ইঞ্জিল ১৩: ১-থিষল: 3:9 - Siloṭi Asmani Kitab (Nagri lipi)

⁹ ꠔꠥꠝꠞꠣꠞꠦ ꠟꠁꠀ ꠀꠟ꠆ꠟꠣꠞ ꠖꠞꠛꠣꠞꠅ ꠀꠝꠞꠣ ꠎꠦ ꠈꠥꠡꠤ-ꠛꠣꠡꠤ ꠇꠞꠤꠀꠞ, ꠁꠔꠣꠞ ꠟꠣꠉꠤ ꠀꠝꠞꠣ ꠇꠤꠟꠣ ꠀꠟ꠆ꠟꠣꠞ ꠡꠥꠇꠞꠤꠀ ꠎꠣꠘꠣꠁꠔꠣꠝ, ꠎꠣꠘꠞꠣꠝ ꠘꠣ।

ছিলটি আছমানি কিতাব (বাংলা লিপি)

⁹ তুমরারে লইয়া আল্লার দরবারো আমরা যে খুশি-বাসি করিয়ার, ইতার লাগি আমরা কিলা আল্লার শুকরিয়া জানাইতাম, জানরাম না।

Siloṭi Asmani Kitab (Latin lipi)

⁹ Tumrare loia Allar dorbaro amra ze kushi-bashi koriar, itar lagi amra kila Allar shukria zanaitam, zanram na.

ইঞ্জিল ১৩: ১-থিষল: 3:9 Iomraidhean Croise

Injil 8: 2-Korintia 2:14

ꠅꠁꠟꠦ ꠀꠝꠞꠣ ꠀꠟ꠆ꠟꠣꠞ ꠡꠥꠇꠞꠤꠀ ꠎꠣꠘꠣꠁ, ꠔꠣꠁꠘ ꠀꠝꠞꠣꠞꠦ ꠢꠣꠝꠦꠡꠣ ꠀꠟ-ꠝꠍꠤꠞ ꠛꠤꠎꠄꠅꠞ ꠝꠢꠣ ꠚꠥꠞ꠆ꠔꠤꠞ ꠝꠤꠍꠤꠟꠞ ꠟꠉꠦ ꠌꠣꠟꠣꠁꠞꠣ। ꠀꠟ-ꠝꠍꠤꠞꠦ ꠌꠤꠘꠣ ꠔ ꠄꠇ ꠊꠦꠞꠣꠘꠞ ꠟꠣꠈꠣꠘ। ꠀꠟ꠆ꠟꠣꠄ ꠔꠣꠘ ꠎꠄ-ꠎꠣꠔ꠆ꠞꠣꠄ ꠅꠃ ꠊꠦꠞꠣꠘ ꠀꠝꠞꠣꠞ ꠝꠣꠎꠖꠤ ꠢꠇꠟ ꠎꠣꠉꠣꠔ ꠍꠤꠔ꠆ꠞꠣꠁ ꠖꠦꠁꠘ।

Injil 8: 2-Korintia 9:15

ꠀꠟ꠆ꠟꠣꠞ ꠎꠦ ꠖꠣꠘꠞ ꠇꠕꠣ ꠝꠥꠈꠖꠤ ꠇꠁꠀ ꠚꠥꠠꠣꠘꠤꠞ ꠡꠣꠁꠖ꠆ꠖ ꠘꠣꠁ, ꠢꠃ ꠖꠣꠘꠞ ꠟꠣꠉꠤ ꠔꠣꠘ ꠔꠣꠞꠤꠚ ꠅꠃꠇ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:18

ꠁꠔꠣ ꠈꠣꠟꠤ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠎꠣꠉꠣꠔ ꠘꠤꠀ ꠔꠣꠘ ꠍꠣꠝꠘꠦ ꠈꠣꠁꠅ। ꠔꠥꠝꠞꠣ ꠘꠤꠎꠦ, ꠔꠥꠝꠞꠣꠞ ꠙꠥꠀ-ꠙꠥꠠꠤꠘ, ꠔꠥꠝꠞꠣꠞ ꠉꠥꠟꠣꠝ-ꠛꠣꠘ꠆ꠖꠤ, ꠀꠞ ꠔꠥꠝꠞꠣꠞ ꠉꠣꠃ ꠛꠣ ꠐꠣꠃꠘꠞ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠦ ꠈꠣꠁꠛꠣ। ꠔꠥꠝꠞꠣꠞ ꠢꠇꠟ ꠘꠝꠥꠘꠣꠞ ꠇꠣꠝ-ꠇꠣꠎꠞ ꠝꠣꠎꠦ ꠘꠤꠎꠞ ꠝꠣꠛꠥꠖ ꠀꠟ꠆ꠟꠣꠞ ꠍꠣꠝꠘꠦ ꠈꠥꠡꠤ-ꠛꠣꠡꠤ ꠇꠞꠤꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:2

ꠢꠘꠞ ꠎꠔ ꠎꠣꠔꠤꠞꠦ ꠈꠦꠖꠣꠁꠀ ꠢꠣꠞꠤ ꠔꠥꠝꠞꠣ ꠖꠈꠟꠖꠣꠞꠤ ꠙꠣꠁꠞꠣꠄ, ꠔꠣꠞꠣꠞ ꠢꠥꠞꠥ-ꠛꠠ ꠢꠇꠟ ꠙꠣꠠ-ꠙꠞꠛꠔꠞ ꠃꠙꠞꠦ, ꠒꠣꠟ-ꠙꠣꠟꠣ ꠝꠦꠟꠣꠁꠟ ꠔꠞꠔꠣꠎꠣ ꠢꠇꠟ ꠉꠣꠍꠞ ꠔꠟꠦ ꠔꠣꠞꠣ ꠎꠦꠔꠣ ꠖꠦꠛ-ꠖꠦꠛꠤꠞ ꠙꠥꠎꠣ ꠇꠞꠂꠘ, ꠔꠥꠝꠞꠣ ꠁꠔꠣ ꠖꠦꠛ-ꠖꠦꠛꠤꠞ ꠀꠡ꠆ꠔꠣꠘꠣ ꠜꠣꠋꠉꠤꠀ ꠄꠇ꠆ꠇꠦꠛꠣꠞꠦ ꠌꠥꠞꠝꠣꠞ ꠇꠞꠤꠟꠣꠁꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 16:11

ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠛꠣꠄꠔꠥꠟ꠆ꠟꠣ ꠡꠞꠤꠚ ꠢꠤꠡꠣꠛꠦ ꠎꠦ ꠎꠣꠉꠣꠞꠦ ꠙꠍꠘ꠆ꠖ ꠇꠞꠛꠣ, ꠔꠥꠝꠞꠣ ꠢꠃ ꠎꠣꠉꠣꠔ ꠔꠣꠘ ꠍꠣꠝꠘꠦ ꠔꠥꠝꠞꠣꠞ ꠙꠥꠀ-ꠙꠥꠠꠤꠘ, ꠉꠥꠟꠣꠝ-ꠛꠣꠘ꠆ꠖꠤ, ꠔꠥꠝꠞꠣꠞ ꠟꠉꠦ ꠛꠡꠔ ꠇꠞꠞꠣ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠥꠡ, ꠜꠤꠘ-ꠖꠦꠡꠤ ꠅꠇꠟ, ꠄꠔꠤꠝ ꠢꠥꠞꠥꠔ꠆ꠔꠣꠁꠘ ꠀꠞ ꠠꠣꠠꠤ ꠛꠦꠐꠤꠘ, ꠢꠇ꠆ꠇꠟꠦ ꠝꠤꠟꠤꠀ ꠁꠖꠞ ꠈꠥꠡꠤ-ꠛꠣꠡꠤ ꠇꠞꠤꠅ।

ইঞ্জিল ১৩: ১-থিষল: 2:19

ꠢꠣꠍꠣꠃ ꠀꠝꠞꠣꠞ ꠝꠣꠟꠤꠇ ꠁꠍꠣꠄ ꠎꠦꠛꠟꠣ ꠔꠡꠞꠤꠚ ꠀꠘꠛꠣ, ꠅꠃ ꠡꠝꠄ ꠔꠣꠘ ꠍꠣꠝꠘꠦ ꠀꠝꠞꠣꠞ ꠀꠡꠣ, ꠀꠘꠘ꠆ꠖ ꠀꠞ ꠉꠃꠞꠛꠞ ꠎꠄꠅꠞ ꠝꠣꠟꠣ ꠢꠤꠡꠣꠛꠦ ꠇꠤꠔꠣ ꠙꠣꠁꠝꠥ? ꠁꠔꠣ ꠔ ꠔꠥꠝꠞꠣꠃ ꠘꠣꠄ ꠘꠤ?