ ꠢꠇꠤꠇꠔꠤꠄ ꠁꠍꠣ ꠀꠟ-ꠝꠍꠤ ꠌꠟꠔꠣ, ꠀꠞ ꠔꠥꠝꠞꠣꠞ ꠎꠤꠘ꠆ꠖꠦꠉꠤꠔꠅ ꠁꠔꠣ ꠀꠍꠦ। ꠖꠦꠈꠞꠣꠄ ꠘꠤ, ꠀꠘ꠆ꠖꠣꠁꠞ ꠇꠣꠐꠤ ꠎꠣꠞ, ꠀꠍꠟ ꠘꠥꠞ ꠅꠈꠘ ꠎꠣꠁꠞ ꠅꠞ।

ꠁꠘ꠆ꠎꠤꠟ ২২: ২-ꠙꠤꠔꠞ 3:10

ꠅꠁꠟꠦ ꠝꠣꠟꠤꠇ ꠁꠍꠣ ꠀꠁꠛꠣꠞ ꠖꠤꠘ ꠔ ꠌꠥꠞꠞ ꠟꠣꠈꠣꠘ ꠀꠈꠔꠣꠃ ꠀꠁꠛ। ꠢꠃ ꠖꠤꠘ ꠀꠍꠝꠣꠘꠦ ꠢꠥ ꠢꠥ ꠀꠅꠀꠎ ꠇꠞꠤꠀ ꠛꠤꠘꠣꠡ ꠅꠁꠛ ꠀꠞ ꠙꠄꠖꠣ ꠇꠞꠣ ꠢꠇꠟꠔꠣ ꠀꠉꠥꠁꠘꠦ ꠉꠟꠤꠀ ꠝꠤꠟꠣꠁ ꠎꠤꠛ। ꠖꠥꠘꠤꠀ ꠀꠞ ꠄꠞ ꠝꠣꠎꠦ ꠎꠔꠔꠣ ꠇꠞꠣ ꠅꠁꠍꠦ, ꠢꠇ꠆ꠇꠟꠔꠣ ꠎꠣꠁꠞ ꠅꠁꠛ।

Injil 12: Kolosia 1:13

ꠔꠣꠁꠘꠃ ꠀꠝꠞꠣꠞꠦ ꠀꠘ꠆ꠖꠣꠁꠞꠞ ꠛꠣꠖꠡꠣꠁ ꠕꠣꠇꠤ ꠃꠖ꠆ꠖꠣꠞ ꠇꠞꠤꠀ, ꠔꠣꠘ ꠈꠣꠍ ꠝꠣꠄꠀꠞ ꠎꠘꠞ ꠛꠣꠖꠡꠣꠁꠔ ꠀꠘꠍꠂꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:45

“ꠅꠃ ꠔꠣꠝꠣꠝ ꠟꠣꠘ꠆ꠘꠔ ꠔꠥꠝꠞꠣꠞ ꠃꠙꠞꠦ ꠙꠠꠛ। ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠈꠥꠡꠤ ꠝꠣꠚꠤꠇ ꠘꠣ ꠌꠟꠣꠄ, ꠔꠣꠘ ꠢꠥꠇꠥꠝ-ꠀꠢꠇꠣꠝ ꠀꠞ ꠘꠤꠅꠝ-ꠇꠣꠘꠥꠘ ꠘꠣ ꠝꠣꠘꠣꠄ ꠅꠃ ꠟꠣꠘ꠆ꠘꠔ ꠅꠇꠟ ꠔꠥꠝꠞꠣꠞ ꠟꠉꠦ ꠟꠣꠉꠣꠁꠟ ꠞꠁꠛ। ꠁꠔꠣꠄ ꠔꠥꠝꠞꠣꠞꠦ ꠎꠣꠔꠤꠀ ꠗꠞꠤꠀ ꠛꠤꠘꠣꠡ ꠇꠞꠤꠟꠣꠁꠛ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:15

“ꠅꠁꠟꠦ ꠔꠥꠝꠞꠣ ꠎꠥꠖꠤ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠢꠥꠇꠥꠝ ꠘꠣ ꠝꠣꠘꠅ, ꠔꠣꠘ ꠎꠦꠔꠣ ꠢꠥꠇꠥꠝ-ꠀꠢꠇꠣꠝ ꠀꠞ ꠘꠤꠅꠝ-ꠇꠣꠘꠥꠘ ꠀꠁꠎ ꠀꠝꠤ ꠎꠣꠘꠣꠁꠍꠤ, ꠔꠥꠝꠞꠣ ꠈꠥꠛ ꠈꠤꠀꠟꠤ ꠅꠁꠀ ꠁꠔꠣ ꠘꠣ ꠝꠣꠘꠟꠦ, ꠔꠥꠝꠞꠣꠞ ꠃꠙꠞꠦ ꠅꠃ ꠟꠣꠘ꠆ꠘꠔ ꠅꠇꠟ ꠙꠠꠛ, ꠁꠔꠣ ꠢꠣꠝꠦꠡꠣ ꠔꠥꠝꠞꠣꠞ ꠟꠉꠦ ꠟꠉꠦ ꠞꠁꠛ:

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 19:6

ꠀꠞꠘꠣꠄ ꠈꠥꠘꠞ ꠛꠖꠟꠣ ꠟꠅꠞꠣꠄ ꠉꠥꠍꠣ ꠇꠞꠤꠀ ꠛꠖꠟꠣ ꠟꠁꠛꠣꠞ ꠘꠤꠅꠔꠦ ꠅꠃ ꠝꠣꠘꠡꠞꠦ ꠗꠞꠔ ꠌꠣꠁꠛ, ꠀꠞ ꠎꠣꠘ ꠛꠣꠌꠣꠘꠤꠞ ꠀꠡꠞꠄ ꠐꠣꠃꠘ ꠗꠣꠞꠅ ꠘꠣ ꠞꠁꠟꠦ ꠔꠣꠞꠦ ꠗꠞꠤꠀ ꠝꠣꠞꠤꠟꠔ ꠙꠣꠞꠦ। ꠀꠍꠟꠦ ꠔ ꠢꠤ ꠛꠦꠐꠣꠄ ꠁꠌ꠆ꠍꠣ ꠇꠞꠤꠀ ꠈꠥꠘ ꠇꠞꠍꠦ ꠘꠣ, ꠢꠦ ꠡꠣꠎꠣ ꠙꠣꠁꠛꠣꠞ ꠇꠕꠣ ꠘꠣꠄ।

Injil 27: Zaira Kalam 3:3

ꠄꠞꠟꠣꠉꠤ ꠔꠥꠝꠞꠣ ꠎꠦꠔꠣ ꠙꠣꠁꠍ ꠀꠞ ꠎꠦꠔꠣ ꠢꠥꠘꠍ, ꠅꠔꠣ ꠁꠀꠖ ꠞꠣꠈꠅ ꠀꠞ ꠀꠝꠟ ꠇꠞꠅ। ꠔꠥꠝꠞꠣꠞ ꠅꠈꠘꠇꠥꠞ ꠢꠣꠟꠔ ꠕꠣꠇꠤ ꠖꠤꠟ ꠛꠖꠟꠣꠅ। ꠔꠥꠝꠞꠣ ꠎꠥꠖꠤ ꠢꠎꠣꠉ ꠘꠣ ꠅꠅ, ꠔꠦ ꠀꠝꠤ ꠌꠥꠞꠞ ꠟꠣꠈꠣꠘ ꠟꠥꠇꠣꠁꠀ ꠀꠁꠝꠥ, ꠇꠥꠘ ꠛꠣꠟꠣ ꠔꠥꠝꠞꠣꠞ ꠉꠦꠍꠦ ꠀꠁꠝꠥ, ꠔꠥꠝꠞꠣ ꠐꠦꠞꠃ ꠙꠣꠁꠔꠣꠄ ꠘꠣꠄ।

Injil 5: Sahabi Nama 26:18

ꠔꠥꠝꠤ ꠔꠣꠞꠣꠞ ꠌꠃꠈ ꠈꠥꠟꠤꠀ ꠖꠤꠛꠣꠄ, ꠔꠣꠞꠣ ꠎꠣꠘꠥ ꠀꠘ꠆ꠖꠣꠁꠞ ꠕꠣꠇꠤ ꠘꠥꠞꠞ ꠛꠣꠄ, ꠡꠄꠔꠣꠘꠞ ꠖꠈꠟ ꠕꠣꠇꠤ ꠀꠟ꠆ꠟꠣꠞ ꠛꠣꠄ ꠚꠤꠞꠤꠀ ꠀꠁꠘ, ꠀꠝꠣꠞ ꠃꠙꠞꠦ ꠁꠝꠣꠘ ꠀꠘꠤꠀ ꠉꠥꠘꠣꠞ ꠝꠣꠚꠤ ꠙꠣꠁꠀ, ꠙꠞꠦꠎꠉꠣꠞ ꠛꠘ꠆ꠖꠣ ꠅꠇꠟꠞ ꠝꠣꠎꠦ ꠔꠣꠞꠣꠅ ꠖꠣꠈꠤꠟ ꠅꠁꠘ।

ꠁꠘ꠆ꠎꠤꠟ ১: ꠝꠕꠤ 10:15

ꠀꠝꠤ ꠔꠥꠝꠞꠣꠞꠦ ꠢꠣꠍꠣ ꠇꠕꠣ ꠇꠁꠞꠣꠝ, ꠢꠣꠡꠞꠞ ꠖꠤꠘ ꠅꠃ ꠉꠣꠃꠞ ꠖꠡꠣ ꠕꠣꠇꠤ, ꠢꠃ ꠟꠣꠘ꠆ꠘꠔꠤ ꠍꠣꠖꠥꠝ ꠀꠞ ꠀꠝꠥꠞꠣ ꠐꠣꠃꠘꠞ ꠖꠡꠣ ꠛꠃꠔ ꠜꠣꠟꠣ ꠅꠁꠛ।

Injil 3: Luk 21:34

“ꠔꠥꠝꠞꠣ ꠘꠤꠎꠦ ꠢꠥꠡꠤꠀꠞ ꠞꠁꠅ, ꠎꠣꠔꠦ ꠝꠎꠣꠞ ꠝꠎꠣꠞ ꠈꠣꠘꠤ, ꠝꠖ ꠈꠣꠁꠀ ꠐꠣꠟ ꠅꠀ ꠀꠞ ꠞꠥꠎꠤ-ꠞꠥꠎꠉꠣꠞꠞ ꠘꠦꠡꠣꠄ ꠀꠃꠟꠣ-ꠎꠣꠃꠟꠣ ꠘꠣ ꠅꠅ, ꠀꠞꠘꠣꠄ ꠢꠃ ꠖꠤꠘ ꠀꠁꠀ ꠀꠈꠔꠣꠃ ꠔꠥꠝꠞꠣꠞꠦ ꠚꠣꠘ꠆ꠖꠅ ꠢꠣꠞꠣꠁꠔ ꠙꠣꠞꠦ।

ইঞ্জিল ১৩: ১-থিষল: 5:2

ꠔꠥꠝꠞꠣ ꠘꠤꠎꠦꠃ ꠔ ꠜꠣꠟꠣ ꠇꠞꠤ ꠎꠣꠘ, ꠞꠣꠁꠔꠇꠥꠞ ꠛꠣꠟꠣ ꠎꠦꠟꠣ ꠀꠈꠔꠣꠃ ꠌꠥꠞ ꠀꠄ, ꠝꠣꠟꠤꠇ ꠁꠍꠣ ꠀꠁꠛꠣꠞ ꠖꠤꠘꠅ ꠑꠤꠇ ꠅꠟꠣꠃ ꠀꠁꠛ।

Injil 27: Zaira Kalam 16:15

ꠝꠘꠅ ꠞꠣꠈꠤꠅ, ꠢꠎꠞꠔ ꠁꠍꠣꠄ ꠇꠁꠞꠣ, “ꠢꠥꠘꠅ, ꠀꠝꠤ ꠔ ꠌꠥꠞꠞ ꠟꠣꠈꠣꠘ ꠘꠤꠞꠣꠟꠣꠄ ꠀꠁꠝꠥ। ꠔꠦ ꠗꠁꠘ꠆ꠘ ꠢꠃ ꠎꠘ, ꠎꠦ ꠎꠘ ꠢꠎꠣꠉ ꠞꠁꠛ ꠀꠞ ꠘꠤꠎꠞ ꠟꠦꠛꠣꠍ ꠚꠤꠘ꠆ꠖꠤꠀ ꠞꠁꠛ, ꠎꠣꠔꠦ ꠢꠦ ꠟꠦꠝꠐꠣ ꠅꠁꠀ ꠊꠥꠞꠣ ꠘꠣ ꠟꠣꠉꠦ, ꠀꠞ ꠝꠣꠘꠡꠦ ꠔꠣꠞ ꠡꠞꠝ ꠘꠣ ꠖꠦꠈꠦ।”