ইঞ্জিল ১৩: ১-থিষল: 4:3 - Siloṭi Asmani Kitab (Nagri lipi)

³ ꠀꠍꠟꠦ ꠀꠟ꠆ꠟꠣꠄ ꠌꠣꠁꠞꠣ, ꠔꠥꠝꠞꠣ ꠎꠣꠘꠥ ꠙꠣꠇ-ꠙꠛꠤꠔ꠆ꠞ ꠅꠅ, ꠝꠣꠘꠤ ꠢꠇꠟ ꠘꠝꠥꠘꠣꠞ ꠎꠤꠘꠣ ꠕꠣꠇꠤ ꠢꠞꠤꠀ ꠞꠅ।

ছিলটি আছমানি কিতাব (বাংলা লিপি)

³ আসলে আল্লায় চাইরা, তুমরা যানু পাক-পবিত্র অও, মানি হকল নমুনার জিনা থাকি হরিয়া রও।

Siloṭi Asmani Kitab (Latin lipi)

³ Ashole Allae saira, tumra zanu fak-fobitro o, mani hoḳol nomunar zina taki horia ro.

ইঞ্জিল ১৩: ১-থিষল: 4:3 Iomraidhean Croise

ꠎꠛꠥꠞ ꠡꠞꠤꠚ 40:8

ꠅꠉ ꠀꠝꠣꠞ ꠀꠟ꠆ꠟꠣ, ꠀꠝꠤ ꠈꠥꠡꠤ ꠔꠥꠝꠣꠞ ꠝꠞ꠆ꠎꠤ ꠙꠥꠞꠘꠦ, ꠢꠇ꠆ꠇꠟ ꠢꠥꠇꠥꠝ ꠉꠣꠕꠣ ꠀꠝꠣꠞ ꠖꠤꠟꠞ ꠜꠤꠔꠞꠦ।

ꠔꠃꠞꠣꠔ ৩: ꠟꠦꠛꠤꠀꠘ 15:18

ꠇꠥꠘꠥ ꠛꠦꠐꠣꠄ ꠔꠣꠞ ꠛꠃꠞ ꠟꠉꠦ ꠝꠤꠟꠣ-ꠝꠤꠡꠣꠞ ꠇꠣꠟꠅ ꠎꠃꠛꠘꠞ ꠙꠣꠘꠤ ꠛꠣꠞ ꠅꠁꠟꠦ, ꠔꠣꠞꠣ ꠖꠥꠁꠅꠎꠘꠦ ꠙꠣꠘꠤꠖꠤ ꠘꠣꠁꠔꠦ ꠅꠁꠛ, ꠖꠥꠁꠅꠎꠘ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠢꠣꠟꠔꠦ ꠞꠁꠛ।

ꠁꠘ꠆ꠎꠤꠟ ১: ꠝꠕꠤ 12:50

ꠎꠣꠞꠣ ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤ ꠎꠥꠉꠣꠁꠀ ꠌꠟꠂꠘ, ꠔꠣꠞꠣꠃ ꠀꠝꠣꠞ ꠝꠣ ꠀꠞ ꠜꠣꠁ-ꠛꠁꠘ।”

ꠁꠘ꠆ꠎꠤꠟ ১: ꠝꠕꠤ 15:19

ꠝꠣꠘꠡꠞ ꠖꠤꠟ ꠕꠣꠇꠤꠃ ꠔ ꠢꠇꠟ ꠘꠝꠥꠘꠣꠞ ꠇꠥ-ꠌꠤꠘ꠆ꠔꠣ ꠛꠣꠞꠅꠄ, ꠎꠦꠝꠘ ꠈꠥꠘ, ꠎꠤꠘꠣ, ꠌꠥꠞꠤ, ꠝꠤꠍꠣ ꠡꠣꠇ꠆ꠇꠤ, ꠀꠞ ꠁꠋꠡꠣ-ꠘꠤꠘ꠆ꠖꠣ ꠛꠣꠞꠅꠄ।

ꠁꠘ꠆ꠎꠤꠟ ১: ꠝꠕꠤ 5:32

ꠅꠁꠟꠦ ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠎꠦ ꠝꠣꠘꠡꠦ ꠎꠤꠘꠣ ꠍꠣꠠꠣ ꠅꠁꠘ꠆ꠘ ꠇꠥꠘꠥ ꠇꠣꠞꠘꠦ ꠘꠤꠎꠞ ꠛꠃꠞꠦ ꠔꠣꠟꠣꠇ ꠖꠦꠄ, ꠢꠦ ꠔ ꠔꠣꠞ ꠛꠃꠞꠦ ꠎꠤꠘꠣꠇꠥꠞ ꠛꠣꠘꠣꠄ। ꠀꠞ ꠔꠣꠟꠣꠇ ꠙꠣꠅꠀ ꠛꠦꠐꠤꠞꠦ ꠎꠦꠉꠤꠄ ꠛꠤꠀ ꠇꠞꠦ, ꠢꠦ-ꠅ ꠎꠤꠘꠣꠇꠥꠞ ꠛꠘꠦ।

ꠁꠘ꠆ꠎꠤꠟ ১: ꠝꠕꠤ 7:21

“ꠝꠘꠅ ꠞꠣꠈꠤꠅ, ꠀꠝꠣꠞꠦ ‘ꠢꠥꠎꠥꠞ, ꠢꠥꠎꠥꠞ!’ ꠇꠁꠟꠦꠃ ꠎꠦꠘ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠔ ꠢꠣꠝꠣꠁꠎꠤꠛꠣꠄ, ꠁꠈꠣꠘ ꠑꠤꠇ ꠘꠣꠄ। ꠛꠞꠋ ꠎꠦ ꠎꠘꠦ ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠝꠞ꠆ꠎꠤ ꠎꠥꠉꠣꠁꠀ ꠌꠟꠦ, ꠈꠣꠟꠤ ꠢꠦ-ꠃ ꠢꠣꠝꠣꠁꠔ ꠙꠣꠞꠛ।

Injil 2: Markus 3:35

ꠎꠦꠞꠣ ꠀꠟ꠆ꠟꠣꠞ ꠝꠞ꠆ꠎꠤ ꠎꠥꠉꠣꠁꠀ ꠌꠟꠂꠘ, ꠔꠣꠞꠣꠃ ꠔ ꠀꠝꠣꠞ ꠝꠣ, ꠀꠞ ꠜꠣꠁ-ꠛꠁꠘ।”

Injil 4: Hannan 4:34

ꠔꠦꠃ ꠁꠍꠣꠄ ꠔꠣꠞꠣꠞꠦ ꠇꠁꠟꠣ, “ꠎꠦꠁꠘ ꠀꠝꠣꠞꠦ ꠛꠦꠎꠤꠍꠂꠘ, ꠔꠣꠘ ꠝꠞ꠆ꠎꠤ ꠝꠣꠚꠤꠇ ꠔꠣꠘ ꠇꠣꠝ ꠙꠥꠞꠣ ꠇꠞꠣꠃ ꠀꠝꠣꠞ ꠈꠣꠘꠤ।

Injil 4: Hannan 7:17

ꠇꠦꠃ ꠎꠥꠖꠤ ꠔꠣꠘ ꠝꠞ꠆ꠎꠤ ꠎꠥꠉꠣꠁꠀ ꠌꠟꠔ ꠌꠣꠄ, ꠔꠦ ꠢꠦ ꠛꠥꠎꠛ, ꠁ ꠔꠣꠟꠤꠝ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠀꠁꠍꠦ, ꠘꠣ ꠀꠝꠣꠞ ꠝꠥꠈ ꠕꠣꠇꠤ ꠖꠤꠞꠣꠝ।

Injil 5: Sahabi Nama 15:20

ꠔꠣꠞꠣꠞ ꠉꠦꠍꠦ ꠈꠣꠟꠤ ꠅꠃ ꠢꠥꠇꠥꠝꠈꠣꠘ ꠟꠦꠈꠤꠀ ꠎꠣꠘꠣꠁ ꠖꠦꠁ, ꠔꠣꠞꠣ ꠎꠣꠘꠥ ꠖꠦꠛꠔꠣꠞ ꠘꠣꠝꠞ ꠢꠇ꠆ꠇꠟ ꠇꠣꠝ ꠕꠣꠇꠤ, ꠎꠤꠘꠣꠞ ꠇꠣꠝ ꠕꠣꠇꠤ, ꠀꠞ ꠉꠟꠣ ꠐꠤꠙꠤꠀ ꠝꠣꠞꠣ ꠎꠣꠘꠖꠣꠞꠞ ꠉꠥꠡ꠆ꠔ ꠈꠣꠅꠀ ꠀꠞ ꠟꠃ ꠈꠣꠅꠀ ꠕꠣꠇꠤ ꠖꠥꠞꠁ ꠞꠂꠘ।

Injil 5: Sahabi Nama 15:29

ꠔꠦ ꠀꠙꠘꠣꠞꠣ ꠖꠦꠛꠔꠣꠞ ꠘꠣꠝꠞ ꠝꠣꠘꠣ ꠇꠥꠘꠥ ꠈꠣꠘꠤ, ꠟꠃ, ꠀꠞ ꠉꠟꠣ ꠐꠤꠙꠤꠀ ꠝꠣꠞꠣ ꠎꠣꠘꠖꠣꠞꠞ ꠉꠥꠡ꠆ꠔ ꠈꠣꠁꠛꠣ ꠘꠣ, ꠀꠞ ꠎꠤꠘꠣꠞ ꠇꠣꠝ ꠕꠣꠇꠤ ꠖꠥꠞꠁ ꠞꠁꠛꠣ; ꠁꠔꠣ ꠕꠣꠇꠤ ꠢꠦꠚꠣꠎꠔ ꠞꠁꠟꠦ ꠀꠙꠘꠣꠁꠘ꠆ꠔꠞ ꠜꠣꠟꠣꠁ ꠅꠁꠛ। ꠁꠔꠤ, ꠀꠍꠍꠣꠟꠣꠝꠥ ꠀꠟꠣꠁꠇꠥꠝ।”

Injil 5: Sahabi Nama 20:32

ꠅꠈꠘ ꠀꠟ꠆ꠟꠣ ꠀꠞ ꠔꠣꠘ ꠞꠢꠝꠔꠞ ꠇꠣꠟꠣꠝꠞ ꠎꠤꠝ꠆ꠝꠣꠄ ꠀꠝꠤ ꠀꠙꠘꠣꠞꠣꠞꠦ ꠡꠙꠤꠟꠣꠝ। ꠀꠟ꠆ꠟꠣꠞ ꠁ ꠇꠣꠟꠣꠝꠦ ꠀꠙꠘꠣꠞꠣꠞꠦ ꠉꠠꠤꠀ ꠔꠥꠟꠛ ꠀꠞ ꠔꠣꠘ ꠙꠣꠇ ꠛꠘ꠆ꠖꠣ ꠅꠇꠟꠞ ꠟꠣꠉꠤ ꠅꠀꠖꠣ ꠇꠞꠣ ꠛꠦꠢꠦꠡ꠆ꠔꠤ ꠝꠘ꠆ꠎꠤꠟꠅ ꠙꠃꠍꠣꠁ ꠖꠤꠛ।

Injil 5: Sahabi Nama 26:18

ꠔꠥꠝꠤ ꠔꠣꠞꠣꠞ ꠌꠃꠈ ꠈꠥꠟꠤꠀ ꠖꠤꠛꠣꠄ, ꠔꠣꠞꠣ ꠎꠣꠘꠥ ꠀꠘ꠆ꠖꠣꠁꠞ ꠕꠣꠇꠤ ꠘꠥꠞꠞ ꠛꠣꠄ, ꠡꠄꠔꠣꠘꠞ ꠖꠈꠟ ꠕꠣꠇꠤ ꠀꠟ꠆ꠟꠣꠞ ꠛꠣꠄ ꠚꠤꠞꠤꠀ ꠀꠁꠘ, ꠀꠝꠣꠞ ꠃꠙꠞꠦ ꠁꠝꠣꠘ ꠀꠘꠤꠀ ꠉꠥꠘꠣꠞ ꠝꠣꠚꠤ ꠙꠣꠁꠀ, ꠙꠞꠦꠎꠉꠣꠞ ꠛꠘ꠆ꠖꠣ ꠅꠇꠟꠞ ꠝꠣꠎꠦ ꠔꠣꠞꠣꠅ ꠖꠣꠈꠤꠟ ꠅꠁꠘ।

Injil 6: Ruman 1:29

ꠔꠣꠞꠣ ꠢꠇꠟ ꠘꠝꠥꠘꠣꠞ ꠘꠣꠚꠞꠝꠣꠘꠤ, ꠛꠖ ꠇꠣꠝ, ꠟꠥꠜ-ꠟꠣꠟꠌ, ꠁꠋꠡꠣ-ꠘꠤꠘ꠆ꠖꠣ, ꠈꠥꠘ-ꠈꠣꠞꠣꠙꠤ, ꠝꠣꠞꠣ-ꠝꠣꠞꠤ, ꠍꠟ-ꠌꠔꠥꠞꠤ ꠀꠞ ꠇꠣꠘꠣ-ꠇꠣꠘꠤ ꠇꠞꠣꠞ ꠟꠣꠉꠤ ꠃꠡ꠆ꠔꠣꠖ।

Injil 6: Ruman 12:2

ꠀꠞ ꠅꠃ ꠈꠣꠞꠣꠙ ꠎꠝꠣꠘꠣꠞ ꠔꠣꠟꠅ ꠙꠠꠤꠅ ꠘꠣ, ꠛꠞꠋ ꠘꠤꠎꠞ ꠖꠤꠟꠞ ꠜꠣꠛ ꠛꠖꠟꠣꠁꠀ ꠘꠄꠀ ꠝꠣꠘꠥꠡ ꠅꠅ। ꠔꠦꠃ ꠔꠥꠝꠞꠣ ꠀꠟ꠆ꠟꠣꠞ ꠝꠞ꠆ꠎꠤ ꠛꠥꠎꠛꠣꠄ। ꠔꠣꠘ ꠝꠞ꠆ꠎꠤ ꠔ ꠜꠣꠟꠣ ꠀꠞ ꠙꠥꠞꠣꠙꠥꠞ ꠘꠤꠈꠥꠔ, ꠅꠟꠣ ꠇꠞꠟꠦ ꠔꠣꠁꠘ ꠈꠥꠡꠤ ꠅꠁꠘ।

Injil 6: Ruman 6:22

ꠅꠁꠟꠦ ꠅꠈꠘ ꠔꠥꠝꠞꠣ ꠉꠥꠘꠣꠞ ꠉꠥꠟꠣꠝꠤ ꠕꠣꠇꠤ ꠀꠎꠣꠖ ꠅꠁꠀ, ꠀꠟ꠆ꠟꠣꠞ ꠙꠕꠞ ꠉꠥꠟꠣꠝ ꠛꠘꠤꠀ ꠙꠣꠇ-ꠙꠛꠤꠔ꠆ꠞ ꠎꠤꠘ꠆ꠖꠦꠉꠤ ꠇꠣꠐꠣꠁꠞꠣꠄ, ꠄꠞ ꠢꠦꠡ ꠚꠟ ꠔ ꠀꠈꠦꠞꠤ ꠎꠤꠘ꠆ꠖꠦꠉꠤ।

Injil 7: 1-Korintia 1:30

ꠀꠞ ꠔꠥꠝꠞꠣ ꠎꠦꠞꠣ ꠁꠍꠣ ꠀꠟ-ꠝꠍꠤꠞ ꠀꠙꠘ ꠎꠘ ꠛꠘꠍ, ꠁꠔꠣ ꠔ ꠀꠟ꠆ꠟꠣ ꠕꠣꠇꠤꠃ ꠅꠁꠍꠦ। ꠀꠟ-ꠝꠍꠤꠃ ꠅꠁꠟꠣ ꠀꠝꠞꠣꠞ ꠉꠦꠍꠦ ꠀꠟ꠆ꠟꠣꠞ ꠖꠦꠅꠀ ꠀꠈꠟ, ꠙꠣꠇ-ꠙꠞꠦꠎꠉꠣꠞꠤ, ꠙꠛꠤꠔ꠆ꠞꠔꠣ ꠀꠞ ꠀꠎꠣꠖꠤꠞ ꠈꠥꠐꠤ।

Injil 7: 1-Korintia 7:2

ꠅꠁꠟꠦ ꠡꠝꠣꠎꠞ ꠢꠣꠟꠔ ꠖꠦꠈꠤꠀ ꠀꠝꠤ ꠇꠁꠞꠣꠝ, ꠎꠤꠘꠣ ꠕꠣꠇꠤ ꠛꠣꠌꠤꠛꠣꠞ ꠟꠣꠉꠤ ꠙꠞꠔꠦꠇ ꠛꠦꠐꠣꠁꠘ꠆ꠔꠞ ꠛꠃ ꠕꠣꠇꠟꠦ ꠜꠣꠟꠣ, ꠀꠞ ꠙꠞꠔꠦꠇ ꠛꠦꠐꠤꠘ꠆ꠔꠞꠅ ꠎꠣꠝꠣꠁ ꠕꠣꠇꠟꠦ ꠜꠣꠟꠣ।

Injil 8: 2-Korintia 12:21

ꠀꠝꠣꠞ ꠜꠤꠔꠞꠦ ꠒꠞ ꠇꠞꠦꠞ, ꠀꠝꠤ ꠀꠞꠇꠛꠣꠞ ꠎꠦꠛꠟꠣ ꠔꠥꠝꠞꠣꠞ ꠉꠦꠍꠦ ꠀꠁꠝꠥ, ꠅꠃ ꠡꠝꠄ ꠀꠝꠣꠞ ꠀꠟ꠆ꠟꠣꠄ ꠘꠤ ꠔꠥꠝꠞꠣꠞ ꠍꠣꠝꠘꠦ ꠀꠝꠣꠞꠦ ꠡꠞꠝꠤꠘ꠆ꠖꠣ ꠛꠣꠘꠣꠁꠟꠣꠁꠘ, ꠎꠦꠔꠣ ꠝꠣꠘꠡꠦ ꠉꠥꠘꠣ ꠇꠞꠍꠂꠘ, ꠎꠦꠔꠣꠄ ꠘꠣꠙꠣꠇꠤ ꠇꠣꠝ, ꠎꠤꠘꠣ, ꠀꠞ ꠛꠖꠝꠣꠁꠡꠤ ꠇꠞꠤꠀ ꠔꠃꠛꠣ ꠇꠞꠍꠦ ꠘꠣ, ꠅꠔꠣꠞꠦ ꠖꠦꠈꠤꠀ ꠘꠤ ꠀꠝꠤ ꠝꠘꠞ ꠝꠣꠎꠦ ꠇꠡ꠆ꠐ ꠙꠣꠁ।

Injil 9: Galatia 5:19

ꠖꠤꠟꠞ ꠛꠖ ꠈꠣꠁꠡꠞ ꠇꠣꠝ-ꠇꠣꠎ ꠔ ꠈꠥꠟꠣ-ꠝꠦꠟꠣꠃ ꠌꠤꠘꠣ ꠎꠣꠄ, ꠁꠔꠣ ꠅꠁꠟꠉꠤ ꠎꠤꠘꠣ, ꠘꠣꠙꠣꠇꠤ, ꠛꠖꠝꠣꠁꠡꠤ,

Injil 10: Ifisia 5:17

ꠄꠞꠟꠣꠉꠤꠃ ꠇꠁꠞꠣꠝ, ꠔꠥꠝꠞꠣ ꠛꠦꠀꠈꠟ ꠛꠘꠤꠅ ꠘꠣ, ꠛꠞꠋ ꠝꠣꠟꠤꠇꠞ ꠝꠞ꠆ꠎꠤꠞꠦ ꠛꠥꠎꠅ।

Injil 10: Ifisia 6:6

ꠈꠣꠟꠤ ꠝꠣꠘꠡꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦ ꠝꠥꠘꠤꠛꠞ ꠍꠣꠝꠘꠦ ꠛꠣꠁꠖ꠆ꠖ ꠞꠁꠅ ꠘꠣ, ꠛꠞꠋ ꠀꠟ-ꠝꠍꠤꠞ ꠉꠥꠟꠣꠝ ꠢꠤꠡꠣꠛꠦ ꠖꠤꠟꠦ-ꠎꠣꠘꠦ ꠀꠟ꠆ꠟꠣꠞ ꠝꠞ꠆ꠎꠤ ꠝꠣꠚꠤꠇ ꠌꠟꠞꠣꠄ ꠇꠞꠤꠀ ꠔꠥꠝꠞꠣꠞ ꠝꠥꠘꠤꠛꠞ ꠛꠣꠁꠖ꠆ꠖ ꠞꠁꠅ।

Injil 12: Kolosia 1:9

ꠄꠞꠟꠣꠉꠤ ꠔꠥꠝꠞꠣꠞ ꠛꠦꠙꠣꠞꠦ ꠢꠥꠘꠣꠞ ꠛꠣꠖ ꠕꠣꠇꠤꠃ ꠀꠝꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠖꠥꠀ ꠇꠞꠤ। ꠞꠥꠢꠣꠘꠤ ꠁꠟꠤꠝ ꠀꠞ ꠛꠥꠖ꠆ꠖꠤ ꠖꠤꠀ ꠔꠥꠝꠞꠣ ꠎꠣꠘꠥ ꠀꠟ꠆ꠟꠣꠞ ꠝꠥꠘꠡꠣ ꠙꠥꠞꠣꠙꠥꠞ ꠛꠥꠎꠔꠣꠄ ꠙꠣꠞ।

Injil 12: Kolosia 3:5

ꠄꠞꠟꠣꠉꠤ ꠉꠥꠘꠣꠞ ꠎꠦꠔꠣ ꠞꠤꠙꠥ ꠅꠇꠟ ꠔꠥꠝꠞꠣꠞ ꠎꠤꠘ꠆ꠖꠦꠉꠤꠔ ꠀꠍꠦ, ꠁꠔꠣꠞꠦ ꠄꠇꠖꠝ ꠛꠤꠘꠣꠡ ꠇꠞꠤꠟꠣꠅ। ꠁꠔꠣ ꠅꠁꠟ ꠢꠇ꠆ꠇꠟ ꠘꠝꠥꠘꠣꠞ ꠎꠤꠘꠣ, ꠘꠣꠙꠣꠇꠤ, ꠛꠖ ꠈꠣꠁꠡ, ꠇꠥ-ꠌꠤꠘ꠆ꠔꠣ, ꠀꠞ ꠟꠥꠜ-ꠟꠣꠟꠌ, ꠁ ꠟꠥꠜ-ꠟꠣꠟꠌ ꠅꠁꠟ ꠄꠇꠟꠣꠈꠣꠘ ꠝꠥꠞ꠆ꠔꠤꠙꠥꠎꠣ।

Injil 12: Kolosia 4:12

ꠀꠛꠥ-ꠚꠣꠞꠣꠍꠦꠅ ꠔꠥꠝꠞꠣꠞꠦ ꠍꠣꠟꠣꠝ ꠖꠤꠍꠂꠘ, ꠔꠣꠁꠘ ꠔ ꠔꠥꠝꠞꠣꠞ ꠀꠙꠘ ꠝꠣꠘꠥꠡ ꠀꠞ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠄꠁꠘ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠖꠤꠟꠦ-ꠎꠣꠘꠦ ꠝꠥꠘꠣꠎꠣꠔ ꠇꠞꠞꠣ, ꠔꠥꠝꠞꠣ ꠎꠣꠔꠦ ꠇꠣꠝꠤꠟ ꠅꠅ, ꠀꠞ ꠀꠟ꠆ꠟꠣꠞ ꠝꠞ꠆ꠎꠤ-ꠝꠥꠘꠡꠣ ꠛꠥꠎꠤꠀ ꠝꠎꠛꠥꠔ ꠅꠁꠀ ꠃꠛꠣꠅ।

ইঞ্জিল ১৩: ১-থিষল: 4:2

ꠢꠎꠞꠔ ꠁꠍꠣꠞ ꠖꠦꠅꠀ ꠄꠈꠔꠤꠀꠞꠦ ꠀꠝꠞꠣ ꠎꠦꠔꠣ ꠢꠥꠇꠥꠝ ꠖꠤꠍꠤ, ꠁꠔꠣ ꠔ ꠔꠥꠝꠞꠣꠞ ꠎꠣꠘꠣ ꠀꠍꠦ।

ইঞ্জিল ১৩: ১-থিষল: 4:4

ꠀꠞ ꠎꠦꠔꠣ ꠝꠣꠘꠡꠦ ꠀꠟ꠆ꠟꠣꠞꠦ ꠌꠤꠘꠂꠘ ꠘꠣ, ꠢꠃ ꠜꠤꠘ-ꠗꠞ꠆ꠝꠤꠞ ꠟꠣꠈꠣꠘ ꠡꠞꠤꠟꠞ ꠈꠣꠁꠡꠞ ꠛꠡꠦ ꠘꠣ ꠌꠟꠤꠀ, ꠔꠥꠝꠞꠣ ꠙꠞꠔꠦꠇ ꠎꠘꠦ ꠎꠣꠞꠎꠤꠞ ꠡꠞꠤꠟꠞꠦ ꠙꠣꠇ-ꠙꠛꠤꠔ꠆ꠞ ꠞꠣꠈꠤꠀ ꠝꠣꠘ-ꠡꠝ꠆ꠝꠣꠘꠦ ꠎꠤꠘꠣ ꠕꠣꠇꠤ ꠢꠥꠡꠤꠀꠞ ꠞꠅ।

ইঞ্জিল ১৩: ১-থিষল: 5:18

ꠀꠞ ꠢꠇꠟ ꠢꠣꠟꠔꠅ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠤꠅ। ꠇꠣꠞꠘ ꠀꠟ꠆ꠟꠣ ꠙꠣꠇꠞ ꠈꠤꠀꠟ ꠅꠁꠟ, ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠟꠉꠦ ꠁꠝꠣꠘꠦ ꠔꠥꠝꠞꠣ ꠅꠟꠣꠈꠣꠘ ꠌꠟ।

ইঞ্জিল ১৩: ১-থিষল: 5:23

ꠡꠣꠘ꠆ꠔꠤ ꠖꠦꠅꠞꠣ ꠀꠟ꠆ꠟꠣꠄ ꠘꠤꠎꠦ ꠔꠥꠝꠞꠣꠞꠦ ꠙꠥꠞꠣꠙꠥꠞ ꠙꠣꠇ-ꠙꠛꠤꠔ꠆ꠞ ꠇꠞꠃꠇ꠆ꠇꠣ, ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠄ ꠔꠡꠞꠤꠚ ꠀꠘꠣꠞ ꠇꠣꠟꠅ ꠔꠥꠝꠞꠣꠞ ꠀꠡ꠆ꠔꠣ ꠡꠞꠤꠟ, ꠞꠥꠢꠥ ꠀꠞ ꠖꠤꠟꠞꠦ ꠙꠥꠞꠣꠙꠥꠞ ꠘꠤꠈꠥꠔ ꠞꠣꠈꠃꠇ꠆ꠇꠣ।

ইঞ্জিল ১৪: ২-থিষল: 2:13

ꠅ ꠜꠣꠁ ꠅꠇꠟ, ꠅ ꠝꠣꠟꠤꠇ ꠁꠍꠣꠞ ꠝꠣꠄꠀꠞ ꠎꠘ ꠅꠇꠟ, ꠔꠥꠝꠞꠣꠞ ꠟꠣꠉꠤ ꠀꠝꠞꠣ ꠢꠣꠝꠦꠡꠣ ꠀꠟ꠆ꠟꠣꠞ ꠖꠞꠛꠣꠞꠅ ꠡꠥꠇꠞꠤꠀ ꠀꠖꠣꠄ ꠇꠞꠣ ꠖꠞꠇꠣꠞ, ꠀꠟ꠆ꠟꠣꠄ ꠔ ꠔꠥꠝꠞꠣꠞꠦ ꠙꠄꠟꠣ ꠕꠣꠇꠤꠃ ꠛꠣꠍꠤꠀ ꠀꠟꠉ ꠇꠞꠍꠂꠘ ꠘꠣꠎꠣꠔ ꠙꠣꠅꠀꠞ ꠟꠣꠉꠤ। ꠙꠣꠇ ꠞꠥꠢꠥ ꠖꠤꠀ ꠔꠥꠝꠞꠣꠞꠦ ꠙꠛꠤꠔ꠆ꠞ ꠇꠞꠣꠞ ꠝꠣꠎꠖꠤ, ꠀꠞ ꠀꠟ꠆ꠟꠣꠁ ꠈꠥꠡ-ꠈꠛꠞꠤꠞ ꠢꠇꠞ ꠃꠙꠞꠦ ꠁꠝꠣꠘ ꠀꠘꠤꠀ ꠔꠥꠝꠞꠣ ꠘꠣꠎꠣꠔ ꠙꠣꠁꠍ।

Injil 17: Titas 2:14

ꠁꠍꠣ ꠀꠟ-ꠝꠍꠤꠄ ꠔ ꠀꠝꠞꠣꠞꠦ ꠛꠣꠌꠣꠘꠤꠞ ꠟꠣꠉꠤ ꠔꠣꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠟꠣꠁꠍꠂꠘ, ꠎꠣꠔꠦ ꠢꠇꠟ ꠉꠥꠘꠣ ꠕꠣꠇꠤ ꠀꠝꠞꠣꠞꠦ ꠈꠣꠟꠣꠍ ꠇꠞꠤ ꠀꠘꠔꠣ ꠙꠣꠞꠂꠘ, ꠀꠞ ꠅꠃ ꠟꠣꠈꠣꠘ ꠄꠇꠖꠟ ꠝꠣꠘꠡꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠂꠘ, ꠎꠦꠞꠣ ꠈꠣꠟꠤ ꠔꠣꠘ ꠘꠤꠎꠞ ꠅꠁꠛꠣ, ꠎꠦꠞꠣ ꠘꠦꠇ ꠇꠣꠝꠞ ꠀꠡꠤꠇ ꠅꠁꠛꠣ।

Injil 19: Ibrani 10:36

ꠔꠥꠝꠞꠣ ꠝꠎꠛꠥꠔ ꠞꠅꠀ ꠖꠞꠇꠣꠞ, ꠎꠣꠔꠦ ꠀꠟ꠆ꠟꠣꠄ ꠎꠦ ꠙꠥꠞꠥꠡ꠆ꠇꠣꠞ ꠖꠤꠛꠣ ꠇꠞꠤ ꠅꠀꠖꠣ ꠇꠞꠍꠂꠘ, ꠔꠣꠘ ꠝꠞ꠆ꠎꠤ ꠝꠣꠚꠤꠇ ꠌꠟꠤꠀ ꠔꠥꠝꠞꠣꠅ ꠢꠃ ꠙꠥꠞꠥꠡ꠆ꠇꠣꠞ ꠙꠣꠅ।

Injil 19: Ibrani 12:16

ꠢꠎꠞꠔ ꠁꠀꠇꠥꠛꠞ ꠜꠣꠁ ꠁꠡʼꠞ ꠟꠣꠈꠣꠘ ꠇꠥꠘꠥ ꠛꠦ-ꠙꠕꠤ ꠘꠣꠚꠞꠝꠣꠘ ꠙꠄꠖꠣ ꠘꠣ ꠅꠄ। ꠁꠡꠦ ꠔ ꠈꠣꠟꠤ ꠄꠇ ꠅꠇ꠆ꠔꠞ ꠈꠣꠘꠤꠞ ꠟꠣꠉꠤ, ꠔꠣꠞ ꠘꠤꠎꠞ ꠝꠃꠞꠡꠤ ꠝꠣꠟꠤꠇꠣꠘꠣ ꠛꠦꠌꠤꠟꠣꠁꠍꠦ।

Injil 19: Ibrani 13:21

ꠢꠇꠟ ꠘꠦꠇ ꠇꠣꠝꠞ ꠔꠚꠤꠇ ꠖꠦꠃꠇ꠆ꠇꠣ, ꠔꠣꠘ ꠝꠞ꠆ꠎꠤ ꠎꠥꠉꠣꠁꠀ ꠌꠟꠣꠞ, ꠀꠞ ꠔꠣꠁꠘ ꠎꠦꠔꠣ ꠙꠍꠘ꠆ꠖ ꠇꠞꠂꠘ, ꠖꠤꠟꠅ ꠅꠔꠣꠞ ꠄꠡꠇꠤ ꠖꠦꠃꠇ꠆ꠇꠣ, ꠁꠍꠣ ꠀꠟ-ꠝꠍꠤꠞ ꠎꠞꠤꠀꠄ, ꠄꠘ ꠝꠢꠤꠝꠣ ꠢꠞ-ꠢꠣꠝꠦꠡꠣ ꠞꠃꠇ, ꠀꠝꠤꠘ।

Injil 19: Ibrani 13:4

ꠢꠇꠟꠦꠃ ꠛꠤꠀ-ꠡꠣꠖꠤꠞꠦ ꠁꠎ꠆ꠎꠔ ꠇꠞꠤꠅ। ꠎꠣꠝꠣꠁ-ꠛꠃꠞ ꠡꠝ꠆ꠙꠞ꠆ꠇꠞꠦ ꠙꠣꠇ-ꠙꠛꠤꠔ꠆ꠞ ꠞꠣꠈꠤꠅ। ꠝꠘꠅ ꠞꠣꠈꠤꠅ, ꠀꠟ꠆ꠟꠣꠄ ꠇꠥ-ꠘꠎꠞꠤ, ꠎꠤꠘꠣꠇꠥꠞ ꠀꠞ ꠟꠥꠌ꠆ꠌꠣ ꠅꠇꠟꠞ ꠛꠤꠌꠣꠞ ꠇꠞꠛꠣ।

ꠁꠘ꠆ꠎꠤꠟ ২১: ১-ꠙꠤꠔꠞ 1:2

ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠔꠣꠘ ꠝꠥꠘꠡꠣꠄ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ ꠀꠞ ꠙꠣꠇ ꠞꠥꠢꠦ ꠙꠛꠤꠔ꠆ꠞ ꠇꠞꠍꠂꠘ। ꠄꠞ ꠃꠖ꠆ꠖꠦꠡ꠆ꠡ ꠅꠁꠟ, ꠔꠥꠝꠞꠣ ꠎꠣꠔꠦ ꠁꠍꠣ ꠀꠟ-ꠝꠍꠤꠞ ꠛꠣꠁꠖ꠆ꠖ ꠅꠅ ꠀꠞ ꠔꠣꠘ ꠟꠃ ꠍꠤꠐꠣꠁꠀ ꠔꠥꠝꠞꠣꠞꠦ ꠙꠣꠇ-ꠍꠣꠚ ꠇꠞꠣ ꠅꠄ। ꠀꠟ꠆ꠟꠣꠄ ꠔꠥꠝꠞꠣꠞꠦ ꠛꠦꠡ ꠇꠞꠤ ꠞꠢꠝꠔ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।

ꠁꠘ꠆ꠎꠤꠟ ২১: ১-ꠙꠤꠔꠞ 4:2

ꠄꠞꠟꠣꠉꠤ ꠢꠦ ꠎꠔꠖꠤꠘ ꠖꠥꠘꠤꠀꠔ ꠀꠍꠦ, ꠅꠔꠖꠤꠘ ꠛꠖ ꠈꠣꠁꠡꠦ ꠘꠣ ꠌꠟꠤꠀ ꠈꠣꠟꠤ ꠀꠟ꠆ꠟꠣꠁ ꠝꠥꠘꠡꠣꠄ ꠎꠤꠘ꠆ꠖꠦꠉꠤ ꠇꠣꠐꠣꠄ।

Injil 23: 1-Hannan 2:17

ꠔꠦ ꠖꠥꠘꠤꠀꠛꠤ ꠎꠉꠔ-ꠡꠋꠡꠣꠞꠞ ꠢꠇ꠆ꠇꠟ ꠛꠣꠢꠣꠖꠥꠞꠤꠞ ꠖꠤꠘ ꠚꠥꠠꠣꠁ ꠎꠣꠞ, ꠅꠁꠟꠦ ꠎꠦ ꠛꠘ꠆ꠖꠣꠄ ꠀꠟ꠆ꠟꠣꠞ ꠝꠞ꠆ꠎꠤ ꠎꠥꠉꠣꠁ ꠌꠟꠦ, ꠢꠦ ꠔ ꠌꠤꠞꠇꠣꠟ ꠐꠤꠇꠤꠀ ꠞꠁꠛ।

Injil 27: Zaira Kalam 21:8

ꠅꠁꠟꠦ ꠇꠣ-ꠙꠥꠞꠥꠡ, ꠛꠦꠁꠝꠣꠘ, ꠢꠣꠞꠣꠝꠈꠥꠞ, ꠈꠥꠘꠤ, ꠎꠤꠘꠣꠇꠥꠞ, ꠎꠣꠖꠥꠉꠤꠞ, ꠝꠥꠞ꠆ꠔꠤꠙꠥꠎꠣ ꠇꠞꠞꠣ, ꠀꠞ ꠢꠇꠟ ꠘꠝꠥꠘꠣꠞ ꠝꠤꠍꠣ ꠝꠣꠔꠞꠣ ꠅꠇꠟ ꠎꠣꠟꠣꠁꠟ ꠀꠉꠥꠁꠘ ꠀꠞ ꠉꠘ꠆ꠖꠇꠞ ꠉꠣꠔꠅ ꠞꠁꠛꠣ। ꠄꠞ ꠘꠣꠝꠃ ꠅꠁꠟ ꠖꠥꠍꠞꠣꠛꠣꠞꠞ ꠝꠃꠔ।”

Injil 27: Zaira Kalam 22:15

ꠇꠥꠇꠞꠞ ꠟꠣꠈꠣꠘ ꠎꠊꠁꠘ꠆ꠘ ꠝꠣꠘꠥꠡ, ꠎꠣꠖꠥꠉꠤꠞ, ꠎꠤꠘꠣꠇꠥꠞ, ꠈꠥꠘꠤ, ꠝꠥꠞ꠆ꠔꠤꠙꠥꠎꠣ ꠇꠞꠞꠣ, ꠀꠞ ꠎꠦꠔꠣꠄ ꠝꠤꠍꠣ ꠝꠣꠔ ꠙꠍꠘ꠆ꠖ ꠇꠞꠦ, ꠝꠤꠍꠣꠞ ꠝꠣꠎꠦ ꠌꠟꠦ, ꠁꠔꠣ ꠢꠇ꠆ꠇꠟꠐꠤ ꠛꠣꠞꠦ ꠙꠠꠤ ꠞꠁꠍꠦ।