ইঞ্জিল ১৩: ১-থিষল: 4:10 - Siloṭi Asmani Kitab (Nagri lipi)

¹⁰ ꠀꠞ ꠢꠣꠍꠣꠃ ꠔꠥꠝꠞꠣ ꠀꠡ꠆ꠔꠣ ꠝꠣꠇꠤꠖꠘꠤꠀ ꠖꠦꠡꠞ ꠜꠣꠁ-ꠛꠁꠘꠞꠦ ꠅꠃꠟꠣ ꠝꠣꠄꠀ ꠇꠞꠞꠣꠄ। ꠅꠁꠟꠦ ꠀꠝꠞꠣꠞ ꠈꠣꠍ ꠅꠘꠥꠞꠥꠗ ꠅꠁꠟ, ꠔꠥꠝꠞꠣꠞ ꠁ ꠝꠢꠛ꠆ꠛꠔ ꠎꠣꠘꠥ ꠖꠤꠘꠦ ꠖꠤꠘꠦ ꠀꠞꠅ ꠛꠣꠠꠦ।

ছিলটি আছমানি কিতাব (বাংলা লিপি)

¹⁰ আর হাছাউ তুমরা আস্তা মাকিদনিয়া দেশর ভাই-বইনরে অউলা মায়া কররায়। অইলে আমরার খাছ অনুরোধ অইলো, তুমরার ই মহব্বত যানু দিনে দিনে আরো বাড়ে।

Siloṭi Asmani Kitab (Latin lipi)

¹⁰ Ar hasau tumra asta Makidonia deshor bai-boinre oula maya ḳorrae. Oile amrar ḳas onurud oilo, tumrar i mohobbot zanu dine dine aro baṛe.

ইঞ্জিল ১৩: ১-থিষল: 4:10 Iomraidhean Croise

Injil 6: Ruman 15:26

ꠢꠤꠘꠅ ꠅꠜꠣꠛ-ꠅꠘꠐꠘꠞ ꠝꠣꠎꠦ ꠀꠟ꠆ꠟꠣꠞ ꠎꠦ ꠛꠘ꠆ꠖꠣ ꠅꠇꠟ ꠀꠍꠂꠘ, ꠔꠣꠞꠣꠞ ꠉꠦꠍꠦ ꠛꠣꠐꠤꠀ ꠖꠤꠛꠣꠞ ꠟꠣꠉꠤ ꠝꠣꠇꠤꠖꠘꠤꠀ ꠀꠞ ꠉ꠆ꠞꠤꠍ ꠖꠦꠡꠞ ꠎꠝꠣꠔ ꠅꠇꠟꠦ ꠇꠤꠍꠥ ꠡꠣꠁꠎ꠆ꠎ ꠔꠥꠟꠍꠂꠘ।

Injil 10: Ifisia 1:15

ꠔꠦ ꠢꠎꠞꠔ ꠁꠍꠣꠞ ꠃꠙꠞꠦ ꠀꠙꠘꠣꠞꠣ ꠁꠝꠣꠘ ꠀꠘꠍꠂꠘ ꠀꠞ ꠀꠟ꠆ꠟꠣꠞ ꠢꠇꠟ ꠛꠘ꠆ꠖꠣꠞꠦꠃ ꠀꠙꠘꠣꠞꠣ ꠝꠣꠄꠀ-ꠝꠢꠛ꠆ꠛꠔ ꠇꠞꠞꠣ, ꠅꠃ ꠈꠛꠞ ꠀꠝꠤ ꠎꠦꠛꠟꠣ ꠢꠥꠘꠟꠣꠝ,

Injil 11: Filifia 1:9

ꠀꠝꠤ ꠖꠥꠀ ꠇꠞꠤ, ꠔꠥꠝꠞꠣꠞ ꠝꠢꠛ꠆ꠛꠔ ꠎꠣꠘꠥ ꠇꠣꠝꠤꠟ ꠛꠤꠛꠦꠇ ꠀꠞ ꠀꠈꠟꠦ ꠖꠤꠘ ꠖꠤꠘ ꠛꠣꠠꠦ।

ইঞ্জিল ১৩: ১-থিষল: 1:7

ꠅꠃꠟꠣ ꠌꠟꠤꠀ ꠔꠥꠝꠞꠣ ꠝꠣꠇꠤꠖꠘꠤꠀ ꠀꠞ ꠉ꠆ꠞꠤꠍ ꠖꠦꠡꠞ ꠝꠥꠝꠤꠘ ꠅꠇꠟꠞ ꠉꠦꠍꠦ ꠄꠇ ꠘꠤꠡꠣꠘꠣ ꠅꠁꠉꠦꠍ।

ইঞ্জিল ১৩: ১-থিষল: 3:12

ꠀꠝꠞꠣ ꠎꠦꠟꠣ ꠔꠥꠝꠞꠣꠞ ꠛꠣꠄ ꠝꠣꠄꠀ-ꠝꠢꠛ꠆ꠛꠔꠞ ꠝꠣꠎꠦ ꠒꠥꠛꠤ ꠉꠦꠍꠤ, ꠑꠤꠇ ꠅꠃꠟꠣ ꠝꠣꠟꠤꠇ ꠁꠍꠣꠄ ꠔꠥꠝꠞꠣꠞꠦꠅ ꠄꠇꠦ-ꠅꠁꠘ꠆ꠘꠦ, ꠀꠞ ꠢꠇꠟꠞ ꠛꠣꠄ ꠝꠣꠄꠀ-ꠝꠢꠛ꠆ꠛꠔꠦ ꠢꠣꠛꠥꠒꠥꠛꠥ ꠈꠣꠅꠀꠃꠇ꠆ꠇꠣ।

ইঞ্জিল ১৩: ১-থিষল: 4:1

ꠅ ꠜꠣꠁꠀꠁꠘ ꠢꠥꠘꠅ, ꠀꠟ꠆ꠟꠣꠞꠦ ꠈꠥꠡꠤ ꠇꠞꠣꠞ ꠟꠣꠉꠤ ꠇꠦꠝꠘꠦ ꠎꠤꠘ꠆ꠖꠦꠉꠤ ꠇꠣꠐꠣꠘꠤ ꠟꠣꠉꠦ, ꠁ ꠔꠣꠟꠤꠝ ꠔ ꠔꠥꠝꠞꠣ ꠀꠝꠞꠣꠞ ꠉꠦꠍ ꠕꠣꠇꠤ ꠀꠉꠦꠃ ꠙꠣꠁꠍ ꠀꠞ ꠔꠥꠝꠞꠣ ꠅꠟꠣ ꠌꠟꠞꠣꠄꠅ। ꠄꠞꠛꠣꠖꠦꠅ ꠢꠎꠞꠔ ꠁꠍꠣꠞ ꠅꠁꠀ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ ꠀꠞ ꠢꠥꠡꠤꠀꠞ ꠇꠞꠤꠀꠞ, ꠔꠥꠝꠞꠣ ꠎꠦꠟꠣ ꠌꠟꠞꠣꠄ, ꠅꠃꠟꠣ ꠀꠞꠅ ꠛꠦꠡ ꠇꠞꠤ ꠌꠟꠅ।

ইঞ্জিল ১৪: ২-থিষল: 1:3

ꠜꠣꠁ ꠅꠇꠟ, ꠀꠝꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠣ ꠎꠞꠥꠞ। ꠔꠥꠝꠞꠣꠞ ꠁꠝꠣꠘꠤ ꠛꠟ ꠛꠃꠔ ꠛꠣꠠꠦꠞ ꠀꠞ ꠄꠇꠦ-ꠅꠁꠘ꠆ꠘꠦ ꠝꠣꠄꠀ-ꠝꠢꠛ꠆ꠛꠔꠅ ꠛꠣꠁꠀ ꠙꠠꠦꠞ, ꠄꠞꠟꠣꠉꠤ ꠀꠝꠞꠣ ꠡꠥꠇꠞꠤꠀ ꠀꠖꠣꠄ ꠇꠞꠣ ꠖꠞꠇꠣꠞ।

ইঞ্জিল ১৪: ২-থিষল: 3:4

ꠝꠣꠟꠤꠇꠞ ꠃꠙꠞꠦ ꠁꠝꠣꠘ ꠀꠘꠍ ꠇꠞꠤ ꠔꠥꠝꠞꠣꠞ ꠃꠙꠞꠦ ꠀꠝꠞꠣꠞ ꠁ ꠄꠇꠤꠘ ꠀꠍꠦ, ꠀꠝꠞꠣ ꠎꠦꠟꠣ ꠢꠥꠇꠥꠝ ꠖꠤꠍꠤ, ꠔꠥꠝꠞꠣ ꠑꠤꠇ ꠅꠃ ꠟꠣꠈꠣꠘ ꠇꠣꠝ ꠇꠞꠞꠣꠄ ꠀꠞ ꠇꠞꠣꠔ ꠞꠁꠛꠣꠄꠅ।

ꠁꠘ꠆ꠎꠤꠟ ২২: ২-ꠙꠤꠔꠞ 3:18

ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠞꠢꠝꠔꠦ ꠀꠞ ꠔꠣꠘꠞꠦ ꠌꠤꠘꠣꠞ ꠔꠣꠇ꠆ꠇꠔꠦ ꠛꠣꠠꠤꠀ ꠃꠑꠅ। ꠅꠈꠘ ꠀꠞ ꠢꠞ-ꠢꠣꠝꠦꠡꠣ ꠔꠣꠘ ꠝꠢꠤꠝꠣ ꠎꠣꠞꠤ ꠞꠃꠇ। ꠀꠝꠤꠘ॥