ইঞ্জিল ১৩: ১-থিষল: 4:1 - Siloṭi Asmani Kitab (Nagri lipi)

¹ ꠅ ꠜꠣꠁꠀꠁꠘ ꠢꠥꠘꠅ, ꠀꠟ꠆ꠟꠣꠞꠦ ꠈꠥꠡꠤ ꠇꠞꠣꠞ ꠟꠣꠉꠤ ꠇꠦꠝꠘꠦ ꠎꠤꠘ꠆ꠖꠦꠉꠤ ꠇꠣꠐꠣꠘꠤ ꠟꠣꠉꠦ, ꠁ ꠔꠣꠟꠤꠝ ꠔ ꠔꠥꠝꠞꠣ ꠀꠝꠞꠣꠞ ꠉꠦꠍ ꠕꠣꠇꠤ ꠀꠉꠦꠃ ꠙꠣꠁꠍ ꠀꠞ ꠔꠥꠝꠞꠣ ꠅꠟꠣ ꠌꠟꠞꠣꠄꠅ। ꠄꠞꠛꠣꠖꠦꠅ ꠢꠎꠞꠔ ꠁꠍꠣꠞ ꠅꠁꠀ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ ꠀꠞ ꠢꠥꠡꠤꠀꠞ ꠇꠞꠤꠀꠞ, ꠔꠥꠝꠞꠣ ꠎꠦꠟꠣ ꠌꠟꠞꠣꠄ, ꠅꠃꠟꠣ ꠀꠞꠅ ꠛꠦꠡ ꠇꠞꠤ ꠌꠟꠅ।

ছিলটি আছমানি কিতাব (বাংলা লিপি)

¹ ও ভাইয়াইন হুনো, আল্লারে খুশি করার লাগি কেমনে জিন্দেগি কাটানি লাগে, ই তালিম তো তুমরা আমরার গেছ থাকি আগেউ পাইছো আর তুমরা অলা চলরায়ও। এরবাদেও হজরত ইছার অইয়া তুমরারে মিনত করিয়ার আর হুশিয়ার করিয়ার, তুমরা যেলা চলরায়, অউলা আরো বেশ করি চলো।

Siloṭi Asmani Kitab (Latin lipi)

¹ O baiain huno, Allare kushi korar lagi kemne zindegi kaṭani lage, i talim to tumra amrar ges taki age-u faiso ar tumra ola solrae-o. Erbade-o Hozrot Isar oia tumrare minot ḳoriar ar hushiar ḳoriar, tumra zela solrae, oula aro besh ḳori solo.

ইঞ্জিল ১৩: ১-থিষল: 4:1 Iomraidhean Croise

Injil 4: Hannan 15:2

ꠀꠝꠣꠞ ꠎꠦꠔꠣ ꠒꠣꠟꠣꠁꠘ꠆ꠔꠅ ꠚꠟ ꠗꠞꠦ ꠘꠣ, ꠔꠣꠁꠘ ꠁꠔꠣꠞꠦ ꠇꠣꠐꠤꠀ ꠚꠣꠟꠣꠁ ꠖꠦꠁꠘ। ꠀꠞ ꠎꠦꠔꠣ ꠒꠣꠟꠣꠁꠘ꠆ꠔꠅ ꠚꠟ ꠗꠞꠦ, ꠔꠣꠁꠘ ꠁꠔꠣꠞꠦ ꠍꠣꠐꠤꠀ ꠍꠣꠚ-ꠍꠥꠔꠞꠣ ꠇꠞꠤ ꠞꠣꠈꠂꠘ, ꠎꠣꠔꠦ ꠀꠞꠅ ꠛꠦꠡꠤ ꠚꠟ ꠗꠞꠦ।

Injil 5: Sahabi Nama 20:27

ꠀꠝꠤ ꠀꠟ꠆ꠟꠣ ꠙꠣꠇꠞ ꠢꠇꠟ ꠟꠣꠈꠣꠘ ꠝꠞ꠆ꠎꠤꠞ ꠇꠕꠣ ꠀꠙꠘꠣꠁꠘ꠆ꠔꠞ ꠉꠦꠍꠦ ꠛꠄꠀꠘ ꠇꠞꠔꠦ ꠈꠞꠦꠖꠤ ꠉꠦꠍꠤ ꠘꠣ।

Injil 6: Ruman 8:8

ꠄꠞꠟꠣꠉꠤꠃ ꠎꠦꠔꠣ ꠝꠣꠘꠥꠡ ꠡꠞꠤꠟꠞ ꠛꠖ ꠈꠣꠁꠡꠞ ꠀꠅꠔꠣꠄ ꠌꠟꠂꠘ, ꠔꠣꠞꠣ ꠀꠟ꠆ꠟꠣꠞꠦ ꠈꠥꠡꠤ ꠇꠞꠔꠣ ꠙꠣꠞꠂꠘ ꠘꠣ।

Injil 7: 1-Korintia 11:23

ꠀꠍꠟꠦ ꠀꠝꠤ ꠝꠣꠟꠤꠇ ꠁꠍꠣꠞ ꠉꠦꠍ ꠕꠣꠇꠤ ꠎꠦ ꠔꠣꠟꠤꠝ ꠙꠣꠁꠍꠤ, ꠅꠃ ꠔꠣꠟꠤꠝꠃ ꠀꠝꠤ ꠔꠥꠝꠞꠣꠞꠦ ꠖꠤꠍꠤ। ꠝꠣꠟꠤꠇ ꠁꠍꠣꠞꠦ ꠎꠦ ꠞꠣꠁꠔ ꠖꠥꠡꠝꠘꠞ ꠀꠔꠅ ꠗꠞꠣꠁ ꠖꠦꠅꠀ ꠅꠁꠍꠤꠟ, ꠢꠃ ꠞꠣꠁꠔ ꠔꠣꠁꠘ ꠈꠣꠘꠤꠞ ꠞꠥꠐꠤ ꠀꠔꠅ ꠟꠁꠟꠣ,

Injil 7: 1-Korintia 15:1

ꠅ ꠝꠥꠝꠤꠘ ꠜꠣꠁ ꠅꠇꠟ, ꠀꠝꠤ ꠀꠉꠦ ꠎꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠍꠤꠟꠣꠝ, ꠢꠃ ꠇꠕꠣ ꠅꠈꠘ ꠁꠀꠖ ꠇꠞꠣꠁ ꠖꠤꠞꠣꠝ। ꠔꠥꠝꠞꠣ ꠔ ꠁꠔꠣ ꠇꠛꠥꠟ ꠇꠞꠍꠟꠣꠄ ꠀꠞ ꠁꠝꠣꠘꠦ ꠐꠤꠇꠤꠀꠅ ꠞꠁꠍ।

Injil 7: 1-Korintia 15:58

ꠔꠦ, ꠅ ꠀꠝꠣꠞ ꠝꠣꠄꠀꠞ ꠜꠣꠁꠀꠁꠘ, ꠔꠥꠝꠞꠣ ꠁꠝꠣꠘꠦ ꠝꠎꠛꠥꠔ ꠅꠅ, ꠎꠣꠔꠦ ꠇꠥꠘ꠆ꠔꠣꠄ ꠔꠥꠝꠞꠣꠞꠦ ꠀꠟꠣꠁꠔ ꠘꠣ ꠙꠣꠞꠦ। ꠝꠣꠟꠤꠇꠞ ꠈꠦꠎꠝꠔꠞ ꠟꠣꠉꠤ ꠘꠤꠎꠞꠦ ꠢꠞ-ꠢꠣꠝꠦꠡꠣ ꠙꠥꠞꠣꠙꠥꠞ ꠛꠤꠟꠣꠁ ꠖꠦꠅ, ꠔꠥꠝꠞꠣ ꠔ ꠎꠣꠘ, ꠔꠣꠘ ꠟꠣꠉꠤ ꠝꠦꠘꠔ ꠇꠞꠟꠦ ꠁ ꠝꠦꠘꠔ ꠇꠥꠘꠥꠝꠘ꠆ꠔꠦꠃ ꠛꠦꠇꠣꠝꠣ ꠎꠣꠄ ꠘꠣ।

Injil 8: 2-Korintia 10:1

ꠅ ꠝꠥꠝꠤꠘ ꠜꠣꠁꠀꠁꠘ, ꠀꠟ-ꠝꠍꠤꠞ ꠘꠞꠝ ꠀꠞ ꠖꠄꠀꠟꠥ ꠜꠣꠛꠞ ꠇꠕꠣ ꠁꠀꠖ ꠇꠞꠤꠀ, ꠀꠝꠤ ꠙꠣꠃꠟꠥꠍꠦ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ, ꠝꠣꠘꠡꠦ ꠇꠂꠘ, ꠀꠝꠤ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠞꠁ, ꠅꠃ ꠡꠝꠄ ꠀꠝꠤ ꠛꠥꠟꠦ ꠒꠞꠣꠁ ꠒꠞꠣꠁ ꠕꠣꠇꠤ, ꠀꠞ ꠢꠞꠤꠀ ꠉꠤꠀ ꠢꠣꠞꠟꠦ ꠡꠣꠅꠡꠤ ꠅꠁꠎꠣꠁ।

Injil 8: 2-Korintia 13:11

ꠅ ꠜꠣꠁ ꠅꠇꠟ, ꠢꠦꠡ-ꠝꠦꠡ ꠇꠁꠞꠣꠝ, ꠔꠥꠝꠞꠣ ꠈꠥꠡꠤ-ꠛꠣꠡꠤ ꠇꠞꠅ, ꠘꠤꠎꠞꠦ ꠇꠣꠝꠤꠟ ꠛꠣꠘꠣꠅ, ꠄꠇꠦ-ꠅꠁꠘ꠆ꠘꠞꠦ ꠘꠍꠤꠅꠔ ꠇꠞꠅ, ꠄꠇꠁ ꠝꠘꠜꠣꠛꠦ ꠞꠅ, ꠡꠣꠘ꠆ꠔꠤꠄ ꠛꠡꠔ ꠇꠞꠅ। ꠔꠦꠃ ꠡꠣꠘ꠆ꠔꠤꠞ ꠀꠞ ꠝꠢꠛ꠆ꠛꠔꠞ ꠀꠟ꠆ꠟꠣꠅ ꠔꠥꠝꠞꠣꠞ ꠟꠉꠦ ꠟꠉꠦ ꠞꠁꠛꠣ।

Injil 8: 2-Korintia 5:9

ꠄꠞꠟꠣꠉꠤ ꠀꠝꠞꠣ ꠡꠞꠤꠟꠞ ꠝꠣꠎꠦ ꠕꠣꠇꠤ ꠛꠣ ꠘꠣ ꠕꠣꠇꠤ, ꠀꠝꠞꠣꠞ ꠘꠤꠅꠔ ꠅꠁꠟ ꠝꠣꠟꠤꠇꠞꠦ ꠈꠥꠡꠤ ꠇꠞꠣ।

Injil 8: 2-Korintia 6:1

ꠀꠟ꠆ꠟꠣꠞ ꠈꠣꠖꠤꠝ ꠢꠤꠡꠣꠛꠦ ꠀꠝꠞꠣ ꠅꠃ ꠝꠤꠘꠔ ꠇꠞꠤꠀꠞ, ꠔꠥꠝꠞꠣ ꠎꠦꠛꠟꠣ ꠀꠟ꠆ꠟꠣꠞ ꠞꠢꠝꠔ ꠙꠣꠁꠍ, ꠔꠦ ꠁꠇꠐꠣꠞꠦ ꠛꠤꠚꠟ ꠅꠁꠔꠦ ꠖꠤꠅ ꠘꠣ।

Injil 9: Galatia 6:1

ꠅ ꠜꠣꠁ ꠅꠇꠟ, ꠎꠝꠣꠔꠞ ꠇꠦꠃ ꠎꠥꠖꠤ ꠀꠈꠔꠣ ꠇꠥꠘꠥ ꠉꠥꠘꠣꠞ ꠚꠣꠘ꠆ꠖꠅ ꠙꠠꠤꠎꠣꠄ, ꠔꠦ ꠔꠥꠝꠞꠣ ꠎꠦꠞꠣ ꠙꠣꠇ ꠞꠥꠢꠦ ꠎꠤꠘ꠆ꠖꠦꠉꠤ ꠇꠣꠐꠣꠁꠞꠣꠄ, ꠔꠥꠝꠞꠣ ꠔꠣꠞꠦ ꠔꠥꠟꠤꠀ ꠀꠘꠤꠅ। ꠀꠞ ꠈꠥꠛ ꠘꠞꠝ ꠖꠤꠟꠦ ꠁ ꠇꠣꠝ ꠇꠞꠤꠅ, ꠘꠤꠎꠞ ꠛꠦꠙꠣꠞꠦꠅ ꠢꠥꠡꠤꠀꠞ ꠞꠁꠅ, ꠎꠣꠔꠦ ꠘꠤꠎꠦꠅ ꠚꠣꠘ꠆ꠖꠅ ꠘꠣ ꠙꠠ।

Injil 10: Ifisia 4:1

ꠀꠝꠣꠞ ꠝꠣꠟꠤꠇ ꠀꠟ-ꠝꠍꠤꠞ ꠟꠣꠉꠤ ꠀꠝꠤ ꠎꠦꠟꠅ ꠛꠘ꠆ꠖꠤ ꠀꠍꠤ। ꠅꠃ ꠛꠘ꠆ꠖꠤ ꠢꠣꠟꠔꠦ ꠀꠝꠤ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ, ꠎꠦ ꠇꠣꠝꠞ ꠟꠣꠉꠤ ꠀꠟ꠆ꠟꠣꠄ ꠔꠥꠝꠞꠣꠞꠦ ꠖꠣꠅꠔ ꠖꠤꠍꠂꠘ, ꠔꠥꠝꠞꠣ ꠄꠞ ꠃꠙꠎꠥꠇ꠆ꠔ ꠅꠁꠀ ꠌꠟ।

Injil 10: Ifisia 4:20

ꠅꠁꠟꠦ ꠔꠥꠝꠞꠣ ꠔ ꠀꠟ-ꠝꠍꠤꠞ ꠛꠦꠙꠣꠞꠦ ꠁꠟꠣꠈꠣꠘ ꠔꠣꠟꠤꠝ ꠙꠣꠁꠍ ꠘꠣ।

Injil 10: Ifisia 5:17

ꠄꠞꠟꠣꠉꠤꠃ ꠇꠁꠞꠣꠝ, ꠔꠥꠝꠞꠣ ꠛꠦꠀꠈꠟ ꠛꠘꠤꠅ ꠘꠣ, ꠛꠞꠋ ꠝꠣꠟꠤꠇꠞ ꠝꠞ꠆ꠎꠤꠞꠦ ꠛꠥꠎꠅ।

Injil 11: Filifia 1:27

ꠀꠍꠟ ꠛꠦꠙꠣꠞ ꠅꠁꠟ, ꠔꠥꠝꠞꠣ ꠎꠣꠞꠎꠤꠞ ꠎꠤꠘ꠆ꠖꠦꠉꠤꠞꠦ ꠅꠃ ꠘꠝꠥꠘꠣꠄ ꠇꠣꠐꠣꠅ, ꠎꠦ ꠎꠤꠘ꠆ꠖꠦꠉꠤ ꠀꠟ-ꠝꠍꠤꠞ ꠈꠥꠡ-ꠈꠛꠞꠤꠞ ꠟꠣꠈ। ꠔꠦꠃ ꠀꠝꠤ ꠘꠤꠎꠦ ꠀꠁꠀ ꠖꠦꠈꠤ ꠛꠣ ꠖꠥꠞꠁ ꠕꠣꠇꠤ ꠢꠥꠘꠤ, ꠀꠝꠤ ꠛꠥꠎꠝꠥ, ꠔꠥꠝꠞꠣ ꠖꠤꠟꠦ-ꠎꠣꠘꠦ ꠝꠤꠟꠤꠀ ꠝꠎꠛꠥꠔ ꠀꠍ। ꠀꠞ ꠈꠥꠡ-ꠈꠛꠞꠤꠞ ꠝꠣꠎꠖꠤ ꠎꠦ ꠁꠝꠣꠘ ꠙꠄꠖꠣ ꠅꠄ, ꠅꠃ ꠁꠝꠣꠘꠞ ꠟꠣꠉꠤ ꠢꠇꠟꠦ ꠝꠤꠟꠤꠀ ꠄꠇ ꠖꠤꠟꠦ ꠝꠦꠘꠔ ꠇꠞꠞꠣꠄ।

Injil 11: Filifia 1:9

ꠀꠝꠤ ꠖꠥꠀ ꠇꠞꠤ, ꠔꠥꠝꠞꠣꠞ ꠝꠢꠛ꠆ꠛꠔ ꠎꠣꠘꠥ ꠇꠣꠝꠤꠟ ꠛꠤꠛꠦꠇ ꠀꠞ ꠀꠈꠟꠦ ꠖꠤꠘ ꠖꠤꠘ ꠛꠣꠠꠦ।

Injil 11: Filifia 3:14

ꠖꠃꠠꠣꠁ ꠖꠃꠠꠣꠁ ꠌꠦꠡ꠆ꠐꠣ ꠇꠞꠤꠀꠞ, ꠁꠍꠣ ꠀꠟ-ꠝꠍꠤꠞ ꠎꠞꠤꠀꠄ ꠀꠟ꠆ꠟꠣ ꠙꠣꠇꠞ ꠎꠦ ꠛꠦꠢꠦꠡ꠆ꠔꠤ ꠖꠣꠅꠔ ꠀꠍꠦ, ꠙꠥꠞꠥꠡ꠆ꠇꠣꠞ ꠢꠤꠡꠣꠛꠦ ꠅꠃ ꠖꠣꠅꠔꠅ ꠢꠣꠝꠣꠁꠔꠣꠝ ꠙꠣꠞꠤ।

Injil 12: Kolosia 1:10

ꠀꠝꠞꠣ ꠀꠟ꠆ꠟꠣꠞ ꠖꠞꠛꠣꠞꠅ ꠅꠃ ꠖꠥꠀꠃ ꠇꠞꠞꠣꠝ, ꠔꠥꠝꠞꠣ ꠎꠣꠔꠦ ꠢꠇꠟ ꠛꠦꠙꠣꠞꠦ ꠀꠟ-ꠝꠍꠤꠞ ꠝꠞ꠆ꠎꠤ ꠎꠥꠉꠣꠁꠀ ꠌꠟ ꠀꠞ ꠔꠣꠘ ꠃꠙꠎꠥꠇ꠆ꠔ ꠃꠝ꠆ꠝꠔꠞ ꠟꠣꠈꠣꠘ ꠎꠤꠘ꠆ꠖꠦꠉꠤ ꠇꠣꠐꠣꠅ। ꠢꠇ ꠇꠣꠝ ꠇꠞꠤ ꠇꠞꠤ ꠚꠟꠛꠣꠘ ꠅꠅ, ꠀꠞ ꠀꠟ꠆ꠟꠣ ꠙꠣꠇꠞꠦ ꠀꠞꠅ ꠜꠣꠟꠣ ꠇꠞꠤ ꠌꠤꠘꠅ।

Injil 12: Kolosia 2:6

ꠁꠍꠣ ꠀꠟ-ꠝꠍꠤꠞꠦ ꠔꠥꠝꠞꠣ ꠝꠣꠟꠤꠇ ꠢꠤꠡꠣꠛꠦ ꠎꠦꠟꠣ ꠇꠛꠥꠟ ꠇꠞꠍ, ꠅꠃ ꠟꠣꠈꠣꠘ ꠔꠣꠘ ꠟꠉꠦ ꠞꠁꠀ ꠎꠤꠘ꠆ꠖꠦꠉꠤꠅ ꠇꠣꠐꠣꠅ।

ইঞ্জিল ১৩: ১-থিষল: 3:12

ꠀꠝꠞꠣ ꠎꠦꠟꠣ ꠔꠥꠝꠞꠣꠞ ꠛꠣꠄ ꠝꠣꠄꠀ-ꠝꠢꠛ꠆ꠛꠔꠞ ꠝꠣꠎꠦ ꠒꠥꠛꠤ ꠉꠦꠍꠤ, ꠑꠤꠇ ꠅꠃꠟꠣ ꠝꠣꠟꠤꠇ ꠁꠍꠣꠄ ꠔꠥꠝꠞꠣꠞꠦꠅ ꠄꠇꠦ-ꠅꠁꠘ꠆ꠘꠦ, ꠀꠞ ꠢꠇꠟꠞ ꠛꠣꠄ ꠝꠣꠄꠀ-ꠝꠢꠛ꠆ꠛꠔꠦ ꠢꠣꠛꠥꠒꠥꠛꠥ ꠈꠣꠅꠀꠃꠇ꠆ꠇꠣ।

ইঞ্জিল ১৩: ১-থিষল: 4:2

ꠢꠎꠞꠔ ꠁꠍꠣꠞ ꠖꠦꠅꠀ ꠄꠈꠔꠤꠀꠞꠦ ꠀꠝꠞꠣ ꠎꠦꠔꠣ ꠢꠥꠇꠥꠝ ꠖꠤꠍꠤ, ꠁꠔꠣ ꠔ ꠔꠥꠝꠞꠣꠞ ꠎꠣꠘꠣ ꠀꠍꠦ।

ইঞ্জিল ১৩: ১-থিষল: 5:12

ꠔꠦ ꠜꠣꠁꠀꠁꠘ, ꠀꠝꠞꠣ ꠝꠤꠘꠔ ꠇꠞꠤꠀ ꠇꠁꠀꠞ, ꠔꠥꠝꠞꠣꠞ ꠟꠣꠉꠤ ꠎꠦꠞꠣ ꠀꠐꠘꠤ-ꠈꠣꠐꠘꠤ ꠈꠣꠐꠂꠘ, ꠝꠣꠟꠤꠇꠞ ꠅꠁꠀ ꠔꠥꠝꠞꠣꠞꠦ ꠌꠣꠟꠣꠁꠘ ꠀꠞ ꠘꠍꠤꠅꠔ ꠇꠞꠂꠘ, ꠔꠥꠝꠞꠣ ꠄꠞꠣꠞꠦ ꠁꠎ꠆ꠎꠔ ꠇꠞꠤꠅ।

ইঞ্জিল ১৪: ২-থিষল: 1:3

ꠜꠣꠁ ꠅꠇꠟ, ꠀꠝꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠟꠣꠉꠤ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠣ ꠎꠞꠥꠞ। ꠔꠥꠝꠞꠣꠞ ꠁꠝꠣꠘꠤ ꠛꠟ ꠛꠃꠔ ꠛꠣꠠꠦꠞ ꠀꠞ ꠄꠇꠦ-ꠅꠁꠘ꠆ꠘꠦ ꠝꠣꠄꠀ-ꠝꠢꠛ꠆ꠛꠔꠅ ꠛꠣꠁꠀ ꠙꠠꠦꠞ, ꠄꠞꠟꠣꠉꠤ ꠀꠝꠞꠣ ꠡꠥꠇꠞꠤꠀ ꠀꠖꠣꠄ ꠇꠞꠣ ꠖꠞꠇꠣꠞ।

ইঞ্জিল ১৪: ২-থিষল: 2:1

ꠅ ꠜꠣꠁ ꠅꠇꠟ ꠢꠥꠘꠅ, ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤ ꠔ ꠢꠤꠞꠛꠣꠞ ꠀꠁꠛꠣ, ꠀꠁꠀ ꠀꠝꠞꠣ ꠢꠇꠟꠞꠦ ꠄꠇꠈꠣꠘꠅ ꠖꠟꠣ ꠇꠞꠤꠀ ꠔꠣꠘ ꠉꠦꠍꠦ ꠘꠤꠛꠣ। ꠔꠦ ꠅꠃ ꠛꠦꠙꠣꠞꠦ ꠔꠥꠝꠞꠣꠞꠦ ꠝꠤꠘꠔ ꠇꠞꠤ ꠇꠁꠞꠣꠝ,

ইঞ্জিল ১৪: ২-থিষল: 3:1

ꠅ ꠜꠣꠁ ꠅꠇꠟ, ꠢꠦꠡ-ꠝꠦꠡ ꠇꠁꠞꠣꠝ, ꠀꠝꠞꠣꠞ ꠟꠣꠉꠤ ꠖꠥꠀ ꠇꠞꠤꠅ, ꠢꠎꠞꠔ ꠁꠍꠣꠞ ꠈꠥꠡ-ꠈꠛꠞꠤ ꠔꠥꠝꠞꠣꠞ ꠝꠣꠎꠦ ꠎꠦꠟꠣ ꠎꠟꠖꠤ ꠎꠟꠖꠤ ꠍꠤꠔ꠆ꠞꠤꠍꠤꠟ, ꠅꠃꠟꠣ ꠎꠣꠘꠥ ꠖꠤꠘ ꠖꠤꠘ ꠍꠤꠔ꠆ꠞꠣꠔ ꠞꠄ ꠀꠞ ꠉꠃꠞꠛ ꠙꠣꠅꠀꠔ ꠞꠄ।

ইঞ্জিল ১৪: ২-থিষল: 3:13

ꠜꠣꠁꠀꠁꠘꠞꠦ, ꠘꠦꠇ ꠇꠣꠝꠅ ꠢꠦꠞꠣꠘ ꠅꠁꠅ ꠘꠣ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:21

ꠢꠥꠘꠅ, ꠀꠟ꠆ꠟꠣ ꠙꠣꠇ, ꠝꠣꠟꠤꠇ ꠁꠍꠣ ꠀꠟ-ꠝꠍꠤ, ꠀꠞ ꠀꠟ꠆ꠟꠣꠞ ꠝꠣꠄꠀꠞ ꠚꠤꠞꠤꠡ꠆ꠔꠣ ꠅꠇꠟꠞꠦ ꠡꠣꠇ꠆ꠇꠤ ꠞꠣꠈꠤꠀ ꠔꠥꠝꠣꠞꠦ ꠅꠃ ꠢꠥꠇꠥꠝ ꠖꠤꠞꠣꠝ, ꠔꠥꠝꠤ ꠘꠤꠞꠙꠇ꠆ꠇ ꠞꠁꠀ ꠁꠔꠣ ꠇꠣꠝ ꠇꠞꠤꠅ, ꠇꠦꠃꠞꠞꠦ ꠙꠞ ꠛꠣ ꠀꠙꠘ ꠝꠘꠅ ꠇꠞꠤꠅ ꠘꠣ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:1

ꠀꠝꠤ ꠀꠟ꠆ꠟꠣ ꠙꠣꠇꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠀꠞ ꠎꠦꠁꠘ ꠔꠣꠝꠣꠝ ꠎꠤꠘ꠆ꠖꠣ-ꠝꠥꠞ꠆ꠖꠣꠞ ꠛꠤꠌꠣꠞ ꠇꠞꠛꠣ, ꠢꠃ ꠁꠍꠣ ꠀꠟ-ꠝꠍꠤꠞꠦ ꠡꠣꠇ꠆ꠇꠤ ꠞꠣꠈꠤꠀ, ꠖꠥꠘꠤꠀꠔ ꠔꠣꠘ ꠖꠥꠍꠞꠣꠛꠣꠞꠞ ꠔꠡꠞꠤꠚ ꠀꠘꠣ ꠀꠞ ꠔꠣꠘ ꠛꠣꠖꠡꠣꠁꠞ ꠖꠥꠀꠁ ꠖꠤꠀ ꠔꠥꠝꠣꠞꠦ ꠅꠃ ꠇꠠꠣ ꠢꠥꠇꠥꠝ ꠖꠤꠀꠞ।

Injil 19: Ibrani 11:6

ꠅꠁꠟꠦ ꠁꠝꠣꠘ ꠍꠣꠠꠣ ꠔ ꠇꠦꠃ ꠀꠟ꠆ꠟꠣꠞꠦ ꠈꠥꠡꠤ ꠇꠞꠔ ꠙꠣꠞꠦ ꠘꠣ। ꠎꠦꠇꠥꠘꠥ ꠝꠣꠘꠥꠡ ꠀꠟ꠆ꠟꠣꠞ ꠗꠣꠞꠅ ꠎꠣꠁꠔꠦ ꠌꠣꠁꠟꠦ, ꠢꠦ ꠄꠇꠤꠘ ꠇꠞꠣ ꠟꠣꠉꠛ ꠎꠦꠘ, ꠀꠟ꠆ꠟꠣ ꠀꠍꠂꠘ, ꠀꠞ ꠎꠦꠞꠣ ꠔꠣꠘ ꠔꠣꠟ꠆ꠟꠣꠡ ꠇꠞꠦ, ꠔꠣꠁꠘ ꠄꠞꠣꠞꠦ ꠙꠥꠞꠥꠡ꠆ꠇꠣꠞ ꠖꠦꠁꠘ।

Injil 19: Ibrani 13:16

ꠘꠦꠇ ꠇꠣꠝ ꠇꠞꠣ ꠀꠞ ꠅꠜꠣꠛꠤ ꠝꠣꠘꠡꠞꠦ ꠖꠣꠘ-ꠈꠄꠞꠣꠔ ꠛꠤꠟꠣꠘꠤ ꠚꠣꠃꠞꠤꠅ ꠘꠣ, ꠇꠣꠞꠘ ꠅꠃ ꠟꠣꠈꠣꠘ ꠇꠥꠞꠛꠣꠘꠤꠄ ꠀꠟ꠆ꠟꠣ ꠙꠣꠇ ꠈꠥꠡꠤ ꠅꠁꠘ।

Injil 19: Ibrani 13:22

ꠜꠣꠁ ꠅꠇꠟ, ꠔꠥꠝꠞꠣꠞ ꠉꠦꠍꠦ ꠝꠤꠘꠔ ꠇꠞꠞꠣꠝ, ꠔꠥꠝꠞꠣ ꠛꠤꠞꠇ꠆ꠔ ꠘꠣ ꠅꠁꠀ ꠁ ꠘꠍꠤꠅꠔ ꠢꠥꠘꠅ, ꠀꠝꠤ ꠈꠥꠛ ꠡꠐꠇꠣꠐꠦ ꠟꠦꠈꠟꠣꠝ।

ꠁꠘ꠆ꠎꠤꠟ ২২: ২-ꠙꠤꠔꠞ 3:18

ꠔꠥꠝꠞꠣ ꠀꠝꠞꠣꠞ ꠝꠣꠟꠤꠇ ꠀꠞ ꠔꠞꠣꠘꠦꠀꠟꠣ ꠁꠍꠣ ꠀꠟ-ꠝꠍꠤꠞ ꠞꠢꠝꠔꠦ ꠀꠞ ꠔꠣꠘꠞꠦ ꠌꠤꠘꠣꠞ ꠔꠣꠇ꠆ꠇꠔꠦ ꠛꠣꠠꠤꠀ ꠃꠑꠅ। ꠅꠈꠘ ꠀꠞ ꠢꠞ-ꠢꠣꠝꠦꠡꠣ ꠔꠣꠘ ꠝꠢꠤꠝꠣ ꠎꠣꠞꠤ ꠞꠃꠇ। ꠀꠝꠤꠘ॥

Injil 23: 1-Hannan 3:22

ꠀꠞ ꠔꠣꠘ ꠉꠦꠍꠦ ꠀꠝꠞꠣ ꠎꠦꠔꠣ ꠝꠣꠋꠉꠤꠝꠥ, ꠁꠔꠣ ꠔꠣꠁꠘ ꠖꠤꠛꠣ। ꠇꠣꠞꠘ ꠀꠝꠞꠣ ꠔꠣꠘ ꠢꠥꠇꠥꠝ-ꠀꠢꠇꠣꠝ ꠝꠣꠘꠤꠀ ꠌꠟꠤ, ꠀꠞ ꠎꠦ ꠇꠣꠝ ꠇꠞꠟꠦ ꠔꠣꠁꠘ ꠈꠥꠡꠤ ꠅꠁꠘ, ꠈꠣꠟꠤ ꠅꠃ ꠇꠣꠝ ꠇꠞꠤ।