ইঞ্জিল ১৩: ১-থিষল: 4:6 - Siloṭi Asmani Kitab (Nagri lipi)

⁶ ꠁ ꠛꠦꠙꠣꠞꠦ ꠇꠦꠃ ꠎꠣꠘꠥ ꠘꠤꠎꠞ ꠜꠣꠁꠞ ꠟꠉꠦ ꠉꠣꠖ꠆ꠖꠣꠞꠤ ꠘꠣ ꠇꠞꠦ। ꠝꠘꠅ ꠞꠣꠈꠤꠅ, ꠀꠝꠞꠣ ꠀꠉꠦꠃ ꠔꠥꠝꠞꠣꠞꠦ ꠇꠁꠍꠤ ꠀꠞ ꠢꠥꠡꠤꠀꠞꠅ ꠇꠞꠍꠤ, ꠁꠔꠣ ꠘꠣꠚꠞꠝꠣꠘꠤ ꠇꠞꠟꠦ ꠝꠣꠟꠤꠇ ꠁꠍꠣꠄ ꠡꠣꠎꠣ ꠖꠤꠛꠣ।

ছিলটি আছমানি কিতাব (বাংলা লিপি)

⁶ ই বেয়াপারে কেউ যানু নিজর ভাইর লগে গাদ্দারি না করে। মনো রাখিও, আমরা আগেউ তুমরারে কইছি আর হুশিয়ারও করছি, ইতা নাফরমানি করলে মালিক ইছায় সাজা দিবা।

Siloṭi Asmani Kitab (Latin lipi)

⁶ I befare ḳeu zanu nizor bair loge gaddari na ḳore. Mono rakio, amra age-u tumrare ḳoisi ar hushiar-o ḳorsi, ita naformani korle Malik Isae shaza diba.

ইঞ্জিল ১৩: ১-থিষল: 4:6 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 20:15

“ꠌꠥꠞꠤ ꠇꠞꠤꠅ ꠘꠣ।

ꠔꠃꠞꠣꠔ ২: ꠢꠤꠎꠞꠔ 20:17

“ꠙꠞꠞ ꠊꠞ-ꠖꠥꠀꠞꠞ ꠛꠣꠄ ꠟꠣꠟꠌ ꠇꠞꠤꠅ ꠘꠣ, ꠔꠣꠞ ꠛꠃ, ꠉꠥꠟꠣꠝ-ꠛꠣꠘ꠆ꠖꠤ, ꠉꠞꠥ-ꠉꠣꠗꠣ, ꠛꠣ ꠇꠥꠘꠥ ꠇꠤꠌ꠆ꠍꠥꠞ ꠛꠣꠄ ꠟꠣꠟꠌ ꠇꠞꠤꠅ ꠘꠣ।”

ꠔꠃꠞꠣꠔ ৩: ꠟꠦꠛꠤꠀꠘ 19:11

“ꠌꠥꠞꠤ ꠇꠞꠤꠅ ꠘꠣ, ꠝꠤꠍꠣ ꠝꠣꠔꠤꠅ ꠘꠣ, ꠀꠞ ꠄꠇꠦ-ꠅꠁꠘ꠆ꠘꠦ ꠐꠉꠣ-ꠐꠉꠤ ꠇꠞꠤꠅ ꠘꠣ।

ꠔꠃꠞꠣꠔ ৩: ꠟꠦꠛꠤꠀꠘ 19:13

“ꠇꠥꠘꠥ ꠀꠞꠤ-ꠚꠞꠤꠞ ꠃꠙꠞꠦ ꠎꠥꠞ-ꠎꠥꠟꠥꠝ ꠇꠞꠤꠅ ꠘꠣ, ꠔꠣꠞꠣꠞ ꠇꠥꠘꠥ ꠎꠤꠘꠤꠡ ꠇꠣꠠꠤꠀ ꠘꠤꠅ ꠘꠣ। ꠞꠥꠎꠤ ꠇꠣꠝꠟꠣꠞ ꠛꠦꠔꠘ ꠅꠃ ꠖꠤꠘꠞ ꠝꠣꠎꠦꠃ ꠀꠖꠣꠄ ꠇꠞꠤꠅ, ꠛꠣꠖꠞ ꠖꠤꠘ ꠙꠞ꠆ꠎꠘ꠆ꠔ ꠔꠣꠞ ꠛꠦꠔꠘ ꠀꠐꠇꠣꠁ ꠕꠁꠅ ꠘꠣ।

ꠔꠃꠞꠣꠔ ৩: ꠟꠦꠛꠤꠀꠘ 25:14

ꠘꠤꠎꠞ ꠎꠝꠤ-ꠎꠝꠣ ꠈꠞꠤꠖ-ꠛꠤꠇꠤꠞ ꠡꠝꠄ ꠔꠥꠝꠞꠣ ꠀꠙꠘ ꠛꠣ ꠙꠞ ꠇꠦꠃꠞꠞ ꠃꠙꠞꠦ ꠎꠥꠞ-ꠎꠛꠞꠖꠡ꠆ꠔꠤ ꠇꠞꠤꠅ ꠘꠣ।

ꠔꠃꠞꠣꠔ ৩: ꠟꠦꠛꠤꠀꠘ 25:17

ꠔꠥꠝꠞꠣ ꠘꠤꠎꠞ ꠡꠝꠣꠎꠞ ꠇꠦꠃꠞꠞ ꠃꠙꠞꠦ ꠎꠥꠞ-ꠎꠥꠟꠥꠝ ꠇꠞꠤꠅ ꠘꠣ। ꠙꠞꠔꠦꠇ ꠎꠘꠃ ꠀꠟ꠆ꠟꠣꠞ ꠒꠞ-ꠈꠚꠦ ꠌꠟꠤꠅ। ꠝꠘꠅ ꠞꠣꠈꠤꠅ, ꠀꠝꠤ ꠀꠟ꠆ꠟꠣꠃ ꠔꠥꠝꠞꠣꠞ ꠝꠣꠛꠥꠖ।

Injil 2: Markus 10:19

ꠔꠥꠝꠤ ꠔ ꠔꠃꠞꠣꠔ ꠇꠤꠔꠣꠛꠞ ꠢꠥꠇꠥꠝ ꠎꠣꠘ। ꠈꠥꠘ ꠇꠞꠤꠅ ꠘꠣ, ꠎꠤꠘꠣ ꠇꠞꠤꠅ ꠘꠣ, ꠌꠥꠞꠤ ꠇꠞꠤꠅ ꠘꠣ, ꠝꠤꠍꠣ ꠡꠣꠇ꠆ꠇꠤ ꠖꠤꠅ ꠘꠣ, ꠐꠉꠣ-ꠐꠉꠤ ꠇꠞꠤꠅ ꠘꠣ, ꠝꠣ-ꠛꠣꠚꠞꠦ ꠁꠎ꠆ꠎꠔ ꠇꠞꠤꠅ।”

Injil 3: Luk 12:5

ꠔꠦ ꠇꠣꠞꠦ ꠒꠞꠣꠁꠔꠣꠄ ꠄꠅꠈꠣꠘꠅ ꠇꠁꠞꠣꠝ, ꠝꠣꠞꠣꠞ ꠛꠣꠖꠦ ꠖꠥꠎꠈꠅ ꠢꠣꠞꠣꠘꠤꠞ ꠈꠦꠝꠔꠣꠅ ꠎꠣꠘ ꠀꠍꠦ, ꠈꠣꠟꠤ ꠔꠣꠘꠞꠦꠃ ꠒꠞꠣꠁꠅ। ꠀꠝꠤ ꠢꠤꠞꠛꠣꠞ ꠇꠁꠞꠣꠝ, ꠔꠥꠝꠞꠣ ꠈꠣꠟꠤ ꠔꠣꠘꠦꠃ ꠒꠞꠣꠁꠅ।

Injil 3: Luk 16:28

ꠢꠘꠅ ꠀꠝꠣꠞ ꠀꠞꠅ ꠙꠣꠌꠉꠥ ꠜꠣꠁ ꠞꠁꠍꠂꠘ। ꠢꠦ ꠉꠤꠀ ꠀꠝꠣꠞ ꠜꠣꠁꠀꠁꠘꠞꠦ ꠢꠥꠡꠤꠀꠞ ꠇꠞꠃꠇ, ꠔꠣꠞꠣ ꠎꠣꠘꠥ ꠁ ꠖꠥꠎꠈꠞ ꠀꠎꠣꠛ ꠕꠣꠇꠤ ꠛꠣꠌꠂꠘ।

Injil 6: Ruman 1:18

ꠝꠣꠘꠡꠦ ꠘꠤꠎꠞ ꠘꠣꠚꠞꠝꠣꠘꠤ ꠖꠤꠀ ꠀꠟ꠆ꠟꠣꠁ ꠢꠇꠞꠦ ꠟꠥꠇꠣꠁꠀ ꠞꠣꠈꠦ। ꠔꠣꠞꠣꠞ ꠘꠣꠚꠞꠝꠣꠘꠤ ꠀꠞ ꠀꠟ꠆ꠟꠣꠞ ꠛꠣꠄ ꠒꠞ-ꠈꠚ ꠘꠣ ꠕꠣꠇꠣꠄ ꠀꠍꠝꠣꠘ ꠕꠣꠇꠤ ꠔꠣꠞꠣꠞ ꠃꠙꠞꠦ ꠉꠎꠛ ꠘꠣꠎꠤꠟ ꠅꠄ।

Injil 6: Ruman 12:19

ꠅ ꠝꠣꠄꠀꠞ ꠜꠣꠁ ꠅꠇꠟ, ꠔꠥꠝꠞꠣ ꠇꠦꠃꠞꠞ ꠛꠖꠟꠣ ꠟꠁꠅ ꠘꠣ, ꠁꠔꠣ ꠀꠟ꠆ꠟꠣꠞ ꠀꠔꠅ ꠍꠣꠠꠤ ꠖꠦꠅ, ꠛꠖꠟꠣ ꠖꠦꠅꠀ ꠔꠣꠘ ꠇꠣꠝ। ꠀꠟ꠆ꠟꠣꠞ ꠇꠣꠟꠣꠝꠅ ꠀꠍꠦ, “ꠘꠣꠚꠞꠝꠣꠘꠤꠞ ꠡꠣꠎꠣ ꠖꠤꠛꠣꠞ ꠄꠈꠔꠤꠀꠞ ꠈꠣꠟꠤ ꠀꠝꠣꠞꠃ ꠀꠍꠦ, ꠎꠣꠞ ꠎꠦꠟꠣ ꠙꠣꠅꠘꠣ ꠀꠝꠤ ꠔꠣꠞꠦ ꠅꠟꠣ ꠛꠖꠟꠣ ꠖꠤꠝꠥ, ꠁꠈꠣꠘ ꠀꠝꠤ ꠝꠣꠛꠥꠖꠦ ꠇꠁꠞꠣꠝ।”

Injil 6: Ruman 13:4

ꠞꠣꠎꠣꠄ ꠔ ꠔꠥꠝꠞꠣꠞ ꠜꠣꠟꠣꠁꠞ ꠟꠣꠉꠤꠃ ꠀꠟ꠆ꠟꠣꠞ ꠈꠣꠖꠤꠝ ꠢꠤꠡꠣꠛꠦ ꠇꠣꠝ ꠇꠞꠂꠘ। ꠅꠁꠟꠦ ꠔꠥꠝꠞꠣ ꠎꠦꠞꠣ ꠇꠥ-ꠇꠣꠝ ꠇꠞ, ꠔꠥꠝꠞꠣꠞ ꠟꠣꠉꠤ ꠛꠤꠙꠖ ꠀꠍꠦ। ꠔꠣꠁꠘ ꠈꠣꠝꠈꠣ ꠇꠦꠃꠞꠞꠦ ꠝꠣꠞꠂꠘ ꠘꠣ, ꠅꠁꠟꠦ ꠇꠥ-ꠇꠣꠝ ꠇꠞꠞꠣꠞꠦ ꠀꠟ꠆ꠟꠣꠞ ꠈꠣꠖꠤꠝ ꠢꠤꠡꠣꠛꠦ ꠑꠤꠇꠃ ꠡꠣꠎꠣ ꠖꠦꠁꠘ।

Injil 8: 2-Korintia 7:11

ꠔꠥꠝꠞꠣ ꠛꠥꠎꠞꠣꠄ ꠘꠤ, ꠀꠟ꠆ꠟꠣꠞ ꠖꠦꠅꠀ ꠝꠘꠞ ꠇꠡ꠆ꠐꠄ ꠔꠥꠝꠞꠣꠞ ꠇꠔ ꠜꠣꠟꠣꠁ ꠇꠞꠍꠦ, ꠔꠥꠝꠞꠣꠞꠦ ꠘꠣꠚꠞꠝꠣꠘꠤ ꠕꠣꠇꠤ ꠛꠣꠌꠣꠁꠍꠦ, ꠉꠥꠘꠣꠞ ꠛꠣꠄ ꠔꠥꠝꠞꠣꠞ ꠊꠤꠘ꠆ꠘꠣ ꠎꠘꠝꠣꠁꠍꠦ, ꠝꠘꠦ ꠝꠘꠦ ꠇꠔ ꠒꠞ ꠒꠞꠣꠁꠍ, ꠀꠟ꠆ꠟꠣꠞ ꠛꠣꠄ ꠇꠔ ꠀꠉꠥꠀꠁꠍ, ꠘꠣꠚꠞꠝꠣꠘꠤ ꠇꠣꠝꠞ ꠛꠤꠌꠣꠞ ꠇꠞꠍ। ꠅꠃ ꠛꠦꠙꠣꠞꠦ ꠔꠥꠝꠞꠣ ꠢꠇꠟ ꠝꠘ꠆ꠔꠦꠃ ꠙꠞꠝꠣꠘ ꠖꠤꠍ, ꠔꠥꠝꠞꠣ ꠘꠤꠈꠥꠔ।

Injil 9: Galatia 5:21

ꠁꠋꠡꠣ, ꠝꠣꠔꠟꠣꠝꠤ, ꠢꠂ-ꠢꠥꠟ꠆ꠟꠣ ꠇꠞꠤ ꠛꠎ꠆ꠎꠣꠔꠤ ꠇꠞꠣ, ꠀꠞ ꠅꠃ ꠘꠝꠥꠘꠣꠞ ꠀꠞꠅ ꠛꠃꠔ ꠇꠣꠝ। ꠔꠦ ꠀꠝꠤ ꠀꠉꠦ ꠎꠦꠟꠣ ꠢꠥꠡꠤꠀꠞ ꠇꠞꠍꠟꠣꠝ, ꠅꠈꠘ ꠢꠤꠞꠛꠣꠞ ꠅꠃꠟꠣ ꠇꠁꠞꠣꠝ, ꠖꠤꠟꠞ ꠅꠃ ꠛꠖ ꠈꠣꠁꠡꠞ ꠉꠥꠟꠣꠝꠤ ꠎꠦꠞꠣ ꠇꠞꠦ, ꠀꠟ꠆ꠟꠣꠞ ꠛꠣꠖꠡꠣꠁꠔ ꠔꠣꠞꠣꠞ ꠇꠥꠘꠥ ꠑꠣꠁ ꠘꠣꠁ।

Injil 10: Ifisia 4:17

ꠄꠞꠟꠣꠉꠤ ꠀꠝꠤ ꠀꠝꠣꠞ ꠝꠣꠟꠤꠇꠞ ꠘꠣꠝꠦ ꠔꠥꠝꠞꠣꠞꠦ ꠢꠥꠡꠤꠀꠞ ꠇꠞꠤ ꠖꠤꠀꠞ, ꠜꠤꠘ ꠗꠞ꠆ꠝꠞ ꠝꠣꠘꠡꠦ ꠎꠦꠟꠣ ꠛꠣꠎꠦ ꠌꠤꠘ꠆ꠔꠣ ꠇꠞꠤꠀ ꠎꠤꠘ꠆ꠖꠦꠉꠤ ꠇꠣꠐꠣꠁꠘ, ꠔꠥꠝꠞꠣ ꠀꠞ ꠁꠟꠣ ꠎꠤꠘ꠆ꠖꠦꠉꠤ ꠇꠣꠐꠣꠁꠅ ꠘꠣ।

Injil 10: Ifisia 4:28

ꠌꠥꠞꠦ ꠔꠣꠞ ꠌꠥꠞꠤ ꠇꠞꠣ ꠛꠣꠖ ꠖꠦꠃꠇ, ꠘꠤꠎꠞ ꠀꠔꠦ ꠢꠣꠟꠣꠟ ꠙꠕꠦ ꠝꠦꠘꠔ ꠇꠞꠤꠀ ꠈꠣꠘꠣ ꠈꠣꠃꠇ, ꠎꠣꠔꠦ ꠔꠣꠞ ꠈꠣꠅꠀ-ꠚꠤꠘ꠆ꠖꠣꠞ ꠛꠣꠖꠦꠅ ꠉꠞꠤꠛ-ꠖꠥꠈꠤꠞꠦ ꠖꠤꠛꠣꠞ ꠟꠣꠉꠤ ꠇꠤꠍꠥ ꠎꠝꠣ ꠞꠄ।

Injil 10: Ifisia 5:6

ꠢꠥꠡꠤꠀꠞ ꠞꠁꠅ, ꠝꠤꠍꠣ ꠝꠣꠔ ꠝꠣꠔꠤꠀ ꠇꠦꠃ ꠎꠣꠘꠥ ꠔꠥꠝꠞꠣꠞꠦ ꠛꠦ-ꠙꠕꠦ ꠘꠣ ꠘꠦꠄ, ꠀꠟ꠆ꠟꠣꠞ ꠘꠣꠚꠞꠝꠣꠘ ꠛꠘꠤꠀ ꠎꠦꠞꠣ ꠁꠔꠣ ꠛꠖ ꠇꠣꠝ ꠇꠞꠦ, ꠔꠣꠞꠣꠞ ꠃꠙꠞꠦ ꠀꠟ꠆ꠟꠣꠞ ꠉꠎꠛ ꠟꠣꠝꠦ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 24:7

“ꠇꠥꠘꠥ ꠝꠣꠘꠡꠦ ꠎꠥꠖꠤ ꠛꠘꠤ ꠁꠍꠞꠣꠁꠟꠞ ꠀꠞꠇ ꠜꠣꠁꠞꠦ ꠌꠥꠞꠤ ꠇꠞꠤꠀ ꠘꠤꠀ ꠉꠥꠟꠣꠝ ꠛꠣꠘꠣꠁꠟꠣꠄ, ꠛꠣ ꠖꠥꠍꠞꠣ ꠎꠣꠉꠣꠔ ꠛꠦꠌꠤꠀ ꠢꠣꠞꠤ ꠗꠞꠣ ꠈꠣꠄ, ꠔꠦ ꠔꠣꠞꠦ ꠎꠣꠘꠦ ꠝꠣꠞꠛꠣꠄ। ꠅꠃ ꠘꠝꠥꠘꠣꠄ ꠔꠥꠝꠞꠣꠞ ꠡꠝꠣꠎ ꠕꠣꠇꠤ ꠁꠟꠣ ꠘꠣꠚꠞꠝꠣꠘꠤꠞꠦ ꠚꠥꠍꠤꠀ ꠚꠣꠟꠣꠁꠛꠣꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:35

ꠘꠣꠚꠞꠝꠣꠘꠤꠞ ꠡꠣꠎꠣ ꠖꠦꠅꠀ ꠀꠝꠣꠞꠃ ꠇꠣꠝ, ꠀꠝꠟ ꠝꠣꠚꠤꠇ ꠛꠖꠟꠣ ꠖꠤꠝꠥ ꠔꠣꠝꠣꠝ ꠁꠘꠍꠣꠘ। ꠡꠝꠄ ꠅꠁꠟꠦ ꠙꠤꠍꠟꠤꠎꠤꠛ ꠖꠥꠡꠝꠘꠞ ꠙꠣꠅ, ꠝꠍꠤꠛꠔꠞ ꠖꠤꠘ ꠔꠣꠞꠣꠞ ꠘꠎꠖꠤꠇ ꠎꠣꠘꠤꠟꠣꠅ। ꠑꠤꠇ ꠇꠞꠤ ꠕꠅꠀ ꠀꠍꠦ ꠔꠣꠞꠣꠞ ꠇꠣꠝꠞ ꠛꠖꠟꠣ, ꠎꠟꠖꠤ ꠇꠞꠤ ꠙꠣꠁꠛꠣ ꠘꠤꠎꠞ ꠀꠝꠟ-ꠘꠣꠝꠣ ꠎꠦꠟꠣ।

ইঞ্জিল ১৩: ১-থিষল: 2:11

ꠔꠥꠝꠞꠣ ꠔ ꠎꠣꠘ, ꠛꠣꠚꠦ ꠎꠦꠟꠣ ꠘꠤꠎꠞ ꠙꠞꠔꠦꠇ ꠀꠅꠟꠣꠖꠞꠦ ꠃꠔꠡꠣꠢ, ꠡꠣꠘ꠆ꠔꠘꠣ ꠀꠞ ꠝꠎꠛꠥꠔ ꠙꠞꠣꠝꠤꠡ ꠖꠦꠁꠘ, ꠀꠝꠞꠣꠅ ꠔꠥꠝꠞꠣ ꠢꠇꠟꠞꠦ ꠅꠃꠟꠣ ꠙꠞꠣꠝꠤꠡ ꠖꠤꠔꠣꠝ,

Injil 19: Ibrani 13:4

ꠢꠇꠟꠦꠃ ꠛꠤꠀ-ꠡꠣꠖꠤꠞꠦ ꠁꠎ꠆ꠎꠔ ꠇꠞꠤꠅ। ꠎꠣꠝꠣꠁ-ꠛꠃꠞ ꠡꠝ꠆ꠙꠞ꠆ꠇꠞꠦ ꠙꠣꠇ-ꠙꠛꠤꠔ꠆ꠞ ꠞꠣꠈꠤꠅ। ꠝꠘꠅ ꠞꠣꠈꠤꠅ, ꠀꠟ꠆ꠟꠣꠄ ꠇꠥ-ꠘꠎꠞꠤ, ꠎꠤꠘꠣꠇꠥꠞ ꠀꠞ ꠟꠥꠌ꠆ꠌꠣ ꠅꠇꠟꠞ ꠛꠤꠌꠣꠞ ꠇꠞꠛꠣ।

Injil 19: Ibrani 2:6

ꠛꠞꠋ ꠀꠟ꠆ꠟꠣꠞ ꠇꠣꠟꠣꠝꠞ ꠝꠣꠎꠦ ꠄꠇꠎꠘꠦ ꠛꠣꠔꠣꠁꠍꠂꠘ, ꠝꠣꠘꠥꠡ ꠀꠞꠇꠔꠣ ꠇꠤꠔꠣ ꠎꠦꠘ ꠔꠥꠝꠤ ꠔꠣꠞꠣꠞꠦ ꠁꠀꠖ ꠇꠞ? ꠝꠣꠘꠡꠞ ꠀꠅꠟꠣꠖꠃ ꠛꠣ ꠇꠤꠔꠣ ꠎꠦꠘ ꠔꠣꠞꠣꠞꠦ ꠖꠦꠈꠣ-ꠢꠥꠘꠣ ꠇꠞ?

Injil 20: Iakub 2:6

ꠅꠁꠟꠦ ꠔꠥꠝꠞꠣ ꠔ ꠁ ꠉꠞꠤꠛ ꠅꠇꠟꠞꠦ ꠄꠟꠣꠝꠤ ꠇꠞꠍ। ꠗꠘꠤ ꠅꠇꠟꠦ ꠇꠤꠔꠣ ꠔꠥꠝꠞꠣꠞꠦ ꠎꠥꠟꠥꠝ ꠇꠞꠦ ꠘꠣ ꠘꠤ? ꠔꠣꠞꠣꠃ ꠔ ꠔꠥꠝꠞꠣꠞꠦ ꠐꠣꠘꠤꠀ-ꠍꠦꠌꠠꠣꠁꠀ ꠛꠤꠌꠣꠞꠅ ꠟꠁꠀ ꠎꠣꠄ।

Injil 20: Iakub 5:4

ꠢꠥꠘꠅ, ꠔꠥꠝꠞꠣꠞ ꠗꠣꠘ ꠖꠣꠅꠞꠣ ꠇꠣꠝꠟꠣꠞ ꠎꠦ ꠛꠦꠔꠘ ꠀꠐꠇꠣꠁꠍ, ꠅꠃ ꠛꠦꠔꠘꠦ ꠅꠈꠘ ꠌꠤꠟ꠆ꠟꠣꠁꠀ ꠀꠢꠣꠎꠣꠞꠤ ꠇꠞꠦꠞ। ꠁ ꠇꠣꠝꠟꠣꠁꠘ꠆ꠔꠞ ꠀꠢꠣꠎꠣꠞꠤ ꠀꠟ꠆ꠟꠣ ꠞꠣꠛ꠆ꠛꠥꠟ ꠀꠟꠣꠝꠤꠘꠞ ꠇꠣꠘꠅ ꠉꠤꠀ ꠀꠎꠤꠍꠦ।