ইঞ্জিল ১৩: ১-থিষল: 4:12 - Siloṭi Asmani Kitab (Nagri lipi)

¹² ꠔꠦꠃ ꠛꠣꠁꠞꠣ ꠝꠣꠘꠡꠞ ꠌꠈꠥꠔ ꠔꠥꠝꠞꠣꠞ ꠌꠣꠟ-ꠌꠟꠘ ꠜꠖ꠆ꠞ ꠅꠁꠛ, ꠀꠞ ꠅꠁꠘ꠆ꠘ ꠎꠘꠞ ꠞꠥꠎꠤꠞ ꠃꠙꠞꠦ ꠔꠥꠝꠞꠣꠞ ꠜꠞꠡꠣ ꠇꠞꠣ ꠟꠣꠉꠔ ꠘꠣꠄ।

ছিলটি আছমানি কিতাব (বাংলা লিপি)

¹² তেউ বাইরা মানষর চখুত তুমরার চাল-চলন ভদ্র অইবো, আর অইন্য জনর রুজির উপরে তুমরার ভরসা করা লাগতো নায়।

Siloṭi Asmani Kitab (Latin lipi)

¹² Teu baira manshor sokut tumrar sal-cholon bodro oibo, ar oinno zonor ruzir ufre tumrar borosha ḳora lagto nae.

ইঞ্জিল ১৩: ১-থিষল: 4:12 Iomraidhean Croise

Injil 2: Markus 4:11

ꠁꠍꠣꠄ ꠎꠥꠀꠙ ꠖꠤꠟꠣ, “ꠀꠟ꠆ꠟꠣꠞ ꠛꠣꠖꠡꠣꠁꠞ ꠉꠥꠙꠘ ꠞꠢꠁꠡ꠆ꠡ ꠎꠣꠘꠣꠞ ꠡꠥꠎꠥꠉ ꠔꠥꠝꠞꠣꠞꠦ ꠖꠦꠅꠀ ꠅꠁꠍꠦ, ꠅꠁꠟꠦ ꠛꠣꠁꠞꠣ ꠝꠣꠘꠡꠞ ꠉꠦꠍꠦ ꠇꠤꠌ꠆ꠍꠣꠞ ꠝꠣꠎꠖꠤ ꠇꠅꠀ ꠅꠁꠍꠦ।

Injil 6: Ruman 12:17

ꠈꠣꠞꠣꠙꠤꠞ ꠛꠖꠟꠣ ꠢꠤꠡꠣꠛꠦ ꠇꠦꠃꠞꠞ ꠈꠣꠞꠣꠙꠤ ꠇꠞꠤꠅ ꠘꠣ, ꠢꠇꠟ ꠝꠣꠘꠡꠦ ꠎꠦꠔꠣꠞꠦ ꠜꠣꠟꠣ ꠝꠘꠅ ꠇꠞꠂꠘ, ꠔꠥꠝꠞꠣ ꠌꠤꠘ꠆ꠔꠣ-ꠜꠣꠛꠘꠣ ꠇꠞꠤꠀ ꠅꠔꠣꠃ ꠇꠞꠅ।

Injil 6: Ruman 13:13

ꠢꠂ-ꠢꠥꠟ꠆ꠟꠣ ꠇꠞꠤ ꠝꠖ ꠈꠣꠁꠀ ꠐꠣꠟ ꠅꠀ, ꠎꠤꠘꠣ-ꠛꠖꠝꠣꠁꠡꠤ ꠛꠣ ꠝꠘꠉꠠꠣ ꠌꠟꠣ, ꠁꠋꠡꠣ ꠀꠞ ꠇꠣꠁꠎ꠆ꠎꠣ-ꠚꠍꠣꠖ ꠛꠣꠖ ꠖꠤꠀ, ꠀꠅ, ꠀꠝꠞꠣ ꠖꠤꠘꠞ ꠚꠞꠦ ꠌꠟꠞꠣ ꠝꠣꠘꠡꠞ ꠟꠣꠈꠣꠘ ꠌꠟꠤ।

Injil 10: Ifisia 4:28

ꠌꠥꠞꠦ ꠔꠣꠞ ꠌꠥꠞꠤ ꠇꠞꠣ ꠛꠣꠖ ꠖꠦꠃꠇ, ꠘꠤꠎꠞ ꠀꠔꠦ ꠢꠣꠟꠣꠟ ꠙꠕꠦ ꠝꠦꠘꠔ ꠇꠞꠤꠀ ꠈꠣꠘꠣ ꠈꠣꠃꠇ, ꠎꠣꠔꠦ ꠔꠣꠞ ꠈꠣꠅꠀ-ꠚꠤꠘ꠆ꠖꠣꠞ ꠛꠣꠖꠦꠅ ꠉꠞꠤꠛ-ꠖꠥꠈꠤꠞꠦ ꠖꠤꠛꠣꠞ ꠟꠣꠉꠤ ꠇꠤꠍꠥ ꠎꠝꠣ ꠞꠄ।

Injil 11: Filifia 4:8

ꠅ ꠜꠣꠁ ꠅꠇꠟ, ꠀꠝꠤ ꠢꠦꠡ-ꠝꠦꠡ ꠇꠁꠞꠣꠝ, ꠎꠦꠔꠣ ꠢꠣꠍꠣ, ꠎꠦꠔꠣ ꠃꠙꠎꠥꠇ꠆ꠔ, ꠢꠇ, ꠈꠣꠐꠤ, ꠡꠥꠘ꠆ꠖꠞ, ꠀꠞ ꠁꠎ꠆ꠎꠔ ꠙꠣꠅꠀꠞ ꠎꠥꠇꠣ, ꠝꠣꠘꠤ ꠎꠦꠔꠣ ꠜꠣꠟꠣ ꠀꠞ ꠎꠦꠔꠣꠄ ꠔꠣꠞꠤꠚ ꠅꠄ, ꠅꠃ ꠟꠣꠈꠣꠘ ꠛꠦꠙꠣꠞꠦ ꠔꠥꠝꠞꠣ ꠈꠤꠀꠟꠤ ꠅꠅ।

Injil 12: Kolosia 4:5

ꠀꠟ-ꠝꠍꠤꠞ ꠔꠞꠤꠇꠣꠞ ꠛꠣꠁꠞꠞ ꠝꠣꠘꠡꠞ ꠟꠉꠦ ꠀꠈꠟ ꠈꠣꠐꠣꠁꠀ ꠌꠟꠤꠅ, ꠀꠞ ꠔꠛꠟꠤꠉ ꠇꠞꠣꠞ ꠢꠇ꠆ꠇꠟ ꠡꠥꠎꠥꠉ ꠇꠣꠝꠅ ꠟꠣꠉꠣꠁꠅ।

ইঞ্জিল ১৩: ১-থিষল: 5:22

ꠀꠞ ꠢꠇꠟ ꠘꠝꠥꠘꠣꠞ ꠘꠣꠚꠞꠝꠣꠘꠤ ꠕꠣꠇꠤ ꠢꠞꠤꠀ ꠞꠁꠅ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:7

ꠎꠝꠣꠔꠞ ꠛꠣꠁꠞꠞ ꠝꠣꠘꠡꠞ ꠉꠦꠍꠦ ꠔꠣꠘ ꠡꠥꠘꠣꠝ ꠕꠣꠇꠣ ꠖꠞꠇꠣꠞ, ꠎꠣꠔꠦ ꠀꠈꠔꠣ ꠇꠥꠘꠥ ꠛꠖꠘꠣꠝꠞ ꠜꠣꠉꠤ ꠘꠣ ꠅꠁꠘ ꠀꠞ ꠁꠛꠟꠤꠍꠞ ꠚꠣꠘ꠆ꠖꠅ ꠘꠣ ꠙꠠꠂꠘ।

ꠁꠘ꠆ꠎꠤꠟ ২১: ১-ꠙꠤꠔꠞ 2:12

ꠎꠦꠞꠣ ꠀꠟ꠆ꠟꠣꠞꠦ ꠌꠤꠘꠦ ꠘꠣ, ꠔꠣꠞꠣꠞ ꠝꠣꠎꠦ ꠔꠥꠝꠞꠣ ꠢꠇ ꠙꠕꠦ ꠌꠟꠅ। ꠔꠦꠃ ꠔꠣꠞꠣ ꠔꠥꠝꠞꠣꠞꠦ ꠖꠥꠡꠤ ꠇꠁꠀ ꠘꠤꠘ꠆ꠖꠣ ꠇꠞꠟꠦꠅ, ꠔꠥꠝꠞꠣꠞ ꠢꠇꠟ ꠜꠣꠟꠣ ꠇꠣꠝ ꠖꠦꠈꠤꠀ ꠇꠤꠀꠝꠔꠞ ꠖꠤꠘ ꠀꠟ꠆ꠟꠣꠞ ꠉꠃꠞꠛ ꠇꠞꠛ।

ꠁꠘ꠆ꠎꠤꠟ ২১: ১-ꠙꠤꠔꠞ 3:1

ꠅꠟꠣꠈꠣꠘ, ꠎꠣꠝꠣꠁꠞ ꠊꠞꠞ ꠢꠇꠟ ꠛꠃꠀꠁꠘ꠆ꠔꠞꠦ ꠇꠁꠞꠣꠝ, ꠔꠥꠝꠞꠣ ꠎꠣꠞꠎꠤꠞ ꠎꠣꠝꠣꠁꠞ ꠇꠕꠣꠄ ꠌꠟꠅ। ꠎꠥꠖꠤꠅ ꠇꠥꠘꠥ ꠇꠥꠘꠥ ꠎꠣꠝꠣꠁꠄ ꠀꠟ꠆ꠟꠣꠞ ꠇꠣꠟꠣꠝꠞꠦ ꠖꠣꠝ ꠖꠦꠄ ꠘꠣ, ꠔꠣ-ꠅ ꠔꠥꠝꠞꠣꠞ ꠌꠣꠟ-ꠌꠟꠘꠦ ꠎꠣꠘꠥ ꠔꠣꠞꠣꠞꠦ ꠀꠟ-ꠝꠍꠤꠞ ꠛꠣꠄ ꠐꠣꠘꠤꠀ ꠀꠘꠦ। ꠔꠦꠃ ꠁ ꠛꠦꠙꠣꠞꠦ ꠔꠥꠝꠞꠣꠞ ꠄꠇꠈꠣꠘ ꠇꠕꠣꠅ ꠝꠣꠔꠣ ꠟꠣꠉꠔ ꠘꠣꠄ।