ইঞ্জিল ১৩: ১-থিষল: 4:9 - Siloṭi Asmani Kitab (Nagri lipi)

⁹ ꠔꠦ ꠜꠣꠁꠄ ꠜꠣꠁꠄ ꠇꠤꠟꠣ ꠝꠣꠄꠀ-ꠝꠢꠛ꠆ꠛꠔ ꠕꠣꠇꠣ ꠎꠞꠥꠞ, ꠁ ꠛꠦꠙꠣꠞꠦ ꠔꠥꠝꠞꠣꠞꠦ ꠇꠥꠘ꠆ꠔꠣ ꠟꠦꠈꠣꠞ ꠉꠞꠎ ꠘꠣꠁ, ꠇꠣꠞꠘ ꠀꠟ꠆ꠟꠣꠄ ꠔꠥꠝꠞꠣꠞꠦ ꠢꠤꠇꠣꠁꠍꠂꠘ, ꠄꠇꠦ-ꠅꠁꠘ꠆ꠘꠦ ꠝꠣꠄꠀ-ꠝꠢꠛ꠆ꠛꠔ ꠇꠞꠔꠣꠄ।

ছিলটি আছমানি কিতাব (বাংলা লিপি)

⁹ তে ভাইয়ে ভাইয়ে কিলা মায়া-মহব্বত থাকা জরুর, ই বেয়াপারে তুমরারে কুন্তা লেখার গরজ নাই, কারন আল্লায় তুমরারে হিকাইছইন, একে-অইন্যে মায়া-মহব্বত করতায়।

Siloṭi Asmani Kitab (Latin lipi)

⁹ Te baie baie kila maya-mohobbot taḳa zorur, i befare tumrare kunta leḳar goroz nai, ḳaron Allae tumrare hikaisoin, eḳe-oinne maya-mohobbot ḳortae.

ইঞ্জিল ১৩: ১-থিষল: 4:9 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 19:8

ꠁ ꠉꠥꠡ꠆ꠔ ꠇꠦꠃ ꠈꠣꠁꠟꠦ ꠢꠦ ꠘꠣꠚꠞꠝꠣꠘꠤꠞ ꠖꠣꠠꠅ ꠙꠠꠛ, ꠢꠦ ꠔ ꠝꠣꠛꠥꠖꠞ ꠘꠣꠝꠞ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡꠞꠦ ꠘꠣꠙꠣꠇ ꠛꠣꠘꠣꠁꠍꠦ। ꠔꠦ ꠔꠥꠝꠞꠣꠞ ꠡꠝꠣꠎ ꠕꠣꠇꠤ ꠔꠣꠞ ꠘꠣꠝ ꠝꠤꠐꠣꠁꠟꠤꠛꠣꠄ।

ꠁꠘ꠆ꠎꠤꠟ ১: ꠝꠕꠤ 22:39

ꠖꠥꠍꠞꠣ ꠢꠥꠇꠥꠝꠅ ꠅꠃ ꠟꠣꠈꠣꠘ, ‘ꠔꠥꠝꠞꠣꠞ ꠀꠞꠤ-ꠚꠞꠤꠞꠦ ꠘꠤꠎꠞ ꠟꠣꠈꠣꠘ ꠝꠣꠄꠀ ꠇꠞꠤꠅ।’

Injil 4: Hannan 14:26

ꠅꠃ ꠡꠣꠁꠎ꠆ꠎꠉꠤꠞ ꠙꠣꠇ ꠞꠥꠢꠥ, ꠎꠣꠘꠞꠦ ꠀꠝꠣꠞ ꠛꠣꠚꠦ ꠀꠝꠣꠞ ꠘꠣꠝꠦ ꠙꠣꠑꠣꠁꠛꠣ, ꠔꠣꠁꠘꠃ ꠢꠇꠟ ꠛꠦꠙꠣꠞꠦ ꠔꠥꠝꠞꠣꠞꠦ ꠔꠣꠟꠤꠝ ꠖꠤꠛꠣ, ꠀꠞ ꠀꠝꠤ ꠔꠥꠝꠞꠣꠞꠦ ꠎꠦꠔꠣ ꠇꠁꠍꠤ ꠅꠔꠣ ꠁꠀꠖ ꠇꠞꠣꠁ ꠖꠤꠛꠣ।

Injil 5: Sahabi Nama 4:32

ꠎꠦꠞꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠍꠤꠟꠣ, ꠔꠣꠞꠣꠞ ꠄꠇ ꠝꠘ ꠀꠞ ꠄꠇ ꠖꠤꠟ ꠀꠍꠤꠟ। ꠔꠣꠞꠣ ꠄꠇꠎꠘꠦꠅ ꠘꠤꠎꠞ ꠗꠘ-ꠖꠃꠟꠔꠞꠦ ꠘꠤꠎꠞ ꠇꠁꠀ ꠖꠣꠛꠤ ꠇꠞꠔꠣ ꠘꠣ, ꠢꠇ꠆ꠇꠟꠔꠣꠃ ꠢꠇꠟꠞ ꠖꠞꠇꠣꠞ ꠝꠔ ꠈꠞꠌ ꠇꠞꠔꠣ।

Injil 6: Ruman 12:10

ꠄꠇꠦ-ꠅꠁꠘ꠆ꠘꠞꠦ ꠀꠙꠘ ꠜꠣꠁꠞ ꠟꠣꠈꠣꠘ ꠖꠤꠟꠦ-ꠎꠣꠘꠦ ꠝꠣꠄꠀ ꠇꠞꠅ, ꠘꠤꠎ ꠕꠣꠇꠤ ꠅꠁꠘ꠆ꠘꠞꠦ ꠛꠦꠡꠤ ꠖꠣꠝ ꠖꠦꠅ।

Injil 8: 2-Korintia 9:1

ꠜꠣꠁꠀꠁꠘꠞꠦ, ꠀꠟ꠆ꠟꠣꠞ ꠙꠣꠇ ꠛꠘ꠆ꠖꠣ ꠅꠇꠟꠞꠦ ꠡꠣꠁꠎ꠆ꠎꠞ ꠟꠣꠉꠤ ꠖꠣꠘ-ꠈꠄꠞꠣꠔ ꠔꠥꠟꠣꠞ ꠎꠦ ꠇꠣꠝ ꠌꠟꠦꠞ, ꠁꠔꠣ ꠛꠦꠙꠣꠞꠦ ꠔ ꠔꠥꠝꠞꠣꠞꠦ ꠇꠥꠘ꠆ꠔꠣ ꠟꠦꠈꠣꠞ ꠎꠞꠥꠞ ꠘꠣꠄ।

Injil 11: Filifia 3:15

ꠄꠞꠟꠣꠉꠤ ꠇꠁꠞꠣꠝ, ꠀꠝꠞꠣ ꠎꠣꠞꠣ ꠢꠎꠞꠔ ꠁꠍꠣꠞ ꠙꠕꠦ ꠛꠃꠔ ꠀꠉꠥꠀꠁ ꠉꠦꠍꠤ, ꠀꠝꠞꠣꠞ ꠘꠤꠅꠔꠅ ꠅꠟꠣꠈꠣꠘ ꠅꠀ ꠎꠞꠥꠞ। ꠀꠞ ꠔꠥꠝꠞꠣꠞ ꠎꠥꠖꠤ ꠅꠁꠘ꠆ꠘ ꠇꠥꠘꠥ ꠘꠤꠅꠔ ꠕꠣꠇꠦ, ꠔꠦ ꠀꠟ꠆ꠟꠣꠄꠃ ꠙꠕ ꠛꠣꠔꠣꠁ ꠖꠤꠛꠣꠘꠦ।

ইঞ্জিল ১৩: ১-থিষল: 5:1

ꠜꠣꠁꠀꠁꠘꠞꠦ, ꠇꠥꠘ ꠎꠝꠣꠘꠣꠔ ꠇꠥꠘ ꠡꠝꠄ ꠇꠤꠔꠣ ꠊꠐꠤꠛ, ꠁꠔꠣ ꠔꠥꠝꠞꠣꠞ ꠉꠦꠍꠦ ꠟꠦꠈꠣꠞ ꠎꠞꠥꠞ ꠘꠣꠁ।

Injil 19: Ibrani 10:16

ꠀꠝꠤ ꠝꠣꠛꠥꠖꠦ ꠇꠁꠞꠣꠝ, ꠁ ꠎꠝꠣꠘꠣꠞ ꠛꠣꠖꠦ ꠀꠝꠤ ꠛꠘꠤ ꠁꠍꠞꠣꠁꠟꠞ ꠟꠉꠦ, ꠀꠝꠣꠞ ꠘꠄꠀ ꠅꠃ ꠃꠍꠤꠟ꠆ꠟꠣ ꠇꠣꠁꠝ ꠇꠞꠝꠥ, ꠀꠝꠣꠞ ꠡꠞꠤꠅꠔ ꠔꠣꠞꠣꠞ ꠖꠤꠟꠞ ꠝꠣꠎꠦ ꠖꠤꠝꠥ, ꠔꠣꠞꠣꠞ ꠅꠘ꠆ꠔꠞꠞ ꠝꠣꠎꠦ ꠀꠝꠤ ꠟꠦꠈꠤꠀ ꠖꠤꠝꠥ।

Injil 19: Ibrani 13:1

ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠀꠙꠘ ꠜꠣꠁꠞ ꠟꠣꠈꠣꠘ ꠢꠣꠝꠦꠡꠣ ꠝꠣꠄꠀ ꠇꠞꠤꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 3:8

ꠢꠦꠡꠦ ꠢꠇꠟꠞꠦ ꠇꠁꠞꠣꠝ, ꠔꠥꠝꠞꠣ ꠢꠇꠟ ꠄꠇ-ꠖꠤꠟꠣ ꠅꠅ, ꠄꠇꠦ-ꠅꠁꠘ꠆ꠘꠞ ꠖꠥꠈꠦ ꠖꠥꠈꠤ ꠅꠅ, ꠜꠣꠁꠀꠁꠘ꠆ꠔꠞꠦ ꠝꠣꠄꠀ ꠇꠞꠅ, ꠖꠄꠀꠟꠥ ꠀꠞ ꠘꠞꠝ ꠖꠤꠟꠞ ꠝꠣꠘꠥꠡ ꠅꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 4:8

ꠀꠍꠟ ꠇꠕꠣ ꠅꠁꠟ, ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠖꠤꠟ ꠕꠣꠇꠤ ꠝꠢꠛ꠆ꠛꠔ ꠇꠞꠅ, ꠇꠣꠞꠘ ꠝꠣꠄꠀ-ꠝꠢꠛ꠆ꠛꠔꠦ ꠛꠃꠔ ꠉꠥꠘꠣ ꠉꠥꠞꠤꠀ ꠞꠣꠈꠦ।

ꠁꠘ꠆ꠎꠤꠟ ২২: ২-ꠙꠤꠔꠞ 1:7

ꠙꠞꠦꠎꠉꠣꠞꠤꠞ ꠟꠉꠦ ꠄꠇꠦ-ꠅꠁꠘ꠆ꠘꠦ ꠝꠣꠄꠀ, ꠀꠞ ꠄꠇꠦ-ꠅꠁꠘ꠆ꠘꠦ ꠝꠣꠄꠀꠞ ꠟꠉꠦ ꠀꠟ꠆ꠟꠣꠁ ꠝꠢꠛ꠆ꠛꠔꠦ ꠛꠣꠠꠅ।

Injil 23: 1-Hannan 2:10

ꠀꠞ ꠎꠦ ꠝꠣꠘꠡꠦ ꠔꠣꠞ ꠜꠣꠁꠞꠦ ꠝꠣꠄꠀ-ꠝꠢꠛ꠆ꠛꠔ ꠇꠞꠦ, ꠢꠦ ꠘꠥꠞꠞ ꠚꠞꠅ ꠛꠡꠔ ꠇꠞꠦ, ꠄꠞꠟꠣꠉꠤ ꠢꠦ ꠀꠍꠣꠠ ꠈꠣꠅꠀꠞ ꠒꠞ ꠘꠣꠁ।

Injil 23: 1-Hannan 3:11

ꠔꠥꠝꠞꠣ ꠝꠥꠟꠅ ꠕꠣꠇꠤꠃ ꠁꠈꠣꠘ ꠢꠥꠘꠤꠀ ꠀꠁꠞꠣꠄ, ꠀꠝꠞꠣꠞ ꠟꠣꠉꠤ ꠚꠞꠎ ꠅꠁꠟ, ꠄꠇꠦ-ꠅꠁꠘ꠆ꠘꠞꠦ ꠝꠢꠛ꠆ꠛꠔ ꠇꠞꠣ।

Injil 23: 1-Hannan 3:23

ꠔꠣꠘ ꠢꠥꠇꠥꠝ ꠅꠁꠟ, ꠀꠝꠞꠣ ꠎꠣꠘꠥ ꠔꠣꠘ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠤ, ꠀꠞ ꠄꠇꠦ-ꠅꠁꠘ꠆ꠘꠞꠦ ꠝꠢꠛ꠆ꠛꠔ ꠇꠞꠤ। ꠅꠃ ꠢꠥꠇꠥꠝꠃ ꠔꠣꠁꠘ ꠀꠝꠞꠣꠞꠦ ꠖꠤꠍꠂꠘ।

Injil 23: 1-Hannan 4:21

ꠀꠝꠞꠣ ꠔ ꠔꠣꠘ ꠉꠦꠍ ꠕꠣꠇꠤ ꠅꠃ ꠢꠥꠇꠥꠝ ꠙꠣꠁꠍꠤ, ꠎꠦ ꠛꠘ꠆ꠖꠣꠄ ꠀꠟ꠆ꠟꠣ ꠙꠣꠇꠞꠦ ꠝꠢꠛ꠆ꠛꠔ ꠇꠞꠦ, ꠢꠦ ꠎꠣꠘꠥ ꠔꠣꠞ ꠜꠣꠁꠞꠦꠅ ꠝꠢꠛ꠆ꠛꠔ ꠇꠞꠦ।