ইঞ্জিল ১৩: ১-থিষল: 4:8 - Siloṭi Asmani Kitab (Nagri lipi)

⁸ ꠄꠞꠟꠣꠉꠤ ꠎꠦꠉꠤꠄ ꠁ ꠔꠣꠟꠤꠝ ꠝꠣꠘꠦ ꠘꠣ, ꠢꠦ ꠈꠣꠟꠤ ꠖꠥꠘꠤꠀꠞ ꠝꠣꠘꠡꠞꠦ ꠝꠣꠘꠦ ꠘꠣ ꠁꠈꠣꠘ ꠘꠣꠄ, ꠢꠦ ꠀꠍꠟꠦ ꠢꠃ ꠀꠟ꠆ꠟꠣꠞꠦꠃ ꠝꠣꠘꠦꠞ ꠘꠣ, ꠎꠦꠁꠘ ꠔꠥꠝꠞꠣꠞꠦ ꠙꠣꠇ ꠞꠥꠢꠥ ꠖꠣꠘ ꠇꠞꠍꠂꠘ।

ছিলটি আছমানি কিতাব (বাংলা লিপি)

⁸ এরলাগি যেগিয়ে ই তালিম মানে না, হে খালি দুনিয়ার মানষরে মানে না ইখান নায়, হে আসলে হউ আল্লারেউ মানের না, যেইন তুমরারে পাক রুহ দান করছইন।

Siloṭi Asmani Kitab (Latin lipi)

⁸ Erlagi zegie i talim mane na, he ḳali duniar manshore mane na ikan nae, he ashole hou Allare-u maner na, zein tumrare Pak Ruhu dan ḳorsoin.

ইঞ্জিল ১৩: ১-থিষল: 4:8 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 16:8

ꠝꠥꠍꠣꠄ ꠔꠣꠞꠣꠞꠦ ꠇꠁꠟꠣ, “ꠝꠣꠛꠥꠖꠦ ꠢꠣꠁꠘ꠆ꠎꠣ ꠛꠣꠟꠣ ꠔꠥꠝꠞꠣꠞꠦ ꠉꠥꠡ꠆ꠔ ꠖꠤꠛꠣ, ꠀꠞ ꠛꠤꠀꠘꠦ ꠙꠦꠐ ꠜꠞꠣ ꠞꠥꠐꠤꠅ ꠖꠤꠛꠣ। ꠝꠣꠛꠥꠖꠞ ꠛꠤꠞꠥꠖ꠆ꠖꠦ ꠔꠥꠝꠞꠣ ꠎꠦꠔꠣ ꠇꠣꠘꠣ-ꠇꠣꠘꠤ ꠇꠞꠍ, ꠁꠔꠣ ꠔꠣꠁꠘ ꠢꠥꠘꠍꠂꠘ। ꠀꠍꠟꠦ ꠀꠝꠞꠣ ꠖꠥꠁꠎꠘ ꠇꠤꠔꠣ ꠎꠦꠘ, ꠔꠥꠝꠞꠣ ꠀꠝꠞꠣꠞ ꠛꠤꠞꠥꠖ꠆ꠖꠦ ꠅꠔꠔꠣ ꠝꠣꠔꠤꠞꠣꠄ? ꠁ ꠝꠣꠔ ꠔ ꠀꠝꠞꠣꠞ ꠛꠤꠞꠥꠖ꠆ꠖꠦ ꠘꠣꠄ, ꠔꠥꠝꠞꠣ ꠝꠣꠛꠥꠖꠞ ꠛꠤꠞꠥꠖ꠆ꠖꠦꠃ ꠝꠣꠔꠤꠞꠣꠄ।”

Injil 3: Luk 10:16

“ꠔꠥꠝꠞꠣ ꠝꠘꠅ ꠞꠣꠈꠤꠅ, ꠎꠦꠞꠣ ꠔꠥꠝꠞꠣꠞ ꠇꠕꠣ ꠝꠣꠘꠦ, ꠔꠣꠞꠣ ꠀꠍꠟꠦ ꠀꠝꠣꠞ ꠇꠕꠣꠃ ꠝꠣꠘꠦ। ꠀꠞ ꠎꠦꠞꠣ ꠔꠥꠝꠞꠣꠞꠦ ꠝꠣꠘꠦ ꠘꠣ, ꠔꠣꠞꠣ ꠀꠝꠣꠞꠦꠅ ꠝꠣꠘꠦ ꠘꠣ। ꠎꠦꠞꠣ ꠀꠝꠣꠞꠦ ꠝꠣꠘꠦ ꠘꠣ, ꠔꠣꠞꠣ ꠀꠍꠟꠦ ꠢꠃ ꠀꠟ꠆ꠟꠣꠞꠦꠅ ꠝꠣꠘꠦ ꠘꠣ, ꠎꠦꠁꠘ ꠀꠝꠣꠞꠦ ꠛꠦꠎꠤꠍꠂꠘ।”

Injil 4: Hannan 12:48

ꠎꠦ ꠎꠘꠦ ꠀꠝꠣꠞꠦ ꠝꠣꠘꠦ ꠘꠣ ꠀꠞ ꠀꠝꠣꠞ ꠇꠕꠣ ꠢꠥꠘꠦ ꠘꠣ, ꠔꠣꠞ ꠛꠤꠌꠣꠞꠞ ꠟꠣꠉꠤ ꠔ ꠄꠇꠎꠘ ꠀꠍꠂꠘ। ꠀꠝꠤ ꠔꠣꠞꠦ ꠎꠦ ꠇꠕꠣ ꠇꠁꠍꠤ, ꠅꠃ ꠇꠕꠣꠄꠃ ꠇꠤꠀꠝꠔꠞ ꠖꠤꠘ ꠔꠣꠞꠦ ꠖꠥꠡꠤ ꠡꠣꠁꠛꠡ꠆ꠔ ꠇꠞꠛ।

Injil 5: Sahabi Nama 13:41

ꠔꠥꠝꠞꠣ ꠎꠦꠞꠣ ꠀꠟ꠆ꠟꠣꠞꠦ ꠟꠁꠀ ꠑꠣꠐ꠆ꠐꠣ ꠇꠞ, ꠔꠥꠝꠞꠣ ꠈꠤꠀꠟ ꠇꠞꠅ, ꠔꠥꠝꠞꠣ ꠌꠝꠇꠣꠁꠀ ꠃꠑꠅ ꠀꠞ ꠛꠤꠘꠣꠡ ꠅꠅ; ꠇꠣꠞꠘ ꠔꠥꠝꠞꠣꠞ ꠀꠝꠟꠅꠃ ꠀꠝꠤ ꠅꠃꠟꠣ ꠄꠇ ꠇꠣꠝ ꠇꠞꠝꠥ, ꠎꠦ ꠇꠣꠝꠞ ꠇꠕꠣ ꠇꠦꠃ ꠔꠥꠝꠞꠣꠞ ꠉꠦꠍꠦ ꠇꠁꠟꠦꠅ, ꠔꠥꠝꠞꠣ ꠇꠥꠘꠥꠝꠘ꠆ꠔꠦꠃ ꠛꠤꠡ꠆ꠛꠣꠡ ꠇꠞꠔꠣꠄ ꠘꠣꠄ।”

Injil 6: Ruman 5:5

ꠀꠞ ꠅꠃ ꠀꠡꠣ-ꠜꠞꠡꠣ ꠛꠦꠇꠣꠝꠣ ꠎꠣꠄ ꠘꠣ। ꠇꠣꠞꠘ ꠀꠟ꠆ꠟꠣꠄ ꠀꠝꠞꠣꠞꠦ ꠎꠦ ꠙꠣꠇ ꠞꠥꠢꠥ ꠖꠤꠍꠂꠘ, ꠁ ꠙꠣꠇ ꠞꠥꠢꠦ ꠀꠝꠞꠣꠞ ꠖꠤꠟꠞ ꠝꠣꠎꠦ ꠀꠟ꠆ꠟꠣꠁ ꠝꠢꠛ꠆ꠛꠔ ꠎꠘꠝꠣꠄ।

Injil 7: 1-Korintia 2:10

ꠁꠔꠣ ꠅꠈꠘ ꠔꠣꠘ ꠙꠣꠇ ꠞꠥꠢꠥꠞ ꠝꠣꠎꠖꠤ ꠀꠝꠞꠣꠞ ꠉꠦꠍꠦ ꠎꠣꠁꠞ ꠇꠞꠍꠂꠘ। ꠙꠣꠇ ꠞꠥꠢꠥꠞ ꠅꠎꠣꠘꠣ ꠇꠥꠘ꠆ꠔꠣꠃ ꠘꠣꠁ, ꠔꠣꠁꠘ ꠀꠟ꠆ꠟꠣꠞ ꠢꠇꠟ ꠛꠣꠔꠥꠘꠤ ꠛꠦꠙꠣꠞꠅ ꠎꠣꠘꠂꠘ।

Injil 7: 1-Korintia 7:40

ꠔꠣ-ꠅ ꠀꠝꠤ ꠝꠘꠅ ꠇꠞꠤ, ꠔꠣꠁꠘ ꠠꠣꠠꠤ ꠢꠣꠟꠔꠦ ꠞꠁꠟꠦꠃ ꠀꠞꠅ ꠜꠣꠟꠣ। ꠀꠝꠤ ꠛꠥꠎꠞꠣꠝ, ꠀꠝꠤ ꠅꠃ ꠢꠇ꠆ꠇꠟꠔꠣ ꠀꠟ꠆ꠟꠣꠁ ꠞꠥꠢꠥꠞ ꠛꠟꠦ ꠇꠁꠞꠣꠝ।

Injil 8: 2-Korintia 1:22

ꠔꠣꠘ ꠘꠤꠎꠞ ꠗꠘ ꠢꠤꠡꠣꠛꠦ ꠀꠝꠞꠣꠞꠦ ꠡꠤꠟ-ꠌꠣꠙ꠆ꠙꠠ ꠝꠣꠞꠤꠀ ꠞꠣꠈꠍꠂꠘ, ꠀꠞ ꠔꠣꠁꠘ ꠎꠦꠔꠣ ꠀꠝꠞꠣꠞꠦ ꠖꠤꠛꠣꠞ ꠅꠀꠖꠣ ꠇꠞꠍꠂꠘ, ꠁꠔꠣꠞ ꠙꠄꠟꠣ ꠇꠤꠡ꠆ꠔꠤ ꠢꠤꠡꠣꠛꠦ ꠀꠝꠞꠣꠞ ꠖꠤꠟꠞ ꠝꠣꠎꠦ ꠀꠟ꠆ꠟꠣꠁ ꠙꠣꠇ ꠞꠥꠢꠥ ꠖꠣꠘ ꠇꠞꠍꠂꠘ।

Injil 9: Galatia 4:6

ꠄꠞꠖꠣꠄ ꠔꠥꠝꠞꠣ ꠀꠟ꠆ꠟꠣꠞ ꠀꠅꠟꠣꠖ ꠛꠘꠤꠎꠣꠅꠀꠄ ꠔꠥꠝꠞꠣꠞ ꠖꠤꠟꠅ ꠛꠡꠔ ꠇꠞꠣꠞ ꠟꠣꠉꠤ, ꠀꠟ꠆ꠟꠣꠄ ꠔꠣꠘ ꠈꠣꠍ ꠝꠣꠄꠀꠞ ꠎꠘꠞ ꠞꠥꠢꠥꠞꠦ ꠛꠦꠎꠤꠍꠂꠘ। ꠔꠥꠝꠞꠣꠞ ꠖꠤꠟꠞ ꠅꠃ ꠞꠥꠢꠦ ꠔ ꠀꠟ꠆ꠟꠣ ꠙꠣꠇꠞꠦ ꠀꠛ꠆ꠛꠣ ꠇꠁꠀ ꠒꠣꠇꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 1:12

ꠅꠁꠟꠦ ꠀꠟ꠆ꠟꠣꠄ ꠔꠣꠞꠣꠞꠦ ꠖꠦꠈꠣꠁꠀ ꠖꠤꠍꠂꠘ, ꠔꠣꠞꠣ ꠎꠦꠔꠣ ꠛꠣꠔꠣꠁꠞꠣ ꠁꠔꠣ ꠖꠤꠀ ꠔꠣꠞꠣꠞ ꠘꠤꠎꠞ ꠈꠦꠎꠝꠔ ꠘꠣ ꠇꠞꠤꠀ, ꠔꠥꠝꠞꠣꠞ ꠈꠦꠎꠝꠔ ꠇꠞꠞꠣ। ꠀꠍꠝꠣꠘ ꠕꠣꠇꠤ ꠙꠣꠑꠣꠁꠟ ꠙꠣꠇ ꠞꠥꠢꠥ ꠖꠤꠀ, ꠎꠦꠞꠣ ꠔꠥꠝꠞꠣꠞ ꠉꠦꠍꠦ ꠀꠟ-ꠝꠍꠤꠞ ꠛꠦꠙꠣꠞꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠍꠂꠘ, ꠔꠣꠞꠣ ꠔꠥꠝꠞꠣꠞꠦ ꠘꠛꠤ ꠅꠇꠟꠞ ꠇꠕꠣꠃ ꠎꠣꠘꠣꠁꠍꠂꠘ। ꠚꠤꠞꠤꠡ꠆ꠔꠣ ꠅꠇꠟꠦꠅ ꠁꠔꠣ ꠛꠦꠙꠣꠞ ꠎꠣꠘꠣꠞ ꠟꠣꠉꠤ ꠈꠤꠀꠟꠤ।

ꠁꠘ꠆ꠎꠤꠟ ২২: ২-ꠙꠤꠔꠞ 1:21

ꠇꠣꠞꠘ ꠘꠛꠤ ꠅꠇꠟꠦ ꠔꠣꠞꠣꠞ ꠁꠌ꠆ꠍꠣꠝꠔ ꠇꠥꠘꠥ ꠇꠕꠣ ꠇꠁꠍꠂꠘ ꠘꠣ, ꠈꠣꠟꠤ ꠙꠣꠇ ꠞꠥꠢꠥꠞ ꠛꠟꠦ ꠀꠟ꠆ꠟꠣꠞ ꠖꠦꠅꠀ ꠛꠥꠟꠤ ꠛꠣꠔꠣꠁꠍꠂꠘ।

Injil 23: 1-Hannan 3:24

ꠀꠞ ꠎꠦ ꠛꠘ꠆ꠖꠣꠄ ꠔꠣꠘ ꠢꠥꠇꠥꠝ ꠝꠣꠘꠤꠀ ꠌꠟꠦ, ꠢꠦ ꠔꠣꠘ ꠝꠣꠎꠦꠃ ꠛꠡꠔ ꠇꠞꠦ, ꠅꠟꠣ ꠔꠣꠁꠘꠅ ꠔꠣꠞ ꠝꠣꠎꠦ ꠛꠡꠔ ꠇꠞꠂꠘ। ꠅꠈꠘ ꠔꠣꠁꠘ ꠀꠝꠞꠣꠞꠦ ꠎꠦ ꠙꠣꠇ ꠞꠥꠢꠥ ꠖꠣꠘ ꠇꠞꠍꠂꠘ, ꠅꠃ ꠞꠥꠢꠥꠞ ꠝꠣꠎꠖꠤ ꠀꠝꠞꠣ ꠛꠥꠎꠤꠀꠞ, ꠔꠣꠁꠘ ꠀꠝꠞꠣꠞ ꠖꠤꠟꠅ ꠛꠡꠔ ꠇꠞꠂꠘ।

Injil 26: Ehuda 1:8

ꠄꠞꠛꠣꠖꠦꠅ ꠅꠃ ꠜꠘ꠆ꠒ ꠃꠡ꠆ꠔꠣꠖ ꠅꠇꠟ, ꠎꠦꠔꠣꠄ ꠛꠣꠎꠦ ꠈꠥꠀꠛ ꠖꠦꠈꠤ ꠖꠦꠈꠤ ꠔꠣꠟꠤꠝ ꠖꠦꠁꠘ, ꠔꠣꠞꠣ ꠈꠛꠤꠍꠤ ꠇꠣꠝ ꠇꠞꠂꠘ, ꠇꠥꠘꠥꠎꠣꠔ ꠡꠣꠡꠘ ꠝꠣꠘꠂꠘ ꠘꠣ, ꠀꠞ ꠛꠣꠔꠥꠘꠤ ꠡꠞ꠆ꠖꠣꠞ ꠅꠇꠟꠞ ꠛꠖꠘꠣꠝ ꠉꠣꠁꠘ।