ইঞ্জিল ১৩: ১-থিষল: 4:4 - Siloṭi Asmani Kitab (Nagri lipi)

^4-5 ꠀꠞ ꠎꠦꠔꠣ ꠝꠣꠘꠡꠦ ꠀꠟ꠆ꠟꠣꠞꠦ ꠌꠤꠘꠂꠘ ꠘꠣ, ꠢꠃ ꠜꠤꠘ-ꠗꠞ꠆ꠝꠤꠞ ꠟꠣꠈꠣꠘ ꠡꠞꠤꠟꠞ ꠈꠣꠁꠡꠞ ꠛꠡꠦ ꠘꠣ ꠌꠟꠤꠀ, ꠔꠥꠝꠞꠣ ꠙꠞꠔꠦꠇ ꠎꠘꠦ ꠎꠣꠞꠎꠤꠞ ꠡꠞꠤꠟꠞꠦ ꠙꠣꠇ-ꠙꠛꠤꠔ꠆ꠞ ꠞꠣꠈꠤꠀ ꠝꠣꠘ-ꠡꠝ꠆ꠝꠣꠘꠦ ꠎꠤꠘꠣ ꠕꠣꠇꠤ ꠢꠥꠡꠤꠀꠞ ꠞꠅ।

ছিলটি আছমানি কিতাব (বাংলা লিপি)

^4-5 আর যেতা মানষে আল্লারে চিনইন না, হউ ভিন-ধর্মীর লাখান শরিলর খাইশর বশে না চলিয়া, তুমরা পরতেক জনে যারযির শরিলরে পাক-পবিত্র রাখিয়া মান-সম্মানে জিনা থাকি হুশিয়ার রও।

Siloṭi Asmani Kitab (Latin lipi)

^4-5 Ar zeta manshe Allare sinoin na, hou bin-dormir laḳan shorilor ḳaishor boshe na solia, tumra forteḳ zone zarzir shorilre fak-fobitro rakia man-shommane zina taki hushiar ro.

ইঞ্জিল ১৩: ১-থিষল: 4:4 Iomraidhean Croise

Injil 5: Sahabi Nama 9:15

ꠅꠁꠟꠦ ꠝꠣꠟꠤꠇꠦ ꠔꠣꠘꠞꠦ ꠇꠁꠟꠣ, “ꠔꠥꠝꠤ ꠎꠣꠅ, ꠇꠣꠞꠘ ꠅ-ꠁꠢꠥꠖꠤ ꠅꠇꠟ, ꠔꠣꠞꠣꠞ ꠞꠣꠎꠣ ꠅꠇꠟ, ꠀꠞ ꠛꠘꠤ ꠁꠍꠞꠣꠁꠟꠞ ꠉꠦꠍꠦ ꠀꠝꠣꠞ ꠘꠣꠝ ꠔꠛꠟꠤꠉꠞ ꠟꠣꠉꠤ ꠀꠝꠤ ꠔꠣꠞꠦ ꠙꠍꠘ꠆ꠖ ꠇꠞꠍꠤ।

Injil 6: Ruman 1:24

ꠄꠞꠟꠣꠉꠤ ꠀꠟ꠆ꠟꠣ ꠙꠣꠇꠦꠅ ꠔꠣꠞꠣꠞ ꠖꠤꠟꠞ ꠛꠖ ꠈꠣꠁꠡ ꠝꠣꠚꠤꠇ, ꠔꠣꠞꠣꠞꠦ ꠘꠚꠞꠔꠤ ꠇꠣꠝꠞ ꠀꠔꠅ ꠍꠣꠠꠤ ꠖꠤꠍꠂꠘ, ꠅꠔꠣꠞ ꠖꠣꠄ ꠔꠣꠞꠣ ꠄꠇꠦ-ꠅꠁꠘ꠆ꠘꠞ ꠟꠉꠦ ꠛꠖꠝꠣꠁꠡꠤ-ꠛꠦꠁꠎ꠆ꠎꠔꠤ ꠇꠞꠦꠞ।

Injil 6: Ruman 12:1

ꠄꠞꠟꠣꠉꠤ ꠅ ꠜꠣꠁ ꠅꠇꠟ, ꠀꠟ꠆ꠟꠣꠄ ꠔꠥꠝꠞꠣꠞꠦ ꠅꠟꠣ ꠝꠦꠢꠦꠞꠛꠣꠘꠤ ꠇꠞꠣꠄ, ꠀꠝꠤ ꠔꠥꠝꠞꠣꠞꠦ ꠈꠣꠍ ꠝꠤꠘꠔꠤ ꠇꠞꠤꠀꠞ, ꠔꠥꠝꠞꠣ ꠎꠣꠞꠎꠤꠞ ꠡꠞꠤꠟꠞꠦ ꠀꠟ꠆ꠟꠣꠞ ꠀꠔꠅ ꠡꠙꠤ ꠖꠦꠅ, ꠁꠟꠣ ꠎꠤꠘ꠆ꠖꠣ ꠙꠛꠤꠔ꠆ꠞ ꠇꠥꠞꠛꠣꠘꠤ ꠀꠟ꠆ꠟꠣꠞ ꠖꠞꠛꠣꠞꠅ ꠇꠛꠥꠟ ꠅꠄ, ꠅꠇꠐꠣꠃ ꠅꠁꠛ ꠔꠥꠝꠞꠣꠞ ꠍꠢꠤ-ꠡꠥꠖ꠆ꠖ ꠄꠛꠣꠖꠔ।

Injil 6: Ruman 6:19

ꠜꠣꠁꠀꠁꠘꠞꠦ, ꠔꠥꠝꠞꠣꠞ ꠀꠈꠟꠞ ꠇꠝꠎꠥꠞꠤ ꠖꠦꠈꠤꠀ ꠀꠝꠤ ꠔꠥꠝꠞꠣꠞ ꠟꠉꠦ ꠝꠣꠘꠥꠡ ꠛꠥꠟꠤꠄ ꠝꠣꠔꠤꠞꠣꠝ, ꠀꠉꠦ ꠎꠦꠟꠣ ꠔꠥꠝꠞꠣꠞ ꠡꠞꠤꠟꠞ ꠅꠋꠉꠞꠦ ꠘꠣꠙꠣꠇꠤ ꠀꠞ ꠛꠖ ꠈꠣꠁꠡꠞ ꠉꠥꠟꠣꠝ ꠛꠣꠘꠣꠁꠍꠟꠣꠄ, ꠅꠈꠘꠅ ꠑꠤꠇ ꠅꠃꠟꠣ, ꠙꠣꠇ-ꠙꠛꠤꠔ꠆ꠞ ꠎꠤꠘ꠆ꠖꠦꠉꠤ ꠇꠣꠐꠣꠘꠤꠞ ꠟꠣꠉꠤ, ꠎꠣꠞꠎꠤꠞ ꠅꠋꠉꠞꠦ ꠘꠦꠇ ꠇꠣꠝꠞ ꠉꠥꠟꠣꠝꠤꠔ ꠡꠙꠤ ꠖꠦꠅ।

Injil 7: 1-Korintia 6:15

ꠔꠥꠝꠞꠣ ꠎꠣꠘ ꠘꠣ ꠘꠤ, ꠔꠥꠝꠞꠣꠞ ꠡꠞꠤꠟ ꠅꠁꠟ ꠀꠟ-ꠝꠍꠤꠞ ꠡꠞꠤꠟꠞ ꠅꠋꠉ? ꠔꠦ ꠀꠟ-ꠝꠍꠤꠞ ꠡꠞꠤꠟꠞꠦ ꠀꠝꠤ ꠛꠖꠝꠣꠁꠡ ꠛꠦꠐꠤꠞ ꠡꠞꠤꠟꠞ ꠟꠉꠦ ꠝꠤꠟꠣꠁꠔꠣꠝ ꠘꠤ? ꠘꠣꠃꠎꠥꠛꠤꠟ꠆ꠟꠣ, ꠇꠥꠘꠥꠝꠘ꠆ꠔꠦꠃ ꠘꠣ!

Injil 7: 1-Korintia 7:2

ꠅꠁꠟꠦ ꠡꠝꠣꠎꠞ ꠢꠣꠟꠔ ꠖꠦꠈꠤꠀ ꠀꠝꠤ ꠇꠁꠞꠣꠝ, ꠎꠤꠘꠣ ꠕꠣꠇꠤ ꠛꠣꠌꠤꠛꠣꠞ ꠟꠣꠉꠤ ꠙꠞꠔꠦꠇ ꠛꠦꠐꠣꠁꠘ꠆ꠔꠞ ꠛꠃ ꠕꠣꠇꠟꠦ ꠜꠣꠟꠣ, ꠀꠞ ꠙꠞꠔꠦꠇ ꠛꠦꠐꠤꠘ꠆ꠔꠞꠅ ꠎꠣꠝꠣꠁ ꠕꠣꠇꠟꠦ ꠜꠣꠟꠣ।

Injil 7: 1-Korintia 7:9

ꠅꠁꠟꠦ ꠘꠤꠎꠞꠦ ꠡꠣꠝꠟꠣꠁꠔꠦ ꠘꠣ ꠙꠣꠞꠟꠦ ꠔꠣꠞꠣ ꠛꠤꠀ-ꠡꠣꠖꠤ ꠇꠞꠃꠇ। ꠇꠣꠞꠘ ꠡꠞꠤꠟꠞ ꠈꠣꠁꠡꠦ ꠎꠟꠤꠀ-ꠙꠥꠠꠤꠀ ꠝꠞꠣ ꠕꠣꠇꠤ ꠛꠤꠀ-ꠡꠣꠖꠤ ꠇꠞꠣꠃ ꠜꠣꠟꠣ।

Injil 8: 2-Korintia 4:7

ꠀꠟ꠆ꠟꠣꠁ ꠅꠃ ꠘꠥꠞꠞ ꠗꠘ ꠔ ꠝꠣꠐꠤꠞ ꠛꠣꠡꠘꠅ ꠞꠣꠈꠣ ꠅꠁꠍꠦ, ꠅꠃ ꠛꠣꠡꠘ ꠅꠁꠟꠣꠝ ꠀꠝꠞꠣꠃ। ꠝꠣꠐꠤꠞ ꠛꠣꠡꠘꠅ ꠞꠣꠈꠣ ꠅꠁꠍꠦ, ꠎꠣꠔꠦ ꠝꠣꠘꠡꠦ ꠛꠥꠎꠔ ꠙꠣꠞꠦ ꠅꠃ ꠇꠥꠖꠞꠔꠤ ꠝꠢꠣꠡꠇ꠆ꠔꠤ ꠀꠝꠞꠣꠞ ꠘꠤꠎꠞ ꠉꠦꠍ ꠕꠣꠇꠤ ꠀꠁꠍꠦ ꠘꠣ, ꠛꠞꠋ ꠀꠟ꠆ꠟꠣꠞ ꠉꠦꠍ ꠕꠣꠇꠤꠃ ꠀꠁꠍꠦ।

Injil 11: Filifia 4:8

ꠅ ꠜꠣꠁ ꠅꠇꠟ, ꠀꠝꠤ ꠢꠦꠡ-ꠝꠦꠡ ꠇꠁꠞꠣꠝ, ꠎꠦꠔꠣ ꠢꠣꠍꠣ, ꠎꠦꠔꠣ ꠃꠙꠎꠥꠇ꠆ꠔ, ꠢꠇ, ꠈꠣꠐꠤ, ꠡꠥꠘ꠆ꠖꠞ, ꠀꠞ ꠁꠎ꠆ꠎꠔ ꠙꠣꠅꠀꠞ ꠎꠥꠇꠣ, ꠝꠣꠘꠤ ꠎꠦꠔꠣ ꠜꠣꠟꠣ ꠀꠞ ꠎꠦꠔꠣꠄ ꠔꠣꠞꠤꠚ ꠅꠄ, ꠅꠃ ꠟꠣꠈꠣꠘ ꠛꠦꠙꠣꠞꠦ ꠔꠥꠝꠞꠣ ꠈꠤꠀꠟꠤ ꠅꠅ।

Injil 19: Ibrani 13:4

ꠢꠇꠟꠦꠃ ꠛꠤꠀ-ꠡꠣꠖꠤꠞꠦ ꠁꠎ꠆ꠎꠔ ꠇꠞꠤꠅ। ꠎꠣꠝꠣꠁ-ꠛꠃꠞ ꠡꠝ꠆ꠙꠞ꠆ꠇꠞꠦ ꠙꠣꠇ-ꠙꠛꠤꠔ꠆ꠞ ꠞꠣꠈꠤꠅ। ꠝꠘꠅ ꠞꠣꠈꠤꠅ, ꠀꠟ꠆ꠟꠣꠄ ꠇꠥ-ꠘꠎꠞꠤ, ꠎꠤꠘꠣꠇꠥꠞ ꠀꠞ ꠟꠥꠌ꠆ꠌꠣ ꠅꠇꠟꠞ ꠛꠤꠌꠣꠞ ꠇꠞꠛꠣ।

ꠁꠘ꠆ꠎꠤꠟ ২১: ১-ꠙꠤꠔꠞ 3:7

ꠀꠞ ꠎꠣꠝꠣꠁ ꠅꠇꠟꠞꠦꠅ ꠇꠁꠞꠣꠝ, ꠔꠥꠝꠞꠣ ꠛꠤꠛꠦꠇ-ꠛꠥꠖ꠆ꠖꠤ ꠈꠣꠐꠣꠁꠀ ꠛꠃꠞ ꠟꠉꠦ ꠌꠟꠅ। ꠔꠣꠞꠣꠅ ꠔ ꠔꠥꠝꠞꠣꠞ ꠟꠉꠞ ꠇꠝꠎꠥꠞ ꠝꠣꠘꠥꠡ ꠀꠞ ꠀꠟ꠆ꠟꠣꠞ ꠞꠢꠝꠔꠞ ꠖꠣꠘ ꠢꠤꠡꠣꠛꠦ ꠔꠣꠞꠣꠅ ꠔꠥꠝꠞꠣꠞ ꠟꠉꠦ ꠎꠤꠘ꠆ꠖꠦꠉꠤ ꠙꠣꠁꠛ। ꠄꠞꠟꠣꠉꠤ ꠔꠣꠞꠣꠞꠦ ꠁꠎ꠆ꠎꠔ ꠖꠦꠅ, ꠎꠣꠔꠦ ꠀꠟ꠆ꠟꠣꠞ ꠖꠞꠛꠣꠞꠅ ꠔꠥꠝꠞꠣꠞ ꠝꠥꠘꠣꠎꠣꠔ ꠛꠦꠇꠣꠝꠣ ꠘꠣ ꠎꠣꠄ।